Жаңалықтар

Алматы облысы Іле аудандық мәслихатының депутаты Нұрлан Байғазиевке қатысты Таразда орын алған оқиға әлдеқайда жеңіл тұрмыстық жанжал болып шықты. Бұл туралы оқиға куәгерлері HALYQSTAN басылымына айтып берген.

Оқиға Қайрат Рысқұлбеков атындағы саябақта орналасқан «Ғибрат» мейрамханасында болған. Бұл орын Жамбыл облыстық полиция департаментінің дәл жанында орналасқан. Депутат Байғазиев сол жерде бейресми жұмыс кездесуін өткізіп отырған.

Депутат телефонын жақын маңдағы үстелдердің біріне қойып, қуаттауға қосқан. Алайда бұл үстел басында бала-шағасымен отбасы отырған. Куәгерлердің айтуынша, Байғазиев телефонын қайта-қайта барып тексеріп, отбасыға ыңғайсыздық туғызған. Тіпті бір сәтте құрылғыны баланың үстіне құлатып ала жаздаған.

Сол сәтте әйел адам депутаттан зарядтау орнын ауыстыруды сыпайы түрде...

Миллиардер Владимир Кимге тиесілі банктің табысы өсті. Bank RBK 2025 жылдың қаңтар-наурыз айларында 17,4 млрд теңге көлемінде таза пайда тапқан. Бұл өткен былтырмен салыстырғанда 41,5% немесе 5,1 млрд теңгеге артық.

Банктің пайызсыз түсімдері бір жыл ішінде 58,5%-ға өсіп, 17,1 млрд теңгеге жетті. Ал пайыздық түсімдер 15,2 млрд теңгені құрап, 16,5%-ға артты.

Сонымен қатар, есепті кезеңде банктің «басқа жиынтық кірісі» теріс мәнге ие болды – минус 6,4 млрд теңге. Былтыр бұл көрсеткіш 4,5 млрд теңге көлемінде оң нәтиже көрсеткен. Бұл өзгеріске, негізінен, инвестициялық бағалы қағаздардың нарықтық құнының төмендеуі себеп болды (–6,8 млрд теңге).

Банк активтері, 2,4 трлн теңгені құраса, міндеттемелер...

Депутат Екатерина Смышляева Мәжілісте «жасанды интеллект туралы» заң жобасын талқылау барысында ЖИ-дің кейбір мамандықтарды алмастыру қауіпі бар деген болжамға қатысты пікір білдірді.

Депутат жасанды интеллект (ЖИ) қарқынды дамып, түрлі салаларға еніп жатқанын атап өтті.  Осы орайда, «ЖИ адамдардың жұмыс орнын тартып ала ма?» деген сұрақ та жиі көтерілетінін еске салды.  Смышляева ЖИ-дің бірқатар механикалық мамандықтарды ығыстырғанымен, жаңа жұмыс орындарын да қалыптастыратынын алға тартады.

«Мұнда белгілі бір тепе-теңдік сақталады. Жасанды интеллект кейбір ескі кәсіптерді жойғанымен, соның орнын басатын жаңа мамандықтар пайда болады», — дейді депутат.

Смышляеваның айтуынша, басты мәселе — мамандарды жаңа кәсіпке қайта даярлау қажет.

Соңғы аптада Нұрсұлтан Назарбаевтың заңды некелескен әйелі Сара Назарбаеваның ауырғаны, кейінірек қайтыс болғаны жайлы сыбыс тарады. Ресми дереккөздер бұрынғы бірінші ханымның Алматыдағы Президент басқармасына қарайтын Ұлттық госпитальда жатқанын хабарлады. Қазір онда не болып жатыр, неге дәл сол емхананы таңдады?

Kursiv.Media тілшісі Назарбаева емделіп жатқан мекемеге барып қайтты. Бірден көзге түскені – госпиталь маңайында тәртіп сақшыларының күшейгені. Әсіресе, Шевченко-Назарбаев көшелерінің қиылысында күзет ерекше, көліктердің қозғалысына шектеу қойған.

Ұлттық госпитальға кіре берістегі күзетшіден Сара Назарбаева жайлы сұрадық. Бірақ ол Назарбаева жайлы да, оның қайтыс болғаны жайлы ешнәрсе білмейтінін айтып, жауап беруден бас тартты.

Госпиталь сыртында тұрған полицияның қандай себеппен күзетте...

Енді алматылықтар Ыстықкөлге 55 минутта жете алады. FlyArystan 2025 жылғы 3 шілдеден бастап Алматыдан Тамшыға қатынайтын тікелей рейс ашылатынын хабарлады.

Отандық лоукастер мәліметінше, жаңа бағыт бойынша рейстер аптасына екі рет – бейсенбі және жексенбі күндері – 31 тамызға дейін орындалады.

Алматы мен Тамшы (Ыстықкөл) арасындағы әуе сапары бар болғаны 55 минутқа созылады. Кері бағытта ұшу ұзақтығы – 1 сағат. Салыстырар болсақ, алматылықтар Ыстыккөлге дейін автокөлікпен кем дегенде 5-7 сағат жол жүруге мәжбүр.

Бейсенбі күндері:

Жексенбі күндері:

Бір жыл бұрын бұрынғы ұлттық экономика министрі Қуандық Бишімбаев пен оның туысы Бақытжан Байжановқа сот үкімі шықты. 2024 жылдың 13 мамырында Бишімбаев 24 жылға, Байжанов 4 жылға бас бостандығынан айырылды. KursivMedia бірнеше айға жалғасқан сот процесі қалай өткенін, үкім шыққаннан кейін сотталғандар төңірегіндегі ақпаратқа шолу жасады.

Салтанат Нүкенова қайтыс болды

2023 жылдың 9 қарашасында Астанадағы Bau мейрамханасында экс-министр Қуандық Бишімбаев әйелі Салтанат Нүкенованы өлтірді деген күдікпен ұсталды. 

Қылмыстық іс бойынша тергеу қаңтарда аяқталды. Сот процесі наурызда басталды. Айыптау актісінде Қуандық Бишімбаев пен Салтанат Нүкенованың заңды некеде тұрмағаны айтылды.

Айыптау актісіне сәйкес, Бишімбаев азаматтық некедегі жары Нүкеноваға туыстары, достарымен...

Ажырасқандарға салынатын салық туралы мәселе қоғамда қызу пікірталас тудырып отыр. Мамандар таяқтың екі ұшы бар екенін айтады.

Статистикаға жүгінетін болсақ, 2024 жылы елімізде 40 569 отбасының шаңырағы ортасына түскен. Коэффициенті 1000 адамға шаққанда 2,01-ге жетіп отыр. Батыс еуропа елдеріндегі көрсеткішке теңесіп, Орталық Азияда бұрын-соңды болмаған деңгейге шыққан.

«Қазақстандағы ажырасу көрсеткіші өте жоғары. Әлемдегі бестікке кіріп отырмыз. Әрбір үшінші неке ажырасумен аяқталады екен. Бұл құбылыс балалардың толық емес отбасында өсуіне, әлеуметтік көмекке мұқтаж азаматтардың көбеюіне,экономикалық-психологиялық түйткілдерге әкеліп соғады», – дейді экономист Бауыржан Ысқақов.

Салық қандай пайда әкеледі?

Ажырасқандарға салынатын салық қандай пайда әкелуі мүмкін? Экономистің пікірінше...

Lada Granta автокөліктер тобы жаңа модификациямен – Active Cross лифтбэгімен толығады. Бұл нұсқа жол талғамайтын көліктерге тән биік клиренсі және қорғау қабаты бар сыртқы дизайнымен ерекшеленеді. Бұл туралы АвтоВАЗ компаниясы хабарлады.

Жаңа модификацияның басты ерекшелігі жол саңылауының (клиренсі) 180 мм-ден 198 мм-ге дейін ұлғаюы. Сонымен қатар, корпустың геометриясы оңтайландырылған, осының арқасында кедергілерден еркін өтуге мүмкіндік береді. АвтоВАЗ бұл өзгерістерді шағын кроссоверлермен салыстыруға болатын сипаттар ретінде атап өтті.

Lada Granta Active Cross 1,6 литрлік, 90 және 106 ат күшіне ие қозғалтқыштармен, сондай-ақ 5 сатылы механикалық беріліс қорабымен жабдықталады.

Базалық жиынтыққа мыналар кіреді:

Еуропалық Одақ (ЕО) Ресейге қарсы 17-ші санкциялар пакетін бекітті. euronews басылымының жазуынша, жаңа шектеулер Ресейдің көлеңкелі танкер флотына бағытталған. Бұл флот Батыс санкцияларын айналып өтіп, мұнай сатуды жалғастырып отырған ескі, сақтандырылмаған кемелерден тұрады.

Кемелерде жалған дерек беру, трансопондерді өшіру, мұнайды кеме-кеме арасында тасымалдау арқылы баррельдердің шығу тегін жасыру сынды айла-шарғы қолданылып келеді. Қазірге дейін 153 танкерге ЕО порттарына кіруге тыйым салынған болса, жаңа санкциялармен бұл сан 350-ден асады.

Бұған қоса, 75 жеке тұлға мен компания қара тізімге енгізілді. Олардың қатарында Ресейдің әскери-өнеркәсіптік кешенімен байланысты ұйымдар мен Қазақстан, Түркия, Сербия, Өзбекстан, Вьетнам және БАӘ секілді елдердегі қос мақсаттағы...

Қазақстан үкіметі 2025 жылға жоспарланған жалпы ішкі өнімнің (ЖІӨ) 5,6% өсіміне жете алмайды. Экономика тек 5,3%-ға ғана өседі. Halyk Finance сарапшылар осылай деп есептейді.

Оған себеп ретінде қатаң ақша-несие саясаты, мұнай бағасының төмендеуі және сыртқы нарықтардағы тұрақсыздықты атап көрсетеді.

«Біздің 2025 жылға ЖІӨ өсімі жөніндегі болжамымыз – 5,3%. Негізгі қозғаушы факторлар: Теңіз кен орнын кеңейту жобасының толық іске қосылуы аясында мұнай өндіру көлемінің өсуі және ірі инфрақұрылымдық жобаларды, соның ішінде бюджет шығындары мен Ұлттық қор трансферттері есебінен жүзеге асыру», – деп жазылған Halyk finance есебінде.

Halyk Finance өз болжамын мұнайдың орташа...

Mastercard экономикалық институтының Travel Trends 2025 есебіне сәйкес, туристерді ең жиі алдайтын қалалар қатарына Канкун (Мексика), Ханой (Вьетнам), Дакка (Бангладеш) және Бангкок (Таиланд) енген.

Ал ең қауіпсіз саналатын, алаяқтық деңгейі төмен қалалар ретінде Сан-Франциско (АҚШ), Дублин (Ирландия), Сеул (Оңтүстік Корея), Будапешт (Венгрия) және Эдинбург (Шотландия) аталды.

Зерттеу деректеріне сүйенсек, алаяқтар туристер көп келетін жоғары маусымда (әсіресе жылы мезгілде) ерекше белсенді бола түседі. Жазда мұндай жағдайлар 18%-ға, ал қыс мезгілінде 30%-ға дейін артады.

Туристерді қалай алдайды?

Алаяқтық көбіне саяхат жоспарлау кезеңінде жасалады. 2024 жылы бұл көрсеткіш 2023 жылмен салыстырғанда 12%-ға өскен. Көпшілік жиі баратын, танымал бағыттарда қауіп те...

Apple компаниясы қаңқасы әйнек, сонымен бірге екі бүктелетін алғашқы iPhone смартфонын шығарады. Бұл туралы Bloomberg жазды.

Агенттіктің мәліметінше, компания iPhone-ның 20 жылдығына орай бірнеше жаңа өнім ұсынуды көздеп отыр. Атап айтқанда, екі бүктелетін ең алғашқы Айфон 2027 жылы саудаға түседі. Компаниядағылар оны ең маңызды екі жаңалықтың бірі деп біледі.

Бұған қоса, Apple қаңқасы әйнектен жасалған жаңа смартфонды таныстырады. Ол iPhone X моделінің 10 жылдығына орай саудаға түседі.

Apple-дің алғашқы ақылды көзілдірігі шығатын күн де алыс емес. Компания осындай өнімге арнайы чип дайындуды көздеп отыр. Көзілдірікке Apple Intelligence жүйесі орнатылады. Оның көмегімен қоршаған ортаны видеоға түсіріп алуға да болады.

Сонымен...

Мәжіліс депутаты Мұрат Әбенов қыз алып қашу фактілеріне байланысты Қылмыстық кодекске енгізіліп жатқан өзгерістер туралы пікір білдірді.

Депутаттың айтуынша, бұл мәселе еліміздің кейбір өңірлерінде әлі де белең алып отыр, ал жәбірленушілердің көпшілігі әділдікке қол жеткізе алмай келеді.

«Бұл нормаларды не үшін қабылдап жатырмыз? Соңғы үш жылда полицияға 214 шағым түскен. Қыз алып қашу немесе мәжбүрлеп некеге тұрғызу бойынша. Бірақ соның тек 10-ы ғана сотқа дейін жеткен. Қалған 205 істің бәрі жабылған», — деді депутат.

Әбеновтің айтуынша, көптеген жағдайда қыздардың сөзін елемеген.

«Кейбір қыздар көліктен секіріп кеткен, оларға...

Тоқаев Көлік министрі Марат Қарабаевқа сөгіс жариялады. Президент Қасым-Жомарт Тоқаевтың төрағалығымен өткен Қауіпсіздік Кеңесінің отырысында көлік және логистика саласындағы түйткілдер талқыланған.

Ақорданың хабарлауынша, жиын барысында Мемлекет басшысы саланың қазіргі жай-күйін сынға алып, бірқатар өзекті мәселелерге назар аударды.

Көлік министрі Марат Қарабаев пен басқа да мемлекеттік орган басшылары өз баяндамаларында атқарылып жатқан жұмыстарды таныстырғанымен, Президент олардың тиімділігіне күмән келтірді.

Оның айтуынша, салада қордаланған мәселелер жеткілікті: шекарадағы жүк өткізу қиындықтары, тозығы жеткен өткізу бекеттері, уақытынан кешігетін инфрақұрылымдық жобалар, авиаотын тапшылығы сынды түйткілдер көлік-логистика жүйесін жаңғыртуға едәуір кедергі келтіруде.

Президент «Жасыл дәліз» жүйесін құрудың маңыздылығын атап өтіп, Қазақстанның транзиттік әлеуетін...

Былтыр қатарлық инвесторға сатылған Bereke bank жалпы табысын 29 есе артырды. Банктің қаржы есептілігіне сәйкес, банктің табысы 454 млн теңгеден 13,2 млрд теңгеге бірақ жеткен.

Ал таза пайдасы 2024 жылдың соңында 645 млн теңгені құраса, биыл үш айда 7,8 млрд теңге болды. Өйткені банк қайта бағалау нәтижесінде инвестициялық құралдардан 5,4 млрд теңге шығын шеккен.

Таза табыстың қарқынды өсуі бірнеше факторлармен байланысты. Біріншіден, банк активтерінің сапасы мен құрылымы оңтайландырылды. Клиенттерге берілген кредиттер көлемі тұрақты өсіп келеді, ал шетелдік банктердегі қаражат қалдықтары да ұлғайған.

Банктің негізгі табысы – пайыздық кірістерден құралған:

Құны 900 млн теңгені құрайтын қоқыс полигоны мемлекет меншігіне қайтарылды. Бұл туралы Қызылорда қаласының прокуратурасынан хабарлады.

Тұрмыстық қатты қалдықтарды қайта өңдейтін полигон бұған дейін жергілікті кәсіпкерге тиесілі болған. Оны кәсіпкер шарт негізінде 15 жыл мерзімге сенімгерлік басқаруға алған.

Бірақ кәсіпкер әкімдік алдындағы міндетін дұрыс атқармаған. Есеп тапсыру, тапқан пайдасының елу пайызын сыйақы ретінде және таза кірісінің бөлігін мемлекетке төлеу жөніндегі шартын орындамаған. Дегенмен әкімдік те бұл міндеттемелердің орындалуына бақылау жасамаған деп хабарлайды прокуратурадан.

«Қадағалау актісінің нәтижесімен құны 700 млн теңгені құрайтын тұрмыстық қатты қалдықтарды қайта өңдейтін полигон және 326 га көлемінде, құны 210 млн теңген...

Алматы туризм бюросы алғаш рет ресми гастрономиялық гид әзірледі. Гидке 140-тан астам мейрамхана енді.

Алматы бүгінде тек тауларымен ғана емес, ұлттық асханасымен де туристерді қызықтырып отыр. Қазақтың ет тағамдары, бауырсақ пен қымыздан бастап, заманауи интернационал дәмдерге дейін — бәрі бір қалада тоғысқан.

Гид үш бағытта құрылған:

Мейрамханалардың тізімі бар нұсқаулық қазақ, орыс, ағылшын тілдерінде жарық көрді. Туристерге тур-фирмалар мен әуежайларда берілетін болады. Сондай-ақ онлайн форматта да көруге болады.

Сонымен қатар, гидте Алматыға ғана...

Ұлттық қор активтері бір айда 600 млрд теңгеге өскен. Бұл туралы Ұлттық банктің монетарлық шолуында жазылған.

Есепке сәйкес, наурыз айында қор активтерінің құны 29,2 трлн теңгеге тең болса, сәуір айында ол 29,8 трлн теңгеге жеткен. Алайда соңғы 12 айда шамалы төмендеу байқалды: 2024 жылдың наурызында бұл сома 30,9 трлн теңге болған.

Ал Ұлттық қорда жинақталған қаражат бір айда 32,9 трлн теңгеден 33,5 трлн теңгеге дейін жеткен.

Алайда Қаржы министрлігінің Ұлттық қор қаржысын пайдалану есебінде 2025 жылдың алғашқы төрт айында қордан 2 трлн теңге алынғаны жазылған. Нәтижесінде жыл басындағы 33 трлн теңгеден қазір 31,9 трлн теңге...

Беларусь елінен келген жүк көлігі жүргізушісі Константин Костен Қазақстан мен Ресей шекарасынан түсірілген бейнежазбасын әлеуметтік желілерде жариялады. Ол Қазақстандағы жолдардың сапасы өте нашар екенін, әрі мұны бұл елдің «келбеті» деп баға берді.

Бейнежазбаны ол Солтүстік Қазақстан облысындағы «Жаңа жол» өткізу пунктінде түсірген. Ал қарсы бетте — Ресейдің Қорған облысындағы «Петухово» бекеті орналасқан.

Шетел азаматы Константин шекара маңындағы қоқыс, лас орындар мен жолдың нашар күйін көрсетіп, бұл жерлерде қоқыс жәшіктерінің жоқ екенін, нәтижесінде қалдықтардың жол жиегіне шашылып жатқанын айтады.

«40 км/сағ жылдамдықты көрсететін белгіні жай ғана күлкі үшін қойғандай — өтетін-өтпейтініңді байқап көр дегендей», — деп келемеждед...

Спагетти – етті кеспе – түркілердің асы екен. Италияға Марко Поло апарыпты.  Бұл туралы Олжас Сүлейменов мәлімдеді.

Ақын, түркітанушы Олжас Сүлейменов сұхбатында ресейлік танымал ақын Андрей Вознесенский және әдебиеттанушы Дмитрий Лихачевпен бірге Италияның Палермо қаласына бірге саяхаттаған кезін еске түсірді. Сонда әдебиетшілер спагетти төңірегінде әңгіме қозғаған.

Палермо қаласы Сицилияда орналасқан. Олар кезекті әдеби жиынға келген.

Итальяндық ғалым мойындаған

«Біз теңіз жағалауында отырдық. Спагетти жедік. Дмитрий Лихачевтен «спагетти сөзінің қайдан шыққанын білесіз бе?» деп сұрадым. «Сіз осындай сұрақ қойсаңыз, онда Шығыстан шыққаны ғой», – деп жауап берді. «Дәл айттыңыз» дедім», – деп күлді Олжас Сүлейменов.

Олардың қасында...

Қазақстан сұйытылған газды шекара сыртына экспорттауға тағы алты айға тыйым салды. Бұл жайлы Энергетика министрлігінің баспасөз қызметінен хабарлады.

Экспортқа тыйым салуға себеп – ішкі нарыққа сұйытылған газдың жетіспеуі.

«Осыған байланысты министрлік ішкі нарықты сұйытылған мұнай газымен қамтамасыз ету мақсатында Қазақстан Республикасының аумағынан сұйытылған мұнай газын, пропанды және бутанды автомобиль және теміржол көлігімен әкетуге алты ай мерзімге тыйым салу енгізіледі», – деп жазылған министрлік хабарламасында.

Сұйытылған газды экспорттауға тек мұнай-газ, пайдалы қазба өндіруші компаниялар (өнімді бөлу туралы келісімшартпен жұмыс істейтін), Қарашығанақ кен орнынан өнім шығаратындар мен еліміз арқылы транзитпен жүк тасымалдайтын компанияларға...

«Бәйтерек» ұлттық басқарушы холдингі «Даму» кәсіпкерлікті дамыту қорының жарғылық капиталын 65,4 млрд теңгеге ұлғайтады. Бұл туралы Директорлар кеңесінің тиісті шешімі жарияланды.

Құжатқа сәйкес, 50 000 қарапайым акцияның әрқайсысы 1 308 608 теңгеден орналастырылмақ. Жалпы сома — 65 430 400 000 теңге. Акцияларды сатып алу құқығы «Даму» қорының жалғыз акционері – «Бәйтерек» холдингіне тиесілі.

Биыл қор шағын және орта бизнеске жеңілдікпен несие беру көлемін 750 млрд теңгеге дейін көбейтпекші. Бұл 2024 жылмен салыстырғанда 3 еседей артық. 2025 жылғы 1 тоқсанда 755 кәсіпкерге 53 млрд теңге берілді.

«Даму» қоры -«Бәйтерек» басқарушы холдингінің еншілес ұйымы. 100 пайыз акциясы холдингке тиесілі.

Көпшілікке әйгілі боксшы ретінде танымал Серік Қонақбаев енді мұнайлы миллионер. Ол жақында ғана 93 млн доллармен Forbes Kazakhstan тізіміне енді. Қатарынан 12 жыл парламент төрінде отырған экс-депутат 48 млрд теңгені қалай жиды?

Kursiv.Media су жаңа миллионерге қатысы бар ондаған активті тексеріп, осы сұраққа жауап табуға тырысты.

Серік Қонақбаев – Мәскеу Олимпиадасының, әлем біріншілігінің күміс жүлдегері, әлем кубогының екі дүркін жеңімпазы.

Боксшы һәм менеджер Қонақбаев

Жамбылдағы құрылысшылар институтында...

Ұлыбританияда 68 жастағы Питер Салливан 38 жылын түрмеде өткізіп, ақыры ақталып шықты.

Ол 1987 жылы Диана Синдалл есімді бармен қызды зорлап, өлтірді деген айыппен сотталған. Алайда 2024 жылы шауқатқа жүргізілген ДНҚ сараптамасы оның кінәсіз екенін дәлелдеген.

Сот шешімі Лондондағы Апелляциялық сотта жария етіліп, оны естіген Салливан жылап жіберген. 40 жылын қапаста өткізген ол тергеу кезіндегі әділетсіздікке қарамастан, еш реніш білдірмейтінін айтқан. Оның адвокаты Салливанның: «Мен ашулы да, ренжулі де емеспін. Құдай куә, шындық адамды босатады», – деген сөзін жеткізген.

Салливан – Ұлыбритания тарихындағы ең ұзақ жазықсыз қамалған адам. Құрбаны Диана Синдалл 1986 жылы жұмысынан қайтып келе жатқанда жоғалып, келесі күні зорлық белгілерімен табылған. Сол кездегі технологиялар күдіктінің нақты кім екенін анықтай...