Жаңалықтар

2024 жылы Жоғары аудиторлық палата 27 аудит жүргізді. Оның нәтижесі бойынша 175 заңды тұлға әкімшілік жауапкершілікке тартылды. Арасында лауазымды тұлғалар да бар. Бұл туралы палата басшысы Әлихан Смайылов айтты.

«Өткен жылдың қорытындысы бойынша 175 заңды тұлға әкімшілік жауапқа тартылды. Айыппұлдар салынды. Тағы 55 адам тәртіптік жауапкершілікке тартылды. Айыппұл түрінде әкімшілікке жауапқа тартылған арасында вице-министрлер, комитет, әлеуметтік-кәсіпкерлік корпорация жетекшілері, түрлі бөлімшелердің бірінші басшылары бар», – деді ол журналистерге.

Лауазымды тұлғалар арасында қылмыстық жауапкершілікке тартылып, бас бостандығынан айырылғандар да болған.

«Өзіме белгілі мысалдарды айта кетейін. Ұлттық аккредитация орталығының басшысы қылмыстық жауапкершілікке...

Жоғары аудиторлық палата (ЖАП) биыл «Самұрық-Қазына», «Қазатомөнеркәсіп» және KEGOC ұлттық компанияларында аудит жүргізеді Аудиторлық палата төрағасы Әлихан Смайылов тексеріс барысында қаржы тиімсіз жұмсалғаны топ-менеджерлері негізсіз сыйақы алғаны анықталса, іс қозғалатынын айтты.

Журналистер Мәжіліс кулуарында палата төрағасынан ұлттық компания менеджерлері сыйақыны артығымен алғаны анықталса, қаржы мемлекет қазынасына қайтарыла ма деп сұрады.

«Егер осындай деректер анықталса, ол туралы компания басшылығына ескерту жібереміз», – деді Смайылов.

ЖАП дерегінше, 2024 жылы мемлекеттік аудиттерден кейін бірнеше қылмыстық іс қозғалған.

Жақында «Қазатомөнеркәсіп» компаниясының коммерция бойынша бұрынғы бас директоры 4,5 жылға сотталды. Ол мемлекетке 16,5 млрд теңге шығын...

Емханаларға халықты тегін емдеу үшін берілетін дәрілер нарықтың бағадан 633%-қымбатқа сатып алынады. Кейін дәрілерді есептен шығарып, қарапайым дәріханаларда айтарлықтай арзанға сатылады. Бұл мәселе бүгін, 4 маусымда Мәжілісте талқыланды.

600%-ға қымбат

Депутат Марат Башимов неге СК «Фармация» дәрілерді нарықтық бағасынан қымбатқа сатып алатынын сұрап, аудиторлардың деректеріне сүйене отырып, бірнеше мысалдар келтірді.

«Аудиторлардың мәліметінше, СК «Фармация» емханаларға сатып алатын 115 түрлі дәрі 30%-дан артық қымбатқа сатып алынған. Мәселен «Стелара» дәрісінің 1 дана ерітіндісін компания 1 008 000 теңгеге сатып алған. Ал дәріханалардағы бұл препараттың бағасы 137 500 теңгені құрайды. Баға 633%-ға өсіп отыр. Бұл...

Forbes тізімінде тұрған Александр Клебанов пен Сергей Канға тиесілі «Павлодарэнерго» компаниясы 2024 жылға қарапайым акциялары үшін дивиденд төлемейді. Акционердің шешімі қор биржасында жарияланған.

«2024 жылдың қорытындысы бойынша қоғамның қарапайым акциялары бойынша дивиденд есептелмейді», – делінген хабарламада.

Компанияның 10 пайыз акциясы «Орталық Азия электр энергетикалық корпорациясына» тиесілі. Ал бұл мекеменің  47% акциясы Александр Клебановқа тиесілі болса, 47%-ы Сергей Канның иелігінде.

Олар ОАЭК арқылы «Павлодарэнерго» АҚ, «Павлодар Солтүстік су каналы» ЖШС, «СевКазЭнерго» және «Ақмола РЭК» компанияларына да иелік етеді. Олар Forbes нұсқасы бойынша ең бай қазақстандықтар тізіміне енген.

Ең үздік жапон көліктері анықталып отыр. Алғашқы ондыққа 1990-2000-жылдар аралығындағы шыққан машиналар кірген.

BBC TopGeas нұсқасы бойынша, Honda Type R, Nissan GT-R, Mitsubishi Evo, Toyota MR2, Mazda RX, Toyota Supra, Subaru Impreza, Honda NSX, Nissan Z,

Mazda MX-5 үздік жапон көліктері ондығына кірген.

Жаңа брендтерден гөрі, жүрілген жапон көліктерін ұнататын қазақстандықтар үшін бұл тізім таңдау жасауда көп көмек болары анық.  

Honda Type R (1998–2001)

Бұл тізімнің басында Honda Integra Type R DC2  көлігі тұр.

Басылымның сипаттауынша, жапон пышақ шеберлері немесе рёкан қонақүйінің иелері ыждаһаттылығымен таңырқатады. Дәл солар секілді Type R моделін жасаушылар да жүргізу дәлдігін жетілдіруге...

Алматыда Хәрри Поттер фильміндегі Хогуартс қорғанына ұқсайтын төрт қабатты үй жалға беріледі. Жалға алу құны айына 5 млн теңге деп жазады digitalbusiness.kz

Зәулім үй Наурызбай ауданында орналасқан. Аумағы 812 шаршы метр. Газ, электр мен кәріз жүйесі тартылған. Тек ішіне әрлеу жасау қажет. Бұл үйді алматылық Ольга Шин күйеуімен бірге салған. Ертегі стилінде қорған салу оның бала кезіненн бергі арманы екен.

«Бұл менің авторлық жобам, балалық арманым. Бала кезімнен ертегі оқығанды жақсы көремін. Ертегідей өмір сүргім келді. Үйленген соң, сол арманымды іске асыруға кірістік. Жер телімін 1998 жылы сатып алдық, ол кезде жай қоқыс алаңы ед...

Қытайдың сирек кездесетін минералдар мен магниттердің экспортына енгізген шектеуі халықаралық алаңдаушылық тудырды, деп хабарлады Reuters.

Басылым шектеу автокөлік, әуе-ғарыш, жартылай өткізгіштер және әскери өнеркәсіп салаларына қажетті өнімдердің жеткізілімін қиындатып отырғанын жазды.

Германиялық автоконцерндер Қытай шектеуінің салдарынан өндіріс тоқтауы мүмкін екенін мәлімдеді. Бұған дейін үнділік Bajaj Auto компаниясы да электромобильдер өндірісінің тежелу қаупі туралы ескерткен болатын.

Сарапшылардың айтуынша, Қытайдың бұл қадамы АҚШ-пен жалғасып жатқан сауда текетіресіндегі ықпал ету тетігі ретінде қарастырылады. Дональд Трамп әкімшілігі Қытайға жоғары кедендік тарифтер енгізген болатын, ал Қытай өз кезегінде сирек кездесетін элементтерді шектеу арқылы жауап қайтарды.

Қазір көптеген елдердің дипломаттары мен ірі автоконцерн...

2024 жылы «Қазақстан темір жолы» компаниясының қарызы 851,9 млрд теңгеден 1,36 трлн теңгеге дейін жетті. Сонымен қатар облигациялық қарыздың құны 1,29 трлн теңгені құрады. Осылайша, «ҚТЖ»-ның жалпы қарызы 2,65 трлн теңге болып, алдыңғы жылғы 2,1 трлн теңгемен салыстырғанда, айтарлықтай артқан. Бұл туралы компанияның Қазақстан қор биржасында (KASE) жарияланған қаржы есебінде жазылған.

Десе де былтыр «Қазақстан темір жолы» ұлттық компаниясы 160,8 млрд теңге көлемінде таза пайда тапқан. Бұл көрсеткіш 2023 жылғы нәтижеден 17,5%-ға жоғары. Компанияның 2023 жылғы пайдасы 136,7 млрд теңгені құраған. ҚТЖ-ның қаржы есебі Қазақстан қор биржасында (KASE) жарияланды.

Компанияның жылдық түсімі 2,16 трлн теңгеге жеткен Оны...

Еуроодақ комиссиясы 4 маусым күні сирек кездесетін металдар өндіруге қатысты 13 жаңа жобаны жариялады. Олардың арасында Қазақстан да бар. Бұл туралы Reuters хабарлады.

Сирек кездесетін металдар қорғаныс, ғарыш және технология салаларында қолданылады. Өндірістің 90%-ы Қытай бақылауында. 2025 жылғы сәуірде Бейжің сирек кездесетін металл экспортын шектеген. Соған байланысты әлемнің басқа да елдері шикізат тәуелділігінен арылғысы келеді. Еуроодақ та 2030 жылға қарай ішкі сұранысты өтеуге ұмтылып жатыр.

Сирек кездесетін металдар қоры Қазақстанда бар. Билік әлем елдеріне оны өндіруге инвестиция құюды ұсынып отыр.

Еурокомиссия қабылдаған жаңа 13 жобаның арасында Қазақстан да бар. Бұдан бөлек, ұйым елдері Ұлыбритания, Канада, Гренландия, Норвегия, Сербия, Украина...

Мәжілісте халықты және денсаулық сақтау объектілерін дәрілік заттармен және медициналық мақсаттағы бұйымдармен қамтамасыз етуге қатысты жиын өтті. Жиында депутат Ринат Зайытов Денсаулық сақтау министрлігінің өкіліне қазақ тілінде сұрақ қойып, орыс тілінде жауап алды.

Депутат алғашында Денсаулық сақтау вице-министрі Ержан Нұрлыбаевқа елде дәрілік заттарды тіркеуге қатысты бірнеше сұрақ қойды. Депутат кейбір компанияларға дәрілік заттарды тіркеу куәлігі бірнеше жыл қатарынан берілмейтінін, енді кейбіріне бірнеше күнде берілетінін айтып, мұның себебін сұрады.

Бірақ вице-министр сұраққа орыс тілінде жауап берді. Бұл депутатқа ұнамай, сұрағын орысша қоюға мәжбүр болды.

«Жалпы президентіміз «кім қандай тілде сұрақ қойса, сондай тілде...

Құрбандыққа шалынған малдың етін үшке бөліп таратуға болады. Бұл туралы Алматы қаласы өңірлік коммуникациялар қызметінде өткен брифингте Орталық мешіттің наиб-имамы Тимур Алиев айтты.

Дін қызметкерінің сөзінше, құрбандық малының бір бөлігін өз отбасына, екінші бөлігін туыстарына, үшінші бөлігін көршілеріне немесе мұқтаж жандарға берсе болады.

«Біз мына нәрсені білуіміз керек. Бұл жердегі мақсат – қан шығару. Алла тағала құранда «құрбандықтың еті де, қаны да керек емес, тек сендердің жүректеріңдегі ниетттерің керек» деп айтады. Ал ниет амалдармен көрінеді. Осы ретте басқа дін өкілдеріне ет беруге рұқсат етіледі. Ол құпталған нәрсе», – деді ол.

Аталған жиында Тимур Алиев...

«ҚазМұнайГаз» АҚ алғаш рет юаньмен облигация шығармақшы. Бұл туралы басқарма төрағасы Асхат Хасенов айтты деп жазады Bloomberg.

«Нарықтағы жағдайға байланысты қарыз алуымыз мүмкін. Біз барлық нұсқаларды қарастырдық. Қазіргі уақытта дим сам, панда облигацияларын немесе араб елдеріндегі қарыз құралдарын сату мүмкіндігі бар», – деді Хасенов.

Компания бірінші рет юаньмен облигация шығармақшы. Бірақ одан түскен қаражатты АҚШ долларына айырбастайды.

Хасенов айтқан дим сам облигациялары – Қытай құрлығынан тыс жерлерде шығарылатын қарыз құралдары. Ал панда облигациялары – Қытайдың ішкі нарығында шетелдік эмитенттер юаньмен шығаратын құнды қағаздар. «ҚазМұнайГаз» топ-менеджерінің сөзінше, қазір осы дим-сам және панда облигациялары...

2024 жылы Қазақстан фармацевтика нарығына 1,2 трлн теңге қаржы жұмсады. Алайда  дәрілік заттардың 84%-ы шетелдік өнім. Жоғарғы аудиторлық палата төрағасы Әлихан Смайылов дәрі-дәрмекпен қамтамасыз ету жүйесіне жүргізілген аудит барысында осындай кемшіліктер анықталғанын айтты.

Аудит қорытындысы денсаулық сақтау саласындағы дәрі-дәрмекпен қамтамасыз ету жүйесінде кешенді проблемалардың барын көрсетті. Мәселелер ғылымнан бастап, өндіріс, реттеу және таратылымға дейінгі барлық деңгейде тіркелген.

Негізгі проблемалар:

Маңғыстау облысы, Мұнайлы ауданында тұратын Ақмоншақ Жақсылықова 35 жасында 12 баланы дүниеге әкелген ана, деп хабарлайды Lada.kz.

Салмағы 3 900 грамм, бойы 53 см болатын қыз бала 29 мамыр күні таңғы сағат 07:40-та Маңғыстау облыстық «Ана мен бала» перинаталдық орталығында табиғи жолмен дүниеге келген.

Ақмоншақ Жақсылықованың айтуынша, алғашында үш қыз туған, кейін екі ұл дүниеге келген, одан кейінгі балалары қайтадан қыздар болған. Балалардың ең салмақтысы — 4 500 грамм болып туған екен.

Аталған орталықтың директоры Жапырақ Епенованың мәліметінше, босану еш қиындықсыз өткен. Ана мен нәрестенің жағдайы жақсы, олар перзентханадан үйіне шығарылған.

Көпбалалы ана...

Мамыр айында Қазақстанның қызмет көрсету саласы соңғы үш жылдағы ең жоғары өсім қарқынын көрсетті. Алайда бизнес арасындағы сенім төмендеп, жұмыс орындары қысқарған.

Freedom Holding Corp. және S&P Global компаниялары бірлесіп дайындаған PMI® индексіне сәйкес, мамырда қызмет көрсету секторының іскери белсенділік индексі 54,3-ке жетті. Бұл 2022 жылдың шілдесінен бергі ең жоғары көрсеткіш және іскерлік айтарлықтай жанданғанын білдіреді (Индекс 50-ден асса, өсім бар деген сөз).

Жаңа тапсырыстар өскен

Саладағы өсімнің негізгі драйвері – жаңа тапсырыс көлемінің артуы. Жеті ай қатарынан ұлғайған бұл көрсеткіш, сауалнама тарихындағы ең жоғары нәтижелердің бірі болды. Компаниялар өсімді маркетинг және туристер ағынымен байланыстырып...

Алматыдағы Өңірлік коммуникациялар қызметінде өткен брифингте құрбан шалу төңірегіндегі сұрақтарға жауап берілді.

Алматы орталық мешітінің наиб-имамы Тимур Алиев «несие алып құрбан шалуға бола ма» деген сауалға жауап берді.

Ол ислам діні өте қарапайым екенін, оны адамдардың өзі қиындататынын айтып, шариғатта адамның мүмкіндігінен тыс нәрселер артылмайтынын атап өтті.

«Егер адамның құрбан шалуға мүмкіндігі болмаса, ол бұл үшін сұралмайды. Бұл құрбан шалуға да, қажылыққа да қатысты. Исламда физикалық, материалдық мүмкіндік болған жағдайда ғана қажылық пен құрбан шалу міндетті деген қағида бар. Қазір адамдардың кіші қажылыққа несие, қарыз алып барып жатқаны дұрыс емес. Бұл шариғат талаптарына сай емес...

Қазақстандық RE:CREATE AI жобасы Activate VC және Jas Ventures қорларынан 150 мың доллар көлемінде инвестиция тартты. Бұл туралы Astana Hub технопаркінен хабарлады.

RE:CREATE AI – Instagram, TikTok және YouTube платформаларына арналған трендтер мен сценарийлерді табуға көмектесетін жасанды интеллектіге негізделген стартап. Яғни сарапшылар мен кәсіпкерлер үшін дайын идея тауып беріп, оның уақыты мен ресурсын үнемдейді.

Алғашында стартаптың негізін қалаушы Зәкіржан Айсабаев бұл сервисті әлеуметтік желілердегі жеке блогын дамыту үшін пайдаланған. Қазір 10 мыңнан аса қолданушысы және тұрақты сатылымдары бар.

«AI’preneurs-ке дейін мен сервистерді код үшін жасасам, енді клиент үшін жасаймын. Бағдарлама маған сату, бизнес-модель...

Әлемдегі ең қымбат футболшылар рейтингі жарияланды. Еуропа чемпиондығы Дуэ және тағы да 10 париждіктің бағасын арттырған.

Ең қымбат футболшы кім?

Le Figaro ақпаратына қарағанда, Футбол зерттеу институты CIES Football Observatory әлемдегі ең құнды 100 ойыншының рейтингін жариялады.

Бұл тізімде Пари Сен-Жерменнің 11 ойыншысы бар. Ал көш бастап тұрған – Барселонаның 17 жастағы жұлдызы Ламин Ямал.

Испандық вундеркиндтің трансферлік құны – 402,3 млн еуро. CIES ұжымы осы аптада жариялаған рейтингке сүйенсек, Ямал – әлемдегі ең қымбат футболшы. Ол жақында Барселонамен 2031 жылға дейінгі жаңа келісімге отырған еді.

Екінші, үшінші орында кімдер?

Ең қымбат футболшылар тізімінде...

Ғаламдық қаржы индексі – MSCI All Country World Index (ACWI) ақпаннан бері алғаш рет ең жоғары көрсеткішке жетті. Bloomberg агенттігі қор биржасындағы оң өзгерісті жақсылыққа балады.

ACWI 4 маусым, сәрсенбі күні тағы 0,2%-ға көтеріліп, 887,73 межені бағындырды. Биыл сәуірде ғана ол 740-қа дейін түсіп кеткен.

Ғаламдық қаржы индексіне әлем нарығындағы капиталдың шамамен 85–90%-ы жинақталған. Оған 23 дамыған, 24 дамушы елдердегі компаниялар кіреді. Мұнда 47 елдің 2900-дан аса ірі және орта компанияларының акциялары бар. Индексті Morgan Stanley Capital International дайындаған. MSCI дамыған және дамушы елдердегі компаниялар акцияларының өзгерісін бақылап отырады. АҚШ-тың осы индекстегі үлесі – 60%.

Bloomberg ғаламдық акцияның қайта нығаюын...

Құрбан айтқа орай Алматының жеті ауданында үлкен мешіттерге жақын жерде құрбан шалатын 12 арнаулы орын ашылды. Бұл туралы қаланың бас имамы Төлеби Оспан мен Дін істері басқармасының бөлім басшысы Досхан Рахметілдаев Өңірлік коммуникациялар қызметінде өткен жиында мәлім етті.

Алматы қаласы бас имамының айтуынша, арнаулы орындар таза, шариғат нормаларына сай келеді. Діни рәсімді мешіттің қызметкерлері бақылап отырады. 56 мешітте мұздатқыш орнатылып, етті тоңазытатын көліктер де қойылмақ. Қала тұрғындары шалған құрбандығын жақын маңдағы мешітке апарып, қайырымдылыққа арнаса да болады.

Досхан Рахметілдаевтың айтуынша, барлық жерде құқық қорғау органдарының, санитарлық қызметтің және ветеринарлық бақылау инспекциясының мамандары кезекшілік атқарады. Олар мал сойған кезде санитарлы...

Air Arabia компаниясы Абу-Даби-Алматы-Абу-Даби рейсін ашты. Алматы халықаралық әуежайы бұл рейстің алғашқы жолаушыларын қабылдады. Бұл туралы әуежайдың баспасөз қызметі хабарлады.

«Алматы халықаралық әуежайы халықаралық тасымалдаушылар қатарын кеңейтуде
2025 жылдың 3 маусымында Алматы халықаралық әуежайы Біріккен Араб Әмірліктерінің астанасы Абу-Дабиден келген Air Arabia авиакомпаниясының алғашқы рейсін қабылдады», – делінген баспасөз хабарламасында.

Рейс Абу-Даби-Алматы-Абу-Даби бағыты бойынша аптасына үш рет – сейсенбі, жұма және жексенбі күндері қатынайды.

Әуежай әкімшілігі бұл қадам туристік, іскерлік және инвестициялық байланыстарды кеңейтуге жол ашатынын хабарлайды.

5 маусымда Қазақстан Ұлттық Банк базалық мөлшерлеменің алдағы бағыты бойынша шешім қабылдайды. BCC Invest сарапшыларының болжамынша, реттеуші мөлшерлемені 16,5% деңгейінде қалдыруы ықтимал.

Бұл болжам BCC Invest талдау және зерттеу департаментінің еліміздің макроэкономикалық көрсеткіштерін тұрақты бақылауы мен бағалауына негізделген.

2025 жылғы мамыр айының қорытындысы бойынша, жылдық инфляция 11,3%-ға жетіп, сәуір айындағы 10,7%-бен салыстырғанда жеделдеген. Сарапшылардың айтуынша, бұл тұтыну бағаларының жалпы деңгейі әлі де жоғары екенін көрсетеді.

HalykFinance сарапшылары да Ұлттық банк базалық мөлшерлемені өзгеріссіз қалдырады деп есептейді.

Бұл ретте Кursiv Research Ұлттық банк назарға алатын деректерді зерттеп, бұл жолы да оларға шешім қабылдау қиын болатынын жазады.

Қызылордада жасөспірім суицид жасап қайтыс болды. Ақпаратты облыстың полиция департаменті Kursiv.Media ресми сауалына берген жауабында растады.

«Полиция жасөспірімді өзін-өзін өлтіруге дейін жеткізу бабы бойынша тергеу жүргізіп жатыр. Қылмыстық іс бойынша жан-жақты және объективті тергеп-тексеру жүргізіліп жатыр, соның нәтижесінде заңды түрде процестік шешім қабылданады», – деп жауап берді полиция.

Бұған дейін әлеуметтік желіде оқушының мектепте қайтыс болғаны туралы ақпарат тарады. Полиция бұл ақпаратты жоққа шығарды.

«Оқиға жеке тұрғын үйдің ауласында болған», – делінген ресми жауапта.

Іс Қызылорда облысы полиция департаментінің бақылауына алынған.

АҚШ президенті Дональд Трамп Қытай басшысы Си Цзиньпинмен келісу қиын деп мәлімдеді. Бұл туралы ол өзінің Truth Social әлеуметтік желісіне жазды.

«Маған төраға Си ұнайды, бұрыннан ұнайды, бірақ ол өте қатал. Онымен келісімге келу өте қиын», — деп мәлімдеді Трамп.

Әлемнің ең үлкен екі экономикасының арасы тағы да суып барады. Мамырда қос тарап келісімге келгендей болған, алайда ол ұзаққа созылмады. Кейінгі бірнеше аптада Трамп әкімшілігі реактивті қозғалтқыштардың маңызды бөлшектерін Қытайға жеткізуге тыйым салып, қытай чиптерінің саудасын шектеді. Бұған қоса, қытай студенттерінің Құрама Штаттарға виза алуына рұқсат бермеді.

Bloomberg мәліметінше, экономикалық байланыстар ғана алшақтаған...