Жаңалықтар

28 қарашадан бастап Алматыда «Экологиядағы инклюзия – жаңажылдық ғажайып» жобасы басталды деп хабарлайды қала әкімдігі. Акция аясында кез келген тұрғын ерекше қажеттіліктері бар балалар жасаған шырша ойыншықтары мен кеңселер мен басқа да мекемелерге арналған әшекейлерді сатып ала алады. Әшекейлер қайта өңделген пластиктен жасалып, эко шеберлермен өткізілген шығармашылық шеберлік сабақтарында балалардың қолымен жасалынады.

Жобаға жеке тұлғалармен қатар, қала ұйымдары да қатыса алады. Компаниялар өз қызметкерлеріне челлендж ұйымдастырып, әрқайсысы бір немесе бірнеше шырша ойыншықтарын сатып алуды ұсына алады. Эко-хаб қажетті материалдарды дайындап, серіктес реабилитациялық орталықтарға жібереді немесе балаларға тікелей өзі жеткізеді. Балалар эко шеберлердің көмегімен шырша әшекейлерін жасап, оларды кейін компаниялар...

Ресейдің орта қашықтықтағы балистикалық зымыраны «Орешникке» тең келетін балама әлемде жоқ. Зымыран түскен аумақтың температурасы 4 мың градусқа дейін жетіп, жарылыс ошағы күлге айналады. Астанада өтіп жатқан ҰҚШҰ Ұжымдық қауіпсіздік кеңесінің сессиясында  Ресей Федерациясының президенті Владимир Путин осылай деп мәлім етті.

Путиннің айтуынша, ешбір ел жақын арада мұндай қарудың аналогын жасай алмайды.

«Ондаған соққы блогының жылдамдығы шамамен секундына үш шақырымды құрайды. Соққы элементтерінің температурасы 4 мың градусқа дейін жетеді.  Сол себепті жарылыс ошағындағы элементтер бөлшектерге бөлініп, күлге айналады»,- деді Путин.

Ресей басшысы «Орешник» үлкен тереңдікте орналасқан және жақсы қорғалған нысандарды жоюға қабілетті екенін де атап өтті. Сондай-ақ әскери және техникалық мамандарды...

Әлеуметтік маңызы бар жұмыртқа бағасының тұрақтылығын қамтамасыз ету мақсатында Сауда және интеграция министрлігі мен Жұмыртқа өндірушілер қауымдастығы арасында меморандумға қол қойылды.

Құжатта С1 санатындағы жұмыртқаның көтерме бағасын құс фабрикаларының қоймасынан 30 жұмыртқадан тұратын қорап үшін данасына 51,5 теңге мөлшерінде шектік бағаны белгілеу қарастырылған. Сонымен қатар, сауда орындарындағы үстеме баға өндіруші бағасының 15%-нан аспауға тиіс.

Қауымдастық халықты қолжетімді азық-түлікпен, оның ішінде жұмыртқамен қамтамасыз ету бойынша атқарылып жатқан жұмыстар туралы баяндады. Астана, Алматы және Қостанай қалаларындағы баға мониторингіне сәйкес, С1 санатындағы жұмыртқа құны 535 теңгеден аспайды.

Меморандум мемлекеттік органдар, бизнес және басқа да мүдделі тараптар арасындағы әріптестіктің негізгі қағидаларын бекітеді. Құжатта...

Арыс қаласы маңындағы жерлерді Түркістан әлеуметтік кәсіпкерлік корпорациясы сатып алып жатыр. Корпорация бұл жерлерді «халықтан сатып алып, Қытай инвесторына беріп жатыр» деген ақпарат тараған. Ақпараттың анық-қанығын Түркістан облысының әкімі Дархан Сатбалды түсіндіріп берді.

Орталық коммуникациялар қызметінде өткен брифингте журналист Арыс қаласы маңындағы ауылшаруашылық жерлерін Түркістан әлеуметтік кәсіпкерлік корпорациясы сатып алып жатқанын, тіпті жерін сатпаған адамдардың қудаланып жатқаны туралы айтты.

«Қазақстан заңында ауылшаруашылық жерлер сатылмайды делінген. Ал Арыс қаласы маңындағы жерлерді Түркістан әлеуметтік корпорациясы шетелдік инвестордың қаржысына сатып алып шетелдіктерге жалға беріп жатыр. Ал жерін бермеген азаматтар қудаланып жатыр екен. Осыдан хабарыңыз бар ма...

Әлемдік нарықта уран бағасының қымбаттауы «Қазатомөнеркәсіп» ұлттық атом компаниясы табысының еселеп артуына әсер еткен. Уран биыл 38%-ға қымбаттады. Нәтижесінде ұлттық компания 2024 жылдың 9 айында 744,7 млрд теңге таза пайда көрген. Бұл 2023 жылдың сәйкес кезеңінде тапқан 300,1 млрд теңге пайдадан 150% артық.

9 айда компания түсімі 1,13 трлн теңгені құраған. Бұл былтыр қаңтар-қыркүйек айларындағы 864,6 млрд теңге түсімнен 31,7%-ға жоғары. Түсім мен таза пайдасының артуына уран сатудан түскен миллиардтар мен «Буденовкое» кен орнын иеленуі ықпал еткен. Атом компаниясы аталмыш кен орынын биыл жыл басынан иелене бастады. Болжам бойынша, кен орнында 114 мың тонна уран қоры қордаланған. Стратегиялық актив...

Ұлттық банк теңге бағамын ұстап тұру үшін валюталық интервенция жүргізіп жатқанын растады. Интервеция туралы хабарламаны жарияланған кезде доллар KASE қор биржасында 513 теңгеден саудаланып жатқан.

«Тұрақсыздандыратын ауытқуларды болдырмау, теңгенің айырбас бағамының артық құбылмалылығын тегістеу үшін және шетел валютасын ұсынуды қамтамасыз ету мақсатында Ұлттық Банк валюталық интервенциялар жүргізеді», – делінген хабарламада.

Ұлттық банк қаржылық тұрақсыздық пайда болып, айырбастау бағамы шамадан тыс құбылған жағдайда валюталық интервенцияны жалғастыратынын атап өтті.

Реттеуші органның ақпаратына сүйенсек, теңге бағамына сыртқы және ішкі факторлар әсер еткен. АҚШ долларының негізгі әлемдік валюталарға қатысты бағамын бақылайтын DXY индексі 28 қарашада 106,2 пунктке дейін...

Ресей Федерациясының ядролық қорғаныс жүйесі бірінші кезек ҰҚШҰ елдерінің қауіпсіздігін сақтауды көздейді. Бұл туралы Астанадағы ҰҚШҰ Қауіпсіздік кеңесі хатшылары комитетінің отырысынан кейін, журналистерге Ресей Қауіпсіздік кеңесінің хатшысы Сергей Шойгу айтып берді.

«Коммерсант» жазуынша, жаңа қабылданған доктринада ҰҚШҰ елдерінің қауіпсіздігі туралы жазылған, бұған қоса, Беларусь елінің қауіпсіздігі туралы бөлек бөлім бар.

«Біріншіден, ескі доктринада біздің одақтастарымыз осы қорғаныс жүйесі қарастырылғанын айтқым келеді. Бұл анық, нақты белгіленген. Жаңа доктринаға келетін болсақ, әрине, мұнда да ең алдымен, ҰҚШҰ елдері туралы айтып отырмыз. Беларуське қатысты өте маңызды бөлек қосымша бар», – деп атап өтті ол Сыртқы істер министрлері кеңесін...

Қазақстан төрағалығы кезінде ҰҚШҰ алдында тұрған міндеттердің барлығын орындады. Астанада өтіп жатқан ҰҚШҰ Ұжымдық қауіпсіздік кеңесінің кезекті сессиясында ел президенті Қасым-Жомарт Тоқаев осылай деп мәлім етті.

Тоқаев қазіргі геосаяси ахуал мен сын-қатерлер жағдайында ҰҚШҰ қауіпсіздіктің кепілі екенін айтады.

«Ұжымдық қауіпсіздік туралы шарт ұйымы (ҰҚШҰ) қазіргі сын-қатерлер жағдайында өз мүшелері үшін қауіпсіздік кепілі ретінде өзінің маңыздылығын үнемі дәлелдеп келеді. Келісілген іс-қимылдар, өзара сенім және қолдау ұйымға ең күрделі және ауқымды міндеттерді шешуге мүмкіндік береді», – деді Қасым-Жомарт Тоқаев Ұжымдық қауіпсіздік кеңесінің кезекті сессиясының ашылу рәсімінде.

Президент Тоқаев, ҰҚШҰ тек әскери серіктестік қана еместігін еске салды...

Кентау қаласы экологиялық дағдарыс жағдайындағы аймаққа жатқызылады. Бұл туралы Орталық коммуникациялар қызметі алыңында өткен брифинг барысында Түркістан облысының әкімі Дархан Сатыбалды айтты.

Брифинг барысында журналист депутат Мұрат Қадырбектің Кентауды экологиялық дағдарыс жағдайындағы аймақ деп тануды сұрап, Үкіметке сауал жолдағанын, осы орайда қандай шаралар қабылданғаны жөнінде сұрады.

Әкім бұл мәселенің 2000 жылдан бері көтеріліп келе жатқанын, Шардара, Арыс, Отырар, Сауран аудандары Арал маңындағы экологиялық дағдарыс жағдайындағы аймаққа жатқызылғанын айтты.

«Мынадай жағдай қалыптасып отыр. Сауран ауданы Кентау қаласымен шектеседі. Кентау қаласындағы көшенің оң жағы экологиялық аймақта тұрса, екінші жағы бұл аймаққа жатқызылмаған. Міне, сол...

2024 жылы доллар/теңге жұбында доллардың құны 10%-дан аса өсті. 27-28 қарашада теңге Ресей рублінің соңынан «ілесіп» қатты құнсызданды. Айырбастау пункттері долларды орта есеппен 520-522 теңгеге сатып жатыр. Осы орайда Қазақстан қаржыгерлерінің сарапшылары теңгенің қатты құнсыздануы Ұлттық банктің базалық мөлшерлемені төмендетуіне мүмкіндік бермейді деп тұжырымдайды.

«Теңгенің күрт әлсіреуі Ұлттық банктің ертеңгі отырысында базалық мөлшерлемені төмендету циклін қайта бастау мүмкіндігіне кедергі», – деп жазады сарапшылар.

27 қараша күні Қазақстанның валюта нарығында шетел валютасын сатып алушылар белсенділік танытқан. Оған себеп – мұнайдың арзандауы мен рубльдің қатты құлдырауы. Сауда-саттық қорытындысы бойынша, USDKZT жұбының бағамы 1,84 теңгеге өсіп...

2025 жылы Ресей «Байқоңыр» ғарыш айлағынан әскери зымырандарды ұшырып, сынақтан өткізбейді. Келері жылы Ресей тарапы 9 зымыран ұшыруды жоспарлаған, бірақ олардың барлығы азаматтық мақсатта жүзеге асырылатын болады.

Ресей тарапы дипломатиялық арналар арқылы «2025 жылға арналған Ғарыш аппараттарын ұшыру жоспарын» тапсырды. Құжат «Ашық НҚА» порталында жарияланды.

«ҚР Сыртқы істер министрлігі ұсынылған жоспарда әскери мақсаттағы ғарыш аппараттарын ұшыру, сондай-ақ «Байқоңыр» ғарыш айлағынан зымырандарды сынақтан өткізу жоспары жоқ екенін хабарлады», – делінген хабарламада. 

Жоспарға сәйкес жобаны іске қосу үш бағдарлама аясында өтеді:

Келісім бойынша Ресей тарапы жыл сайын 30 қарашадан кешіктірмей Қазақстанға ғарыш аппараттарын ұшыру және ғарыш айлағынан зымырандарды сынау жоспарын ұсынуға міндетті. 

Ресей Федерациясы Қазақстан ауыл шаруашылығының бірнеше дақылдарына шектеу қойды. Осылай деп мәлімдеген Ауыл шаруашылығы вице-министрі Азат Сұлтанов сыртқы саудада қандай қиындықтар туындағанын айтты.

Сенат кулуарында вице-министрге сауал жолдаған БАҚ өкілі, Украиндағы соғыс басталғалы бері Ресей санкция салдарынан жаңа нарық көзін іздеп, Орталық Азия мен жалпы Азия бағытында сауда жүргізіп жатқанын еске салды. Осының салдарынан Қазақстан ауыл шаруашылығы өнімдерін сатуда қандай қиындыққа тап болғанын сұрады.   

Азат Сұлтанов азық-түлік тауарлары санкцияға жатпайтынын атап өтті. Дегенмен бұл бағытта белгілі бір қиындықтар бар. Ресей Федерациясы Қазақстаннан кейбір ауыл шаруашылығы өнімдерін әкелуге шектеу енгізген.

«Өздеріңіз білетіндей, Ресей Федерациясы жағы біздің ауыл шаруашылығыны...

«Самұрық-Қазына» ұлттық әл-ауқат қоры Түркістан облысындағы бу-газ қондырғысы негізінде жұмыс істейтін электр станциясы құрылысы жобасын бір еншілес компаниясынан алып, екіншісіне берген. Қуаты 1000 МВт  электр станциясы құрылысымен айналысатын «Түркістан Бу-газ қондырғысы» ЖШС-ны бұған дейін «Самұрық-Энерго» компаниясы басқарса, енді Samruk-Kazyna Construction-ның иелігіне өткен. Бұл туралы қордың еншілес компаниясы «Самұрық-Энергоның» қаржы есебінде жарияланған.

«2024 жылғы 16 мамырда «Самұрық-Қазына» АҚ мен «Самұрық-Энерго» АҚ арасында «Түркістан БГҚ» ЖШС-ны сенімгерлік басқаруға беру туралы шарт жасалды. Бұл шарт жобалау мен құрылыс кезеңінде, Түркістан облысындағы электр станциясын пайдалануға беру кезеңіне дейін, бірақ 2026 жылдың 31 желтоқсанынан кешіктірмей күшінде болды. 2024 жылғы...

Түркістан облысы ауызсу тапшылығы жоғары аймақ саналады. Себебі өңірге су негізінен трансшекаралық өзендер арқылы келеді. Бұл мәселені шешуге 2025-2026 жылдары шамамен 33 млрд теңге көлемінде қаражат жұмсалмақшы. Бұл туралы Орталық коммуникациялық қызметінде өткен брифингте облыс әкімі Дархан Сатыбалды айтты.

«Бізде су мәселесі ең өзекті. Өңірдегі 807 елдімекеннің 70-інде орталықтандырылған су құбыры жоқ. Биыл 30 елдімекенді орталықтандырылған су құбырына қосамыз. 40 елдімекенді сумен қамту 2025 жылға қалады. Жалпы өңірде сумен қамтуға қатысты 100-ге жуық жоба жүзеге асырылмақшы», – деді әкім.

Сол жобалардың ішінде Сарыағаш және Келес аудандарын ауызсумен қамту мәселесі тұрғанын айтты. Әкімнің мәліметінше...

Ресейдің Ішкі істер министрлігі Қазақстан ұлттық қауіпсіздік комитетінің бұрынғы басшысы Кәрім Мәсімовтің күйеу баласы болған Азамат Капеновтің інісі Медер Капеновке іздеу салды.

Іздеу картасында себеп пен қылмыстық іс туралы нақты ақпарат көрсетілмеген.

Айта кетейік, 2024 жылдың басында ресейлік полиция Мәсімовтің бұрынғы күйеу баласы Азамат Капеновке де іздеу салған. 2024 жылдың тамыз айында Қазақстандағы Сыбайлас жемқорлыққа қарсы қызмет те Азамат Капеновке халықаралық іздеу жариялаған.

EGov жүйесіндегі ақпаратқа сүйенсек, Медер Капенов 1993 жылы Қырғызстанда дүниеге келген. 2010 жылдардан бастап Мәскеуде тұрады. Қазақстанда Қапенов логистикамен айналысатын «Трансконтейнер Еуразия» ЖШС және «Евротранс Актив» ЖШС компанияларының иесі.

«Выход к морю» telegram-арнасының жазуынша, Медер Капеновт...

Хәрри Поттер кітабының сирек кездесетін ең алғашқы басылымы 36 000 фунт стерлиңге (45 580 АҚШ доллары) сатылды.

Кристин Маккалок «Хәрри Поттер мен пәлсапа тас» кітабының көшірмесін ұлы Адамға сатып алып берген екен. Кристин кітапты 1997 жылы Эйвондағы Стратфордта орналасқан кітап дүкенінен 10 фунт стерлиңге сатып алғанын айтады. «Жылдар өткен соң кітап мыңдаған фунт стерилңге дейін қымбаттайтынын тіпті күткен емеспін. Сондай кітап жарық көргенін теледидардан білдім. Қызым Рейчел, ұлым үшеуіміз Блу Питерге берген автор Роулиңнің сұхбатын көрген едік. Содан кейін кітап сатып алуға бардық», – дейді көшірме иесі.

Кітап кеше Личфилдте өткен «Сирек кітаптар аукционында» сатылды. Сатып алушы комиссияны қосқанда...

Доллар саудасы күрт артты

27 қараша күнгі қорытынды бойынша валюта нарығында 1 (АҚШ) доллардың құны 502,45 теңге бағамында  жабылды. Бұл – 2022 жылдың 25 наурызынан бергі ең жоғарғы көрсеткіш.  Ал айырбас орталықтарында және екінші деңгейлі банктерде бір доллардың құны 510 теңге бағамына дейін саудаланды.

Айта кетейік кешегі валюта нарығындағы доллар саудасының көлемі 455,4 млн доллар болып, соңғы 2 жылдағы ең максималды деңгейге жетті. Әдетте валюта нарығында доллардың сауда көлемі күніне шамамен 210-250 млн доллар.

Теңге неліктен құнын жоғалтуда?

Басты себеп – Ресей рублі. Ресей рублі соңғы бір аптада 12,47%-ға құнсызданып, бейсенбі, 28 қараша күні сағат 11:14-дег...

Қазақстан Республикасы мен Ресей Федерациясы халықаралық +7 телефон коды аясында нөмірлеу аймағын бірлесіп пайдалану жөніндегі үкіметаралық келісімге қол қойды. Бұл туралы Цифрлық даму, инновациялар және аэроғарыш өнеркәсібі министрлігі хабарлады.

Келісімге сәйкес, нөмірлеу аймағы төмендегідей бөлінді:

Қазақстан: +7 0, +7 6, +7 7 кодтарын пайдаланады.
Ресей: +7 2, +7 3, +7 4, +7 5, +7 9 кодтарын иеленді.

Еске сала кетейік, 2021 жылы Қазақстан жеке халықаралық код алу үшін +997 кодын резервке қойған болатын. Алайда байланыс операторларымен бұл кодқа көшу мүмкіндігі талқыланғанда, бірнеше қаржылық және технологиялық қиындықтар анықталды.

Бұған дейін, министр Жаслан Мадиев көшу барысында бірнеше қиындықтар туындауы мүмкін екенін айтқан...

Алматы полициясы 26 қарашадан бастап «Боран» ғарыш кемесінің иесі Дәурен Мұсаға іздеу салды. Ақпарат Құқықтық статистика және арнайы есепке алу порталында жария болған.

Іздеу картасында полиция неліктен бұл қадамға барғаны туралы ақпарат жазылмаған.

Дәурен Мұса Facebook-тің белсенді қолданушысы, соңғы екі күнде бірнеше жазба қалдырған. Алайда жазбаларының бірде-бірінде өзіне іздеу салынғаны туралы айтпаған.

KursivMedia жағдай туралы пікірін білу үшін кәсіпкерге жазған, әзірге жауап келген жоқ.

Дәурен Мұса көпшілікке 2020 жылы танылған. Сол жылы «Роскосмос» басшысы Дмитрий Рогозин Байқоңырда сақталған кеңестік «Боран» ғарыш кемесінің көшірмесін сатып алуға ниет білдірген. Кеме қазақстандық кәсіпкерге тиесілі болған.

«Боран» кемесі «Байқоңыр» акционерлік қауымдастығына тиесілі болған...

Freedom Holding Corp. негізін қалаушы және CEO-сы Тимур Турлов Словакияның Forbes журналына берген сұхбатында финтех-топтың Еуроодақта жұмыс істеу үшін банк лицензиясын алуға бір табан жақын қалғанын мәлімдеді.

Турловтың айтуынша, компания Қазақстанда қол жеткізген технологиялар мен клиенттік базасын пайдаланып, Еуроодақ нарығында табысты жұмыс істей алады.

«Біз сондай-ақ сақтандыру және коммерциялық қызметті дамытуды жоспарлап отырмыз. Мұны қазірдің өзінде Қазақстанда жүзеге асырып жатырмыз. Сонымен қатар суперқосымша жасау ойымызда бар», – деді ол.

Турлов қазіргі уақытта британдық Revolut финтех-компаниясы да суперқосымша жасауға тырысып жатқанын атап өтті. Алайда Еуропа нарығы Freedom Holding Corp. үшін үлкен әлеуетке ие екеніне сенімді.

Депутат Бибігүл Жексенбай біліктілігі жоқ мигранттардың Қазақстанға жұмыс күші ретінде келуіне шектеу қоюды ұсынды. Бұл туралы Сенат отырысында айтты.

Сенатор Қазақстанның географиялық жағдайына қарай заңсыз көші-қонның трансұлттық арналар санатына жататыны ескере келе, елдегі көші-қон тетіктерін реттеуді ұсынды. Айтуынша, бүгінгі күні елімізде ресми мәлімет бойынша 300 мыңға жуық еңбек мигранттары тұрады. Ал Еңбек және халықты әлеуметтік қорғау министрлігінің дерегі бойынша оның тек 13,2 мыңы ғана ресми түрде рұқсат қағазын алып, жұмыс істеп жатыр.

Бас прокуратураның мәліметінше, тек биылдың өзінде 82,2 мың шетелдік әкімшілік жауапкершілікке тартылса, 965 шетелдіктің қылмыс жасағаны анықталған.

«Халықаралық миграция ұйымының есебінше...

26 қарашада «Facebook» әлеуметтік желісінде Төлеген Иманов «Қызыл-Жар СК» футбол клубының лауазымды тұлғаларына қатысты бюджет қаражатын жымқыру фактісі бойынша тергеу жүріп жатқаны туралы жазған. Бұл ақпаратты облыстық прокуратура растады.

Солтүстік Қазақстан облысының прокуратурасының Сотқа дейінгі тергеп-тексеру басқармасы бұл істі Қазақстан Республикасы Қылмыстық кодексінің 189-бабы 4-бөлігі 2-тармағына (сеніп тапсырылған бөтен мүлікті иемдену немесе талан-таражға салу) сәйкес сотқа дейінгі тергеудің бірыңғай тізіліміне тіркеген.

Тергеу барысында қылмыстық-процестік заңнама нормаларының талаптарына сәйкес қажетті шаралар жүзеге асырылып жатыр.

Еске сала кетейік, бұған дейін оралдық «Ақжайық» футбол клубының экс-директоры қамауға алынғаны туралы жазған едік.

Сондай-ақ Талдықорғанда «Жетісу» футбол клубының спорт директоры Д. М. Иманқұлов...

Қазақстандағы салынатын АЭС концорсиумын жинау тек Ресейдің ғана қолынан келуі мүмкін. Бұл ойды Ресей президенті Владимир Путинмен бірге Астанаға келген «Росатом» корпорациясының басшысы Алексей Лихачев айтты.

Лихачевтың пікірін «Коммерсант» басылымы жариялады. 27 қарашада Қасым-Жомарт Тоқаев пен Владимир Путин арасындағы келіссөздер кезінде «Росатом» басшысы журналистерге АЭС құрылысына қажетті ауқымды консорциумды қазір тек Ресей ғана жинай алады деп мақтанған.

«Кішіпейіл болмай-ақ қояйын. Мұндай жобаларға үлкен халықаралық консорциумды жинай аламыз деп айта аламын. Соңғы 20 жыл ішінде «Росатом» мұны бірнеше рет жасады: Ресейдің ядролық аралы, Француз микробағдарламасы, Кореяның жұмыс күші бар», — деді Лихачев.

Ол Қазақстанда атом...

АҚШ-тағы жеке тұтыну шығындары соңғы үш ай бойы бір деңгейде сақталып отыр. Бұл Федералды резерв жүйесінің мөлшерлемені одан әрі төмендету мүмкіндігін шектейді. JPMorgan сарапшылары Қытайдан келетін импортқа 60%-дық баж салығы енгізілетініне сенімді. Бұл Қытай билігін юаньды девальвациялауға мәжбүр етеді. Осы және өзге де тақырыптар туралы 27 қарашадағы әлемдік БАҚ шолуынан оқи аласыздар.

АҚШ-тағы инфляция өзгерген жоқ

26 қараша күні қор нарығы АҚШ-тың қазан айындағы жеке тұтыну шығындары (PCE) деректерімен танысты. Бұл көрсеткіш – ФРЖ үшін мөлшерлемені реттейтін негізгі көрсеткіш. Қазан айында PCE индексі айлық мәнде 0,3%-ға, ал жылдық мәнде 2,8%-ға өсті.

Yahoo Finances-тің хабарлауынша, сарапшылар дәл осындай көрсеткіштерді күткен...