Жаңалықтар

Қазақстанда қазан айының соңында инфляция қыркүйектегі 8,3%-бен салыстырғанда, жылдық мәнде 8,5%-ға дейін өсті деп хабарлады Ұлттық статистика бюросы.

Осылайша қазанда инфляция қарқыны артып, бір жылда 8,5% (2024 жылғы қыркүйекте – 8,3%), бір айда – 0,9% құраған (өткен айда – 0,4%).

Баға динамикасы

Деректерге сүйенсек, ақылы қызметтер бағасы бір жылда 14,3% (2024 жылғы қыркүйекте – 13,6%) қымбаттаған. Ал азық-түлікке жатпайтын тауарлар – 7,8% (2024 жылғы қыркүйекте – 7,6%), азық-түлік құны – 4,9% өсті (2024 жылғы қыркүйекте – 5,1%).

Өткен жылғы қазанмен салыстырғанда суық су – 60,3%, орталықтан жылыту – 33,6%, су бұру – 26,9%, электр энергиясы – 22,9%, ысты...

Екібастұз қаласында қорытпа болат шығатын зауыт салынады. Бұл жобаны «Railways Systems KZ» ЖШС қолға алған. Зауыт құрылысына 208 млрд теңге инвестиция құйылмақ,

Төмен легирленген және конструкциялық болат өндіретін электрометаллургиялық зауыт 100 гектар аумақты алады. Жобаны жүзеге асыру үшін RWS компаниясының бас директоры Роман Павлингер мен Павлодар облысы әкімінің орынбасары Әйгерім Қабылтаева арнайы меморандумға қол қойған.

Зауыт Railways Systems компаниясының өз қаражаты мен тартылған қарыз есебінен салынады. Кәсіпорын іске қосылса, 1000-нан аса жұмыс орны ашылмақ. Зауыт құрылысын 2028 жылы аяқтау жоспарланған.

Павлодар облысы әкімінің орынбасары Әйгерім Қабылтаеваның айтуынша, бұл жаңа өндіріс Екібастұздың әлеуметтік-экономикалық дамуына оң ықпалын тигізіп, жергілікті нарықты...

Павлодарда трамвай сатып алынбақ / Фото: ЕҚДБ, коллаж: kursiv.media, бильд-редактор: Ахтам Зиперов

Еуропалық қайта құру және даму банкі Павлодардағы трамвай паркін жаңартуға 10 млн еуро несие бөлді. Сонымен қатар жобаға Таза технологиялар қоры 4 млн еуро салмақ, деп хабарлады ЕҚДБ баспасөз қызметі.

Қала әкімдігі бұл қарыз қаражатқа энергия үнемдейтін 25 трамвай сатып алады.

«Бүкіл әлемде трамвайлар қалалық көліктің экологиялық таза және тиімді түрі екенін айғақтайды. Біз осы арқылы серіктесіміз Павлодар трамвай басқармасының жылжымалы құрамын жаңартамыз», – деп хабарлады ЕҚДБ президенті Одил Рено-Бассо.

2015 жылдың басында ЕҚДБ Павлодар трамвай паркін жаңартуға 2,5 млрд теңге несие қаражатын бөлген еді. Одан кейін...

Ұлттық банк деректеріне сәйкес, 2023 жылы қазақстандықтардың несие бойынша қарызы 23,4%-ға артқан. Бұл жайлы «Курсив» редакциясының зерттеуінде жазылған.

Редакция анықтаған деректерге сәйкес, қазақстандықтардың жан басына шаққандағы несие қарызы 950 мың теңгеге жуықтаған. Шағын несиелер мен коллекторлардың үстемесін қоса есептегенде, қарыздық міндеттемелердің көлемі әр адамға бөлгенде 1 млн теңдеген асады екен.

Егер несие алушылардың қатарынан балалар мен зейнеткерлерді алып тастайтын болсақ, Қазақстанның еңбекке жарамды әрбір азаматының банктерге қарызы орташа есеппен 1,7 миллион теңгеге жуықтайды.

Өңірлер бөлінісінде қарыз алатындар саны Алматы мен Астана қалаларында және Шымкент пен Қарағанды қалаларында жоғары. Бұл төрттіктің ішінде Алматы және Астана қалалары көш бастайды...

Қостанайда шорт-тректен балалар мен жасөспірімдер құрамасының жаттықтырушысы бюджеттің 6 миллионға жуық қаражатын жымқырды деп айыпталды.

Облыстық прокуратура бюджет қаражатын ұрлауға қатысты қылмыстық іс бойынша айыптау актісі бекіткенін хабарлады.  

«Тергеу барысында 2022 жылғы қазаннан 2024 жылғы қаңтарға дейін Қостанай облысы әкімдігі дене шынықтыру және спорт басқармасының «Жоғары спорт шеберлігі мектебі» КММ балалар мен жасөспірімдер командалары арасында шорт-трек бойынша жаттықтырушы өзінің қызметтік жағдайын пайдалана отырып, жиындар мен жарыстарға іс жүзінде бармаған адамдарды заңсыз көрсету жолымен шығындардың нақты сомасын ұлғайта отырып, жалған аванстық есептер құрастырғаны анықталды», – делінген хабарламада.

Жаттықтырушы түскен ақшаны қалтасына басып, иемденіп алған...

Қайрат Боранбаев Қазақстан футбол федерациясының атқару комитетінің мүшесі атанды. Бұл туралы бүгін, 1 қараша күні, Астанада Қазақстан футбол федерациясының XXV конференциясында айтылды.

Конференцияға өңірдегі федерация басшылары қатысты. 25 мүше дауыс беру арқылы атқару комитетінің мүшелігіне Қайрат Боранбаевты қабылдады. Ешкім қарсы дауыс берген жоқ.

Сонымен қатар жиын барысында футболдан Қазақстан ұлттық құрамасына бөлінетін қаржы есебі жария етілді.

Федерация президенті Әділет Барменқұловтың айтуынша, 2023 жылы Қазақстан ұлттық құрамаларының шығыны 1 мрд теңгеге жеткен. Шығынның көп болуының себебі: бас команда Солтүстік Ирландия, Сан-Марино секілді алыс елдермен ойнаған. Сондай-ақ жарыс аяқталған соң, өтпелі ойынға қатысқан. Бұл шығынға жастар және жасөспірімдер қүрамаларының да шығыны...

«Самұрық-Қазына» қоры Қайрат Боранбаевтан тәркіленген «АзияГаз Чунджа» компаниясының 100 пайыз акциясын иелігінен шығарды. Қазақстан қор биржасындағы дерекке сәйкес, қор компанияны иелігінен 11 қазанда шығарған. Ал бұл өзгеріс туралы хабарлама қор биржасының сайтына 2024 жылдың 1 қарашасында орналастырылған.

Нәтижесінде қазір «Самұрық-Қазына» қоры 25 компаниядағы үлеске иелік етеді.

Бір қызығы, 31 қазанда «Самұрық-Қазына» биржаға басқа хабарлама орналастырып, «АзияГаз Чунджа» компаниясын 30 қыркүйектен бастап иеленетінін жазған. Яғни, қор Боранбаевтан тәркіленген компанияны иелігінде 11 күн ғана ұстаған.

Ал оған дейін компания Қаржы министрлігінің меншігінде болған. 13 қыркүйекте «Самұрық-Қазына» қоры компанияның 100 пайыз үлесін Қаржы министрлігінен 9,3 млрд теңгеге алатынын хабарланды. Ол...

Ұлттық қауіпсіздік комитеті діни экстремизмге балалар мен жасөспірімдердің тартылып жатқанына қатты алаңдаушылық білдіріп отыр. Комитет қоғамға ой салу үшін «Арбау» атты арнайы репортажын жария етті.

Ондағы мәліметтерге сүйенсек, 2023 жылы деструктивті әрекет үшін 43 адам сотталса, соның екеуі – кәмелет жасына толмаған жеткіншектер.

Биыл экстремизм бойынша 68 адамға үкім кесілсе, оның бесеуі балиғат жасына толмаған балалар болып шықты.  

«Жасөспірімдердің радикалды жолды ұстануы – жеке адамдардың тағдырына әсер етіп қана қоймай, қоғам дертіне айналуы да мүмкін күрделі мәселе», – дейді ҰҚК баспасөз қызметінің өкілі Майгүл Айнабекова.

Бейнежазбада экстремистік бейнежазбаларды таратқаны үшін жазаға тартылып отырған...

Польша Ресей Федерациясымен ресми шекарасында құны 2,5 млрд доллар болатын қабырға көтере бастады. «Шығыс қалқаны» деп аталатын жоба құрылысы туралы алғаш рет 2024 жылдың көктемінде премьер-министр Дональд Туск айтқан еді.

«Шығыс қалқанының құрылысы басталды. Ресеймен шекарадағы алғашқы жұмыстар», – деп жазды Х парақшасында.

Associated Press агенттігінің хабарлауынша, Польша шекарадағы қауіпсіздікті күшейту үшін «Шығыс қалқаны» жобасына 2,5 млрд доллар инвестиция құяды. Туск қабырға бойында қорғаныс бекіністері салынатынын атап өткен.

Осыған дейін Литва, Латвия, Эстония және Польша ЕуроОдақты ұзындығы шамамен 700 шақырым болатын қорғаныс шебін қаржыландыруға шақырған. Бұл одақ құрамына кіретін 4 елді Мәскеу тудыруы...

Бекжан Пірматов ForteBank-тің басқарма басшысы қызметінен кетті. Оның орнына әр жылдары түрлі қаржы ұйымдарын басқарған Талғат Қуанышев келді.

Банк таратқан ақпаратта Пірматов Болат Өтемұратовтың негізгі активтеріне, соның ішінде ForteBank-ке иелік ететін «Верный Капитал» инвестициялық компаниясының құрылымында жұмысқа ауысатыны жазылған.

Талғат Қуанышев бұған дейін түрлі қазақстандық қаржы институттарында басшылық қызметтерді атқарған. Оның ішінде Kassa Nova Bank (қазіргі Freedom Bank), АТФ Банк (Jusan Bank құрамына кіреді) және ATF Leasing бар. 2015-2016 жылдар аралығында Қуанышев ForteBank-тің басқарма басшысы болды. Ал осы уақытқа дейін банктің директорлар кеңесі құрамында болды.

ForteBank активтерінің көлемі бойынша Қазақстандағы банктер арасында бесінші орында. 1 қазандағы жағдай бойынша көрсеткіш...

Қазақстан Qazaq air компаниясын бәсекелес ортаға шығарып, вьетнамдық SOVICO Group тобына сатып жатқаны белгілі. Қазіргі кезде әуе компаниясының акционері – «Самұрық-Қазына» қоры мен Aviation Holdings Company (SOVICO Group құрамына кіреді) арасында қағидаттар туралы келісімге қол қойылған. КursivМedia ресми сауалына берген жауабында қор әуе компаниясы жекешелендірудің 2021-2025 жылдарға арналған кешенді жоспарына сай сатылып жатқанын атап өткен.

«Қол қойылған Келісім аясында Қор SOVICO Group пен тәуелсіз консультанттармен бірлесіп QAZAQ AIR және транзакциялық құжаттама жобаларын іске асыру шарттарын аяқтау бойынша келіссөздер жүргізуде», – делінген.

Алайда жауапта мәміленің шарттары ашық жазылмаған. «Самұрық-Қазына» қорының даму және жекешелендіру жөніндег...

Президент Тоқаевтан «жылу беру маусымына дайындықты тиісінше қадағаламағаны үшін» сөгіс алған күні бұқаралық ақпарат құралдарында Қарағанды облысының әкімі Ермағамбет Бөлекбаевтың облыстағы жетістіктері жайлы мәлімдемелері жарияланып жатыр.

Мәселен, Saryarqa арнасы мен zakon.kz сайтында Бөлекбаевтың облыс экономикасының барлық саласындағы өсім көрсеткіштері туралы сөздері берілген. Оның мәліметінше, облыс 9 ай ішінде 3 трлн теңге болатын өнім шығарған. Былтырғы кезеңмен салыстырғанда, инвестиция көлемі 14,6%-ға артып, 680 млрд-қа жеткен.

Үш мыңға жуық жаңа жұмыс орнымен қамтамасыз ететін 9 жоба жыл соңына дейін іске қосылады. Аймақтың фермерлері миллион тонна астық жинап, рекорд көрсетіп отыр. Қарағанды облысы тәуелсіз рейтинг бойынша жетінші орынға көтерілген.

Әкімнің айтуынша, барлы...

Қазан айының қорытындысы бойынша, теңге бағамы долларға шаққанда 488,23 теңгеге дейін 1,5%-ға құнсызданды, деп хабарлады Ұлттық банк.

Қазақстан қор биржасындағы сауда-саттықтың орташа күндік көлемі бір айда 222 млн доллардан 278 млн долларға дейін өсті. Сауда-саттықтың жалпы көлемі 6,1 млрд долларға жетті.

Ұлттық қордан аударымдар

Өткен айда Ұлттық қордан республикалық бюджетке трансферттерді қамтамасыз ету үшін 1 340 млн доллар сатылды. Ұлттық қордан сату үлесі жалпы сауда-саттық көлемінің 22%-ын және күніне 70 млн АҚШ долларынан аспайтын мөлшерді құрады.

«Ұлттық Банк Ұлттық қордың қаражатымен операциялар жүргізу кезінде нарықтың бейтарап қағидатын сақтайды. Бұл шетел валютасын ұдайы және біркелкі сатуды...

Грузияда парламенттік сайлау нәтижесіне келіспеген халықтың талабымен бюллетеньдер қайта саналды. Дегенмен қайта санау орталық сайлау комиссиясы шығарған нәтижеде қате кетпегенін анықтады.

Қайта санаудан кейін елдегі оппозиция өкілдері жаңа митинг жариялады. Оппозиционерлер митингіні 4 қарашаға жоспарлар отыр. Наразылық Тбилиси орталығындағы Руставели алаңында кешкі сағат 19.00 басталуы тиіс.

Олардың бұл бастамасын президент Саломе Зурабишвили де қолдап отыр.

«Бұл пессимизмнің уақыты емес, қазір тыныш отыруға болмайды. Басыңды көтеріп, дауысыңды қорғау маңызды», – деді президент.

Ал премьер-министр Ираклий Кобахидзе сайлау заңды болды деп есептейді. 

«Грузияның тәуелсіз мемлекет екендігімен келісуіміз керек. Арнайы қабылданған заңдар...

АҚШ қор нарығына Федералды резервтік жүйенің (ФРЖ) мөлшерлемені төмендету қарқынына ықпал етуі мүмкін жеке тұтыну инфляциясына қатысты маңызды деректер ұсынылды. Ірі технологиялық алпауыттар жасанды интеллектіге (ЖИ) инвестицияны ұлғайтып, пайдасын азайтып отыр. Сондықтан инвесторлар олардың акцияларын сатып жатыр. Ұлыбритания несие нарығында дағдарысты қайталауы мүмкін. Осы және басқа да тақырыптар туралы 31 қазандағы әлемдік БАҚ шолуынан оқыңыз.

Nasdaq және S&P 500 ірі компаниялар болашағына қатысты алаңдаушылық аясында төмендеп келеді

31 қазан, бейсенбі күні Meta мен Microsoft компаниялары жасанды интеллектіге қомақты шығындар жұмсайтынын хабарлағаннан кейін, Nasdaq индексі 2,3%-ға төмендеді. Бұл компаниялардың кірісіне әсер етуі мүмкін. S&P 500 индексі 1,43%-ға, Dow индексі 0,49%-ға...

Саран қаласының жылыту маусымына дайындығын бақыламаған Қарағанды облысының әкімі Ермағанбет Бөлекбаев президент Қасым-Жомарт Тоқаевтан сөгіс алды. Бұл жайлы президенттің баспасөз хатшысы Берік Уәли хабарлады.

«Мемлекет басшысы Қасым-Жомарт Тоқаев жылыту маусымына дайындық жұмыстарына тиісінше бақылау жасамағаны үшін Қарағанды облысының әкімі Ермағанбет Бөлекбаевқа сөгіс берді»,- деп жазды Уәли өзінің әлеуметтік парақшасында.

Айта кетейік, мұның алдында облыс әкімі премьер-министр Олжас Бектеновтен де ескерту алған болатын. 15 қазан күні өткен үкімет сағатында Бектенов халықтың жылусыз қалуына Саран қаласы әкімі жауапты екенін айтты. Сонымен бірге премьер-министр облыс әкімдігі тарапынан тиісті бақылау жүргізілмегені себепті осындай жағдайға жол берілгенін...

Telegram қолданушыларына видеоны тамашалау үшін оны жүктеудің қажеті болмайды. Мессенджер интернетке қосылу жылдамдығына бейімделеді. Платформадағы жаңа жаңартулар туралы оның негізін қалаушы Павел Дуров жазды.

«Осы уақытқа дейін телеграмм-арналардағы бейнелер жүктелген форматта көрсетіліп, қолданушылар қысқа видеоны көру үшін гигабайттар жұмсап, жүктеп алуға мәжбүр болды. Енді Telegram серверлері видеоларды бірнеше сапа түрінде ұсынады», — деп жазды Дуров.

Ол енді бейнені қарау кезінде Telegram автоматты режимде қосылу жылдамдығына байланысты бейне сапасын өзгертетінін түсіндірді.

Бұдан бөлек, платформада бұрын жіберілген хабарламаларға фотосуреттер немесе бейнелерді қосу мүмкіндігі пайда болды. Функцияны өңдеу мәзіріне кіріп бейімдеп алу қажет.

Осыған дейін мессенджерде Stars...

Қазақстанда теміржол локомативтерін және электровоздар шығаратын екі шетелдік компания өндірістік қуатын арттыру үшін қосымша инвестиция құюды жоспарлап отыр. Атап айтқанда, франциялық Alstom және америкалық Wabtec компаниялары 50 млн еуро және 200 млн доллар көлемінде қосымша инвестиция тартпақшы. Бұл жайлы Үкімет үйінің баспасөз қызметі хабарлады.

«Олжас Бектенов америкалық және франциялық Alstom және Wabtec компанияларының басшыларымен Қазақстанда теміржол машинасын жасауды одан әрі локализациялау жоспарларын талқылады»,- делінген баспасөз хабарламасында.

Alstom компаниясы Қазақстандағы теміржол индустриясының негізгі инвесторы саналады. Компания басшысы Эндрю Делеони компанияның 450-ден астам жаңа жұмыс орындарын аша отырып, электровозға техникалық қызмет көрсететін төрт орталықты...

Испанияда болған су тасқыны салдарынан 158 адам қаза тапты. Бұл оқиға 1973 жылдан бері ең алапат тасқындардың бірі болды. Су тасқыны елдің кейбір аймақтарына жауған нөсер жаңбырдан туындаған. Бұл туралы BBC арнасы хабарлады.

«Қазіргі таңда ең маңыздысы — мүмкіндігінше көп адамның өмірін құтқару», — деп мәлімдеді Испания премьер-министрі Педро Санчес.

Қаза болғандардың көбісі Валенсия автономдық қауымдастығында тіркелді, мұнда 155 адам қайтыс болды. Сонымен қатар Кастилия-Ла-Манча аймағында екі адам, ал Андалусияда бір адам су тасқынынан мерт болды. Валенсияның оңтүстік-батысында орналасқан Пайпорта муниципалитетінде өзен арнасынан асып, кем дегенде 40 адамның өлімі тіркелді.

Ресми өкілдер жоғалған адамдардың нақты...

Қазақстан үкіметі 15 трлн теңге көлеміндегі инвестициямен 17 ірі жобаның тізімін бекіткенін мәлімдеді. Бірақ олардың нақты атауын жариялауға асығар емес. Kursiv Research бұрын жарияланған мәліметтерге сүйене отырып, осы сипаттамаға сәйкес келетін жобаларды табуға тырысты. Олардың бенефициарларын атап, «ескі» және «жаңа» Қазақстанның өнеркәсіптік саясатын салыстырды.

Құпия тізім

17 мега-жобадан тұратын тізімді (оны ТОП-17 деп атайық) құру – президенттің жолдауын орындау мақсатында үкімет қабылдаған шара. Бұл туралы биылғы жылдың тамыз айының соңында Қазақстан Премьер-министрінің ресми сайтында жарияланған хабарламада айтылған. Хабарламада «үкімет 15 трлн теңгеден астам инвестиция көлеміндегі 17 ірі жобаның тізімін бекіткен» деп көрсетілген еді.

Ресми дереккөзде жобалардың нақты атауы...

Ресейдің Курск облысына жеткен Солтүстік Корея әскерінің саны 8000-ға жеткен. Олар қазір Украинамен соғысқа дайындалып жатыр. Бұл туралы АҚШ Мемлекеттік департаментінің басшысы Энтони Блинкен айтты.

Блинкеннің айтуынша, ресейлік әскерилер солтүстік кореялық әріптестеріне артиллериялық қару-жарақ пен дрондарды қолдануды үйретіп жатыр. 

«Жаяу әскерлердің негізгі операцияларын, соның ішінде траншеяларды тазартуды үйретуде. Бұл олардың КХДР әскери күштерін майдан шебіндегі операцияларда қолдануға ниетті екенін білдіреді», – деді Блинкен.

Пентагонның баспасөз хатшысы Сабрина Сингхтің айтуынша, Солтүстік Кореяның әскері алдағы апталарда Украина маңындағы Ресей әскерлеріне қосылуы мүмкін.

Ресми Вашингтон Ресей аумағында КХДР-дан 10 000-ға жуық әскери қызметші барын айтады. Оңтүстік Корея...

Toyota Motor Corp. және Nissan Motor Co. компанияларының көліктеріне әлемдік сұраныс төмендеп, өндіріс қысқарып, қытайлық авто өнеркәсіппен қатаң бәсекелестікке түсіп жатыр.

Bloomberg Intelligence мәліметтері бойынша, оңтүстік-шығыс Азия дамушы нарығында үстемдік ететін жапондық авто өндірушілер соңғы үш жылда қытайлық бәсекелестерге төтеп бере алмай келеді. Мәселен, Таиландта қытайлық автоөндірушілер электромобиль нарығында басымдық алған. Тек BYD жалпы сатылымның 40%-ын құраса, жапондық брендтер 1% аз. 

Жапондық авто өндірушілердің кірісінің өсуі 2025 және 2026 жылдары баяулауы мүмкін. Құлдырауға әкелуі мүмкін тағы бір фактор – Дональд Трамптың президенттік сайлауда жеңіске жетсе, АҚШ-та өндірілмеген көліктерді салық жеңілдіктерінен айыру туралы жоспары болып отыр.

Болжамдарға сәйкес, Mitsubishi Heavy...

Албанияның астанасы Тиранада өтіп жатқан еркін күрестен әлем чемпионатында қазақстандық балуан Нұрқожа Қайпанов жеңімпаз атанды.

70 келіге дейінгі салмақта күрескен Нұрғожа финалда жапон балуаны Аоягиден айласын асырды. 5:3 есебімен жеңіске жетті. Бұл Қазақстан қоржынындағы бірінші алтын.

Айта кетейік, Қазақстан құрамасы 1 алтын, 2 күміс медаль жеңіп алды. Осыған дейін грек-рим күресінің шебері Ержет Жарылқасын (63 кг) мен Жәмила Бақбергенова (72 кг) финалда қарсыластарына жол берген еді.

Сонымен қатар Тиранада жастар арасындағы әлем чемпионатында Ризабек Айтмұхан жеңімпаз атанып. Әлемнің үш дүркін чемпионы атанған еді.

Молдова Республикасының Конституциялық соты ЕуроОдаққа кіру туралы референдумның қорытындысын бекітіп, Конституцияға өзгеріс енгізу процесін бастады. Еуропалық интеграция «Молдова Республикасының стратегиялық мақсатына» айналады.

20 қазанда өткен референдумда ел азаматтары «Молдова Республикасының ЕуроОдаққа кіруі үшін Конституцияға түзетулер енгізуді қолдайсыз ба?» деген сұраққа жауап берген.

Орталық сайлау комиссиясының мәліметтері бойынша референдумға сайлаушылардың 50,72% қатысқан. Олардың 50,35%-ы еуроинтеграцияны қолдаса, 49,65%-ы қарсы шыққан. Осылайша одаққа қосылуды жақтаушылар бір пайыздан аз басымдықпен жеңіске жетті.

Молдова социалистік партиясы да референдум нәтижесін мойындамаған. Елдегі коммунистік партия референдум нәтижесіне қатысты Конституциялық сотқа шағым түсірген. Алайда сот партияны шағым түсіруге құқылы тарап өкілі деп танымады. 

Нәтижесінде Конституцияға бірқатар түзетулер енгізілетін...