Қазақстанның сары май экспорты күрт қысқарып, импортқа жұмсаған қаржысы экспорттан түскен түсімнен 16 есе асты.
Trade Report мәліметінше, 2026 жылғы қаңтар–тамызда Қазақстан шетелге небәрі 2 млн доллардың сары майын сатқан. Бұл былтырғы сәйкес кезеңмен салыстырғанда 77%-ға аз: ол кезде экспорт 8,9 млн доллар болған. Ал 2024 жылы көрсеткіш 23,9 млн долларға жеткен еді. Экспорттың заттай көлемі де 1 484 тоннадан 407 тоннаға дейін төмендеген.
Сыртқа сатылған сары майдың 93%-ы Ресейге жөнелтілген.
Осы кезеңде Қазақстан 33,2 млн долларға 6,3 мың тонна сары май импорттаған. Импорт көлемі бір жылда 13%-ға өскен. Негізгі жеткізуші Беларусь: бұл елден 14,3 млн доллардың өнімі әкелінген, яғни жалпы импорттың 43%-ы.
Ираннан жеткізілген сары майдың құны 8 млн доллар, Франциядан әкелінгені 5,1 млн доллар болған.
