Шымкент сотының апелляциялық алқасы Мұхтар Әуезов атындағы Оңтүстік Қазақстан университетінің бұрынғы басшысы Қайрат Нұрманбетовке қатысты бірінші сатыдағы соттың үкімін қайта қарады. Бір эпизод бойынша ол жауапкершіліктен босатылып, екінші істе ақталып шықты, деп жазады Kazinform.
2025 жылдың тамызында Шымкент қаласының қылмыстық істер жөніндегі ауданаралық соты Қайрат Нұрманбетовті кінәлі деп тауып, оны бес жылға бас бостандығынан айырды.
Іс материалдарында екі эпизод болды.
Біріншісі 2022 жылы Нұрманбетов бірінші проректор қызметін атқара отырып, Мемлекеттік сатып алуды өткізу кезінде өрескел заң бұзушылықтарға жол берген. Жалпы сомасы 140 млн 886 мың теңгенің 13 млн теңгесі ұрланған. Бірінші сатыдағы сот бұл әрекетті немқұрайлылық деп атады.
Апелляция шешімді өзгеріссіз қалдырды, алайда істің ескіруіне байланысты Нұрманбетовті қылмыстық жауаптылықтан босатты.
Екінші эпизод 2024 жылы Нұрманбетов ректордың міндетін атқарушы болғанда оған сатып алу рәсімдерін жүргізбей және сәулет және қала құрылысы органдарымен келіспей 116 млн теңгеге шарт жасасу бойынша айып тағылды.
Апелляциялық алқа осы эпизод бойынша ұрлық фактісі дәлелденбеген деген қорытындыға келді. Сараптама қорытындысы бойынша қаражат университеттің бас ғимаратының бесінші қабатын жөндеуге бағытталған. Сонымен қатар, барлық келтірілген залал толық көлемде өтелді. Осы эпизод бойынша соттың аппеляциялық алқасы Нұрманбетовті ақтады.
Алайда экономикалық тергеу департаменті сол ЖОО-да 321 млн теңгеге ұрлауға байланысты эпизодтарды жеке өндіріске бөлді.
Қаржы мониторингі агенттігінің мәліметінше, бұрынғы бірінші проректор Қайрат Нұрманбетов, сондай-ақ, қаржы және әкімшілік департаменттерінің директоры, өндірістік-техникалық бөлімнің қойма меңгерушісі және мердігер ұйымдардың басшылары жаңа істің қатысушылары болды.
Тергеу мәліметтері бойынша, олар жалған мемлекеттік сатып алу шарттарын жасады, тауарларды жеткізбеді немесе жоғары бағамен сатып алды. Эпизодтардың бірінде құжаттар бойынша кеңсе креслосының нарықтық бағасы 200 мың теңгеге жуық 20 млн теңге болған.
Тергеу барысында күдіктілер 264 млн теңгені өтеген.
Жаңа қылмыстық іс сотқа жіберілді.
