Жаңалықтар

АҚШ президенті Джо Байденнің әкімшілігі Украинаға 725 млн долларға қару-жарақ беруді көздеп отыр. Бұл туралы өз дереккөзіне сілтеме жасап, Reuters агенттігі хабарлады.

«АҚШ президенті Джо Байденнің әкімшілігі Украинаға 725 миллион долларлық қару-жарақ пакетін дайындап жатыр. Бұл туралы екі америкалық шенеунік хабарлады», – деп жазады басылым.

Дереккөздер Байденнің президенттік қызметтен кетер алдында Украинаға қолдау көрсетіп, Киев үкіметін нығайтуды көздеп отырғанын айтқан.

Соғыс алаңында алға жылжап жатқан Ресей әскеріне тосқауыл қою үшін Америка Украинаға танктен қорғайтын қару-жарақтар, мина мен дрондар, «Стингер» зымырандары мен HIMARS артиллериялық зымыран жүйелерін беруді көздеп отыр. Бұл қару-жарақ АҚШ...

Алматыда ауласында кішкентай баланы көлік қағып, қайтыс болғаннан кейін «Асыл арман» тұрғын үй кешенінің тұрғындары көшеге шығып, әкімдікке бірнеше талап қойды.

Іргелі ауылында оқушыларды тасымалдайтын көлік артқа жүріп келе жатқанда мектеп оқушысы дөңгелектің астында қалған. Оқиғадан кейін «Асыл арман» тұрғын үй кешенінің тұрғындары жиналып, әкімдікке қарсылық білдірді.

Тұрғындардың айтуынша, олар осы кешенге көшіп келген кезден бастап, он жыл бойы мектеп салуға өтініш жасап келген. Бірақ шенеуніктер тек уәде беріп келген. Балалар жақын маңдағы ауылдардағы мектепке баруға мәжбүр болған.

Қайтыс болған оқушы көпбалалы отбасының үлкен ұлы болған. Бірнеше күннен кейін 9 жасқа келуі керек еді.

«Балалар автобусқа...

Қазақстандық белгілі продюсер Баян Алагөзовамен журналист, блогер Дана Орманбаеваның арасындағы апелляциялық іс сотта қаралды. Бұл туралы әлеуметтік желіде Алагөзованың адвокаты Анна Чернова жазды.

Чернова жазған ақпаратқа сүйенсек, Алматы қалалық соты бірінші инстанциядағы соттың шешімін өзгеріссіз қалдырған.

«27 қарашада Алматы қалалық соты айып адамның апелляциясын қарап, үкімді күшінде қалдырды», – делінген жазбада.

Адвокаттың жазуынша, тараптар арасында тағы бір процесс басталған.

«Біз жаңа процесске кірісеміз. Тараптар осы. Сәттілік тілеймін», – деп жазды адвокат.

Айта кетейік, 28 маусымда Баян Алагөзова беделіне нұқсан келтіретін жазбаларды жария еткен Дана Орманбаеваны сотқа беріп, одан...

Қазақстан президенті Қасым-Жомарт Тоқаев пен Ресей президенті Владимир Путин әл-Фараби атындағы Қазақ ұлттық университетінің Омбыдағы филиалын ресми түрде ашты. Онда «қазақ филологиясы» мамандары дайындалады. Бұл туралы Ғылым және жоғары білім министрлігі хабарлады.

Алғашқы талапкерлер 2025 жылдың қыркүйегінде қабылданады. Оларға Қазақстан мен Ресей үкіметтері бірлесіп 200 грант бөлуді жоспарлап отыр.

ҚазҰУ филиалы Ф.М.Достоевский атындағы Омбы мемлекеттік университетінің базасында ашылды. Мұнда «Қазақ филологиясы», «Халықаралық қатынастар» және «Кеден ісі» секілді мамандықдар бойынша бакалавр және магистр студенттер оқи алады. Олардың қос диплом алу мүмкіндіктері болашақта қарастырылады.

«Филиалдағы оқу үдерісін ұлттық университеттің оқытушы-профессор құрамы қазақ, орыс, ағылшын тілдерінде жүргізеді. Алдағы уақытта...

Өскемендегі 64 мектептің оқушылары тыныс алу жолдарындағы ауруға әкелуі мүмкін күшті түтіннің әсерінен аптаның соңына дейін қашықтан оқуға ауыстырылды. «Қазгидромет» Өскеменде ауаның ластануы қараша айының соңына дейін сақталатынын хабарлады.

«Күзгі-қысқы кезеңде қазаннан қаңтарға дейін ауада улы түтін ең көп күн басталды. Басты себеп өңірде жел тұрмай, тұман басуы. Бұл құбылыстың ұзақтығы 5 күннен 14 күнге дейін», – деді «Қазгидромет» РМК метеоболжам бөлімінің басшысы Любовь Бухтоярова.

«Қазгидромет»  суық мезгілде қолайсыз метеорологиялық жағдай көп болатын күндер саны артып келе жатқанын атап өтті. Әдетте метеорологиялық факторлардың үйлесуі ауадағы зиянды заттардың жиналуына ықпал ететін жағдайларды атап өтті.

Кипрдің Politis басылымы жергілікті биліктің шешімімен жергілікті экономикаға инвестиция салғаны үшін берілген «алтын төлқұжаттары» алынған адамдардың тізімін жариялады. Олардың арасында ресейлік және украиналық миллиардерлер, сондай-ақ Kazakhstan Kagazy-ның бұрынғы басшысы Мақсат Әріп те бар. Ол наурызда Қазақстанның өтініші бойынша БАӘ-де ұсталды.

Ресейлік «Агенттік» басылымы Кипр азаматтығынан айырылғандардың тізіміне назар аударды. Олардың арасында «Русал» компаниясының негізін қалаушы Олег Дерипаска, «Альфа Групп» акционері Алексей Кузьмичев, «Сафмар» тобының акционері Михаил Гуцериев, «Русагро» компаниясының иесі Вадим Мошкович, Әлішер Усмановтың әпкесі Гүлбахор Исмаилова, украиналық кәсіпкер Игорь Коломойский және украиналық компанияның иесі Игорь Коломойский, «Энергия стандарты» компаниялар тобының иесі Константин Григоришин бар.

БАҚ «№1 алаяқ» деп...

Астана қаласының кәмелетке толмағандардың істері жөніндегі соты оқушы қыздың мектепке орамал тағып келуге болады деген уәжін жоққа шығарды. Сотқа талап қойған оқушының әкесі ішкі ережелермен келіспейтінін мәлімдеген. Ол министрдің бұйрығында бас киімге нақты тыйым салынбаған деп есептейтінін айтқан.

Сот «мектеп формасын киген кезде діни сипаттағы киім мен нышандарды киюге жол берілмейді» делінген қағидалардың 16-тармағының 2-тармақшасын заңсыз деп тану туралы талап қойған адамның шағымын мақұлдаған жоқ.

Заң органы оқушылардың бірыңғай мектеп формасын киюі дұрыс тұжырым деп таныды. Зайырлылық ұстанымына сай әртүрлі конфессия элементі білім беретін мекемеде көрініс таппауы тиіс.

«Білім туралы» заң мен мектептің жарғысы мектеп формасы...

27 қарашада Алматы облысы Қарасай ауданының Іргелі ауылында қайғылы оқиға болды. «Асыл Арман» тұрғын үй кешенінің автотұрағында баланы автобус қағып кетті. Осының салдарынан жеті жасар бала қаза тапты.

«JAC автобусының жүргізушісі Іргелі ауылы «Асыл Арман» тұрғын үй кешенінің автотұрақ аумағында артқа жүрген кезде жеті жасар баланы қағып кетті. Ол алған жарақатынан оқиға орнында көз жұмды. Қазіргі уақытта сотқа дейінгі тергеу жүргізілуде, соның  нәтижелері бойынша процестік шешім қабылданатын болады», – деп мәлімдеді Алматы полиция департаменті.

Алматы облысының білім басқармасы да оқиғаның мән-жайы туралы хабар таратты.

«Оқиға орнында жұмыс тобы мен Қарасай ауданы білім...

General Motors, Ford және Stellantis акцияларының құны Дональд Трамптың «Канада мен Мексикадан келетін барлық импортқа 25% баж салығын енгіземін» деген мәлімдемесінен кейін төмендей бастады. 

Қандай қатер бар?

Сарапшылардың пікірінше, жаңа әкімшіліктің бұл әрекеті америкалық көліктерге деген сұранысты азайтады.

Wolfe Research сарапшысы Эммануэль Роснердың айтуынша екі ел жыл сайын АҚШ-қа 97 млрд долларға автокөлік бөлшектерін, сондай-ақ 4 млн дайын көлік жеткізеді.

Оның сөзінше, жаңа баж салығы жеңіл көліктерге сұранысты 1 млн бірлікке азайтуы мүмкін. Бұл биылғы жылы болжанған АҚШ-тағы жаңа автокөлік сатылымының шамамен 6%-ын құрайды.

General Motors акциялары сейсенбі, 26 қараша, күнгі сауда барысында 9%-ға төмендеді. Бұл олардың 2022 жылдың маусымынан бергі е...

РФ Президенті Владимир Путин Қасым-Жомарт Тоқаевқа ҰҚШҰ сессиясына қатысу үшін Қазақстанда салтанатты түрде қабылдап, сый-құрмет көрсеткені үшін алғысын білдірді. Сондай-ақ Путин Тоқаевты жаңа жыл алдында Санкт-Петербургке арнайы шақырды.

«Сізге зор ризашылығымды білдіремін. Біз – достас елдерміз. Қарқынды дамып келе жатқан іскерлік қарым-қатынасты да қолдаймыз. Ұдайы байланыстамыз», – деді Владимир Путин.

Сондай-ақ Ресей Президенті мемлекет басшысын жыл соңында Санкт-Петербургте өтетін ТМД аясындағы бейресми кездесуге және келер жылы 9 мамырда өтетін Ұлы Жеңістің 80 жылдығына арналған салтанатты шараға шақырды. Путин айтулы күн екі елдің ортақ жеңісі екенін атап өтті.

«Сізге Ресей-Қазақстан ынтымақтастығын дамытуға ерекше назар...

Ресей әзірге өз аумағын Батыстың ATACMS зымырандарымен атқылауына байланысты Ұжымдық қауіпсіздік шарты ұйымынан (ҰҚШҰ) көмек сұраған жоқ. Бұл туралы ТАСС агенттігіне берген сұхбатында ҰҚШҰ бас хатшысы Иманғали Тасмағамбетов  мәлімдеді.

«Ұжымдық қауіпсіздік туралы шарттың шеңберінде көмек көрсету, оның ішінде әскери көмек беру қатысушы мемлекеттің өтініші бойынша жүзеге асырылады. Өздеріңіз білетіндей, келісімнің бұл нормасы іс жүзінде қолданылған. Әзірге Ресейден мұндай өтініш түскен жоқ», – деді ол.

«ҰҚШҰ Ресейдің «Орешник» зымыран тасығышымен Украинаға жасаған шабуылдарын зерттеп, бағалайды ма» деген сұраққа Тасмағамбетов оң жауап берді.

«ҰҚШҰ барлық заманауи қару-жарақты қолдану, сынау және дамыту перспективалары...

Қасым-Жомарт Тоқаев Ресей Федерациясының президенті Владимир Путинді Астана әуежайынан күтіп алды. Ресей басшысы бүгін, 27 қарашада Қазақстанға мемлекеттік сапармен келді.

Мәртебелі қонақты күтіп алу үшін әуежайда Құрмет қарауылы сап түзеді. Қазақстан мен Ресей халықтарының шынайы достығының белгісі ретінде балалар екі елдің жалауын желбіретіп, қошемет көрсетті және Владимир Путин бастаған Ресей делегациясына ілтипат білдіріп, өлең оқыды,- деп хабарлады Ақорда.

Сондай-ақ  Президенттің құрметіне ҚР Әуе қорғанысы күштерінің ұшақтары Ресей туымен түстес ақ, көк, қызыл жолақ із қалдырып, елорда аспанында ұшып өтті.

Бұдан кейін кәсіби суретші Әсел Сабыржанқызы (Ассоль) Владимир Путин Астанаға ұшқан сәтте сала бастаған картинасын таныстырды...

Өскемен қаласының әкімі Жақсылық Омар өзінің өкілеттік мерзімі аяқталуына байланысты қызметтен кеткенін мәлімдеді. Бұл туралы ол әлеуметтік желідегі жазбасында хабарлады.

Жақсылық Омар Өскемен қаласын 6 жылдан астам уақыт басқарған.

«Әр нәрсенің өз уақыты бар»,- деген әкім қала тұрындары мен мемлекет басшысына өз ризашылығын білдірді.

Жақсылық Омар 2009-2013 жылдары Шығыс Қазақстан облысы әкімінің көмекшісі. облыстық Ішкі саясат басқармасы басшысының орынбасары, басшысы, мәдениет басқармасының басшысы болған.

Ал 2013-2016 жылдары Шығыс Қазақстан облысы әкімінің орынбасары, 2016-2018 жылдары Алматы облысы әкімінің орынбасары қызметін атқарған. 2018 жылдан бері Өскемен қаласының әкімі болды.

Қуандық Бишімбаев Нүкеновтар отбасына 1,5 млрд теңге моральдық шығын төлемейді. Астана сот алқасы бұған дейінгі шығын көлемін өзгертпеу туралы шешім шығарған. Осыған дейін Салтанат Нүкенованың ағасы Айтбек Амангелді өз қарындасының өлімі үшін 1,5 млрд теңге моральдық өтемақы талап еткен.

«Іс материалдарынан белгілі болғандай, заңды күшіне енген айыптау үкімі бойынша жауапкер талапкердің қарындасын өлтіргені үшін кінәлі деп танылған. Марқұмның ағасы бұл қайғылы оқиға салдарынан моральдық азап шеккенін, денсаулығының нашарлағанын және жұмысқа қабілеттілігін жоғалтқанын мәлімдеді. Бірінші сатыдағы сот жақын туысының қайтыс болуы, сөзсіз, талапкердің моральдық жағдайына теріс әсер еткенін және оның жеке мүліктік емес құқығын бұзғанын атап...

Қаржы министрі Мәди Такиев 2024 жылға арналған бюджет кірісінің жоспарланған көрсеткішке жетпеу себебін түсіндірді. Министр мұнай өндіру көлемі болжамдардың орындалмауы және энергетикалық ресурстар негізгі фактор екенін айтады.

«Биылғы жылға арналған бюджеттің жоспары орындалмады. Біз 95 миллион тонна мұнай өндіруге үміттенген едік, алайда, шын мәнінде, 89,5 миллион тонна өндірілді. Бұл айтарлықтай ауытқу болып, бюджет кірістеріне әсер етті», — деді министр.

Сонымен қатар бастапқыда мұнайдың орташа бағасы баррелі үшін 80 доллар деп болжанған еді, бірақ нарықтың құбылмалылығы көрсеткіштердің өзгеруіне әкелді. Бір жыл ішінде бағалар барреліне 71 мен 83 доллар аралығында ауытқып отырды.

Такиев металл нарығындағы құлдырау мен...

Доллардың қымбаттағанына қарамастан, халық айырбастау пункттерінен долларды көптеп сатып алып жатыр. Ұлттық банк статистикасына сүйенсек, қазанда айырбастау пункттеріндегі қолма-қол долларларға деген сұраныс қыркүйек айындағы көрсеткішпен бірдей қалыптасқан.

Өткен айда долларды таза сату көлемі (халықтан сатып алынған валютаны шегергенде) 170 млрд теңгені ($350 млн) құраған. Ал қыркүйек айында қазақстандықтар айырбастау пункттерінен 169,5 млрд теңгеге ($353 млн) доллар сатып алған болатын. 2024 жылы доллар сатылымының шарықтау шегі қаңтарда байқалған. Ол кезде азаматтар 190 млрд теңгеге доллар сатып алған.

Қазан айында долларды шымкенттіктер көп сатып алыпты. Шымкент қаласының айырбастау пункттерінде 50 млрд теңгеге доллар сатылған. Одан кейін Алматы мен Астана. Алматы...

Декларация тапсырмаған қазақстандықтардың есепшоттары бұғаттала бастаған. Мұның себебін Мәжіліс кулуарында Қаржы министрі Мәди Такиев түсіндірді.

«Декларация тапсырмағандардың есепшоты жаппай бұғатталып жатыр. Мұның себебін түсіндіресіз бе?», – деп сұрады журналист.

Қаржы министрі 25 қарашадан бастап әлеуметтік төлем жүргізбеген азаматтардың есепшоты бұғатталғанын айтты.

«Қазіргі уақытта бізде есептік кезең басталды. Азаматтар қарашаның 15-не дейін декларация тапсырып, 25-не дейін салық төлеуі керек болған. 25-не дейін салық төлемеген азаматтардың есепшоты бұғатталды. Мұнда да біз жәй салық төлемегені үшін ғана емес, медициналық әлеуметтік сақтандыру мен басқа әлеуметтік төлемдерді жүргізбегені үшін бұғаттадық», – деді министр.

«Теңізшевройл» кен орнын кеңейту жобасы іске қосылса, ел қазынасына 900 млрд теңге көлемінде қаражат құйылады. Сонымен бірге ел экономикасының өсіміне де 0,8-1% көлемінде мультипликативті әсер етеді. Бұл туралы Мәжіліс отырысында Ұлттық экономика министрі Нұрлан Байбазаров айтты.

Жиында мәжіліс депутаты Арман Халықов ел бюджетіне лайықты мөлшерде қаражат түспегенін, бұған 5,1 млн тонна көлемінде мұнайдың өндірілмей қалуы себеп болғанын атап өтті. Ал бұл көлемнің игерілмеуіне «Теңізшевройл» кен орнын кеңейту жұмыстарының кейінге шегерілуі өз әсерін тигізген.

«Салдарынан республикалық бюджетке 194 млрд теңге көлемінде қаражат түспей қалды. ТШО жобасынан ел бюджетіне қандай көлемде пайда түседі?»,- деп сұрады...

Мәжіліс екінші оқылымда «есірткі тасымалдаушылардың» жазасын жеңілдетуге қатысты заң жобасына өзгерістер енгізуді мақұлдады. Заңға енгізілген жаңа түзетулерге сәйкес, есірткіні таратушы және сақтаушы азаматтардың жазасы жеңілдеп, лауазымды тұлғаларға қатысты жаза күшейтіледі.

Есірткінің заңсыз айналымына қарсы күресті жетілдіруге бағытталған заң жобасы қылмыстық іс жүргізу кодекстеріне, сондай-ақ, басқа да негізгі заңнамалық актілерге айтарлықтай өзгерістер енгізеді.

Сату мақсатында есірткіні заңсыз өндіру, дайындау және қайта өңдеу мәселелерін қарайтын жаңа 297-1-бап енгізілді. Максималды жаза – мүлікті тәркілеп 15 жылдан 20 жылға дейін бас бостандығынан айыру. Егер бұл қылмысты мемлекеттік қызметтегі азаматтар жасаса (мысалы, өз лауазымын пайдалану арқылы), жаза одан да қатал болуы мүмкін – өмір...

Қазақстан 3 халықаралық қаржы ұйымнан қарыз алады. Олар: Халықаралық қайта құру және даму банкі, Азия Даму Банкі және Азия инфрақұрылымдық инвестициялар банкі. Мәжіліс үш қаржы ұйымымен келісімді ратификациялады. Бұл қарыздар бюджет тапшылығын жабу үшін тартылады.

Үкімет бұл қарызды жапон валютасы – йенмен алмақ. Жапон йенасын таңдау себебін Қаржы министрі Мәди Такиев «Жапониядағы тарихи төмен базалық пайыздық мөлшерлеме және қазақстандық теңге мен жапон йенасы арасындағы тығыз корреляцияға байланысты» деп түсіндірді.

Халықаралық қайта құру және даму банкінен – 84,9 млрд йен (275 млрд теңге), Азия Даму банкінен – 52,3 млрд йен (169 млрд теңге), ал Азия инфрақұрылымдық инвестициялар банкінен...

Алматының әр ауданында желтоқсан айынан бастап тұрғындар мен қонақтар үшін 12 тегін ашық мұз айдыны жұмыс істейді. Бұл туралы қалалық Спорт басқармасы хабарлады.

Мұз айдындар күн сайын мына мекенжайларда жұмыс істейді:

• Абай алаңы, Республика сарайының алды;
• Halyk Arena;
• 28 гвардияшы-панфиловшылар атындағы саябақ;
• Тұңғыш Президент саябағы;
• Наурызбай ауданы әкімдігі алдындағы алаң;
• ҚБТУ (Қазақстан-Британ техникалық университеті) ғимаратының артындағы автотұрақ;
• «Авиатор» стадионы;
• Көкжиек ықшам ауданы;
• «Гүлдер» саябағы;
• Almaty Arena;
• №6 оқушылар үйі;
• М.Әуезов атындағы Қазақ мемлекеттік балалар мен жасөспірімдер театрының алды.

Айдындарда конькиді жалға беру пункттері жұмыс істейді. Құны: екі сағатқа – 1,5 мың теңге. Жалға беру пункттері жұмыс күндері сағат 10:00-ден...

Eсік көлі мен Асы-Түргенге баратын жолдар көктемге дейін жабылды. Алматы облысының Төтенше жағдайлар департаменті Талғар және Еңбекшіқазақ аудандарының таулы аймақтарында қар көшкіні қаупінің жоғарылауына байланысты кейбір жолдардың көлік қозғалысына жабылғанын хабарлады.

2024 жылдың 27 қарашасы мен 2025 жылдың 31 наурызы аралығында келесі облыстық маңызы бар жол учаскелері жабылады:

Есік қаласы – Есік көлі (7-15 км);
Түрген ауылы – Батан – Асы-Түрген обсерваториясы (15-41 км);
Талғар қаласы – Спутник лагері (6-11 км).

Төтенше жағдайлар департаменті бұл шаралардың қар көшкіні қаупінің алдын алу және тұрғындардың қауіпсіздігін қамтамасыз ету мақсатында қабылданғанын атап өтті.

«Қыс мезгілінде таулы аймақтарға баруды жоспарлаған тұрғындардан сақты...

Қазақстанда 2024 жылы жаңа 22 кен орны ашылған. Қазіргі кезде 100-ден аса кен орнында сирек метал өндіріледі. Биыл жүргізілген геологиялық барлау жұмысы нәтижесінде құрамында алтын, күміс, мыс, мырыш, темір рудалары, қорғасын, вольфрам, хром, молибден, марганец сияқты пайдалы қазбалар қоры бар кен орындары мемлекеттік есепке алынған.

Өнеркәсіп және құрылыс министрлігінің дерегі бойынша, әлемдегі геосаяси жағдайдың шиеленуі Қазақстандағы сирек металдар кен орындарына қызығушылықты арттырған.

minerals.gov.kz жер қойнауын пайдалану бірыңғай платформасында геологиялық-геофизикалық зерттеуге қатысты 56 180 электрондық есеп орналастырылған. Биыл 12 пайдалы қазба, 4 мұнай кен орны мен 6 жер асты су қоры ашылған.

Оның ішінде Дүйсембай Орталық, Шығыс Тастау...

Әлемде күніне 600 миллион кибершабуыл жасалады. Оның бір бөлігін киберқылмыскерлер жасаса, екінші бір бөлігін мемлекеттік құрылымдар да жасап жатады. Бұл туралы Microsoft Digital Defense есебінде жазылған.

«Өсіп келе жатқан зиянды киберактивтілікке қарсы тұру үшін барлық деңгейде цифрлық инфрақұрылымды қорғауды күшейтіп, қарапайым пайдаланушылардан корпорация басшылары мен мемлекеттік өкілдерге дейін киберқауіпсіздік мәдениетін қалыптастыру маңызды», — дейді Microsoft корпорациясының Орталық Еуропа мен Орталық Азия елдеріндегі технологиялар жөніндегі аймақтық директоры Ренате Страздина.

Төлем қосымшаларына жасалған шабуыл өткен жылмен салыстырғанда 2,75 есе өскен. Кибер кеңістіктегі қаржылық алаяқтық бүкіл әлемде өсіп, төлем жүйелерінде жаңа схемалар пайда болған. 

Бұдан бөлек, жалған жарнамалар...