Жаңалықтар

Мопед айдайтындар жол ережесін бұзса, дәл көлік жүргізушілері секілді жауапқа тартылады. Бұл жайлы Сенатта жекелеген көлік құралдары түрлерінің жүруін ұйымдастыру және жол қауіпсіздігін цифрландыру мәселелерін талқылау кезінде Ішкі істер министрінің орынбасары Игорь Лепеха айтты.

Игорь Лепеха мопедтерді мемлекеттік тіркеуден өткізу жұмыстарын тездетіп қолға алу қажет екенін айтты. Себебі бүгінгі күні «Сергек» камералары да, басқа да тәсілдер мопед жүргізушілерінің жол қозғалысын реттей алмай отыр. Айтуынша, елде 80 мың мопед бар. Барлығының мемлекеттік тіркеуі жоқ. Мопед тебетіндер күн санап көбейіп келеді. Ал бұл көлік құралдарының қатысуымен болатын жол-көлік оқиғаларының санының артуына әкеліп отыр.

«2023 жылды...

Астана мен Алматының көшелерінде кептеліс кезінде бір мезетте қанша көлік жүреді? Бұл сауалға Sergek ITS сарапшылары зерттеу жүргізіп көрді.

Sergek ITS мәліметінше, Астана жолдарында кептеліс кезінде 136 мың көлік қозғалады. Ал Алматыда бұл көрсеткіш 205 мың көлікті құрап отыр.

Сонымен қатар Sergek ITS мамандары Астана көшелерінде бір мезгілде 100 мың, ал Алматыда 170 мың көлік жүргенде қозғалыс ыңғайлы болатынын есептеп шықты. Мұндай жағдайда жүргізушілер діттеген жеріне кептеліссіз жете алады. Ал көлік саны көрсетілген саннан асып кетсе, көшеде кептелістер пайда болады.

Екі қалада да көлік көп жүретін уақыт – таңғы 8:00 және кешкі 18:00. Осы уақытта жолдарда көлік саны көбейіп...

Қазіргі уақытта Қазақстанда шағын және орта бизнес саласында 4 млн-нан астам адам жұмыс істейді. Бүгінде Қазақстанда ШОб-тың үлесі рекордтық 35%-ға дейін өсті. Үкімет 5 жыл ішінде орта бизнестің үлесін 40%-ға жеткізуді жоспарлап отыр. Бұл туралы Алматыда өтіп жатқан Kazakhstan Growth Forum 2024 барысында EMCG басқарушы серіктесі, экономист Қаcымхан Қаппаров айтты.

«Менің ойымша, бұл жаппай кәсіпкерліктің дамуы, трендке айналуы Қазақстанның артықшылығы. Бұл жұмыс орындарын құруға көмектеседі. Үкімет 5 жыл ішінде орта бизнестің үлесін 40%-ға жеткізуді жоспарлап отыр. Бұл тұтастай алғанда жастар арасындағы жұмыссыздық мәселесін шешуге ықпал етеді», – деді экономистр.

Қазіргі кезде жастар арасындағы жұмыссыздық деңгейі 4%-ды...

Ұлттық банктің ескертуінше, алаяқтар халықтың қалтасын қағудың жаңа тәсіліне көшкен. Олар коммуналдық қызметтің немесе ұялы байланыс операторы ретінде қоңырау шалып, «SIM картаңыздың қолдану мерзімі» немесе «есептеуіш құралдарыңыздың пайдалану мерзімі өтіп кетті» деп алдайды. Қызметін ұзартуды немесе ол үшін электронды кезекке тұруды ұсынады.

Телефоныңызға жалған хабарлама жіберіп, ондағы мәліметтерді айтуды, күмәнді сілтемелерді басып, бір қосымша жүктеуді сұрайды. Мессенджердің жаңа функцияларын қосуды немесе дербес деректеріңізді айтуды өтінеді.

Айтқанын екі етпеген адамдардың телефонындағы SIM картаның виртуалды көшірмесін жасап, қосылып алады да, ақшасына қол сұғады.

Бұлар қаражатын сыпырып алған соң да, тыншымайды. Бір айналдырғанын шыр айналдыруға ұмтылады. «Ұлттық банк қызметкері» болып қайта қоңырау шалып...

Қазақстандағы микроқаржы ұйымдары (МҚҰ) 2024 жылдың І жартыжылында 48,6 млрд теңге таза пайда тапқан. Бұл былтырғы көрсеткішпен салыстырғанда 33,6%-ға аз. Қаржы нарыған реттеу және дамыту агенттігі микроқаржы ұйымдарының жай-күйіне қатысты есебінен МҚҰ потфеліндегі проблемалық берешектің өскені байқалады.

Осы уақыт аралығында МҚҰ-ның жалпы кірісі 349 млрд теңгені құраған. Соның ішінде сыйақы алумен байланысты кірісі 11,2%-ға өсіп, 219,4 млрд теңгеден 245 млрд теңгеге жеткен.

Микроқаржы ұйымдарының таза пайдасының азаюына шығыстың 22,9%-ға өсуі себеп. Бір жылда МҚҰ-ның шығысы 239,4 млрд теңгеден 294,3 млрд теңгеге жеткен. Соның ішінде сыйақы төлеуге кеткен шығыны 58 млрд теңгеден 79 млрд теңге болған.

Таза пайданы...

Қазақстанда әскери қызметкерлердің құмар ойын ойнауына тыйым салынды. Заң 19 қыркүйектен бастап күшіне енді. Мемлекет басшысы Қасым-Жомарт Тоқаев тиісті жарлыққа қол қойды.

Әскери қызметшілердің құмар ойындарға қатысуы елеулі тәртіптік құқық бұзушылықтарға жатқызылды.

«Осылайша, Қарулы Күштердің, басқа да әскерлер мен әскери құрамалардың тәртіптік жарғысына сәйкес, елеулі тәртіптік құқық бұзушылықтардың қатарына ақшалай немесе өзге де мүліктік сипаттағы құмар ойындарға, сонымен қатар ақша, заттар және басқа да құндылықтар үшін бәс тігулерге қатысуға тыйым енгізілді», – делінген құжатта.

Енді мемлекеттік қызметшілер, әскери қызметшілер, арнайы және құқық қорғау органдарының қызметкерлері, бюджеттік ұйымдардың басшылары құмар ойындар мен бәс тігулерге қатыса...

Ішкі істер министрлігі көлік құралдарының қозғалысын қадағалауды көздейтін нормаларға өзгеріс енгізеді. Енді жол ережелерінде «көліктің орташа жылдамдығы» деген ұғым пайда болады. Солайша көлік иелерінің белгілі бір қашықты жүріп өткенде жылдамдықты қаншалықты асырғаны тексеріліп, айппұл салынады. Бұл заң жобасы Сенатта талқыланды.

«Көліктің орташа жылдамдығы» түсінігі енгізіледі және оны есептеу тәртібі қарастырылады. Ол халықаралық және республикалық маңызы бар жалпыға ортақ пайдаланылатын автомобиль жолдары учаскесінің қашықтығын көлік құралы жүріп өткен уақыт кезеңіне бөлу жолымен айқындалады», – деді заң жобасын таныстырған сенатор Евгений Больгерт.

Ал көліктердің қозғалысына мониторинг жүргізу үшін арнайы автоматты режимде жұмыс істейтін...

Федералды резерв мөлшерлемесінің төмендеуі АҚШ экономикасының ықтимал экономикалық әлсіздігі туралы мәселе туындатты. Хедж-қорлар ставкаларды төмендету циклі үшін сауда стратегияларын дайындап жатыр. Үндістан тарихта алғаш рет MSCI негізгі қор индексі бойынша Қытайды басып озды. Осы және өзге де тақырыптар туралы 18 қыркүйектегі шолудан оқыңыз.

ФРЖ ставкаларды жарты пайызға төмендетті: бұл экономиканың ықтимал әлсіздігін көрсетеді

18 қыркүйекте Федералды резерв қарыз алу мөлшерлемесін бірден жарты пайызға, 4,75%-5% диапазонына дейін төмендетті, деп хабарлады CNBC. CME Group компаниясының FedWatch құралына сәйкес, мұндай жұмсарту күтілген болатын. Оны сарапшылар дәл болжады және трейдерлердің күткенімен сәйкес келді.

Алайда мұндай ауқымды жұмсарту АҚШ экономикасының ықтимал экономикалық әлсіздіг...

Қырғызстанның «Көкбөрі» федерациясы Қазақстанға Ыстықкөл жағасында 1 қарашада қарымта матч өткізуді ұсынған еді. Алайда Қазақстанның көкпар құрамасы бұл матчқа қатыса алмайды. Бұл туралы Қазақстан көкпар федерациясы мәлімдеді.

Федерацияның мәліметінше, ол уақытта көкпаршылар басқа жарысқа қатысады.

«Біздің көкпаршылар Ыстықкөл жағасындағы Келісім кубогына қатыса алмайды, өйткені көрсетілген күндерде басқа маңызды жарыстар жоспарланған. Қазіргі уақытта көкпаршылар сол ойындарға дайындалып жатыр», – делінген хабарламада.

Еске сала кетейік, 12 қыркүйек күні Астанада көкпардан Қазақстан және Қырғызстан құрамалары Көшпенділер ойындарының ақтық кезеңінде жолдары түйісіп, қазақ көкпаршылары 5:4 есебімен жеңіске жетті.

Финалдық ойын барысында екі елдің көкпаршылары арасында қақтығыс болып, Қазақстанны...

Премьер-министр Олжас Бектенов Атырау облысындағы 8 жол учаскесін салуға және жөндеуге Үкіметтің резервінен қаржы бөлуді көздейтін қаулыға қол қойды.

«Құжатта Үкіметтің төтенше қорынан қарғын судан бүлінген жолдарды қалпына келтіруге, Атырау облысының бюджетіне аудару үшін, Көлік министрлігіне  5,9 млрд теңге бөлу қарастырылған», – делінген Үкіметтің баспасөз қызметінің хабарламасында.

Бұл қаражаттың 4,6 млрд теңгесі облыстық маңызы бар 7 жол учаскесін қалпына келтіруге бағытталмақ. Атап айтқанда, «Индер – Қарабау – Сағыз», Қарабау ауылының кіре берісіндегі жол, «Сарытоғай – Махамбет», «Атырау – Индер», сондай-ақ Құлсары қаласының тротуары.

Ал су тасқыны кезінде бұзылған «Индер – Қарабай – Миялы – Сағыз...

Қазақ-қырғыз шекарасында индустриялық сауда-логистика кешені құрылады. Қазақстан Президенті Қасым-Жомарт Тоқаев қос тараптың келісімін ратификациялау туралы заңға қол қойды. Логистикалық хаб «Қарасу» және «Ақ-Тілек» автожол өткізу пункттері ауданында орналасады.

«Қазақстан Республикасының Үкіметі мен Қырғыз Республикасының Министрлер Кабинеті арасындағы «Қарасу» және «Ақ-Тілек» автожол өткізу пунктілері ауданында индустриялық сауда-логистикалық кешенді құру және оның қызметін реттеу туралы келісімді ратификациялау туралы» Қазақстан Республикасының Заңына қол қойды», – делінген хабарлама.

Келісімге сәйкес, сауда-логистикалық кешеннің жалпы ауданы 7,6 шаршы шақырымға тең. Қазақстан бөлігінің ауданы – 3,6 шаршы шақырым болса, қырғыз бөлігінің ауданы – 4 шаршы шақырым. Құрылыс-жөндеу жұмыстарын Қазақстан...

Wildberries компаниясының тең құрылтайшысы және бас директоры Татьяна Бакальчуктың байлығы 7,9 млрд доллардан 4,1 млрд долларға дейін кеміді. Мұндай өзгеріс маркетплейстің сыртқы жарнама операторы Russ компаниясымен бірігуінен кейін болды деп хабарлайды Forbes Russia.

Forbes-тің мәліметінше, мәміле барысында Бакальчук компания акцияларының 35%-ын шамамен 3,4 млрд долларға сатқан. Оның байлығының азаюына рубльдің құнсыздануы да әсер еткен. Соған қарамастан, Татьяна Бакальчук Ресейдегі ең бай әйел атағын сақтап қалып отыр.

2024 жылы Татьяна Бакальчук Forbes журналы жариялаған Ресей миллиардерлерінің рейтингінде 7,4 млрд доллар байлықпен 22-орынды иеленген.

Еске сала кетейік, 18 қыркүйекте Мәскеудегі Романов көшесінде орналасқан Wildberries кеңсесінде атыс болды. Тергеу...

Израиль мен Ливан арасында шиеленіс күшеюде. Осыған байланысты Израиль солтүстік шекарасына қарай әскерін шоғырландыра бастады. Мұндай шешімге Ливандағы пейджерлер мен рациялардың жарылыстары себеп болған. Израиль тарапы бұл оқиғаларға «Хезболланың» жауап қайтаратынына сенімді.

Солтүстіктегі қауіпке байланысты Газа секторында екі дивизия, яғни 162-ші және 252-ші дивизия қалған. Бұл жайлы Израиль қорғаныс министрі Йоав Галлант хабарлаған. Ол соғыстың жаңа кезеңі басталғанын мәлімдеген.

«Негізігі күштер солтүстікке қарай жылжыды. Біз әскери күшіміз бен басқа да ресурстарымызды, бар қуатымызды солтүстікке бағыттап жатырмыз. Меніңше, соғыстың жаңа кезеңі басталды. Бізге осы жағдайға қарай бейімделу керек. Бұл соғыс орасан зор батылдық пен табандылықты...

Рэпер Шон «Дидди» Комбс адам саудасы бойынша айыпталып қамауға алынды деп хабарлайды BBC арнасы.

BBC мәліметінше, 1990-2000 жылдары хип-хоп музыкасының ең басты тұлғаларының бірі болған Шон «Дидди» Комбс (ол кезде Пафф Дэдди деп танылған) 17 қыркүйек күні сот шешімімен қамауға алынды. Оған рэкет жасау, адам саудасы және әйелдерді жезөкшелікпен айналысуға тарту бойынша айыптар тағылды.

Нью-Йоркте өткен алғашқы сот тыңдауында 54 жастағы Комбс өзіне тағылған айыптарды мойындамады, алайда судья Робин Тафронски оны кепілдікпен босатудан бас тартты. Прокурорлар оның қашып кету ықтималдығы жоғары екенін мәлімдеді.

Комбсқа рэкет, мәжбүрлі адам саудасы және жезөкшелікке тарту мақсатында құрбандарды ел ішінде және халықаралық шекаралар...

Ішкі істер министрлігі аса ірі мөлшерде алаяқтық жасағаны үшін халықаралық іздеуде жүрген бірнеше қылмыскерді ұстады. Бұл туралы Polisia.kz хабарлайды.

Қылмыскерлер жәбірленушілерге 650 млн теңгеден аса залал келтірілген. Мәселен, Қарағанды қаласында құрықталған 45 жастағы ер адам 2018 жылдың шілдесінде өзі Ақтөбеде отырып, елордада жылжымайтын мүлік сатып алып беру сылтауымен 100 млн теңгені иемденіп кеткен.

Ал Алматы қаласында 44 жастағы тұрғын көкөніс пен жеміс жеткізіп берем деп 516 млн теңгені жымқырып кеткен.

ІІМ ресми өкілі Шыңғыс Әлекешевтің айтуынша. Ресейдің Мәскеу қаласында 30 жастағы қазақстандық азамат ұсталған. Ол да алаяқтық жолмен ондаған миллион теңгені қалтаға басқан. Жалпы жыл...

Еуроодақ Ресейге әскери қару-жарақ, әскери өнім жеткізетіндерге көмектескен банктерге санкция салуы мүмкін. Сонымен қатар Батыс елдерінің Оңтүстік-Шығыс Азияда орналасқан кәсіпорындарында өндірілген тауарларды жеткізетіндерге де шектеу қоймақ.

Бұл туралы Еуропалық Одақтың санкциялар жөніндегі арнайы өкілі Дэвид О’Саллива мәлімдеді.

Арнайы өкіл Еуроодақтың Ресейге салынған санкцияларды айналып өтіп, Қазақстан, Өзбекстан және Армения арқылы тауар жеткізетіндердің жолын кесудегі қадамдары сәтті болғанын айтып өтті.

Reuters агенттігінің хабарлауынша, оған осы елдермен жүргізілген дипломатиялық жұмыс нәтижесі ықпал еткен. Алайда, Оңтүстік-Шығыс Азия елдеріндегі жағдай санкциялық қадағалау тұрғысынан күрделі болып тұр. Өйткені бұл аймақтағы елдер жүкті транзитпен тасымалдап қана қоймай, тауар өндіріп отыр. Арнайы...

Еуропа дипломатиясының басшысы Жозеп Боррелл Грузияны ЛГБТ насихатына тыйым салатын заңды кері қайтарып алуға шақырды. Дипломат бұл қадам «осы елді ЕО-ға барар жолдан одан әрі алыстатады» деп санайды.

Еуропалық Одақтың сыртқы істер және қауіпсіздік саясаты жөніндегі жоғары өкілі Жозеп Боррелл Грузияны «ЛГБТ насихатына» тыйым салатын «Отбасылық құндылықтар және кәмелетке толмағандарды қорғау» туралы заңды кері қайтарып алуға шақырды. Бұл туралы Жозеп 18 қыркүйек күні X әлеуметтік желісіндегі аккаунтында жазды.

Боррел жаңа заңды «адамдардың негізгі құқықтарына нұқсан келтіреді» және «кемсіту мен стигматизацияны күшейтеді» деп атады. Оның айтуынша, бұл заң Тбилисидің Еуропалық Одаққа кіруге «одан әрі алыстай түсуіне» себеп болмақ.

Ал Грузия...

АҚШ Үкіметі Қазақстан Үкіметімен жер учаскесін алуға келісім жасасты. ҚазТАГ құжат күшіне енгенін жариялады.

«Қазақстан Республикасының Үкіметі мен Америка Құрама Штаттарының Үкіметі арасындағы Америка Құрама Штаттарының Үкіметіне Алматы қаласындағы АҚШ-тың консулдық мекемесінің ғимаратын салу үшін жер учаскесін жалға беру туралы келісімнің жобасы мақұлдансын», – делінген Қазақстан Үкіметінің қаулысында.

Келісім жобасына сәйкес Қазақстан Үкіметі АҚШ Үкіметіне Жамақаева көшесі, Әл-Фараби даңғылы, Сейфуллин даңғылы, Алдар Көсе көшесінің арасында орналасқан жер учаскесін жалға береді. Жалдау мерзімі шарт жасалған күннен бастап 49 жыл деп есептелінген. Бұл ретте жалдау мерзімі тағы 49 жылға ұзартылуы мүмкін. Учаске ауданы...

18 қыркүйекте Израиль Ливандағы Хезболла мүшелері жекелей пайдаланатын мыңдаған екіжақты радиостанцияларды және байланыс құрылғыларын бір мезгілде жарып жіберді.

Axios агенттігі мұны құпия операциялардың екінші бөлімі деп атайды. Агенттік радиостанцияларға алдын ала мина қойылған деген  ақпарат таратты. Бұл жарылыстар Хезболланың қауіпсіздік жүйесіне елеулі соққы болғаны анық.

Press TV Бейрут маңында Ливан қозғалысының байланыс құрылғылары жарылғаны туралы жазды. Жаназа кезінде болған жарылыстан бірнеше адам жараланған.

BBC Бейрут маңындағы, сондай-ақ Ливанның оңтүстігіндегі бірнеше ғимарат ішінде де құрылғының жарылғанын хабарлады. Ливан ішкі істер министрлігі кем дегенде 9 адамның өлгенін, 300 кісінің жараланғанын мәлімдеді.

Хезболла жетекшілері тұрғындардан телефондар...

АҚШ-та тамақ салуға арналған пластикалық контейнерлер ұсынатын Tupperware бренді банкрот болуға өтінім берді. Guardian басылымы шығынға белшесінен батқан компания жас тұтынушыларды тарту үшін жаңа менеджерлер іздеп жатқаны туралы жазды.

1946 жылы химик Эрл Туппер негізін қалаған, өзінің патенттелген мөрімен танымал болған компания АҚШ-тың банкроттық туралы кодексінің 11-тарауына сәйкес құжаттарын рәсімдеуде.

Компания басшылары қаржылық ахуалына экономикалық жағдай «кері әсер етті» деп мәлімдеді.

1950 және 1960 жылдары компанияның сауда агенттері, негізінен әйел қызметкерлер, пластикалық ассортиментті сату үшін Tupperware кештерін өткізген кезде бренд ретінде танымал болды. Сол арқылы көптеген адамның қолайлы уақытта қосымша ақша табуына мүмкіндік туды.

Массачусетс штатында орналасқан компанияның пластикалы...

Брокерлер жақында жаңа қазақстандық клиенттер легін күтіп отыр. Еліміздегі мөлшерлеме түскенге дейін олар жергілікті облигациялардың жоғары табыстылығын бекітуге ұмтылмақ. Бұл туралы Freedom Finance Global директорлар кеңесінің төрағасы, «Фридом Финанс» АҚ басқарма төрағасы Сергей Лукьянов мәлімдеді.

«Жақында осы табыстылықты бекіту үшін дара инвесторлар келеді деп күтіп отырмыз. Еліміздің барлық биржасында клиенттік база өседі», – деді ол  Астанада өткен First Kazakhstan Economic Freedom High-Level Conference-те.

Оның сөзіне қарағанда, кейінгі жылдары қазақстандықтар мөлшерлемелер өсіп жатқанда құнды қағаздар қоржынындағы облигациялар үлесін арттырған.

«Егер біздің компания бойынша жалпы клиенттік базаны алсақ, онда бәрі 50 де...

Freedom Holding Corp. негізін қалаушы және басшысы Тимур Турлов Астанада өткен First Kazakhstan Economic Freedom High-Level Conference жиынында сөйлеген сөзінде Ұлттық банк пен базалық мөлшерлеменің Қазақстан экономикасындағы рөлі туралы айтты. Турловтың сөзінше, қазіргі мөлшерлеме деңгейі банктер үшін тиімді болғанымен, несие беру мен бизнесті дамытуды айтарлықтай қиындатады.

«Бұл (рубльдің әлсіреуі аясында азық-түлік инфляциясының төмендеуі – ред.) Ұлттық банкке инфляцияның төмендеуіне белсендірек әрекет етуге мүмкіндік береді деп үміттенемін. Өйткені шынайы пайыздық мөлшерлеме әлем бойынша ең жоғары емес шығар. Бірақ жаһандық деңгейде айтарлықтай жоғары. Пайыздық мөлшерлеменің қазіргі деңгейі, шын мәнінде, бізді шектейді», – деді Турлов.

Freedom Holding Corp...

Уолл-стрит АҚШ-тың Федералды резерві сәрсенбіде пайыздық мөлшерлемені төмендету циклін бастайтынына күмәнданбайды. Бұл дивидендтер төлейтін акциялардың инвесторлар үшін тартымды болуына мүмкіндік береді. Өйткені қазынашылық пен депозиттердің кірістілігі төмендейді.

Уолл-стритте 17 жыл жұмыс істеген RW Baird брокерлік компаниясының бұрынғы стратегі – Barron’s редакторының орынбасары Аллен Рут ФРЖ шешімінің алдында ақша-несие саясатын жеңілдету арқылы тартымдылығы өсетін АҚШ компанияларының 10 банктік және 10 банктік емес дивидендтік акцияларын атады.

Банктер

Пайыздық мөлшерлемені төмендету банктер үшін қаржыландыру құнын азайтады және несиеге сұранысты арттырады. Сонымен қатар әдетте экономика өсім көрсетіп келе жатқан төмен ставкалар кезеңінде қарыз алушылар өз несиелеріне жиі қызмет ете алады. Нәтижесінде...

«Майқайыңалтын» АҚ экс-директоры мен 5 жетекші қызметкері ұсталды. Бұл жайлы Павлодар облыстық полиция департаментінің баспасөз қызметі хабарлаған.

«Павлодар облысының полицейлері «Майқайықалтын» АҚ-ның экс-директоры мен бес жауапты қызметкерін уақытша ұстау изоляторына қамады. Тергеу жалғасып жатыр», – деп хабарлаған баспасөз қызметі.

Полиция мәліметінше компанияның жауапты тұлғалары тау-кен және құрылыс жұмыстарын жүргізу кезінде қауіпсіздік ережелерін бұзу фактісі бойынша қозғалған қылмыстық іс барысында ұсталған.

Еске сала кетсек, Астана қалалық сот алқасы «Майқайың» кенішіндегі апатқа жұмыс беруші компанияны кінәлі деп тапқан болатын.

Мұның алдында бұл істі Астана қаласының мамандандырылған ауданаралық әкімшілік соты қарап, апатқа «Майқайыңалтын» компаниясын...