Жаңалықтар

Алдағы аптада Алматыға әйгілі EXO тобының бір вокалисі келеді. Ал алматылық әртістер еліміздің өзге өңірлерінде концерт өткізеді. Енді бір артист бұрын соңды болмаған коллаб жасап, тыңдарманын таңғалдыруға асық. Түсінгеніңіздей, алдағы апта жарқын эмоцияға, таңғажайып іс-шараға толы болғалы тұр. Kursiv Media ең қызық іс-шаралардың тізімін әзірледі.

«Тойы көп үй» қойылымы – Ғабит Мүсірепов атындағы балалар мен жасөспірімдер театры

Алматы қаласы, 1 сәуір

Қаланың қым-қуыт тірлігінен шаршап, рухани демалысты қажет етіп жүрген болсаңыз, әрине, нағыз руханият ордасы – театрға асығыңыз. Алдағы аптаға қойылым көп. Бірақ асықпасаңыз, көбі әлден-ақ аншлаг болып жатыр. Сіз әлі де билет алып үлгеруіңіз мүмкін тамаша бір...

Сейсмологиялық бақылаулар және зерттеулер ұлттық ғылыми орталығының мамандары Жамбыл облысында, қазіргі сейсмикалық ахуалға кеңейтілген мониторинг жүргізіп жатыр. Бұл туралы ведомствоның баспасөз қызметі хабарлады.

ТЖМ жер сілкінісінің эпиорталығы орналасқан Меркі ауданында сейсмологиялық станциялар желісі орнатылғанын хабарлады. Бұдан бөлек, триангуляция әдісімен жұмыс істейтін үш қосымша жылжымалы станция іске қосылған. Бұл құрылғылар 30-80 шақырым радиустағы сейсмикалық белсенділікті, соның ішінде жер қыртысының қозғалысын, жер асты микродүмпулерін және жерасты шуларын анықтайды.

«Жиналған деректер жедел режимде сейсмикалық жағдайды бағалау жөніндегі комиссияның талдауы мен жұмысы үшін Орталық сейсмикалық обсерваторияға беріледі. Нәтижесінде қорытынды дайындалып, Қазақстан ТЖМ Командалық орталығына жіберіледі. Бұл нақты уақыт режимінде...

Бангкоктағы жер сілкінісінен қаза тапқандар саны тағы да көбейді. Бүгінде зілзала салдарынан көз жұмғандар саны 17 адамға жеткен. 32 тұрғын зардап шегіп, 83-і хабар-ошарсыз кетті.

Бұл ақпаратты Таиланд астанасының әкімшілігі таратты. Қаланың солтүстігінде салынып жатқан бас аудитордың басқару ғимараты құлап, үйінді астында тоғыз адам қаза тапты. Оқиға орнында іздеу-құтқару операциясы жалғасып жатыр.

Еске сала кетейік, 28 наурызда Мьянмада 7,7 балдық жер сілкінісі орын алды. Зілзала салдарынан 1,6 мыңнан астам адам қаза тауып, 3,4 мың адам зардап шеккен болатын. Жер асты дүмпулері Таиландта, Бангладеште, Лаоста, Қытайда және Үндістанда да тіркелді.

29 наурызда Мьянмада магнитудасы 5,1 балл болатын тағы бір...

Мемлекет басшысы Қасым-Жомарт Тоқаев қазақстандықтарды Ораза айт мейрамымен құттықтады.

«Татулық пен бауырмалдық, жақсылық пен игілік салтанат құратын осы қастерлі мерекенің барша мұсылман қауымы үшін мән-маңызы айрықша. Рамазан айында имандылыққа, рухани тазаруға ұмтылған жұртымыз Айт күні ақ дастархан жайып, қонақжайлық көрсетеді. Бір-біріне ізгі тілегін арнайды. Мұқтаж жандарға көмек қолын созып, қамқорлық танытады. Сол арқылы адамгершілік құндылықтар қоғамымызда терең орныға түседі»,- делінген Ақорда хабарламасында.

Сондай-ақ Президент Ораза айт мерекесінің тағылымы ата салтымызбен терең сабақтасып жатқанын атап өтті.

 «Біздің дініміз де, дәстүріміз де азаматтарды бірлік пен ынтымаққа үндейді, өзара сыйлас болуға шақырады. Осы...

Қазақтар неліктен жүзге бөліне бастағанын, бұған, шын мәнінде, не түрткі болғанын білесіз бе? Мемлекеттік құрылымдарды басқарып, тіпті Ресеймен соғысып, кейіннен Ресей императорлық армиясының полковнигі болғаны мұсылман әйел туралы естуіңіз бар ма? Тарих бойынша біліміңізді тексеріп көруге қалай қарайсыз? Мұның бәрі – Qalam-ның апта таңдауы. Мақалада тарқатып айтып береміз. 

Қазақ хандығы. Жоңғар мәселесі

Дипломатия кезеңі

Бұған дейін Qalam порталында тарихшы Сұлтан Әкімбековтің курсына негізделген мақалалар сериясы жариялана бастағанын жазған едік. Осы серияның үшінші бөлімінде қазақ хандығын қыспаққа алған геосаяси сынақтар, соның ішінде жоңғар шапқыншылығы мен саяси алауыздық, сонымен қатар Ресей және Цин империяларымен арадағы дипломатиялық айлалар туралы айтады.

Көлемд...

Қазақстандық мәнерлеп сырғанаушы Михаил Шайдоров әлем чемпионатында екінші орынға көтеріліп, марқұм Денис Тен мен Элизабет Тұрсынбаеваның жетістігін қайталады.

Ол АҚШ-тың Бостон қаласында өткен әлем чемпионатында 287,47 ұпай жинады. Осылайша Шайдаров алғаш рет әлем біріншілігінің жүлдегері атанды.

«Маусым өте күрделі, бірақ жемісті болды. Юма мен Илья секілді спортшылармен бірге тұғырға көтерілгеніме қуаныштымын. Әлі де алға ұмтыла беремін», – деді Шайдоров.

Бірінші орынға америкалық атлет Илья Малинин көтерілді (318,56 ұпай). Жапон спортшысы Юма Кагияма қола жүлдені місе тұтты (278,19 ұпай).

Михаил Шайдоров мәнерлеп сырғанау спортында әлем чемпионатының күміс жүлдесін жеңіп алған үшінші қазақстандық атлет. 2013 жылы...

Қазақстан президенті Қасым-Жомарт Тоқаев пен Өзбекстан Президенті Шавкат Мирзиёевтің Алматыда өтіп жатқан бейресми кездесуінде көрмеде болды.

Ақорданың баспасөз қызметінің хабарлауынша, жасанды интеллектінің дамуына арналған көрмеде мемлекеттер басшылары GovTech, Fintech, BigTech, Smart City бағыттарындағы озық шешімдермен танысты.

Екі президент не көрді?

Сонымен қатар IT-компаниялардың жетістіктері, инновациялық және білім беру жобалары қойылған арнаулы аймақты аралап көрді.

Өзбекстан Президентіне Аlemai халықаралық жасанды интеллект орталығының тұжырымдамасы таныстырылды. Жоба Қасым-Жомарт Тоқаевтың бастамасымен жүзеге асырылып жатыр.

Бұл орталық мыңдаған маманның жасанды интеллект саласы бойынша білім алуына және стартаптарды іске қосуға, ғылыми-зерттеу жұмыстарын жүргізуге мүмкіндік береді.

Қасым-Жомарт Тоқаев пен Шавкат Мирзиёевке Ұлттық жасанды...

Шавкат Мирзиёев қазақ-өзбек қатынасының жаңа деңгейге көтерілгенін мәлімдеді. Өзінің ілтипатын білдіріп, ризашылығын жеткізді.

Қазақстан президенті Қасым-Жомарт Тоқаев пен Өзбекстан Президенті Шавкат Мирзиёевтің Алматыда өтіп жатқан бейресми кездесуінде мәртебелі мейман кездесудің маңызына тоқталды.

«Біз – одақтас елміз»

Оның пікірінше, бұл жиын екіжақты байланыстарды нығайтуды көздейді.

«Мені өзіңіздің туған жеріңіз, атап айтқанда, Алматы қаласында достық пейілмен, екі халықтың дәстүріне сай ілтипатпен қарсы алып жатқаныңызға рақмет. Өзімнің және халқымның атынан ризашылығымды білдіремін. Соңғы жылдары қарым-қатынасымыз мүлдем жаңа деңгейге көтерілді», – деді өзбек көшбасшысы Тоқаевқа.

Шавкат Мирзиёев Қазақстан мен Өзбекстанды одақтас ел деп атады. Екі елд...

Қасым-Жомарт Тоқаев Өзбекстан президенті Шавкат Мирзиёевтің Алматыға сапармен келгеніне ризашылық білдірді.

Мұндай бейресми кездесулер жақсы дәстүрге айналғанын айтты.

Ақорданың мәліметінше, Қазақстан президенті Шавкат Мирзиёевтің Орталық Азиядағы ортақ мүдде үшін жасаған еңбегіне жоғары баға берді.

«Бұл – бауырлас, достас мемлекеттер арасындағы ынтымақтастықты дамыту мақсатында атқарылып жатқан жұмысты іскерлік сипатта тағы бір талқылауға орайлы сәт. Біз – одақтас елдерміз. Екі ел арасындағы ықпалдастық тұтас Орталық Азия өңіріндегі жағдайға тікелей әсер етеді», – деді Қазақстан Президенті.

Мемлекет басшысы бауырлас халықтарды жақындастыруға, аймақтың орнықты және қауіпсіз дамуындағы ортақ мақсаттарды ілгерілетуге Шавкат Мирзиёевтің зор үлес қосқанын атап...

Шымкент әкіміне ұнамай қалған Қазақстан құрамасының капитаны Асхат Тағыберген «Тобыл» атты қостанайлық клубқа ауысты.

Fctobol ақпаратына қарағанда, енді Асхат Тағыберген Қостанайда ойнайды.

«Тобылдың» бас бапкері Нұрбол Жұмасқалиев бұл трансферге қатысты пікір білдіріп отыр.

«Асхатты таныстырудың қажеті жоқ. Ол – Қазақстан құрамасының көшбасшысы, нағыз кәсіби тұлға. Оның тәжірибесі мен шеберлігі командамызға үлкен көмек тигізеріне сенімдіміз. Оның үстіне, Асхат бұған дейін де «Тобылда» ойнаған, жеңіс рухын жақсы біледі», – деді бапкер.

Асхат Тағыберген осымен үшінші мәрте «Тобылға» келіп отыр. Ол осы командамен Қазақстан чемпионатын жеңіп, Суперкубоктың екі дүркін иегері атанды.

Құрама капитаны Шымкент әкіміне ұнамай қалған...

Сая Оразғалиева мен Анджелина Джоли сұлулығы жайлы әлеуметтік желіде қолданушылар арасында қызу пікірталас басталды.

Бұған кейбір адамдардың америкалық актриса Анджелина Джоли мен қазақстандық актриса және әнші Сая Оразғалиеваның  келбетіндегі ұқсастық түрткі болып отыр.

Бейнежазбада не көрінеді?

Сая Оразғалиева мен Анджелина Джоли сұлулығы мен ұқсастығына бір бейнежазба себеп болып отыр. Онда қазақстандық актриса көрермендер залында отыр. Жұртпен бірге әлденеге күліп тамашалауда.

Шын мәнінде де, бұл бейнежазбада Саяның күлкісі, қимыл-қозғалысында, бет-әлпетінде америкалық актриса Анджелина Джолиге бір ұқсастықты аңғаруға болады.

Қазақтың Джолиі ма?

«Сая Оразғалиева желіде қазақтың «Анджелина Джолиі» деп аталып жүр. Әдемілігімен әйгілі АҚШ...

Қазақстан мен Өзбекстан президенттері қазір Медеуге де барды. Қасым-Жомарт Тоқаев пен Шавкат Мирзиёев «Медеу» мұз айдынын аралап көрді.

Бірегей нысанның тарихы баяндалатын фотокөрмемен танысты.

Ақорданың ақпаратына қарағанда, Орталық Азиядағы басты екі елдің басшыларына «Медеу» мұз айдынының әлемдік спорт тарихындағы рөлін туралы ақпарат берілді. 1972-1991 жылдары мұнда 247 рет рекорд орнатылған. Сонымен қатар Медеуді әлемдік деңгейдегі туристік орталыққа айналдыру жобасы таныстырылған.

Медеу – Қазақстанның ең танымал туристік нысандарының бірі.

Танымал спортшымен дидарласты

Қазақстан мен Өзбекстан президенттері алматылық спортшы Евгений Кошкинмен әңгімелесті. Ол биыл Әлем кубогінің соңғы екі кезеңінде жеңімпаз атанса, Азия ойындарында да жүлде алғап. Қазақстан спартакиадасында бұл спортшы басмдықпен...

Hyundai тиімді баға мен заманауи технологияларды үйлестіретін кореялық бренд. Компания көліктердің түрлі модельдік қатарын ұсынады. Оған шағын қалалық көліктерден бастап, отбасылық седандар мен кроссоверлер кіреді. Бұл шолуда әлемдегі ең арзан Hyundai қанша тұратынын, Қазақстанда ресми сатылатын ең арзан Hyundai модельдерін, олардың сипаттамалары мен ерекшеліктерін қарастырамыз.

Қазақстандағы ең қолжетімді седандардың бірі

Hyundai Accent — бұл Қазақстандағы ең қолжетімді седандардың бірі. Ол үнемділігі, сенімділігі және стильді дизайнымен ерекшеленеді. Модель 1,6 литрлік 123 ат күшіне тең бензин қозғалтқышпен жабдықталған, механикалық немесе 6 сатылы автоматты беріліс қорабымен қамтылған. Жанармай шығыны 6-7 л/100 км аралығында. Бұл «халықтық» көліктің салоны кең, мультимедиалық жүйе мен...

Жас шахматшыларымыз әлем чемпионатында 4 алтын, 3 күміс және 1 қола медаль алды. Командалық есепте де көш бастады.

Сербия Врнячка-Баня қаласында өткен мектеп оқушылары арасындағы 2025 жылғы әлем чемпионатында Қазақстанның жас шахматшылары осындай жүлдеге қол жеткізді.

9 күнге созылған айқас

Абдул-Мәлік Қайрат, Алиша Бисалиева, Әлімжан Жауынбай және Артём Богданов Сербияда өткен жарыста чемпион атанды.

20-28 наурызда Врнячка-Банядағы Zepter Hotel Vrnjacka Banja қонақ үйінің конференц-залында әлем чемпионаты өтті. Оған 44 елден 470 жас өрендер қатысқан. Қазақстанның балалар-жасөспірімдер құрамасының бас жаттықтырушысы, гроссмейстер Евгений Владимиров баулыған 40 жас шахматшы 9 күн бойы күш сынасты.

Қазақстандық жас шахматшылар тамаша нәтижелер көрсетіп...

Жамбыл облысындағы жер сілкінісі кезінде 14 ғимарат ішінара бүлінген. Бұлардың дені – мемлекеттік мекеме нысандары.

Басқа ғимараттардың анықтау, зерделеу жұмыстары жалғасып жатыр.

Бұлар қандай нысандар?

Жамбыл облысының әкімдігі мәліметінше, Меркі және Т.Рысқұлов аудандарында бүлінген 14 әлеуметтік ғимарат ішінде 9 білім беру, 2 денсаулық сақтау, 1 әлеуметтік қорғау, 1 спорт және 1 мәдениет нысаны бар.

Жамбыл облысының әкімі Ербол Қарашөкеев аталған аудандарындағы зілзала салдарын жою үшін жедел штаб отырысын өткізген. Жиында аудан әкімдері есеп берді.

Үкіметтік жұмыс тобы келді

«Мемлекет басшысы өңірдегі жағдайды жеке бақылауында ұстап отыр. Президент әлеуметтік нысандар мен...

Тоқаев Мьянма премьер-министрі Мин Аун Хлайнге көңіл айту жеделхатын жолдады. Соңғы деректер бойынша құрбандардың саны артқан.

Тоқаев тілегі

«Қасым-Жомарт Тоқаев Мьянмада болған жойқын жер сілкінісінің салдарынан көптеген адамның қаза болғаны туралы қайғылы хабарды зор күйзеліспен қабылдады», – делінген хабарламада.

Қазақстан президенті Мьянманың премьер-министрі Мин Аун Хлайнге және қайтыс болғандардың отбасыларына көңіл айтып, зардап шеккендерге тезірек сауығып кетуді тіледі.

Қаза болғандар мыңнан асты

BBC мәліметінше, Мьянмадағы жер сілкінісінен қаза тапқандар саны 1000 адамнан асқан.

Ел билігінің хабарлауынша, жер сілкінісінен көз жұмғандардың саны 1002 адамға жеткен, ал 2376 адам жарақат алған. Қазіргі таңда 30 адам із-түзсіз...

Air Astana ұшағында техникалық ақау байқалып, Алматы әуежайына қайта қонуға мәжбүр болғанын аталған әуекомпаниясы растады.

Әңгіме Алматы-Нячанг бағытындағы К193 рейсі туралы болып отыр. Оқиға 28 наурыз күні болған.

Ұшақтың қандай ақауы болған?

Air Astana ұшағы техникалық себептерге байланысты Алматы қаласындағы әуежайға қайтқан. Бұған гидравликалық жүйедегі қысымның төмендеуі себеп болған.

«Рейс күткен уақыт ішінде жолаушыларға ыстық тамақ пен сусындар ұсынылды. Қалауы бойынша трансфер мен қонақүйде тұру мүмкіндігі де қарастырылды. Жолаушылар таңертеңгі сағат 07:15-те басқа ұшақпен өздерінің мақсатты пунктіне жіберілді», – деп хабарлады Air Astana әуекомпаниясының баспасөз қызметі.

Сонымен қатар рейсінің кешігуі үшін жолаушылардан кешірім...

29 наурыз таңғы 6:00-ден 30 наурыз таңғы 6:00-ге дейін Индонезияның Бали аралында «Үнсіздік күні» болады. Жергілікті тілде Ньепи деп аталатын бұл мерекеде арал қаңырап бос қалады, тұрғындар мен туристерге көшеге шығуға, үйде жарық жағуға тыйым салынады. Тәртіп бұзғандар айыппұл төлейді. Адамдар 24 сағат бойы қараңғыда және тыныштықта отырады. 

Бұл не қылған біртүрлі мереке?

Ньепи — индуистік мереке, жергілікті жаңа жыл. Бұл күні — аралда ресми демалыс, бірақ ешкім қыдырып, достары мен туыстарын аралап, көңіл көтермейді. Бәрі үйде отырады. Дүкендер, мейрамханалар мен ойын-сауық орындары жұмыс істемейді, көшеде жарық сөнеді, аралда түгел тіршілік тоқтайды. 

Төтенше жағдай бола қалса, жедел-жәрдем...

Қазақстандықтар үшін Еуропаға виза алуды жеңілдету жұмыстары басталды. Сонымен қатар Транскаспий дәлізі мәселелері қарастырылды.

Бұл жөнінде Президент Қасым-Жомарт Тоқаев пен Еурокомиссия вице-президенті Кая Калласпен кездесуі кезінде белгілі болды.

Тараптар энергетика, цифрландыру және сауда салаларындағы ынтымақтастықты кеңейту, сондай-ақ Транскаспийлік транспорттық дәлізді дамыту мәселелерін талқылаған.

Каллас Қазақстанның өңірде алғаш болып ЕуроОдақпен кеңейтілген серіктестік туралы келісімге қол қойғанын атап өтіп, визалық режимді жеңілдету бойынша жұмыс басталғанын хабарлады. Тоқаев бұл бастаманы қолдап, оның Еуропамен байланыс, туризм және іскерлік қатынастар үшін көп мүмкіндік ашатынын айтты.

Қазақстандықтар үшін Еуропаға жол ашатын Шенген визасын алу тәртібін жеңілдету мәселесі ұдайы қарастырылып келеді. 2025 жылы ЕуроОдақ пен Қазақстан...

Ұлттық банк елдегі валюта айырбастау пункттеріне бағам жазылған тақтаны көшеге ілуге тыйым салады. Осындай қаулы «Ашық НҚА» порталында жарияланды. Талқылау 14 сәуірге дейін созылады.

Қаржы қадағалаушы мекеме қазір айырбас пункттерінің бағам тақталары көше жарнамасына жатпайтынын, сол себепті оларды ғимараттарға, жол белгілерінің үстіне, қоғамдық орындарға бейберекет іліп тастайды.

«Кейде мұндай мәлімет тақталары жол қауіпсіздігі талаптарын бұзады, жол қозғалысына қатысушыларына кедергі келтіреді», – деп түсіндірді Ұлттық банк.

Қаулы күшіне енген жағдайда, бағамнан хабар беретін мәлімет тақтасын пункт орналасқан ғимарат ішіне ілуге ғана рұқсат беріледі.

Естеріңізге сала кетейік, биыл ақпанда ҰБ валютаға қатысты операцияларға жаңа өзгеріс...

Мьянма билігінің хабарлауынша, 28 наурыздағы жер сілкінісінен 144 адам қаза тауып, 700-ден аса адам жараланды. Ауруханалар науқасқа толы. Көршілес Таиландта құтқару жұмыстары түнде де тоқтаған жоқ.

Мьянма әскери хунтасы көмек сұрайды

«Мен халықаралық қолдау сұрап, Үндістан мен AHA Center ұйымының көмегін қабылдадым», – деп мәлімдеді хунта басшысы Мин Аунг Хлайнг мемлекеттік MRTV телеарнасы таратқан үндеуде. Мәлімдемені Bloomberg жариялады.

АҚШ геология қызметінің мәліметінше, Оңтүстік-Шығыс Азиядағы осы елде жұма күнгі жер сілкінісінің магнитудасы 7,7 балл болған. Дүмпу ошағы елдің солтүстік-шығысындағы Сагайн қаласынан 16 км жерде тіркелген.

Бірнеше минуттан соң дәл осы маңда магнитудасы 6,4 балдық тағы бір жер сілкініс...

Мәдениет министрлігі ІІМ-ге хат жазып, арабша жазу басылған көк байрақты сатқан танымал маркетплейстерді тексеруді сұрайды. Wildberries пен Ozon дау туғызған тауарды саудадан алып тастады.

Қазақстан билігі мұсылманша киініп, арабша жазуы бар қазақ туын ұстаған әйелдердің суретіне қатысты ұстанымын көрсетті. Мәдениет министрлігінің мәлімдеуінше, осындай тауар Wildberries пен Ozon алаңдарында сатылған. Бұған дейін Kursiv.Media маркетплейстер даулы тауарды саудадан алып тастағанын жазған.

«Ozon.kz әкімшілігіне Қазақстан заңнамасын бұзатын жайтты жою және даулы материалды алып тастау жөнінде ескерту хат жолданды», — деп хабарлайды министрлік.

Мәдениет министрлігі Қазақстан туын заңды бұза отырып қолдануға болмайтынын еске салып өтті. Мемлекеттік рәміздер елд...

Солтүстік Қазақстан облысы Айыртау ауданына қарасты Антоновка ауылында мыңдаған балық жағаға шығып қалды.

Оқиға орнынан түсірілген видео petropavlovsk_city Instagram парағында жарияланды.

«Куәгерлер жантүршігерлік жағдайды видеоға түсіріп алды. Балықтар неге далада жатқаны әзірге белгісіз», – деп жазылған видео сипаттамасында.

Далада шашылып жатқан балықтарды шелек ұстаған он шақты адам жинап жүр.

Есіл балық инспекциясының дерегінше, 2025 жылғы 27 наурызда қызыл судың көтерілуіне байланысты Антоновка ауылы маңындағы Кіші Қоскөл арнасынан асты.

«Балықтар қырылмас үшін табиғат қорғаушылар қоршау орнатты. Қазір балық жағаға шығып жатқан жоқ. Қырылған балық табылмады», – деп хабарлайды балық шаруашылығы.

Бүгін Әзербайжанның Имишли ауданында 3,4 магнитудада жер сілкінісі болды. Бұл жайлы сейсмологиялық қызмет орталығы хабарлады.

Report ақпаратына қарағанда, зілзала Имишли ауданында, Саатлы станциясынан 11 шақырым солтүстікте тіркелген.

«Жерасты дүмпулері сезілген жоқ», – деп хабарлады орталық.

Әзербайжанның Имишли ауданынан бөлек, жер сілкінісі бір тәулікке әлемнің әр бөлігінде болып, бірталай елді әбігерге салып отыр. Қазақстан мен Қырғызстанда екі мәрте жер сілкінген. Тараз қаласында 4 балл сезілген.

Сонымен қатар Оңтүстік-Шығыс Азия елдерінде қатты жер сілкініс болды. Мьянма мен  Таиландта 8 балға жуықтаған. Зәулім үйлер мен көпірлер құлап, әуежайлар жұмысын тоқтатуға мәжбүр болды. Қаза тапқандар мен зардап...