Жаңалықтар

Үстірт мемлекеттік табиғи қорығындағы жасырын фото камераға сирек кездесетін барыс түрі түсіп қалды. Бұл жайлы Қазақстан Республикасы Экология және табиғи ресурстар министрлігі Орман шаруашылығы және жануарлар дүниесі комитеті хабарлады.

Алабарыс – халықаралық табиғатты қорғау одағының критерийлері бойынша жойылып кетудің аз алдында тұр. Бұл жыртқышты ғалымдар 2021 жылы Қазақстан Республикасының Сирек және жойылып кету қаупі бар түрлер тізіміне кіргізген. Сонымен бірге бұл жануар Қазақстанның Қызыл кітабына да енгізілген.

Бұл жыртқыштың басқа қабыландар мен барыстардан айырмашылығы оның терісінің түсі тіршілік ететін аймаққа сай өзгеріп отырады. Алабарыстардың ерекшелігі түсінде. Олардың терісі ашықтау күңгірт түске ие. Осылайша жыртқыш өзі тіршілік ететін аймаққа...

Төтенеше жағдайлар экс-министрі Владимир Божконың ұлы Максим Божкоға тиесілі «CAPITAL projects LTD» ЖШС Ақмола облысында жаңа зауыт құрылысын қолға алды. Жоба құны -12,5 млрд теңге. Жаңа зауыт ұзақ сақталатын жұмыртқа мен құрғақ жұмыртқа қоспаларын өндіреді.

«CAPITAL projects LTD» ЖШС «Курочка Ряба» брендімен өнім шығарады. Кәсіпорын тауық еті мен жұмыртқа өндірісінің толық циклін іске асыратын «Шаңырақ» компаниялар тобына кіреді. Ал жаңа кәсіпорын тәулігіне 1 млн жұмыртқа шығарады деп жоспарланған.

Ауыл шаруашылығы министрлігінің хабарлауынша, CAPITAL projects LTD аталмыш жобаны Thornico (Sanovo) компаниясымен бірлесіп жүзеге асырады. Арнайы келісімге қол қойылған. Бизнесті қолдау мақсатында зауыт құрылысына мемлекет қаржысы да құйылады.

Қазақстан өңірлерінде алдағы бірнеше күнде жел күшейіп, үсік жүреді. Бұл жайлы «Қазгидромет» хабарлады.

Синоптиктер болжамына сәйкес, 17 қыркүйек күні Астанада ауа температурасы күрт төмендейді. +1 градусқа дейін күн суытып, түнде топырақ бетінде үсік жүруі мүмкін.

Қарағанды облысында да ауа температурасы 2 градусқа дейін төмендеп, үсік күтіледі. Ал күндіз солтүстік-шығыстан жел соғып, облыстың батысында, шығысында, орталығында екпіні 15-20 м/с, облыстың оңтүстігінде 23 м/с дейін жетеді деп болжануда. Сонымен бірге жоғары өрт қаупі сақталады.

Көрші Ұлытау облысында да жоғары өрт қаупі сақталып, жел соғады. Солтүстік-шығыстан және шығыстан соққан жел екпіні 15-20 м/с құрауы мүмкін.

Атырау, Ақтөбе, Батыс Қазақстан...

Ресей Курск облысындағы тағы екі ауданның тұрғындарын эвакуациялау туралы шешім шығарды. Бұл елдімекендер Ресей мен Украина шекарасынан 15 шақырым аумақта жатыр.

Облыс губернаторы Алексей Смирновтың айтуынша, жалпы 89 елдімекеннің тұрғындары көшіріледі. Мұндай шешімді жедел штаб қабылдаған. Жалпы 130 мың адам көшірілген.

«Жергілікті тұрғындарды көшіру процесін үйлестіру қауіпсіздік күштеріне, жергілікті әкімшілікке және Курск Патриот орталығының сақшыларына жүктелді», – деп жазды ол.

2024 жылдың 6 тамызында украин әскерлері Ресейдің Курск облысына жасырын операция жүргізіп, екі жарым жылға созылған соғыстың статус-квосына қарсы шықты. Украина Ресейдің Курск облысына басып кіргеннен кейін, Ресей президенті Владимир Путин бұл...

UBS қаржы конгломерантының сарапшылары 2024-2026 жылдардағы мұнай бағасына қатысты болжамын төмендетті. Сарапшылардың жаңа болжамына сәйкес, Brent маркалы мұнай бағасы бұған дейінгі болжамнан арзандау болады.

Оған себеп – қара алтынға деген әлемдік сұраныстың әлсіреуі және ұсыныстың тұрақтылығы. Brent маркалы мұнайдың 2024 жылдың төртінші тоқсанындағы жаңа болжамды бағасы барреліне 83 доллардан 75 долларға дейін арзандады.

2025 және 2026 жылдарға арналған арналған болжамда Brent мұнайының 1 баррелінің бағасы 75 доллар болуы мүмкін деп жазылған.

UBS сарапшылары сондай-ақ ОПЕК+ мұнай өндірісін арттыруды кейінге қалдыруға мәжбүр болады деп пайымдайды. Өндіріс тек 2027-2028 жылдары артуы мүмкін. Негізі ОПЕК+ 2025 жылда кезең-кезеңімен ерікті қысқартудан...

Неміс компаниясы елде жаңа әуежай салмақ. Жетісу облысының әкімдігі әуежай салу үшін жер телімін бөлді. Инвестор жобаны іске асыруға дайын.

Азаматтық авиация комитеті мәліметі бойынша тараптар келісімге келген.

Жоба бойынша Жетісуда жаңа әуежай терминалы сағатына 500 адамға қызмет ете алады. Жылына 550 000 тоннаға дейін отын сиятын қойма, 250 000 тонна жүк қабылдайтын терминал салынады.

Жеке инвестициялардың жалпы сомасы 500 млн доллардан басталады деп болжануда. Үш кезеңнен тұратын даму бағдарламасы мына салаларды қамтиды:

Қазақстанға Германияның федералды канцлері Олаф Шольцтың Қазақстанға жұмыс сапарымен келді. Соған сәйкес Көлік...

TF International Securities сарапшысы Мин-Чи Куон Apple акциялары дүйсенбі, 16 қыркүйек күні алдын ала саудада 2%-ға төмендегенін айтты.

Алдын ала тапсырыс бойынша бірінші демалыс күніндегі iPhone 16 сатылымы шамамен 37 миллион дана болды. Былтырғы iPhone 15 көрсеткішімен салыстырғанда, 12,7%-ға төмен.

Сарапшы бұған iPhone 16 Pro үлгісіне сұраныстың төмендеуі себеп болды деп есептейді. Яғни екі фактор кедергі болғанын нақтылады:

Дегенмен Investing жорамалы бойынша iPhone 16 Pro сатылымы алдағы уақытта жаңа деңгейге шығуы мүмкін. Оған Apple Intelligence-нің қолданысқа енуі және жеңілдік сыйлайтын акциялар әсер етеді.

16 қыркүйекте Jefferies және Citi сарапшылары Apple-дің iPhone 16-ға...

«Қазақстан – Германия» бизнес форумында маңызды құжаттарға қол қойылды. Форумға қатысқан Президент Тоқаев канцлердің ресми сапары қазақ-герман қатынасының тың өріс алуына септігін тигізеді деп санайды. Қасым-Жомарт Тоқаевтың айтуынша, былтыр екіжақты тауар айналымы 41%-ға ұлғайып, 3,9 млрд долларға жетті. Германиядан келетін тікелей инвестиция мөлшері 64%-ға өсіп, 770 млн доллар болды. Бұл – рекордтық көрсеткіш.

– Біз жалпы құны 55 млрд доллар болатын 66 бірлескен инвестициялық жоба бойынша уағдаластыққа қол жеткіздік. Германия кәсіпорындары елімізге көбірек келіп, «Қазақстанда неміс сапасына сай жасалған» деген ортақ бренд аясында жергілікті өндірісті жолға қояды деп үміттенеміз, – деді Президент.

Германия инвестициялайтын...

Қаржы министрлігі өтеу мерзімі бір жылдан асатын қазынашылық міндеттемелері үшін TONIA TCI-ге 1000 теңге деңгейінде индекстеуді енгізеді. Осылайша, ведомство мемлекеттік бағалы қағаздарға сұранысты арттыруды, олардың өтімділігін жақсартуды көздеп отыр. Құжат «Ашық НҚА» порталында жарияланды.

Министрлік ішкі нарықта мемлекеттік бағалы қағазды сатып алатын қатысушылардың қызығушылығы жоғары деп есептейді. TONIA TCI индексіне индекстелген ставкасы бар қазынашылық міндеттемелерді шығару Үкіметке үкіметтік қарыздар портфелін әртараптандыруға, МБҚ өтімділігін арттыруға, сондай-ақ қарыз алу бойынша әділ құн қалыптастыруға мүмкіндік бермек.

Бюджет кодексінің 205-бабына сәйкес Үкіметтің қарыз алудағы мақсаты – республикалық бюджет тапшылығын қаржыландыру және борыштық құралдардың ішкі нарығын дамыту.

Валюталық тәуекелдерді болдырмау және борыштық құралдардың ішк...

Freedom Finance Ltd. компаниясы Astana International Exchange (AIX) биржасында  облигациялар орналастырды. Бұл облигациялық бағдарламаның екінші шығарылымы.

Олардың жылдық кірістілігі 10,5% шамасында. Бағалы қағаздар Freedom Holding құрамына кіретін еншілес компания – Freedom Finance SPC Ltd. арқылы орналастырылған. Бұл жалпы мөлшері 1 млрд долларға тең облигациялық бағдарламаның екінші кезеңі.

Бұған дейін 2023 жылдың желтоқсанында бөлшек инвесторлар үшін жылына 11,5-12%-бен бес жыл мерзімге облигациялар орналастырған еді. Оның сомасы 200 млн долларды құрады. Осы жолы да компания 200 млн доллар тартты.

Компанияның хабарлауынша, жиналған қаражат телеком-оператор құруға жұмсалады.

Айта кететіні, облигациялар шығарылымы жария түрде ұйымдастырылады, оған кез келген жеке инвестор қатыса алады...

Халықаралық Moody’s рейтинг агенттігі бірнеше банктің рейтингін көтерді. Агенттік рейтингін өзгерткен қаржы ұйымдарының қатарында мемлекеттік Қазақстанның Даму банкі мен Отбасы банк, БЦК, Halyk bank, Bank RBK, ForteBank, Jusan Bank бар. Қаржы ұйымдарының хабарламалары Қазақстан қор биржасы сайтында жарияланған.

Moody’s халықаралық рейтинг агенттігі «Қазақстан Даму Банкі» АҚ-ның («Бәйтерек» холдингінің еншілес ұйымы) ұзақмерзімді рейтингін Baa2-ден Baa1-ге дейін көтерген. Болжам – «Тұрақты».

«Банктің барлық рейтингтері Қазақстан Республикасының квазимемлекеттік және банк секторындағы компаниялар арасында ең жоғарылардың бірі болып табылатын Қазақстан Республикасының тәуелсіз рейтингтеріне сәйкес келеді», – делінген ҚДБ хабарламасында.

Қазақстанның даму банкінің 2023 жылдың жылдық есебіне сәйкес...

Қазақстанда тоқпен жүретін жеңіл автомобильдер саны 10 674 бірлікке жетті. Көрсеткіш өткен жылдың сәйкес кезеңімен салыстырғанда 2,3 есе жоғары. Бұл туралы Ұлттық статистика бюросы хабарлады.

2023 жылдың осы кезеңінде елді 4 670 «жасыл» көлік тіркелген еді.

Бұл ретте электр көліктерінің басым бөлігі Алматы қаласында тіркелген. Елдің қаржы орталығының көшелерімен бүгінде 6275 бірлік эко көлік жүйіткіп жүр. Одан кейінгі орында Астана қаласы. Елордада 1351 бірлік электромобиль тіркелген. Үздік үштікті Алматы облысы қорытындылайды. Мұнда 522 бірлік тоқпен жүретін жеңіл көлік бар.

Жалпы республикада 2024 жылғы шілдеде 156,8 мың бірлік автокөлік есепке қойылды,. Бұл көрсеткіш өткен жылдың сәйкес кезеңімен салыстырғанда...

2023 жылдың оқу жылында республикада 7 687 мектеп тіркелген. Оның ішінде соңғы жылдары жекеменшік мектеп саны да ұлғайған.

Сонымен қатар елімізде оқушылар қатары жылдан-жылға артып келеді. Егер 2013 жылғы оқу жылында мектеп оқушыларының саны 2,5 миллион болса, 2023 жылы 1,1 миллион балаға көбейіп, 3,6 миллион оқушыдан асқан. Соңғы он жылда мектеп жасындағы бала саны 44,2% өсті. Еліміздегі демографиялық жағдайды ескерсек, алдағы жылдары да өсім сақталады. Бұл өз кезегінде мектепке қосымша жүктеме болумен қатар, орын тапшылығын да тудырады.

Білім бюджеті

Мемлекеттік бюджеттің ең үлкен шығыны – білім беру саласына жұмсалып отыр.  Мемлекеттік бюджеттің шығыны жылдан-жылға артып, 2024 жылды...

Алматы тұрғындарының әр күні түрлі іс-шараға, қызықты оқиғаға толы. Бұл – расында, мың бояулы қала. Шара көп болғаны сияқты, бұл қалада шаруа да көп. Сондықтан кейде қызық шаралардан қалып қойып та жатамыз. Kursiv.kz осы аптада өтетін қызықты іс-шаралар тізімін жасап шықты.

Шәкен Айманов атындағы «Қазақфильм» ұлттық киностудиясы бойынша экскурсия

17-20 қыркүйек

Мұражай аралағанды, өнерді, тарихты жақсы көретін жандар үшін 17-20 қыркүйек аралығында апта бойы керемет экскурсия ұйымдастырылмақ. Іс-шара көрерменге отандық киноиндустрияны жақыннан танысуға мүмкіндік беріп, кино таризымен жақындаса түсу мақсатында жасалып отыр. Билет бағасына экскурсия және мультфильм көрсетілімі кіреді.

Экскурсия Алматы қаласы, Әл-Фараби даңғылы, 176 мекенжайы бойынша «Қазақфильм...

2011 жылы BYD және Mercedes-Benz негізін қалаған The Denza бренді 100% қытайлық болды.

Denza бренді 13 жылдан бері құрастырылып келеді. Оны қытайлық BYD және сол кезде Daimler деп атаған Mercedes-Benz Group компаниясы құрды.

2021 жылы неміс компаниясы өз үлесін бастапқы 50%-дан 10%-ға дейін төмендетті.

«Mercedes-Benz енді жобадан толығымен шықты, сондықтан бұдан былай Denza 100% BYD-ге тиесілі», – деп хабарлады CarNewsChina.

Mercedes-Benz үлесі 10%-ға дейін қысқарған 2021 жылдан бері неміс тарапы Denza-ның акционері ғана болды және жаңа үлгілерді әзірлеуге қатысқан жоқ. Алайда дәл осы кезеңнен бастап брендтің сатылымы артты.

Егер 2012 жылы дебют жасаған Denza...

Қырғызстанның Денсаулық сақтау министрлігі дәстүрлі медицинаны заңдастырғысы келеді. Осыған орай, министрлер кабинеті қаулысының жобасы әзірленді деп хабарлайды econimist.kg

Қырғызстандық басылымның мәліметінше, Денсаулық сақтау министрі Алымқадыр Бейшеналиевтің бастамасымен Қырғызстан Министрлер Кабинеті қаулысының жобасын қоғамдық талқылауға шығарды.

Сондай-ақ министр дәстүрлі медицина саласындағы білімді оқыту және жүйелеу үшін материалдық-техникалық база құру сияқты бірақатар ұсыныстарды айтты:

2024 жылдың қаңтар-тамыз айларында өнеркәсіп өндірісі 2023 жылдың сәйкес кезеңімен салыстырғанда 4,9% өскен. Тау-кен, өңдеу және химия, металлургия саласындағы өндіріс артқан.

Бұл айларда құны 31,8 трлн теңгеге тең өнеркәсіп өнімі өндірілген. Соның ішінде 14,6 трлн теңгесі тау-кен өндіру өнеркәсібі өнімдеріне тиесілі болса (45,9%), өңдеу өнеркәсібінде 14,9 трлн теңгенің өнімі (47%) өндірілді.

Ұлттық статистика бюросының мәліметінше, Қазақстанның 14 өңірінде өнеркәсіп өндірісінің өскені байқалады. Әсіресе, Ұлытау, Қарағанды, Түркістан, Ақтөбе облыстарында және Астана қаласы көш басында келеді.

Ал 6 өңірде өнеркәсіп өндірісінің өсімі теріс мәнде қалыптасқан. Олар: Алматы (-6,5) қаласы мен Ақмола (-0,9%), Атырау (-0,8%), Батыс Қазақстан (-0,1%), Жамбыл (-2,4%), Қостанай...

Министрлікті сотқа берген абитуриенттердің бәрі грант алды. Бұл жайлы Ғылым және жоғары білім министрі Саясат Нұрбек айтты.

Министрдің айтуынша, жалпы министрлікке қарсы 22 абитуриент шағым түсірген. Соның ішінде бір іс сотта қаралып үлгерген. Десе де ол іс студенттің грантқа ие болуына байланысты кері қайтарылған. Дәл солайша грантқа ие болуына байланысты, шағым иелерінің көбісі арыздарын кері қайтарып алған. Сол себепті бірталайының сот ісі тоқтатылған.

Министрдің айтуынша, қазір сотта бір іс қаралып жатыр.

«Қазіргі таңда белсенді бір ғана іс бар. Астана әкімшілік сотында 19 қыркүйек күні бірінші сот отырысы өтеді. Сотқа арызданған талапкер екі жерден...

16 қыркүйек күні кино мен деректі бағдарламалар саласындағы жетістіктер үшін берілетін Primetime Emmy Awards 2024 премиясының биылғы жеңімпаздары анықталды. Кино әлемінің жұлдыздары Лос-Анджелестегі Microsoft Theater-де жиналып, биылғы үздіктер марапатталды.

Телевизия өнері мен ғылымы академиясы 76-рет өткізіп жатқан кино әлемі үшін маңызды додада келесі туындылар үздік деп танылды:

Үздік драма хикая – «Сегун»

Әйелдер арасындағы үздік драма актері – Анна Сауаи («Сегун»)

Ерлер арасындағы үздік драма актері – Хироюки Санада («Сегун»)

Әйелдер арасындағы үздік екінші пландағы драма актері – Элизабет Дебики («Патшайым»)

Ерлер арасындағы үздік екінші пландағы драма актері – Билли Крудап («Таңғы шоу»)

Үздік комедия – «Қулық»

Әйелдер арасындағы үздік...

Қазақстанда екі Ұлттық ғылым академиясы, яғни ескісі де, жаңасы да жұмыс істейтін болады. Бұл туралы Informburo басылымы Ғылым және жоғары білім министрі Саясат Нұрбектің сөзіне сілтеме жасай отырып хабарлады.

Бүгін, 16 қыркүйекте, журналистер министрге ғылым академиясының болашағы туралы сұрақ қойды. Бұған дейін Үкімет жаңа академияны құрып, ескі академияны жабуды жоспарлаған еді.

«Ескі ғылым ордасы бізде республикалық қоғамдық бірлестік ретінде жұмыс істеп жатқандықтан, мемлекет оның қызметіне араласуға құқығы жоқ. Алдағы уақытта конкурстар президент жанындағы жаңа академияда өткізілген сайын, мықты ғалымдар сонда таңдалып алынады. Менің ойымша, бұл мәселе әлі де көтеріледі», – деп жауап берді министр.

Референдум өтіп, АЭС салынса, ядролық энергетика саласы бойынша мамандарды неміс ғалымдары дайындайды. Бұл жайлы Ғылым және жоғары білім министрі Саясат Нұрбек айтты.

Министрлік елдің бірнеше жоғары оқу орындарының студенттерін Германияда оқыту бойынша келісімге келген. Оның бірі – Алматы энергетика және байланыс университеті. Екіншісі – Шығыс Қазақстан техникалық университеті. Үшіншісі – Ш.Есенов атындағы Каспий мемлекеттік технологиялар және инжиниринг университеті.

«Есенов университетінде оқу бағдарламасы 2+1+1 формуласы бойынша жүргізіледі. Ол бойынша студент Қазақстанда – 2 жыл, Германиядағы серіктес университеттердің бірінде – 1 жыл, өндірісте – 1 жыл оқиды. Ал 4 -ші жылы үлкен компания өзінің өндірісін іске қосады. Дуалды...

Германия канцлері Олаф Шольц Астанаға келді. Әуежайда қадірменді қонақты Үкімет басшысы Олжас Бектенов күтіп алды. Ақордада Мемлекет басшысы Қасым-Жомарт Тоқаевпен кездеседі.

Германияның канцлері осы сапарында екінші «Орталық Азия + Германия» саммитіне қатысады. Бұл формат шеңберінде стратегиялық серіктестік мәселелері талқыланып, сауда-экономикалық қатынас және бірлескен инвестициялық жобаларды жүзеге асыру мәселелері де сөз болмақ.

Германияға Қазақстаннан не керек?

Германия – осал ел емес. Еуродақ экономикасының тірегі, іргетасы. Технологиясы озық дамыған еуропалық мемлекет. Десе де қазіргі геосаяси жағдайға байланысты Германия экономикасында да үлкен түйткілдер бар.

Саясаттанушы Толғанай Үмбетәлиеваның пікірінше, Қазақстан мен Германия басшыларының арасында газ мәселесі басты тақырып болмақ. Бұдан өзге де стратегиялы...

Египеттің EIPICO компаниясы Қазақстандағы биофармацевтика зауытына 33 млн доллар инвестиция салмақ. Бұл зауытта қатерлі ісікке қарсы дәрілер шығарылады.

Зауыт толық циклде ашылса, 200-ге жуық жаңа жұмыс орны құрылмақ.

Денсаулық сақтау министрлігінің хабарлауынша, ДСМ басшысы Ақмарал Әлназарова Eipico компаниясының өкілдерімен кездесіп, инвестжоба жайын талқылаған.

«Зауыт құрылысы сонымен қатар Қазақстанның фармацевтикалық сектордағы орнын күшейте түсіп, маңызды дәрілік заттар өндірісін локализациялауға ықпал етеді», – делінген хабарлама.

Кездесу нәтижесінде тараптар жобаны жүзеге асыру мақсатында ынтымақтастық орнатуға уағдаласқан.

Көктемде KAZAKH INVEST ұлттық компаниясының өкілі Мәдина Әбдіқадыр компания директорлар кеңесінің басшысы Ахмад Киланимен кездесті. Содан кейін...

Мемлекет басшысының Жарлығымен Жанат Элиманов ҚР Қаржылық мониторинг агенттігінің төрағасы болып тағайындалды.

Бұған дейін 2024 жылғы ақпаннан бастап ол Ұлттық қауіпсіздік комитеті төрағасының бірінші орынбасары қызметін атқарған. Ал оның алдында 2021-2024 жылдары дәл осы қызметті атқарып, Қаржылық мониторинг агенттігінің төрағасы болған.

Жанат Элиманов 1978 жылы Қарағанды қаласында дүниеге келген. Е. Бөкетов атындағы Қарағанды мемлекеттік университетін тәмамдаған. 

Еңбек жолын 2000 жылы Қарағанды қаласы прокуратурасының сот қаулылары және атқарушылық іс жүргізуді орындаудағы заңдылықты қадағалау бөлімі прокурорының міндетін атқарушы болып бастаған.

2000 жылдан 2007 жылға дейін Қарағанды облысының және Астана қаласының прокуратура органдарында  әртүрлі лауазымдарда қызмет атқарды.

2007 жылдан 2017 жыл аралығында әділет және...