Жаңалықтар

Қазақстандағы ең ірі уран кен орны «Инкайдағы» өндіріс уақытша тоқтады. Бұл туралы «Қазатомөнеркәсіп» сайтында жарияланған.

Ұлттық атом компаниясының мәлімдемесіне сенсек, өндіріс бастау үшін міндетті түрде кен орнын игерудің бекітілген жобасы болуы керек. Бірақ 2024 жылдың 30 желтоқсанына дейін «Инкай» кәсіпорны сол қажетті құжаттарды құзырлы органдарға келісімге жібермеген.

«Осыған байланысты, қолданыстағы заңнаманы сақтау мақсатында «Инкай» БК» ЖШС кен орнында өндіруді уақытша тоқтатады. «Инкай» БК» ЖШС алдағы екі апта ішінде Қазақстан Республикасының Энергетика министрлігіне барлық қажетті құжаттарды ұсынады деп күтілуде, содан кейін бұл жағдай реттеледі», – деп жазылған компания сайтында жарияланған хабарламада.

Бірақ «Инкай» кәсіпорнына иелік...

«Росатом» Түркияда салынып жатқан «Аккую» АЭС-інің құрылысының тоқтап қалуына себеп болғаны үшін германиялық Siemens компаниясын сотқа бермек. Бұл туралы «Росатомның» атқарушы директоры Алексей Лихачев айтқан.

«Бұл мәселеге қатысты сот болатыны анық. Ақшасы алдын-ала төленген жабдық жеткізілмеді. Салдарынан біз қосымша шығынға ұшырап, басқа жабдық сатып алуға тура келді. Сонымен бірге бұл жабдық монтажына да біршама уақыт кетті. Біз бұл талаптарды сотта көтереміз», – деп мәлімдеген Лихачев.

Компания басшысы санкцияларға қарамастан, шетелдегі жобалардың уақтылы жүргізіліп жатқанын айтқан. «Росатом» бұдан бөлек Бангладеште және Мысырда АЭС жобаларына қатысады.

Айта кетейік, «Росатом» Қазақстандағы АЭС жобасына да қатысуы мүмкін...

«ҚазАвтоЖол» компаниясы Алматы, Қызылорда, Ақтөбе, Қостанай және Шығыс Қазақстан облыстарындағы алты республикалық тас жолда қозғалыс ашылғанын хабарлады.

Алматы облысында 5 қаңтар күні таңғы сағат 4-тен бастап: «Алматы-Өскемен» тас жолының 25-67 шақырымы (ПВП-Қонаев қаласы аралығы).

Шығыс Қазақстан облысында сағат 6-дан бастап: «Өскемен-Алтай-Үлкен Нарын-Катонқарағай-Рахман кілттері» тас жолының 6-166 шақырымы, Ушановское ауылынан Алтай қаласына дейінгі аралық.

Қызылорда облысында қозғалыс ашылды: «Шымкент-Самара» тас жолының 1240-1357 шақырымы, Ақтөбе облысынан Арал қаласына дейін.

Ақтөбе облысында: «Шымкент-Самара» тас жолының 776-1240 шақырымы, Ақтөбеден Қызылорда облысына дейінгі аралық.

«Қарабұтақ-Комсомол-Денисовка-Рудный-Қостанай» тас жолының 0-234 шақырымы, Қарабұтақ ауылынан Қостанай облысына дейін.

Қостанай облысында: «Қарабұтақ-Комсомол-Денисовка-Рудный-Қостанай» тас жолының 234-310 шақырымы, Ақтөбе облысынан Адаевка...

2024 жылдың қорытындысы бойынша Tesla Қытайда сатылым көлемін 8,8%-ға арттырып, рекордтық 657 мың көлік сатты, деп хабарлайды Reuters.

Қытайдың өз көліктері сұранысқа ие болғанына қарамастан Tesla өз позициясын нығайтып, жергілікті сатып алушылардың қызығушылығын қайтарып алды.

Қараша айында сатылымдар қазан айымен салыстырғанда 12,8%-ға жоғары болды. Желтоқсан қорытындысы бойынша Қытайда 83 мың электромобиль сатылған.

Қытай нарығы Tesla үшін екінші маңызды нарық болып табылады. Компанияның жалпы сатылымының 36,7%-ы Қытайға тиесілі. Tesla Қытайдағы өсім қарқынын сақтау үшін жеңілдіктер мен икемді бөліп төлеу бағдарламаларын белсенді түрде қолданып келеді.

Алайда, Қытайдағы жетістіктерге қарамастан, Tesla 2024 жылы жаһандық сатылымын 1,1%-ға төмендетті. Бұл төмендеуге Еуропадағы жеңілдіктер...

5-6 қаңтар аралығында еліміздің басым бөлігінде қар жауып, тұман түсіп, кей аймақтарда көктайғақ болады.

Қазгидромет мәліметінше, Солтүстік Атлантикадан келген циклонның әсері батыс, солтүстік-батыс және солтүстік аймақтарда байқалады. Циклон ылғалды ауа массаларымен бірге қар, жаңбыр және қарлы жаңбыр түрінде жауын-шашын алып келеді.

6 қаңтарға қарай ел аумағында ауа температурасы төмендейді. Циклонның әсері қардың жаууына алып келеді. Оңтүстік және оңтүстік-шығыс өңірлерде Каспийдің оңтүстігінен келген циклонның әсерінен жаңбыр және қар күтіледі.

Орталық және 5-6 қаңтар күндері шығыс аймақтар антициклон ықпалында болып, жауын-шашынсыз ауа райы болжанып отыр. Қазақстан бойынша желдің күшеюі, тұман, көктайғақ және қарлы жаңбыр күтіледі.

Синоптиктердің мәліметінше, ауа температурасы:

Батыс аймақтарда...

3-4 қаңтар күндері ірі жолдардың жабық учаскелерінде 8 мыңнан аса көлік қалған. Полицейлер олардың діттеген жеріне жетуіне көмектескен. Ішкі істер министрлігі полиция жолдардағы қауіпсіздікті қалай қамтамасыз еткенін хабарлады.

3 қаңтарда 8 облыстағы 15 жол учаскесінде қозғалысқа шектеу енгізілген болатын. Атап айтқанда, Ақмола, Шығыс Қазақстан, Қарағанды, Қостанай, Павлодар, Солтүстік Қазақстан, Ұлытау және Абай облысындағы ірі трассаларда жол жабылды.

Сол күні полиция 3 710 көлік құралын полицейлер діттеген жеріне жеткізген. Соның ішінде 2 820 жеңіл және 890 жүк көлігі бар.

Ал 4 қаңтарда Астана – Щучинск тасжолының учаскесінде шамамен 4 500 көлік құралына жолпол көмекке келген. Қазіргі кезде ішк...

Таразда жаңадан салынып жатқан мектеп ғимаратынан өрт шықты. Өрт аумағы 80 шаршы метрді қамтыған. Төтеншеліктер өртті толық сөндірген.

«Тараз қаласында 15 шағын аудандағы жұмыс істемейтін үш қабатты жаңа мектептің ғимараты өртенді, – делінген ТЖМ баспасөз қызметінің хабарламасында.

Мамандар оқиға орнына жеткенде, бірінші қабаттан қалың түтін шығып жатқан. Ғимаратта жөндеу жүргізіп жатқан құрылысшылар мектептен өздері шығып үлгерген.

Алдын ала мәлімет бойынша, өртке мектептің бірінші қабатында электр сымдарының қысқаша тұйықталуы себеп болған.

Президент Қасым-Жомарт Тоқаев Шанхай ынтымақтастық ұйымының Бас хатшысы Нұрлан Ермекбаевты қабылдады. Бұл туралы Ақорда хабарлады. Кездесу барасында ШЫҰ-ның қазіргі қызметі мен басым бағыттары жөнінде ақпарат берілген.

«Қасым-Жомарт Тоқаев Ұйымның ерекшелігіне тоқталып, оның саяси, экономикалық және мәдени салалардағы өзара ықпалдастықты арттыруда әлеуеті зор екенін атап өтті. Президенттің айтуынша, аймақтық және жаһандық қауіпсіздікті қамтамасыз ету мәселесіне баса назар аударылады», – делінген хабарламада.

Президент ШЫҰ-ның жұмысын одан әрі жетілдіру, халықаралық бірлестіктермен байланысын жандандыруды тапсырған. Сондай-ақ Қазақстанның ұсынысымен ШЫҰ-да қабылданған «Әділ әлем, келісім және даму жолындағы жаһандық бірлік туралы» бастаманы ілгерілету маңызды екенін жеткізген.

Нұрлан Ермекбаев...

Бразилияда Ақтау маңында апатқа ұшыраған ұшақтың «қара жәшігін» оқу басталды. Бұл туралы әзербайжандық Report ақпарат агенттігі бразилиялық G1 порталына сілтеме жасап хабарлады. Azerbaijan Airlines (AZAL) әуе компаниясының әуе кемесі 2024 жылы желтоқсан айының соңында апатқа ұшыраған болатын.

«Қара жәшіктерден» алынған деректер Бразилия әскер әуе күштерінің (Força Aérea Brasileira – FAB) мамандарының қатысуымен талданатын болады.

«Алынған мәліметтер Қазақстандағы авиаоқиғаларды зерттеу басқармасына беріледі. Бұл агенттік апатты зерттеп, талдау жүргізуге жауапты», – деп нақтылады FAB.

25 желтоқсанда Azerbaijan Airlines (AZAL) компаниясына тиесілі Embraer ұшағы Ақтау маңында құлаған. Бортта 67 адам болған, оның ішінде бесеуі – экипаж...

Валюталық интервенция жасау ережесі

Қазақстандағы Орталық банктің валюта нарығындағы мәмілелерге қатысу құқығы ҚР ҰБ туралы заңда бекітілген. Онда валюталық интервенциялар тұрақты қол жеткізу қарыздарын берумен, депозиттерді қабылдаумен, қысқа мерзімді ноталар шығарумен және мемлекеттік және басқа да бағалы қағаздарды сатып алу-сатумен, оның ішінде кері сатып алу құқығымен бірге ақша-кредит саясатының стандартты операцияларының тізімінде көрсетілген (РЕПО). 

Заң Ұлттық Банктің валюталық  интервенцияларына анықтама береді. Бұл Ұлттық банк «қазақстандық теңге бағамына әсер ету мақсатында шетелдік валютаны өздігінен сатып алу-сату және банк аралық немесе биржа нарығында басқа да валюталық келісім түрлерін жүргізетін» келісімдер.

Ұлттық банк бұл құралды қолдану форматын ақша-несие саясаты стратегиясында...

2024 жылы 19 кен орны аукционға шығарылған. Өнеркәсіп және құрылыс министрлігінің дерегі бойынша, бюджетке аукциондарға жазылу бонусы ретінде 5,3 млрд теңге түскен.

Сонымен қатар, былтыр қараша айында 25 кен орны бойынша аукцион жариялаған. Сауда-саттық 2025 жылғы 29 қаңтарда e-qazyna.kz порталында өтеді.

Былтыр Қазақстан қатты пайдалы қазбалар бойынша KAZRC стандарттарына толық көшкен.

Одан бөлек, жер қойнауын пайдалану және геология салаларын автоматтандыру мақсатында minerals.e-qazyna.kz жер қойнауын пайдаланудың Бірыңғай платформасы құрылды.

Бұған дейін министрлік Қазақстанда жалпы қоры 76 млрд тоннаны құрайтын болжамды отын ресурсы бар 15 кен орны анықталғанын хабарлаған.

Қазақстанда терроризмді насихаттаған екі азамат сотталды. Оларды Ұлттық қауіпсіздік комитеті басқа да қылмыстары үшін қамауға алған. Сот екеуін де кінәлі деп танып, ұзақ мерзімге бас бостандығынан айырды.

Тараз қаласының тұрғыны шетелдегі қарулы қақтығыстарға қатысуға шақырып, үндеу таратқан және террористік топтарға қосылуды жоспарлаған. Сот оны терроризмді насихаттады және діни алауыздықты қоздырды деп тауып, 7 жылға бас бостандығынан айырды.

Алматы қаласының бұған дейін сотталған тұрғыны интернетте радикалды идеологияны насихаттаған. Сондай-ақ, оған есірткі заттарын таратқан. Сот оны 7 жыл және 1 ай мерзімге бас бостандығынан айыру туралы шешім шығарды.

2024 жылы Қазақстанда террористік және экстремистік әрекеттері үшін жалпы 84 адам сотталды.

4 қаңтарда Қазақстанның 15 өңірінде дауылды ескерту жарияланды. «Қазгидромет» мәліметінше, еліміздің басым бөлігінде ауа райы қолайсыз. Синоптиктер жаңбыр, қар, боран, көктайғақ және екпінді жел соғады деп болжайды.

Астана қаласындағы ауа райы құбылмалы. Кейде қар жауады, көктайғақ, тұман түседі.Ауа температура: түнде және күндіз -2…-4°C болмақ. Ал Алматыда көшпелі бұл шыққанымен, жауын-шашынсыз. Алматы облысының солтүстігі, оңтүстігі және таулы аудандарында тұман түседі.

Батыс Қазақстан облысы
«Қазгидромет» мәліметінше, 4 қаңтарда Батыс Қазақстан облысында, әсіресе Орал қаласында, тұман мен көктайғақ күтіледі.

Павлодар облысы
Облыстың солтүстігі мен шығысында аздаған жауын-шашын (жаңбыр, қар) жауады, сондай-ақ жаяу бұрқасын, көктайғақ болады. Түнде желдің жылдамдығы 23 м/с-қа дейін күшеюі мүмкін.

Атырау...

2025 жылдың басты сәнді түсі анықталды. Америкалық  Pantone түс институты «Моко мусс» (Mocha Mousse) шоколадты түсін 2025 жылдың негізгі түсі ретінде таңдады. Осы түс трендте болады дегеннен-ақ сәнге құмар жандар кофе және шоколад түстес реңкті заттарды іздей бастаған. Ал киім жағына келер болсақ, жыл стиліне бұрынырақта болған сән үлгілері қайта трендке айналады. Ол қандай киім үлгілері, толығырақ Кursiv.media тілшісі әзірлеген шолудан танысып біле аласыздар.

Жылдың басты түсі

Pantone сарапшылары Mocha Mousse түсін фаворит ретінде таңдады, өйткені ол жылылық пен жайлылық және өзінің элеганттылығын сақтайды деп есептейді. Үйлесім мен жайлылыққа деген сұраныстың артуын негізге алған институт осы түсті басты тренд ретінде таңдаған. Mocha...

Астана қаласынан Шортандыға баратын жол ашық. Бұл туралы «ҚазАвтоЖол» ұлттық компаниясы хабарлайды. 3 қаңтар күні бұл трассада 95 көлік бір-біріне соғылып, 20-дан аса адам зардап шеккен болатын.

«2025 жылғы 4 қаңтарда сағат 09:30-де Ақмола облысында «Астана-Петропавл » автожолының 18-232 шақырым аралығындағы учаскесінде (Астана қаласынан Щучинск қаласына дейін ) көлік қозғалысы ашылды»,- делінген хабарламада.

3 қаңтарда Астана-Петропавл автожолында орын алған жол-көлік оқиғасында соқтығысқан 95 автокөлік толықтай шығарылып, атап салдары жойылған. Қисық білеу қалыпқа келтірілген.

Төтенше жағдайлар министрлігі жылыту пунктінде 118 адам, оның ішінде 42 бала орналасқанын хабарлаған.

«Астана-Щучье» тас жолындағы жаппай cоқтығысу кезінде зардап шеккен көліктер саны 95-ке жетті. Бұл туралы «ҚазАвтоЖол» ҰК» АҚ хабарлады.

Ұлттық компания 3 қаңтарда сағат 07:20–да республикалық маңызы бар «Астана-Петропавл» автожолының учаскесінде (18–232 шақырымдары) ауа райының нашарлауына байланысты барлық автокөлік қозғалысына шектеу енгізілгенін мәлімдеді.

«Ауа райы жақсарып, жол тазаланғаннан кейін сағат 12:30–да полиция департаменті қызметкерлері мен «ҚазАвтоЖол» арнайы техникасының сүйемелдеуімен Щучинск бағытына қозғалыс ұйымдастырылды. Алайда, алдын ала мәліметтер бойынша, жүргізушілердің жылдамдық режимін және қауіпсіз қашықтықты сақтамауы салдарынан сағат 13:28–де трассаның 153-шақырымында, Жанаталап ауылының маңында шамамен 95 көліктің қатысуымен жаппай жол апаты болған»,- делінген хабарламда.

«Жолаушылар тасымалы» АҚ автожолдарды...

Қазақстанның барлық тау курортында қысқа маусым басталды. Жаңа маусымда курорттардың барлығы жабдықтарын жаңартып, сырғанайтын жаңа аймақтардың ашылғаны жайлы хабарлады.

«Курсивтің» тапсырысы бойынша United Research Technologies Group (URTG) компаниясы қазақстандықтардың отандық тау-шаңғы курорттарында уақыттарын қалай өткізетіні жайлы сауалнама жүргізді. Сауалнама қорытындысы бойынша қазақстандықтардың тек 14%-ы ғана өмірлерінде бір рет болса да, тау-шаңғы курорттарында болғаны белгілі болды. Ал сауалнамаға қатысқандардың (сауалнамаға еліміздің барлық өңірінен 1600 адам қатысты) орта есеппен 9,8%-ы үнемі, нақтырақ айтсақ, маусым басталғанда бір рет болса да курорттарға барады екен.

Қазақстандықтар көбіне Алматыдағы тау-шаңғы курорттарында демалады. Сауалнамаға қатысқандардың 63,8%-ы бір рет болса да Shymbulak-ты көрген, Oi-Qaragai-да  (18,5%) және «Ақ-Бұлақта» 13%-ы...

Соңғы уақыттарда әлемнің түкпір-түкпірінде болған ұшақ апаты жайлы ақпар көп адамның үрей тудырып, ұшаққа отыру қорқынышын арттырды. Бұл медицинада Аэрофобия деген ұғыммен тіркелген. Сонымен, Аэрофобия деген не? Онымен қалай күресу қажет? Бұл сұрақтардың жауабын KursivMedia материалынан оқи аласыз.

Аэрофобия деген не?

Аэрофобия сөзі ежелгі грек тілінен aer – ауа, phobos – қорқыныш болып аударылады. Мағынасына қарай ұшақпен ұшудан қорқу дегенді білдіреді.

БҰҰ жүргізген зерттеуге сәйкес, әлемдегі адамдардың шамамен 75% ұшудан мүлдем қорықпайды. 15% адам ұшу кезінде алаңдаса, 10% адам ұшудан қатты қорқып, ұшақтан гөрі жермен немесе сумен жүретін көліктерді таңдауды жөн санайды.

Әсіресе әлем аралап, шетел көргісі келетін...

Ауа райы салдарынан Астана-Щучинск тас жолында бірден 40 көлік соқтығысып, жаппай жол апаты орын алды. Қарағандыда да боран соғып, тас жолында шамамен 800 автокөлік кептелісте тұрып қалды. Ақпаратты өңірлердің Полиция департаменті растады. 

«Сағат 13:30-да Ақмола облысында Біржансал ауданының Қоғам ауылы мен Қаратал ауылы арасында ауа райының нашарлауына байланысты (боран, көру мүмкіндігінің шектелуі) бұрын 40-қа жуық көлік соқтығысқан. Зардап шеккендер мен қаза тапқандар туралы әзірге ақпарат жоқ. Оқиға орнында полиция жұмыс істеп жатыр», – деп хабарлады департамент баспасөз қызметі.

Енді елімізде медициналық анықтаманың 8 түрі қағаз жүзінде талап етілмейді. Санитарлық кітапшалар мен медициналық анықтамалар цифрлық форматқа көшеді. Бұл жайында Үкіметтің баспасөз қызметі хабарлады.

Ведомствоның хабарлауынша, жаңа жылдан бастап жеке медициналық кітапшалар беру, есепке алу және жүргізу электронды форматқа көшіріледі.

«Аталған тетікті енгізу азаматтарға құжатты бірден бірнеше ұйымға ұсынуға мүмкіндік береді, бұл олардың уақыты мен қаражатын үнемдейді. Бүгінде 1,6 млн-ға жуық қазақстандықтың санитарлық кітапшасы бар»,-делінген хабарламада.

 Азаматтарға ыңғайлы болу үшін қағаз түрінен электронды форматқа көшіру жоспарланып отыр.

Өзгеріс 8 медициналық анықтамаға қатысты: 

Қоғамда 2026 жылы елде мерзімінен бұрын Президент сайлауы өтеді деген әңгімелер айтылып жүр. Қасым-Жомарт Тоқаев осы қауесеттің қаншалықты негізі барын айтып берді.

Мемлекет басшысы БҰҰ бас хатшысының орынбасары және Қарусыздану жөніндегі конференцияның бас хатшысы ретінде осы ұйымның Женевадағы кеңсесін үш жылға жуық басқарғанын айтып өтті.

«Халықаралық үдеріс­тердің қыр-сырына бойлап, мол тәжірибе жинадым. Осының өзі артығымен жетеді деп ойлаймын. Менің елімізді дамытуға қатысты талай жылға арналған ауқымды жоспарларым бар, оның бәрін жүзеге асыруға ниеттімін»,- деп жауап берді президент.

Сондай-ақ Президент «елде мерзімінен бұрын пар­ламент сайлауы бола ма» деген сауалға да жауап берді. Өйткені бұл мәселеде қазір жиі айтыла бастаған.

Қазақстан әлемдегі ең қымбат автокөліктер жүретін ТОП-10 елдің қатарына кірмейді. Бұл жағынан Бірікке Араб Әмірліктері, АҚШ, Еуропаға ілесу мүмкін емес. Бірақ біздің елде де қымбат көліктер бар. Kursiv.Media дәл қазір kolesa.kz сайтында сатылып тұрған темір тұлпарларды шолып, жеке тізімін жасады. Сонымен Қазақстандағы ең қымбат автокөліктер төмендегідей.

1-орын: елдегі ең қымбат көлік  Rolls-Royce Cullinan

550 000 000 теңгеге бағаланған көлік 2024 жылғы рестайлинг, 6,7 литрлік қозғалтқышпен жабдықталған.

Хабарландыру иесі көлік мүлде тізгінделмеген, жап-жаңа, Алматыда тұрған жалғыз көлік екенін айтады. Жаңартылған Rolls-Royce Cullinan биыл мамыр айында таныстырылған. Кроссовердің ұзындығы — 5341 мм, ені — 2164 мм, биіктігі — 1835 мм...

Қасым-Жомарт Тоқаев Қазақстанда доллар бағамының 500 теңгеден асып кеткеніне, ұлттық валютаның тұрақсыздығына қатысты өз пікірін білдірді. Президент бұл мәселеде елдегі экономист басшылардың жұмысына орташа баға беріп отыр. Әдемі сөйлегенімен, нақты нәтижесі бар шаруа шамалы екенін айтады.

Президент Қазақстан әлем экономикасының ажырамас бөлігі болғандықтан, теңгеге сыртқы факторлар әсерін тигізбей қоймайтынын атап өтті.  Доллардың ны­ғаюы­нан дамушы елдердің валютасы қысым көретінін де еске салды.

 «Зер салып қарасақ, көптеген мемлекеттің валютасы қараша айынан әлдеқайда бұрын әлсірей бастады. Ал теңгенің бағамы ұзақ уақыт тұрақтылығын сақтап тұрды. 
Біздің валюта бағамын қолдан ұстап тұру тәжірибесінен бас тартқанымызға біраз уақыт болды. Нарық факторларына байланысты еркін бағам...

Нұрсұлтан Назарбаев ұзақ жыл бойы ел тізгінін ұстаған уақытта кемшіліктер болды. Отставкаға кеткенімен, саяси сыпайылықты сақтай бермейтін. Осылай деп мәлімдеген Қасым-Жомарт Тоқаев экс-президенттің әрекеттеріне қатысты ойын айтты. Мемлекет басшысы елде қосарланған билік бар деген әңгімеге де тоқталды.

Тоқаев «Ана тілі» газетіне берген сұхбатында экс-президентпен қаншалықты жиі хабарласып тұратыны жайында айтты.  Тұңғыш президенттің қызметін, оның елге сіңірген тарихи еңбегін әділ бағалау қажеттігін жиі айтатын Тоқаев, бұл пайымын осы жолы да қайталады. Оның сөзінше, кез келген дәуірдің жақсы жағы да, көлеңкелі тұстары да бар.

«Біздің жаңа тарихымызда жарқын сәттер әлдеқайда көп болды. Бұл – ақиқат. Салыстырмалы түрде алғанда, қысқа мерзім ішінде мемлекеттігімізд...