Жаңалықтар

Қазақстан-Британ техникалық университеті Динара Құлыбаеваның меншігінен мемлекетке қайтарылды. Енді университет қалай жұмыс істейді? Құрылымы өзгере ме? Профессорлар ауысуы мүмкін бе? Бұл сұрақтарға Ғылым және жоғары білім министрі Саясат Нұрбек жауап берді.

«Қазақ-Британ университеті мемлекетке қайтарылғаны хабарланды. Енді профессорлық құрам өзгере ме? Олардың айлығы сақтала ма? Қазіргі оқып жатқан студенттердің жағдайы не болады? Университет жабылуы мүмкін бе?», – деп сұрады журналист Үкімет сағатынан кейін өткен брифингте.

Жұмысы тоқтамайды

Министр ҚБТУ жұмысын тоқтатпайтынын айтты. Жағдайдың студенттердің сабағы мен профессорлардың жалақысына теріс әсер етпейтініне әсер етпейтінін жеткізді.

«Бұл жерде...

«ҚазМұнайГаз» ұлттық компаниясының Басқарма төрағасы Асхат Хасенов АҚШ-қа жұмыс сапары барысында Abu Dhabi National Oil Company (ADNOC) Бас директоры Сұлтан Ахмед Әл Джабермен кездесті.

ҚМГ мәліметінше, кездесуде тараптар геологиялық барлау саласындағы өзара
тиімді ынтымақтастық мәселелерін талқылады. Хасеновтің айтуынша, ҚМГ геологиялық барлау жобаларына инвесторлар тартты.

«ҚазМұнайГаз» болашағы зор үш жаңа жоба дайындады.

Әңгіме барысында ADNOC компаниясының әлемде көшбасшы екені айтылды. Сонымен бірге энергетика, ақпараттық технологиялар саласында ынтымақ болу мәселелері қаралды.

Асхат Хасенов ADNOC компаниясын Қазақстанның мұнай-газ саласының жаңа жобаларына инвестиция құюға шақырды.

«ҚазМұнайГаз бен Abu Dhabi National Oil Company серіктестігі жобаларды жүзеге асырудың тиімділігін едәуір арттырып қана...

Ғылым және жоғары білім министрі Саясат Нұрбекке жұмыссыз жүрген ғалымдардың жайы туралы сұрақ қойылды.

Министрдің сөзінше, бүгінде елде 25 мыңнан астам ғылыми қызметкер бар. Оның 3 мыңы министрлік құрылғалы қатарға қосылған.

«Бізде жұмыссыз жүрген ғалымдар туралы ақпарат жоқ. Бәрі ЖОО-ларда, ғылыми-зерттеу институттарында ашылып жатқан жекеменшік ғылыми компанияларда тіркелген. Жалпы ғылымды қаржыландырудың өсуі, баспанамен қамтамасыз ету, жас ғалымдарға берілген гранттар, ғылыми лауазымдарға байланысты төлемдер ғылым саласының жағымды бейнесін қалыптастыруда», – дейді министр.

Саясат Нұрбек ғылымға көңіл бөліне бастағалы көптеген мамандар салаға қайта келіп жатқанын айтады. Бүгінде ғылымдағы жас мамандардың үлесі 46%-дан асқан.

«Жалпы...

Ресей мемлекеттік Думасы Алматыда Владимир Жириновскийдің ескерткішін қою туралы қала басшылығына ұсыныс жолдамаған. Бұл туралы KursivMedia тілшісіне Алматы әкімдігінің баспасөз қызметі хабарлады.

Әкімдік жауабы

«Алматы қаласының мәдениет басқармасына В.Жириновскийге ескерткіш орнату туралы өтініш түскен жоқ. Алматы қаласының тарих және мәдениет ескерткіштерін қорғау жөніндегі комиссия тиісті ұсынысты қарастырған жоқ», – делінген әкімдік жауабында.

Айта кетейік, осыған дейін ресейлік ТАСС басылымы Ресей Думасының бұрынғы депутаты, Алматы тумасы, марқұм Владимир Жириновскийге өзінің туған жерінде ескерткіш орнату туралы жазған. Жоспарды Ресей Думасы саясаткердің 80 жылдық мерейтойына орай ұсынған.

Жириновский деген кім?

Алматы маңында дүниеге...

2024 жылдың қорытындысы бойынша, Қазақстандағы орташа жалақы 858 доллар немесе 402 мың теңге болды. Бұл көрсеткішпен ЕАЭО елдері арасында екінші орында тұр деп жазылған Еуразиялық экономикалық комиссиясы жариялаған статистикада.

Бірінші орында тұрған Ресейдегі орташа жалақы – 951 доллар немесе 499 760 теңге. Ең төменгі көрсеткіш Қырғызстанда, көршілердегі орта жалақы 429 долларға (196 637 теңге) тең. Арменияда 731 долларды (341 871 теңге), ал Беларусьта 701 долларды (329 261 теңге) құрайды.

2023 жылмен салыстырғанда 2024 жылдағы орташа номиналды жалақы көлемі ЕАЭО-ның барлық елінде өскен. Әсіресе, Беларусь (113,0%) пен Ресейде (109,1%) ерекше өсім байқалады.

Ал Қазақстандағы Қаржы министрлігінің дерегіне сүйенсек, осы...

Жылжымайтын мүлік Қазақстанда маңызды актив саналады. Егер ол ипотека талаптарына сай келсе, оның тартымдылығы арта түседі. Осы ретте Kursiv.media қандай үйлер ипотекаға жарамайтынын, үй алғанда неге мән берген дұрыс екенін айтып береді.

Үйдің «жасы»

Үй аларда алдымен оның салынған жылына мән берген дұрыс. Өйткені таңдаған пәтеріңіз бүгін ипотекаға рәсімдеуге келіп тұрғанымен, біраз жылда мерзімі өтіп, ипотека арқылы қайта сату мүмкіндігінен айырылып қалуыңыз мүмкін.

Отбасы банкінің баспасөз қызметі салынғанына 50 жылдан асқан панельдік үйлерді кепіл зат ретінде алмайтынын айтады.

Егер үйдің қабырға материалдары бетоннан (монолитті, газобетон, пенобетон, темірбетон, керамзитбетон), кірпіштен (керамикалық, силикатты, гиперпресстелген, клинкерлі, керамзитті, күйдірілген), бетон...

Мектеп оқушылары көктемгі каникул кезінде 11 күн демалады. Бұл туралы Оқу-ағарту министрлігі хабарлады.

«Көктемгі каникул кезеңі 2025 жылдың 21 наурызы мен 2025 жылдың 31 наурызын қоса алғанда, он бір күнге жалғасады», – делінген министрлік хабарламасында.

«Наурызнама» онкүндігі

Министрлік мектеп оқушыларының көктемгі демалыстағы бос уақытын тиімді өткізу және жеке тұлғалық қасиеттерін дамыту мақсатында «Біртұтас тәрбие» бағдарламасы аясында іс-шаралар жоспарын әзірлеген. Жоспарда 1-4 сынып оқушыларына, 5-9 және 10-11 сынып оқушыларына арналған гайдбук та бар.

Оған сәйкес, әр демалыс күні Наурызнаманың онкүндігімен байланысты шаралар ұйымдастырылады. Әсіресе, қоғамның маңызды аспектілері саналатын отбасылық құндылықтарға, мәдениетке...

«Asar Baspana» қаржы пирамидасы қызметін тоқтатты. Ұйым осы уақытқа дейін тұтынушылық кооператив ретінде жасырынып жұмыс істеген деп хабарлайды Қаржы мониторинг агенттігі.

Тергеу материалдарынан белгілі болғандай, пирамиданы ұйымдастырушы Туғанбаев және сыбайластары 86 мыңнан астам азаматқа ай сайын салған ақша 30% артығымен қайтады деген уәде берген. Осылай 12,4 млрд теңге заңсыз қаржы жинап алған.

Күдіктілер қатысушыларға Алматыда құрылыс материалын жасау, тігін цехы мен тұрмыстық техника шығаратын зауыт бар деп сендірген. Ал, шын мәнінде, ешқандай бизнес болмаған. Тек бірінші ақшасын берген адамдарға оның артынан кірген қатысушылардың салымдарын бонус тәрізді төлеп отырады.

Агенттіктің мәліметінше, Туғанбаев пен оның серіктестері 12 млрд теңгенің ...

Елімізде 8 облыс тасқын қауіпі жоғары аймақта тұр. Наурыз және сәуір айлары әдеттегіден жылырақ болады және елде жауын-шашын көп болады. Мұның соңы су тасқынына ұласуы мүмкін. Мұндай болжамды Экология және табиғи ресурстар министрі Ерлан Нысанбаев айтты.

Министр Ақтөбе, Қостанай, Ұлытау, Абай, Қарағанды, Ақмола, Солтүстік Қазақстан және Шығыс Қазақстан облыстарында су  тасқыны аса жоғары болып отырғанын айтады. Ал  Алматы, Жетісу, Жамбыл, Батыс Қазақстан және Атырау облыстарында қауіптілік орташа. Павлодар, Маңғыстау, Түркістан және Қызылорда өңірлерінің халқына алаңдауға негіз жоқ деп сендірді.

«Наурыз айында температураның көтерілуі мен жаңбыр түріндегі қатты жауын-шашын болған жағдайда тау өзендерінде еріген қар суының әсерінен жоғары тасқын...

BI Group директорлар кеңесінің төрағасы Айдын Рахымбаев премьер-министр Олжас Бектеновтің компания салығын жасырып қалды деген сынына жауап берді. Үкімет отырысында айтылған қаржыны БАҚ өкілдері дұрыс түсінбеген деп жазады ол өзінің парақшасында.

«Апта бойы Қаржы министрлігі мен Үкіметте кездесулер болды, болған жағдайды, құрылыс саласында қордаланған мәселелерді талқыладық. Салықтық шағымдар BI-дан қаржы алатын және арнайы салық режимін пайдаланатын мердігерлердің жұмысымен байланысты екен. БАҚ-та айтылған 11,9 млрд теңге деген соманы дұрыс түсінбей жатыр. Бұл – төленбеген салық емес, BI-мен жұмыс істейтін шағын компаниялардың жалпы айналымы. Осы айналымнан салық төленуі керек еді, бірақ ол мүлде басқа сома», – дейд...

Уақыт белдеуінің қазақстандықтардың денсаулығына еш зияны жоқ. Үкімет зерттеу жүргізе келе осындай шешімге келген.

Министр Арман Шаққалиевтің айтуынша, мәжілістің «Аманат» фракциясының отырысында бірыңғай уақыт белдеуі мәселесін талқылау бойынша біршама талдау жұмыстары жүргізілген. Бұл жұмыстарға медицина, нейроғылым, биофизика, генетика, астрофизика, физиология салаларындағы зерттеу институттарының салалық ғылымдары, мәслихат депутаттары мен мүдделі тұлғалар қатысқан. Жұмыс барысында бірыңғай уақыт белдеуінің халық денсаулығына, энергия тұтыну және еңбек өнімділігінің әсеріне мониторинг жүргізілген. Сарапшылар уақыт белдеуінің өзгеруіне дейінгі және одан кейінгі көрсектіштерін салыстырған. Нәтижесінде жаңа уақыт белдеуі қазақстандықтардың денсаулығына теріс әсер етпеген деген қорытынды шығарған.

«Нақты деректерге негізделген нәтижелер – уақыт...

Ресей депутаттары Владимир Жириновскийге ескерткіш қоймақшы. Депутаттың 80 жылдығына орай 2026 жылы Ресей мен Қазақстан қалаларында ескерткіш қоюды жоспарлап отырғанын ТАСС хабарлады.

Басылым хабарлауынша, ЛДПР партиясының бұрынғы басшысына алғашқы ескерткіш 2026 жылдың наурыз-сәуір айларында Мордовия Республикасының Саранск қаласында ашылуы мүмкін.

«Сондай-ақ саясаткердің шағын отаны – Алматыда да ескерткішін ашу жоспарланған», – деп жазады басылым.

Ресейде ескерткіштен бөлек, Жириновскийге қатысты деректі фильм мен сериал түсіріледі. Деректі фильм премьерасы 2026 жылдың сәуіріне жоспарланған. 75 жасында қайтыс олған саясаткердің 80 жылдығын тойлауды Ресей президенті Владимир Путин бұйырып, тиісті құжатқа қол қойған.

Айта кетейік, 2005 жылы...

«Қазгидромет» Қазақстанның бірнеше өңірінде дауылды ескерту жариялады. Нақты айтқанда, 11-12 наурыз күндері елдің бірқатар өңірлерінде ауа райы бұзылады.

Қар көшкіні

«Қазгидрометтің» гидрология департаметінің мәліметінше, 2025 жылдың 7-11 наурыз аралығында Үлкен және Кіші Алматы су алаптарында жауын-шашын көп түседі. Салдарынан қар жамылғысы тұрақсыз болып, қар көшкіні жүруі мүмкін.

«Көшкін жүру қаупі мүмкін болуына байланысты, қарлы беткейлерге шығу ұсынылмайды. Тауда абай болыңыздар», – делінген ТЖМ хабарламасында.

Өзен деңгейінің көтерілуі

10-12 наурыз аралығында күн күрт жылып, жауын-шашын мол болады. Осыған байланысты Жамбыл облысының таулы және тау етегіндегі аймақтарында беткейлік ағынның қалыптасуы және өзендерде су деңгейін...

Миллиардер Илон Маскке тиесілі X (бұрынғы Twitter) әлеуметтік желісіне 10 наурыз күні ауқымды кибершабуыл жасалды. Дүйсенбінің таңында желі қолданушылары бірнеше сағат жүйеге кіре алмаған. Маск шабуыл жасалғаны туралы ресми мәлімдеме жасады. Бұл туралы Associated Press басылымы хабарлады. 

«Бізге күн сайын шабуыл жасалады, бірақ бұл шабуыл едәуір ресурстың күшімен жасалған», – деп жазды Маск.

Айтуынша, шабуылдың үйлестіруші тобы немесе бір елдің күші болған болуы мүмкін. Х қорғаныс жүйесі түнде байланыс жүйелерін қалпына келтіріп, бақылауды қайтарған.

Downdetector.com жүйесінің мәліметтері бойынша онлайн-сервистердің жұмысында тежеуді байқаған. Желі АҚШ уақытымен таңғы 6:00-ден кешкі 10:00-ге дейін (Астана уақыты бойынша...

Астана уақыты бойынша 11 наурыз сағат 01:26 шамасында Жетісу облысында жер сілкінді. Бұл туралы «Сейсмологиялық зерттеу институты» хабарлады.

Институт ақпаратына сүйенсек, жер сілкінісінің негізгі ошағы Қытай аумағында орналасқан. Қазақстанға жеткен тербеліс күші 2 балл шамасында.

Жердің тербелуін Жетісу облысы Жаркент қаласының тұрғындары 2 балл көлемінде сезген болуы мүмкін. 

Төтенше жағдайлар министрлігінің хабарлауынша, жер сілкінісі салдарынан зардап шеккендер туралы және қираған ғимараттар туралы хабар келіп түспеген.

Айта кетейік, 8 наурызда Шығыс Қазақстан облысында жер сілкінген. Тербелісті Зайсан қаласының тұрғындары сезген.

Қазір еңбек нарығы өте тез өзгере салады. Бірер жыл бұрын табысы көп, сұранысы мол мамандық табан асты өзекті болмай қалуы мүмкін. Оның орнын басатын неше түрлі жаңа мамандық пайда болып жатады. Олай болса, дәл қазір қандай мамандықтарға сұраныс жоғары? Қай мамандар көп айлық алады? Қазақстанның еңбек нарығында ахуал қандай? Шолу жасайық.

IT және технологиялар

Тізімде бұл мамандықтың көш бастайтыны ешкімді таңғалдырмас. Өйткені бағдарламалаушылар мен киберқауіпсіздік мамандары кейінгі жылдары ең табысты мамандықтар қатарынан табылып келеді. 2025 жылы IT-кадрға сұраныс одан әрі арта береді. Әсіресе, жасанды интеллект, машинаны үйрету, клауд технологияларды меңгергендер жоғары айлық алады. Бүгінгі таңда Қазақстанда IT-мамандар орта...

Еңбек демалысы біткен соң жұмысқа қосылғыңыз келмей ме? Әбден ұйқыны қандырып, алаңсыз қыдырып үйреніп қалған соң, ертемен жұмысқа шығу оңай емес. А нүктесінен В нүктесіне баратын дүние деп қарасақ та, темп пен режим ауысқан соң, біраз күн өз-өзіңізге келе алмай жүретініңіз қалыпты. Зерттеулерге сүйенсек, демалыстан жұмысқа шыққанда адамдардың 76 пайызында күйзеліс пайда болады екен. Олай болса, негатив әсерді азайту үшін не істеу керек? Осы туралы айтайық.

1. Режимді бейімдеңіз

Айталық сіз шетелге барып демалып келдіңіз. Кеше Балиде виллада коктейль ішіп жатқан адамға ертесіне Алматының кептелісімен таң атпай жұмысқа бару оңай болмасы анық. Сондықтан уақытты жоспарлағанда осыны ескеріңіз.

Солтүстік Корея Оңтүстік Корея мен АҚШ-тың бірлескен жаттығуларының басталуына байланысты Сары теңіз бағытына баллистикалық зымырандар ұшырды.

Еuronews мәліметінше, Оңтүстік Кореяның әскери күштері, Сеул мен Вашингтон «Бостандық қалқаны» деп аталатын жыл сайынғы ірі әскери жаттығуларды қайта бастағаннан бірнеше сағат өткен соң хабарлаған.

Пхеньян бұл жаттығуларды Корей түбегіндегі жағдайды ушықтыратын «қауіпті арандату» деп атады.

Оңтүстік Кореяның Біріккен штаб бастықтары комитетінің мәліметінше, зымырандар Солтүстік Кореяның Хванхэ провинциясынан ұшырылған.

«Біздің қарулы күштеріміз қырағылықты күшейтіп, бақылау шараларын арттыруда және АҚШ-пен тығыз ынтымақтастықта толық дайындықты сақтауда», — деп хабарлады Оңтүстік Корея Қарулы күштері штабының комитеті.

«Бостандық қалқаны» оқу-жаттығулары командалық-штабтық дайынды...

Украина 2020–2024 жылдар аралығында қару-жарақ импорты бойынша әлемде бірінші орынға ие болды. АҚШ өз үлесін жаһандық қару-жарақ экспортында 43%-ға дейін ұлғайтса, Ресей экспорты 64%-ға төмендеген.

Стокгольм халықаралық бейбітшілікті зерттеу институтының (SIPRI) мәліметінше, АҚШ-тың әлемдік қару-жарақ нарығындағы үстемдігі артып келеді, ал Ресейдің экспорты керісінше құлдырап барады.

2020–2024 жылдар аралығында Ресей 33 елге негізгі қару-жарақ түрлерін жеткізген. Оның үштен екі бөлігі 3 мемлекетке тиесілі болды: Үндістан (38%), Қытай (17%) және Қазақстан (11%).

Сарапшылардың айтуынша, бұл құлдырау Ресейдің 2022 жылғы ақпанда Украинаға толыққанды басып кіруінен бұрын басталған.

«Украинаға қарсы соғыс Ресейдің қару-жарақ экспортындағы құлдырауды одан әрі тездетті, өйткен...

Шымбұлақта үш туристің кесірінен қар көшкіні жүрді. Ақпаратты Алматы қаласы Төтенше жағдайлар департаменті растады.

«2025 жылғы 10 наурызда Медеу ауданы, «Шымбұлақ» тау-шаңғы курорты. «Қазселденқорғау» мемлекеттік мекемесінің мәліметінше, №26Б, 26Г көшкін үйінділерінде қар көшкіні болды. 112 желісіне құрбандар мен зардап шеккендер туралы ақпарат түскен жоқ», – делінген Алматы төтенше жағдайлар департаментінің жедел ақпаратында.

Ведомствоның нақтыланған ақпаратына сенсек, бүгін, 10 наурызда «Шымбұлақ» ТШК-да жолдан тыс шаңғышылармен сырғанау кезінде (3 турист) тау бөктеріндегі еңісті кесіп өтіп, шамамен 3500 текше метр көлемінде  қар көшкінін тудырған.

Ауа райының бұзылуына байланысты Астана халықаралық әуежайында әуе рейстері уақытынан кешігіп жатыр. Әуежай баспасөз қызметінің хабарлауынша, бүгінгі күні жоспарланған 84 ұшып шығу рейсінің алтауы кешіктірілген. Олардың ұшу уақыты кейінге қалдырылды.

Рейстердің кешігуінің негізгі себебі ауа райының қолайсыздығы болып отыр. Ұшып келуге жоспарланған 86 рейстің 8-і дәл осы себеппен кешіктірілген.

«Әуежай штаттық режимде жұмыс істейді. Ұшу қауіпсіздігін қамтамасыз ету мақсатында перрон мен ұшу-қону жолағын тазалау жұмыстары үнемі жүргізіледі. Әуеайлақтың үздіксіз жұмысын қамтамасыз ету үшін 23 дана мамандандырылған техника пайдаланылады»,– делінген хабарлмада

Жолаушылар рейстердің күйін және кестедегі ықтимал өзгерістерді төмендегі жолдар арқылы тексере алады:

Ішкі істер министрлігі қара металды жақын және алыс шет елдерге контрабандалық жолмен шығарған қылмыстық схеманы анықтады. Солтүстік Қазақстан өңірінде компания басшысы құны 170 млн теңгеден асатын металл сынықтарын пойыз және кемелер арқылы шетелге жөнелткен. Маңғыстауда да компаниялардың бірі 400 тоннадан астам металды елден әкеткен.

«Тыйымға қарамастан, еліміздің бірқатар өңірінде металл сынықтарын дайын өнім мен шикізат түрінде көрсетіп, теңіз және темір жолдары арқылы заңсыз экспортты ұйымдастырған адамдар анықталды»,– деп хабарлады ІІМ.

Мәселен, СҚО-да жекеменшік кәсіпорынның басшысы «жоғары легирленген болат» деген атпен көршілес мемлекетке теміржол арқылы қара металды жөнелтуді ұйымдастырған. Оның заңсыз әрекетін СҚО полиция департаментінің ұйымдасқан...

«ҚазАвтоЖол» күн райының бұзылуына байланысты Ақмола, Қарағанды, Павлодар облыстарында жолдардың жабылғаны туралы мәлімет берді.

Ақмола облысы:

Өңірде қарлы боран мен екпінді желдің салдарынан көліктің барлық түрі үшін қозғалыс шектеледі.

Айталық, «Астана-Петропавловск» автожолының 18-232 шақырымдағы учаскеcі, яғни Астана мен Щучинск қаласы арасындағы жол бөлігі жабылады.  

«Астана-Қабанбай батыр-Нұра-Теміртау» автожолының 35-51 шақырым аралығы, нақтырақ айтсақ, Қабанбай Батыр ауылы – Қарағанды облысы шекарасындағы жол қозғалысы шектеледі.

Сонымен қатар «Астана-Ерейментау-Шідерті» автожолының 16-200 шақырым аралығына да (Астана қаласы-Павлодар облысы шекарасы) шектеу енгізілді.

Қарағанды облысы:  

– «Астана-Қабанбай батыр-Нұра-Теміртау» автожолының 51-266 шақырым аралығы (Ақмола облысы шекарасы-Теміртау қаласы);

 Павлодар облысы:  

– «Астана-Ерейментау-Шідерті» автожолының 200-254 шақырым аралығы, бұл...

10 наурызда Германияның ірі 13 әуежайында 24 сағаттық ескерту ереуілі басталды. Ver.di неміс кәсіподақ ұйымы әуежай операторларын, жерүсті қызметкерлерін және авиациялық қауіпсіздік қызметкерлерін наразылық шарасына шығуға шақырды.

DW порталының хабарлауынша, ереуіл Берлин-Бранденбург, Штутгарт, Кельн/Бонн, Дюссельдорф, Дортмунд, Мюнхен, Гамбург, Франкфурт-на-Майне, Ганновер, Бремен және Лейпциг/Галле әуежайларына әсер етеді.

Веце және Карлсруэ/Баден-Баден әуежайларында ереуілге тек авиациялық қауіпсіздік қызметкерлері, жолаушылар, қызметкерлер, жүк және тауарларды бақылау аймақтарында жұмыс істейтіндер, сондай-ақ қызмет көрсету қызметкерлері шақырылды.

Неміс әуежайларының ADV қауымдастығының бағалауынша, Ver.di жариялаған ереуіл нәтижесінде 3400-ден астам рейс тоқтатылып, шамамен 510 000 жолаушы зардап шегеді.

Кәсіподақ 8%-ға жалақыны көтеруді, бірақ айына кемінде 350 еуро көлемінде арттыруды...