Жаңалықтар

Қазақстан егін жинайтын кезеңде алма импортына тыйым салады. Ауыл шаруашылығы министрлігі отандық өндірушілер осы уақытта дағдарып қалатынын, сол себепті осындай шешім қабылдағандарын мәлімдеді. Сыртқы сауда саясаты және халықаралық экономикалық ұйымдарға қатысу мәселелері жөніндегі ведомствоаралық комиссия 2024 жылдың 31 желтоқсанына дейін автомобиль көлігімен үшінші елдерден алма әкелуді шектеуді мақұлдады.

«Фермерлер импорттық өндірушілер тарапынан демпингке ұшырауда, жоғары бәсекелесттік импорттық өнім рентабельділігін төмендетеді. Егін жинау кезінде алма импорты қатар болғанда қазақстандық бағбандар өнімді өткізуде қиындықтарға тап болады. Бұл жағдай олардың қаржылық жағдайын нашарлатады», – деп түсіндірді министрліктің баспасөз қызметі.

Импорттың дені  – Польша, Иран, Өзбекстан, ҚХР үлесінде. Жалпы...

Франция парламентінің төменгі палатасы президент Эммануэль Макронға импичмент жариялау туралы ұсынысты қабылдамады.

LeMonde басылымының ақпаратына сүйенсек, «Жеңілмеген Франция» партиясы президент Макронға импичмент жариялау туралы бастаманы парламенттің төменгі палатасына ұсынған.

8 қазанда болған парламент отырысында комиссия мүшелерінің көпшілігі бұл бастамаға қарсы шығып, импичмент жариялаудан бас тартқан.

Комиссия мүшелері мәселені ашық отырыста қарау туралы да бастаманы қолдамаған. Осылайша импичмент туралы ұсынысты парламент жалпы отырысында қарамайтын болып шешкен.

Шілдеде Францияда парламентіне кезектен тыс сайлау болған. Сайлау қорытындылары жария болғаннан кейін Париж орталығында жаппай тәртіпсіздіктер басталған. Сайлау қорытындысы бойынша «Халық майданы» партиясы бірінші, Макронның жақтастары «Бірге» партиясы екінші, «Ұлтшылдар бірлестігі» үшінш...

«Бәйтерек» ұлттық басқарушы холдингі мен катарлық Lesha Bank арасындағы Bereke Bank АҚ-ның 100% акцияларын сату туралы мәміле аяқталды. Бұл туралы холдингтің баспасөз қызметі хабарлады.

Холдинг ақпаратына сүйенсек, тараптар өзара келісімге қол жеткізген. Тамызда Қаржы нарығын реттеу және дамыту агенттігі Lesha Bank-тің холдинг мәртебесін алып, қазақстандық банкті сатып алуына келісім берген. Холдингтің жазуынша, осы келісімнен кейін Bereke Bank-тің нарықтағы позициясы нығаймақ. Және бұл елдегі екінші деңгейлі банктер арасында бәсекенің артуына алып келеді.

«Жаңа акционердің келуімен екінші деңгейдегі банктер арасында бәсекелестіктің күшеюі, жаңа технологияларды енгізу және экономиканың нақты секторына кредит беруді дамыту күтілуде», – делінген хабарламада.

10 қазаннан бастап QAZAQ AIR әуекомпаниясы Астанадан Ақтөбеге күнделікті ұшатын әуе рейстерінің санын көбейтті.

Қосымша ұшу кестесі бойынша, сейсенбі және бейсенбі күндері IQ 385 Астана (07:45) – Ақтөбе (09:50), IQ 386 Ақтөбе (10:30) – Астана (12:20)  рейстері қатынайды.  

Ақтөбеден Астана арқылы Қазақстан мен Ресейдің қалаларына ұшып баруға болады. Атап айтқанда, Қызылорда, Новосібір, Екатеринбург, Омбы және Қостанай қалаларына қатынайтын рейстер арқылы саяхат жасауға болады.

«Рейстердің саны артуы – әуе көлігі тасымалын жандандырып, қолжетімдікті арттырады. Бастысы, елдің ішкі туризмін дамытуға ықпал етеді», – дейді Көлік министрлігі.    

Билеттерді компанияның ресми сайтынан, сондай-ақ сату кеңселерінде брондауға және сатып алуға мүмкіндік бар.  

Әуеде, теңізде немесе құрлықта десант болу үшін қандай талаптарға сай болу қажет. Бұл туралы ҚР Қарулы Күштері Бас штабының ұйымдастыру-жұмылдыру жұмысы департаменті бастығының орынбасары Фархат Айдарбаев ОКҚ-де өткен баспасөз мәслихатында айтып берді.

«Ауыл шаруашылығы факультетін тәмамдаған шақырылушылар негізінен құрлық әскерлеріне жіберіледі. Ал математика, физика, инженерлік және экономика факультеттерін бітірген жас мамандар Әуе және Теңіз күштеріне бөлінеді. Десантты-штурмдық армияны жасақтау үшін шақырылушылар арасынан дене бітімі жақсы және білімі жалпы орта білімнен төмен емес азаматтар таңдалады», – деді Фархат Айдарбаев.

Қазақстан Республикасы Президентінің Жарлығына сәйкес, биылғы жылдың қыркүйегінен бастап барлық өңірде қалалық және аудандық шақыру комиссиялары...

Қазақстанда газ тұтыну көлемін бақылайтын, оны қауіпсіз пайдалануды қадағалайтын мемлекеттік ұйым жоқ. Бұл жайлы Мәжілісте газбен жабдықтау және тауарлық газды үнемді тұтынуға қатысты әзірленген заң жобасының таныстырылымы кезінде депутат Бақтықожа Ізмұхамбетов айтты.

Заң жобасын таныстырған депутат Елена Смышляеваның айтуынша, газ тұтынуды бақылау құзыреттілігі әр министрлік пен жауапты органдарға бөлініп кеткен. Мәселен, газды өндірістік тұтынуды Төтенше жағдайлар министрлігі бақылайды. Ал автомобильдердің газ баллонына Көлік министрлігі жауапты, газды әлеуметтік тұтыну мәселесіне жергілікті атқарушы органдар яғни әкімдіктер жауапты, газ тарату қызметі Энергетика министрлігінде.

Осы орайда заң негізінде «QazaqGaz» ҰК» ұлттық операторының құзыреттілігін кеңейту көзделген. Заңда газ және газбен жабдықтау саласындағы...

Қазақстанда АЭС құрылысын халықаралық консорциумның салуы қарастырылып жатыр. Бұл туралы Премьер-министрдің бірінші орынбасары Роман Скляр мәлімдеді. Оның пікірінше, алдымен ең тиімді консорциум құру қажет.

Склярдың сөзіне қарағанда, консорциум құрамында бес мемлекет кіреді. Бірақ ол осы межеден аспауы тиіс. Өйткені АЭС бір нысаннан тұрмайды.

«Стансаның құрылысына түрлі компаниялар, қосалқы мердігерлер қатысады. Бұл әлемдік тәжірибе қазірдің өзінде бар», – деді Премьер-министрдің бірінші орынбасары Роман Скляр.

Себебі ядролық құрылғыны бір ел жақсы жасаса, турбина жасауға екінші ел машықтанған. Ең жақсыларын іріктеп алу оң нәтиже береді.

Ядролық физика институтының Астана филиалы директорының орынбасары Дарын Бөрбеков мұның оңтайлы шешім болғанын айтты.

Жапондық автоөндіруші Toyota Халықаралық Олимпиада комитетіне (ХОК) демеушілік көрсетуді тоқтатты. Бұл туралы компанияның басқарма төрағасы Акио Тойода мәлімдеді.

Компанияның мәліметінше, Олимпиада ойындары саясиланып бара жатыр, ал спортшылардың мүддесі артта қалып қойған. Ол бұл шешімді YouTube-тегі компания арнасында жария етті.

Toyota 2015 жылы ХОК-пен 10 жылдық демеушілік келісімшартқа қол қойған еді. Бірақ Париждегі Олимпиада ойындары аяқталғаннан кейін компания бұл келісімшартты жалғастырудан бас тартты. Сонымен қатар, Тойода қазіргі уақытта компания өнімдерінде қолданылып жүрген Олимпиада логотиптерін біртіндеп алып тастайтынын және компания көліктері Олимпиадаға ұсынылмайтынын айтты.

Дегенмен Тойода Олимпиадаға және Паралимпиадаға қатысқан спортшыларға, сондай-ақ Паралимпиада ойындарына қаржылық қолдау көрсетуді жалғастыруға уәде берді.

Айта...

Денсаулық сақтау министрлігі 10 аймақтағы 24 медициналық мекеменің несие берешегінің себебін іздеген. Бұл туралы министрліктің kursiv.media ресми сауалына берген жауабында жазылған.

Министрлік негізгі үш себепті анықтаған.

Министрлік ақпаратына сүйенсек, 2024 жылдың 20 қыркүйегіне дейін елдегі 20 жедел жәрдем қызметінің 1 млрд теңге несие берешегі бар. 

Дегенмен бұл осы салаға бөлінген жылдық бюджетпен салыстырғанда, әлдеқайда аз сома болып...

Қазақстан және  KAZ Minerals өндірген мыстың өзіндік құны басқа бәсекелестеріне қарағанда арзан болып шықты. Бұл MiningVisuals жариялаған кестеде анық көрінеді.

«KAZ Minerals пен Қазақстан төменгі өзіндік құнмен мыс өндіруде көш бастап тұр. Қазақстанның артықшылығы шығындарының аздығында. Литріне 0,5 доллармен арзан дизельді отын мен бір киловатт-сағаты 2,5 АҚШ центі болатын электр қуатын пайдаланады. Сонымен қатар елімізде әлемдік өлшеммен алғанда арзан білікті жұмыс күші бар», – дейді Energy monitor қоғамдық қорының басшысы, мұнай-газ саласындағы сарапшы Жұмағұлов.

2024 жылдың 23 қыркүйектегі есебіне қарағанда, KAZ Minerals компаниясы биылғы жарты жылдықта 47,5 млн тонна кен өндірген. Алдыңғы жылғы...

All About Cookies жүргізген сауалнама нәтижесіне сәйкес, смартфон таңдауы адамдардың жеке өміріне де әсерін тигізуі мүмкін.

Зерттеу нәтижесінде iPhone пайдаланушыларының 19%-ы Android қолданатын адамдармен кездесуден бас тартады екен, ал 18-34 жас аралығындағы пайдаланушылардың арасында бұл көрсеткіш 32%-ды құрайды.

Сонымен қатар, Android қолданушыларының 10%-ы ғана iPhone ұстайтындармен қарым-қатынас құрғысы келмейтінін айтқан.

iPhone ұстайтындар әлеуметтік желілер мен сәнге қызығушылық танытатындығы туралы стереотиптер де бар. Сауалнама нәтижелері бойынша, Android қолданушыларының 52%-ы өздерінің құрылғыларын өзгерткісі келмейді, ал 56%-ы iPhone-ның бағасы тым қымбат деп санайды. Осылайша, смартфон түрін таңдаудағы айырмашылық тек технологиялық емес, әлеуметтік және қаржылық факторлармен де байланысты болып тұр.

Қытай компаниялары Ресейге дәрі-дәрмек өндіру үшін қажетті фармацевтикалық шикізат жеткізуден бас тартып жатыр. Бұл жайлы ресейлік кәсіпкерлер хабарлаған.

Ресейдің «Активный компонент» фармацевтикалық компаниясының президенті Александр Семенов соңғы санкциялардан кейін, қытайлықтардың дәрілік шикізатқа шектеулер енгізгенін айтқан.

«Соңғы санкциялар пакеті жарияланған соң, Ресейге жеткізуге рұқсат етілмейтін аралық өнімдерді, активтерді және реагенттерді көрсететін белгілі бір кодтар пайда болды. Біз, фармацевтикалық субстанцияларды өндірушілер осындай кедергілерге тап болдық. Қытайлық компаниялар Ресейге импортталмайтын белгілі бір позицияларға шектеулер енгізіп жатыр», – деп мәлімдеген Семенов.

Кәсіпкердің айтуынша, алдағы уақытта жағдай тіпті күрделене түсуі мүмкін. Сонымен қатар компания өкілі Ресейде...

Өткен аптада Уоррен Баффеттің Berkshire Hathaway инвестициялық компаниясы Bank of America-дағы акцияларын сатып жатқанын жазған едік. Ал қазір Америкалық миллиардердің банктегі үлесі 10,1%-ға дейін қысқарғаны белгілі болды.

Дәлірек айтсақ, 3-4 қазан күндері, сондай-ақ дүйсенбі, 7 қазанда Berkshire компаниясы банктің 9,6 млн акциясын шамамен 383 млн долларға сатты. Бұл туралы АҚШ-тың Бағалы қағаздар және биржалар комиссиясына (SEC) жолданған құжаттарда хабарланған.

Қазіргі уақытта инвестициялық компанияға BofA-ның шамамен 784,5 млн акциясы тиесілі. Демек дәл қазір Berkshire-дің банктегі үлесі 10,1%-ға тең.

MarketWatch басылымының мәліметінше, Berkshire банктегі үлесі 10%-дан асқанша (шамамен 776 млн акция) банк акцияларын сату туралы деректерді жедел түрде жариялауға міндетті. Ал...

Кореялық автокөлік өндіруші Hyundai Motor Group АҚШ-тың Джорджия штатындағы зауытында жаңа электромобильдер шығара бастады. Бұл туралы Associated Press агенттігі хабарлады.

Шетелдік басылымның мәліметінше, зауыт құрылысы екі жыл бұрын басталып, қазір жылына 300 мың электрокар шығаратын қуаттылыққа ие. Кәсіпорынның құны 7,6 млрд долларды құрады. Сонымен қатар зауытта аккумуляторлар да өндірілетін болады.

Компания өкілі зауыттың ресми ашылу салтанаты 2025 жылдың бірінші тоқсанында өтетінін мәлімдеді. Алайда алғашқы электромобильдер биылғы жылдың соңына дейін америкалық автодилерлерге жеткізіледі. Өндіріс Ioniq 5 моделінен басталды, бұл модель 2024 жылдың бірінші жартысында Tesla-дан кейін АҚШ-тағы ең көп сатылған электромобиль болды.

Жалпы алғанда, Hyundai компаниясының АҚШ-тағы сатылымдары биылғы...

Бүгін қоғам қайраткері Төлен Тоқтасынов туған өлкесі Семейде жаназасы өтті. Ол Мәжілістің екінші шақырылымының депутаты, 2001 жылы құрылған «Қазақстанның демократиялық таңдауы» қозғалысының құрылтайшыларының бірі болды. Төлен Тоқтасынов ертең 62 жасқа толушы еді.

Парламент депутаттары мен үзеңгілес серіктестері Ермұрат Бапи, Айдос Сарым және Әміржан Қосанов қайраткердің тұлғасына тоқталып, оның Қазақстанның жаңа тарихында ойып тұрып орын алатынын айтты.

Ермұрат Бапи, Мәжіліс депутаты: Қазақстанның парламентаризмі тарихында авторитаризмге қарсы шыққан ең алғашқы депутат

Төлен Тоқтасыновты жас ұрпақ көп біле бермес. Бірақ Қазақстанның тәуелсіздігін қалыптастыру жолындағы елге қызмет еткен мықты қайраткерлердің бірі болды. Парламенттің екінші шақырылымында депутат болды. Қазақстанның парламентаризмі тарихында авторитаризмге, жеке дара...

Өнеркәсіп және құрылыс министрі Қанат Шарлапаев Мәжіліс депутаты Бақытжан Базарбектің Құрылыс кодексі жобасының аудитіне қатысты айтқан сынына жауап берді.

Шарлапаев әркімнің өз пікірін айтуға құқылы екенін атап өтті. Ал өзі процесс аяқталғанға дейін ешқандай түсініктеме бермейтінін мәлім етті.

«Әр депутат өз қалауынша ойын еркін айта алады. Барлық тексеру процедурасы аяқталғанға дейін мен басқа ешқандай түсініктеме бермеймін. Ал құрметті депутат Бақытжан Жұмабекұлының пікірі өзінің жауапкершілігінде. Әркім пікір айтуға құқылы, оның ішінде  депутат, ал мен оған түсініктеме беруге міндетті емеспін», – деді министр

Министр аудиторлық есептерді қараудың белгіленген процесі бар және ол аяқталғанға дейін ешқандай түсініктеме беруге ниет...

Ұлттық банк 2025 жылы ұлттық цифрлық қаржы инфрақұрылымын құруды жоспарлап отыр. Атап айтқанда келер жылы цифрлық теңге мен бірыңғай QR-код жүйесі толығымен іске қосылып, сондай-ақ қаржылық қызметтерге жасанды интеллект енгізілмек. Бұл туралы Орталық Азия Fintech Summit-інде Ұлттық банк төрағасының орынбасары Ақылжан Баймағамбетов мәлімдеді.

ҰБ өкілінің айтуынша, цифрақұрылымның негізгі құрамдас бөліктері – Ұлттық төлем жүйесі, Цифрлық теңге платформасы, Open API платформасы, цифрлық келісімдер механизмі, биометриялық сәйкестендіру жүйесі және Антифрод-орталық болмақ.

«Қазір біз ҚНРДА-мен, сондай-ақ нарық қатысушыларымен бірлесіп, алдағы 5 жылға арналған Қаржы реттеушілерін цифрландыру стратегиясын әзірлеп жатырмыз. Ол біздің барлық «цифрлық» бастамамызды реттейтін өзгерістерге қосымша ретінде...

Талғар ауданында кісі қолынан қаза тапқан Шерзат Болаттың туыстары Салтанат Нүкенова атындағы қордың негізін қалаушы, құқық қорғаушы Айтбек Амангелдіден көмек сұраған. Бұл туралы құқық қорғаушының өзі хабарлады.

Құқық қорғаушымен тілдескен марқұмның ата-анасы баланы 13 адамның ұрып-соққанын айтқан. Қайтыс болған жасөспірімнің отбасына тиесілі дүкенге келген азаматтардың біріне дүкен иелері сағат 22:00-ден кейін сыра сатудан бас тартқан. Осыдан кейін жанжал туындап, арты қайғылы оқиғаға ұласқан.

Айтбек Амангелді таратқан ақпаратқа сүйенсек, бастапқыда полиция 9 адамды қамауға алған. Кейіннен екі қызды куәгер ретінде танып босатқан. Тергеу ісі Қонаев қаласы органдарына өтіп, 7 адам қамауға алынған.

Алматы облысының прокуратурасы жасөспірімнің өліміне байланысты 7 адамды қамауға алған...

Қазақстан Үкіметіндегі баспасөз мәслихатында журналист Ботагөз Омарова Көлік министрі Марат Қарабаевты сотқа беретінін айтты.

Журналист Ботагөз Омарованың айтуынша, Марат Қарабаев 2020 жылы көлік вице-министрі болып тұрған кезде Қарағандыда 500 жұмыс орны бар зауыттың құрылысына қол қойған. Бірақ зауыттың әлі де салынбағанын сынға алды. Ол шенеунікті Қарағанды облысы тұрғындарын алдады деп айыптады және лицензия беру процесінде заң бұзушылықтар болғанын атап өтті.

Министр Марат Қарабаев өз жауабында барлық құжаттардың заңға сәйкес дұрыс рәсімделгенін, лицензия алу мен зауыт салу бойынша барлық міндеттеме кәсіпкердің мойнында екенін айтты. Сондай-ақ министр лицензияны бақылау басқармасы жыл сайын кәсіпкерлердің міндеттемелерін бақылап отыратынын және қажет болған жағдайда лицензия...

6 қазанда төрт адамның денесі табылған Imperial Agro Group ЖШС ұн тарту кәсіпорнының басшылығы марқұмдардың біреуінің ғана зауыт қызметкері болғанын мәлімдеді. Облыстағы мемлекеттік еңбек инспекциясы тергеуді бастады.

Еңбек министрлігінің ақпаратына сүйенсек, Қостанай облысындағы Imperial Agro Group ЖШС жалға алып отырған ұн тарту кәсіпорыны өкілдері қаза тапқандардың біреуін ғана танитын болып шыққан. Осыған дейін кәсіпорындағы бес метрлік бункерді тазалау кезінде 4 адам қайтыс болғанын жазған едік.

8 қазанда қаза тапқандардың бірі Е. Бошықов зауытта технолог болып жұмыс істеген.

«ЖШС директоры басқа қаза тапқандарды танымайды. Олармен кәсіпорынмен еңбек шарты жоқ», — дейді Еңбек министрлігі.

Қайтыс...

АЭС-ке ең озық үлгідегі технологияларды пайдаланатын елдің реакторлары қойылады. Сонымен бірге атом электр станциясын консорциум құрып, бірнеше ел салуы мүмкін және құрылыс шығыны өсіп кетуі де ғажап емес. Бұл жайлы Үкімет сағатынан кейін өткен брифингте вице-премьер Роман Скляр айтты.

Брифинг барысында журналист Ресейдің реакторларын қою туралы шешім қабылданса, міндетті түрде оның саяси салдары болатынын айтты.

«АЭС-ке қай елдің реакторлары қойылады? Бұрын Ресей реакторлары жөнінде сауал қойған кезде министрлік референдум өтпей, бұл мәселе талқыланбайтынын мәлімдеген. Енді референдум өткен соң, осы сұрағымызды қайта қоямыз. Егер, Ресей реакторларын қоятын болсақ, саяси тұрғыда оның салдары қалай болады...

Қазақстан ресейлік «РосАтом» мемлекеттік корпорациясына жүгінбей АЭС салуы мүмкін бе? Бұл сұраққа Үкіметтегі баспасөз алаңында премьер-министрдің орынбасары Роман Скляр жауап берді.

«Қазір ресейлік БАҚ «Қазақстан «РосАтомсыз» АЭС сала алмайды. Қазақстан америкалық компанияны таңдаса, саяси қиындықтарға тап болады» деген ақпарат таратуда. Мұны сіздер қалай бағалайсыздар? Бұл қысым емес пе?», – деп сұрады журналист Үкіметте Склярдан.

Вице-премьер журналист сұрағына нақты жауап бере алмады. Дегенмен бұл туралы айтуға әлі ерте екенін атап өтті. Себебі АЭС-ті нақты қандай компания салатыны, жобаны кімнің құрастыратыны және АЭС салу жұмыстарына қатысатын компаниялар консорциумы әлі белгілі болмаған.

«Консорциум...

Миллионер Кеңес Рақышев Украинадағы БТА банкті украин инвесторына сатады. Ол бұл туралы Forbes басылымына берген сұхбатында айтты.

Алайда кәсіпкер банкті кімге сататынын нақтыламаған. Рақышев қос тараптың мәмілесіне Ұлттық банк рұқсат берген соң, бүкіл ақпаратты ашық жариялайтындарын мәлімдеді.

«Украинадағы БТА банкті сату жоспарын 2020 жылы хабарлаған едік. Алайда бірінші сатып алушы, жергілікті [украиндық] инвестор монополияға қарсы және реттеуші органдардан рұқсат ала алмады. Содан кейін Kaspi акционерлері активке қызығушылық танытытып, олар бүкіл рұқсатнаманы алды. Алайда белгілі бір жайттарға (Украинадағы соғыс – ред.) байланысты, мәміледен бас тартуға шешім қабылдады. Сәйкесінше, біз басқа сатып алушыны іздей бастадық. Енд...

Алматы қаласының прокуратурасы 2019-2023 жылдары ұлттық киноны қолдауға бөлінген бюджет қаражатының заңды жұмсалғанын тексеріп, өрескел олқылықтарды анықтап отыр.  

Айталық, 2019-2021 жылдары «Выбор» деген фильмге мемлекет 500 млн теңге көлемінде қолдау көрсеткен. Бірақ бұған қарамастан, бұл фильм прокатқа шықпаған. Бюджет қаржысының тиімсіз жұмсалғаны мәлім болды.

«Кинематография туралы» заң бойынша, ұлттық фильмдерді ұйымдастыруға, өндіруге, прокатқа және көрсетуге, сондай-ақ шетелге шығаруға мемлекеттік қолдау көрсетіледі. 

Оның үстіне, бұл фильмге прокаттық куәлік те алынбапты. Бұл аталған заңның баптарына қайшы. Яғни ұлттық деп танылған фильмдерге ұлттық фильмнің куәлігі берілуі тиіс.

Осылайша, заңда қарастырылғандай, фильмнің прокаты мен көрсетуінен түсетін табыстың 20%-ы бюджетке түсуі тиіс. Бірақ мемлекет...