«KEGOC» АҚ-ның 2025 жылғы таза пайдасы 70,8 млрд теңгені құрап, 2024 жылмен салыстырғанда 19%-ға артты. Акционерлердің жалпы жиналысында компанияның жылдық қаржы есебі ресми түрде бекітілді.
Дивиденд төлеуге қанша қаражат бағытталады
Компания жылдық таза пайдасының 62,9%-ын дивиденд төлеуге бағыттайды. Дивидендтер жылына екі рет төленіп тұрады. Жылдың екінші жартысы үшін дивидендке шамамен 22,3 млрд теңге бөлінді. Бұл «KEGOC» АҚ-ның бір акциясына шаққанда 81 теңгені құрайды. Салыстырмалы түрде, бірінші жартыжылдықта бір акцияға 80,90 теңге төленген болатын.
Акционерлер тізімі 2026 жылдың 12 тіркелсе, 12 маусымда төлем жасалады.
Дивидендтер қолма-қол ақшасыз нысанда төленеді. Қаржы «Бағалы қағаздардың орталық депозитарийі» төлем агенті арқылы акционерлердің банк шоттарына аударылады.
KEGOC – тұрақты дивиденд саясатын ұстанатын компаниялардың бірі. 2014 жылдан бастап қазіргі уақытқа дейін компания төлеген дивидендтердің жалпы сомасы шамамен 327,5 млрд теңгеге жетті.
