Жаңалықтар

2024 жылдың соңында Қазақстандағы қызмет көрсету саласында іскерлік белсенділік төмендеген. Freedom Holding Corp. пен S&P Global ұсынған PMI® индексі қарашадағы 50.8 мәнінен желтоқсанда 49.7 төмендеген. Іскерлік белсенділік индексі үш айдың ішінде екінші рет қысқару аймағына қайта оралды.

Жыл соңында қызмет көрсету саласындағы бизнес көлемі ұлғайғанына қарамастан, іскердік белсенділік баяулаған. Дегенмен де сұраныс көлемі артып, соның ықпалымен жаңа бизнес анағұрлым баяу болса да, тұрақты өсім көрсетті.

Қазақстандық компаниялардың қызметіне деген сұраныстың өсуін жалғастырған. Өсім деңгейі қарашамен салыстырғанда баяулағанымен, жаңа бизнестің ауқымы 2024 жылғы орта шамадан жоғары болды.

2024 жылдың желтоқсан айында ресурс құны мен дайын өнім бағасы өскен.

Қырғызстанда енді автокөлікке салық салынбайды. Бұл туралы әлеуметтік желідегі парақшасында президент Садыр Жапаров хабарлады.

Оның айтуынша, бұған жаңа заңның күшіне енуі түрткі болып отыр. Енді қырғыздар «Жол қоры туралы» заң бойынша жанар-жағармайдың әр литрі үшін 1 сом (6 теңге 11 тиын) алым алынады.

«Мен автокөлік салығын алып тастауға тапсырма беріп, тиісті жарлыққа қол қойдым. Енді көліктерге салық салынбайды. Оның орнына 1 қаңтардан бастап көлікке құйылған жанармай мен дизельді отынның әр литрі үшін 1 сомнан алынады. Сонымен қатар 2025 жылдың 1 қаңтарына дейін автокөліктерге салық төлемеген азаматтарға амнистия жариялауды тапсырдым», – деп жазды Садыр Жапаров.

8 қаңтар күні таңертең «Алый парус» ЖШС-ның маршруттық автобустарының жүргізушілері кәсіпорындағы қордаланған мәселелерге байланысты рейске шықпай, ереуіл жариялады, деп жазады «Мой Город» басылымы.

Жұмысшылар медициналық сақтандыру бойынша аударымдардың жарты жылға жуық жүргізілмеуіне байланысты ауруханаларға қарала алмай отырғанын айтады. Сондай-ақ зейнетақы қорына төлемдер жасалмағандықтан, несие ала алмайтындарын жеткізді.

«Бізге алты ай бойы әлеуметтік және медициналық аударымдар жүргізілмеді. Жігіттер ауырады, жедел жәрдем шақырады, бірақ міндетті әлеуметтік медициналық сақтандырусыз оларды қабылдамайды, емдемейді. Зейнетақы қорына аударымдар жасалмайды», – деді «Алый парус» ЖШС механигі Нұржан Төлеуов

Оның сөзінше, жалақы үнемі кешіктіріліп беріледі. Басқа компанияларда айлықты 10-на дейін берсе, мұнда 20-сынан...

Премьер-министрдің орынбасары Тамара Дүйсенова қазақстандықтардың әлеуметтік жағдайына қатысты пікір білдірді. Вице-премьер халықтың тұрмысы мен әлеуметтік әлеуеті төмен дегенмен уәжбен келіспейді.

Үкімет отырысынан кейінгі брифинг барысында БАҚ өкілі Қазақстанда қазіргі уақытта айыппұлдардың саны мен салықтың өсуі, есепшоттардың бұғатталуы сынды жағдайлар жиі орын алып жатқанын айтты. Осы мәселелерге қатысты шағымдардың көп екенін жеткізіп, Дүйсеновадан халық ереуілге шығып кетпей ме деп сұрады.

Десе де Тамара Дүйсенова бұл пікірмен мүлдем келіспейді.

«Біріншіден жергілікті және республикалық бюджеттің 50 пайызынан астамы қазір әлеуметтік көмек пен қамсыздандыру бағдарламасына жүргізіліп жатыр. Сондықтан біз толық мемлекет азаматтар алдындағы әлеуметтік міндеттемелерін толық орындап жатыр деп айтуымызға болады,- деді Дүйсенова.

Тамара Дүйсенова Қытайдың Ухань қаласынан шыққан жаңа – метапневмовирусқа байланысты тым дүрлігудің қажеті жоқ деп санайды. Айтуынша, бұл вирустың таралғанына 10 жыл болған.

Ал Ғани Бейсембаев мектеп оқушылары арасында бұл вирустың алдына алу үшін тиісті шаралар жасалып жатқанын, бұл орайда коронавирус пандемиясынан кейін қалған тәжірибе бар екенін айтты.

Еске сала кетсек, мұның алдында президент Қасым-Жомарт Тоқаев метапневмовирустан «даңғаза» жасамай, Қытаймен ынтымақтастықты дамытуды ұсынған болатын.

«Қазір бәрі жаңа инфекция туралы айтып жатыр. Меніңше, одан даңғаза жасаудың қажеті жоқ. Сондықтан Қытаймен ынтымақтастықты одан әрі дамытуымыз керек», – деді Тоқаев.

Әлемдегі ең бай адам Илон Маск ағылшындық «Ливерпуль» футбол клубын сатып алуы мүмкін. Бұл туралы The Guardian басылымына миллиардердің әкесі Эррол Маск айтып берген.

Ағылшындық футбол клубы 2010 жылы сыртқы инвестициялар іздеген. Алайда толық сату мүмкіндігі қарастырмаған. Дегенмен Масктың қызығушылығы туралы оның әкесі айтқан. 

«Иә. Бірақ бұл сатып алады дегенді білдірмейді. Сатып алуды қалайтыны анық. Мен де, басқа адамдар да оны қалар еді», – деп жауап берді Эррол Маск журналистің «Илон Ливерпульді сатып ала ма» деген сұрағына.

2024 жылдың мамыр айында Forbes журналы «Ливерпульді» 4,3 млрд фунт стерлингке бағаланған төртінші футбол клубы деп атады...

2024 жылдың 12 айында Ұлттық қорға жалпы 8,8 трлн теңге түскен. Алайда қордағы қаржыдан Үкімет былтыр 5,6 трлн теңге алғандықтан, болашақ ұрпаққа деп жинап жатқан қаржы бір жылда тек 3 трлн теңгеге өскен. Бұл туралы Қаржы министрлігінің Ұлттық қор түсімдеріне қатысты есебінда жазылған.

2024 жылдың 1 қаңтарында қорда 29,8 трлн теңге қаржы болса, қазір 33 трлн теңгеден сәл асады.

2024 жылы Ұлттық қорға түскен 8,8 трлн теңгенің 3,8 трлн теңгесі – мұнай ұйымдарынан тікелей түскен салық. Қалғаны – инвестициялық табыс. Дегенмен Қаржы министрлігінің есебінде қордың тек 9 айдағы инвестциялық табысы көрсетілген. 2024 жылдың қаңтар-қыркүйек айларында Ұлттық қордың қаржысын...

Семейде шырша безендіру кезінде құлап, жарақат алған мұғалім ауруханадан шықты. Бұл туралы Оқу-ағарту министрі Ғани Бейсембаев айтты.

«Ол мұғалім бүгін таңертең ғана ауруханадан шықты. Оның аман-сау шыққаны туралы хабар жетті. Бұл іс қазір әкімдік бақылауында. Бірінші кезектегі шаралар қабылданды. Жауапты адамдар жазаланды», – деді министр.

БАҚ өкілі депутат Жұлдыз Сүлейменованың ұсынысы бойынша мұғалімнің жарақаты өндірістік жарақат ретінде таныла ма, жоқ па соны нақтылады.

Жарақат алған мұғалімге өтемақы төлене ме?

Премьер-министрдің орынбасары Тамара Дүйсенова тиісті еңбек шартына отырған болса ғана, мұғалімнің жарақаты өндірістік жарақат ретінде танылатынын айтты. Ал бұл жағдайда...

Қазақстанда ерекше танымал болған жапондық блогер және полиглот Юджи Белеза Алматы облысының табиғатынан ләззат алып, қазақ тілін жетілдіру үшін тағы да Қазақстанға келді.

26 жастағы блогер елде қазақтарға ұқсас келбеті мен қазақстандық шоколадқа деген сүйіспеншілігі арқылы әлеуметтік желіде танылды. Kursiv LifeStyle блогермен сұхбаттасып, оның Қазақстандағы танымалдығы мен тілдерді үйренуі туралы әңгімелесті.

Блогерлік жолдың бастауы

Юджи блог жүргізуді 2023 жылдың қыркүйегінде бастаған. Алғашқы видеолары түрік тілінде түсірілген. Ол бейнероликтерінде туристерге жақындап, қайдан келгендерін сұрап, олардың ана тіліне ауысады. Бұл көрермендер арасында ерекше әсер қалдырып, олардың қызықты реакциясын тудырған.

«‎Екі жыл бұрын мен Венада магистратураны...

Декретте отырған аналар қосымша табыс табатын болса, декреттік төлем тоқтайды. Бұл туралы Үкімет сағатынан кейін өткен брифингте вице-премьер Тамара Дүйсенова айтты.

Дүйсенова қазіргі әлеуметтік сақтандыру талаптарына сәйкес, ата-аналарға бала күтіміне байланысты табысынан айырылған жағдайда әлеуметтік төлемдер тағайындау көзделгенін атап өтті. Ол нормаларға сәйкес бала күтімімен айналысып отырған ата-ананың біріне оның табысының 40%-ы көлемінде төлем жүргізіледі. Алайда бұл төлем декретке шыққан адам табыс таба бастаған сәттен бастап, автоматты түрде тоқтайды.

«Егер ол адам жұмысқа шығып ақша таба бастаса, оған мемлекеттік қолдау көрсету тоқтайды. Бірақ балаға төленетін басқа да жәрдемақылар бар екенін ұмытпауымыз керек. Олар тоқтамайды...

Қызылорда облысында жүк көлігінің тіркемесі тоқтап тұрған полиция көлігінің үстіне құлап, екі адам зардап шекті. Бұл туралы облыстық полиция департаменті хабарлады.

Ақпаратқа сүйенсек, жол көлік оқиғасы болған кезде көлікте екі полиция қызметкері болған. Апат салдарынан екі полиция қызметкері мен оның жанында тұрған көліктегі тағы екі адам облыстық аураханаға жатқызылған.

«7 қаңтарда Самара – Шымкент бағытындағы тас жолдың Қызылорда облысы Талдыарал ауылының бөлігінде екі патруль полициясы жол көлік оқиғасын рәсімдеуге келген. Полицейлер қызметтік көлікте болған кезде,  басқаруды жоғалтқан MAN жүк көлігінің жүргізушісі ГАЗель эвакуаторының алдыңғы жағына соқтығысқан», – делінген полиция хабарламасында.

Соқтығыстан кейін жүк көлігінің тіркемесі полиция...

Алматы қаласының полиция департаменті шаһар қалың қар құрсауында қалуына байланысты жүргізушілерге үндеу жариялады.

ПД көлік құралдарының қозғалысына қолайлы жағдай жасау үшін жауын-шашын кезеңінде көшелерді уақтылы тазалаудың маңыздылығын атап өтті.

«Полицияның бұл үндеуі ауа райының және қаладағы жол қозғалысы жағдайының нашарлауына байланысты. Қала көшелеріне көптеген коммуналдық көліктер шыққаны белгілі. Көліктердің дұрыс қойылмауынан, кей жерлерде қар шығару және жолды тазалау айтарлықтай қиындауда. Кеңселер мен мекемелер көп шоғырланған жерлерде азаматтар жол ережесін елемей, көліктерін ретсіз қояды. Біріншіден, заң бұзушылық бар. Ал, екіншіден, бұл қар тазалайтын техникаға белгілі бір қолайсыздықтар туғызады. Осыған байланысты көлік иелеріне үндеу жасап, көлік тұрағы мәселесіне...

Қазақстанда жұмысшы мамандықтарға арналған жеңілдетілген ипотекалық бағдарлама ашылады. Бұл туралы үкімет отырысында премьер-министр Олжас Бектенов хабарлады.

«Өнеркәсіп, энергетика, транспорт, ауыл шаруашылығы, су ресурстары министрлігіне кәсіпорындар, әкімдіктер және Отбасы банкімен бірге жұмысшы кадрлер үшін жеңілдетілген ипотекалық және жалға алу бағдарламасымен жұмыс істеуді тапсырамын», – деді ол.

Сондай-ақ барлық әкімдіктерге мамандықтар атласын құрастыру жайлы айтты.

«Жыл сайын жаңа мамандықтар пайда болып жатыр. Болашақ машықтар мен біліктілікті болжау үшін барлық әкімдіктерге аймақтық мамандықтар атласын құрастыруды тапсырамын. Әзірге тек 9 өңірде ғана ондай құжат бар», – деді Бектенов.

Бұған дейін Қасым-Жомарт Тоқаев...

2025 жылы мұнай беррелінің орташа бағасы 65 долларды құрауы мүмкін. Өйткені ОПЕК ұйымына кірмейтін елдер мұнай өндірісін арттырып жатыр. BofA (Bank of America Corporation) осындай болжам жасаған. Қазір Brent  маркалы мұнай нарықта барллеріне 77,41 доллардан саудаланып жатыр.

Қаржы холдингінің сарапшылар ОПЕК ұйымының құрамындағы мемлекеттер биыл мұнай өндірісін шектеуге мәжбүр болады деп тұжырымдайды. Ұйымға кірмейтін елдердің өндірісті арттыруы ОПЕК-ке қысым тудырады. Мамандардың пайымдауынша, мұнай тұтыну көлемі тек 2030 жылға қарай тұрақтануы ықтимал.

Қазақстан бюджет жоспарындағы мұнай бағасы

Мұнай бағасының арзандауы да, ОПЕК ұйымының мұнай өндірісін шектеу мерзімін ұзартуы да Қазақстан үшін тиімді емес.

Қазақстан бюджетін...

Қазақстан колледждерінде енді АЭС-те жұмыс істейтін мамандарды дайындайтын болады. Бұл жайында Энергетика министрі Алмасадам Сәтқалиев мәлімдеді.  

Сәтқалиев алдағы уақытта  салынатын АЭС-ке қажетті мамандарды дайындауға білек сыбана кірісу керек екенін атап өтті. Министрдің айтуынша, дозиметрист, газтурбина слесары, АЭС жабдықтарды жөндеу маманы, АЭС ақпарат технологиялар бойынша мамандар қажет.

«Атом электр станциясы құрылысын қолдау үшін отандық колледждер базасында АЭС-қа арналған мамандықтарды дайындайтын болады. Министрліктің бағыныстағы ұйымдары – Ұлттық ядролық орталығы мен Ядролық физика институты электротехника колледждерімен тығыз ынтымақтастықта және ядролық мамандықтар бойынша колледж студенттерінің өндірістік тәжірибе өткізу базасы болады»,- деді министр Үкімет отырысында.

Министрдің мәліметіне сенсек, елімізде энергетика саласында кадрларды даярлауды...

АҚШ-тың жаңадан сайланған президенті Дональд Трамп сайлаудағы жеңісі ресми расталғаннан кейін Флорида штатындағы Мар-а-Лаго резиденциясында журналистер алдында сөз сөйледі, деп хабарлады Настоящее Время басылымы.

Трамп президент Джо Байден әкімшілігінің Украина мәселесіндегі саясатын сынға алды. Оның пікірінше, Ақ үй Киевтің НАТО-ға ықтималды қосылуы жөніндегі келіссөздерде көптеген қателіктер жіберген, ал Путин Украина Альянспен ешқандай байланыс орнатпауы керек екенін үнемі атап өткен.

«Бұл тасқа қашалғандай анық еді. Ал Байден Украина НАТО-ға қосылуға мүмкіндік алуы керек деп айтты. Осылайша, Ресей НАТО-ны өз шекарасына жақындатты», – деп мәлімдеді Трамп.

Трамптың пікірінше, Байденнің дәл осындай мәлімдемелері соғысқа әкеліп соққан. Ол Ресейд...

Bloomberg әлемдегі ең бай 500 адамның тізімін жариялады. Бірақ тізімде қазақстандықтар жоқ.

Әлемдегі ең дәулетті бизнесмендер қалай байып жатыр?

Тізімдегі бірінші орында – Илон Маск, байлығы 426 млрд доллар деп бағаланып отыр. Бұл Қазақстанның екі жылдағы ЖІӨ-не тең (2023 жылы – 261 млрд доллар). Екінші орында Amazon-ның негізін қалаушы Джеф Безос тұр, дәулеті 241 млрд долларды құрайды. 500 кәсіпкер тізімін 6,17 млрд доллар байлығымен Дэвид Сигел аяқтайды.

Ең бай 500 адамның жалпы дәулеті 10 трлн доллардан асады. Бір жыл ішінде олардың табысы 1,5 трлн долларға көбейген.

Қызығы, тізімдегі алғашқы ондықтағы кәсіпкерлердің барлығы дерлік технология саласында...

2025 жылдан бастап АЕК мөлшерінің өсуіне байланысты айыппұл көлемі де арта түсті. Оның үстіне көлік жүргізушілері желіде бір-екі ай бұрынғы айыппұлдар келіп жатқанын, әсіресе, жолақты қиған жағдайлар үшін айыппұл жиілегенін жазуда. Төмендегі материалда айыппұлдың артуы жол апатынан сақтай ма, Қазақстандағы айыппұл мөлшері көрші елдердікінен қаншалықты көп деген сұрақтарға жауап іздеп сұрап көреміз.

Склярдың сөзіндегі манипуляция

Былтырғы жылдың соңында бір топ депутат бейнебақылау камералары арқылы салынатын айыппұлдарды кемі 2 есе азайту керек деген ұсыныспен премьер-министрдің бірінші орынбасары Роман Склярға сауал жолдаған. Скляр «биыл жол-көлік оқиғалары онсыз да жоғары, айыппұлды азайтсақ, жол апаттары өсіп кетуі мүмкін» деп бастаманы қолдамады.

Оны...

Еліміздің кинотеатрларында «Муфаса: Арыстан патша» фильмі қатарынан үш апта бойы көш бастап келеді. Соңғы аптада бұл фильм бұрынғыдан да жоғары табысқа жетті.

«Муфаса» табысы 1 млрд теңгеден асты

Тикетонның мәліметінше, алғашқы аптада «Муфаса» 333 млн теңгеден астам қаржы жинаса, үшінші аптада бұл көрсеткіш 409 млн теңгеге жетті. Жалпы табысы 1 млрд теңгеден асып, фильм көрермендер арасында үлкен сұранысқа ие болды.

Қалған үздік фильмдер

1. «Муфаса: Арыстан патша» – 409 млн теңге
2. «Бишарашки в Тайланде» – 265 млн теңге
3. «Қазақ әлемі» – 252 млн теңге
4. «Соник 3» – 228 млн теңге
5. «Келінжан 3» – 190 млн теңге

Шетелден атамекеніне көшіп келген қандастарға және қоныс аударушыларға арнап мемлекет 9653 квота бөлді. Квотаның басым бөлігі Павлодар облысына берілген. Еңбек және халықты әлеуметтік қорғау министрлігінің мәліметінше, 1056 отбасы квота бойынша осы өңірге келуі мүмкін.

«Министрлік бұйрығымен қандастар мен қоныс аударушыларды қабылдаудың 2025 жылға арналған өңірлік квотасы 9 653 адам деп белгіленді, бұл былтырғы жылмен салыстырғанда 170 адамға артық», – делінген министрлік хабарламасында.

Өңірлер бөлінісінде 2025 жылы қандастарға арналған квота мынадай тәртіппен бөлінген:

Қазақстанның батыс және солтүстік өңірлерінде су тасқынына қарсы дайындық шаралары басталып, 84 елдімекен қорғауға алынды. Бұл туралы Су ресурстары министрлігі хабарлады.

Ақпаратқа сүйенсек, министрлік 84 елдімекенді су тасқынынан қорғау үшін 56 жоба бастаған. 

«Су ресурстары және ирригация министрлігі 6 облыс әкімдігімен бірлесіп елдімекендерді көктемгі су тасқынынан қорғау мақсатында 56 жобаны іске асырып жатыр», – делінген хабарламада.

Жоба негізінен Ақмола, Ақтөбе, Батыс Қазақстан, Павлодар, Солтүстік Қазақстан және Қостанай облыстарында іске асырылып бастаған. Бұл елдімекендерде 580 мың тұрғын бар.

Су тасқынынан қорғану үшін жалпы ұзындығы 310 шақырым бөгет салу қарастырылған. Қаңтар айының басына дейін жұмыстың 40%-ы орындалған.

Айта кетейік...

Bank of America сарапшыcы Джон Мерфи Tesla акцияларының рейтингін нейтралды деңгейге дейін төмендетті. Бұған дейін Tesla құнды қағаздары Buy деген деңгейде еді, яғни компанияға инвестиця салуға кеңес берілген статус. Ал қазір ол Neutral деген көрсеткішке түсті. Бұл нарық қатысушыларына компания акцияларын сатып алуды тоқтата тұрыңыз деген белгі.

Рейтингі төмендегеннен кейін компания акциялары 7 қаңтарда 4,8%-ға немесе 391,2 долларға дейін төмендеді. Tesla акциялары жайлы ақпаратты Қазақстандық қор биржасының Kase Global тізімінен көруге болады. Қазір акцияның бағасы – 4,53%-ға төмендеп, орташа бағасы 442,61 долларды құрап отыр.

Tesla құнды қағаздарының рейтингі неге түсті?

Қазір қытайлық өндірушілер тарапынан бәсеке күшейіп жатыр...

Жоғарғы Сот жұмыс берушісінен 613 млн теңгеден астам ақша жымқырды деп айыпталған бухгалтер А. Шигабутдинованың ісін қайта қарап, жазасын жеңілдетті.

Бастапқыда сот оны сеніп тапсырылған қаражатты ысырап ету туралы бап бойынша кінәлі деп танып, (189-бап, ҚК 2-тармағының 4-бөлігі) 8 жылға бас бостандығынан айыру жазасын тағайындайды. Алайда іс материалдарын зерттегеннен кейін, үкім қайта қаралды.

«Шигабутдинова ЖШС бухгалтері бола тұра, басшылық ұсынған «Банк-Клиент» бағдарламасына рұқсаты бола отырып, ЖШС шотынан екі жеке кәсіпкердің есепшотына банк реквизиттерінде оның және ағасының шотының нөмірін көрсете отырып, 613 миллион теңгеден астам қаражат аударғаны анықталды»,- деп хабарлады  ҚР Жоғарғы Соты.

Жоғарғы Сот...

АҚШ президенті Дональд Трамп Гренландия аралы мен Панама каналын күшпен басып алуды көксейді. Бұл туралы ол Флорида штатында өткен брифингте айтқан.

Журналистерге берген жауабында АҚШ президенті Грендандия аралы мен Панама каналын басып алу үшін экономикалық немесе әскери шаралар қолдануға дайын екенін жеткізген.

БАҚ өкілдері Трамптың Панама каналы мен Гренландияны бақылауға алу туралы ұстанымы әскери қақтығысқа әкелуі мүмкін деген алаңдаушылықтарын жеткізген. Ал АҚШ президенті соғыс болмайды деп уәде бере алмайтынын айтқан.

«Мен бір нәрсені айта аламын: олар бізге экономикалық қауіпсіздік үшін қажет», – деп мәлімдеген Трамп.

Өз кезегінде Дания тарапы Гренландияның өз корольдігіне тиесіл...