Жаңалықтар

Ұлттық банк 5 маусымдағы кезекті отырысында базалық мөлшерлемені 16,5% деңгейінде сақтап қалуы мүмкін. Бұл туралы Halyk Finance сарапшылары өз болжамында мәлімдеді.

Экономикалық саясаттағы қайшылық

Сарапшылар еліміздің қазіргі экономикалық саясатында бір-біріне қайшы келетін факторлар бар екенін атап өтті. Ұлттық банк жоғары пайыздық мөлшерлеме арқылы инфляцияны тежеуді көздесе, Үкімет керісінше, жеңілдетілген несие арқылы экономиканы ынталандырып отыр.

«Бұл екі шара – жоғары ставка мен арзан несие – бір-біріне қайшы. Мұндай саясат қаржы және бюджет тетіктерінің тиімділігін төмендетуі мүмкін», – дейді Halyk Finance мамандары.

2024 жылдың наурызында Ұлттық банк базалық мөлшерлемені 15,25%-тен 16,5%-ке дейін көтерген...

3 маусым күні түнгі сағат 02:17-де Түркияның Мұғла провинциясындағы Мармарис ауданына жақын жерде, Жерорта теңізінің жағалауында магнитудасы 5,8 балдық жер сілкінісі тіркелді. Бұл туралы TRT Haber басылымы жазды.

Жер сілкінісі 67,91 шақырым тереңдікте тіркелген. Эпицентр Мармарис ауданынан 10,43 шақырым жерде болған. Сілкініс Мұғламен қатар Айдын, Денизли, Маниса және Измир сынды көршілес провинцияларда да сезілген.

1 бала қаза тапты, 69 адам жарақат алды

Мұғла губернаторы Идрис Акбыйықтың айтуынша, сілкініс салдарынан 69 адам медициналық көмекке жүгінген. Олардың 45-і ауруханаға жеткізілсе, 14-і оқиға орнында емделген. Бір науқас ауруханаға жатқызылған. Фетхие ауданында дүрбелең кезінде ауруханаға жеткізілген 14 жастағы...

Талдықорғандағы Шерзат сотында тараптардың жарыссөзі өтіп жатыр. 3 маусымда сотталушылар іске қатысты ойын айтты.

Сотталушы Дархан Әскентай:

Менің сол жерде болғаным, досыма хабарласқаным рас. Нұрбол досымды (біреуді) ұрып-соғу үшін, кек алу мақсатында шақырмағам. Құрметті сот, істеген іс-әрекетімді видеоматериалдан қарасаңыз, ешкімге қол көтермедім, теппедім, қолымда пышақ болмады. Мен досым Нұрболды шақырғаныма өкінемін. Жазым жағдай, аяқ асты төбелес болып кетеді деп кім білген? Қарап тұрсаңыз осы іске тікелей қатысы бар, осы оқиғаға себепші болған жәбірленуші Қаржаубай. Ол Шерзат марқұмға мен туралы жалған ақпарат беріп, балалар келгенде пышақ шығарып, агрессия танытпағанда, Шерзат келгендердің бірін ұрмағанда, мұндай төбелес болмаушы еді. Бұл жерде ерегес бастаған...

Сауда және интеграция министрлігі маусымаралық кезеңде азық-түлік бағасы аразандап жатқанын хабарлады.

Қандай өнімдер арзандады?

Ұлттық статистика бюросының мәліметінше, 2025 жылғы мамыр айында әлеуметтік маңызы бар азық-түлік тауарларының бағалары өзгерген. Кейбір азық-түлік бағасы маусымдық кезеңге байланысты арзандаған. Кейбірі, керісінше, қымбаттаған.

Арзандаған азық-түлік қатарында қырыққабат (3,4%), жұмыртқа (0,7%), қарақұмық, макарон және күнбағыс майы (0,1-0,2%) бар.

Ал сәбіз (4,2%), картоп (2,8%), пияз (2,5%), тұз (1,6%), сүзбе (0,8%), сүт пен қант (0,3%), май, сиыр еті мен тауық еті (0,2%), ұн мен айран (0,1%) сияқты өнім түрлері қымбаттаған.

«Нан мен күріштің бағасы тұрақты болып, өзгеріссіз қалды...

Талдықорған сотында Шерзат Полаттың ісінде сот жарыссөзі жалғасып жатыр. 2025 жылдың 3 маусымында сотталушылардың ата-анасы іске қатысты ойын айтып жатыр.

Бірінші болып сотталушы Нұрқияс Ілиясовтың қорғаушысы Төлепбек Ілиясов сөйледі.

«…Біздің ауылды жамандап… Бұрын Хутор болған, қазір Рысқұлов деген аты бар. Баланың бір қолында пышақ, бір қолында мылтық болды деп жатыр. Сонда ол кісінің қолын қалай ұстап тұрады екен деген түсініспеушілік болып жатыр. Ол жақтан да кінә болып тұр. Бала қайтыс болғаннан кейін менің бала-шағама сес көрсетіп, «қанға қан, жанға жан» деп шошытып кетті. Оны полицияға бердік. Бұл кісілерге де ауыр, қанша дегенмен бала қайтыс болып отыр...

Bank RBK акционерлері мемлекеттен алған көмектің бір бөлігін мерзімінен бұрын қайтаруды шешті. Банк қарапайым акциялар бойынша 27,655 млрд теңге көлемінде дивиденд төлеуді жоспарлап отыр.

Оның 66%-ы, яғни 18,252 млрд теңгесі, мемлекетке қайтарылады. Бұл соманы банк үш ай ішінде, яғни тамыз айының соңына дейін өтеуі тиіс. Дивиденд ретінде бір қарапайым акцияға 17,22 теңге төленеді. Төлем 2025 жылғы 10 маусымда басталады.

Еске салайық, 2017 жылы мемлекет тарапынан екінші деңгейлі банктерге көмек ретінде қаржылық тұрақтылықты арттыру бағдарламасы жүргізілді. Оның аясында бірнеше банкке көмек көрсетілген: Еуразиялық банк, Банк ЦентрКредит, Bank RBK, Jusan Bank (Цеснабанк пен АТФБанк мұрагері ретінде). 2020 жылы Нұрбанк те...

Италияның Кассациялық соты ел тарихындағы маңызды шешімдердің бірін қабылдады. Енді шетелде экстракорпоральды ұрықтандыру (ЭКО) әдісімен бала туған біржынысты әйелдер жұбы Италияда ресми түрде баланың екі анасы ретінде тіркеле алады. Бұл туралы Euronews хабарлады.

Италияда ЭКО тек гетеросексуалды жұптарға ғана рұқсат етілген. Осыған байланысты көптеген әйелдер шетелге барып, ұрықтандыру процедурасынан өтуге мәжбүр болатын. Бірақ бала Италияда туғанымен, биологиялық анасының серіктесі заң жүзінде баламен ешқандай туыстық байланыста саналмайтын.

Соңғы жылдары елдің бірнеше аймағында прокуратура мұндай туу туралы куәліктерге қарсы шығып, оларды заңсыз деп тануға тырысты. Бұл шешімдер біржынысты отбасыларды үлкен қауіпке тіреді: егер биологиялық ана қайтыс болса немесе жұп ажырасса, екінш...

Қазақстан мұсылмандары діни басқармасы (ҚМДБ) 2025 жылғы Құрбан айт мейрамында оқылатын айт намазының уақытын жариялады. Биылғы мереке 6 маусым күні басталады. Осыған байланысты еліміздің барлық өңіріндегі жамағат үшін айт намазының нақты уақыты бекітілді.

Құрбан айт намазы еліміздің басым бөлігінде таңғы сағат 06:00-де оқылады. Атап айтқанда, Астана, Алматы, Шымкент қалалары мен Жетісу, Жамбыл, Түркістан, Қызылорда, Қарағанды, Алматы, Ақмола облыстарының тұрғындары дәл осы уақытта намазға жығылады.

Ал Ақтөбе, Атырау, Батыс Қазақстан, Маңғыстау, Қостанай, Павлодар және Солтүстік Қазақстан облыстарында сағат 06:30 да оқылады.

Ең кеш уақыт – 07:00. Абай және Шығыс Қазақстан облыстарының тұрғындары үшін Құрбан айт намазы осы уақытта басталады.

Еске...

Астанада жолаушылар автобусы бағанға соғылды. Полицияның хабарлауынша, жол апаты Республика даңғылы бойында болған.

Алдын ала мәлімет бойынша, жолаушылар мінген автобус жүргізушісі маршрут бойынша қозғалып келе жатып, маневр жасау кезінде көлік тізгініне ие бола алмай, бағанға соғылған.

«Жол апатынан зардап шеккендер бар. Оқиға бойынша қылмыстық іс қозғалды. Жан-жақты тексеру жүргізіліп, оқиғаның мән-жайы анықталып жатыр», – деп хабарлады қалалық полиция.

Қалалық Денсаулық сақтау басқармасының хабарлауынша, оқиға орнында жедел жәрдем бригадалары жұмыс істеп жатыр. Арасында стационарға жеткізілген азаматтар да бар.

«Дәрігерлер барлық қажетті медициналық көмекті көрсетіп жатыр. Денсаулық сақтау басқармасы кейінірек зардап шеккендер...

Қаржы нарығын реттеу және дамыту агенттігі Kaspi.kz акционері Вячеслав Кимге Jusan Bank-ті сатып алуға рұқсат берді. Бұл ақпаратты Kaspi.kz баспасөз қызметі «Интерфакс – Қазақстан» агенттігіне растады. Ресми хабарлама 3 маусымда жарияланады.

2024 жылдың ақпанында Вячеслав Ким Қаржы нарығын реттеу және дамыту агенттігіне Jusan Bank-тің 97,5% акциясын сатып алуға өтінім берген. Агенттік өтінімді сәуірде қарастыруға тиіс еді, алайда кейінірек құжаттағы «маңызды мән-жайларды нақтылау қажет екеніне» байланысты өтінімді қарау мерзімін екі айға ұзартты.

Ким ақпанда бұл мәміленің өзі 21,32% акциясына иелік ететін Kaspi.kz компаниясына еш қатысы жоқ екенін айтқан. Бизнесмен Forbes журналы нұсқасы бойынша Қазақстанның ең бай адамдары рейтингінде бірінші орында...

Дженнифер Лопестің Алматыда өтетін концертіне қосымша орындарға билет сатылымға шықты. Іс-шараны ұйымдастырушы First Media Group және CA Entertainment компанияларының хабарлауынша, билеттер әлі де сатылып жатыр. Қазір би алаңындағы соңғы билеттер мен трибунадағы орын билеттері қалған.

«Ұйымдастырушылар стадион сызбасы бойынша келіссөздер аяқталғанын және бастапқы сатылымда қолжетімсіз болған қосымша орындардың ашылғанын хабарлады. Бұл көрермендер үшін таңдау мүмкіндігін кеңейтіп, шоуды тамашалау сапасы мен жайлылық деңгейін төмендетпей, қосымша билеттер ұсынуға мүмкіндік берді», – делінген ақпаратта.

Айта кетейік, бастапқыда Дженнифер Лопестің Up All Night Tour атты әлемдік турнесі 3 тамыз Ереванда аяқталады деп жоспарланған болатын. Алайда қазақстандық жанкүйерлерінің әлеуметтік желілердег...

Шерзат ісіндегі сотталушы Равиль Сакиевтің анасы Баян Сарманова ұлына жала жабылды деп санайды.

«…Тергеуші қандай дәлелге сүйеніп… Равиль Сакиевті сыбайлас деп, Ғайыпбаевты өлтіруге оқталды деп жала жабады.  Заң сонда адамға сенбейді. Біреу мойындап тұрса екінші адамды қоса алып кететін заң, бап бар ма? Шынасыл бірінші күні берген жауабында тұрды. Пышақ тек Абзал мен Шыңғыста ғана болған. Бәрінің қолында пышақ болса, бәрі жабылып ұрып жатса, марқұм Шерзаттың денесінде сау тамтығы қалмайтын шығар деп ойлаймын. Бұл орны толмас қайғы. Тағы да кешірім сұраймын.

Жалпақ тілмен айтқанда «баланың ажалы келді, бұл балалардың азабы келіп тұр». Менің балам...

Алматыда Наурызбай батыр көшесіндегі учаскелердің бірінде қозғалыс уақытша шектеледі. Бұған Бостандық ауданында жылу желілері жөнделіп жатқаны себеп болған.

«3 маусымда сағат 23:00-ден бастап 4 маусым сағат 08:00-ге дейін Алматының Бостандық ауданына қарасты Наурызбай көшесінің бойында Абай даңғылынан Сәтпаев көшесіне дейін автокөліктердің қозғалысы жартылай шектеледі», – делінген «Алматы жылу жүйесі» ЖШС таратқан ақпаратта.

Уақытша шектеулер көшедегі жұмыстардың қауіпсіздігін қамтамасыз ету үшін енгізіледі.

Сондай-ақ Алматы қаласында жылу желілерін жөндеуге байланысты бірнеше орталық көшеде көлік қозғалысы уақытша тоқтатылады.

Шерзат Полаттың қазасына байланысты Талдықорғанда өтіп жатқан сот отырысында сотталушы Дархан Әскентайдың әпкесі тергеуге көңілі толмайтынын айтты.

«…Қолында тас, пышақ, қару, бөтелке бар деді. Бұл да шындыққа жанаспайды. Видеоға назар аударсаңыздар іс-әрекеті анық көрініп тұр. Ініме қарсы жәбірленуші тарап айтқан бірде-бір сөз шындыққа жанаспайды. Сотталушылардың ішінде тек Нұрбол Тоқтаубаевты таниды. Өлгеннің артынан жаман айтпа деуші еді, бірақ бұл жерде үлкен сұрақ туындап тұр. Нұрқанат Ғайыпбаевтың халықтың алдына шығып «мылтықты мені көздеп атты» деген сөзінен қандай адам екені көрініп тұр. Егер сатушы болып істей алмаса, тұрмауы керек еді. Сатып алуға не үшін қызмет көрсете алмады? Сотта...

Алматы әкімі Дархан Сатыбалды БАӘ Azizi Group халықаралық компаниясының Басқарма төрағасы әрі негізін қалаушы Мирвайс Азизимен кездесті.

Кездесу барысында тараптар құрылыс, өнеркәсіп, туризм және қонақүй бизнесі саласындағы өзара тиімді ынтымақтастықтың болашағын талқылаған.

Дархан Сатыбалды Алматы Қазақстандағы инвестициялық тартымдылығы жоғары шаһардың бірі болып қала беретінін атап өтіп, тұрақты экономикалық өсімді көрсетіп, кәсіпкерлікке қолайлы жағдай ұсынып отырғанын жеткізген.

«Біз қаланың инфрақұрылымын дамытуға және жаңа жұмыс орындарын ашуға үлес қосатын жаңа жобаларды қарастыруға дайынбыз. Алматы инвесторларға ашық әрі тұрақты даму жолын ұсынады», – деді қала әкімі.

1989 жылы құрылған Azizi Group компаниясы бүгінде БАӘ жылжымайтын мүлік нарығындағы...

Микроқаржылық қызметті жүзеге асыратын ұйымдардың активтері 2025 жылғы 1-тоқсанда 5,2%-ға ұлғайып, 2025 жылғы 1 сәуірдегі жағдай бойынша 3,2 трлн теңгені құраған. Бұл туралы Қаржы нарығын реттеу және дамыту агенттігі хабарлады.

МҚҚЖҰ құрылымында активтердің ең көп үлесі микроқаржы ұйымдарына 1,8 трлн теңге немесе 57,4%, кредиттік серіктестіктерге – 0,9 трлн теңге немесе 29,4%, ломбардтарға – 0,4 трлн теңге немесе 13,2% тиесілі.

Халыққа берілген қарыздар көлемі негізінен 2025 жылғы 1-тоқсанда ломбардтар берген микрокредиттердің есебінен 3,4%-ға ұлғайып, 2025 жылғы 1 сәуірдегі жағдай бойынша 1,2 трлн теңгені құраған.

Берешегі 90 күннен асатын қарыздардың деңгейі МҚҚЖҰ-ның портфелінде 2025 жылғы 1 сәуірдегі жағдай бойынша 5,2%-ды құраған.

МҚҚЖҰ-ның меншікті капиталы 2025 жылғы 1-тоқсанда негізінен бөлінбеген пайданың ұлғаюы есебінен 5,1%-ға ұлғайып, 2025 жылғы 1 сәуірдегі жағдай бойынша 1,1 трлн теңгеге те...

«Союз МС-28» кемесінің Байқоңырдан ұшырылу мерзімі жарияланды. Бұл қарашаның соңына жоспарланып отыр. Оған дейін де үш зымыран ғарышқа ұшпақ.

ТАСС агенттігінің ақпаратынша, Байқоңыр қаласының әкімшілігі басшысы Константин Бусыгин қараша айының соңына қарай «Союз МС-28» кемесінің ғарышқа ұшуы жоспарланып отырғанын айтқан.

Оның сөзіне қарағанда, бұл іске куә болу үшін екі мыңнан астам турист келеді деп күтіліп отыр. Сондай-ақ Байқоңырдан шілде, қыркүйек және желтоқсан айларында да ғарыш кемелері ұшырылмақ.

«Союз МС-28» кемесін ұшыру қараша айының соңына белгіленген. Ғарышкерлерді шығарып салуға екі мыңнан астам адам келеді деп отырмыз», – деді Бусыгин.

Бұған дейін Ресей президенті Владимир...

Вице-премьер, Ұлттық экономика министрі Серік Жұманғарин шегіртке мәселесіне қатысты пікір білдірді. Сауда министрі қызметінде жүргенде ол бұл жәндікті «халал өнім» деп атаған еді. Журналистер шегірткенің қаптап кеткенін айта келе, «оны жеу керек пе?» деп сұрады.

«Мен шегіртке халал десем де оны жеу керек деген жоқпын. Бұны қайдан шығарып отырсыздар?» – деді министр.

Жұманғарин шегіртке экожүйенің бір бөлігі екенін айтты. Сондықтан оны мүлде жоюға болмайды.

«Айналамызда түрлі жәндіктер, көбелектер, құстар бар. Енді соның бәрін жоямыз ба?Шегіртке мамонттармен замандас болуы да мүмкін», – деді ол.

Министрдің айтуынша, шегірткенің белсенді кезеңі 12 жылда...

Қазақстанның 5 өңіріне халық көп қоныстанады. Бұл туралы Ұлттық статистика бюросы хабарлады.

Бюроның мәліметінше, екі облыста және елдің үш ірі қаласында халық саны артқан.

«Жыл басынан бері көші-қонның оң сальдосы 5 өңірде – Алматы және Маңғыстау облыстарында, сондай-ақ республикалық маңызы бар қалаларда – Астана, Алматы және Шымкентте байқалды», – делінген бюро хабарламасында.

Халық саны 5 айда қанша адамға өсті?

Бюро келтірген статистикаға сенсек, 1 мамырдағы жағдай бойынша Қазақстан халқының саны 20 353 265 адамға жеткен. Жыл басынан бері елдегі халық саны 69,8 мың адамға артқан.

69,8 мың адамның 63,4 мыңы...

Мамырда жылдық инфляция 11,3%-ға жетті. Сәуірмен салыстырғанда бұл көрсеткіш 0,9%-ға артқан деп жазылған Ұлттық статистика бюросының хабарламасында.

Ақылы қызметтер бағасы 16%, азық-түлік тауарлар 9,6%, азық-түлік емес тауарлар 9%-ға қымбаттады. Бір ай ішінде лимон 9,1%, алма 6,1%, алмұрт 5,2%, жүзім 5,1%-ға өскен. Ал қияр 37,1%, қызанақ 19,8%, қырыққабат 7,7%, банан 5,7%, жұмыртқа 2,4%-ға арзандаған.

Сондай-ақ алтын сақина бағасы 4,6%, құрылыс материалдары 1,1%, киім мен аяқ киімге, жеке пайдалануға арналған тауарлар бағасының әрқайсысы 0,8%-ға қымбаттаған.

Тұрғын үй-коммуналдық қызметтер саласында суық су тарифі 4,2%, су бұруға – 1,6%, тарату желілері арқылы тасымалданатын газға – 1,5%, электр энергиясына – 1,4% өсті. Теміржол...

«Келешек мектептеріне» жас мұғалімдерді іріктейтін жаңа цифрлық платформа іске қосылып отыр. Оны әзірге тек қана мектеп директорлары қарамақ.

Оқу-ағарту министрлігінің ақпаратына қарағанда, жаңа платформа «Келешек мектептері» атты жаңа форматтағы мектептерге жас мамандарды жылдам әрі тиімді іріктеуге жол ашпақ.

Қанша мұғалім іріктелді?

Цифрлық платформа career.orleu.edu.kz деп аталады. Онда «Өрлеу» орталығының тестілеуінен сүрінбей өткен педагогикалық ЖОО түлектерінің электрондық портфолиолары болады. Нақты айтқанда, 600-ге тарта жас мұғалім іріктеуден өткен.

Сервисте жас педагогтердің білімі, мамандығы мен тәжірибесіне қатысты мәліметтер жинақталады. Одан электронды портфолио жасалады. Қазіргі кезде платформа тек «Келешек мектептері» директорлары үшін қолжетімді.

Үміткерлер қалай таңдалады?

Олар...

Ақнәр Гүлістанның қазасына байланысты қорғалуға құқығы бар куә ретінде танылған Рано есімді қыз желіде 2024 жылғы 20 шілдеде болған оқиғаға қатысты өз нұсқасын жариялады.

Оның айтуынша, қайғылы жағдай орын алған күні пәтерде болған өзі, марқұм Ақнәр және үшінші қыз – Дидар бәрі құрбы ретінде жақын араласқан. Бірге КИМЭП университетінде оқыған. Сол түні қыздар сыра, шампань, корейлік алкогольдік сусын – Соджуға тапсырыс береді. Рано алкоголь алуға Ақнәр бастама танытқанын айтып, «Ақнәрдің жазғаны» делінген хабарламаны көрсетті.

Үш құрбы көңілді отырады, әндетеді, билейді. Раноның сөзінше, бір мезетте ұйықтап қалған Ақнәр кенет оянып, шыңғыра бастаған.

«Екі қолы екі жақта...

Осы жылдың мамырындағы есеп бойынша, банк секторының активтері ұлғайып, 62,6 трлн теңгені құрады. Бұл туралы Қаржы нарығын реттеу және дамыту агенттігінен хабарлайды.

2025 жылғы сәуірде экономикаға берілген кредит  2,0%-ға 35,0 трлн теңгеге дейін ұлғайды. Экономикаға берілген кредиттердің құрылымында ұлттық валютада берілген кредиттер 2,1%-ға яғни  32,3 трлн теңгеге дейін ұлғайды. Ал шетел валютасында берілген кредиттер 0,5%-ға яғни 2,7 трлн теңгеге дейін көбейді.

Ал бизнес субъектілеріне берілген кредиттер 13,3 трлн теңгеге дейін өсті (2025 жылдың басынан 1,8%-ға өсу). Бизнеске берілген кредиттер құрылымында 

Жалпы биыл сәуірде бизнес нысандарына 1,7 трлн теңге сомаға жаңа...

3 маусымнан бастап, 3 шілде аралығында «Алма-Арасан» термалды бұлағына барар жол жол уақытша жабылады. Алматы әкімдігінің баспасөз қызметінің хабарлауынша, бір айға жуық туристік бағытты жаңарту жұмыстары жүргізіледі.

Атап айтқанда, «Алма-Арасан» маңындағы автотұрақтан термалды бұлаққа дейінгі жол уақытша жабылады. Бұлақтан бастап, «Қыздың көз жасы» сарқырамасына және «Терра» алқабына баратын жолға дейін жаңарту жұмыстары жүргізілмек.

«Бұл шаралар келушілер үшін құрылыс-монтаж жұмыстарының қауіпсіз әрі ыңғайлы орындалуын қамтамасыз ету мақсатында қабылданып отыр», – деп хабарлайды баспасөз қызметі.

Жаңарту жұмыстары екі кезеңге бөлінеді. Екінші кезеңде ескі көпірлер бұзылып, орнына жаңа көпір салынады. Бұдан бөлек жаңа соқпақтар мен...