Ауа райының нашарлауына байланысты Қызылорда облысында республикалық маңызы бар автожол учаскесінде автокөліктің барлық түрлері үшін қозғалысқа уақытша шектеу енгізілді, деп хабарлайды «Қазавтожол».
Ақпаратқа сүйенсек, 2025 жылғы 25 желтоқсанда сағат 20:00-ден бастап «РФ шекарасы – Мәртөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – ҚХР шекарасы» трассасының учаскесінде 1362-ден 1806-шы километрге дейінгі аралықта, яғни Арал қаласынан Қызылорда қаласына қозғалыс шектелген.
Сондай-ақ, компания осы учаскеде қозғалысты қалпына келтірудің болжамды уақыты 26 желтоқсанда сағат 07:00-ге жоспарланған деп хабарлады.
Осыған дейін 26 желтоқсанда Алматы мен Шымкентте қар жауып, ел аумағында -30 градусқа дейін аяз болады деп жазған едік.
