Жаңалықтар

ҰҚК-нің бұрынғы төрағасы Кәрім Мәсімовтен тәркіленген, құны 1,8 млрд теңге тұратын зәулім сарай аукционда сатылмады. Үйді сатып алуға ниеттілердің болмауына байланысты 25 ақпанға белгіленген сауда-саттық өтпеген.

Зәулім сарайды Қайтарылған активтерді басқару компаниясы сатылымға шығарған. Бастапқы бағасы 1,8 млрд теңге деп белгіленген. Сатып алуға ниетті адамдар 117,9 млн теңге кепілдік жарнасын төлеуі шарт болған.

Лот сипаттамасында тұрғын үй Астана қаласы, Нұра ауданы, Қараөткел шағын ауданының Ерейментау көшесі, 1-ғимаратта орналасқаны көрсетілген.

Жалпы ауданы 2877,7 шаршы метрді құрайды. Оның ішінде тұрғын ауданы 347,2 шаршы метрге тең. Жалпы аумағы 0,9475 гектар және 0,2713 гектар болатын жері бар. Тұрғын үймен қоса...

Үкімет елдегі  шаруаларды қолдау үшін резевтен 116 млрд 772 млн қаражат бөлді. Тиісті қаулыға Премьер-министр Олжас Бектенов қол қойды. 

Бұл қаржы биылғы көктемгі егіс және күзгі жинау жұмыстарын сапалы жүргізуге жұмсалады. Бұған қоса, отандық өндірістегі ауыл шаруашылығы техникасын сатып алу үшін АӨК субъектілерін қаржыландыруға бағыттау жоспарланған.

Үкіметтің жоспарында отандық өндірістегі ауыл шаруашылығы техникасын сатып алу да бар.

«Бұл қаражат «Аграрлық несие корпорациясы» АҚ мен «ҚазАгроҚаржы» АҚ облигациялары бойынша купондық сыйақыны субсидиялау арқылы іске асырылады. Сонымен қатар отандық өндірістегі және құрастырылған ауыл шаруашылығы техникасын сатып алуға арналған қаржыландыруға, кейін оны лизингке беруге, сондай-ақ «Даму» кәсіпкерлікті дамыту қоры» А...

Егер несие алу сізге қиындық тудырса, телефонмен өзіңізге «тыйым салуға» болады. Ол үшін бар болғаны 1414 нөмеріне хабарласу жеткілікті. Бұл туралы Бірінші кредиттік бюродан хабарлады.

Несиеге тыйым салу үшін:

«Бұл қызметті Бірінші Кредиттік бюро ұйымы Халыққа арналған үкіметпен бірге іске қосты. Аталған сервис смартфон қолданбайтын немесе интернетке шыға алмайтын азаматтар үшін пайдалы болады», – деп жазылған хабарламада.

Телефон арқылы несиеге тыйым салуға, оны қайта алып тастауға да болады.

Еске салайық

Егер қолжетімді бағада Алматыдағы арзан пәтер іздеп жүрсеңіз, Kursiv.Media-ның осыған қатысты шолуын ұсынамыз. Krisha.kz сайтын ақтарып, арзан пәтерлерді іздеп көрдік.

Айта кету керек, қолжетімді пәтерлердің басым көпшілігі – әрлеусіз, жөндеу жұмыстары аяқталмаған. Ал кейбірі осы жылдың екінші не үшінші тоқсанында ғана қолданысқа беріледі немесе көлікке айырбастауға да болады.

Арзан бір бөлмелі пәтерлер

«Шұғыла» ықшам ауданынан 38 шаршы метрлік бір бөлмелі пәтер

Бағасы – 14 млн теңге, Орда Таун кешені

Ерекшелігі – пәтер иесі 6 млн 300 мың теңгесін қолма-қол сұрайды. Ал қалған 7 млн 700 мың теңгесін құрылыс компаниясына бөліп төлеу керек.

Қабаты...

2025 жылы жемқорлардан қайтарылған қаражатқа 28 мектеп салынады. Бұл туралы Оқу ағарту министрлігінің баспасөз қызметі хабарлады.

«Білім беру инфрақұрылымын қолдау қоры есебінен 22 мың оқушы орнына арналған тағы 28 жаңа мектеп салынады», – делінген баспасөз хабарламасында.

Бұл қор жемқорлардан тәркіленген қаражат есебінен толықтырылады. Мұнда жиналған қаражат негізінен білім беру ұйымдарын салуға жұмсалады.

Министрлік мәліметінше, елде жалпы 74,4 мың оқушыға арналған 61 мектеп пайдалануға берілген. Оның 29-ы өңірлердегі ауылдарда орналасқан. Ал жемқорлардан қайтарылған қаражатқа 2024 жылы 25 мектеп салынған. Бұл мектептер Астана қаласы мен Маңғыстау, Алматы, Жамбыл облыстарында салынып, пайдалануға берілген.

Америкалық Apple корпорациясы алдағы төрт жылда АҚШ-қа 500 млрд доллар инвестиция салмақшы. Бұл туралы Reuters жазады.

Аталған инвестиция аясында техноалпауыт америкалық кәсіпкерлерден тауар және қызмет сатып алады. Apple TV+ сервисі үшін телешоу мен фильмде түсіріледі. Корпорация Техаста Apple Intelligence ЖИ-платформасы үшін серверлер өндіретін зауыт ашпақ. Алдағы төрт жылда компанияның инвестициясы нәтижесінде бүкіл елде ЖИ саласында 20 мың жұмыс орны пайда болады деген жоспар бар.

Сондай-ақ корпорация Солтүстік Каролина, Айова, Орегона, Аризона және Невададағы дата-орталықтарының қуатын арттырмақшы.

Агенттіктің атап өтуінше, Apple-дің Америкаға инвестиция салу туралы жоспары бас директор Тим Кук пен Дональд Трамптың кездесуінен кейін хабарланған. Трамп өзінің Truth Social...

Ресей Президенті Владимир Путин мен АҚШ президенті Дональд Трамптың әскери бюджеттерді қысқарту туралы ұсынысын қолдайтынын мәлімдеді. АҚШ президенті Ресей, Қытай және АҚШ қорғаныс шығындарын 50%-ға азайту туралы бастама көтерген болатын.

«Біз бұған қарсы емеспіз. Егер АҚШ әскери шығындарын 50%-ға азайтса, біз де дәл солай жасар едік. Қытай Халық Республикасы кейін қосылуға шешім қабылдаса, біз оны да қолдаймыз. Жалпы, бұл ұсыныс дұрыс деп санаймыз және осы мәселе бойынша келіссөздерге дайынбыз», – деді Путин ресейлік мемлекеттік телеарнаға берген сұхбатында.

Өз кезегінде Трамп та Ресей мен Қытаймен ядролық қаруды бақылау және әскери шығындарды қысқарту бойынша келіссөздер жүргізгіс...

Желіде мектеп чаттарында тараған феминистік ұйым ұйымдастырған шараға шақыруға байланысты алаңдаушылық күшейді. Бұл жағдайға қатысты ҚР Оқу-ағарту министрлігі ресми мәлімдеме жасап, полицияға жүгінгенін хабарлады.

Министрлік қауіптің алдын алуға кірісті

Министрлік ата-аналар мен жасөспірімдер арасында ақпараттық-түсіндіру жұмыстарын жүргізіп жатқанын атап өтті.

«Мессенджерлерде балалардың психикасына кері әсерін тигізуі мүмкін ақпараттың таралуының алдын алу жұмыстары жүргізіліп жатыр», – деп хабарлады ведомство.

Сонымен қатар Балалардың құқықтарын қорғау комитеті Ішкі істер министрлігіне (ІІМ), Ақпарат және қоғамдық даму министрлігіне (АҚДМ) және жергілікті атқарушы органдарға (акиматтарға) арнайы хат жолдаған.

«Мектептерде оқушылардың психоэмоционалдық жағдайына әсер етуі мүмкін...

Үкімет бастап, ғұмыры қысқа болған 4%-дық автонесие бағдарламаларын салондардың өзі ұсынып жатқаны туралы жарнама жиі шығады. Бұл ақиқат па әлде клиентті қызықтыру үшін маркетологтардың ойлап тапқаны ма? Жалпы кімге тиімді, осы сұрақтарға жауап іздеп Kursiv.media тілшісі нарықта бар ұсыныстарды саралап көрді.

Сhevrolet

Такси жүргізушілері арасында танымал бренд Cobalt және Onix моделдеріне «Өзіміз ғой» бағдарламасы аясында бірнеше ұсыныс әзірлеген.

Мәселен, «Cәке» опциясы аясында көлікті бастапқы жарнасыз 2 жылға бөліп сатып алуға болады.

– Бастапқы жарна – 0%; 

– Несиелеу мерзімі – 24 ай;

– Мөлшерлеме – 0,1%.

«Бәке» опциясымен көлікті төменгі пайызбен алуға мүмкіндік бар:

– Бастапқы...

Ұжым басқару, жетекші болу – тек бұйрық беру емес. Қызметкерлердің мықты тұсын дөп басып, дұрыс тапсырма беру, командамен бір болу деген тәрізді дүниелер бар.  Бизнеске мықты басшы керек. Бірақ кейде басшылардың өзінде сенімсіздік болады, өзіне көңілі толмайды. 

Мұндай жағдайда басшылар мен жетекшілерге арналған коучиң жақсы көмектесе алады. Ол не дүние? Басшылық қызметке келген жас басшы қандай қателіктер жібереді? Арнайы коуч Әнуар Дайыровпен сөйлесіп көрдік.

– Әнуар мырза, басшыларға арналған коуч деген кім? Бұл салаға  қалай келдіңіз? 

– Мен ұзақ жыл  ұжымдық және квазимемлекеттік секторда басшылық қызметтерді атқардым. Қарапайым монтаж жасаушыдан даму жөніндегі директор және бас директорға дейін көтерілдім. Қандай қызметте болсам...

Доллар бағамы – қазақстандықтар, бизнес және инвесторлар үшін ең өзекті тақырыптардың бірі. 2025 жылы сарапшылардың пайымы екіге бөлінді. Алайда мамандардың басым бөлігі төл валюта әлсірейді деп болжайды. Kursiv.Мedia тілшісі теңге бағамына әсер ететін негізгі факторларды талдап, сарапшылардың болжамдарын және ықтимал сценарийлерді қарастырды. 

Мұнай нарығы және шикізат бағасы

Қазақстан экономикасы мұнай экспортына тәуелді. Ал теңге бағамы әдетте мұнай бағасымен тығыз байланысты. 2025 жылы Brent маркалы мұнайдың бір баррелі 70-85 доллар аралығында болуы мүмкін. Алайда ОПЕК+ мұнай өндірісін шектеуі, АҚШ-та өндірістің артуы және әлемдік экономикадағы төмен динамика «қара алтынға» сұранысты төмендете түсуі мүмкін.  

Егер мұнай бағасы жоғары деңгейде сақталса, бұл теңгені қолдайтыны анық. Егер баға құлдыраса...

«Астана Теплотранзит» АҚ жылу энергиясына тарифтерді төмендетеді. Бұл туралы Астана сотының баспасөз қызметі хабарлады.

Баспасөз қызметінің мәліметінше, Табиғи монополияларды реттеу саласындағы уәкілетті орган жылу энергиясы бойынша тарифті төмендету туралы талап қойып, сотқа жүгінген.

Ал жауапкер жылу энергиясын жеткізу жөніндегі табиғи монополиялардың субъектісі саналатындықтан, компанияның қызметтер көлемін ұлғайту есебінен тарифтерді көтеруін негізсіз деп тапқан.

«Тарифтерді қалыптастыру қағидаларында қызметтер көлемі ұлғайған жағдайда, реттеліп көрсетілетін қызметтерге тарифті төмендету көзделген. Алайда, АҚ тарифтерді төмендетпеген, бұл артық пайда алуға және тұтынушылардың жоғары тариф бойынша артық төлеуіне әкеп соқты», – делінген баспасөз хабарламасында.

Ал тапқан пайда...

БЖЗҚ 9 айдан бері бірінші рет инвестициялық шығынға ұшырады. Бұл туралы Бірінші кредиттік бюро хабарлады.

«2025 жылдың қаңтар айында БЖЗҚ 9 ай ішінде алғаш рет инвестициялық шығынға ұшырады. Жалпы шығын сомасы – 284,9 млрд теңгені құрады», – делінген хабарламада.

Бюро мәліметінше, бұл жағдайға негізінен нарықтағы құбылмалылық және әртүрлі экономикалық факторлар әсер еткен.

Негізгі себептері

Шығындардың негізгі себептері бағалы қағаздарды қайта бағалау және сыртқы басқарумен байланысты болған.

Жалпы, мұндай шығынға...

Қарағанды облысында су тасқыны қаупі жоғары. Өңірдегі 150 елдімекенді су басу қаупі бар. Жағдайды бақылау үшін өңірге премьер-министрдің орынбасары Қанат Бозымбаев арнайы келген. Бұл туралы Үкіметтің баспасөз қызметі хабарлады.

«Су тасқыны қаупі бар бірқатар елдімекендерге бардық. Бұқар Жырау және Қарқаралы аудандарында қар деңгейі нормадан жоғары. Шет ауданына келетін болсақ, қар нормадан төмен, ылғал қоры да қалыпты деңгейде. Топырақтың қатуы өткен жылмен салыстырғанда төмен. Осы жерде қажетті жұмыстардың жүргізілгендігіне көз жеткіздік. Бірақ дайын болу керек. Болжам бойынша жауын-шашын көп түсіп, күннің жылынуы күтілуде», – деп мәлімдеген Бозымбаев.

Су тасқынының алдын алу...

Қырғызстанда Қазақстанның жоғарғы оқу орындарының (ЖОО) филиалы ашылады. Бұл туралы Үкіметтің баспасөз қызметі хабарлады.

Баспасөз қызметінің хабарлауынша, Астанада премьер-министр Олжас Бектенов Қырғыз Республикасы Министрлер кабинетінің төрағасы – Президент Әкімшілігінің басшысы Адылбек Қасымалиевпен шағын және кеңейтілген құрамда келіссөздер өткізген.

Келіссөз барысында Бектенов екі ел арасындағы сауда-экономикалық көрсеткіштерге тоқталып өтіп, 2024 жылы сауда айналымы 1,7 млрд долларды құрағанын айтқан.

Сонымен бірге, транзиттік-көлік, су-энергетика, туризм, мәдени ынтымақтастық төңірегінде келіссөздер жүргізілген.

«Мәдени-гуманитарлық ынтымақтастық желісі бойынша биыл Қырғызстанда Қазақ киносы күндерін өткізу жоспарланған, сондай-ақ Қырғызстан аумағында қазақстандық жоғары оқу орындарының филиалдарын ашу мәселелері пысықталды», – делінген баспасөз...

Қазақстандағы «Береке» микроқаржы ұйымы мен «Сейф Ломбард» ЖШС-ның иесі Игорь Кимге Ұлыбритания билігі санкция салды.

Игорь Ким – Ресей азаматы. Ол Ресейдегі «Экспо банктің» негізгі акционері саналады. Ал Қазақстанда оның «Береке» атты микроқаржы ұйымы бар. Бұл компания жақында ребрендинг жасап, атын «Safe Bank» деп өзгетуді жоспарлап отыр. Бұдан бөлек Қазастандағы бес ірі ломбардтың бірі «Сейф Ломбардқа» иелік етеді.

Ким 2023 жылдың желтоқсан айында АҚШ санкцияларына ұшыраған. Санкция ол иелік ететін «Экспо банкке» салынған болатын. Ким Ресейдегі «Экспобанктің» негізгі акционері. Сонымен қатар оның Латвиядағы AS Expobank және Сербиядағы Expobank JSC банктерінде үлесі бар. Банкир бір жылдары HSBC-нің ресейлік...

Бивол Бетербиевті жеңгеннен кейін, қос қарсылас үшінші жекпе-жек өткізбек. Одан басқа Сауль Альвареспен, Дэвид Бенавидеспен немесе Каллум Смитпен тағы бір кездесу өткізуді жоспарлап отыр.

Бивол ауыр салмаққа көше ме?

Әлем чемпионы Дмитрий Бивол Boxing News-ке берген сұхбатында оның келесі қарсыласы Сауль Альварес, Дэвид Бенавидес, Каллум Смит немесе Артур Бетербиев болуы мүмкін екенін айтты.

Биволдың сөзіне қарағанда, ауыр салмаққа көшуді қалайды.

Кімдерді жеңді?

23 ақпан түні Бивол Риядта өткен екінші кездесуінде Бетербиевті төрешілердің шешімімен жеңді.

Бивол 2022 жылдың мамырында Альваресті бірауызды шешіммен жеңген болатын. Алайда мексикалықтың екінші орта салмақтағы титулдары қойылмаған еді.

Бетербиев пен...

Қазақстандық екі компания ЕуроОдақтың Ресейге қарсы салған кезекті санкциясына іліккен. Олар: MetallStan LLP және Kazstanex. Бұл компанияларды ЕО «Ресейдің әскери-өнеркәсіптік кешенін қолдап жүр» деп айыптап отыр.

ЕО-ның кезекті санкция тізіміне станок сатумен айналысатын Kazstanex ЖШС және станоктарды жөндеу және техникалық қызмет көрсететін MetallStan LLP енген.

«Бұл жеке немесе заңды тұлғалар, ұйымдар немесе органдар Ресейдің әскери және технологиялық дамуына немесе Ресейдің қорғаныс және қауіпсіздік саласын дамытуға ықпал етеді. Оларға Ресейден басқа үшінші елдердегі жеке немесе заңды тұлғалар, ұйымдар немесе органдар кіреді», — деп жазылған құжатта.

ЕуроОдақ Ресейге қарсы 16-санкциялар пакетін қабылдады.ЕО 48 жеке тұлға мен...

Президент Қасым-Жомарт Тоқаевтың жарлығымен Арман Қырықбаев жаңа қызметке тағайындалды. Бұл туралы Ақорда хабарлады.

«Мемлекет басшысының Жарлығымен Арман Оразбайұлы Қырықбаев Қазақстан Республикасы Президентінің ішкі саясат мәселелері және коммуникациялар жөніндегі көмекшісі болып тағайындалды. Ол бұрынғы атқарған лауазымынан босатылды», – делінген Ақорда хабарламасында.

Қырықбаев бұған дейін Қазақстан Республикасы Президенті Әкімшілігінің Коммуникациялар бөлімінің меңгерушісі қызметін атқарған.

Өмірбаяны

Арман Қырықбаев 1976 жылы Астана қаласында дүниеге келген. 1996 жылы Қазақ мемлекеттік басқару академиясын «экономист» мамандығы бойынша тәмамдаған. Одан кейін Қазақстан Республикасы Сыртқы істер министрлігінің Дипломатиялық академиясына оқуға түсіп, «халықаралық қатынастар» мамандығы бойынша оқыған.

Еңбек...

Қырғызстан АҚШ президенті Дональ Трамптың Газада тұратын палестиналықтарды басқа аймақтарға күштеп қоныс аудару туралы бастамасына қарсы шықты. Елдің бұл мәселедегі позициясын министрлер кабинеті төрағасының орынбасары Еділ Байсалов жеткізді.

Премьер-министрдің орынбасары Женевадағы БҰҰ Адам құқықтары жөніндегі Кеңестің 58-сессиясында сөз сөйлеп, палестианалықтарды туған жерінен көшіру әрекетін этникалық тазарту деп бағалады.

«Палестиналықтарды күштеп көшіру әрекеті этникалық тазартудың бір түрі. Біз мұндай бастамаға қарсымыз және халықаралық қауымдастықты бүкіл халықты ұжымдық жазалау әрекетінің алдын алуға шықарымыз», – деп мәлімдеді Байсалов.

Айта кетсек, Дональд Трамп біраз уақыт бұрын мәлімдеме жасап, Газа аймағын бақылауға алатынын айтты. Ал Газа тұрғындарын...

Ипотекалық ұйымдар былтыр 42,8 млрд теңге таза пайда алған. Ұлттық банк дерегіне сәйкес, ипотекалық ұйымдардың активтері 1,6 трлн теңгені құраса, 1,3 трлн теңгеге міндеттемесі бар.

Қазақстанда екі мекеме ипотекалық ұйым ретінде тіркелген. Біріншісі – «Қазақстан Тұрғын үй Компаниясы» АҚ болса, екіншісі – «Экспресс Финанс» Ипотекалық ұйымы» АҚ.

Қос компанияның несие портфелі 574 млн теңгені құрайды.

Таза пайданың 42,4 млрд теңгесі «Қазақстан Тұрғын үй Компаниясына» тиесілі болса, 436 млн теңгесі «Экспресс Финанс» ипотекалық ұйымының тапқан табысы.

«Қазақстан Ипотекалық Компаниясы «Ипотекалық ұйымы» акционерлік қоғамы» 2000 жылы құрылған. Оған тұрғын үй құрылысын ұзақмерзімді қаржыландыру және ипотекалы...

Түркияда мейрамхана қонақтары кепілге алынды, бір адам жарақат алған. Оқиға Коджаэли қаласындағы мейрамханалардың бірінде болған.

Оқиға қалай болды?

Report хабарлауынша, атыс кезінде бір адамға оқ тиген. Оқыс оқиға былай өрбіген. Аталған түрік қаласының Осман Йылмаз кварталында орналасқан мейрамханалардың біріне қарулы ер адам кіріп келіп, отырғандардың бірін атып тастаған. Қалғандарын кепілге алған.

Оқиға орнына келген полиция қызметкерлері күдіктінің қаруын тартып алып, өзін қолға түсірген.

Жарақат алған адам аман. Қазір ауруханаға жіберілген.

Неге Түркияда мұндай оқиға көп болады?

Былтыр ақпан айында осы Коджаэли қаласында тағы да бір оқыс оқиға болды. Procter & Gamble компаниясының фабрикасының қызметкерін белгісіз...

Украина президенті Владимир Зеленский Support Ukraine (Украинаны қолдау) саммитіне жиналғандарға алғыс айтты.

Киев қаласында бүгін, 24 ақпанда, соғыстың үш жылдығына орай ұйымдастырылған саммитке Финляндия, Латвия, Литва президенттері, Еуропалық кеңес жетекшісі Антониу Кошта, Еурокомиссия басшысы Урсула фон дер Ляйен , Канада, Дания, Эстония, Исландия, Норвегия, Испания Швеция премьер-министрлері, ЕҚЫҰ бас хатшысы, Франция еуропалық істер министрі келді.

Бұған қоса, саммитке G7 (АҚШ, Канада, Франция, Германия, Италия, Жапония, Ұлыбритания және Еуроодақ) көшбасшылары, Еуропаның басқа да елдерінің, НАТО, халықаралық институттардың жетекшілері мен өкілдері онлайн-форматта қатысады.

«Қолдау көрсеткендеріңізге алғыс айтамын! Үш жылда бірліктен, шындықтан таймай, басты мақсатымыз – Украинаға ұзақ уақыт...

2024 жылы төтенше жағдайда іске қосылатын ескерту жүйелерін сатып алуға 5,3 млрд теңге жұмсалған. Бұл туралы премьер-министр Олжас Бектеновтің депутаттық сауалға берген жауабында айтылған.

«Жыл сайын ескерту жүйесін жаңғыртуға қаржы бөлініп отырады. 2024 жылы жалпы сомасы 5,3 млрд теңгеге 760 дабыл құрылғысы, 15 басқару пульті (3 қалалық және 12 аудандық) және телерадио хабарларына қосылуға арналған 2 бірлік техника сатып алынды», – делінген премьер-министрдің жауабында.

Бұл құрылғылардың барлығы да Төтенше жағдайлар министрлігінің «Қыс», «Көктем», «Қорғау», «Зымыран» және «Жер» командалық-штабтық оқу-жаттығулары негізінде жыл сайын тексеріліп отырады. Қазіргі таңда бүкіл ел бойынша 4204 құрылғы жұмыс істейд...