Алматы биыл Жаңа жылға орай безендірілмейді
Алматы қаласы әкімдігінің өкілдері биылғы жаңа жылдық безендіруге ақша бөлмеу туралы шешім қабылдады, – деп хабарлайды Tengrinews.kz.
Биыл әкімдіктің негізгі бюджет қаражаты коронавирус инфекциямен күресуге бағытталды.
«Жаңа жылдық шыршаларды орнатуға және көшелерді жарықпен безендіруге ақша бөлінбеді», – деді басқармадағылар.
Ведомство мәліметінше, былтырғы шыршалар 16 желтоқсаннан кейін қалпына келтіріліп, орнатылады.
Алматы әкімдігі пандемияға байланысты ауқымды мерекелік іс-шаралар өткізбейді. Соған қарамастан, мерекелік күндерге орай мәдениет басқармасының ведомствоға қарасты мекемелерімен 25 іс-шара ұйымдастырылды. Олардың көпшілігі онлайн форматта өтеді.
Ал дәстүрлі форматта ұйымдастырылған іс-шаралар барлық санитарлық норманы сақтай отырып, қаланың бас санитар дәрігерінің қаулысына сәйкес жүргізіледі. Жаңа жылдық отшашу да қарастырылмаған», – деді әкімдіктегілер.
