Жаңалықтар

Kursiv Media жанармай сапасын тексеру мақсатында Қазақстанның 5 жанармай бекетінің АИ 92 және АИ 95 маркалы жанармайларының сапасын арнайы октанометр құрылғысымен өлшеп, зерттеу жасап көрді. Бұл зерттеу жанармайдың стандарттарға сай келетінін және оның көліктердің қозғалтқыштарына әсерін анықтауға бағытталған.

Октанометр – бұл жанармайдың октан санын өлшеуге арналған құрылғы. Октан саны – жанармайдың детонацияға (яғни, жанармай мен ауаның ерте жарылуына) қарсы тұру қабілетін көрсететін көрсеткіш. Жоғары октан санымен жанармайлар моторларда тиімді жұмыс істеп, қозғалтқыштың ұзақ мерзімді жұмысына ықпал етеді.

АИ 92 және АИ 95 маркаларының сапасын тексеру үшін октанометр қолданылып, олардың сапасы мен стандартқа сәйкестігін анықтап көрдік. Тексеріс нәтижелері бойынша, әр бекеттег...

Президент Қасым-Жомарт Тоқаев Мәдениет және ақпарат министрі Аида Балаеваны қабылдады. Бұл туралы Ақорда хабарлады.

Министр президентке барлық бағыттағы атқарылып жатқан мәдени шаралар мен жұмыстар жөніндегі қорытындысын баяндаған.

«2025 жыл идеологиялық тұрғыда ерекше атаулы жыл болайын деп тұр. Тарихи маңызы зор бірнеше мерейлі оқиғалар бар. Осыған орай бүгін мен мемлекет басшысына дайындық барысын баяндадым. Атап айтқанда, Қазақстан Халқы ассамблеясының 30 жылдығы мен әлемдік діндер съезі, Ұлы жеңістің 80 жылдығына орай арнайы жобалар жайын баяндадым. Президент тиісті жаңа ұсыныстар мен тапсырмалар жүктеді»,– деді министр.

Сонымен бірге Балаева мәдениет, ақпарат, азаматтық қоғам, дін, этносаралы...

Ұлттық банк Төрағасы Тимур Сүлейменов соңғы күндері теңге құнсызданған жоқ, керісінше доллар нығайды деп тұжырымдайды. Өйткені ішкі нарықта теңгеге кері әсер ететіндей оқиға болмаған. Оған қоса бас банкир теңгенің одан әрі құнсыздануына себеп көріп отырған жоқ.

«Теңгенің одан әрі құлдырау қатері жоқ. Құлдырауы деген – бір күнде бағамының жартысына дейін жоғалту. Кейінгі 2 аптада доллар бағамы 485-489 теңге деңгейінде қалыптасты, ал кейінгі екі күнде 507-ге дейін жетті. Бұл – бар-жоғы екі-ақ пайыз құбылу. Тіпті құлдырау деп айтуға келмейді», – деді ол.

Сүлейменовтің айтуынша, қысқамерзімді экономмикалық индикатор да, инвестиция да өсіп жатыр, ішкі экономикадағы...

Өткен аптада ҚР Энергетика министрлігі сұйытылған мұнай газының шекті бағаларын өзгертпеу туралы шешім қабылдады. Бұл шешім Қазақстан билігінің энергетикалық тауарлардың бағасын ырықтандыруға ерекше сақтықпен қарайтынын көрсетеді. Бағаларды реттеу арқылы Үкімет кәсіпорындар мен халықты жасырын түрде субсидиялап отыр. Қазақстан Республикасының Бәсекелестікті қорғау және дамыту агенттігінің бағалауынша, субсидиялаудың мұндай көлемі елдің жалпы ішкі өнімінің 1,5%-на дейін жетуі мүмкін.

Сұйытылған газ нарықтық бағамен салыстырғанда, әлдеқайда арзанға сатылып жатыр

Энергетика министрлігінің аталған шешімі ішкі нарыққа арналған сұйытылған мұнай газын (СМГ) көтерме саудада сатуға қатысты. Министрлік 2025 жылдың 1 қаңтарынан 30 маусымға дейінгі кезеңге арналған СМГ-ның көтерме тарифін тоннасына 45 мың теңге мөлшерінде бекітт...

Табиғи монополиялар субъектілерін жасырын субсидиялау тетігі алынып тасталды. Бұл туралы Жоғары аудиторлық палатаның баспасөз қызметі хабарлады.

«Табиғи монополиялар субъектілерін жасырын субсидиялау мүмкіндігі ҚР Жоғары аудиторлық палатасының нұсқамасы бойынша алынып тасталды»,- деп хабарлайды баспасөз қызметі.

Табиғи монополиялар субъектілерін жасырын субсидиялау мүмкіндігін болдырмау үшін Жоғары аудиторлық палата нұсқаулығымен Тарифтерді қалыптастыру қағидаларына өзгерістер енгізілген.

Аудиторлардың мұндай шешіміне жылумен қамту саласындағы басқару тиімділігіне жүргізілген мемлекеттік аудит нәтижелері себеп болған. Аудит барысында тұтынушылар топтары арасындағы тарифтерде айтарлықтай айырмашылық бар екенін анықтаған.

Осыған орай, аудиторлар палатасы Ұлттық экономика министрлігіне тұтынушылар топтары арасындағы тарифтер айырмашылығын кезең-кезеңімен қысқарту...

27 қарашада Энергетика министрлігі мұнай немесе газ табылуы мүмкін көмірсутек кен орындарын 10 рет онлайн-аукцион өткізген.

Министрлік ақпаратына сүйенсек, сауда-саттыққа шыққан 9 учаскедегі кен орындарының 8-і сәтті сатылған. Атырау және Маңғыстау облыстарында орналасқан Азнағұл учаскесі сатылмай қалды. 

Ал иесін тапқан 8 кен орнының алтауында барлау жұмыстары жүргізу қажет. Қалған екеуінде мұнай мен газ өндіруге лицензия берілді.

Дәлірек айтқанда, Атырау облысындағы Солтүстік Корморантия және Ақтөбе облысындағы Шұбарқұдықтан мұнай мен газ өндіруге бірден лицензия берілді. Бірінші учаскені Zhyldyz GR, екінші учаскені «АртНик Ойл» сатып алды.

Аукционға шыққан кен орындарының басым бөлігі Маңғыстау облысында орналасқан. Оңтүстік Кендала, Солтүстік Кендаланы Kazakhstan FengYuanXinMao Energy LTD...

Ұлттық банк нарыққа 16 қарашадан араласып, интервенция жүргізген. Осы уақыт аралығанда бас банк нарықта 1 млрд доллардан аса валюта сатты. Нәтижесінде Ұлттық банктің алтын-валюта қоры 44,5 доллардан 43,5 млрд долларға дейін азайған. Бұл туралы базалық мөлшерлемеге қатысты брифинг барысында Ұлттық банк төрағасы Тимур Сүлейменов мәлімдеді.

«Егер нарықта кенет өзгеріс немесе негізсіз алыпсатарлық, нарықтық емес факторлар белең алмаса, біз интервенцияны жалғастырды жоспарлап отырған жоқпыз», – деді Сүлейменов.

Алайда бас банкир соңғы екі күн өте маңызды болғанымен, бұл күндері резервтен нақты қанша доллар сатылғанын нақтыламады. Оның айтуынша, теңге бағамына биржада долларды көптеп сатып алып жатқан заңды...

Telegram KZ Ltd. компаниясы ресми түрде Астана халықаралық қаржы орталығында тіркелді. Ақпарат орталықтың сайтында жария болған.

28 қарашада тіркелген компанияның жалғыз акционері Альмира Аманжолова есімді азаматша. Ол туралы ашық дереккөздерде ақпарат жоқ. Ол компанияның акционері ғана емес, бас директоры қызметінде атқарады. Құрылтайшылар туралы ақпарат та жария етілмеген.

«Telegram компаниялар тобының жергілікті жобаларын қолдау қызметі. Бағдарламалық өнімдерді, электрондық ақпараттық ресурстарды, мобильді және басқа қолданбаларды пайдалану үшін қамтамасыз ету және веб-порталдардың қызметі», – деп көрсетілген компанияның мақсаты туралы ақпаратта.

Компания Астана қаласында Нұра ауданында тіркелген. Компания акцияларының құны 10 доллар. Қазіргі таңда 100 акциясы орналастырылған.

Қазақстанда Telegram-ның ресми кеңсесі ашылатыны туралы...

Ұлттық экономика министрлігі әзірленіп жатқан жаңа Салық кодексінде картадан картаға ақша аудару комиссиясын 12%-ға қымбаттатуды көздеп отыр. Бұл туралы өзінің телегерам арнасында депутат Асхат Аймағамбетов хабарлады.

«Картадан картаға көшіру – комиссиясы қазір 150 теңге. Егер Салық кодексінің жаңа жобасында ұсынылған норма қабылданса, мұндай аударымдар 12%-ға дерлік қымбаттауы мүмкін»,– дейді депутат.

Аймағамбетов Экономика министрлігінің барлық төлем операциясына ҚҚС салуды жоспарлап отырғанын айтады. Бұл пластикалық карталарға қызмет көрсетудің, картадан картаға, шоттан шотқа аудару қызметінің, аударымдар және банк қызметтерінің айтарлықтай қымбаттауына алып келуі мүмкін.

Министрлік бұл шығындарды банктер өзі өтейді деп сендірген. Алайда депутат...

Ұлттық банк бүгін, 29 қарашада 2024 жылы біртіндеп төмендеп келе жатқан базалық мөлшерлемеге бірден 1% қосып, 15,25%-ға жеткізді. Ұлттық банк бұл шешімін инфляция мен елдің экономикалық дамуына қатысты болжамдарды, нақты деректер мен тәуекелдерді ескере отырып қабылданған. Бұл туралы Ұлттық банк Төрағасы Тимур Сүлейменов базалық мөлшерлемеге қатысты шешімді түсіндіруге арналған брифинг барысында айтты.

Ұлттық банк басшысы қазан айында инфляция жеделдегенін айтып өтті. Оған қатысты болжам да тұрақсыз болып тұр. Инфляцияға сыртқы факторлардан: әлемдік нарықта азық-түлік бағасының қымбаттауы, негізгі сауда-экономикалық әріптесіміз – Ресейдегі инфляция мен рубль бағамының құбылуы әсер еткен. Ал ішкі факторларға ҰБ төрағасы тұрғын-үй коммуналдық саладағы реформалар, ұсыныстан асып түскен...

Ойын бизнесі және лотереяны реттеу комитеті құмар ойындардан ұтылған азаматтардың ақшасын қайтарумен айналыспайды. Бұл туралы Туризм және спорт министрлігі хабарлады.

Комитеттің хабарламасына сәйкес, борышкерлердің бірыңғай тізімінде тіркелген азаматтарға құмар ойындар мен бәс тігуге қатысуға тыйым салынған. Заң бойынша, заңсыз қатысу анықталса, ойын бизнесін ұйымдастырушылар әкімшілік жауапкершілікке тартылады, алайда бұл ақшаны қайтаруға қатысты шараларды қарастырмайды. Егер қаражатты қайтару мәселесі туындаса, азаматтарға сотқа жүгіну ұсынылады.

«Комитет букмекерлік кеңселердің шоттарына аударылған қаражаттарды қайтарумен айналыспайды және мұндай қызмет көрсетуге уәкілетті емес. Егер қаражатты қайтаруға қатысты даулар туындаса, азаматтарға:

Сотқа дейінгі реттеу субъектілеріне жүгіну немесе азаматтық кодекстің 9-бабына сәйкес, сотқа шағымдану ұсынылады...

АҚШ реттеушілері тәулік бойы жұмыс істейтін алғашқы қор биржасын іске қосуды мақұлдады. Бірақ инвесторлар мұндай сауда форматынан айтарлықтай қауіп барын алға тартып отыр. Үкімет дағдарысына байланысты Франция облигацияларының кірістілігі алғаш рет Грекияның кірістілігімен теңесті. 28 қарашадағы әлемдік БАҚ шолуына зер салыңыз.

Еуропалық акциялар үшін сәтті күн

CNBC мәліметінше, АҚШ-та демалыс күні болғандықтан, еуропалық нарықтар бейсенбі, 28 қараша күні өсіммен жабылды, 27 қараша, сәрсенбі күні керісінше, төмендеген еді. Еуропалық Stoxx 600 бір күнде 0,45%-ға өсті. Француздың CAC 40 индексі елдегі үкіметтік дағдарысқа қарамастан 0,51%-ға көтерілді. FTSE 100 бұл күні 0,04%-ға, DAX 0,84%-ға, ал FTSE MIB 0,51%-ға өсті.

Еуропадағы қор...

Израиль орта қашықтықтағы зымырандар сақталған Ливанның оңтүстігіндегі Хезболла қоймасына соққы жасады. Оқиға тараптар арасындағы атысты тоқтату келісімін бұзу деп саналады.

«Израиль Ливанның оңтүстігіндегі бірнеше ауданға келген көліктерде күдікті азаматтар бар деген желеумен оларға оқ жаудырды, бұл Хезболла тобымен бітімгершілікті бұзу», — деп хабарлайды Reuters.

Өз кезегінде «Хезболла» өкілі Хасан Фадлаллах Израильді келісімді бұзды деп айыптады.

«Израиль шекаралас ауылдарға оралғандарға шабуыл жасады», — деді Фадлаллах журналистерге.

Израиль әскерилері өз мәлімдемесінде қауіп төндіретін және атысты тоқтату туралы келісімнің шарттарын бұзатын бірқатар күдікті әрекеттерді анықтағанын хабарлады.

«Бұл келісімнен...

«ҚазАвтоЖол» ұлттық компаниясы 29 қарашада 5 өңірде ауа райының бұзылуына байланысты ескерту жариялады. Бұл туралы компания баспасөз қызметі хабарлады.

Компания ақпаратына сүйенсек, 29 қарашада Абай, Ақтөбе, Жамбыл, Маңғыстау, Қарағанды, Қызылорда, Түркістан және Ұлытау облыстарының кей жерлерінде қар аралас жаңбыр жауады деп болжанғандықтан, жолаушылар мен жүргізушілерге ескерту жариялады.

«Сол себепті жүргізушілерге қауіпсіздік ережелерін қатаң сақтап, жолдардағы ауа райының қолайсыздығын ескерулеріңізді сұраймыз»,– делінген хабарламада.

Сонымен қатар, тәулік бойы қосымша жол қатынасына байланысты 1403 нөміріне хабарласып, білуге болады.

Ұлттық Банктің Ақша-кредит саясаты комитеті базалық мөлшерлемені +/- 1 п.т. дәлізімен жылдық 15,25% деңгейінде белгілеу туралы шешім қабылдады.

«Шешім жаңартылған болжамдар мен инфляция тәуекелдері балансының бағалауын ескере отырып қабылданды», – делінген банк хабарламасында.

Реттеушінің бұл шешіміне Қазақстандағы жылдық инфляцияның қазан айында 8,5%-ға дейін өскені әсер еткен. Ал инфляцияға «Тарифті инвестицияға айырбастау» бағдарламасын іске асыру аясында реттелетін қызметтердің айтарлықтай қымбаттауы және теңгенің әлсіреуі ықпал еткен.

«Оған қоса инфляцияның орнықты бөлігі де өсуде.  Жоғары  ішкі  сұраныс  жағдайында  азық-түлікке  жатпайтын  тауарлар  мен  нарықтық  қызметтер  бағасының өсуі инфляцияның жеделдеуіне ықпал етті. Бюджеттің кіріс бөлігін орындамауына байланысты жалғасып жатқан фискалдық ынталандыру...

Сирияда сунниттік радикалды «Хайят Тахрир аш-Шам» тобының содырлары 28 қарашада Алеппо провинциясындағы бірқатар маңызды позицияларды басып алған. Ел президенті Башар Асад Мәскеуге ұшып кетіп, Ресей президенті Владимир Путинмен кездесуді көздеп отыр.

Башар Асад режимінің Қарулы қарсыластары ондаған елдімекендерді басып алып, Алеппоға жақындаған. «Хайят Тахрир аш-Шам» қарулы тобы – «Әл-Қаиданың» сириялық филиалы «Джебхат ан-Нусра» құрамынан шыққан жиһадшылар тобы. Топ әлемнің көптеген елімен қатар, Қазақстанда да террористік ұйым ретінде танылған.

Reuters басылымының ақпаратына сүйенсек, Сирияның адам құқықтарын бақылау орталығы (SOHR) жаңа шайқас кезінде 121 содыр мен Сирия үкіметі Араб армиясының 61 әскери қызметкері қаза тапқанын хабарлаған. Бейбіт тұрғындар арасындағы құрбандар саны әл...

«Қазгидромет» мәліметінше, демалыс күндері Қазақстанның көптеген аймағында ауа райы тұрақты болады. Кейбір өңірлерде тұман түсіп, жел күшейіп, жауын-шашын күтіледі. Солтүстік және орталық облыстарда күн суық болады, ал оңтүстік пен батыс өңірлерде жылы ауа райы сақталады.

Солтүстік және орталық өңірлерде тұман, қар жаууы мүмкін, температура -5°C-қа дейін төмендейді. Астанада күн суытып, бұлтты болады. Жылдамдығы 5-10 м/с жел соғып, ауа температурасы түнде -8…-10°С, күндіз -2…-4°С аралығында сақталады.

Қостанай және Петропавлда жел екпіні күшті болады (9-20 м/с). Температура -1°С-тан -3°С-қа дейін төмендеп, кей жерлерде қар жаууы ықтимал.

Шымкент, Жамбыл, Қызылордада күн ашық болады. Түнде температура -1…-3°С, күндіз +11…+13°С. 3-8 м/с...

Аустралия 16 жасқа толмаған балалардың әлеуметтік желіні пайдалануына тыйым салмақшы. Ал бұл заңды бұзған технологиялық компаниялар 32,5 млн АҚШ доллары көлемінде айыппұл арқалауы мүмкін.

Заң тек бір жылдан соң күшіне енеді. Шектеу енгізілетін платформалар қатарына ойын сайттары мен мессенджерлер, сондай-ақ тіркелуді қажет етпейтін қосымшалар кірмейді. Мәселен, YouTube сынды платформаларды жасөспірімдер тіркелмей-ақ көре алады.

Аустралия премьер-министрі Энтони Албанезе бұл заң жастарды әлеуметтік желілерден келетін зиянды контент пен оның теріс әсерінен қорғау үшін қажет екенін айтқан. Албанеземен қатар, бұл заңды ата-аналар тарапы да қолдап отырғаны айтылады. Десе де, кей сыншылар бұл заң жасөспірімдердің әлеуметтік өмірден оқшауланып қалуына әкелуі мүмкін...

Рубльдің әлсіреуін тоқтату үшін Ресей Орталық банкінің келесі қадамы негізгі мөлшерлемені 25% дейін көтеру болуы мүмкін. Мұндай болжамды Bloomberg сарапшылары айтқан. 

Ресей банкі пайыздық мөлшерлемелерді рекордтық деңгейге көтерсе, инфляция күшеюі мүмкін. Болжам рубльдің күрт құлдырауы аясында қабылдануы мүмкін. 21 қарашада АҚШ ресейлік банктерге қарсы жаңа санкциялар енгізіп, рубль АҚШ долларына қатысты 9% және юаньға қатысты 6% әлсіреді. Жыл басынан бері Ресей валютасы долларға қатысты 21% құлдыраған.

«Орталық банк рецессия қаупін арттырса, пайыздық мөлшерлемені одан әрі көтеру немесе жоғары инфляциялық қысыммен келісу сынды дилеммаға тап болды», — деді ресейлік экономист Алекс Исаков.

Ол пайыздық мөлшерлемені көтеру мүмкіндігі жоғары екенін айтады.

Алматы қаласының Орталық стадионында өткен UEFA Конференция лигасының 4-турында «Астана» футбол клубы португалиялық «Витория Гимарайнш» командасымен ойнады. Бұл матчта екі ұжым ұпай бөлісіп, 1:1 есебімен тең тарқасты.

Бірінші тайм тең жағдайда өтті. Матчтың 40 минутында «Астана» сапындағы хорватиялық қорғаушы Бранимир Калаица бұрыштамадан келген пасты сәтті пайдаланып, есеп ашты – 1:0.

Екінші таймда португалиялық команда шабуылдарын жиілетті. Қорғанысқа басымдық берген елордалықтар 89 минутқа дейін есепті ұстап тұрды. Алайда алаңға екінші таймда шыққан венесуэлалық Хесус Рамирес баспен гол соғып, есепті теңестірді – 1:1.

Турнирлік кестеде «Витория» 9 ұпаймен 5-орында болса, «Астана» 3 ұпаймен 25-сатыда тұрған еді. Конференция лигасының ережесіне сәйкес, алғашқы сегіздікке...

Грузия Үкіметі елді ЕуроОдаққа кіргізу туралы келіссөздерді 2028 жылға дейін тоқтатқаннан кейін, ел президенті Саломе Зурабишвили Тбилисидегі наразылық акциясына қосылды.

DW басылымының ақпаратына сүйенсек, 28 қараша күні күндіз басталған наразылық акциясына кешкі уақытта президент те келіп қосылған. Ол билеуші «Грузин арманы» партиясының саясатына ашық қарсылық білдірген.

«Мен осындамын. Осы адамдармен біргемін. Әрқашан бірге боламын. Бүгін басталған қарсылық, жаңа сайлау тағайындалғанға дейін жалғасады. Бұл елдің ішіндегі де, сыртқы саясаттағы да басты мақсат. Біз өз ойымыздан бас тартпауымыз керек», – деді президент.

28 қараша премьер-министр Ираклий Кобахидзе елдің ЕуроОдаққа кіру туралы келіссөздерін 2028 жылға дейін шегеретінін...

Түркістан облысының Келес ауданында заңсыз жолмен құм тасымалдаған топ ұсталды. Олар мемлекетке 437 миллион теңге шығын келтірген.

Полиция департаменті жер қойнауын заңсыз игергендерді әшкереледі. Төрт адам қиыршық тасты сатып, пайда тапқан.

Жедел іздестіру шаралары кезінде ұйымдасқан қылмысқа қарсы күрес басқармасының жасағы экскаватор, жүк тиегіш пен төрт жүк көлігін тәркіледі. Басқа да заттай айғақтар табылған.

«Қазіргі уақытта осы факт бойынша қылмыстық іс қозғалды және болған оқиғаның барлық мән-жайларын анықтау бойынша жедел-тергеу іс-шаралары жүргізіліп жатыр», – деп хабарлады ІІМ.

Бұған дейін облыста шетелдіктерді шекарадан өтуге көмектескен адамдар ұсталғаны туралы жазған едік. Олардың жалған құжат жасағаны мәлім...

Грузия Еуропа одағына кіру туралы келіссөздерді 2028 жылдың соңына дейін ысырып тастады. Бұл туралы 28 қарашада өткен брифингте Грузияның премьер-министрі Ираклий Кобахидзе айтты.

Бүгін Еуропарламент Грузияға қатысты қарар қабылдап, онда сайлау нәтижелерін мойындамай, жаңа дауыс беруге шақырды. Оған қоса Еуроодақты осы елдің премьер-министрі мен партия жетекшілеріне қарсы санкция салуды сұрады.

Сол себепті «Грузин арманы» партиясы дәл сол уақытқа дейін Еуроодақтың кез келген бюджеттік гранттарынан бас тартатынын мәлімдеді. Дегенмен бірнеше жылдан кейін, одақ құрамына енуге талпынатынын да жоққа шығармады.

 «Грузия 2030 жылы Еуропа одағына кіру бойынша келіссөздерді бастауға 2028 жылы лайықты түрде дайындалады. Біз тоқтамаймыз және...

Путин Ресей компаниясының Қазақстанда АЭС құрылысын салуға қатысуы мүмкін екенін жоққа шығармады. Ол Қазақстанның өзі шешім қабылдайтынын атап  өтті.

«Біз бұл тұрғыда «Росатомның» артықшылықтарын атап өттік, бірақ Қазақстанның өзінің технологиялық және қаржылық шешімдерін таңдауға құқығы бар», – деді Ресей басшысы Астана қаласында өткен баспасөз мәслихатында.

Бұған дейін РФ-ның Сыртқы істер министрі Сергей Лавров «Росатом» іске кірісуге дайын екенін мәлімдеді. Ол осы компания басқа елдердің консорциумдарымен бірлесе жұмыс істей алатынын айтқан.

Путинмен ілесе келген «Росатом» корпорациясының басшысы Алексей Лихачев Қазақстан рұқсат берсе, білек сыбанып кірісетіндерін жария етті. Атом технологиясының қыр-сырын білу үшін Қазақстан азаматтарыны...