Жаңалықтар

Қазақстандағы өңдеуші салалар бойынша PMI индексі өткен аймен салыстырғанда, қарашада жақсарған. Сауалнама жүргізілген 2019 жылдан бері бірінші рет жаңа тапсырыстың күрт өскені байқалды. Өндіріс, жұмыспен қамту және сатылым ұлғая түсті. Өндіріске қажет ресурс құны елеулі қарқынмен өсіп, қарашада жаңа тапсырыстардың өсуі рекордты жаңартты. Бұл туралы Freedom Holding Corp. Қазақстандағы өңдеуші салалар бойынша PMI® өндірістік көрсеткіштер жайындағы есепте айтылған.

Қараша айы бойы жаңа тапсырыстар күрт өсіп, бұл өз кезегінде өндіріс көлемі мен сатып алу белсенділігінің артуына және жұмыс орнын ашуды тоқтатпауға сеп болды. Баға жайында айтар болсақ, теңге бағамының АҚШ долларына қатысты әлсіреуінен, қазан айынан бері инфляциялық қысым күшейді.

Freedom...

30 қарашада Астана мен Алматыда журналистер мен блогерлер арасындағы шахматтан «Қос шаһар кубогы» ашық турнирі өтті. Қазақстан шахмат федерациясының қолдауымен өткен шарада блогер Асылхан Құмар үздік атанып, кубок иегері атанды.

Алматыда 26 қатысушының ішінен жас блогер Асылхан Құмар үздік болды. Екінші орында блогер Алан Тасмұханов, үшінші орында тағы бір блогер Марат Мулкубаев болды. 

Астанада 40 қатысу арасында Нұрлан Салықбаев үздік шықса, екінші орынды Ахмет Ишмухамедов, үшінші орында Жанболат Турешов алды.

Екі қаланың үздік екі ойыншысы финалдық кездесуге шықты. Бірінші орынды алматылық Асылхан Құмар алып, Сингапурға сапарға арналған тревел-грантты жеңіп алды. Онда Дин Лижен мен Гукеш Доммараджу арасында шахматтан Әлем чемпионаты болады. Екінші орынды елордалық Нұрлан Салықбаев жеңіп, 300 мың теңге ұтыс алды. Үшінші орынға Ахмет Ишмухамедов тұрақтап, 200 мың теңге, төртінші орын...

Астана халықаралық қаржы орталығының соты Алматы облысы әкімдігінің денсаулық сақтау басқармасын International Academy of Medicine and Sciences (IAMS) компаниясына 153 млн теңге өтеуге міндеттеді.

Сот қағаздарына сүйенсек, 2020 жылдың 5 қарашасында Алматы облысы әкімдігінің денсаулық сақтау басқармасы IAMS компаниясына «Алматы көпсалалы клиникалық ауруханасын» сенімгерлік басқаруға береді.

2023 жылдың маусым айынан бастап әкімдік сенімгерлік-басқару қызметі үшін келісімшартта көрсетілген төлемді жасамай келген. Сот кезінде мемлекеттік ведомство өзінің бұл шешімін түсіндіруге мәжбүр болған. Басқарманың айтуынша, компания ауруханаға мемлекеттік органның өкілдерін кіргізуден бас тарту арқылы келісімшартты бұзған.

Тараптар келісімге келе алмағандықтан, сотқа жүгінуге мәжбүр болған. Ал IAMS компаниясының түпкі инвесторы шетелдік болғандықтан, істі Астана...

Қазақстанда трансплантацияланатын ағзаны ұзақ сақтайтын құрылғы әзірленіп жатыр. Бұл туралы Үкімет үйінің баспасөз қызметі хабарлады.

«Қазақстанда ағзаны адам денесінен бөлек сақтап, кейіннен трансплантациялауға арналған инновациялық құрылғы әзірленіп жатыр», – деп хабарлайды баспасөз қызметі.

Баспасөз қызметінің хабарлауынша, бұл құрылғыны University Medical Center-дегі қазақстандық кардиохирургтер командасы әзірлеген. Мұндай құрылғы трансплантация нәтижелерін айтарлықтай жақсартуға жол ашады. Жоба негізінде ғалымдар адам ағзасынан соғып тұрған жүректі, сондай-ақ «тыныс алып тұрған» өкпені және жұмыс істеп тұрған бауырды сақтауға бағытталған жаңа технологияларды әзірлеген. Болашақта бүйректі де осы технология көмегімен сақтау тәсілдері жетілдірілмекші. Бұл технология көмегімен адам ағзасынан алынған материалды өмірше...

Германияға қазақстандық мұнай жеткізілетін «Дружба» құбыры Польша жерінен өтетін тұсында зақымдалды. Бұл диверсия болуы әбден мүмкін. Бұл туралы осы құбырға қызмет көрсететін PERN компаниясы мәлімдеді.

РИА Новости мәліметінше, оператор бұл апаттың Германияға мұнай тасымалына ықпал етпейтінін айтқан. Қазір мамандар төтенше жағдайдың себебін анықтап, салдарын жойып жатыр. Компания сарапшылардың қорытындысын күтіп отыр. Апаттың барлық нұсқасы қаралып жатыр. Соның ішінде, қасақана жасалған әрекет те бар.

Қазақстан 2023 жылдың ақпан айынан бастап осы құбыр арқылы мұнай тасымалдай бастады. Reuters мәліметінше, Қазақстан осы құбыр арқылы Германияға тәулігіне 145 мың тонна мұнай тасымалдайды. «ҚазТрансОйл» тасымал көлемін азайтып, 133 000 тоннаға дейін...

Республикалық бюджетке аударылатын трансферттер үшін қараша айында Ұлттық қордан 1 260 млн АҚШ долларына тең валюта сатылды. Қазан айында қордан 1,34 млн доллар сатылған болатын. Оның үлесі жалпы сауда-саттық көлемінің 23%-ын құраған. Яғни күніне қордан 60 млн доллар өтті.

Екі ай қатарынан Ұлттық қордан қомақты доллар сатылса да, теңгенің құнсыздануына тосқауыл бола алмады. Ресми мәлімет бойынша, ұлттық валюта қазан айында – 1,5%, ал қараша айында 5% әлсіреген.

Ал желтоқсан айында Ұлттық қордан 800-900 млн доллар сату жоспарланған. Бұдан түскен қаржы да республикалық бюджетке трансферт ретінде аударылады.

Теңге бағамы

Қараша айында теңге бағамы 5%-ға әлсіреп, 1 АҚШ...

Қазақстандағы бала құқықтары жөніндегі уәкіл Динара Закиева 12 жасқа толмаған балаларды үйде жалғыз қалдыруға заңды түрде тыйым салуды ұсынды. Бұл туралы ол өзінің әлеуметтік желідегі парақшасында жазды.

Зәкиева мәлімдемесінде биыл жыл басынан бері балалардың өмірін қиған 15 өрт оқиғасы болғанын айтады. Олардың көбі балалар үйде жалғыз қалған кезде орын алған.

«Осы оқиғаларды талдай отырып, 12 жасқа толмаған балаларды ересек адамдардың қарауынсыз қалдыруға тыйым салу жөніндегі заңнамалық шараларды қарастыру қажет деп санаймын. Әрине, қолдауға мұқтаж отбасыларға мемлекет тарапынан көмек бағдарламаларымен қамтамасыз ету маңызды», — деді  омбудсмен.

Балалар омбудсмені Ақмола облысында болған қайғылы оқиғаға қатысты да түсініктеме берд...

Әуе билеттерінен ақша үнемдеудің көптеген тиімді жолдары бар. Соңғы уақытта әуе компаниялары акциялар, жеңілдіктер және арнайы ұсыныстарды жиі жариялайды.

Еуропаның ең ірі лоукостерлерінің бірі Wizz Air Қазақстан бағыттарындағы рейстерге арнайы 20% жеңілдіктер жариялады. Ұсыныс әуе компаниясының тек мобильді қосымшасы арқылы ғана көріп алуға болады.

Жеңілдіктер 2024 жылдың 1 желтоқсанынан 2025 жылдың 30 маусымына дейінгі аралықта орындалатын рейстерге қатысты. Қазақстандағы келесі бағыттар бойынша тұрақты рейстер орындайды:

• Абу-Даби – Астана (аптасына 4 рет);
• Абу-Даби – Алматы (аптасына 2 рет);
• Абу-Даби – Түркістан (аптасына 3 рет).

Сонымен қатар әуе компаниясы 50-ден астам елге, соның ішінде Еуропа, Таяу Шығыс және Орталық Азия...

Қазақстандық ғалымдар әзірлеген дәрі обыр ауруын емдеуде оң нәтиже көрсете бастаған. Ісікке қарсы препарат нәтижелі болғаны туралы Ғылым және жоғары білім министрі Саясат Нұрбек хабарлаған болатын. Бұл препарат туралы ақпаратты нақтылау үшін KURSIVMEDIA редакциясы министрлікке сауал жолдаған болатын.

Сынақтан сәтті өткен

Министрлік мәліметінше, дәрі авторы – медицина ғылымдарының докторы, профессор Дос Сарбасов. Профессор мышьяк триоксидімен (АТО) біріктірілген аскорбин қышқылының (DVC) зерттелетін d-изоформасы препаратын қолдана отырып, онкологиялық ауруларды емдеудің жаңа әдісін ойлап тапқан. Бұл әдіске 2022 жылы клиникаға дейінгі зерттеу жүргізіп, төзімді және қауіпсіз дозасы анықталған. Содан кейін, клиникалық сынақтан өткізе бастаған.

«DVC-тің төмен...

Уолл-стрит сарапшылары желтоқсан айында АҚШ қор нарығындағы раллидің жалғасуын күтіп отыр. 2025 жылға арналған оптимистік болжамдар да айтылып жатыр. Алайда АҚШ нарығында «көпіршік» қалыптасуы да мүмкін. Үндістан мен Қытай экономикасындағы мәселелер күшейіп келеді. Осы және өзге де тақырыптар туралы әлемдік БАҚ шолуынан оқыңыз.

Желтоқсан қор нарығына қолайлы ай болмақ

АҚШ қор биржаларындағы акциялар Дональд Трамптың президент сайлауындағы жеңісінен кейін тарихи максимумдарға жетті. Себебі Уолл-стрит жаңа Ақ үй әкімшілігінің экономикалық саясаттарына оң көзқараспен қарайды.

Инвесторлар АҚШ-тың сыртқы сауда тарифтерін арттыру және миграциялық саясатты қатаңдату сияқты тәуекелдерге қарамастан, оптимистік көңіл күйін сақтап отыр. 2024 жылдың басынан бері S&P 500 индексі 50-ден...

Алматы облысының тауларында қар көшкіні қауіпі бар.  Осыған орай Төтенше жағдайлар департаменті таулы аймақтарда қауіпсіздік шараларын сақтауды сұрайды.

«Алматы облысының тауларында 2024 жылғы 2-5 желтоқсан аралығында көшкін қаупі сақталады. ТЖД азаматтардан, туристерден және демалушылардан қар көшкінін тудыруы мүмкін болғандықтан, қарлы беткейлерге шықпауды, сондай-ақ таулы жерлерде барлық қауіпсіздік пен мінез-құлық шарасын сақтауды сұрайды»,  – делінген хабарламада.

Қар көшкіні қауіпі 55 учаскеде болуы мүмкін. Оның ішінде Іле-Алатау тауларының оңтүстік беткейінде Еңбекшіқазақ, Талғар және Қарасай аудандары аталған.  

Биыл наурыз айында Алматыдағы «Pioneer» тау шаңғы курортының маңында қар көшкіні жүрген еді. Жыл басында да Еңбекшіқазақ  ауданында қар көшкіні жүріп «Түрген...

Қытай Халық Республикасымен шетелдік рұқсат бланкісін алмасу бұдан былай электронды форматта жүзеге асады. Бұл туралы Көлік министрлігі хабарлады.

Министрліктің мәліметінше, электронды бланкілерді енгізу жүк тасымалдау процесін барынша жеңілдетіп, адами фактор мен сыбайлас жемқорлық тәуекелдерін жояды. Биылғы жылдың 26 қарашасынан 27 қарашасына қараған түні сынақ режимінде алғашқы жүк көлік құралдары өткізілді. Сәтті тестілеуден кейін электронды жүйе ресми түрде енгізілді.

Осы жылдың басынан бері Қытай тарапымен 190 000 бірлік көлемінде жүктерді тасымалдауға арналған рұқсат бланкілерімен алмасу жүргізілді. Екі елдің жауапты ведомстволары қосымша 40 мың бірлік көлеміндегі шетелдік рұқсат бланкілерін алмасу бойынша келіссөздер жүргізді. Оның 30 мыңы электронды форматтағы жаңа жүйені қолдану...

«Қазақстан темір жолы» желтоқсан мерекелеріне орай қосымша пойыздар шығарады. Бұл туралы «Жолаушылар тасымалы» АҚ баспасөз қызметі хабарлады.

«Ұлттық тасымалдаушы жолаушылар сұранысын қанағаттандыру мақсатында Тәуелсіздік күні мен Жаңа жыл мерекесіне орай қосымша пойыздарды іске қосады»,- делінген баспасөз хабарламасында.

Қосымша пойыздар мына бағыттар бойынша жүреді:

№201/202 «Астана-Алматы» пойызы:

№203/204 «Астана-Шымкент» бағытындағы пойызы:

АҚШ президенті Джо Байден өз ұлы Хантер Байденге рақымшылыққа жасады. Бұл туралы BBC арнасы хабарлады. Хантер Байден екі қылмыстық іс бойынша айыпты деп танылып, жақын күндері сот үкімі шығуы керек еді.

«Мен қызметімнің алғашқы күнінен бастап әділет министрлігінің шешімдеріне араласпайтынымды айтқан едім және сол уәдемді орындадым. Алайда ұлымның әділетсіз қудалауға ұшырағанын көріп отырмын», — деді Джо Байден.

Маусым айында алқабилер 54 жастағы Хантер Байденді 2018 жылы қару сатып алу кезінде өзінің есірткіге тәуелді екенін жасырып, жалған мәлімет бергені үшін кінәлі деп таныды. Бұл АҚШ тарихындағы президенттің баласы қылмыс жасағаны үшін сотталған алғашқы жағдай...

Қазақстан батыс елдері Ресейге салған кейбір санкцияларды сақтамайды, бірақ санкцияны айналып өтпейді. Бұл туралы премьер-министрдің орынбасары Серік Жұманғарин ресейлік журналист Павел Зарубиннің «Мәскеу. Кремль. Путин.» фильміне берген сұхбатында айтты.

Жұманғарин Қазақстанның батыс санкцияларын қолдамайтынын, дегенмен оларды айналып өтетін елге айналмайтынын атап өтті.

Бұған қоса, санкцияға байланысты жасалған қысым Қазақстан экономикасына әсер етуі мүмкін екенін, сондықтан Үкімет өз өндірісіне зиян келтіріп жұмыс істегісі келмейтінін айтты.

«Елімізде өндірілетін белгілі бір тауарлар бар және олар санкциялық тізімге енген. Дегенмен бұл тауарлар бойынша ешқандай шектеулер жасамаймыз деп шештік. Себебі оның артында үлкен еңбек пен ұжымдар, тіпті сол өндіріс орны...

Қазақстан экономикасына айтарлықтай үлес қосып жатқан «Теңізшевройл» (ТШО) компаниясы 2024 жылдың 9 айының қорытындысы бойынша мемлекет қазынасына 8,4 млрд доллар көлемінде тікелей төлем аударды. Жалпы 1993 жылдан бері компания ел экономикасына 198 миллиард доллардан астам қаражат салған. Бұл туралы компания баспасөз қызметі хабарлады.

S&P Global компаниясының зерттеуі бойынша, ТШО соңғы 12 жылда Қазақстанның номиналды жалпы ішкі өнімінің 11%-ын қамтамасыз етіп отыр. Сонымен қатар компанияның мультипликативті әсері елдің басқа салаларына да оң ықпал етіп отыр.

«ҚазМұнайГаз» ұлттық компаниясы Теңіз кен орнын кеңейту жобаларының уақытылы жүзеге асуына баса назар аударып, отандық өндірушілер мен мамандардың үлесін арттыруды басты міндеттердің бірі ретінде қарастырып...

1 желтоқсан күні кешкі сағат 19:00-ден бастап үш облыста жүк, қоғамдық және жолаушылар көлігі үшін жолдар жабылған. «ҚазАвтожол» 2 желтоқсан сағат 06:00-ға жақын жолдардың барлығы қайта ашылғаны туралы хабарлады.

«ҚазАвтожол» ақпаратына сүйенсек, елдің орталық өңірлерінде жабылған жолдар қайта ашылып жатыр. Қарағанды облысында жүргізушілер Қызылорда-Павлодар тас жолының Ұлытау облысының шекарасынан Топар кентіне дейінгі 788 шақырымынан 906 шақырымына дейін қайта жүре алады. Осы тас жолдың кеше кеште жабылған Қарағандыдан Павлодар облысына дейінгі жолы да қайта ашылды. Қарағанды-Аягөз-Бұғаз тас жолының Қарағандыдан Қарқаралыға дейінгі бөлігі де ашық.

Ұлытау облысында Қызылорда-Павлодар тас жолының Жаңаарқа кентінен Қарағанды облысының шекарасына дейінгі бөлігі ашылды.

Павлодар облысында Шідерт...

Қытайлық Pinduoduo компаниясы Қазақстанның салық органдарында әлі тіркелмеген деп жазды ҚазТАГ.

Қаржы министрлігінің Мемлекеттік кірістер комитеті Pinduoduo-ның салық міндеттемелерін орындау қажеттігі туралы келіссөздер жүргізіліп жатқанын хабарлаған.

Ал қытайлық Temu компаниясы 2024 жылдың 16 мамырында Қазақстан Республикасының салық органдарында ресми түрде тіркелген. Компания 3,1 млрд теңге көлемінде салық төлеп үлгерген.

Биылғы тоғыз айда халықаралық компаниялар бюджетке 23 млрд теңге аударған. Temu компаниясы ел бюджетіне 760 млн теңгеден астам кіріс аударды. Apple-дің салық түсімі – 9,4 млрд теңге, Google-дікі – 9,3 млрд теңге болды.

Грузиядағы билік партиясы Еуроодаққа кіруден бас тартуына байланысты елде бірнеше күннен бері халық наразылығы толастаған жоқ. Тбилиси тағы бір серіктесінен айырылмақ.

Енді азуын айға білеген АҚШ та Грузиядан теріс айналды. АҚШ-тың мемлекеттік департаментінің өкілі Мэттью Миллер Тбилиси өзінің ұстанымдарынан айныды деп кінә тақты.

 «Грузияның ЕО-ға кіру үдерісін тоқтата отырып, «Грузин арманы» Еуропамен тығыз қарым-қатынас орнату мүмкіндігін жоққа шығарды және Грузияны Кремль алдында осал ете түсті», – деп мәлімдеді Миллер.

Саясаткерлер Грузияның Вашинтгтонның көз қырына іліккеніне біраз уақыт болғанын хабарлады. Америка Құрама Штаттарының мемлекеттік хатшысы Энтони Блинкен мамыр айында Вашингтон мен Тбилиси арасындағы екіжақты ынтымақтастықты қайта...

Өткен жылы ипотекалық несие беру теріс мәнде болды. Ал 2024 жылдың үш тоқсанының қорытындысы бойынша оның екі таңбалы өсім көрсеткені байқалады. Бұл жағдайды тұрғын үйге сұраныстың жаңа кезеңі ретінде қабылдауға бола ма?

Kursiv Research ипотекалық несие беруге талдау жасау мақсатында әр тоқсан сайын шолу жүргізуді бастады. Оның аясында нарықтың өсу және қысым нүктелерін анықтау көзделген. 2024 жылдың үш тоқсанының қорытындысы бойынша нарықтың айтарлықтай жанданғаны байқалып отыр: жаңа ипотекалық займдардың жалпы көлемі өткен жылдың алғашқы тоғыз айымен салыстырғанда 17%-ға өскен. Ал 2023 жылдың тоғыз айындағы көрсеткіштермен салыстырғанда жаңа займдар көлемі 15,7%-ға төмендеген еді. Бұл жаңа кезеңнің қалыптасып келе жатқанын білдіруі мүмкін...

Қазақстанда тұратын талантты маман Ерқанат Сәдуханов шетелдік танымал әнші Никки Минаждың дыбыс продюсері атанды. Ерқанат бұл жаңалықты instagram парақшасында бөлісті. Жігіттің өнердегі лақап аты – eraholic.

Сәдуханов Абай облысы Жарма ауданы білім бөліміне қарасты Абай атындағы көпсалалы мектеп-гимназияда қызмет атқарады.

Жас мұғалім Ники Минаждың «Pink Friday 2» альбомының люкс нұсқасының жарыққа шығуына үлес қосады.

Бұған дейін Ерқанат Blackpink тобындағы Dua Lipa, Rosalia және Lisa  сынды өнер жұлдыздарымен жұмыс істеп үлгерген...

Newsweek АҚШ арсеналындағы ең қуатты ядролық бомбалардың бірі В-83 соққысының салдары туралы талдау материалын жарияланды.

Мәскеуде 24 сағат ішінде ядролық соққыдан 1,3 миллионнан астам адам қаза тауып, 3,7 миллионы жарақат алады деген болжам бар.

Солтүстік Кореяның астанасы – Пхеньянда 1,3 миллионнан астам халық ядролық шабуыл құрбаны болады. Оған қоса 1,1 миллионнан астам адам зардап шегеді. Бейжіңде 1,5 миллион тұрғын қаза тауып, 3,3 миллион кісі жарақат алуы мүмкін.

Картада ядролық жарылыс қуатының әлсіреген тұсындағы тұрғындардың орташа тығыздығы ескеріген. В-83 отты шары 4,1 шаршы шақырым аумақты шарпиды. Орташа қирау аймағына ауданы 175,3 шаршы километр аумақтар кіреді. Бұдан ғимараттар қирап, өрт шығуы...

Швейцария прокурорлары ауқатты клиенттерге қызмет көрсетуге маманданған Lombard Odier банкін ақшаны жылыстатты деп айыптады.

Банк ұзақ жылдар бойы Өзбекстанның бірінші президенті Ислам Каримовтың қызы Гүлнара Каримованың қылмыстық әрекеттерін жасыруға көмектесуге ерекше атсалысқан.

Прокурорлар 2023 жылдың қыркүйегінде күдікті ретінде іс қозғалған Каримованы «Кеңсе» деп аталатын швейцариялық ұйым арқылы ірі көлемде ақша жымқырған деп санайды. Каримованың өзі тағылған айыптарды жоққа шығарған.

Lombard Odier компаниясының бұрынғы қызметкері де күдікті деп танылды. Прокуратура бұл істі 2016 жылдан бері тергеп келе жатыр. Іс материалдарында менеджер Каримованың 2005-2012 жылдар аралығында ақшаны жылыстату схемасында «шешуші рөл атқарды» делінген.

Көмірмен жұмыс істейтін екі электр станциясын сумен қамтамасыз ететін су құбыры жарылған. Косово премьер-министрі бұл шабуылды Сербия тарапы ұйымдастырды деп мәлімдеді.

Премьер-министр Альбин Курти мұны теракт деп атады. Полиция екі күдіктіні ұстағанын айтты.

Курти Сербиямен байланысы бар қылмыстық топ осы операцияны ұйымдастырды деп айтты.

«Бұл қылмыстық және лаңкестік шабуыл арқылы маңызды инфрақұрылымымызға зиян келтіруді көздеді», – деді  ол.

Премьер-министр елдің бір бөлігі жарықсыз қалу қаупі бар екенін қаперге салды. Электр қуатын өндіретін, көмірмен жұмыс істейтін екі станцияны республиканы түгелге жуық энергиямен қамтамасыз етіп отыр.

Ibar-Lepenci сумен жабдықтау компаниясының мәліметі бойынша су құбырына лақтырылған жарылғыш...