Рубль Қазақстандағы ақша аударым көлемін рекордтық деңгейге жеткізді

Жарияланды (жаңартылды )
7 айда ақша аудару жүйесі арқылы 63 млрд теңге аударылған

Жеті айдың ішінде Қазақстанда ақша аудару жүйесі арқылы 63 млрд теңге аударылған, бұл бір жыл бұрынғы көрсеткіштен 70%-ға артық, деп жазады finprom.kz.

Биыл қаңтар–шілде айларында ҚР аумағында ақша аудару жүйесі арқылы жөнелтілген қаражат көлемі 63,3 млрд теңгеге жетті. Бұл рекордтық көрсеткіш. Былтырғы сәйкес кезеңімен салыстырғанда аударымдар көлемі 70,3% өскен.

Сонымен қатар тек 2018 (72,9 млрд теңге) және 2021 (70,4 млрд теңге) жылдары он екі айдағы көрсеткіш биыоңы жеті айдағы көрсеткіштен асқан.

2022 жылдың қаңтар–шілде айларындағы ақша аудару жүйелерінің ішінде ҚР аумағында аударымдар көлемі бойынша «Золотая Корона» айтарлықтай айырмашылықпен көш бастап тұр: 22,8 млрд теңге, бұл 2021 жылдың қаңтар–шілде айларымен салыстырғанда бірден 2,6 есе көп.

Одан кейін Western Union (716,4 млн теңге), Contact (256 млн теңге) және «Юнистрим» (93,1 млн теңге), бұлардың жалпы сомасы 1,1 млрд теңгені құрады. Басқа ақша аудару жүйелері 39,5 млрд теңгені құрады, бұл өткен жылдың сәйкес кезеңімен салыстырғанда шамамен бір жарым есе көп.

Биыл ҚР аумағында ААЖ арқылы аударымдардың орташа айлық көлемі 2021 жылғы қаңтар–шілдедегі 5,3 млрд теңгемен салыстырғанда 9 млрд теңгені құрады.

Биыл трансферттердің айлық көлемі үш есе рекордтық деңгейге жетті: сәуірде (9,5 млрд теңге), мамырда (11,8 млрд теңге) және маусымда (14 млрд теңге). 2022 жылғы шілдеде ҚР аумағында ААЖ арқылы аударымдар көлемі 8,4 млрд теңгені құрады, бұл 2021 жылдың шілдесімен салыстырғанда 63% артық.

Айта кету керек, көрсеткіштің көбеюіне Ресей рубліндегі аударымдардың артуы ықпал етті: сәуірде оның жалпы ақша аударымдарындағы үлесі 8,4%, мамырда 14,6%, маусымда 41,9% болды. Ал қазірдің өзінде 2022 жылдың шілдесінде рубльдің аударымдар үлесі қайтадан әдеттегі 1,2%-ға төмендеді.

Сондай-ақ оқыңыз