Жаңалықтар

Түркістан облысының ҰҚК қызметкерлерінің құзыретіне Нұрсұлтан Назарбаевты күзету кірмейді. Бұл жайлы «Ашақ НҚА» порталында жарияланған құжатта жазылған.

«Қазақстан Республикасы Ұлттық қауіпсіздік комитетінің аумақтық органдары туралы ережелерді бекіту туралы» Қазақстан Республикасы Ұлттық қауіпсіздік комитеті Төрағасының 2018 жылғы 7 тамыздағы №64 бұйрығына өзгеріс енгізілген. Бұйрықтан Тұңғыш президент туралы абзац алынып тасталған.

Құжатта Қазақстан Республикасы Ұлттық қауіпсіздік комитетінің Түркістан облысы бойынша департаменті туралы ереже қамтылған. Қолданыстағы ережеде:

«Қазақстан Республикасы Президентінің және Қазақстан Республикасының Тұңғыш Президенті – Елбасының қауіпсіздігін қамтамасыз етуге қатысу» деп келетін сөйлем бар.

Ал құжаттың өзгерген нұсқасынан Тұңғыш президент – Елбасы...

Қазақстандық ресторатор, ABR мейрамханалар желісінің иесі Асқар Байтасов Астана халықаралық қаржы орталығында екі холдинг тіркеді. Baitas Capital Ltd компаниясы 2023 жылдың аяғында тіркелсе, ABR Family Kazakhstan Holding Ltd. холдингі қыркүйекте ашылған.

Бірінші компанияның акционері де бас директоры да – Асқар Байтасов. Бұл компания былтыр қараша айында ашылған. Холдингтік компаниялар

Ал екінші компанияның құрылтайшысы Дина Байтасова мен Baitas Capital Ltd деп көрсетілген. Қызмет бағыты кәсіпкерлік компания деп көрсетілген.

Байтасов – қазақстандық кәсіпкер, abr компаниясының негізін қалаушы және Қазақстандағы 50 мейрамхананың иесі.

АХҚО – «Астана «халықаралық қаржы орталығы туралы» (АХҚО) заңда белгіленген, қаржы саласында ерекше құқықтық режим қолданылатын аумақ.

Мемлекет басшысы Қасым-Жомарт Тоқаевтың өкімімен Марат Қабиденұлы Жұмабаев Қазақстан Республикасы Ұлттық қауіпсіздік комитеті Төрағасының орынбасары – Сыртқы барлау қызметінің директоры лауазымына тағайындалды.

Ал Алмас Тілепбергенұлы Наймантаев Қазақстан Республикасы Ұлттық қауіпсіздік комитеті Төрағасының орынбасары лауазымына тағайындалды.

Бақытбек Жамалбекұлы Қосжанов болса, Қазақстан Республикасы Ұлттық қауіпсіздік комитеті Төрағасының орынбасары лауазымынан босатылды.

Өткен аптада Ұлттық қауіпсіздік комитеті Төрағасының орынбасары – Терроризмге қарсы қызметінің бастығы Руслан Темірғалиұлы Сейсембаев және  Ұлттық қауіпсіздік комитеті Төрағасының орынбасары – Сыртқы барлау қызметінің директоры Асқар Баймерденұлы Әмірханов қызметінен босатылған еді.

Бақытбек Рахымбердиев Ұлттық қауіпсіздік комитеті төрағасының орынбасары – Терроризмге қарсы қызмет бастығы, ал Аңсаған Балтабеков Ішкі істер министрінің орынбасары...

Қарағанды қаласын он жыл басқарған Шаймерден Оразалиновтың ұлы Әбіл Оразалинов 78 жастағы анасын аяусыз соққыға жыққаны үшін 3 жылға сотталды. Айыпталушының кінәсі жәбірленушінің айғақтарымен және сараптама қорытындысымен дәлелденді.

Қарағанды қаласының Қазыбек би аудандық соты Оразалиновты жанжал кезінде 1946 жылы туған анасының денсаулығына қасақана орташа зиян келтіргені үшін кінәлі деп таныды. Экс-әкімнің ұлы үйінде жанжал шығарып, анасының басы мен денесіне қатты соққы жасаған. Салдарынан 78 жастағы кейуананың миы шайқалып, қабырғалары сынған.  

«Оң көз орбитасының бүйір қабырғасы, оң жақ бет сүйек доғасы, оң жақ гаймор қуысының алдыңғы және артқы қабырғалары сынған. Сондай-ақ жәбірленушінің 3,4,5,6-шы қабырғалары да...

Ресей русофобия жөнінде заң қабылдамақ/Коллаж: Kursiv.media, бильд-редактор: Актам Зиперов

Ресей үкіметі «русофобия» үшін қылмыстық жауапкершілікке тартуды көздейтін заң жобасын мақұлдады. Бұл туралы Іnterfax хабарлады.

«Ресей Федерациясының үкіметі көрсетілген ескертулерді ескерген жағдайда заң жобасын қолдайды», – делінген құжатта.

Министрлер кабинеті мақұлдаған заң жобасында «қылмыстық заңның күші шетел азаматтары мен Ресейде тұрақты тұрмайтын азаматтығы жоқ азаматтарға да және Ресей азаматы емес «отандастарға» да жүреді» деп көрсетуді ұсынып отыр.

Сонымен қатар Ресей азаматына қатысты кемсіту әрекетін жасаған шетелдік лауазымды тұлғалар, халықаралық ұйымдардың лауазымды тұлғалары немесе қызмет атқаратын шетелдіктер де «русофобия» заңы бойынша қылмыстық жауапкершілікке тартылмақ.

Кейбір жағдайларда, сотталушы орындығында ешкім отырмаса...

Халыққа қызмет көрсету орталықтары мен eGov қызметтерінде ақау болды, Цифрлық даму министрлігі бұл ақпаратты растады.

Цифрлық даму министрлігі бүгін 23 қыркүйек таңертеңнен бері Халыққа қызмет көрсету орталықтарының (ХҚКО) жүйесінде ақаулар болғанын растады. Министрлік мәлімдеуінше, қазіргі уақытта жүйе толық қалпына келтірілді.

Қазір жүйе орнына келтірілген. Тек Мемлекеттік кірістерге қатысты жүйе жұмысы әлі қалпына келтірілмеген. Бірақ ол да жақын арада жасалады.

Еске сала кетейік, бұған дейін Халыққа қызмет көрсету орталықтарында қазақ тілінен көрі ресми тілде қызмет көбірек көрсетілетінін жазған едік.

Баспасөз хатшысы ХҚКО-да қызмет көрсету екі тілде жүргізілетінін, алайда ресми тілдің көбірек қолданылуына құқықты...

АҚШ-тың санкциясына ұшыраған ресейлік ВТБ банкі шетелде бұғатталған активтері мен міндеттемелерін беретін «еншілес ұйым» құрмақ. Қайта құрылымдау мәселесі 16 қазан күнгі жиналыста акционерлердің талқысына салынады.

Банктің қайта құрылымдаудан өтетіні жайлы 2023 жылдың жазында айтыла бастаған. Еншілес компанияға бұғатталған активтер мен «достық емес пиғылдағы» елдердегі шетелдік кредиторлар алдындағы міндеттемелер берілмек. «Достық емес пиғылдағы» елдер тізімінде 49 мемлекет бар.

Жаңадан құрылатын компания толығымен ВТБ-ға тиесілі болады. Акционерлердің құрамы және қаржы ұйымының жарғылық капиталындағы үлесі өзгермейді. Банк шешім қабылдаған күннен бастап 10 жұмыс күні ішінде өз кредиторларын қайта ұйымдастыру туралы хабардар етеді.

Қайта құру нәтижесінде ВТБ бұғатталған активтер бойынша...

Қазақстан тарихындағы еркін күрестен тұңғыш әлем чемпионы Ризабек Айтмұхан сүйіктісіне ұсыныс жасады. Ерекше сәттің фото мен видеосы әлеуметтік желілерде жарияланды.

Ризабектің анасы Гульяр Жолдасбаева Tik-Tok желісінде баласының сүйіктісіне ұсыныс жасаған видеосын жариялады. Сондай-ақ жастардың некелерін қиғанын хабарлап, басқа суреттерімен де бөлісті.

Әзірге спортшы бұл оқиғаға қатысты пікір білдірген жоқ.

Айта кетейік, Ризабек Айтмұхан 2023 жылғы ересектер арасындағы әлем чемпионатында 92 килограмға дейінгі салмақта жеңімпаз атанды. Кейін ол Олимпиадалық 97 килограмға дейінгі салмақ дәрежесіне ауысты. 2024 жылдың қыркүйек айының басында Ризабек 20 жасқа дейінгі балуандар арасында әлем чемпионатын екінші мәрте жеңіп алды.

Жуырда ғана Кеңес Рақышев пен Шухрат Ибрагимов сатып алған «Шұбаркөл Премиум» компаниясы директорлар кеңесінің құрамы толық өзгерді. Бұл туралы Қазақстан қор биржасында (KASE) жарияланған құжатта жазылған.

Акционерлердің жалпы жиналысында төраға Луиза Ақанованы, тәуелсіз директорлар Елдос Райжанов пен Эльдар Байболовты, сондай-ақ басқарма мүшелері Ерлан Упушев пен Ермек Баймұхановты директорлар кеңесінен шығару туралы шешім қабылданды.

«Акционерлер Бауыржан Райымбековты директорлар кеңесінің төрағасы етіп тағайындады. Тәуелсіз директор болып Нұрлан Мәжен тағайындалды, сонымен қатар Әнет Шыныбаев, Әблимит Рахматулаев және Дінмұхамед Мүсіралиев сайланды», – деп жазылған құжатта.

Ашық дереккөздегі ақпаратқа сүйенсек, Нұрлан Мәжен 2016-2018 жылдар «Жалын Көмір» ЖШС бас директоры болды...

Жамбыл облысы мен Алматы облысы аумағында тас жол салуы тиіс болған түрік компаниясы Париж сотының шешімімен Қазақстанға 6 млрд теңгені қайтарып беретін болды. Бұл туралы Әділет министрлігі хабарлады.

Министрлік ақпаратына сүйенсек, F&A Road Construction атты түрік компаниясы Қазақстандағы Алматы-Астана автожолының «Күрті-Бурылбайтал» тас жолын қайта жаңғыртуды қолға алған. 

«2021 жылғы 25 қазанда автомобиль жолдары комитеті Компанияға техниканы жұмылдыру және материалдарды дайындау үшін 5,9 млрд теңге көлемінде аванс аударған. Алайда мердігер жұмысқа кіріспеді және келісімшарт 2022 жылдың мамырында біржақты бұзылды», – делінген министрлік хабарламасында. 

Париждегі Халықаралық сауда палатасының төрелік сотының шешімімен 2024 жылдың 28 тамызында тараптар өзара келісімге қол қойған. Оған сәйкес...

Алматыда өзіне қол салып, қайтыс болған екі жетінші сынып оқушыларының телефондарынан суицидке үгіттейтін ойындар табылмаған. Бұл туралы Ішкі істер министрлігінің баспасөз қызметі хабарлады.

Министрлік ақпаратына сүйенсек, полицейлер жеткіншектердің ұялы телефондарын зерттеп, жойылған хат-хабарлар мен қосымшаларды қалпына келтіріп жатыр.

«Алматыда өз-өзіне қол салған екі жасөспірімге қатысты телефондарын тексергенімізді хабарлаймыз. Суицидке үгіттейтін ойындарға қатысу фактісі анықталмаған. Қазір бұрын жойылған хат-хабарлар мен қосымшаларды қалпына келтіру үшін телефон қосымша тексеріліп жатыр», – деді ІІМ баспасөз қызметі.

Ведомство интернетті үнемі бақылап, заңсыз мазмұндағы материалдар мен ресурстарды анықтап отырғанын атап өтті. Жыл басынан бері осындай 22 мыңға жуық шетелдік интернет-ресурстарды бұғаттау...

Кейбір қазақстандық студенттердің шәкіртақысы екі айға кешіктірілетін болады. Оның негізгі себебі білім беру ұйымдарының есептері тексеріледі. Сондықтан кейбір оқу орындарының 1-курс студенттері шәкіртақыларын қазан айының соңында бір-ақ алады.

«2024-2025 оқу жылының 1-семестрінің 1-курсында білім алушыларға биылғы жылдың қыркүйек айының мемлекеттік стипендиясын төлеу 2008 жылғы 7 ақпандағы №116 ҚР Үкіметі қаулысымен бекітілген Қағидаларға сәйкес 30 қыркүйектегі жағдай бойынша ЖЖОКБҰ есептерін тексергеннен кейін қазан айының ішінде жүзеге асырылады»,- деп хабарлады «Қаржы орталығы» АҚ.

Ведомствоның мәлімдеуінше, бұл медициналық ЖОО-ның 1-курс студенттеріне қатысты. Ал өзге мамандықта оқитындардың шәкіртақысы кестеге сай өз уақытымен төленеді. Нақтырақ айтқанда, шәкіртақы қыркүйек айының соңына...

«Талдықорған – Үшарал» магистралдық газ желісінің құрылысына Ұлттық қордан 132 млрд теңгеге жуық қаражат бөлінген. Бұл жайлы премьер-министр Олжас Бектеновтің депутаттардың Жетісу облысын қаржыландыруға қатысты сауалына берген жауабында айтылған.

«Ұлттық қор есебінен жалпы құны 131,7 млрд теңгені құрайтын 124 мың тұрғыны бар Ақсу, Сарқан, Алакөл аудандарының 66 елді мекенін табиғи газбен қамтитын «Талдықорған – Үшарал» магистралдық газ желісінің құрылысы басталды»,- делінген жауапта.

Одан бөлек 2024 жылы Жетісу облысының инфрақұрылымын дамытуға бағытталған жобаларға бюджеттен 75 млрд теңге қаржы бөлінген. Оның ішінде әлеуметтік саланы дамытуға арналған 24 жобаға 20,2 млрд теңге, инженерлік инфрақұрылым саласына қатысты...

Электр көліктерінің «қызығы» басылып сұраныс төмендегендіктен, Nissan гибридті технологияға басымдық берді. Жапондық өндірушілер көлік технологиялары бойынша Қытайды қуып жетуге ұмтылуда.

Nissan Motor алдағы 4-5 жылда гибрид көліктер жасап, нарыққа шығаруды жоспарлап отыр. Компания Жапония нарығында көліктің бұл түрін ұсынбайтын Honda Motor компаниясына қосылатын гибрид (PHEV) технологиясын жеткізу үшін Mitsubishi Motors-пен серіктестік орнатуды қарастыруда.

Ал әлемде электр көліктерінің сатылымы төмендеп барады. Бұған бағаның жоғары болуы ықпал етті. Сондықтан Nissan үшін гибрид өндірісі маңызды қадам болмақ.

Қазіргі кезде электр қозғалтқышы мен дәстүрлі отын қозғалтқышын біріктіретін PHEV сатылымы артып келеді. General Motors сонымен қатар АҚШ нарығы үшін гибридтерді әзірлемек.

Nissan гибрид автоларды бірлескен...

«Оңтүстік Қаратұрын» кен орнындағы жарты жыл бойы жанған өрт салдарынан мемлекетке келген шығын үшін «Бозашы Мұнай» компаниясына 2,3 млрд теңгеге жуық айыппұл салынды. Алматы ауданаралық экономикалық сотының шешімі 12 қыркүйек күні шыққан.

Энергетика министрлігінің Мұнай-газ кешеніндегі мемлекеттік инспекциясы кен орнын игеріп отырған компаниядан 2,2 млрд теңге өндіру талабымен сотқа жүгінген. Инспекция «Оңтүстік Қаратұрын» мұнай-газ кен орнындағы өрт пен метанның бөлінуінен ел экономикасы шығын шегіп, 200 күн бойы шикі газ бекер жанды деп тұжырымдайды. 6 айда 12 млн текше метр газ жанып кеткен.

Алайда «Бозашы Мұнай» компаниясы мемлекеттік инспекцияның талабымен келіспейді. Сотқа берген жауабында мемлекетке келтірілген шығын 6 айда...

19 қыркүйекте дәстүрлі Kazakhstan Growth Forum -да жылдың үздік менеджерлерінің есімдері жарияланды.

Kaspi.kz басшысы және негізін қалаушылардың бірі Михаил Ломтадзе алтыншы рет «Жылдың үздік CEO-сы» атанды.

«Қазылар алқасына жоғары баға бергені үшін алғыс айтамыз. Бұл бүкіл ұжымның жанкешті еңбегінің нәтижесі. Біз заманауи қызметтермен адамдардың өмірін жақсартуға ұмтыламыз және Қазақстанда тұрып, жұмыс істеп жатқанымызды мақтан тұтамыз. Біз қазақстандықтарды ары қарай да жаңа заманауи цифрлық қызметтермен таң қалдыруға және қуантуға тырысамыз. Сүйікті клиенттеріміз бен серіктестерімізге сенімдері мен қолдаулары үшін, ал мемлекеттік органдарға елдің цифрлық дамуы үшін қолайлы жағдай жасағаны үшін алғыс айтамыз».

 Жеңімпаздар жыл сайын экономиканың түрл...

2024 жылғы 18 қыркүйекте ҰҚК, ІІМ және Бас прокуратураның ведомствоаралық жедел-тергеу тобы Астана, Алматы және Шымкент қалаларында, сондай-ақ Ақтөбе, Атырау, Алматы, Жетісу, Батыс Қазақстан және Павлодар облыстарында тұрақты ұйымдасқан қылмыстық топ мүшелерін ұстау операциясын өткізді деп хабарлайды ҰҚК баспасөз қызметі.

Комитеттің мәліметінше бас-аяғы 50 адам ұсталып, ішкі істер органдарына жеткізілді. Оларға қатысты тергеу амалдары жүргізіліп жатыр. Күдіктілер аса ірі көлемде тауарлар мен автокөліктерді ұрлау арнасын ұйымдастырды және қылмысты қаржыландырды деп айыпталып отыр.

Бұл топ 20-дан астам адамның сеніміне кіріп, 2 млрд теңгеден астам мүлік тонаған. Топ мүшелері нақты иерархияға ие болған, олардың арасында қылмыстық және деструктивті діни ортаның өкілдер...

2024 жылдың сегіз айының қорытындысы бойынша жеке зейнетақы жинақтарын басқарушы компаниялардың кірістілігі Ұлттық банк көрсеткішінен асып түсті. Көшбасшылар Jusan Invest және«Сентрас Секьюритиз». Олар сәйкесінше 11,74% және 11,49% кірістілік көрсетті. Бұл ретте Ұлттық банктің кірістілігі 10,34%-ды құрады.

Бірыңғай зейнетақы қорының мәліметі бойынша, 2024 жылдың алғашқы сегіз айында басқа басқарушы компаниялар Ұлттық банкке қарағанда төмен табыстылық көрсетті. Halyk Finance – 10,14%, Halyk Global Markets – 9,63% және BCC Invest – 9,34%. Осы кезеңде инфляция деңгейі 5,3%-ға жеткенін айта кеткен жөн.

2040 жылғы қаңтар-шілдеде қазақстандықтардың Ұлттық банк басқаруындағы зейнетақы активтерінің таза инвестициялық кірісі 1,38 трлн теңгеден асты. Бұл өткен жылдың сәйкес кезеңімен салыстырғанда...

Жеке кәсіпкер ретінде тіркелген жеке тұлғалар несие рәсімдегісі келсе, жұбайының келісімін алуы қажет. Сонымен қатар 2710 АЕК-тен (10 млн теңге) асатын несие рәсімдейтін жеке кәсіпкердің төлем қабілеті тексеріледі. Қаржы нарығын реттеу және дамыту агенттігі (ҚНРДА) банктік және микроқаржы қызметі мәселесі бойынша нормативтік құқықтық актілерге бірқатар түзету әзірлеген.

Агенттіктің «Қазақстан Республикасының кейбір нормативтік құқықтық актілеріне банктік және микроқаржылық қызмет мәселелері бойынша өзгерістер мен толықтырулар енгізу туралы» қаулысы 4 қазанға дейін ашық талқыда болады.

Сонымен қатар банктер өз кеңселері және веб-сайттарында қолма-қол ақшасыз төлем бойынша алатын комиссиялары, мөлшерлемесі мен тарифін толық жариялауға міндетті болады.

Одан бөлек, жеке кәсіпкер...

Қазақстанның кейбір өңірлерінде алдағы бірнеше күнде жауын-шашын түсіп, соңы қарға ұласады. Бұл жайлы «Қазгидромет» хабарлады.

Синоптиктер болжамына сәйкес, алдағы тәуліктерде республиканың солтүстігінде және шығысында, ал 26 қыркүйекте еліміздің оңтүстік-шығысындағы таулы аймақтарда атмосфералық фронттардың өтуіне байланысты жауын-шашын болып, соңы қарға ұласады.

Түнде ауа температурасы 2-7 градусқа дейін төмендейді деп күтілуде. Ал қалған аумақта ауа райы жауын-шашынсыз. Бұл өңірлерде күн ашық болғанымен, жалпы республика аумағында жел күшейеді деп күтілуде. Ал елдің солтүстігінде, солтүстік-батысында және шығысында түнде және таңертең тұман күтіледі.

«Ауа температурасы кей өңірлерде күндіз төмендеуі мүмкін. Республиканың батысында +18+26°С, солтүстікте, шығыста +5+10°С, орталықта +7+15°С...

Қазақстанда азаматтардың мүгедектігін белгілеу үшін тәуелсіз сарапшылар тартыла бастады. Бұл туралы Еңбек және халықты әлеуметтік қорғау министрлігі хабарлайды.

«Қазақстанда медициналық-әлеуметтік сараптамаға жіберілетін азаматтарды сырттай проактивті форматта куәландыруға тәуелсіз сарапшыларды тарту бойынша пилоттық жоба басталды. Қазақстанның Әлеуметтік кодексінде 2025 жылғы 1 қаңтардан бастап тәуелсіз сарапшылар институтын толық көлемде енгізу көзделген», – делінген хабарламада.

Министрліктің мәліметінше, тәуелсіз сарапшыларды іріктеу біліктілік деңгейі мен жұмыс өтілі ескеріле отырып, конкурстық негізде жүргізіледі. Пилоттық жоба аясында конкурсқа 50-ге жуық адам қатысқан. Іріктеудің барлық кезеңінен 18 сарапшы дәрігер сәтті өтіп жұмысқа кірісті.

Сондай-ақ тәуелсіз сарапшыларға бірқатар талаптар қойылады:

2026 жылдан бастап Қазақстандағы өңірлік тексеру комиссиялары өз қызметін тоқтатады. Осыған дейін жергілікті бюджеттен қаржыландырылып, мемлекеттік мекемелерді тексеріп келген өңірлік комиссияның орнына енді Жоғары аудиторлық палатаның аумақтық департаменттері құрылады. Аудиторлар осылайша мүдделер қақтығысына тосқауыл қоймақшы.

Жоғары аудиторлық палатаның хабарлауынша, бұл өзгеріс 2026 жылы күшіне енеді. Осылайша ревизиялық комиссияның орынын, Жоғары аудиторлық палатаның аумақтық департаменттері алмастырады.

«Бұл мүдделер қақтығысын болдырмауға мүмкіндік береді, себебі бүгінде тексеру комиссиялары жергілікті бюджеттерден қаржыландырылады, ал бұл жүргізілетін аудиттердің объективтілігіне әсер етуі мүмкін»,- делінген хабарламада.

Дегенмен жергілікті өзін-өзі басқарудың маңызды рөлі сақталып қалады.

«Мемлекет басшысы мемлекеттік аудит жүйесін...

Сауда мәліметтеріне қарағанда, алтын бағасы тағы да бұрын-соңды болмаған межені артқа тастап отыр. Мәселен, Нью-Йорктегі Comex биржасындағы алтын фючерсі 8,45 долларға немесе 0,32%-ға қымбаттаған. Енді алтын бағасы унциясына 2 654,7 доллар болып отыр.

Мұның алдында унциясы 2655,8 доллар болып, «рекорд» деп танылған болатын.

Десе де күмістің бағасы түсе бастапты. Унциясы 31, 442 доллар болды. Құнын 0,18%-ға жоғалтқан.

Сарапшылардың пікірінше, алтын бағасының шарықтауына екі фактор ықпал етіп отыр.

Біріншіден, АҚШ-тың Федеральды резерв жүйесі өткен аптада 2020 жылдан бері бірінші рет есептік мөлшерлемені жылдық 4,75-5%-ға дейін төмендеткен. Осыдан кейін алтын бағасы унциясына 2 650 долларға дейін шарықтап кеткен еді.

Өйткені Федеральды резерв жүйесінің есеп...

Қазақстанға Нидерландыдан Амур жолбарыстары жеткізілді. Олар Іле-Балқаш резерватында құрылған қоршау ішінде ұсталады. Кейін олардың арландары ашық табиғатқа жіберіледі. Бұл жайлы Экология және табиғи ресурстар министрлігінің баспасөз қызметі хабарлады.

Дүниежүзілік жабайы табиғат қоры (WWF) мен Қазақстан арасындағы тығыз ынтымақтастықтың арқасында екі амур жолбарысы «Іле-Балқаш» мемлекеттік табиғи резерватына Нидерландтағы «Stichting Leeuw» жабайы жануарларды сақтау орталығынан жеткізілген.

Ұрғашы және аталық жолбарыс Кума мен Богдан деп аталады. Екеуі «Іле-Балқаш» резерватында құрылған вольерлік орталықта ұсталады.

«Вольерде өмір сүретін алғашқы жолбарыстар Қазақстанға келіп жетті, бұл еліміз үшін тарихи оқиға. 2025 жылы Ресей Федерациясынан тағы да 3-4 жолбарыс жеткізілед...