27 сәуірде Швецарияда Өзбекстанның бұрынғы президентінің қызы Гүлнара Каримоваға қарсы сот басталды. Бұл туралы Reuters хабарлайды.
Экс-президент Ислам Каримовтың қызына пара алды, «The Office» («Кеңсе») деп аталатын қылмыстық ұйымды басқарды деген айыптар тағылды. Іс 20 жыл бұрын басталған.
Осы іс бойынша Lombard Odier швейцариялық жеке банкке де айып тағылды. Қаржы мекемесі қылмыстан түскен ақшаны заңдастырды деген күдікке ілігіп отыр.
Тергеу нұсқасы бойынша, Каримова басқарған «The Office» 2005–2013 жылдар аралығында Швейцариядағы шоттарға жүздеген миллион долларды жолдаған.
Lombard Odier банкі Женева қаласында орналасқан. Оның бұрынғы бір қызметкерін Каримованың қылмысынан түскен қаражатты жасыруға көмектесті деп айыптап жатыр.
Гүлнара қазір Өзбекстанда түрмеде отыр. Оның әкесі сол елді 25 жыл бойы басқарды.
Reuters мәліметінше, Каримова да, Lombard Odier банкі де тағылған айыптарды жоққа шығарып отыр. Дүйсенбі күні басталған соттың үкімді қашан шығаратыны әзірге белгісіз.
