2025 жылға дейін AirAstana, QazaqGaz бен ҚТЖ компаниясының IPO-сы өтеді

«Самұрық-Қазына» ірі компаниялардағы үлесін қысқартады

2025 жылға дейін «Самұрық-Қазына» қоры Қазақстанның ірі компанияларын жекешелендіру мен IPO мен SPO-ға шығаруға бастамашылық ете отырып, өз үлесін қысқартады. Бұл туралы бүгін «Самұрық-Қазына» АҚ Басқарма төрағасы Алмасадам Сәтқалиев баспасөз брифингінде мәлімдеді.

«Қазіргі уақытта KASE және AIX жергілікті биржаларында «ҚазМұнайГаз» ҰК» АҚ-ның IPO-сын өткізу үшін белсенді түрде дайындық жұмыстары жүргізілуде. Бұл күндері Қазақстанның қалаларында бұқара халықты тарту үшін роуд-шоу басталады. Біздің міндетіміз – халықты хабардар етіп, барынша қамту», деді А.Сәтқалиев.

Оның айтуынша, 2025 жылға дейін ҚМГ, AirAstana, QazaqGaz және ҚТЖ компанияларын IPO-ға шығару, KEGOC компаниясының SPO-сын өткізу жоспарланып отыр.

«Самұрық-Энерго» компаниясын екі кәсіпорынға бөлінеді. Олардың бірінде барлық көмір активтері қалады. SamrukGreenCo екінші компаниясына барлық жасыл активтер, оның ішінде СЭС және ЖЭК объектілері беріледі. Ол 2023-2024 жылдары IPO-ға шығарылады.

Google News сайтында бізге жазылыңыз