2026 жылғы шілдеде Қазақстан бойынша АИ-92 бензинінің орташа бөлшек бағасы 244 теңге, АИ-95/96 – 314 теңге, ал АИ-98 – 339 теңге болды, деп жазады Kursiv.Media.
Өңірлер арасындағы айырмашылық әсіресе АИ-92 бағасынан байқалады. Ең қымбат АИ-92 Алматы мен Талдықорғанда – 249 теңгеден сатылған. Семейде литрі 248 теңге, Қонаевта 247 теңге, Қарағанды мен Қызылордада 246 теңге болды.
.jpg)
Ал ең арзан АИ-92 Атырауда – 228 теңге. Оралда литрі 230 теңге, Ақтөбеде 231 теңге, Шымкент пен Түркістанда 232 теңгеден сатылған. Осылайша ең арзан және ең қымбат өңір арасындағы айырмашылық бір литрге 21 теңгеге жетеді.
АИ-95/96 бензині бойынша ең жоғары баға Алматыда тіркелген – 324 теңге/литр. Талдықорғанда – 322 теңге, Қонаевта – 321 теңге. Ең төмен баға Ақтөбе мен Атырауда – 291 теңге. Айырмашылық – 33 теңге.
АИ-98 маркасының ең жоғары бағасы Талдықорғанда – 363 теңге, Алматы мен Қонаевта – 362 теңгеден. Ең төмен көрсеткіш Семейде тіркелді – 331 теңге. Кейбір қалалар бойынша АИ-98 бағасы статистикада көрсетілмеген.
Айта кетейік, 2026 жылғы шілдеде тауарлар мен қызметтердің бағасы бір жылда 10,2%-ға өсті.
