Жаңалықтар

15 сәуір күні Астанада ҚР Энергетика министрі Ерлан Ақкенженов Оңтүстік Кореяның Ұлттық мұнай корпорациясы (KNOC) делегациясымен кездесу өткізді. Кездесуге корея тарапынан аға атқарушы вице-президент Квак Вонджун жетекшілік етті.

Энергетика министрлігінің мәліметінше, кездесу барысында келесі тақырыптар талқыланды:

Министр Ерлан Ақкенженов KNOC-тың Қазақстандағы мұнай-газ саласына қосқан үлесін жоғары бағалады. Сондай-ақ, мұнай өндіру көлемінің азаюы мен өңдеу қуаттарының артуы жағдайында ішкі нарықты шикі мұнаймен қамту бойынша міндеттемелердің маңызын атап өтті.

Қазақстан кинотеатрларындағы соңғы аптада (8–14 сәуір аралығы) ең көп табыс әкелген фильмдер белгілі болды. Үздік бестікке отандық және шетелдік туындылар енді.

Кассалық көрсеткіштер:

1. Патруль – 598 800 851 теңге
2. Minecraft – 202 432 074 теңге
3. Новичок – 71 783 504 теңге
4. Азартник – 38 902 669 теңге
5. Ғашығым – 28 254 644 теңге

«Патруль» — аптаның көшбасшысы

Апта ішінде ең көп көрермен жинап, рекордтық табысқа жеткен фильм – отандық «Патруль» комедиясы. Фильм сюжеті Абай облысында өтеді. Ел Президенті осы өңірге жұмыс сапарымен келмек. Президентке арналған кортежді ұйымдастыру міндеті жергілікті полицияға жүктеледі. Бірақ бөлім қызметкерлері – Серік, Олжас...

Италиялық жасөспірім Карло Акутис осы айда Католик шіркеуі тарапынан миллениал ұрпағының алғашқы әулиесі деп жарияланғалы отыр.

Ол Әулие Франциск Ассизский мен Тереза ана сынды тұлғалардың қатарына қосылмақ.

«Қарапайым еді»

Reuters агенттігінің хабарлауынша, Карлоның анасы Антония Сальцано Акутис: «Ол, сөзсіз, ерекше болатын. Бірақ, сонымен бірге, ол кез келген жасөспірім сияқты қарапайым еді,» – деп пікір білдірген.

Италиялық жасөспірім 2006 жылы небәрі 15 жасында лейкоз дертіне шалдығып қайтыс болған. Карло бірнеше бағдарламалау тілін меңгеріп, шіркеу үшін веб-сайттар әзірлеген. Оның дінге деген берік көзқарасы мен шіркеуге қызмет етуге ұмтылысы көп адамдарды рухтандырыпты.

Тәу етіп келетіндер көп

Марқұмның өсиет...

Қазақстанда адвокаттық мантияның нысаны мен сипаттамасы бекітілді. Бұл адвокаттардың мантияда сот отырыстарына қатысу құқығын іске асыру шеңберінде әзірленген.

Мантия адвокаттың басқа жеке субъектілерден ерекшеленетін ерекше қоғамдық-құқықтық мәртебесін атап көрсетеді. Адвокат кәсіби қызметін жүзеге асыруға кедергі келтіретін қудалаулардан, тінтулерден және басқа да араласулардан қорғайтын иммунитетке, сондай-ақ ерекше кәсіби артықшылықтарға ие.

Мантия кию – міндет емес, құқық.

Әрбір адвокат сот процесінде мантия киюді өзі шешеді. Сондай-ақ мантияны кәсіби мәртебеге сай салтанатты іс-шараларда киюге болады.

Мантия үлгісі

Сауалнама нәтижесі мен өңірлік адвокаттар алқаларының пікірін ескере отырып, TARBIYA ULTTYQ KIIM бренді ұсынған мантия үлгісі бекітілген.

Мантияның негізгі элементтері:

Бюджет қаржысынан 1,5 млрд теңге жымқырған Ауыл шаруашылығы министрлігінің бұрынғы шенеунігі ұсталып, екі айға қамалды.

Мәслихат депутаты күдікті

Қаржылық мониторинг агенттігінің ақпаратынша, ол субсидиялармен алаяқтық жасады деген күдікке ілініп отыр. Алматы облысы бойынша ҚМА департаменті мәслихат депутаты Б.Әбішев пен өзге де тұлғаларға қатысты істі тергеген. Оларға бюджет қаржысын жымқырып, ақша жылыстату бойынша айып тақты және бірқатар жаңа деректерді ашқан.

Ұсталған шенеунік кім?

«Тергеу барысында Ауыл шаруашылығы министрлігінің бір департаментінің бұрынғы директоры Б. Айымбетовтің қатысы анықталды. 2018 -2022 жылдары ол Жамбыл және Түркістан облыстарында субсидия алу кезінде алаяқтық іске қатысқан», – деп...

Nissan компаниясы Трамптың тарифтеріне байланысты Жапонияда шығарылатын Rogue жол талғамайтын көлігінің өндірісін айтарлықтай қысқартады. Бұл туралы Reuters басылымы хабарлады.

Компанияның дәл осы көлігі АҚШ-та сұранысқа ие. Бірақ АҚШ президенті Дональд Трамптың шетелде өндірілген көлікке 25% көлемінде кедендік баж салығын енгізу туралы шешімі өндіріс жоспарына өзгеріс енгізуге себеп болған. Бұл Nissan үшін біршама ауырға соғуы мүмкін. Өйткені компанияның басты нарығы – Америка Құрама Штаттары. Компания шығарған автомобильдердің төрттен бір бөлігін америкалықтар сатып алады.

Nissan үш айдың ішінде Жапонияның оңтүстік-батысындағы Кюсю қаласындағы зауытында Rogue өндірісін 13 000 көлікке қысқартуды жоспарлап отыр. Компанияның бұл зауыттағы жұмысшыларының жұмыс сағаттары мамырдан шілдеге...

2018 жылдан бастап Қазақстанның депозиттерге кепілдік беру қоры (ҚДКҚ) жеке тұлғалардың депозиттері бойынша сыйақы мөлшерлемелерін реттеу реформасын кезең-кезеңімен іске асырып келеді. Бұл реформа банктік сектордың тұрақтылығын сақтауға, бәсекелестікті дені сау бағытта жүргізуге және ұлттық валютадағы ұзақ мерзімді жинақтарды ынталандыруға бағытталған. Бұл материалда сол реформалардың нәтижесіне бір талдау жасаған.

Реттеудің мәні неде?

Банктер үшін депозиттер – қаржыландырудың негізгі көзі. 2025 жылғы 1 наурыздағы мәлімет бойынша, банктердің міндеттемелерінің 80%-ын клиенттік салымдар құрайды. Алайда банктердің барлығы бірдей тұрақты емес, сондықтан олардың кейбірі клиенттерді тарту үшін шамадан тыс жоғары мөлшерлемелер ұсынады. Бұл тұрақты банктерден тұрақсыз банктерге қаражаттың кетуіне, банктің шығындарының артып, табыстылығы...

Бас прокуратура NeMolchi.kz қоғамдық қорының жетекшісі Дина Таңсәрі қандай істер бойынша күдікке ілінгенін мәлім етті.

Прокуратура дерегінше, Дина Таңсәрі (Смайлова) белгісіз тұлғалар тобымен бірге алаяқтық жолмен, шексіз адамдар тобының сенімін теріс пайдаланып, қазақстандық азаматтардың ақшалай қаражаттарын иемденді деген күдікке ілінген.

Бұдан бөлек оның үстінен 6 қылмыстық іс қозғалғаны айтылды. Ол істер жалған ақпарат тарату, жеке өмірге қолсұғушылық және алаяқтық фактілері бойынша қозғалған. Оларды Алматы қаласы, Шығыс Қазақстан және Алматы облыстарының полиция департаменттері жүргізіп жатыр.

«Мәселен, Шығыс Қазақстан облысы полиция департаменті тергеп жатқан алаяқтық ісі аясында 2023 жылдың сәуір айында Смаилова Өскемен қаласында кәмелетке толмаған қыздың өз-өзіне...

Қазақстанның сыртқы тауар айналымы биыл қаңтар-ақпан айларында 19 млрд доллар болды. Бұл 2024 жылдың алғашқы екі айындағы көрсеткіштен 7,8%-ға аз. Экспорт 12,4%-ға, ал импорт 1,1%-ға азайды.

Мәліметті Ұлттық статистика бюросы жариялады.

Экспорт

Қазақстан екі айда өз өнімдерін негізінен мына елдерге экспорттады: 

2024 жылдың осы кезеңімен салыстырар болсақ, Ресейге тауар шығару 317 млн (-23,7%), Қытайға – 624,8 млн (-27,8%), Түркия – 40,5 млн...

Президент Қасым-Жомарт Тоқаев «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Заңға қол қойды.

Құжат елдегі спорт саласының даму бағытын жүйелеп, тиімділігін арттыруды мақсат етеді.

Басым спорт түрлері анықталады

Жаңа заңға сәйкес, енді уәкілетті орган республикалық және өңірлік деңгейде басым спорт түрлерінің тізімін дайындайды. Сондай-ақ жоғары жетістіктер спортына жататын бағыттар нақтыланып, оларды мемлекеттік бюджеттен қаржыландыру тәртібі белгіленеді.

Басым спорт түрлері халықаралық ареналардағы жетістіктерге қарай анықталады. Бұл қатарға Олимпиада, Паралимпиада, Сурдлимпиада, Азия және Паразия ойындарының бағдарламасына енген спорт түрлері мен ұлттық спорттар енеді.

Freedom Holding Corp.-тың еншілес компаниясы – Freedom Cloud – Amazon Web Services (AWS) компаниясымен серіктестік келісімге қол қойды. Бұл – Орталық Азияда жергілікті бұлтты провайдердің бұлтты технологиялар саласындағы жаһандық көшбасшы AWS-пен алғаш рет ресми әріптестік орнатуы.

Енді Freedom Cloud клиенттері – мейлі ол компаниялар, стартаптар немесе мемлекеттік мекемелер болсын – AWS-тің барлық мүмкіндіктеріне қол жеткізе алады. Яғни, бұлтты есептеулер мен деректерді сақтау қызметтерінен бастап, жасанды интеллект пен машиналық оқыту (AI/ML) сервистері, DevOps автоматтандыруы және әлемдегі ең озық қауіпсіздік шешімдеріне дейін қол жеткізуге толық мүмкіндік бар. Бұл Қазақстандағы бизнестің елден шықпай-ақ Amazon, Netflix, NASA және Pfizer сынды жаһандық алыптармен бірдей технологиялы...

Әлемге әйгілі әнші Дженнифер Лопес Астанада түсірілген бишілердің видеосын Instagram желісінде бөлісті.

Әншінің сторисінде қазақстандық жастардың Бәйтерек монументі алдында әсерлі биі көрсетілді. Бұл – Dream Way жобасының кәсіби би ұжымдары орындаған қойылым. Дженнифер Лопес олардың видеосын сториске жүктеп, 248 миллионнан астам жазылушысы бар аудиториясына ұсынды.

Қазақстандық желі қолданушылары бірден белсенділік танытып, жарыса пікірлер жазды.

«J-Lo-ның сторисін ашсаң – Бәйтерек тұр. Қыздар, құттықтаймын!» «Сірә, Джей Ло Қазақстанды біздің туризм министрлігінен жақсырақ жарнамалап жатыр!» «Осы қыздар концерт күні сахнаға шығып билесе екен!» – деген пікірлер жазылды.

Еуразиялық даму банкінің басқарма төрағасы Николай Подгузов Тоқаевпен кездесіп, банктің қазіргі нәтижелері мен алдағы жоспарлары туралы есеп берді.

Өткен жылы банк Қазақстан экономикасына 1,4 млрд доллар инвестиция салған. Ал қазақстандық жобалардың банк портфеліндегі үлесі 60%-ға жетті.

«Қазақстан Республикасы бойынша 2022–2026 жылдарға арналған стратегияны іске асыру басталғалы бері ЕАБР 3,8 млрд доллар көлеміндегі инвестициялық жоспарды мерзімінен бұрын орындады. 2025 жылы қаралу үстіндегі жобалардың жалпы сомасы 4,5 млрд доллардан асады», – деп жазылған Ақорда таратқан хабарламада.

1 млрд доллардан астам инвестицияны инфрақұрылымдық және энергетикалық нысандарды жаңғыртуға, жаңартылатын энергия көздерін, көлік пен логистиканы дамытуға (оны...

Қазақстанның Ресейдегі Елшілігі 2025 жылғы 18 сәуірден бастап шетелдік азаматтар үшін жеке сәйкестендіру нөмірін ресімдеуге және оның нәтижелерін беруге өтініштерді қабылдау жөніндегі пилоттық жобаны қайта бастайтынын хабарлады.

Бекітілген жаңа алгоритмге сәйкес, Қазақстан Республикасының шет елдердегі мекемелері арқылы ЖСН төмендегідей тұлғаларға ресімделеді:

16 сәуірден бастап алматылықтар метроға ONAY қосымшасы арқылы интернетсіз QR-кодпен төлем жасай алады.

QR-кодпен қалай төлеуге болады?

1. ONAY мобильді қосымшасын ашыңыз
2. QR-код батырмасын таңдаңыз
3. QR-кодты генерациялау тармағына кіріңіз (интернет қажет емес)
4. Генерацияланған кодты турникеттегі камераға жақындатыңыз
5. Турникет ашылады — сапарыңызды жалғастыра бересіз!

QR-код қосымшада автономды түрде жасалады, яғни интернет қажет емес. Бұл тәсіл байланыс шектеулі жерлерде өте қолайлы.

Қазіргі таңда Алматы метросы күн сайын 100 мыңнан астам жолаушыны тасымалдайды. Олардың 65%-ы ONAY! картасын қолданады. Жаңа QR-кодпен төлеу жүйесі сол жолаушылар үшін қосымша балама әрі жылдам шешім болмақ.

Cонымен қатар, бұрынғы төлем тәсілдерімен де төлеуге болады: жетондар, банк карталары...

16 сәуірде магнитті дауыл күтіліп отыр. Ғалымдар оны G2 деңгейі деп көрсетіп отыр. Аспанда полярлы шұғыла көрініс беруі де ғажап емес.

Бұл туралы Сәуле астрономиясы зертханасы мен Ғарыштық зерттеулер институты хабарлады.

Ғалымдардың мәліметінше, геомагнитті фон әсіресе түстен кейін, шамамен 15:00-де күрт өзгеруі мүмкін. Түнге қарай дауыл G1 деңгейіне дейін әлсірейді.

Дауылдың үш кезеңі

Магнитті дауылдың негізгі себебі – 13 сәуірде Күннен Жерге қарай екі ірі жалын тілінің бөлінуі. Олар 15 сәуір кешінде Жерге жетіп, келесі күні геомагнитті белсенділік тудырмақ.

Болжам бойынша 16 сәуірде болатын магнитті дауыл үш кезеңге бөлінеді. Бұл кезең таңнан кешке дейінгі уақытты қамтиды.

Алматыда қойма өртеніп жатыр. Төтенше жағдайлар министрлігінің хабарлауынша, өрт Алатау ауданындағы қоймадан шыққан. Өртті сөндіруге құтқарушылар жұмылдырылған.

«Осы сәтте Алматы қаласының өрт сөндірушілері Алатау ауданы Самғау шағын ауданы Жаңаарқа көшесі бойында орналасқан қоймадағы өртті сөндіруде», – делінген ТЖМ хабарламасында.

Ал Алматы қалалық Төтенше жағдайлар департаменті аталмыш мекенжайға жоғары дәрежедегі шақырту бойынша құтқарушылардың жіберілгенін хабарлады.

Айта кетейік, биыл жаз әдеттегіден ыстық болады деп болжанып отыр. Осыған орай барлық өңірде өрт қаупі артады. Экология министрлігі әкімідіктерге жаздағы құрғақшылыққа байланысты жан-жақты шаралар қабылдап, өртке қарсы қызметтерді жауынгерлік дайындыққа келтіруді ұсынды.

Гарвард университетінің басшылығы АҚШ президенті Дональд Трамптың саясатына қарсы шықты. Ақ үй оқу орнының 2,2 млрд доллар көлеміндегі грантын бұғаттап тастады. Барак Обама секілді түлектер альма-матерді қолдады.

Билік әмірі жүрмейді

14 сәуір күні университет басшылығы Трамптың антисемитизмге қатысты талаптарын орындаудан бас тартты. Гарвард президенті Алан Гарбердің пікірінше, билік талаптары федералдық үкіметке «университет қауымдастығына бақылау орнатуға» жол береді.

«Билікке қай партия келмесін, бір де бір үкімет жекеменшік университтердің қалай оқытып, қай саланы зерттеу керектігіне әмір жүргізбеуі тиіс», – деп мәлімдеді Гарвард президенті.

Университет басшылығы кампустардағы антисемитизммен күресуді жалғастырады, бірақ оны биліктің нұсқауымен...

2024 жылы еліміздегі қонақ үйлер мен басқа да орналастыру орындарының қызметін 9,1 миллионнан астам турист пайдаланған. Осылайша көрсетілген қызмет көлемі 300 млрд теңгеге жеткен. Туризм индустриясы комитеті туристер көп баратын бес өңірді атады. 

1-орын. Туристер арасында ең танымал аймақ Алматы қаласы болып отыр. Қаланың инфрақұрылымы, тау шаңғы курорттары, қолайлы климаты мен табиғаттың әсем үйлесімі мегаполиске 2,3 миллион қонақты тартқан.

2-орын. Елорда да туризм әлеуеті жылдан жылға артып келеді.  Астанада көбіне іскерлік және іс-шаралар (мәдени және басқа да шаралар)  туризмі жақсы дамып жатыр.  2024 жылы қалаға 1,5 млн турист келген.

3-орын. Ең танымал  курорттардың үштігін Бурабай өлкесі түйіндейді. Мұндағы көркем...

Армения Әзербайжанмен бейбіт келісімге қол қоюға дайын. Бұл туралы парламентте елдің премьер-министрі Никол Пашинян айтқан.

«Біз Әзербайжанның ЕҚЫҰ-ның Минск тобын тарату жөніндегі күн тәртібін түсінеміз. Шынымен, біз Таулы Қарабақ жанжалына нүкте қоюды ойластырып жатқанда, ол конфликтті реттейтін құжат бізге не үшін қажет?! Десе де, ЕҚЫҰ-ның Минск тобының де-факто контексі ауқымдырақ. Біз Әзeрбайжанның қақтығысты өз аумағынан, Арменияға көшірмейтініне сенімді болуымыз керек. Біз бейбітшілік туралы келісім туралы құжатқа және ЕҚЫҰ-ның Минск тобын тарату туралы құжатқа бір күнде, бір мезгілде қол қоюымыз керек», – деген Пашинян.

Сонымен қатар премьер-министр Бакудің конституцияны өзгерту туралы талабының негізсіз...

NeMolchi.kz қоғамдық қорының жетекшісі Дина Таңсәрі Черногориядан Қазақстанға экстрадицияланбайтын болды. Бұл туралы қордың Instagram парақшасында хабарланды.

Қордың мәліметінше, Черногория соты оны Қазақстанға экстрадициялаудан бас тартқан.

«Жаңа жаңалығымыз бар. Динаны Черногориядан экстрадицияламайды» делінген жазбада.

Кеше тұрмыстық зорлық-зомбылыққа ұшрағандарға көмек көрсететін NeMolchi.kz қорының жетекшісі Дина Тансарі Черногорияда қамауға алынғаны туралы ақпарат шықты. Оны Подгорица қаласының полициясына жеткізіп, сот өткенге дейін уақытша ұстау изоляторына жапқан. Қор сот 15 сәуірде өтіп, оның экстрадиция мәселесі қаралатынын жазған.

Бұған дейін, прокуратура Дина Таңсәрінің қай екені анықталса, ол елге экстрадициялау құжаттарын жіберетінін мәлімдеген.

Ішкі істер министрлігі 2023 жылдың желтоқсан айында...

Кіші Аралға 51 млрд текше метр су жинау мүмкін емес. Бұрынғы су шаруашылығы министрі Нариман Қыпшақбаев осылай деп мәлімдеді.

Өйткені Сырдария өзенінің бойындағы төрт мемлекеттің суға деген сұранысы үш есе артқанын алға тартып отыр.

Орталық Азияда халық саны артып жатыр

«Кіші Аралға 51 млрд текше метр су жинау мүмкін емес. Су мол келген күннің өзінде 30 млрд-тан артық жинай алмаймыз. Өйткені Сырдарияның жалпы су көлемі – 37 млрд текше метр. Бүгінде өзен бойындағы 4 мемлекеттің суға деген сұранысы 3 есе артып кетті. 100 млрд су сұрап отыр», – дейді Нариман Қыпшақбаев.

Мұны...

Елімізде өткен Дүниежүзілік көшпенділер ойындары туралы бейнеролик беделді халықаралық Webby Award сыйлығына ұсынылды. Видеоны танымал Lonely Planet баспасы дайындаған.

Webby Award — АҚШ-та табысталатын, интернет контент саласындағы ең беделді марапаттардың бірі. Бқл марапатты көбіне «Интернеттің Оскары» деп атайды. Бұл байқауға әлемнің ең үздік медиа компаниялары қатысады.

Қазақстандық бейнеролик «Мәдениет және өмір салты» номинациясында «Үздік қысқаметражды әлеуметтік видео» ретінде ұсынылып отыр. Бұл аталымда National Geographic секілді ірі компаниялармен қатарлас аталып, еліміздің абыройын асқақтатып тұр.

Жеңімпаз халық дауысымен де анықталады. Дауыс беру 17 сәуірге дейін жалғасады. Ұйымдастырушылар қазақстандықтарды бейжай қалмауға, ұлттық мұра мен табиғат сұлулығын әлемге таныту үшін дауыс беруге

2024 жылы шетелге компьютерлік қызметтерді сату көлемі сатып алудан 2,1 есе артық болды.  Қазақстан осымен екінші жыл қатарынан аталған қызметтер бойынша таза экспорттаушы ел болып отыр деп жазады Ұлттық статистика бюросы.

Бұған дейін, 2023 жылы, экспорт көлемі импорттан небәрі 17%-ға ғана артық болған еді. Айырмашылықтың осынша үлкен болуына экспорт пен импорт көрсеткіштерінің бір-біріне қарама-қарсы және айтарлықтай өзгеруі себеп болды. Экспорт бір жылда 31%-ға артса, импорт шамамен сондай көлемде – 29%-ға азайған.

Айта кетерлігі, IT-қызметтер экспорты негізінен Ресейге бағытталған. Жалпы экспорттың 14%-ы немесе 95,6 млн доллары осы елге тиесілі. Ал АҚШ, керісінше, басты серіктес болудан қалды. Бұл ел 2023 жылмен...