Жаңалықтар

Қытайда электрмобильдер нарығында жаңа «баға соғысы» басталып жатыр. Автокөлік өндірушілері нарықтағы тұтынушылық сұранысты ынталандыру үшін қосымша шаралар қабылдауға көшті. Мақсат – жылдық сатылым жоспарларын орындау. Нарықтағы кішігірім ойыншылар аман қалуға амалын жасаса, ал Tesla мен BYD бәсекені қыздыра түсті.

BYD кейбір модельдерге 1000-3000 юань (шамамен 140-410 доллар) көлемінде қосымша жеңілдіктер енгізді. Бұл туралы автоконсультант Сунь Шаоцзюнь Weibo әлеуметтік желісіне жазды. Оның айтуынша, BYD компаниясы биыл да «қызыл конверт» жүйесін ұстанып отыр. Бұл – дилерлерді жақсы сатылымдар үшін сыйақымен марапаттау. Осылайша, BYD-тің бұл әрекетінен кейін нарықта жаңа кезең басталуы мүмкін.

Tesla желтоқсанның соңына дейін клиенттеріне 5 жылдық пайызсыз несие беруд...

2024 жылдың 2 желтоқсанында Алматы қаласының валюта айырбастау пункттерінде доллар 530 теңгеден сатыла бастады. Бұл – жаңа рекорд. Ұлттық банк болса, доллар бағамын 511,22 теңге деп бекітіп отыр. Теңгенің әлсіреуіне қандай факторлар әсер етіп отыр? Бағам қай межеге барып тұрақтануы мүмкін? Бұл жөнінде сарапшылар болжам жасап көрді.

Экономист Бауыржан Ысқақовтың пікірінше, бағамның өсуінің себептері өте көп. Басты себептері – сыртқы факторлар.

«Бюджетімізді қалыптастырып отырған – мұнайдан түсетін табыс азайды. Біздің экономика әлі де мұнай экспортына тәуелді. Кірістің азаюы теңгенің әлсіреуіне себеп болып жатыр. Жалпы доллар нығайды. Бұл – АҚШ-тың  Федералды резервтік жүйесінің ақша-несие саясаты нәтижесі. Қата...

«ҚазТрансОйл» АҚ акционерлері компания директорлар кеңесінің құрамы мен олардың бесеуіне төленетін жылдық сыйақы мөлшерлемесін бекітті. Қазақстан қор биржасындағы хабарламаға сәйкес, директорлар кеңесі 7 адамнан тұрады. Олардың ішінде бесеуіне жылына 24 млн теңгеден сыйақы төлеу жайында шешім қабылданған.

Бұл – салық пен басқа да міндетті төлемдер ұсталған соң төленетін сома. Директорлар кеңесінің төрағасы болып Болат Зәкіров сайланды. Компания директорлар кеңесі құрамында 3 жылдық мерзімге:

Бюджетке жоспарлы кіріс кірмеді, ЖІӨ-ге қатысты болжам орындалмай, Қазақстан бюджет тапшылығын жабу үшін халықаралық банктерден қарыз алып жатыр. Осыған орай Ұлттық экономика министрі Нұрлан Байбазаров отставкаға кетуі мүмкін бе? Бұл сауалға Үкімет үйінде өткен брифингте министрдің өзі жауап берді.

«Бюджет жетпей жатыр, мемлекеттік борыш артты, теңге құнсызданды. Осы оқиғалардан кейін, елдің экономикасына жауапты адам ретінде отставкаға кетуді ойламайсыз ба?»,  – деп сұрады журналист.

Байбазаров мұндай жоспары жоқ екенін, отставкадан бұрын ел экономикасын көтеру мәселелерін ойластыру маңызды екенін айтты.

«Жоқ мен олай ойламаймын. Өйткені бюджетті теңгерімді жасадық. Ел...

Bank of America (BofA) 2025 жылға инвестиция салудың ерекше жолдарын іздеген инвесторларға үш актив түрін ұсынды. Бұлар – АҚШ-тан басқа дамыған нарықтардағы акциялар, ұзақ мерзімді қарыз қағаздары мен бағалы металдар. Уолл-стриттегі ең ірі банктердің бірі келесі жылдың екінші тоқсанынан бастап осы айтылғандарға назар аударуды ұсынды.

Қаржылық нарықтың кең танылған трендтеріне қарсы әрекет ететін контрциклді инвесторларға «BIG» стратегиясын қолдану ұсынылады. Яғни облигациялар (bonds), халықаралық акциялар (international stocks) және алтын (gold) сатып алу. Бұл туралы BofA-ның сараптамалық жазбасында айтылған. Оны Seeking Alpha сайты жариялады.

BofA стратегы Майкл Хартнетттің айтуынша, 2024 жылдың бірінші тоқсанында АҚШ экономикасының өсуі мен әлемдік экономиканың әлсіреуі жағдайында долларды...

Миллиардер Кеңес Рақышев Боранкөл газ өңдеу зауытын (ГӨЗ) 2025 жылы толық іске қосуды жоспарлап отыр. Бұл зауыт кезінде молдовалық кәсіпкер Анатол Статиға тиесілі болған.

Кеңес Рақышев газ өңдеу зауытына қатысты жоспарын журналист Руслан Шаекенге берген сұхбатында мәлімдеді.

«Алдағы жылы Құдай қаласа, Боранкөл газ өңдеу зауытын іске қосамыз,» – деді ол.

Сонымен қатар ол Fincraft Group-тың газ компаниясына айналуды мақсат тұтып отырғанын айтты.

Боранкөл газ өңдеу зауытының тарихы

Боранкөл газ өңдеу зауытының (ГӨЗ) құрылысын 2005 жылы «Толқынмұнайгаз» ЖШС қолға алған. Бұл компанияның түпкі иесі – молдован кәсіпкері Анатол Стати болған. Зауытты...

Қазақстанда дефолт болмайды. Үкімет үйінде өткен брифингте Ұлттық экономика министрі Нұрлан Байбазаров валюта нарығындағы тұрақсыздыққа қарамастан, елдің қаржылық жағдайы тұрақты екенін айтты.

«Қазақстанда Үкімет тарапанынан да, квазимемлекеттік сектор мен банк секторларында да ешқандай дефолт күтілмейді. Өйткені жалпы, елдің қаржылық жағдайы тұрақты. Мемлекеттің резерві бар, сондықтан дефолт болады деп айта алмаймыз», – деді министр.

ҰЭМ басшысы сонымен бірге елдің азық-түлікке жатпайтын тауарларға импорттық тәуелді екеніне баса назар аударды. Бұл тауарлардың бағасы валюта бағамының құбылуына байланысты өзгеретінін айтты.

Сонымен бірге Байбазаров доллардың қымбаттауы тұсында жаппай доллар сатып алып, дүрлікпеуге шақырды.

Қазақстанда қыс мезгілінде демалуға болатын орындар көп. Табиғат аясында белсенді демалысты ұнататындар да, тыныштықты қалайтындар да өздеріне лайықты демалыс таба алады. Kursiv LifeStyle қысқы демалыс үшін ең танымал және тиімді бағыттар тізімін ұсынады.

«Шымбұлақ» тау-шаңғы курорты (Алматы)

«Шымбұлақ» – Орталық Азиядағы ең танымал тау-шаңғы курорттарының бірі. Бұл жерде шаңғы тебу, сноубордпен сырғанау және аспалы жол арқылы тау шыңдарын тамашалау мүмкіндігі бар.

Шаңғыны жалға алу құны 5 000-10 000 теңге, ал аспалы жол билеті шамамен 3 000-10 000 теңге. «Медеу» мұз айдынына жақын орналасқан, сондықтан мұз айдынында сырғанап, демалысты түрлендіруге болады. Таулы аймақта демалысыңызды ұзағырақ создыртқыңыз...

Энергетика министрлігі МАГАТЭ ұсыныстарын ескере отырып, Қазақстанда ядролық қондырғылар мен ядро қалдықтарды сақтау пункттерін орналастыруға арналған орындарды таңдау қағидаларын өзгертті. Құжатқа сәйкес таңдалған аймақтарда жер сілкінісінің жиілігі 10 мың жылда бір реттен және 25 км қашықтықтағы мекендеген халықтың тығыздығы бір шаршы километрге 100 адамнан аспауы керек.

«Ашық НҚА» жүйесінде жария болған жобаға сәйкес, жаңа қағидалар атом энергетикасы объектілеріне қойылатын талаптарды күшейтеді және нақтылайды. Қолданыстағы ережелер соңғы сегіз жыл ішінде — 2016 жылдан бері өзгермеген.

«Ереже мәтініндегі өзгерістер Атом энергиясы жөніндегі халықаралық агенттіктің (МАГАТЭ) қауіпсіздік жөніндегі нормалары мен ұсынымдарына негізделген және дамыған елдердің ядролық және радиациялы...

«Дружба» құбырындағы апат Қазақстанның Германияға мұнай тасымалы жоспарын бұзған жоқ. Төгілген қазақ мұнайы емес. Өйткені апат болған уақытқа дейін бір айлық жоспар бойынша қазақстандық мұнай жеткізіліп үлгерген. Ал келесі тасымал кезеңі желтоқсанның 20-сына белгіленіп отыр.

Энергетика министрлігінің жауабынан осыны аңғаруға болады.

«2024 жылдың қараша айының қорытындысы бойынша осы бағытта қазақстандық мұнайды жеткізу кестеге сәйкес толық орындалды. Желтоқсан айына жоспарланған мұнай жеткізу 2024 жылғы 20-30 желтоқсан аралығында жүзеге асады деп күтілуде», – деп хабарлады министрліктің баспасөз қызметі.

Айта кететін жайт, 2024 жылғы 1 желтоқсанда Пневы қаласы маңында «Дружба» жүйесінің батыс бөлігінде, Шведт мұнай өңдеу зауытына жеткізілетін...

Премьер-министрдің орынбасары, Ұлттық экономика министрі Нұрлан Байбазаров валюта нарығындағы тұрақсыздыққа қатысты елдегі тұрақтылықты сақтау үшін қандай шаралар атқарылатынын айтты. Бұл туралы министр Үкімет үйінде өткен валюта нарығындағы жағдайға қатысты брифингте мәлімдеді.

«Соңғы бірнеше аптада валюта нарығында белгілі бір құбылулар байқалуда. Бұл валюта бағамының әліреуінен көрініс тапты. Өткен аптада АҚШ долларының бағамы 500 теңгеден асты. Осыған байланысты бизнеспен айналысатына азаматтарымыздың алаңдаушылығын түсіне отырып, Үкімет пен Ұлттық банк валюта нарығындағы тұрақтылықты қамтамасыз ету бойынша келісілген шаралар қабылдауда», – деді министр.

Сонымен бірге Байбазаров Ұлттық валютаның айырбас бағамы іргелі сыртқы факторлардың әсеріне байланысты құбылатынын айтып, оған әсер...

«Қазатомөнеркәсіп» ұлттық атом компаниясы Астана халықаралық биржасында 3 жылдық облигация орналастырды. Бұл биржа сайтында жарияланған хабарламада жазылған.

Ұлттық атом компаниясы халықаралық биржадан 200 млн доллар тартпақ. Номиналды құны 100 мың долларды құрайтын 2000 бағалы қағаз орналастырған.

Облигацияларының купондық мөлшерлемесі – жылдық SOFR +1%. Бағалы қағаздар 2027 жылдың желтоқсанына дейін айналымда болады.

Жақында ұлттық атом компаниясы 2024 жылдың 9 айындағы қаржы нәтижесін шығарды. Биыл әлемдік нарықта уранның 40%-ға қымбаттауы ұлттық компания табысының артуына әсер еткен. 9 айда «Қазатомөнеркәсіп» 745 млрд теңгеге жуық таза пайда алған. Бұл 2023 жылдың қаңтар-қыркүйек айларымен салыстырғанда 2,5 есе артық.

Қаңтар-қыркүйек айларында компания...

Тұсаукесер тойының шығыны көптеген факторға: қонақтардың саны, дастарқан мәзірі, рәсімнің салтанатты деңгейі, орын таңдау және қосымша қызметтерге байланысты өзгеріп отырады. Kursiv Media шығындарға әсер ететін негізгі тармақтарды қарастырып, орташа есеппен қанша кететінін есептеп көрді.

Дастарқан мәзірі

Үйде өткізетін болып, 10-15 қонаққа үйде дастарқан жайсаңыз, азық-түлікке шамамен 50 000-100 000 теңге кетеді.

Мейрамханада өткізетін болсаңыз адам басына орташа есеппен 6 000-15 000 теңге шығады. Мысалы, 30 адамға дастарқан жайсаңыз, шамамен 180 000-450 000 теңге қажет.

Тұсаукесер рәсімі

Тұсаукесер тойы – қазақ халқының дәстүрлі және маңызды отбасылық мерекелерінің бірі. Бұл – бала алғашқы қадамдарын басып, жүруге талпыныс жасаған...

Қазақстандық сақтандырушылар такси жүргізушілеріне скоринг жасауды ұсынды. Бұл таксопарктердегі сақтандыру мәселелерін шешуге көмектеседі. Бұл туралы «Такси Қазақстан 2024» форумында Freedom Finance Insurance сақтандыру компаниясының төрағасы Азамат Керімбаев айтты.

Компанияның ақпаратына сүйенсек, елімізде 250 мың автомобиль такси ретінде пайдаланылады. Бұл көліктер жиі жүретіндіктен, олар апатқа да жиі ұшырайды. 

«Барлық сақтандыру шартында такси – сақтандыру жағдайынан тыс болып келеді. Егер апатқа ұшыраса, онда сақтандыру компаниясы төлем жасамайды. Сондықтан такси парктерін сақтандырудың негізгі арнасы лизингтік компаниялар мен банктер болады. Алайда олар комиссиялық кіріс алғысы келеді. Сақтандыру тарифтеріне банктің немесе лизингтік компаниялардың сыйақысы кіреді. Нарық сақтандыру компаниялары бәсекеге қабілетті болу үшін сақтандыру тарифтерін төмендетуге мәжбүр болған кезде өз шарттарын белгілейді. Нәтижесінде такси парктері немесе такси иелері автокөлікт...

Астанадағы Президент клиникасының дәрігерлері үшін «Самарий, 153Sm Оксабифор» атты ресейлік дәріні қолдану жөнінде мастер-класс өтті. Бұл препарат ауырсынуды басып, рак клеткаларын сәулелендіру арқылы сүйектегі метастаздарды азайтады.

«Атом Медиа» хабарлауынша, осы дәріні қолданған соң, пациенттердің 78 пайызында үш ай және одан да көп уақыт ішінде ауырсыну басылған. Дәрі-дәрмек ауруды жылдам басып, анальгетиктердің дозасын азайтуға және одан мүлде бас тартуға мүмкіндік береді.

Сүйек метастаздаларының пайда болуы дерттің асқынғанын көрсетеді. Мәселен, диагноз қойылған кезде қуықалды безінде ісік табылған науқастардың 4-7 пайызында сүйік метастазасы бар болып шығады. Бұл қатты ауырсыну, сүйектің сынуы және буындар қозғалысының бұзылуы дегенді білдіреді.

Қабылған соң, «Самарий, 153Sm Оксабифор...

Қазақстандағы инфляция Үкіметтің пайыздық межесінен әлі де алыс болып тұр. Қазан айында қарқын алған инфляция 8,5%-ды, ал қарашада жылдық инфляция 8,4%-ды құраған. Айлық инфляция 0,9%-ға өсті.

Өткен айда ақылы қызметтердің бағасы – 13,3%, азық-түлік емес тауарлардың бағасы – 8%, азық-түлік тауарларының бағасы 5,4% қымбаттаған. Ал айлық инфляция деңгейі 0,9%-ға тең.

Қараша айында қияр мен қызанақ 40 пайыздай қымбаттаған. Ал тәтті бұрыш бағасы– 15,5%, басты пияз – 13,9%, сарымсақ – 10,1%, қырыққабат – 8,9%, картоп – 6,2%, апельсин – 4,8%, лимон – 4,1%, күнбағыс майы 4% өскен.

Коммуналдық қызметтердің ішінде суық судың бағасы 11,4 пайызға артқан. Ал электор...

Ресей мен Қазақстан бірігіп, Байқоңырда 2025 жылы «Бәйтерек» жаңа ғарыш жобасын жүзеге асырады. Жобаға Қазақстан тарапы 233 млн доллар жұмсамақшы. Бұл туралы Ресейдің Қазақстандағы елшілігінің телеграм арнасында жазылған.

«Бәйтерек» ғарыш бағдарламасы негізінде экологиялық таза «Союз-5» зымыран тасығыштары әзірленеді. Аталмыш зымырандар улы гептил негізінде ұшатын «Протон» зымыран тасығыштарының баламасы ретінде пайдаланылады.

Жобаға Ресей тарапы 916 млн доллар, ал Қазақстан тарапы 233 млн доллар жұмсайды. Ресей өз қаражатына «Союз-5» зымыранын әзірлейді. Ал Қазақстан ұшыру алаңын жаңғыртады. Нәтижесінде кешеннен жылына экологиялық таза 6-8 зымыран ұшырылып отырады деп күтілуде.

Елшіліктің хабарлауынша, «Бәйтерек» бағдарламасы екі ел үшін де тиімді. Өйткені Ресей...

Автосарапшылар 2024 жылғы ең үздік отбасылық кроссовер мен жол талғамайтын көліктерді атады. 

Отбасылық авто: седан, кроссовер және жол талғамайтын көлік

Заманауи отбасылық көлік барлық жағынан ыңғайлы болуы шарт. Балаларды мектепке апару, жұмысқа жайлылықпен бару, қажеттінің барлығын салып алып, кез-келген сәтте демалысқа аттану. Қысқасы отбасылық көлік қажет кезде тау-таста жүретін, сонымен бірге қаланың ішінде де жүруге ыңғайлы, балабақшаға немесе мектепке асыққанда спорт көлігіне де айналып кететін әмбабап болуы тиіс. Авто осы мүмкіндіктерді ұштастырғанда ғана нағыз отбасылық саналады. 

Бүгінде дилерлер клиент тарту үшін қуатты, бірақ отын үнемдейтін технологиялар орнатып, электр қозғалтқыштарын және барлық соңғы технологияны ұсынуға тырысады. Сонымен қатар отбасылы...

Қазақстанның депозиттерге кепілдік беру қоры желтоқсан айында депозиттердің кейбір түрлері бойынша шекті мөлшерлемені өзгертті. Мерзімсіз депозиттер бойынша мөлшерлемелер 1%-ға өсіп, 13,8%-дан 14,8%-ға жетсе, жинақ депозиттердің мөлшерлемесі төмендеген.

Ал толықтыруға болатын жинақ салымдарының пайыздық мөлшерлемесі өзгеріссіз қалған:

Толықтыру құқығынсыз мерзімді салымдардың (жинақ салымдарды қоса алғанда) пайыздық мөлшерлемесі:

Алматы облысы Кеген ауылының орталығында мемлекет және қоғам қайраткері Заманбек Нұрқаділовке ескерткіш-бюст қойылды. Ескерткіш қою туралы бастаманы 2024 жылдың қаңтар айында президент Қасым-Жомарт Тоқаев көтерген. Бұл туралы Алматы облысының әкімдігі хабарлады.

Әкімдіктің ақпаратына сүйенсек, Кеген ауылындағы Өнер мектебіне Нұрқаділовтің есімі берілген. Ескерткіш осы Өнер мектебінің алдына қойылған. 

«Ескерткіш – халқымыздың қайраткерге деген шынайы құрметінің белгісі. Ұлт жанашыры ретінде Заманбек Нұрқаділов ел егемендігінің нығаюына елеулі үлес қосты. Осындай тұлғалардың еңбегін ұрпаққа мұра ету – біздің ортақ парызымыз. Биіктігі 4,5 метр болатын бұл туындының авторлары Айдос Бүркітбаев пен Тимур Нұрмұхаметовке алғысымызды білдіреміз», — деді Алматы облысы әкімінің орынбасары...

Қазақстандағы өңдеуші салалар бойынша PMI индексі өткен аймен салыстырғанда, қарашада жақсарған. Сауалнама жүргізілген 2019 жылдан бері бірінші рет жаңа тапсырыстың күрт өскені байқалды. Өндіріс, жұмыспен қамту және сатылым ұлғая түсті. Өндіріске қажет ресурс құны елеулі қарқынмен өсіп, қарашада жаңа тапсырыстардың өсуі рекордты жаңартты. Бұл туралы Freedom Holding Corp. Қазақстандағы өңдеуші салалар бойынша PMI® өндірістік көрсеткіштер жайындағы есепте айтылған.

Қараша айы бойы жаңа тапсырыстар күрт өсіп, бұл өз кезегінде өндіріс көлемі мен сатып алу белсенділігінің артуына және жұмыс орнын ашуды тоқтатпауға сеп болды. Баға жайында айтар болсақ, теңге бағамының АҚШ долларына қатысты әлсіреуінен, қазан айынан бері инфляциялық қысым күшейді.

Freedom...

30 қарашада Астана мен Алматыда журналистер мен блогерлер арасындағы шахматтан «Қос шаһар кубогы» ашық турнирі өтті. Қазақстан шахмат федерациясының қолдауымен өткен шарада блогер Асылхан Құмар үздік атанып, кубок иегері атанды.

Алматыда 26 қатысушының ішінен жас блогер Асылхан Құмар үздік болды. Екінші орында блогер Алан Тасмұханов, үшінші орында тағы бір блогер Марат Мулкубаев болды. 

Астанада 40 қатысу арасында Нұрлан Салықбаев үздік шықса, екінші орынды Ахмет Ишмухамедов, үшінші орында Жанболат Турешов алды.

Екі қаланың үздік екі ойыншысы финалдық кездесуге шықты. Бірінші орынды алматылық Асылхан Құмар алып, Сингапурға сапарға арналған тревел-грантты жеңіп алды. Онда Дин Лижен мен Гукеш Доммараджу арасында шахматтан Әлем чемпионаты болады. Екінші орынды елордалық Нұрлан Салықбаев жеңіп, 300 мың теңге ұтыс алды. Үшінші орынға Ахмет Ишмухамедов тұрақтап, 200 мың теңге, төртінші орын...

Астана халықаралық қаржы орталығының соты Алматы облысы әкімдігінің денсаулық сақтау басқармасын International Academy of Medicine and Sciences (IAMS) компаниясына 153 млн теңге өтеуге міндеттеді.

Сот қағаздарына сүйенсек, 2020 жылдың 5 қарашасында Алматы облысы әкімдігінің денсаулық сақтау басқармасы IAMS компаниясына «Алматы көпсалалы клиникалық ауруханасын» сенімгерлік басқаруға береді.

2023 жылдың маусым айынан бастап әкімдік сенімгерлік-басқару қызметі үшін келісімшартта көрсетілген төлемді жасамай келген. Сот кезінде мемлекеттік ведомство өзінің бұл шешімін түсіндіруге мәжбүр болған. Басқарманың айтуынша, компания ауруханаға мемлекеттік органның өкілдерін кіргізуден бас тарту арқылы келісімшартты бұзған.

Тараптар келісімге келе алмағандықтан, сотқа жүгінуге мәжбүр болған. Ал IAMS компаниясының түпкі инвесторы шетелдік болғандықтан, істі Астана...

Қазақстанда трансплантацияланатын ағзаны ұзақ сақтайтын құрылғы әзірленіп жатыр. Бұл туралы Үкімет үйінің баспасөз қызметі хабарлады.

«Қазақстанда ағзаны адам денесінен бөлек сақтап, кейіннен трансплантациялауға арналған инновациялық құрылғы әзірленіп жатыр», – деп хабарлайды баспасөз қызметі.

Баспасөз қызметінің хабарлауынша, бұл құрылғыны University Medical Center-дегі қазақстандық кардиохирургтер командасы әзірлеген. Мұндай құрылғы трансплантация нәтижелерін айтарлықтай жақсартуға жол ашады. Жоба негізінде ғалымдар адам ағзасынан соғып тұрған жүректі, сондай-ақ «тыныс алып тұрған» өкпені және жұмыс істеп тұрған бауырды сақтауға бағытталған жаңа технологияларды әзірлеген. Болашақта бүйректі де осы технология көмегімен сақтау тәсілдері жетілдірілмекші. Бұл технология көмегімен адам ағзасынан алынған материалды өмірше...