Жаңалықтар

Жамбыл облыстық соты жұмысында алмастыратын адам болмағандықтан, декреттік демалысқа шыға алмаған полиция қызметкерінің құқығын қорғады.

Талап қоюшы 2019 жылы үйленіп, 3 бала тәрбиелеп отыр. Кіші қызы 2023 жылдың жазында дүниеге келгенде полиция департаментіне декреттік демалыс беру туралы арыз түсірген.

Алайда оның арызынан жеке құрам қызметкерлерінің жетіспеуіне байланысты бас тартқан.

Сот талап қоюшының науқас баланы күту бойынша уақытша еңбекке жарамсыздық парағы барын, жұбайы кәсіпкер екенін анықтаған.

Сот сондай-ақ жауапкердің жеке құрамның жетіспеушілігі, көптеген лауазымдар бос тұрғаны туралы дәлелдерін дәрменсіз деп тапқан.

«Қызметкер жынысына және басқа жағдайларға қарамастан декреттік демалысқа шығуға құқылы. Сот полиция департаментінің әрекеттерін заңсыз...

Мәжіліс депутаты Асхат Аймағамбетов міндетті әлеуметтік медициналық сақтандыру жүйесіне енгізілетін өзгерістер қарсаңында өзінің ұсыныстарын ортаға салды.

Оның айтуынша, өзгерістермен қатар келетін қос жаңашылдық көпті алаңдатып отыр. Оның біріншісі кепілдендірілген көмек көлемінің қысқаруы. Заң жобасында медициналық көмектің көп бөлігін МӘМС пакетіне көшіру ұсынылған. Депутат алғашқы тексеріс пен базалық диагностика кепілдендірілген көмек аясында қалуы тиіс деп санайды.

«Екінші, жарна мөлшерінің артуы. Жұмыс беруші мен қызметкерден алынатын жарна шегін арттыру ұсынылған. Әділеттілік қажет, бірақ бизнес пен азаматтардың мүмкіндігін ескеру керек. Жарнаны салыққа айналдыруға болмайды. Балама мен ынталандырусыз шекті арттыру — жүйені шамадан тыс жүктеуге апарады», – дейді ол.

Алматыда Moskva сауда ойын-сауық орталығына жарылғыш зат қойылғаны туралы ақпарат түскен.

Орталық әкімшілігі дереу қонақтар мен қызметкерлерді эвакуациялап, оқиға орнына полиция мен төтенше жағдайлар қызметкерлері келген.

«Сауда орталығына жарылғыш зат қойылғандығы туралы хабарлама келіп түсті.
Қалалық төтенше жағдайлар қызметі қазіргі уақытта нысанда тексеру жұмыстарын жүргізуде. Жедел бөлімшелер жасырын телефон шалушыны анықтауда, ол жауапқа тартылатын болады», – деп хабарланды Алматы қалалық полиция департаменті баспасөз қызметінің алғашқы ақпаратында.

Кейінірек полиция демартаменті тексеру жұмыстары ақпарат жалған болып шыққанын көрсеткенін мәлімдеді.

Ал сауда орталығының әкімшілігі орталық штаттық режимге оралғанын жеткізді.

Бұған дейін, FlyArystan рейсінде бортсерікті ұрып, «ұшақта бомба бар» деп үрей туғызған жолаушы...

Эстрада әншісі Рахымжан Жақайым ойындайтын «Сен маған массың» әні TikTok желісінің Азиялық сегментінде кеңінен таралып жатыр.

Қолданушылар әннің ырғағына қарай билеп, түрлі видеолар салуда.

Осыдан бес жыл бұрын шыққан ән көптеген қолданушылардың көңілінен шыққанын байқауға болады.

Комментарийлерде қазақ пен қырғыз қолданушылары әннің кеңінен таралып жатқанына дән риза екенін айтып, кейде бұл «қызғыздың әні», «алайда оның бағын жандырған қазақ әншісі» деп таласып-тартысып қалып та жатыр.

Қазіргі уақытта аталған Рахымжан Жақайым орындайтын әнге түсірілген видеолардың қаралымы ондаған миллионнан асып кеткен.

@ai_yin_yue 久违了葫芦娃 #你是我的期许 #我要上推荐

Талдықорғанда Шерзат Полаттың ісі бойынша басты сот талқылау басталды. Айыптау актісі оқылғаннан кейін, судья сотталушылардан тағылған айыпқа қатысты пікірін сұрады деп хабарлайды KursivMedia.

Абзал Шынасыл өзіне тағылған айыпты жартылай мойындады.

«Шерзат Полатқа пышақ сұққан мен емеспін. Ғайыпбаевқа қатысты тұсын мойындаймын. Толық көлемде мойындамаймын», – деді айыпталушы Шынасыл.

Шыңғыс Белғожаев өзіне тағылған айыпты мойындады.

«Айыптау актісінде арасында көрсетілген кей әрекетті мойындамаймын. Пышақтың сабымен ұрған жоқпын», – деді ол.

Дархан Әскентай, Нұрқияс Ілиясов, Дидар Қалиахмет, Думан Ысқақ кінәні мойындамайтынын айтты.

Азамат Тоқтаубаев айыпты жартылай мойындайтынын айтты.

«Қылмыс...

Еңбек және халықты әлеуметтік қорғау министрлігі атаулы әлеуметтік көмек төлеміне қатысты бірқатар өзгерістерді қоғамдық талқыға ұсынды.

Жаңа өзгеріске сай, атаулы әлеуметтік көмек көрсетуге үміткер келіскен жағдайда, тиісті мемлекеттік орган оның шығыс операциялары, банктік шоттардағы, банктік қарыздардағы, микрокредиттегі, жинақ салымындағы, депозиттегі ақша қаражатының қозғалысы туралы мәліметтерді алып отырады.

«Атаулы әлеуметтік көмек тағайындау тетігіндегі алдағы өзгерістер шын мәнінде мұқтаж азаматтарды анықтауға және оларға мемлекет тарапынан нысаналы қолдауды қамтамасыз етуге мүмкіндік береді. Күтілетін нәтижелердің мерзімі – 2025 жылғы желтоқсан айы«, – делінген министрлік бұйырығының жобасында.

Министрлік атаулы әлеуметтік көмек тағайындаудың бұл тетіктері ықтималды әлеуметтік-экономикалық, құқықтық салдарға әкеп...

Талдықорғанда Шерзат Полаттың қазасына қатысты қылмыстық іс сотта қаралып жатыр. Сот процесі 18 сәуір сағат 10:00-де жалғасады, деп хабарлайды KursivMedia.

17 сәуірде мемлекеттік айыптаушы айыптау актісін оқыды. Іс бойынша 9 сотталушы бар.

Істі қарау барысында алдымен жәбірленуші тараптан, содан кейін куәгерлер, сотталушылардан жауап алынады.

Істі судья Ержан Жанұзақов қарап жатыр. Мемлекеттік айыптаушылар – Дана Сәрсенбай мен Ержан Құрақбаев.

Айыпталушылар қатарында 9 адам бар

Айта кетейік, қылмыстық іс бойынша сотталушылар қатарында 9 адам бар. Олар:

Абзал Шынасыл;

Равиль Сакиев;

Шыңғыс Белғожаев;

Дархан Әскентай;

Нұрбол Тоқтаубаев;

Азамат Тоқтаубаев;

Нұрқияс Ілиясов;

Дидар Қалиахмет;

Думан Ысқақ.

Толығырақ мына жерден оқуға болады.

Михаил Шайдоров – мәнерлеп сырғанаудан жарқырап келе жатқан жаңа жұлдыз. Төрт құрлық чемпионатының алтын, әлем чемпионатының күміс жүлдегері.  Жас спортшыға қазір әлемнің назары ауып отыр. Ал қазақстандықтар одан үлкен жетістіктер күтеді. Tatler Asia басылымына берген сұхбатында ол өзінің ішкі әлемі, балалық шағы және шабыт сыйлайтын сәттерімен бөлісті.

Балалық шақтағы естеліктер

Миша Алматыдағы «Рамстор» мұз айдынында өткізген кездерін ерекше сағынышпен еске алады. Бауырымен бірге ойын автоматтарында ойнап, ыстық шоколад ішіп, еркін сырғанаған кездерін ұмытпайды. Бұл мұз айдыны – оның алғашқы жеңіс баспалдағы болып қана қоймай, осы спортқа деген шабытын оятты.

Образ және шабыт

Шайдоров өзін кино...

Ақмола облысының прокурорлары 450 адамға заңсыз несие рәсімдеген ұлттық қылмыстық топ мүшелерін анықтады. Бұл туралы Бас прокуратураның баспасөз қызметі хабарлады.

2024 жылдың сәуір айында прокурорлар белгісіз тұлғалардың әлеуметтік осал топтарға жататын Зеренді ауданының тұрғындарының атына ақшалай несие рәсімдеу жағдайларын анықтаған. Бұдан кейін аудан прокурорының бастамасымен жедел іздестіру шаралары басталып кеткен.

Ал 2024 жылдың күзінде алаяқтық дерегі бойынша қылмыстық іс қозғалып, тергеп-тексеру басталған. Бұл іс Ақмола облысы прокуратурасының Арнайы прокурорларына тапсырылған.

Арнайы прокурорлар сотқа дейінгі тергеп-тексеру жүргізіп, нәтижесінде ұйымдасқан қылмыстық топты анықтаған. Топ мүшелері алдау жолымен екінші деңгейлі банктерден қаражат жымқырумен айналысқан.  

Топ мүшелері нақты бір схемамен жұмыс...

Талғарда жасөспірім Шерзат Полат қайтыс болған күні оның ағасы Нұрқанат Ғайыпбаевтың телефоны қолды болған. Бұл туралы қылмыстық іс бойынша айыптау актісінде көрсетілген, деп хабарлайды KursivMedia.

2025 жылдың 17 сәуірінде мемлекеттік айыптаушы Дана Сәрсенбай айыптау актісінің толық нұсқасын оқыды. Соған сәйкес, 9 сотталушының бірі – Азамат Тоқтаубаевқа қылмыстық кодекстің екі бабы бойынша айып тағылған. Оның бірі – Қылмыстық кодекстің 293-бабы 3-бөлігі (бұзақылық), екінші бап – қылмыстық кодекстің 188-бабы 1-бөлігі (ұрлық).

«Сағат 01:02-01:04 арасында Абзал Шынасыл Нұрқанат Ғайыпбаевқа өзімен бірге алып келген ас пышағын бір рет сұғып алған. Сол сәтте Сакиев тергеу барысында анықталмаған пышақты Ғайыпбаевтың жамбасына...

Astana Hub резиденті, жасанды интеллект саласындағы қазақстандық стартап SHAI өзбекстандық AVO банкінің негізгі иесі, кәсіпкер және инвестор Руслан Әділбаевтан 1 млрд доллар инвестиция тартты. Бұл туралы Astana Hub хабарлады.

Тартылған қаржы SHAI өнімін әрі қарай дамыту, озық технологияларды енгізу және жаңа халықаралық нарықтарға шығуға бағытталмақ.

SHAI дегеніміз не?

SHAI — компанияларға өздерінің жасанды интеллект агенттері мен цифрлық көмекшілерін жасауға мүмкіндік беретін платформа. Бұл шешімдер бизнес процестерді автоматтандыру, күнделікті жұмысты жеделдету, қателер санын азайту, деректер қауіпсіздігін арттыру және корпоративтік ақпараттың сыртқа шығу қаупін төмендетуге көмектеседі.

2024 жылдың соңынан бері SHAI Қазақстанда және шетелде мемлекеттік сектор, өнеркәсіп пен...

Ресейде «Ленинград», «Сталинград» атты қала атаулары қайтарылды. Әзірге үш күнге, тек қана ұшқыштар үшін қала атаулары өзгермек.

8–10 мамыр аралығында Санкт-Петербург пен Волгоград қалалары авиадиспетчерлік жүйеде уақытша түрде тарихи атаулары – Ленинград және Сталинград деп аталмақ.

Бұл бастаманы Ресейдің әуе қозғалысын ұйымдастыру жөніндегі мемлекеттік корпорациясы көтерді.

Айтуларынша, бұл шара Екінші дүниежүзілік соғыстағы жеңістің 80 жылдығына арналады.

Ресми құжатқа сәйкес, 8 мамыр 00:00-ден 10 мамыр 23:59-ға дейін Пулково (Санкт-Петербург) мен Гумрак (Волгоград) әуежайларында ұшқыштар авиадиспетчерлермен байланыс кезінде «Ленинград-Подход (Контроль)» және «Сталинград-Подход (Контроль)» деп хабарласуы тиіс.

Бұл тек радиобайланыс пен әуе навигациясында қолданылады және қалалардың ресми атауларына әсер етпейді. Яғни...

Банктердің мобильді қосымшалары енді смартфон микрофоны қосулы тұрған кезде бұғатталатын болады. Бұл туралы Қаржы нарығын реттеу және дамыту агенттігінің «Ашық НҚА» порталында жарияланған құжатында жазылған.

Құжат қаржылық қызметтердің ақпараттық қауіпсіздігін арттыру мақсатында әзірленген. Қаулы алаяқтардың заңсыз әрекетіне тосқауыл болуды көздейді. Оған сәйкес, бұрын тіркелмеген мобильді құрылғыда банктердің мобильді қосымшасында клиентті аутентификациялау тәртібі енгізіледі.

«Сондай-ақ микрофон қосылған кезде мобильді банкингті бұғаттау бойынша қосымша талап енгізу арқылы клиенттік деректерді қорғау деңгейін арттыру көзделген», – делінген құжатта.

Сонымен бірге құжатта банктің инфрақұрылымы жұмыс істемей қалғанда, ақпараттық қауіпсіздіктің оқыс оқиғалары туралы уәкілетті органды хабардар етудің баламалы...

«Самұрық-Энерго» АҚ 2024 жылғы қаржы есебін жариялады. Құжатқа сәйкес, компания былтыр таза пайдасын екі есе арттырған. 2023 жылы компания 57,4 млрд теңге таза пайда тапса, былтырғы таза пайдасы 112,9 млрд теңгеге жетті. Таза пайдадан 20,6 млрд теңге көлемінде дивиденд төлеуді жоспарлап отыр.

2024 жылы компанияның сатылым көлемі 573,5 млрд теңгеге жетіп, 2023 жылмен салыстырғанда 23%-ға өсті. Бұл – ішкі нарықтағы электр энергиясына деген сұраныстың өсуімен, сондай-ақ өндірістік қуаттарды тиімді пайдалану нәтижесінде орын алды.

Компанияның экономикалық тиімділігін сипаттайтын негізгі көрсеткіштер де айтарлықтай жақсарды. Активтер табыстылығы (ROA) 7,99%-ды, меншікті капиталдың табыстылығы (ROE) 14,62%-ды, ал сатылым тиімділігі (ROS) 19,7%-ды құрады.

Алматылық келіншек блогер Дариға Нұркееваның(Дарикорн) кесірінен балам буллинге ұшырады деп айыптады. Оның сөзінше, баласы желідегі бір видео үшін мектепке бармай, футбол үйірмесін ауыстыруға мәжбүр болған.

Атышулы видео

Ольга Колузанова есімді келіншектің тоғыз жастағы баласы былтыр тамызда Дариға Нұркееваның видеосына түскен. Дәлірек айтқанда, блогер көшеде кетіп бара жатқан балалардан «ең дәмді тамағың қандай» деп сұрайды. Бала «пицца» деп жауап береді. Бірақ блогер субтитрға басқа бейәдеп сөз жазып, оны өзінің дәмханалар желісінің жарнамасы үшін қолданған. Видео 2 млн рет қаралды.

«Осыдан кейін видеоға түскен баламды мектебінде де, барып жүрген футбол үйірмесінде де буллинг жасай бастады. Мен ол туралы...

Ұлытау облысында киік санын азайту жұмыстары жүргізіліп жатыр. Киік өлекселерінің тау-тау болып жатқан видеосы әлеуметтік желіде тарады.

Журналист Михаил Козачковтың телеграм арнасына келген видеода киіктерді мотоцикл мінген адамдардың үйірінен бөліп алып, арнайы дайындалған торға қамағаны бейнеленген. Қоршаудан қашып шығуға әрекеттенген ақбөкендер мүйізімен, аяғымен торға шырмалып қалып жатнын көруге болады. Дәл осы кезде қолына пышақ ұстаған адам әлгі жануарларды шетінен бауыздайды.

Ал екінші видеода ақбөкендердің денесі КАМАЗ көлігіне тиеліп, тау-тау болып үйіліп жатқан киіктердің маңына жеткізіліп төгіліп жатыр. Бұл Ұлытау облысында жаппай қырылған киіктердің өлексесі болуы керек. Экология министрі Ұлытауда 15 мың бас жануардың қырылғанын айтқан болатын.

Алматыдағы «барахолка» маңында 100-ден астам заңсыз сауда нүктесі жабылды. Бұл туралы қала әкімдігі хабарлады.

Рейдтер қала әкімі Ерболат Досаевтың тапсырмасына сәйкес, «Алматы – біздің ортақ үйіміз» бағдарламасы аясында ұйымдастырылған. Тексеру «Алатау», «Сәлем», «Байсат» және «Ялян» базарларының маңында жүргізілді.

«Аталған аумақтарда азаматтар рұқсатсыз, санитарлық талаптарға сай келмейтін жағдайда көкөніс, жеміс-жидек, сүт өнімдері және басқа да тауарларды сатып отырған. Бұл сауда нүктелерінің ешқайсысында тиісті құжаттар болмаған», – делінген әкімдік хабарламада.

15 сәуір күні ғана 140-тан астам заңсыз сауда орны анықталып, жабылған. Әкімдік өкілдері мұндай жұмыстар сәуір айының соңына дейін жалғасатынын мәлімдеді.

Еске сала кетейік, бұған дейін Алматы...

Қазақстан үкіметі Қашаған мұнай-газ кен орнын өндіретін North Caspian Operating Company (NCOC) тобы табыстың 98%-ын өзіне қалдырып отыр деп есептейді. Енді халықаралық арбитраж арқылы осы жағдайды өзгертуге тырысып жатыр. Бұл туралы осы жайлы арнайы материал дайындаған Зерттеуші журналистердің халықаралық консорциумы (ICIJ) жазады.

«Қазақстан үкіметі халықаралық мұнай компаниялары тобы Қашағанның ірі мұнай кен орнынан түскен табысының 98%-ын иеленіп отырғанын мәлімдейді. Бұл туралы ICIJ (Халықаралық зерттеуші журналистер консорциумы) танысқан 160 миллиард долларлық арбитраждық талап бойынша құпия шешімде айтылған. Қазақстан үкіметінің айтуынша, табыс теңсіздігінің мұндай шектен шыққан жағдайы – 1997 жылы ірі халықаралық мұнай корпорациялары мен Кеңес Одағынан...

Freedom QJ League – Қазақстандағы жасөспірімдер футболын дамытуға бағытталған беделді турнир – өз чемпиондарына халықаралық аренада қолдау көрсетуге дайын.

Лиганың басты додасында жеңіске жеткен команда ел атынан УЕФА-ның жасөспірімдер лигасына (Youth League) қатысу құқығын алады. Бұл турнир – ересектер арасындағы Чемпиондар лигасының баламасы, мұнда әр елдің үздік командалары бақ сынайды.

УЕФА Жасөспірімдер лигасының форматы екі жолмен өтеді: алғашқысы – ересектер арасындағы ЛЧ-ның қатысушыларына сәйкес келетін жасөспірімдер командалары, ал екіншісіне – әр елдің U-18 чемпиондары қатысады. Қазақстан атынан бұл мәртебеге Freedom QJ League жеңімпаздары ие.

Осы халықаралық жарыста ел намысын абыроймен қорғау үшін Лига арнайы қаржылай қолдау бағдарламасын іске қосты...

«Сәуір болмай тәуір болмас» деп болжайтын қазақ  дәл осы айдағы онкүндікті «бесқонақ» деп атаған. Оны сәуірдің сегізіне кіріп, он сегізіне шығады деп есептеген. Десе де бес алты күн әрі-бері ауытқуы мүмкін. Дәл осы күндері табиғат тосын мінез көрсетеді, қарлы жаңбыр не бірыңғай жауын жауады. Күн күрт суып, қыс қайта оралғандай болады. Бұл қандай кезең, шығу тарихы бар ма?  Осы орайда жасанды интеллектен «Бесқонақ» жайлы не ойлайтынын біліп көрдік.

Бесқонақ: Қазақ ұғымындағы киелі табиғат құбылысы

Қазақ халқының дүниетанымында табиғат құбылыстары мен олардың маусымдық өзгерістері ерекше мәнге ие. Солардың бірі — бесқонақ. Бұл ұғым көне дәуірден келе жатқан халықтық есеп жүйесіне және...

Зейнетақы қорындағы жеткілікті шектен асатын артық ақшаны баланың еміне жұмсауға болады. Денсаулық сақтау министрлігі «Емделу үшін біржолғы зейнетақы төлемдерін пайдалану қағидаларын бекіту туралы» қаулыға осындай өзгеріс енгізді. Бұл өзгеріс 27 сәуірден өз күшіне енеді.

Денсаулық сақтау министрі Ақмарал Әлназарованың қолы қойылған бұйрыққа сәйкес, емделу үшін біржолғы зейнетақы төлемдерін пайдалану қағидалары біржолғы зейнетақы төлемдерін пайдалану тәртібін айқындайды.

Жаңа тәртіп бойынша, енді зейнетақы жинақтарын кәмелетке толмаған балалардың еміне жұмсауға болады. Қандай еш-домға жұмсауға болатыны қаулы қосымшасында жазылған.

Қандай аурулардың еміне зейнетақы жинағын алуға болады?

Қаулыға сәйкес, біржолды зейнетақы төлемін сирек кездесетін ауралардан бастап, көз емдеуге дейін...

Шерзат Полаттың қазасына қатысты сотта бүгін марқұмның әжесі Жұмабике Қадырованың қан қысымы көтерілді. Одан кейін анасы Гүлбара Бейшембиеваның да денсаулығы сыр берді. Екеуін де жедел жәрдем көлігі алып кетті.

Таңертең сотталушылардың адвокаттары, жәбірленушілердің өкілдері, сонымен бірге Жұмабике Қадырова да сот отырысын Жетісу емес, қылмыс тіркелген Алматы облысында өткізуді сұраған.

«Осы жерге келгенде қан қысымым бірде түсіп, бірде көтеріліп тұр. Сол себепті (сот отырысын) Алматы облысына ауыстыруыңызды сұраймын», – деді Шерзаттың әжесі.

Алайда судья Ержан Жанұзақов сотқа қатысушы бірнеше адамның өтінішін қанағаттандырмай тастады. Қазір сот отырысы жәбірленушілер Бейшембиева мен Қадырованың қатысуынсыз өтіп жатыр.

Сотта төрт...

Димаш Құдайберген Stranger концертін кинотеатрлардан көрсетпек. Бұл туралы әнші өзінің Instagram парақшасында жариялады.

27 мамыр күні Қазақстанның барлық кинотеатрларында STRANGER атты жеке концертінің премьерасы өтпек. Бұл музыкалық шоу көрермендерге бұрын-соңды болмаған әсер сыйлайтын тың форматта ұсынылады.

Димаш бұл премьераны өзі де жанкүйерлермен бірге тамашаламақ. Оған қоса, 26 мамыр күні Алматыдағы Almaty Arena стадионында жанкүйерлерімен арнайы фан-кездесу ұйымдастырылады. Бұл шара 2024 жылдың 13–14 қыркүйегінде Астанада өткен ауқымды стадиондық концерттің көрсетіліміне арналған.

«Құрметті достар! 27 мамырда Қазақстанның барлық кинотеатрларында STRANGER жеке концертімнің премьерасы өтеді! Бұл күні мен де сіздермен бірге тамашалаймын! Жақында Алматыда кездескенше, Dears...

Қазақстанда «Овербукинг» деп аталатын әуе кемесіндегі орындар санынан артық билет сату тәжірибесіне жауапкершілік енгізілді. Бұл туралы Бас көлік прокуратурасы мәлім етті.

«Овербукинг» келеңсіздігі

Ведомствоның мәліметінше, ірі халықаралық әуе компаниялары кей жолаушылардың рейске келмейтінін болжап, орыннан артық билет сатады. Алайда барлық жолаушы ұшуға келген жағдайда, кейбіреуіне ұшаққа отыруға рұқсат берілмейді.

Бұл тәжірибе соңғы екі жылда Қазақстанда да кей танымал бағыттарда, мереке және демалыс күндері қолданылған. Жолаушылар қолында ақылы билеті бола тұра, ұшаққа отырғызылмай, балама жол іздеуге мәжбүр болған. Бұған қоғам наразылығы артқан.

Кодекстегі өзгеріс

«Билет болғанымен, борттағы орын берілмеген жағдайда жауапкершілік тек...