Жаңалықтар

Автокөліктерге салынатын салық көлемі төмендейді. Атап айтқанда, 10 жылдан асқан автокөліктер үшін салық сомасы 30%-ға, 20 жылдан асқан автокөліктер үшін – 50%-ға төмендейді. Бұл жайлы Мәжілісте Ұлттық экономика вице-министрі Азамат Әмрин айтты.

Ұлттық экономика вице-министрі жаңа Салық кодексінің жобасын таныстырды. Министрлік өкілі президент тапсырмасынан кейін кодекстің қандай өзгерістерге ұшырағанын түсіндірді.

«Жаңа Салық кодексінде БЖЗҚ-дан зейнетақы төлемдерін жеке табыс салығынан босату жөніндегі норма көзделген. Сондай-ақ қолдануы 10 жылдан асқан автомобильдер үшін салық сомасы 30%-ға, 20 жылдан асқан автомобильдер үшін – 50%-ға төмендетілетін болады», – деді министрлік өкілі.

Сонымен бірге бұрыннан талқыланып келе жатқан...

Статистикалық деректерге қарағанда, Қазақстан жоспарланған мұнай көлемін өндіре алмайтыны байқалады. Қашаған кенішінде 3 қазанда жоспарлы жөндеу жұмыстары басталады. Бұл да белгіленген меже – 90,3 млн тоннаға қол жеткізуді қиындата түспек. Қаңтар айында Энергетика министрлігі 2024 жылға арналған өндірудің жоспарлық көрсеткішінде осындай көлем бекіткен болатын.

Ұлттық статистика бюросының мәліметінше, алғашқы алты айда мұнай мен газ конденсатын өндіру 59,307 тонна болды. 2023 жылғы көрсеткішпен салыстырғанда 0,6 %-ға азайған. Ал 2023 жылы 89,9 млн тонна өндірілген болатын. Тамыз айының аяғында Энергетика министрі Алмасадам Сатқалиев ОПЕК+ келісімі аясындағы міндеттемелерді орындауға байланысты «түзету жоспарын» әзірлеп жатқанын айтты. Қаңтар-тамыз айларына қатысты мәліметтерге сүйенсек, орта есеппен айына...

Депутат Азат Перуашев Ұлттық экономика және Қаржы министрлігі әзірлеген Салық кодексін сынға алды. Мәжілісте министрлік өкілдері жаңа Салық кодексінің жобасын таныстырды.

Перуашевтің айтуынша, министрліктер ұсынып отырған cалық саясаты әділ емес. Депутат жаңа кодекс «ұсақтардың тұтылып, ірілердің құтылып» кетуіне жол беретінін айтты.

«Неге банктердің корпоративтік табыс салығы (КТС) небәрі 25%-ға дейін ғана? Банктер қосымша құн салығын (ҚҚС) мүлде төлемейді. Босатылған. Неге сол 12%-ды оларға КТС үстінен қосып бермеске? Мәселен, КТС-ті 30-35%-ға өсіруге болмай ма? Олар да ауыртпалықты теңдей көтеруі керек. Қарапайым халық кедейленіп, жыл сайын жағдайы нашарлап жатса, банктердің активі артып, табысы көбейіп жатыр...

Telegram-дағы боттардың қолынан келмейтіні жоқ. Ол сізге мықты көмекші бола алады. Сурет не видео өңдеп береді, керек десеңіз, ағылшын тілін өз бетімен оқуға жәрдемдеседі. Бюджет жоспарын жасап, әлденені еске салып отыратын сенімді серік болады. Бүгінгі материалымызда ең пайдалы боттарды назарыңызға ұсынамыз.

Қазіргі уақытта Telegram-да істеп тұрған боттарға шолу жасап шығайық. Ыңғайлы болсын деп мынадай алты топқа бөліп қойдық:

Пайдалы боттар

MotherSearch

Бұл — Telegram ішіндегі іздеу жүйесі. Бот арқылы ашық каналдардағы түрлі посттарды...

Тамыз айының қорытындысы бойынша Қазақстанда тіркелген қытай компанияларының саны шілдемен салыстырғанда 3,3%-ға немесе 150 бірлікке өсіп, 4674 заңды тұлға мен филиалға жетті, деп хабарлады Ұлттық статистика бюросы.

Бірінші несиелік бюроның мәліметінше, бұл кем дегенде 2022 жылдың басынан бергі ең үлкен айлық өсім. Дегенмен, барлық тіркелген ұйымдардың тек үштен екісі немесе 3062 ғана белсенді жұмыс істейді.

Жалпы статистикаға сүйенсек Қытай компанияларының ұлғайып келе жатқанын байқауға болады. Қазірге дейін тіркелген ұйымдардың саны тек бір рет, 2023 жылдың қарашасында ғана азайған. Ал  2024 жыл бойы өсім тек үдей түскені байқалады. Ұлттық Статистика бюросының дерегіне қарасақ басқа бірде-бір серіктес ел тамыз айында...

Жұмыс күшінің «қартаюы», геосаяси фрагментация және басқа да тәуекелдер ортамерзімді перспективада инфляция мен пайыздық мөлшерлемелерді жоғары деңгейде ұстап тұрады деп ескертті BlackRock сарапшылары. Сонымен қатар Goldman Sachs және Citigroup тамыз айындағы теріс статистикадан кейін, Қытайдың 2024 жылға арналған өсу болжамын төмендетті. Осы және өзге де тақырыптар туралы 16 қыркүйектегі шолуымыздан оқыңыз.

BlackRock: ФРЖ мөлшерлемені тым қатты төмендетпейді

Reuters агенттігі BlackRock институтының сарапшыларына сілтеме жасай отырып, ФРЖ, ертең, 18 қыркүйекте АҚШ-тағы пайыздық мөлшерлемелерді облигациялар нарығы күткендей төмендетпеуі мүмкін деп жазды. Мұндай шешім тұрақты экономикаға және біршама уақыт сақталып отырған тұрақсыз инфляцияға байланысты.

Трейдерлер Федералды резерв қарыз алу құнын...

Франция парламентінің төменгі палатасы – Ұлттық ассамблеясының бюросы президент Эммануэль Макронға импичмент жариялау рәсімін қосу туралы резолюция жобасын мақұлдады.  

Француз басылымы Parisien-нің хабарлауынша, Ұлттық ассамблея бюросы Эммануэль Макронды биліктен тайдыру рәсімін бекіткен.  

Бюро – осы ел парламентінің төменгі палатасының жоғарғы алқалық органы. Ондағы 22 адамның 12-сі – солшыл партиялардың өкілдері. Ұсыныс La France insoumise (Бағынбайтын Франция) атты партияның атынан түсіп отыр. Ол қаралған кезде 12 мүше қолдаса, 10 адам қарсы болыпты.

Импичмент жариялауға парламент сайлауында коалициясы жеңіске жетсе де, солшыл партияларға құрылатын үкіметке құрамына кіруге Макронның жол бермеуі түрткі болып отыр.

Енді резолюция мәтінін 73 депутаттан тұратын заңнамалы...

Қарағанды ​​облысы, Шет ауданындағы Ақжал қорғасын-мырыш кен орны 2023 жылы Ресейдің «Челябі мырыш зауытының» (ЧМЗ) тікелей меншігіне өткен. Бұл туралы кенішке иелік ететін «Nova Цинк» компаниясының 2023 жылғы аудитттелген қаржы есебінде жазылған.

Құжатта 2023 жылдың сәуірінде «Nova Цинк» жауапкершілігі шектеулі серіктестігі үлескерлерінің кезектен тыс жиналысы өтіп, соның нәтижесінде Nova Holding AG швейцариялық компания акционерлер қатарынан шығу туралы шешім қабылдағаны жазылған.

Сонымен қатар швейцариялық компания «Nova Цинк» ЖШС-ның жарғылық капиталындағы 99,9% үлесті ЧМЗ иелігіне берген. Қос тарап келісімге 2023 жылдың 11 сәуірінде қол қойған. Ал «Челябі мырыш зауыты» АҚ-ның басқарушы компаниясы санкцияға ұшыраған – «Орал тау-кен компаниясы» (Уральская...

Өнеркәсіп және құрылыс министрлігі сирек металдардың өндірісіне инвесторларды тарту үшін барлау лицензияларын осы жылы өткен жылмен салыстырғанда көбірек берген. Қазақстан бұл салаға көптеп инвестор тарту арқылы электромобильдердің аккумуляторына қажетті металл өндірісін арттыруды көздеп отыр. Бұл жайлы Reuters агенттігіне берген сұхбатында Өнеркәсіп және құрылыс министрі Қанат Шарлапаев айтқан.

Министр сирек металдардың кен орындарын барлау мен игеруді жеделдету үшін барлауға лицензия беру рәсімдері онлайн форматқа көшіріліп, жеңілдегенін, соның нәтижесінде 2023 жылы 397, 2024 жылы 487 лицензия берілгенін айтқан.

Сонымен бірге Шарлапаев Қазақстанның Еуропалық Одақ елдеріне маңызды материалдарды жеткізуде үлкен сенімге ие болғанын, қазіргі уақытта елдің ЕО-мен және Ұлыбританиямен маңызды...

Туризм индустриясы комитеті ең көп турист келген 5 елді атап көрсетті.

Оған сенсек, Ресей бірінші орынға шығып отыр. Алты ай ішінде солтүстік көршімізден 186,1 мың адам саяхаттап келген. Аспан асты елі – Қытай екінші орынға жайғасыпты. Қазақстанды көруге 69 918 қытай азаматы асығыпты. 53 695 турист келген Үндістан үшінші орын алды.

Төртінші орынды Түркия, бесінші орынды АҚШ иемденіп отыр. 30 312 түрік, 19 596 америкалық еліміздің көрікті жерлерін аралаған.

Туризм индустриясы комитетінің төрағасы Нұртас Кәріпбаевтың пікірінше, аталған елдерден туристер легі еліміздің әлемнің туристік картасында тартымды бағытқа айналып келе жатқанын аңғартады.

«Бізді туристиік инфрақұрылымдарды дамытып, шетелдік туристер үшін барынша қолайлы жағдай...

2029 жылы Қазақстандықтардың орташа айлық жалақысы 573 мың теңгеден асады. Бұл туралы Қазақстанның 2025-2029 жылдарға арналған әлеуметтік-экономикалық даму болжамында айтылған.

Үкімет Қазақстандағы бір қызметкердің орташа айлық жалақысы келесідей болады деп күтеді:

2024 жылы – 396 мың теңге;

2025 жылы – 431,6 мың теңге (+8,9%);

2026 жылы – 466,9 мың теңге (+8,1%);

2027 жылы – 500,7 мың теңге (+7,2%);

2028 жылы – 536,3 мың теңге (+7,1%);

2029 жылы – 573,7 мың теңге (+6,9%).

Ұлттық статистика бюросының мәліметінше, 2024 жылдың бірінші тоқсанында орташа айлық жалақы 382,2 мың теңгені құрады. Ол Қазақстандағы барлық жұмысшы жалақысының орташа арифметикалық мәні ретінде есептеледі.

Үкіметтің болжамы...

Президент Қасым-Жомарт Тоқаев «Орталық Азия – Германия» саммитінде Астана мен Берлин арасындағы ынтымақтастықты арттыру жолдарын айқындап берді. Энергетика, сауда айналымын арттыру, шикізат өндіру бойынша бірлескен жобалар және басқа да маңызды дүниелер қамтылды.  

Ақорданың баспасөз қызметінің хабарлауынша, Тоқаев «Орталық Азия – Германия» саммитін ашып, Германия канцлері Олаф Шольц пен Орталық Азия елдерінің басшыларына аймақтық қауымдастығына қолдау білдіріп, қатысып отырғанына ризашылығын білдірді.

Президент жоғарғы деңгейдегі диалогтың тұрақты және өзара сенімге негізделгенін атап өтті. Бұған былтыр қыркүйек айында Берлиндегі кездесу бастау болған.

«Бүгін біз маңызды мәселелерді талқылап жатырмыз. Сауда, инвестиция, энергетика, экология, транспорт және логистика, білім бері мен...

Siemens компаниясы мен «Самұрық-Қазына» әл-ауқат қоры Қазақстандағы жергілікті өндірісті дамыту жөніндегі келісімге қол қойды. Бұл туралы компанияның баспасөз қызметі хабарлайды.

Келісім аясында Қазақстан аумағында бірлескен өндіріс құру, жабдықтар мен материалдарды жеткізу, мамандарды дайындау көзделген. Алдағы уақытта Қазақстан аумағында өлшеу техникасы, өндірісті автоматтандыру құралдары, электр жабдықтары өндірілмек.

Келісім Германия канцлері Олаф Шольцтің Қазақстанға ресми сапары барысында жасалды. «Қазақстан – Германия» бизнес форумында маңызды құжаттарға қол қойылды. Форумға қатысқан Президент Тоқаев канцлердің ресми сапары қазақ-герман қатынасының тың өріс алуына септігін тигізеді деп санайды.

Siemens AG («Siemens» ЖШС құрылтайшысы) — электр техникасы, электроника, энергетикалық жабдықтар, көлік, медициналық жабдықтар мен жарықтандыру...

Қаржы нарығын реттеу және дамыту агенттігі ESG қағидаттарын Қазақстанның қаржы нарығын реттеуге енгізу жөніндегі жол картасына өзгеріс енгізеді. Бұл жайлы агенттіктің сайтында жарияланған құжатта жазылған.

Жаңа жол картасына сәйкес, ESG тәуекелдерін басқару және кредит портфелінің көміртегі ізін бағалау бойынша экологиялық және әлеуметтік тәуекелдерді басқару жөніндегі нұсқаулықты (Guidelines on Environmental and Social Risk Management, ESRM) әзірлеу және қабылдау мерзімі 1 жылға шегерілген. Негізінен бұл шара 2023 жылдың 2-жартыжылдығында қолға алынуы керек болған. Ал жаңа жол картасына сәйкес оның аяқталу мерзімі 2024 жылдың екінші жартыжылдығына жоспарланып отыр.

Ал банктердің кредит портфельдерінің көміртегі ізін бағалау жөніндегі нұсқаулықты әзірлеу және қабылдау...

ҚТЖ-ның еншілес кәсіпорны «Қазтеміртранс» АҚ жыл соңына дейін 1500 жүк вагонын сатып алады деп хабарлады ҚТЖ баспасөз қызметі.

Компания 2023 жылы 242 жартылай вагон сатып алған еді. Қыркүйекте олардың қатарын тағы 65 жаңа жартылай вагон толықтырды, тағы 65-і күтілуде. «Қазтеміртранс» жалпы соңғы 10 жылда 25 мыңнан астам вагон алған.

«Жыл соңына дейін 1500 жүк вагонын сатып алуды жоспарлап отырмыз. Олар астық, көмір, құрылыс материалдары және басқа да әлеуметтік маңызды тауарлар сияқты өмірге қажетті жүктерді тасымалдауға пайдаланылады»,– дейді «Қазтеміртранс» АҚ директорының орынбасары Тәңірберген Құсайынов.

Қазіргі таңда «Қазтеміртранс» АҚ-ның жекеменшік вагондар парк...

Әлеуметтік желіде 16 қыркүйек күні түнде Арыс горнизонының әскери қызметкері басына оқ тиіп, ауыр халде ауруханаға жеткізілгені туралы хабар тарады. Ефрейтордың жағдайы нашар екені айтылды. Осыған орай «Курсив» Қорғаныс министрлігінің баспасөз қызметіне сауал жолдаған болатын.

Қорғаныс министрлігіне қарасты Шымкент горнизонының баспасөз қызметінің хабаралуынша, әскери қызметкер травматикалық қарудан жарақат алған.

«16 қыркүйекте тәуліктік кезекшілікті атқару кезінде Арыс гарнизоны әскери бөлімдерінің бірінде келісімшарт бойынша істейтін әскери қызметкері травматикалық қарудан басынан жарақат алды», – деп хабарлайды баспасөз қызметі.

Алдын ала мәлімет бойынша, әскери қызметкер отбасылық-тұрмыстық жанжалға байланысты өз-өзіне қол жұмсамақ болған.

Аудандық ауруханаға жеткізілген әскери...

Qazaq Air-ді сату және елдегі 2 әуежайды вьетнамдық Sovico тобының сенімді басқаруына беру мәмілесі Астана халықаралық қаржы орталығында (АХҚО) тіркелген компаниялар арқылы жүзеге асуы мүмкін.

Себебі 2 тамызда Sovico Group-тың еншілес ұйымы – Aviation Holding компаниясы Central Asia Holdings Limited компаниясын құрған. АХҚО тізімінде компания жетекшісі – Фам Гок Сау деп көрсетілген. Акционері – Aviation Holdings Company Limited.

Ал 13 қыркүйекте Central Asia Holdings Limited компаниясы Central Asia Airport Holdings Limited компаниясын тіркейді. Компанияның қызмет бағыты авиациялық инфрақұрылымға инвестиция салып, әуежайды басқару және пайдалану қызметтерін көрсету және аэронавигациялық және аэронавигациялық емес қызметтер мен әуежайдың инженерлік құрылысы деп көрсетілген...

Дағдарыс еуропалық автоөнеркәсіпті шарпып тұр: әлемге әйгілі тағы бір зауыт жабылуы мүмкін. Бұл жолы Audi жабылады деген ақпарат тарады. Брюссельдің 5,5 мың тұрғыны бұған наразылық білдіріп,  шеруге шықты. Олардың 3 мыңы Audi зауытының жұмысшылары.

Шерушілер тек Audi автозауыты ғана емес, басқа да авто өнеркәсіпорындардың жабылуына қарсы. Олар елорданың Солтүстік вокзалынан басталып, одан кейін Еуропарламент орналасқан орталық алаңға дейін барған. Шеруге қатысушылар ел билігінің табыс әкелетініне қарамастан, өндірісті Еуроодақтан тыс жерлерге көшуге рұқсат беретініне наразы.

«Бірнеше жылдан бері өте жоғары табыс тапқанына қарамастан, қазіргі дағдарыс үшін төлеуіміз керек. Біз мұны қабылдамаймыз», – дейді шеруге қатысқан Бельгияның кәсіподақтар федерациясының өкілі Сор Хиллаль...

«Шұбаркөл Премиум» KASE арқылы 2024 жылдың 13 қыркүйегінен бастап эмитенттің дауыс берші ацияларының он және одан көп пайызына иелік ететін акционерлер құрамының өзгергені туралы хабарлады.

Енді «Шұбаркөл Премиум» акционерлерінің құрамында Ибрагимов Шухрат Алимджанович, Кеңес Рақышев Хамитұлы көрсетіліп отыр. Ал «Шұбаркөл премиум» құрылтайшылары: FCI Management LLP ЖШС, «Trans Coal Investment group» ЖШС және Joint Resources АҚ болған. Бұлар енді эмитент құрамынан шығып отыр.

Қазақстан қор биржасының дерегінше, Joint Resources – 67%, Trans Coal Investment Group – 16,5%, «FCI Management» ЖШС – 16,5% акциясына иелік еткен еді. Қаржы есептері бойынша, Joint Resources компаниясының жалғыз акционері – Тимур Құлыбаев.

Statsnet деректері бойынша, «Шұбаркөл...

Санитариялық-эпидемиологиялық бақылау комитетінің төрағасы – ҚР Бас мемлекеттік санитарлық дәрігері болып Сархат Бейсенова тағайындалды. Бұл жайлы Үкімет үйінің баспасөз қызметі хабарлады.

«Қазақстан Республикасы Үкіметінің қаулысымен Сархат Сағынтайқызы Бейсенова Денсаулық сақтау министрлігі Санитариялық-эпидемиологиялық бақылау комитетінің төрағасы – ҚР Бас мемлекеттік санитарлық дәрігері қызметіне тағайындалды»,- делінген баспасөз хабарламасында.

Бейсенова 1972 жылы Ақмола облысында дүниеге келген. Қарағанды мемлекеттік медицина институты мен Тұран-Астана университетін тәмамдаған. Еңбек жолын 1989 жылы Ақмола облыстық онкология диспансерінде санитар қызметінен бастаған.

Ал 1996-1998 жылдары — Ақмола қаласы Санитариялық-эпидемиологиялық стансасының дәрігер-эпидемиологы болып тағайындалып ары қарай осы сала бойынша басшылық қызметтерді атқарған...

«ҚазМұнайГаз» ҰК АҚ басшылық құрамы өзгерді. Басқарма төрағасының орынбасары қызметіне бұрынғы энергетика вице-министрі Әсет Мағауов келді.

Ол 2023 жылы сәуірде елдегі дизель отыны тапшылығына байланысты энергетика вице-министрі қызметінен кеткен болатын.

Әсет Мағауовпен қатар ҚМГ басқарма төрағасының тағы бір орынбасары тағайындалды. Бұл лауазымға Бекзат Абайылданов келді.

Жаңа орында Әсет Мағауов мұнай өңдеу және мұнай химиясы, мұнай өңдеу зауыттарының қызметі мәселелеріне жетекшілік етпек.

Ал Бекзат Абайылданов мұнай және газ өндіру, геологиялық барлау бағытын басқарады.

Аталған азаматтар Қазақстанның мұнай-газ саласында бұрыннан жұмыс істеп келе жатыр. Мәселен, Мағауов еңбек жолын 1994 жылы «Теңізмұнайгаз» АҚ-да экономист болып бастаған.

Әр жылдары...

Немістің үш ірі банкі Қазақстандағы жобаларды дамытуға инвестиция салады. «Қазақстанның Даму Банкі» АҚ Deutsche Bank, Landesbank Baden-Württemberg (LBBW)және KFW IPEX Bank сынды қаржы институттарымен 3 құжатқа қол қойды. Соның негізінде Deutsche Bank – 200 млн доллар, ал LBBW мен KFW IPEX Bank 100 млн еуродан бөледі. Бұл туралы ҚДБ баспасөз қызметі хабарлады.

Deutsche Bank инвестициялайтын 200 млн доллар (шамамен 96 млрд теңге) Қазақстандағы инвестициялық жобаларды қаржыландыруға бағытталады. Ал LBBW бөлетін 100 млн еуро (53 млрд теңге) экспорттық мәмілелерге жұмсалса, KFW IPEX BANK-пен негіздемелік келісім аясындағы инвестиция Қазақстандағы инфрақұрылым және өнеркәсіп жобаларын қолдауға бағытталады.

ҚДБ басшысы...

Астанада 23 қыркүйек күні сатып алу құқығынсыз жалға берілетін баспанаға өтініш қабылдау басталады. Бұл жайлы Астана қаласының Тұрғын үй инспекциясы басқармасы хабарлады.

Басқарманың хабарлауынша, бұл тұрғын үйлер «көпбалалы отбасылар» және «халықтың әлеуметтік осал топтары» санаттарына жатқызылған азаматтарға беріледі.

Астана қаласының Тұрғын үй орталығы өтінім қабылдауды 2024 жылғы 23 қыркүйектен бастайды. Өтінім қабылдау процесі екі аптаға созылып, 7 қазан күні сағат 18:00-де аяқталады.

Құжаттарды қабылдау birge.astana.kz порталы арқылы электронды форматта жүзеге асырылады.

«Қатысушыларды іріктеу кезекке қойылған күнге сәйкес жүргізіледі және отбасы құрамы ескеріледі. Қатысуға өтінімдерді кезекке қойылған барлық жылдардағы кезекте тұрғандар бере алады...

Қызылорда қалалық соты Кәсіпкерлік және өнеркәсіп басқармасының жетекшісі Әбсаттаровқа үкім шығарды.  

Сыбайлас жемқорлыққа қарсы іс-қимыл агенттігінің хабарлауынша, шенеунік лауазымдық өкілеттілігін теріс пайдаланғаны, заңды кәсіпкерлікпен айналысуға кедергі жасағаны үшін кінәлі деп танылған. Ол бизнес өкілдеріне 1,4 млн теңге көлемінде баласының оқу ақысын төлеуге және құны 6,8 млн теңге болатын дизельді отынды беруді талап еткені анықталып отыр. Сұйытылған газ алуға кәсіпкерлердің құқықтарын шектеуге ұмтылған. Бұл әрекетімен шенеунік бизнес өкілдеріне 26,9 млн теңге шығын келтіріпті.

Сот Әбсаттаровқа 9 айға бас бостандығынан айыруға және өмір бойы мемлекеттік қызметте және квазимемлекеттік сектор субъектілерінде жұмыс істеу құқығынан айыруға үкім шығарды. Сонымен қатар бұрын алған...