Жаңалықтар

Ақтаулық «Каспий» футбол клубы басшылығы оқу-жаттығуға бөлінген 27 млн теңгеден астам қаржыны жымқырған. Бұл туралы ҚР Бас прокуратурасы хабарлады.

Прокуратура мәліметінше, тергеу барысында, клубтың бұрынғы басшысы өзінің 2 танысымен бірге күш қолдану арқылы клубтың қызметкерін айғақтарды өзгертуге мәжбүрлегені белгілі болды.

Сонымен қатар 15 млн теңгені қорқытып алуға әрекеттенген. Футбол клубының экс-басшысы және екі сыбайласы қамауға алынды.

Еске сала кетейік, Қазақстан футбол клубтарында жымқыру фактілері бірінші рет болып жатқан жоқ. Петропавлдағы «Қызыл-Жар СК» футбол клубының лауазымды тұлғаларына қатысты бюджет қаражатын жымқыру фактісі бойынша тергеу жүріп жатқаны туралы жазған едік.

Сондай-ақ оралдық «Ақжайық» футбол клубының экс-директоры қамауға алынған еді. Талдықорғанда...

Сәрсенбі, 4 желтоқсан күні, Оңтүстік Корея елінің негізгі оппозициялық Демократиялық партиясы елде әскери жағдай жариялағаны үшін президент Юн Сок Ёлдің дереу орнын босатып, отставкаға кетуін талап етті. Бұлай етпеген жағдайда президентке импичмент жарияланатынын мәлімдеді. Бұл туралы Корея басылымдары хабарлады.

Демократиялық партия өкілдері Президент өз еркімен отставкаға кетпесе, оған қарсы дереу импичмент процедурасын бастайтынын Ұлттық ассамблея заң шығарушыларының кезектен тыс отырысында ескерткен.

«Юнның әскери жағдай жариялауы Конституцияны айқын бұзу болып саналады», – деп мәлімдеген партия өкілдері, президенттің әскери жағдай жариялағанда талаптарды бұзғанын атап өткен.

Оппозиция бұл жағдайдың президентке импичмент жариялауға негіз бола...

КЕGOC Батыс Қазақстанның энергожүйесін елдің энергожүйесіне қосу үшін бірнеше қаржы институтынан қарыз алады. Қарыздың жалпы сомасы 141 млрд теңге.

Қазақстандағы жүйелік оператор КЕGOC Еуропалық қайта құру және даму банкі, Қазақстан даму банкі және Канада үкіметінен қарыз алатын болды. Оператордың сайтындағы ақпаратқа сүйенсек, қарыздың жалпы сомасы 141 млрд теңгені құрайды. Оның ішінде 15 млн еуроны (қазіргі курспен 7,6 млрд теңге) High Impact Partnership on Climate Action бағдарламасы аясында Канада үкіметінен, 32 теңгені Қазақстан даму банкінен алу көзделген. Ал қалған шамамен 101 млрд теңге Еуропалық банктен алынатын болады. Келісімге 4 желтоқсан күні қол қойылған. 

Бұл қаржы еліміздің батыс аймағын бірыңғай энергожүйеге қосуға бағытталған. 

Қытай Халық Республикасы (ҚХР) АҚШ-қа бағытталған жаңа санкциялар аясында әскери мақсатта қолданылуы мүмкін деп танылған кейбір материалдардың экспортын тоқтатты. Бұл туралы Қытайдың Сауда министрлігіне сілтеме жасап Reuters хабарлады.

Шетелдік басылымның мәліметінше, тыйымға галлий, германий, сурьма және аса қатты материалдар кірген. Бұл материалдар жартылай өткізгіш компоненттерді өндіруде маңызды рөл атқарады. Сонымен қатар Қытaй АҚШ-қа графит өнімдерін жеткізуге де қатаң бақылау енгізді.

Reuters деректеріне сәйкес, 2024 жылдың қаңтарынан қазан айына дейін Қытайдан АҚШ-қа галлий мен германий жеткізілмеген. Бұл көрсеткіш өткен жылы Қытайды осы минералдардың төртінші және бесінші ірі экспорттаушысы еткен болатын. Сондай-ақ, қазан айында сурьма өнімдерінің экспорты қыркүйекпен салыстырғанда 97%-ға қысқарған...

Қазақстан президенті Қасым-Жомарт Тоқаев Сауд Арабиясындағы One Water саммитінде Дүниежүзілік банк тобының президенті Аджай Бангамен кездесті.

Президенттің сөзінше, Қазақстанда Дүниежүзілік банк тобының қолдауымен бірлесе су ресурстары, көлік және білім беру салаларында жалпы құны 3,5 млрд доллар болатын бес ірі жоба іске асып жатыр.

Тоқаев банк тобының Қазақстандағы көлік жолдарының орнықтылығы мен байланысын жетілдіру бағдарламасы жобасына 650 млн доллар бөлгенін құптады. Бұған қоса, Жезқазған–Қарағанды автомагистралінің құрылысына инвестиция салынбақ.

Бұдан бөлек, президент Тоқаев Франция президенті Эмманюэль Макронмен кездесті. Айта кетейік, Қазақстан мен Францияның төрағалығымен өтіп жатқан саммитте су қорын сақтау мәселелері қозғалды.

Тоқаев өзінің Францияға сапарын еске алып, Макронға алғыс айтып, екі ел арасындағы қатынасты нығайтуға Парижде көптеген келісімге қол жеткізілгенін атап өтті.

Қазақстандағы құрылысшылар қауымдастығының президенті Виктор Микрюков ұлттық валютаның құнсыздануы тұрғын үйдің бастапқы нарығына қалай әсер ететінін түсіндірді. Оның айтуынша, қазіргі жағдай 2007-2008 жылдардағы қаржылық дағдарыс кезіндегі ипотека және құрылыс бизнесінде болған жағдайға ұқсайды.

Виктор Микрюковтың пікірінше, тұрғын үй бағасы доллар бағамының өсуі мен инфляцияға сәйкес артады.

«Қазір құрылыс компанияларының екі таңдауы бар: не жылдам сату, не бағаға шығындарды қосу. Осыған байланысты біз екінші апта қатарынан белсенді сұраныс пен келісімдердің көбеюін байқап отырмыз», – деді Виктор.

Сонымен қатар құрылысшылар қауымдастығының басшысы құрылыс нарығында қиын жағдай қалыптасқанын атап өтті.

«Бұл 2007-2008 және...

Желтоқсан айын күтуге себеп көп. Бұл айда қала ерекше ажарланып, жаңажылдық көңіл күй пайда болып қоймайды. Бұл айда бәріміз теледидар немесе ноутбук алдына телміреміз. Себебі біз асыға күтетін бағдарламалар мен сериалдар жарыққа шығады. Биылғы желтоқсан да көптен күткен сериалдардың премьерасына толы болмақ. 

«Жұлдызды шайқас» – Star Wars Skeleton Crew – 3  желтоқсан

Сюжет кішкентай бір планетада өмір сүретін төрт мектеп оқушысы Вим, Ферн, Нил мен Кей Бидің айналасында өрбиді. Бұл төрттік бір күні орманда жүріп көптен адам баспаған джеди храмын тауып алады, ішінен ғарыш кемесін көреді. Осы сәттен бастап он жасар саяхатшылардың қызыққа толы, шытырман оқиғаға бай күндері басталады...

Оңтүстік Кореяның Ұлттық ассамблеясы Президент Юн Сок Ёлдың импичмент жарияламауы үшін енгізген әскери жағдайды алып тастауды талап етуге дауыс берді. Республика Конституциясына сәйкес, егер парламент депутаттарының көбі талап етсе, соғыс режимі алынып тасталуы керек деп еске салады Yonhap агенттігі.

Парламент шешімінен кейін ел президенті де өз ойынан айнып, елдегі әскери жағдайдың күшін жойды. Әскери жағдай ұйымдастыруға жиналған қарулы күштер өз штабтарына кері қайтарылды.

Оңтүстік Корея Парламенті мәжіліс залынан трансляцияны YTN ұлттық телеарнасы жүргізді. Соғыс режимін алып тастауды 190 депутаттың барлығы қолдап дауыс берген.

Парламент спикері У Вон Сик: «Біз демократияны халықпен бірге қорғаймыз» деп уәде берді. Оның айтуынша, депутаттар...

Жыл басынан бері азаматтар банктік қарыздар мен микрокредиттерді алудан ерікті түрде бас тартып жатыр. Бүгінге дейін  «Стоп-кредит» сервисін Қазақстанда 855,6 мың азамат пайдаланды.

Қаржы нарығын реттеу және дамыту агенттігі бастамасымен 2024 жылдың ақпан айынан бастап заңнамаға түзету іске қосылды. Жаңа тетік арқылы азаматтар кредиттер мен шағын несие алудан өздерін қорғауға ұйғарды. Ол үшін ЭЦҚ-ны пайдаланып «Электронды үкімет» порталын немесе eGov mobile қосымшасы арқылы өтінім берсе, жеткілікті.

«Стоп-кредит» алаяқтар қосымшаны бұзған жағдайда да қаржылық қызметтерді тұтынушыларды қорғауға мүмкіндік береді. Егер сіз осы қызметті іске қоссаңыз және сіздің атыңызға алаяқтар банктік қарызды немесе микрокредитті заңсыз ресімдеген болса, онда...

Tesla акционерлері Илон Маскқа 56 млрд доллар жалақы тағайындаған. Бірақ америкалық сот тағы да мұндай өтемақыны Маскке беру заңсыз деп таныды.

DW баслымының жазуынша, электр көлігін өндіретін Tesla компаниясының басшысы Илон Маск 56 млрд долларлық өтемақы пакетіне қатысты дауда тағы да жеңіліске ұшырады. Судья Кэтлин МакКормик дүйсенбі, 2 желтоқсанда, Tesla акционерлері маусым айында пакетті қайтадан қолдап дауыс берсе де, Масктің ақшаны алуға құқығы жоқ деп шешті. Tesla бастапқыда 2018 жылы белгілі бір мақсаттарға қол жеткізу үшін кәсіпкерлік бонустарын енгізді.

Сот шешімін жариялағаннан кейін Маск X платформасындағы микроблогында компанияның дауыстарын судьялар емес, акционерлер бақылауы керек деп жазды. Tesla X парақшасында...

Оңтүстік Корея Президенті Юн Сок Ёл елде төтенше жағдай жариялады. Бұл туралы сейсенбі, 3 желтоқсанда Yonhap агенттігі хабарлады.

Юн Сок Ёл теледидар арқылы әскери жағдай енгізілгенін мәлімдеп,  либералдық конституциялық құрылысты «коммунистік күштерден» қорғау қажет деп нақтылады.

BBC ақпараты бойынша соғыс режимі «Солтүстік Кореяны қолдайтын күштерді жою» және «конституциялық тәртіпті сақтау» үшін енгізілуде.

«Соғыс жағдайы солтүстікке жанашыр күштерді жоюға және конституциялық құрылысты қорғауға ықпал етеді», – деді Президент.

Оның айтуынша, қауіп Солтүстік Кореядан да, «жойылуы» қажет жергілікті «мемлекетке қарсы элементтерден» келеді.

YTN телеарнасының сайты президенттің халыққа үндеуін жариялады. Юн Сок Ёл оппозицияны негізгі мемлекеттік...

Үкімет Қазақстан-Ресей шекарасындағы «Ауыл» шекара өткізу бекетін салу үшін «Семей орманы» резерватының бес гектардан астам аумағын беруді жоспарлап отыр. Жоба қаулысы «Ашық НҚА» порталында жарияланды.

«Абай облысының «Семей орманы» мемлекеттік орман табиғи резерватының жалпы алаңы 5,1 гектар жерлерін ерекше қорғалатын табиғи аумақтар жерлерінің санатынан ҚР ҰҚК Шекара қызметі департаментінің Алтай ауданы Шығыс Қазақстан облысы бойынша шекара басқармасының «Ауыл» шекара өткізу пунктін (автокөлік) салу, жайластыру және оның жұмыс істеуі үшін аумақтар жерлері санатынан босалқы жерлері санатына ауыстырылсын көзделеді»,  – делінген құжатта.

Сондай-ақ жерлерді беру барысында Абай облысының табиғи ресурстар басқармасы орман шаруашылығының шығындарын бюджетке өтуге және...

Мұнай өндіру және мұнай өнімдерін сату нарығындағы ірі ойыншы – Petrosun ақыры жабылатын болды. Бұрын бұл компания 2022 жылдың тамыз айына дейін Қазақстанның алғашқы президенті Нұрсұлтан Назарбаевтың күйеу баласы Тимур Құлыбаевқа қарасты құрылымдармен үлестес болып келді. Сосын «Қазмұнайгазға» берілген болатын.

«Petrosun ЖШС қызметі кезең-кезеңмен KC Energy Group ЖШС-ға өтеді», – делінген «ҚазМұнайГаздың» аралық қысқаша қаржы есебінде.

2023 жылдың желтоқсан айында Petrosun-ға иелік ететін «ҚазМұнайГаз» бен CNPC International Kazakhstan отын нарығында жұмыс істеу үшін KC Energy Group ЖШС атты тағы бір бірлескен компания құрған болатын. Оның 49% акциясы – ұлттық компанияға, 51%-ы халықаралық компанияға тиесілі.

Содан...

Атырауда көктемгі су тасқыны кезінде адамдарға көмек көрсетіп, желіде танымал болған «Пішөн» атты итті ветеринариялық қызмет мамандары атқан. Артынша оны иесі өлі күйінде тапқан. Атырау облысының әкімі Серік Шәпкенов бұл жағдайдың себебін түсіндірді.

«Су тасқыны кезінде адамдарға көмектескен ит өліп қалғаны туралы ақпарат тарады. Оны атып тастаған. Сонда Атырау облысында көшеде жүрген иттің бәрін жаппай ату тәжірибесі қолданыла ма? Бұл қалай болды?», – деп сұрады журналист.

Өңір әкімі бұл оқиғадан хабары бар екенін, жағдайдың себебін анықтағанын жеткізді. Айтуынша, оқиға Махамбет ауданында болған.

«Пішөн деген итіміз кезінде дамба...

KASE-дегі «Қазатомөнеркәсіп» акциялары қымбаттады. 2 желтоқсандағы сауда сессиясының қорытындысы бойынша, қағаз құны 21 130 теңгеге көтерілді. Алдыңғы рекорд 2021 жылы қараша айында тіркелген еді. Ол кезде акция бағасы 20 900 теңге болды. Лондон биржасында 40,45 АҚШ долларына саудаланып жатыр.

«Қазатомөнеркәсіп» халықаралық биржадан 200 млн доллар тартқалы отыр. Сондықтан құны 100 мың доллар болатын 2000 құнды қағаз орналастырған. 2027 жылдың желтоқсан айына шейін айналымда болады.

Қазақстан қаржыгерлер қауымдастығы Ұлттық атом компаниясының акциясы өсімнің негізгі драйвері болып отырғанын атап өтті. 28 қарашада компания 2024 жылдың 9 айының қорытындысы бойынша қаржылық есеп берген болатын. Онда табысының 2,5 есе артқаны, акциялары 5,91%-ға немесе әр қағазға...

Туризм және спорт министрлігі Лотерея операторын айқындау қағидаларын жариялады. Бұл құжат «Ашық НҚА» порталына орналастырылған.

Бұл қағидаларға сәйкес, лоторея операторларын конкурс арқылы уәкілетті орган таңдайды. Конкурсқа лоторея операторы болуға ниетті заңды тұлға Қазақстан Республикасының резиденті болуы керек.

Сонымен қатар әлеуетті оператордың лотерея бизнесін ұйымдастыру саласындағы IGT Global Solutions, Scientific Games International Inc., Veikkaus Oy, OPAP S.A., LOTTOMATICA S.p.A, Camelot UK Lotteries Ltd., Playtech PLC, Jumbo Interactive Limited, Japan Lottery System Inc., Magnum Corporation Sdn Bhd, Lotto New Zealand, NanumLotto Inc. сынды әлемдік компаниялардың бірімен ынтымақтастық туралы шарты болуы тиіс.

Қағидаларда көрсетілген талаптарға сәйкес, әлеуетті оператордың лотерея...

Жетісу облысында «Алакөл мемлекеттік табиғи қорығы» директоры Құдайберген Әбілқасымов, оның орынбасары Нұрбол Бейсенов және бөлім басшысы Рахат Шалабанов пара алу ісі бойынша сотталды. Сот үкімі Алакөл аудандық сотында шығарылды.

Сыбайлас жемқорлыққа қарсы іс-қимыл агенттігінің мәліметінше, аталған тұлғалар қызметтік өкілеттіктерін асыра пайдаланып, жергілікті тұрғындардан бірнеше рет пара алғаны үшін кінәлі деп танылды. Олар заңсыз шабындықты пайдаланған азаматтарды әкімшілік жауапкершілікке тартпау үшін пара алып отырған.

Сот үкіміне сәйкес:

Құдайберген Әбілқасымов пен Рахат Шалабанов әрқайсысы 10,5 миллион теңге көлемінде айыппұл төлейді. Нұрбол Бейсеновке 15,7 миллион теңге айыппұл салынды.

ҚР ҚК 41-бабына сәйкес айыппұл белгіленген мерзімде төленбеген жағдайда жаза шарасы бас бостандығынан...

АҚШ-тағы сайлаудан кейін Илон Масктың саяси ықпалы ерекше артты. Бұл жағдай оның бизнес саласындағы бәсекелестерін алаңдата бастады деп жазды The Wall Street Journal. Басылым Дональд Трамптың жақын серігіне айналған Маск ендігі жерде өз компанияларының ғана емес, бәсекелестерінің компанияларын да уысында ұстайтынын атап өтті.

Facebook (Meta Platforms иесі) пен Google (Alphabet) компанияларының басшылары Илон Маск өз компанияларына қатысты агрессивті реттеу шараларын, мысалы, антимонополиялық заңнаманы ұсынуы мүмкін деп алаңдаулы.

Автомобиль өнеркәсібіндегі сарапшылар да АҚШ-тың жаңа әкімшілігі Tesla-ның бизнесін қолдайтынына сенімді. Маск Трамптың электрмобильдер сатып алуға арналған жеңілдіктерді жою бастамасын қолдайтынын мәлімдеген еді. «Бұл қадам Tesla-ға аздап зиян келтірсе де, бәсекелестер үшін мұны...

Ақмола облысының әкімі Марат Ахметжанов Әнуар Күмпекеевтің Көкшетау әкімі қызметіне тағайындалу себебін түсіндірді. Павлодар қаласын тек 1 жыл басқарған экс-әкім Күмпекеев кезінде қызметтік пәтер мен кеңсе жиһаздарын қымбатқа сатып алып, бюджет қаржысын ысырап етті деп дауға қалған.

Орталық коммуникациялар алаңында өткен брифингте БАҚ өкілі Марат Ахметжановтан журналистер жуырда Әнуар Күмпекеевтің Көкшетауға әкім болып тағайындалу себебін сұрады.

Аймақ әкімі Күмпекеевтің қызметке тағайындалуына ешқандай құқықтық кедергі болмағанын айтады.

«Ол барлық инстанцияның келісімінен өтті. Бұдан бөлек, ол жұмыстан өз еркімен кеткен болатын. Тағайындау кезінде оның білімі мен кәсіби тәжірибесі ескерілді. Ол тұрғын үй-коммуналдық шаруашылықты жақсы біледі, 7 жыл...

Қазақстанның мемлекеттік қарызы 2024 жылғы 1 қазандағы мәлімет бойынша 30,5 трлн теңге немесе 63,6 млрд АҚШ доллар. Бұл елдің жалпы ішкі өнімінің (ЖІӨ) 22,6%-ына тең.

Премьер-министр Олжас Бектеновтің Сенат депутаттарына берген жауабында, мемлекеттік қарызды басқару валюта тәуекелдерін азайту, бюджетке түсетін қарыз ауыртпалығын шектеу және дефолттың алдын алу үшін қажет екені атап өтілді.

Үкімет мемлекеттік қарыздың шамадан тыс өсуіне жол бермеу үшін бірқатар шектеулерді енгізген. Мемлекеттік қаржыны басқарудың 2030 жылға дейінгі тұжырымдамасына сәйкес:

Халықаралық тәжірибеге сәйкес, мемлекеттік қарызды...

Абхазия парламенті оппозициялық наразылықтардан кейін, Ресеймен инвестициялық келісім жасаудан бас тартуға мәжбүр болды.

Парламент депутаттар наразылыққа шыққан халықтың қалауын орындауды жөн санаған. Осыған дейін қол қойылған Ресеймен инвестициялық келісімнің күші жойылатын болды. Оған Мәскеуде елдің экономика министрі Кристина Озган қол қойған еді. Наразы топ келісім жасау арқылы парламент елді «Ресейге сатады» деп ұрандаған.

Қазан айының соңында Абхазия мен Ресей арасындағы келісімге қол қойылды. Оған сәйкес, ресейлік компаниялар Абхазияда өздерінің инвестициялық жобаларын жүзеге асыра алады. Ал Абхазия өз тарапынан инвестиция құйған кәсіпкерлерге салықтық жеңілдіктер ұсынады. Құжат 15 қарашада парламентте ратификациялануы керек болған.

Алайда 15 қарашада жүздеген адам Үкімет ғимараты алдына жиналып, келісімнен...

Сот орындаушылардың табысы азаяды. Тиісті құжат «Ашық НҚА» порталына талқылауға шығарылды.

Бұйрық жобасына сәйкес, мүліктік (ақшалай) сипаттағы атқарушылық құжаттар үшін өндіріп алу сомасына байланысты жекелеген атқарушылық құжаттар бойынша жеке сот орындаушы қызметіне ақы төлеу мөлшерлемесін төмендету ұсынылады.

«Жеке сот орындаушысының қызметіне ақы төлеу мөлшерін бекіту туралы» Әділет министрінің 2023 жылғы 27 маусымдағы №416 бұйрығына (бұдан әрі – бұйрық) түзетулер жеке сот орындаушыларының қызметіне ақы төлеу кезінде халыққа қаржылық жүктемені азайту мақсатында әзірленді»,- делінген құжат түсіндірмесінде.

Бұл құжат бойынша, жеке сот орындаушының қызметіне ақы төлеу мөлшері мүліктік сипаттағы атқарушылық құжаттар үшін мынадай...

Қатарлық Lesha Bank сатып алған қазақстандық Bereke Bank-тің директорлар кеңесінен үш қазақстандық шенеунік шығарылды.

KASE-де жария болған ақпаратқа сүйенсек, қатарлықтарға сатылған Bereke Bank директорлар кеңесінен KASE топ-менеджері шығарылған. Әңгіме «Даму» кәсіпкерлерді дамыту қорының директорлар кеңесінің мүшесі Асқар Елемесов туралы болып отыр. Ол 2006 жылы ҚР Қаржы вице-министрі қызметін атқарған.

Ақпаратқа сүйенсек, екі айдың ішінде банкті директорлар кеңесінен үш мүшесі шыққан. Мәлімет бойынша қазан айының басында Bereke Bank директорлар кеңесінен «Бәйтерек» ұлттық басқарушы холдингінің екі өкілі – Вячеслав Сон және Ерсайын Хамитов те шыққан. Дәл сол күні банк қатарлық Lesha Bank-ке 65 млрд теңгеге сатылған.

Қатарлық банк қазақстандық банкті сатып...

Соңғы аптада қазақстандық кинотеатрларда кассалық табысы ең жоғары фильмдердің тізімі жарияланды.

1. Моана 2 – 718 104 231 теңге

Ticketon билет операторының мәліметінше, ең көп касса жинаған фильмдердің көшін «Моана 2» бастады. Анимациялық фильм 718 104 231 теңге жинап, көрермендер арасында үлкен сұранысқа ие болды. Бұл көрсеткіш фильмнің балалар мен ересектердің көңілінен шыққанын көрсетеді. «Моана 2» фильмі Disney-дің биылғы жылы қазақ тіліне аударылған екінші фильмі.

2. Таптым-ау сені 2 – 579 277 378 теңге

Екінші орынды Дариға Бадықованың фильмі – «Таптым-ау сені 2» иеленді. Фильм 579 277 378 теңге жинап, отандық кинематографтың әлеуетін тағы бір...