Жаңалықтар

Қазір адамның жай-күйі мен денсаулығын бақылап, ақпарат беретін технологиялар қатары көбейіп келеді. Алғашында смарт-сағаттан басталған тенденция миллиардтаған қаржы айналатын жеке дара индустрияға айналды. 

Біз білетін смарт-сағат жүрек соғысы, жаттығу жасағандағы динамика, дене температурасы, ұйқы режімі мен неше қадам жүргені сияқты ақпарат ұсынады. Одан бөлек ағзадағы қант деңгейін анықтайтын датчиктер, ұйқы режимі туралы егжей-тегжей ақпарат беретін сақиналар сияқты басқа да түрлі құрал бар. Бұл құрылғылардың денсаулықты қадағалауға, аурудың алдын алуға пайдалы болғаны сонша Ұлыбритания денсаулық сақтау министрі Уэс Стритиң Ұлттық денсаулық сақтау қызметінде тіркелген миллиондаған науқасқа смарт құрылғылар таратып беру туралы ұсыныс білдірді. Оның айтуынша, құрылғылар ауырсыну белгілерін, обырды емдеу...

Қырғызстан жоғарғы кеңесінің төрағасы Нұрланбек Шәкиев елдің мемлекеттік гимнін өзгерту бойынша кеңес өткізді. Кеңес отырысында әнұранның 2025 жылдың сәуіріне дейін өзгеретіні белгілі болды.

Жоғарғы кеңес баспасөз қызметінің ақпаратына сүйенсек, Шәкиев мемлекеттік әнұранды өзгерту ісіне көпшіліктің қатысуы керек екенін атап өтті. Оның сөзінше, жаңа әнұранды жазуға ақындар мен композиторлардан бөлек, қарапайым халықта қатысуы қажет. Яғни кез келген адам елдің әнұраны бола алатын өз әнін ұсына алады.

Алдағы аптада арнайы комиссия құрылып, нұсқаларды таңдау басталады. Әнұран 2025 жылдың сәуіріне дейін қабылдануы қажет.

Қазіргі әнұранның мәтіні мен әуеніне депутаттардың көңілі толмаған. Олар бұл гимннің Кеңес Одағынан қалғанын, тәуелсіз Қырғызстанға жаңа әнұран керек...

Қазақстанда жер қойнауын пайдаланушылар үшін қазбаларды өндіруге салынатын салықтың орнына роялити нормалары енгізілуі мүмкін. Мұндай ұсынысты Өнеркәсіп және құрылыс министрі Қанат Шарлапаев жасады.

Үкімет сағатында министр тау-кен саласына келетін инвесторлар санын арттыру үшін Салық кодексінің жаңа жобасы шеңберінде роялти енгізу мәселесі пысықталып жатқанын мәлім етті. Сонымен қатар роялти жайлы Дүниежүзілік банк те ұсыныс білдірген.

«Минералды шикізатты сату құнына негізделген роялтиді енгізу, халықаралық тау-кен компаниялары үшін салық салудың ашықтығын және түсінікті механизмін қамтамасыз етеді», – деді министр. 

Қанат Шарлапаев Премьер-Министр Олжас Бектеновтен Ұлттық экономика, және Қаржы министрліктеріне жаңа Салық кодексінің жобасына 2026 жылғы 1 қаңтардан бастап...

2024 жылдың 11 айында Қазақстанда 16,7 млн тонна мұнай өңделген. Бұл туралы Энергетика министрлігінің баспасөз қызметі хабарлады.

«2024 жылдың 11 айының қорытындысы бойынша Қазақстанның мұнай өңдеу зауыттарында мұнай өңдеу көлемі 16,7 млн тоннаны құрады. Бұл 2023 жылдың сәйкес кезеңімен салыстырғанда 3,6% – ға артық», – делінген баспасөз хабарламасында.

2024 жылғы есепті кезеңінде өңделген мұнайдан мынадай өнімдер алынған:

Баспасөз қызметінің хабарлауынша, елдегі барлық мұнай өңдеу зауыты тұрақты жұмыс істеп, жанар-жағармай материалдарының қорларын тиеу және толықтыру жұмыстары...

Алматы полициясы жол ережесін бұзып, рұқсат етілмеген орындарға көліктерін қойып кеткен мәслихат депутаттарына жаппай айыппұл салған.   

Кеше, 2 желтоқсанда, отырыстан шыққан алматылық депутаттар жеке жүргізушілерін таппай дал болды. Өйткені полиция қызметкерлері келіп, жол ережесін бұзған көліктерге айыппұл рәсімдеген.

«Аталған дерек бойынша жергілікті полиция қызметі Қазақстан Республикасының заңнамасына сәйкес шаралар қабылдады. Белгіленбеген орындарда тоқтағаны және көлігін қойып кеткені үшін құқық бұзушылар әкімшілік жауапкершілікке тартылады», – дейді Алматы қаласы полиция департаментінің баспасөз қызметі.  

Алматы полициясы «Құқықтық тәртіп» қағидасын еске сала отырып, жол қозғалысына қатысушыларды жол ережелерін қатаң сақтауға шақырып отыр.

Бір алматылық тұрғын депутаттардың басқаларға...

Атақты британдық Jaguar көлік бренді Майамиде жаңа Type 00 электрокөлігін таныстырды. Jaguar компаниясы 2021 жылдың ақпанында 2025 жылға дейін бензинді көліктерді шығаруды тоқтатып, толық электрлі көліктер өндірісіне көшетінін мәлімдеген.

Сэр Уильям Лайонс негізін қалаған Jaguar әрқашан «ешкімді қайталамайтын» ерекше өнер туындысы ретінде қабылдануы тиіс деп есептеген. Сондықтан Jaguar-дың жаңа ұраны – «Copy Nothing» (Ешкімді қайталауға болмайды).

Бұл философия болашақта брендтің барлық өнімдерінде және визуалды стильдерінде көрініс табады. Type 00 концептісі осы жаңа бағыттың алғашқы мысалы болып отыр.

Type 00-дің ерекше ұзын капоты, «қайықтың құйрығына» ұқсас артқы бөлігі электромобильдер нарығындағы біркелкі дизайннан ерекшеленуге көмектеседі.

2025 жылы...

Доллардың қымбаттауына байланысты Қазақстанда тұрғын үй бағасы, әсіресе, әлеуметтік бағдарламалар бойынша салынатын баспана бағасы көтерілмейді. Бұл туралы Өнеркәсіп және құрылыс министрі Қанат Шарлапаев Үкімет сағатынан кейін өткен брифинг барысында айтты.

«Ұлттық банктің ресми мәліметіне сәйкес, 3 желтоқсандағы доллар бағамы 524 теңгені құрап отыр. Ал ақша айырбастау пункттерінде доллар бағасы 535 теңгеге жақындап қалған. Осы орайда баспана бағасы қаншалықты қымбаттауы мүмкін?», – деп сұрады журналист.

Шарлапаев мемлекеттің әлеуметтік баспаналардың бағасының көтерілмеуі үшін жағдай жасайтынын айтты. Атап айтқанда, «Наурыз», «Отау» бағдарламасы, жалға алынатын тұрғын үйлердің бағасын мемлекет қадағалайтынын айтты.

Шетелден көлік әкеліп сатып жүрген қазақстандықтарға қатысты жаңа ереже пайда болды. Ереженің кімдерге қатысы болатынын өнеркәсіп және құрылыс министрі Қанат Шарлапаев түсіндірді.

Министрдің айтуынша, автокөлікті әкелудің жаңа ережелері заңсыз көлік тасымалымен айналысатын адамдарға қызметін заңдастырып, ресми дилер болуға мүмкіндік береді.

Ол қазіргі елге автомобиль әкелу ережелері 2015 жылы қолданысқа енгенін және осы кезге дейін ережелерге өзгеріс енгізілмегенін алға тартты. 2024 жылдың желтоқсанында енгізілген өзгерістер көлеңкелі бизнеспен айналысып жүрген азаматтарды ресми тіркеуге мүмкіндік бермек.

«2023 жылы бізде бір адам 793 көлікті шетелде сатып алып, елге өткізген. 34 адам шетелден 100 астам көлік алып келген. Яғни бұл кәсіпкерлік...

Оқу-ағарту министрі Ғани Бейсембаев Ресейдің бірнеше қаласында, оның ішінде  Томск, Астрахань және Орынбор облыстарында қазақ мектептерін ашу мәселесі қалай шешіліп жатқанына қатысты пікір білдірді.

Үкімет отырысынан кейін өткен баспасөз жиынында БАҚ өкілі ресейлік басылымдардың бірінде Томск билігі сұраныстың жоқтығына байланысты қазақ мектебін салудан бас тартады деген ақпарат тарағанын атап өтті.

Десе де министр қазақ мектептерін ашу мәселесінде бұл аймақтар зерттеліп жатқанын айтты.

«Бұл – тұтас келіссөздер процесі. Қазір қалалар шамамен анықталды. Келесі кезең- нақты орынды белгілеу. Қалалар таңдалғанда, негізінен қазақ бауырларымыз көп шоғырланған жерлерге басымдық беріледі. Бұл қалалардың таңдалуы да, ол жерде мектеп соғу да әл...

Қазақстан қаржыгерлер қауымдастығы желтоқсан айында да теңгеге қысым түсетінін болжап отыр. Бұған ықпал етіп отырған ішкі және сыртқы факторлар сарапталып көрсетілген. Қауымдастықтың талдауынша, Ұлттық банктің шетел валютасын сату көлемін азайтуы теңге бағамын тұрақтандыруға қосымша шараларды талап етуі мүмкін.

Валюта нарығы

Ұлттық валюта бұл аптада қатты әлсірей бастады. Дүйсенбі, 2 желтоқсан күні бір доллар 524,79 теңгеге дейін өсті. Сауда көлемі де едәуір ұлғайған. 425,7 млн доллар сатылған.

«Экономика министрі Нұрлан Байназаровтың мәлімдемесіне қарағанда, негізгі себеп – сыртқы факторлар. Оның ішінде рубльдің әлсіреуі, мұнай бағасының түсуі мен АҚШ доллары индексінің өсімі де бар. Десе де, қараша айында...

Америкалықтар Арал маңынан литий шөгінділерін іздейді. Бұл туралы Үкімет сағатында Ұлттық геологиялық қызмет төрағасы Ерлан Ғалиев айтты.

«АҚШ Мемлекеттік департаментінің энергетикалық ресурстар бюросының ұсынысымен «Тау-Кен Самұрық» ұлттық компаниясымен Арал теңізі өңірінде литий ресурстарын зерттеу және Қалба-Нарым белдеуінде сирек металдарға геохимиялық іздеу жүргізу бойынша көпжақты меморандум жасалды», – деді Ғалиев.

Ғалиевтің айтуынша, жоба америкалықтардың есебінен қаржыландырылады. Сонымен бірге Франция, Финляндия, Канада сынды елдермен бірлесіп жүзеге асырылатын жобалар бар екенін де айтты.

Одан бөлек мемлекет қаржысы есебінен де елдің 12 учаскесінде сирек металдарды іздеу жұмыстары жүргізіліп жатыр. Бұл туралы премьер-министр Олжас Бектенов айтты.

4 желтоқсанынан бастап Қазақстанда көлік құралдарының орташа жылдамдығын өлшеу жүйесі іске қосылады. Бұл жол қозғалысын ұйымдастыру және жол қауіпсіздігін цифрландыру аясында заңнамаға енгізілген түзетулер.

Жаңа ережелерге сәйкес, «орташа жылдамдық» ұғымы заңды түрде бекітілді. Орташа жылдамдық – бұл халықаралық және республикалық маңызы бар жалпы қолданыстағы жол учаскелерінің ұзындығын көлік құралы жүріп өткен уақытқа бөлу арқылы анықталатын жылдамдық.

Енді жолдағы жылдамдық шектеуін асыру көлік құралдарының орташа жылдамдығын арнайы сертификатталған, автоматты режимде жұмыс істейтін бақылау құрылғылары арқылы анықталады.

Алкоголь немесе есірткі пайдаланып көлік жүргізгендер 8 жыл бойы жүргізуші куәлігін алуға емтихан тапсыра алмайды.

Жылдамдықты асыруға қатысты жаңа айыппұлдар

Әкімшілік құқықбұзушылық туралы...

Қазақстанда сирек кездесетін металдардың перспективалы аумақтары табылды. Қазіргі уақытта сирек кездесетін металл өндірісін дамыту үшін 12 учаскеде мемлекеттік геологиялық зерттеу жүргізіліп жатыр. Ал барлау жұмыстарына екі бірдей шетелдік компания тартылған.

Өнеркәсіп және құрылыс министрі Қанат Шарлапаев Үкімет отырысында Қазақстандағы сирек кездесетін металдарды геологиялық барлаудың перспективалы учаскелері туралы мәлімдеді. Сондай-ақ министр сирек кездесетін металдардың ірі кен орыны табылғанын жеткізді.

«Сирек кездесетін металдар саласын дамыту шеңберінде, 12 учаскеде мемлекеттік геологиялық іздеу жұмыстары жүргізіліп жатыр. Бүгінгі күні Күйректікөл учаскесі перспективалы кен орнына жатады. Оның қорында лантанидтерді қоса алғандағы 800 мың тоннадай сирек кездесетін металдар бар. Бұл қорды...

BofA келесі жылы S&P 500 индексі 10,5%-ға өседі деп болжам жасады. Сарапшылар АҚШ-тағы ең танымал 10 дивидендтік акцияны атады. Stellantis АҚШ-та аккумуляторлар шығаратын зауыттар салуға $7 млрд алады. Осы және өзге де тақырыптар туралы 2 желтоқсанға арналған әлемдік БАҚ шолуынан оқыңыз.

S&P 500 және Nasdaq индекстері технологиялық өсім аясында өсті

S&P 500 және Nasdaq индексі 2 желтоқсан күні өсті деп хабарлады Reuters. Нарықтарды жоғары көтеріп отырған – технологиялық акциялар. S&P индексінің 11 негізгі секторынан сегізі төмендеді, бірақ ақпараттық технологиялар секторының шамамен 1%-ға өсуі S&P индексінің оң өсімін сақтауға мүмкіндік берді. Сауда күнінің қорытындысы бойынша S&P 500 0,24%-ға, Nasdaq...

Грузияда бесінші күн қатарынан еуроинтеграцияны қолдаушылар митингі өтіп жатыр. Үкіметтің ЕуроОдаққа қосылуды кейінге қалдырған шешіміне наразылық білдірушілер Тбилиси мемлекеттік унивеситетінің алдындағы алаңда құқық қорғау органдарын бөгеп ұстау үшін баррикадалар салуды бастады.

Руставели алаңына жиналған халық Парламент ғимаратына кіретін жолды бекітуді көздеген. Олар құқық қорғау органдарының күштерін күтіп отырғандарын жазған.

«Наразылық білдірушілердің полициямен қақтығысы жеті сағатқа созылды. Таныс схема бойынша жүрді: наразылық білдірушілер арнайы күштерге пиротехника атты. Арнайы күштер оларға көзден жас ағызатын газ капсулаларын шашты. Наразылық білдірушілер газ капсулаларының әсерін жеңілдету үшін бөтелкедегі су шашты», – деп хабарлайды Рaper Kartuli Telegram арнасы.

3 желтоқсан...

Қарағанды облысының әкімдігі кәсіпкерлер Германияға тегін бара алатын бағдарлама әзірледі. Оның аясында карағандылық кәсіпкерлере Германияда тегін білім алып, серіктестер табуға мүмкіндік ала алады.

Қарағанды облысы Кәсіпкерлер палатасының мәліметінше, 2025 жылға арналған өтінімдер 2024 жылдың 17 желтоқсанына дейін қабылданады. Құжаттарды тапсыру үшін Қарағанды қаласындағы Кәсіпкерлер палатасының кеңсесіне баруға немесе электрондық пошта арқылы жіберуге болады: karaganda@atameken.kz.

Бағдарлама талаптары

Бағдарламаға қатысу үшін келесі талаптарға сай болу қажет:

Тағылымдаманың артықшылықтары

Бағдарлама...

2020 жылы Қырғызстандағы ереуіл кезінде жеке құрамды тастап, қашып кеткен Ұлттық қауіпсіздік мемлекеттік комитетінің бұрынғы басшысы Орозбек Опумбаев сотқа келді. Бұл туралы Қырғыз басылымдары хабарлады.

«2 желтоқсанда Қырғыз Республикасы Ұлттық қауіпсіздік мемлекеттік комитетінің бұрынғы басшысы Орозбек Опумбаев Қой-Таш оқиғасы бойынша сот процесіне куәгер ретінде қатысу үшін Бішкек қаласының «Бірінші Май» аудандық сотына келді»,- деп хабарлайды басылымдар.

Экс-шенеунік 2019 жылы болған Қой-Таш оқиғасы мен 2020 жылғы қазан оқиғасына қатысты пікір беруден бас тартқан.

Опумбаев барлық оқиғаны ұмытпағанын және елден қашып кетпегенін мәлімдеген.

Еске сала кетейік 2020 жылдың 4 қазанында Қырғызстанда парламенттік...

АҚШ Конгресі арнайы тергеуден кейін COVID-19 вирусы Қытайдың Ухань қаласындағы зертханадан тарағанын анықтаған. Бұл туралы FOX агенттігінің жазды.

Конгресс коронавирустың зертханадан шыққанын растаған. Тергеу жүргізген кіші комитеттің қорытынды есебінде «COVID-19 Қытайдың Ухань қаласындағы зертханада пайда болуы мүмкін» делінген.

«Кіші комитет вирустың табиғатта жоқ биологиялық сипаттамалары бар екенін анықтады. Ғылыми стандарттарға сәйкес, оның табиғи шығу тегі болса, қазіргі уақытқа дейін белгілі болатын еді», – деп жазады басылым.

Басылым Қытайдың вируспен күресу бойынша жетекші ғылыми зертханасы Уханьда орналасқанын атап өткен. Мұнда биоқауіпсіздік бойынша зерттеу жұмыстары жүргізіліп келген. Зертхана қызметкерлері 2019 жылдың күзінде вирус жұқтырған.

Қытай биліг...

Қазақстанда aлтын мен күмісті ел аумағына әкелу және одан шығару тәртібін реттейтін жаңа ережелер қабылданды. Бұл құжат ҚР Ұлттық экономика министрінің тиісті бұйрығымен бекітілді. Ережелер алтын мен күмістің ел ішіндегі айналымын реттеу, заңсыз әрекеттердің алдын алу және халықаралық талаптарға сәйкестікті қамтамасыз ету мақсатында әзірленген.

Ережелерге сәйкес, Қазақстан аумағына aлтын мен күмісті әкелу немесе елден шығару тек арнайы тәртіппен жүзеге асырылады. Бұл ережелер тек жеке тұлғаларға ғана емес, заңды тұлғаларға да қатысты. Атап айтқанда:

• Алтын мен күмісті әкелу немесе әкету кезінде кедендік декларация толтырылуы тиіс.
• Құнды металдарды тасымалдау тиісті құжаттармен, соның ішінде заңды иелік ету туралы дәлелдемелермен расталуы...

Украина қарулы күштеріне АҚШ-тың жаңа президенті Дональд Трамп инаугурациясына дейін Ресейдің Курск облысын ұстап тұру туралы бұйрық берілген. Бұл туралы британдық BBC басылым жазды.

ВВС ақпаратына сүйенсек, Ресейде соғысып жатқан сарбаздардың бірі басылымның арнайы тілшісіне Курск облысынан кетпейтіндерін, аймақты Трамп инаугурациясына дейін ұстап тұратынын айтқан.

«Ресейдің үнемі бомбалап жатқаны, ауа райының бұзылуы, ұйқының қанбауы сарбаздардың жағдайын әлсіретіп жіберген. Дегенмен бұл қызмет жалғасады. Тек уақыт мәселесі», – деп жазды ВВС басылымы.

Агенттікке сұхбат берген Павел есімді сарбаз ротацияның болмауынан және Украина әскерінде көбіне орта жастағы азаматтардың болуы олардың алға жылжуына кедергі келтіріп отырғанын айтқан.

Oxford сөздігі 2024 жылдың үздік сөзін жариялады: бұл – ағылшын тіліндегі «brain rot» (қазақша «мидың шіруі» немесе «ми деградациясы») сөзі. Аталған термин интеллектуалдық белсенділіктің төмендеуін сипаттайды. Әсіресе, бұл интернетте немесе әлеуметтік желілерде сапасыз, мағынасыз контентті шамадан тыс тұтынумен байланыстырылады.

Бұл таңдау Oxford университетінің баспасы (Oxford University Press) ұйымдастырған онлайн дауыс беру нәтижесінде анықталды. Дауыс беруге 37 мыңнан астам адам қатысып, алты ұсынылған сөздің ішінен «brain rot»-ты жылдың сөзі ретінде таңдады.

Oxford сөздігі ұйымдастырған бұл дәстүрлі шара жылдың негізгі көңіл-күйі мен трендтерін көрсетуді мақсат етеді. Бұған дейін мұндай мәртебені «rizz» және «climate emergency» (климаттық төтенше жағдай) секілді сөздер иеленген.

Эмоциялық қажу – әлемдегі миллиондаған адам бастан кешіретін бір психологиялық күй. Ол адамға физикалық тұрғыдан, эмоциялық әлсіреу ретінде немесе ақыл-есі тұрғысынан қажу ретінде де сезілуі мүмкін. Эмоциялық қажудың басты себебі ретінде әдетте кәсіби өмір көрсетілгенмен, адамның бұл күйі артынан оның бүкіл өміріне кері әсерін тигізеді. Бүгінгі материалымызда эмоциялық қажудың себептерін, симптомдарын, кезеңдерін талдап, түрлі мысал келтіріп, статистикалық деректер ұсынып, мәселені шешу жолдары бойынша кеңес береміз.

Эмоциялық қажу деген не?

Эмоциялық қажу – адам еңсере алмаған әрі ұзақ уақыт бойы мазалаған күйзеліске байланысты туатын созылмалы күй. Бұл терминді алғаш 1974 жылы Герберт Фрейденбергер деген америкалық психолог ұсынды, содан бері бұл...

Германиядағы Volkswagen басшылығы жалақыны төмендету, жаппай қысқарту және бірқатар зауыттарды жабу жоспарларын жариялады. Жұмысшылар кәсіподағы жоспармен келіспей, зауыттардың жұмысын тоқтатып, ереуілге шықты.

DW басылымының ақпаратына сүйенсек, 2 желтоқсанда IG Metall компаниясының Volkswagen автоөндіріс концернінің Германиядағы он зауытының тоғызында ереуіл өтті. Әр ауысымның жұмысшылары екі сағаттан зауыт жұмысын тоқтатып отырды. IG Metall келіссөз жүргізуге тырысқанымен, жұмысшылар бірнеше зауыттағы қысқарту және зауыттарды жабу жоспарымен келіспеген.

1 желтоқсанда кәсіподақтар мен Volkswagen басшылығы арасындағы еңбек дауларын бейбіт жолмен шешуге міндеттейтін келісімдердің мерзімі аяқталды. 

«Келіссөздер үстеліне келуге дайын екенімізді көрсеттік, бірақ біздің ниетімізді компания қабылдамады. Енді елемеуге болмайтын ескерту ереуілдерге...

«Қазақтелеком» АҚ филиалы – Сервистік фабрикасының басшылық құрамындағы адамдар өкілеттіктерін асыра пайдаланғаны үшін ұсталды.

Сыбайлас жемқорлыққа қарсы іс-қимыл агенттігінің Жамбыл облысындағы департаменті тексеру шараларын жүргізген. Тексеріс қорытындысында компания филиалының бұрынғы басшысы мен оның қарамағындағы қызметкерлердің заңсыз іс-әрекеті анықталды.

«Олар Тараз қаласындағы акционерлік қоғамның әкімшілік ғимаратын көрінеу төмен бағамен сатқан», – делінген сыбайлас жемқорлық қызметі таратқан хабарламада.

Осының салдарынан мемлекет пайдасына 450 миллион теңгеден астам материалдық залал өндіру керек.

«Келтірілген зиянды өтеу жөніндегі қамтамасыз ету шаралары ретінде жоғарыда аталған нысанға тыйым салынды. Соттың санкциясымен күдіктілер қамауға алынды», –  деп хабарлады Антикор.