Жаңалықтар

ХВҚ мен Дүниежүзілік банк басшылығы Украинаны үш миллиард доллармен қолдауға дайын

ХВҚ мен Дүниежүзілік банк Украинаға үш миллиард доллар көлемінде қаражат бөлуге дайын, деп жазады РИА Новости ұйымдар басшылығының бірлескен мәлімдемесіне сілтеме жасап.

Украинаны қолдау бағдарламасы бойынша жұмыс жалғасып жатқаны хабарланды. Осылайша, алдағы айларға 3 миллиард долларлық пакет дайындалуда, осы аптада олар кемінде 350 миллион доллар, содан кейін 200 миллион доллар көлемінде көмекті бекітеді.

 «ХВҚ-да біз Украинаның жедел қаржыландыру бағдарламасы арқылы шұғыл көмек көрсету туралы өтінішіне жауап беріп жатырмыз, оны біздің басқарма келесі аптада қарастыруы мүмкін», – деді басшылық.

Бұған дейін Франция премьер-министрі Жан...

ҚР Үкіметінің тиісті қаулысы Премьер-Министрдің интернет-ресурсында жарияланған

Қазақстанда биыл екі жылдық мерзімді әскери қызметке запастағы 190 офицер шақырылады, деп хабарлайды Интерфакс.

Үкіметтің 24 ақпандағы тиісті қаулысы сейсенбіде Премьер-Министрдің сайтында жарияланды және жарияланған күннен бастап күнтізбелік он күн өткен соң қолданысқа енгізіледі.

«Әскери қызметке жарамды және оны өтемеген запастағы офицерлер 2022 жылы заңда белгіленген тәртіппен екі жыл мерзімге әскери қызметке шақырылсын, офицерлер лауазымдарына әскери қызмет өткерсін» – делінген қаулыда.

Құжатқа қосымшаға сәйкес, биылғы жылы барлығы 190 запастағы офицер, оның ішінде Қарулы Күштердің 150 офицері және Ұлттық қауіпсіздік комитеті Шекара қызметінің 40 офицері шақырылуға жатады.

«Нұр Отан» партиясының кезектен тыс съезінде мәжіліс спикері Ерлан Қошанов саяси ұйым атын «Аманат» деп атау туралы ұсыныс жасады.

«Бабалар аманатына адал болуымыз керек. Сондықтан партияның атауын «Аманат» деп өзгертуді ұсынамыз» деді Е.Қошанов.

Бұл ұсынысты мемлекет басшысы Қасым-Жомарт Тоқаев қолдады.

«Бұл – еліміз үшін де, ұлтымыз үшін де айрықша мәні бар киелі ұғым. Егемендігіміз, елдігіміз бен бірлігіміз, кең байтақ жеріміз – бізге бабалардан жеткен аманат. Осы қастерлі құндылықтарымызды көздің қарашығындай сақтап, болашаққа мирас етуіміз керек» деді Президент.

Соңғы 24 сағат ішінде Украинадан Польшаға рекордтық көрсеткіш – 100 мыңнан астам адам кірген

Украинаның 377 мыңнан астам тұрғыны соғыс қимылдары басталғаннан бері Польшаға кірген, деп хабарлады республиканың шекара қызметі. Бұл туралы РИА Новости хабарлады.

«24 ақпаннан бері Шекара қызметінің офицерлері соғыс жүріп жатқан Украинадан қашып кеткен 377 400-ден астам адамды Украинамен шекара бекеттерінде тіркеді», – делінген хабарламада.

Шекара қызметінің мәліметінше, соңғы 24 сағат ішінде Украинадан Польшаға рекордтық көрсеткіш – 100 мыңнан астам адам кірген.

Небензя дипломаттарды елден шығару себептеріне қатысты түсіндірмелеріне қанағаттанбағанын айтты

АҚШ 12 ресейлік дипломатты БҰҰ-на персона нон грата деп жариялап, оларға 7 наурызға дейін елден кетуді бұйырды. Бұл туралы дүйсенбі күні баспасөз мәслихатында Ресейдің БҰҰ жанындағы тұрақты өкілі Василий Небензя мәлімдеді. Бұл туралы ТАСС агенттігі хабарлады.

 «Мен АҚШ билігі Ресейдің БҰҰ жанындағы миссиясына қарсы тағы бір дұшпандық шара қолданып, қабылдаушы ретіндегі өз міндеттемелерін өрескел бұзғаны туралы ақпарат алдым. Дипломаттарға 7 наурызға дейін [елден] кетуін талап етті», – деді Небензя.

Ресей Федерациясының тұрақты өкілі олардың дипломатиялық қызметкерлер туралы айтып отырғанын түсіндірді.

АҚШ-тың БҰҰ-дағы тұрақты өкілінің орынбасары...

2022 жылдың 1 ақпанындағы жағдай бойынша инвестициялық басқарудағы зейнетақы активтерінің жалпы көлемі 13,1 трлн теңгені құрады

2022 жылдың 1 ақпанындағы жағдай бойынша инвестициялық басқарудағы зейнетақы активтерінің жалпы көлемі 13,1 трлн теңгені құрады. Бұл ретте ҚР ҰБ сенімгерлік басқаруындағы БЖЗҚ зейнетақы активтері 13 096,03 млрд теңге. ИПБ басқаруындағы зейнетақы активтері 7,7 млрд теңгеге жетті. Бұл туралы БЖЗҚ АҚ-ның баспасөз қызметі хабарлады.

Зейнетақы активтерін Қазақстанның Ұлтттық Банкі (ҚРҰБ) мен инвестициялық портфельді басқарушылардың (ИПБ) инвестициялауы туралы толық ақпарат, сондай-ақ, инвестициялық қызметке 2022 жылдың 1 ақпанындағы жағдай бойынша шолу enpf.kz сайтындағы «Көрсеткіштер – Инвестициялық қызмет» бөлімінде жарияланған.

ҚРҰБ басқаруындағы зейнетақы активтерін...

Солтүстік Қазақстан облысы ғана «сары» аймақта тұр

COVID-19 таралуына жол бермеу жөніндегі ВАК 2022 жылғы 01 наурыздағы жағдай бойынша Қазақстан өңірлеріндегі эпидемиологиялық ахуалды бағалау матрицасын ұсынды.

    «Қызыл» аймақта:

    «Сары» аймақта: Солтүстік Қазақстан облысы.

    «Жасыл» аймақта: Нұр-Сұлтан, Алматы, Шымкент қалалары, Алматы, Ақтөбе, Атырау, Ақмола, Батыс Қазақстан, Шығыс Қазақстан, Жамбыл, Қарағанды, Қостанай, Қызылорда, Маңғыстау, Павлодар, Түркістан облыстары.

Елімізде індетке шалдыққан 293 адамның жағдайы ауыр

1 наурыздағы мәлімет бойынша 20 891 адам коронавирус инфекциясынан (19 815 КВИ+ және 1 076 КВИ-) емделуде, олардың ішінде

2 391 пациент стационарда,

 18 500 науқас амбулаториялық деңгейде ем қабылдауда.

КВИ+, КВИ- шалдыққандардың арасында:

 193 адамның жағдайы ауыр,

 55 пациенттің жағдайы өте ауыр,

 45 науқас ӨЖЖ аппаратында жатыр.

Жасөспірімдерді, жүкті әйелдерді және бала емізетін аналарды вакцинациялау бойынша ақпарат. 

2022 жылғы 28 ақпандағы «Pfizer» вакцинасының I-ші дозасын 840 906 адам, ІІ-ші дозасын 603 282 адам  салдырды.

 Оның ішінде:

 І-ші компонентімен

 Жасөспірімдер – 696 988,

 Жүкті әйелдер – 31 931,

 Бала емізетін әйелдер...

Жалпы ел бойынша ауырғандар саны 1302550

Қазақстанда өткен тәулікте 228 адамда коронавирус індеті ПТР арқылы расталып ауырғаны белгілі болды.

Аймақтар бойынша:

Нұр-Сұлтан қаласы – 14

Алматы қаласы – 94

Шымкент қаласы – 3

Ақмола облысы – 7

Ақтөбе облысы – 1

Алматы облысы – 11

Атырау облысы – 6

Шығыс Қазақстан облысы – 12

Жамбыл облысы – 4

Батыс Қазақстан облысы – 2

Қарағанды облысы – 14

Қостанай облысы – 18

Қызылорда облысы – 2

Павлодар облысы – 19

Солтүстік Қазақстан облысы – 21

Жалпы ел бойынша ауырғандар саны 1302550.

Украина төңірегіндегі қақтығыстың ушығуы аясында

Сауда-саттық қорытындысы бойынша 25 ақпанда теңгенің биржалық бағамы бір апта ішінде 7,1%-ға (428,32 теңгеден) әлсіреп, бір АҚШ доллары үшін 458,91 теңге деңгейінде қалыптасты. Дамушы нарықтар валюталарының серпіні Украина төңірегіндегі қақтығыстың ушығуы аясында көбінесе теріс болды. Бұл туралы ҚР Ұлттық Банк баспасөз қызметі хабарлады.

Дамушы елдер валюталарының АҚШ долларына қатысты бағамдарының серпіні төмендегідей қалыптасты:

Оңтүстік Африка ранды жаһандық тәуекел-сентиментінің төмендеуі аясында 0,2%-ға (15,13-тен 15,16-ға дейін) әлсіреді;

Бразилия реалы Украинадағы дағдарыстың шиеленісуі және инфляциялық күтулердің өсуі аясында 0,2%-ға (5,14-тен 5,15-ке дейін) әлсіреді;

Мексика песосы геосаяси тәуекелдердің өршуі және ақпан айының ортасында инфляцияның күткеннен де...

Disney компаниясы серіктестерімен бірге украиндық босқындарға қажетті гуманитарлық көмек көрсетеді

Walt Disney компаниясы Twitter-де Украинадағы жағдайға байланысты өз фильмдерін ресейлік кинотеатрларға жеткізуді тоқтататынын хабарлады.Бұл туралы РИА Новости мәлімдеді.

Біз Ресейде прокатқа шығарылатын фильмдерді тоқтатамыз. Біз жағдайға байланысты әрі қарай шешімдер қабылдаймыз.

Диснейдің айтуынша, компания серіктестерімен бірге украиндық босқындарға қажетті гуманитарлық көмек көрсетеді.

Бұл санкциялар ел басшылығының алты өкіліне қатысты

 Жапония Сыртқы істер министрлігі Украинадағы жағдайға байланысты үкіметтің Ресейге қарсы салған санкцияларының егжей-тегжейлерін жариялады. Бұл туралы РИА Новости хабарлады.

Осылайша, ел басшылығының алты өкілі, атап айтқанда, президент Владимир Путин, сыртқы істер министрі Сергей Лавров және қорғаныс министрі Сергей Шойгу жеке санкцияларға ұшырады.

Бұдан бөлек, жеке санкциялар Қауіпсіздік кеңесі төрағасының орынбасары Дмитрий Медведевке, Қарулы күштер бас штабының бастығы Валерий Герасимовқа және Қауіпсіздік кеңесінің хатшысы Николай Патрушевке де қолданылады.

Егер олардың активтері Жапонияда анықталса, онда бұғатталады.

Сонымен қатар, экспорттық санкциялар 49 компания мен ұйымға, соның ішінде ФСБ, ГРУ, «Сухой компаниясы» АҚ, «РАЦ...

Қару-жарақ және дәрі-дәрмек сатып алу үшін

Украина қару-жарақ және дәрі-дәрмек сатып алу үшін қаржылай көмек ретінде Австралиядан $3 млн алады. Бұл туралы ел премьер-министрі Скотт Моррисон мәлім етті,-деп хабарлады. t.me/atamekenbusiness_qaz Telegram каналы.

«Шұғыл шара ретінде Австралия НАТО арқылы Украинаға қару-жарақ пен дәрі-дәрмектерді сатып алу және жеткізу, сондай-ақ осы елге қаржылай көмек көрсету үшін шамамен 3 миллион доллар жібереді. Украинаға әскери техникалар мен қару-жарақтарды беру тәртібі НАТО-дағы серіктестермен және одақтастармен талқыланып, Америка Құрама Штаттары мен Ұлыбританиядағы әріптестермен арадағы келіссөздер аяқталғаннан кейін айтылады», – деді премьер-министр.

Қаражат 30 млн теңгеге дейін өседі деп болжануда

Қазақстан тұрғындары украиндықтарға гуманитарлық көмек көрсету үшін 20 миллион теңгеден астам қаражат жинап үлгерді. Бұл туралы саясаттанушы Досым Сәтбаев Facebook парақшасында айтты. Оның айтуынша, жақын арада бұл сома 30 миллион теңгеге жетеді.

«Украина елшілігіне украиналық бауырларымызды қолдауға үлес қосу үшін күн сайын адамдар келуде», – деді саясаттанушы.

Бұл ретте қаражаттың бір бөлігін дәрі-дәрмек сатып алуға жұмсалады. Гуманитарлық көмекті Польша арқылы жеткізу жоспарлануда. Бұл орайда қазақстандықтарға Украинаның Қазақстан Республикасындағы Елшілігі мен поляк серіктестері көмектесуде.

Нұр-Сұлтан мен Алматыдағы Украина елшіліктерінің жанынан гуманитарлық көмекті қабылдау пункттері орнатылды.

Нью-Йорк губернаторы штатқа ресейлік құрылымдармен бизнес жүргізуді тоқтатуды бұйырды

Нью-Йорк губернаторы Кэти Хокул твиттерде мемлекеттік билік органдарына Украинамен ынтымақтаса отырып, ресейлік құрылымдармен іскерлік ынтымақтастықты қысқартуға нұсқау беретін бұйрық шығарғанын жазды. Бұл туралы РИА Новости хабарлады.

«Бүгін мен мемлекеттік органдарға ресейлік құрылымдармен бизнес жүргізуді тоқтату туралы бұйрыққа қол қойдым», – деп жазды ол.

Азаматтардың 10,07 пайызы қарсы дауыс берді

Беларусьте Конституцияға өзгерістер мен толықтырулар енгізу бойынша референдумның алдын ала қорытындысы шығарылды. ОСК мәліметінше, Негізгі заңға енгізілген түзетулерді 65,16% қолдаса, 10,07% қарсы болды, деп хабарлайды Беларусь ОСК Telegram-каналында.

Комиссияның мәліметінше, 4,4 миллион адам немесе жалпы қатысушылардың 65,16 пайызы Негізгі заңға енгізілген өзгерістерді қолдаған. 686 мыңы немесе 10,07 пайызы қарсы болды.

Жалпы референдумға 5,3 миллион адам қатысты.

Еске сала кетейік, өткен жылдың соңында Беларусь билігі республика Конституциясына енгізілетін өзгерістер мен толықтырулар жобасын бүкілхалықтық талқылауға ұсынған болатын.

Ұлттық құқықтық порталда жарияланған құжатта, атап айтқанда, президенттің өкілеттіктерін қысқартып, оның өкілеттігін екі мерзіммен шектейтін түзетулер...

Турнирдің финалында «скаузерлер» Челсиді жеңді

«Ливерпуль» ФК өз тарихында тоғызыншы рет Ағылшын лигасының кубогын жеңіп алып, бұл көрсеткіш бойынша рекорд орнатты.

Лондондағы «Уэмбли» стадионында өткен матчтың негізгі және қосымша уақытында ешбір гол соғылмады.

Жеңімпаз 11 метрлік соққылар сериясында анықталды, оны Ливерпуль ойыншылары сәтті орындады – 11:10.

Қалған он бес өңір «Жасыл» аймаққа өтті

COVID-19 таралуына жол бермеу жөніндегі ВАК 2022 жылғы 28 ақпандағы жағдай бойынша Қазақстан өңірлеріндегі эпидемиологиялық ахуалды бағалау матрицасын ұсынды.

 «Қызыл» аймақта:

  «Сары» аймақта : Алматы қаласы, Солтүстік Қазақстан облысы.

  «Жасыл» аймақта: Нұр-Сұлтан, Шымкент қалалары, Алматы, Ақтөбе, Атырау, Ақмола, Батыс Қазақстан, Шығыс Қазақстан, Жамбыл, Қарағанды, Қостанай, Қызылорда, Маңғыстау, Павлодар, Түркістан облыстары.

Жалпы ел бойынша ауырғандар саны 1302322

Қазақстанда өткен тәулікте 263 адамда коронавирус індеті ПТР арқылы расталып ауырғаны белгілі болды.

Жалпы ел бойынша ауырғандар саны 1302322.

28 ақпандағы мәлімет бойынша, 22 314 адам коронавирус инфекциясынан (–21 224+ және 1 090 КВИ-) емделуде, олардың ішінде 2 547 пациент стационарда, 19 767 науқас амбулаториялық деңгейде ем қабылдауда.

КВИ+, КВИ- шалдыққандардың арасында:

• 185 адамның жағдайы ауыр,

• 62 пациенттің жағдайы өте ауыр,

• 55 науқас ӨЖЖ аппаратында жатыр.

Кипр Азаматтық авиация басқармасы Ресеймен әуе қатынасының жабылғанын хабарлады

 Кипр Ресеймен әуе қатынасын жабу туралы шешім қабылдады. Бұл туралы РИА Новости Кипр Азаматтық авиация басқармасының сайтында жарияланған ұшу экипажынаның хабарламасына сілтеме жасап мәлімдеді.

Ресей Федерациясының азаматтарына және ресейлік әуе операторы сертификаттарына ие барлық пайдаланушыларға тиесілі, жалға алынған, басқарылатын немесе басқаша түрде бақыланатын барлық әуе кемелеріне Кипрдің әуе кеңістігіне кіруге, одан шығуға немесе ұшуға тыйым салынады.

Сондай-ақ, бұл тыйымға шұғыл қону, гуманитарлық ұшулар кірмейді.

ЕО басшысы фон дер Ляйен: ЕО Украинадан босқындарды қабылдауға дайын

Еурокомиссия басшысы Урсула фон дер Ляйен Euronews телеарнасының эфирінде Еуропалық Одақтың Украинадан босқындарды қабылдауға дайын екенін айтты. Бұл туралы РИА Новости хабарлады.

«Біз бірнеше апта бойы әртүрлі нұсқаларға дайындалдық. Әрине біз бұл босқындарды қабылдауға дайынбыз. ЕО-қа мүше елдермен бірге төтенше жағдайларға қарсы жоспарларымыз бар», – деді фон дер Ляйен.

Жексенбі күні Еуропалық ішкі істер комиссары Иова Йоханссон кем дегенде 300 000 украин азаматы елде болып жатқан оқиғаларға байланысты ЕО-ға кіргенін, олардың өте аз бөлігі ғана баспана немесе халықаралық қорғау туралы өтініш бергенін айтты.

«Телефонды құшақтап ұйықтайды», «әжетханаға да телефонмен кіреді», «мұның телефонмен кіндігі байланып қалған» деген сөздер таныс па? Расында, смартфон күніміздің біраз бөлігін бірге өткеретін «досымызға» айналды. Алыс-алыс жерлерден жылдам хабар алғызатын құралдың пайдасы ұшан-теңіз десек те, кейде «жауымыз» боп шыға келгенін байқамай қалуымыз мүмкін. Өйткені телефонға шамадан тыс үңілу денсаулыққа зиян тигізіп қана қоймай, жақындармен араны да алшақтатуы бек мүмкін. Сондықтан арагідік демалыс жариялап, диджитал детокс жасап тұрған жөн. Ол не, оны қалай істейді десеңіз, бүгінгі материалымыз сіз үшін.

Смартфоныңыз бар болса, оның ішіндегі көп функияның бірі — қанша уақыт телефонға үңіліп отырғаныңызды есептеп беретіні. Орта есеппен бір тәуліктегі 24 сағатты...

Биылғы жылдың 1 наурызы мен 30 маусымы аралығында елімізде көктемгі әскерге шақыру науқаны өтеді. 2022 жылдың көктемінде Қарулы күштердің, басқа да әскерлері мен әскери құралымдардың қатары әскерге шақыруды кейінге қалдыру немесе одан босатылуға негізі жоқ 18-27 жас аралығындағы он жеті мыңға жуық жасөспіріммен толығады.

«Қорғаныс министрлігі жастардың мерзімді әскери қызмет өткеруге деген ынтасын арттыруға бағытталған ұсыныстар әзірледі», – деп атап өтті Ұйымдастыру-жұмылдыру жұмысы департаментінің бастығы полковник Сәкен Жүсіпов.

Олар сарбаздарға мерзімді қызмет кезінде кредит мерзімін ұзартуға, белгіленген мерзімдегі қызметіне біржолғы ақшалай сыйақы төлеуге, білім беру секторында жеңілдіктер беруге, сондай-ақ олардың отбасы мүшелеріне коммуналдық қызметтерге ақы төлеуге қатысты...

Тыйым бөлшектер мен жабдыққа да қатысты

Еуропалық Одақ ресейлік әуе компанияларына ұшақтар мен жабдықтарды сатуға тыйым салады, деп мәлімдеді Еурокомиссия басшысы Урсула фон дер Ляйен. Бұл туралы РИА Новости хабарлады.

ЕК басшысының айтуынша, тыйым Ресей экономикасының негізгі секторы мен елдің коммуникациялық мүмкіндіктерінің деградациясына әкеледі.

«Қазіргі ресейлік коммерциялық әуе флотының төрттен үш бөлігі Еуропалық Одақ, АҚШ және Канадада салынған. Сондықтан ол оған қатты тәуелді», – деді ол.

Бұған дейін Еуроодақ елдерінің басшылары кезектен тыс саммитте Ресейге қарсы қаржы секторына, энергетика мен көлік секторларына, қос мақсаттағы тауарлар мен визалық саясатқа әсер ететін жаңа санкциялар туралы келісті.