Жаңалықтар

Маңғыстаудағы сарбаз өлімі бойынша Бас әскери прокуратура мәлімдеме жариялады. Ресми хабар бойынша оқиға 7 қыркүйекте сағат 17:10 шамасында болған. Ақтау қаласындағы ҚР ҚМ әскери бөлімдерінің бірінің взвод командирі «Оймаша» полигонының аумағында ПМ табельдік тапаншасынан қатардағы жауынгерге оқ атқан. Сарбаз  осыдан қайтыс болды.

«Сол күні Батыс өңірлік әскери-тергеу басқармасы қасақана кісі өлтіру фактісі бойынша сотқа дейінгі тергеуді бастады (ҚК 99-бабының 1-бөлігі). Тергеу органы күдіктіні ҚПК-нің 128-бабы тәртібімен ұстады және Ақтау қаласының уақытша ұстау изоляторына қамауға алды», – деп хабарлады әскери прокуратураның баспасөз қызметі.

Тергеу барысын Бас әскери прокуратура ерекше бақылауға алды. Қажетті кешенді тергеу амалдары...

Маңғыстау облысының «Оймаша» полигонында өтіп жатқан әскери оқу-жаттығу кезінде оқыс оқиға болды. Полигонда қаруды пайдалану ережесі өрескел бұзылған. Ақпарат құралдарында жарияланған ақпараттарға сүйенсек, 7 қыркүйекте гвардия кезекшісі, лейтенант ПМ 9 мм тапаншадан оқ атқан. Тапанша оғы Ұлттық ұлан «Батыс» өңірлік қолбасшылығының әскери бөлімінде мерзімді қызмет атқаратын сарбаз Марат Барқұловтың бетін жарақаттаған. Содан жауынгер мерт болды.

«2024 жылғы 7 қыркүйекте «Батыс» өңірлік қолбасшылығы бөлімшелерінің «Оймаша» полигонында өтіп жатқан жиыны кезінде қаруды пайдалану ережелерін бұзу нәтижесінде мерзімді қызметтің әскери қызметшісі алған жарақат салдарынан қаза тапты. 

Қазіргі уақытта қайғылы оқиғаның себептері анықталуда. Аталған факті бойынша қылмыстық іс қозғалды. Тергеу мүддесі үшін өзге ақпараттар жариялауға...

Маңғыстау облысының Бесшоқы ауылында балалар әлденеден уланып қалған. 6 қыркүйек күні 21 оқушы ауырып қалғаны жөнінде ақпарат тарады. Олар жүрегі айнып, іші ауырғанына шағымданған. Жексенбі, 8 қыркүйекке дейін 141 бала медициналық көмекке жүгінген.

Облыс әкімдігінің мәліметі бойынша қазіргі уақытта облыстық ауруханада 67 бала емханада емделіп жатыр. Екі бала жансақтау бөлімінде дәрігерлердің жіті бақылауында.

Осы оқиғаға байланысты Мұнайлы ауданының №8 мектебінде оперативті штаб жұмыс істеуде.

Облыстық әкімдік жанындағы жедел штабтың жұмысы қарқынды жүріп жатыр. Денсаулық сақтау басқармасы тарапынан шақыртуларға дереу қызмет көрсету үшін облыстық жедел және шұғыл медициналық көмек станциясының 12 негізгі және 4 қосымша бригадасы жұмыс істеп жатыр. Сондай-ақ Мұнайлы...

Денсаулық министрлігі жалған құжат толтыру бойынша заңсыздықты жою үшін цифрлық технологияларды қолданбақ. Бұл жөнінде министр Ақмарал Әлназарова мәлімдеді.

Басты құрал Face-ID болмақ. Бұл сервис науқастарға медициналық қызмет көрсетілгенін растайды.

«Министрлік Астанадағы бастапқы медициналық-санитарлық көмек бойынша республикалық емхана базасында пилоттық жобаны іске қосты. Жоба аясында науқастар Face-ID және веб-камера көмегімен жеке басының сәйкестігін анықтайтын болады. Бұл оларға көрсетілген қызмет туралы деректердің бұрмалануына жол бермеуге септеседі», – деп хабарлады ДСМ баспасөз қызметі.

Ақмарал Әлназарова 2025 жылдың 1 қаңтарынан бастап Қазақстан бойынша FACE-ID қолданысқа жаппай енгізілетінін айтты.

Биометриялық жеке бас сәйкестігін анықтау жүйесі нақты деректерді тіркейді. Бұл науқастарды...

Қазақстанның бұрынғы президенті Нұрсұлтан Назарбаев Бұхараға барып, Өзбекстан президенті Шавкат Мирзиеевпен кездесті. Бұл туралы «Oʻzbekiston 24» телеарнасы хабарлады.

Кездесу бейресми түрде өткен. Дәл осы күні Мирзиеев облыстың әлеуметтік-экономикалық дамуын бақылау мақсатындағы жұмыс сапармен Бұхараға барды. Ал Нұрсұлтан бұл Назарбаев қалаға «ежелгі сәулет ескерткіштерін аралау» үшін келіпті.

Шавкат Мирзеев пен Назарбаев қаланың бірнеше маңызды және көрікті орындарын аралаған. Өзбекстан ақпарат құралдарының дерегінше, Мирзеев қонағымен бірге Бұхараның тарихи-мәдени мұрасын талқылап, оның Өзбекстан үшін ғана емес, бүкіл аймақ үшін маңызды екеніне назар аударған.

Еске саламыз, 2024 жылдың наурыз айында Қазақстанның экс-президентін БАӘ-де жүргені ақпарат құралдарының назарына ілінген болатын. Ол кезде Абу-Дабидегі Нью-Йорк...

Қазақстанда бидайды импорттау фактісі тыйылмай тұр. Батыс Қазастан облысында темір жол арқылы төрт вагон бидай шекарадан алып өтпек болған. Тауарды Талдықорғанға жіберген. Фитонсанитариялық поста Ресейдің Саратов облысынан келген 251 тоннаны инспекторлар кері қайтарды.

«Бұл факт дәнді дақылдардың контрабандасы әрекеттерінің жалғасып жатқанын көрсетеді. Өсімдіктер карантині бойынша инспекторлар үздіксіз бақылау мен қадағалау жүргізіп, тексерулер жүргізіп, ақпаратты талдайды, ережелердің сақталуын қадағалайды және бұзушылықтарды анықтайды», – деп түсініктеме берді Ауыл шаруашылығы министрлігі.

Қостанай облысы бойынша мемлекеттік кірістер департаменті осыған қатысты фактіні анықтаған. 2024 жылғы 24 тамызда «Желқуар» автомобиль өткізу пункті арқылы Қазақстан-Ресей шекарасын кесіп өту кезінде Ресей Федерациясынан...

Павлодар облысында 14 млрд теңгеге сүт-тауарлы фермасы салынып жатыр. Жобаны 2023 жылы қолға алған – «Кронос-Павлодар» компаниясы. Аймақтағы ең ірі сүт фермаларының бірі болатын жоба 1892 бас малға арналған. Бұл туралы Ауыл шаруашылығы министрлігі хабарлады.

Қазіргі уақытта бұзау ұстау және сауу аймағының құрылысы аяқталған. Бұл фермаға Даниядан 570 бас голштин-фриз тұқымды сиыр әкелінген. Жоба толық іске қосылғанда тәулігіне 50-55 тонна сүт алынбақ.

Министрліктің мәліметі бойынша, облыста 36 сүт фермасы бар. Оның 16-сы ірі және 18 695 бас сиырға арналған. Бір басқа орташа сүт өнімділігі 6 235 кг құрайды.

Солтүстік Қазақстан облысының тәжірибесін кеңейту аясында облысқа 6 сүт фермасын...

Алматылықтар аула мен көшелерін абаттандыру үшін «Халық қатысатын бюджет» бағдарламасына өз жобасын ұсына алады. Жобалар 9-25 қыркүйек аралығында қабылданады.

Алматының 18 жасқа толған кез келген тұрғыны өз жобасын ұсынып, оны қаланың басқа тұрғындары қолдаса, ол қала бюджеті есебінен жүзеге асырылады.

Қала тұрғындары ұсынысын budget.open-almaty.kz интернет-порталы арқылы жібере алады. Өтінімде жобалық ұсыныстың атауы мен сипаттамасы, орналасқан жерінің мекенжайы, болжалды фотосуреттер, схема немесе эскиз, жобалық ұсыныстың сметасы болуға тиіс. Бір өтінім 92,3 млн теңгеден (25 мың АЕК) аспауы керек.

«Халық қатысатын бюджет» жобасы 8 кезеңнен тұрады. Сараптамадан және дауыс беруден сәтті өтетін жобаларды аудан әкімдіктері 2025 жылы...

6 қыркүйек күні Қазақстанның Азаматтық авиация әкімшілігі АҚШ Федералды авиация әкімшілігінің (FAA) IASA бағдарламасындағы алдын ала техникалық бағалаудан сәтті өткенін хабарлады. ФАӘ сарапшылары Қазақстанның АҚШ-қа тікелей рейс ашу шеңберіндегі дайындығын тексерген.

Бұл алдын ала бағалау келесі жылы IASA аудитіне толық дайындалуға мүмкіндік бермек.

«Алдын ала техникалық бағалау нәтижелері бойынша ФАӘ елді санаттамайды, бірақ елдің авиациялық билігіне алдағы IASA аудитіне тиімді дайындалуға мүмкіндік беретінін атап өтеміз. Өткен техникалық бағалау ұшу қауіпсіздігін қадағалаудың мемлекеттік жүйесінің 8 сыни элементтері бойынша Халықаралық азаматтық авиация ұйымының (ИКАО) стандарттарына сәйкестігін айқындауға бағытталған», – делінген комитет таратқан мәлімдемеде.

Ресми...

Қазақстан дзюдо федерация дзюдодан тұңғыш Олимпиада чемпионы Елдос Сметовке Астана қаласынан үш бөлмелі пәтердің кілтін табыстады. Ал Олимпиада ойындарының қола жүлдегері Ғұсман Қырғызбаевқа Астана қаласынан бір бөлмелі пәтер сыйға берілді. Бұл туралы федерацияның баспасөз қызметі хабарлайды.

Федерация өкілдері Парижде өткен жазғы Олимпиада ойындарын қорытындылап, дзюдодан Олимпиада жеңімпазы мен жүлдегерлерін марапаттаған.

Сондай-ақ әлем чемпионатының қола жүлдегері, Олимпиада ойындарында 5-ші орынға тұрақтаған Абиба Абужақыноваға 5 млн теңгенің сертифкаты табысталды.

Спортшылардың жеке жаттықтырушылары мен ұлттық құраманың әрбір жаттықтырушысына, ғылыми-кешенді топ өкілдеріне тиісті дәрежеде құрмет көрсетілген. Оларға ақшалай сертификаттар табысталған.

Париж Олимпиадасында Қазақстан құрамасының 78 атлеті 25 спорт түрінен сынға...

Қарашығанақ кен орында газды кері айдайтын тағы бір компрессор іске қосылды. Энергетика министрлігінің хабарлауынша, бұл – кен орнындағы бесінші компрессор.

Аталмыш жоба- кен орнының инфрақұрылымын жаңғырту мен кеңейтудің бір бөлігі. Жаңа компрессор газды қабатқа қайта айдау көлемін арттыруға мүмкіндік береді. Сонымен қатар өндіру деңгейін ұстап тұруға және кен орны жұмысының тиімділігін арттыруға ықпал етеді.

Энергетика вице-министрі Әлібек Жамауовтың айтуынша, жоба жоспарланған мерзімнен бұрын аяқталған. Жобаның маңызды жетістіктерінің бірі – қазақстандық қамту үлесін 54%-ға жеткізу.

Қазіргі кезде Қазақстанда өндіріліп жатқан мұнай қорының қалғаны – 2 млрд 745 млн тонна. Оның 80%-ы Теңіз, Қашаған және Қарашығанақ секілді ірі жобаларға тиесілі.

1998 жылдары Шымкенттің сумен жабдықтау және су бұру жүйелері жекенің меншігіне өтіп кеткен. Қазір Шымқалада су тарифі Астана және Алматымен салыстырғанда бірнеше есе қымбат. Енді қала билігі стратегиялық маңызы бар нысандарды толық мемлекет меншігіне қайтармақ.

Қала әкімдігі баспасөз қызметінінің «Курсив» сауалына берген жауабында, әкімдік кезінде жекеге заңсыз берілген жер телімдері мен нысандарды мемлекет меншігіне қайтарып жатқаны жазылған.

Жауапқа сәйкес, 1996-1998 жылдары Шымкент қаласының сол кездегі әкімі тұрғын үй-коммуналдық шаруашылығын монополиядан арылту шеңберінде қаланың сумен жабдықтау және су бұру жүйелерін бәсекелес ортаға беру туралы шешім қабылдаған.

Сол кезде қаладағы жалғыз мемлекеттік коммуналдық кәсіпорынның екі су қабылдағышы: «Тассай-1» және «Тассай...

Қытайдың оңтүстігіндегі Хайнань аралында «Яги» тайфуны салдарынан кем дегенде екі адам қаза тауып, 92 адам түрлі дәрежедегі жарақат алған. Бұл туралы жергілікті биліктің ақпаратына сілтеме жасай отырып, Синьхуа агенттігі хабарлайды.

Ресми деректерге сәйкес, сенбі, 7 қыркүйек күні, таңертең Динь’ань округінде екі адамның қайтыс болғаны расталды. Вэнчан қаласында 12 адам, Хайкоу қаласында 80 адам жарақат алған.

Жел мен жауын-шашын аздап басылғанда, Хайнань аралы тайфунға қарсы әрекет ету деңгейін төмендетіп, шұғыл қалпына келтіру жұмыстарын бастады.

Тайфуннан 1,5 миллионнан астам үй шаруашылығы зардап шеккен. Оларға электр қуатын беру үшін 2200-ден астам жұмысшы жұмылдырылды. 7 қыркүйек күні таңғы сағат 7-ге қарай зардап...

Үкімет үйіне кіру құқығынан айырылған журналист Жәния Ұранқаева бұл шешімге шағымданбақ. Власть басылымына берген сұхбатында журналист Үкіметтің баспасөз қызметінен ешқандай ескерту алмағанын және бұл шешімге шағымдануды жоспарлап отырғанын жеткізді.

Ұранқаеваның айтуынша, қазіргі баспасөз қызметінің әрекеті жаңа ережелерге қайшы келеді. Себебі бұл ережеде Үкімет Үйіне кіруге тыйым салу қарастырылмаған.

«Әділ сөз» сөз бостандығын қорғау халықаралық қорына берген сұхбатында Жәния Ұранқаева екі апта бұрын баспасөз орталығы екінші қабатқа көшіріліп, БАҚ-қа Үкімет кулуарында жұмыс істеуге мүмкіндік берілмеген кезде, журналистер мұндай ережелерді реттейтін құжатты көрсетуді талап еткендерін жеткізді.

Оған жауап ретінде бұл тыйым «Қызметтік қолдануға арналған» грифі бар объектішілік ережелерде...

Демалысты пайдалы әрі қызықты өткізу үшін ғылыми-танымдық Qalam порталында жарияланған материалдар топтамасын ұсынамыз. Осы аптада: Шоқан Уәлиханов: ғалым әрі саяхатшы, Скандинав халқының ақырзаман туралы түсінігі, қабан азуынан жасалған дулығаның тарихы, «Көшпенділер ойынының» ең тартысты ойын түрі және Қаратаудан табылған шайқасқан түйелердің петроглифі.

Шоқан Уәлиханов

Шоқан Уәлихановтың ғұмыры қысқа болғанымен, қазақ пен орыс халқының тарихында өшпес із қалдырды. Оның өмірінде саяхат, таңдау, барлау қызметі, ғылым және соғыс та болды. Ал қазір ғалымның өмірден өткеніне екі жүз жыл өтсе де, оның өмір тарихына қатысты жауабы жоқ  сан сауалдар қалды.

Құдайлардың ақыры: ақырзаман қалай орнайды?

Ақырзаман таяп қалғанда, Фенрир...

Мәжілісте өткен «AMANAT» партиясы фракциясының жиынында депутаттар өңірлердегі жазғы сапарлары кезінде сайлаушылар тарапынан көтерілген мәселелерді талқылады. Көп аймақта уақыт белдеуін қайта қарау мәселесі көтерілген. Талқылау нәтижесінде қоғамдық ауқымды ұсынысты ескере отырып, аталған мәселені мүдделі мемлекеттік органдар мен сарапшылар қоғамдастығы өкілдерінің қатысуымен өтетін Мәжілістің алдағы жалпы отырыстарының бірінде қарау туралы шешім қабылданды. Уақыт белдеуі басты назарда болмақ.

Сөз басында Мәжіліс Спикері, «AMANAT» партиясының Төрағасы Ерлан Қошанов депутаттардың өңірлерге сапары кезінде жиналған халықтың барлық проблемалық мәселесі жүйеленіп, оны шешу үшін Үкіметке жолданатынын атап өтті. Бұл жұмыстың қорытындысы жыл соңында Мәжілістің жалпы отырыстарының бірінде ашық қаралады.

Бірқатар депутат Шығыс Қазақстан, Ақмола, Павлодар, Солтүстік...

Қазақстандық алтын өндіруші Solidcore Resources (бұрынғы Полиметалл) компаниясы Ресейден түпкілікті операциялық тәуелсіздікке қол жеткізу үшін 1 миллиард доллар инвестиция салуы керек деп жазады Интерфакс Қазақстан компанияның қаржы директоры Максим Назимоктың сөзіне сілтеме жасап.

«Ресейден түпкілікті операциялық тәуелсіздікке қол жеткізу үшін бізге 1 миллиард доллар инвестициялау керек. Бұл, ең алдымен, Қазақстандағы Ертіс тау-кен металлургия комбинатының құрылысы. Бұл озық жоба бес жыл ішінде шамамен 800 миллион доллар инвестицияны қажет етеді. Сонымен қатар қолданыстағы кен орындарындағы кейбір ішкі жобалар», – деді Назимок Astana Finance Days форумында.

Ол «бұл миллиард еркін ақша ағынымен жабылатынын» атап өтті. Бұл ретте...

Өскемен соты 27 жастағы алаяқ Әділет Әбдірахмановты 8 жылға бас бостандығынан айырды. Ол түрмеде отырып, «Эмиль» сүт компаниясының басшысы Анна Аберленің 50 миллион теңгесін «қалтаға басқан».

Әділет өзін Шығыс Қазақстан облысы әкімінің орынбасары Дархан Сапанов деп таныстырып, өңірдегі ірі кәсіпкерлерге телефон соғып, кәсіпкерлерге су тасқынынан зардап шеккен тұрғындарға демеушілік көмек көрсетуді ұсынды.

Іс материалдарына сәйкес, Әбдірахманов алаяқтық жасағаны үшін жазасын өтеп жатқанның өзінде колонияда ұялы телефонға қол жеткізген. Сәуір айында ол Аберлге телефон соғып, оны табиғи апаттан зардап шеккен тұрғындарға қаржылай көмек көрсетуге арналған бағдарламаға қатысуға шақырды.

«Әбдірахманов басқа облыстарда қаражат жоспарланғаннан көп жиналғанын, Шығыс Қазақстан...

«Демалыста жақсылап ұйқымды қандырып алмасам» деп жиі ойлайсыз ба? Әлде сенбі таңда ерте тұрып алып, апта бойы жиналып қалған үй шаруасына кірісіп кетесіз бе? Асықпай, түскі дейін ұйықтау деген әдетке көзқарасыңыз нашар болса, онда сізге айтарымыз бар. Ғалымдар жүргізген зерттеу нәтижесіне қарасақ, демалыста ұйқыны қандырған жақсы. Неге олай, ұйқы қанбаса не болады десеңіз, қызық зерттеудің қорытындысына назар салыңыз.

Демалыс күндері асықпай тұру керек пе деген сұрақ қатардағы қарапайым адамдарды мазалағанымен қоймай, ғалымдар арасында да жиі талқыға түсіп тұрады. Біреуі түске дейін ұйықтаған зиян, артық салмақ жиналады, пайдасы аз дейді. Енді бірі жұмыс күндері ерте тұрғаннан шаршаған ағзаға бірауық асықпай...

Энергетика министрі Алмасадам Сәтқалиев Көкшетаудағы ЖЭО құрылысы 10 қыркүйек күні басталатынын хабарлады.

«Көкшетау жайына тоқталсақ, біз көмір қуаты туралы ұмытпаймыз. Біз не жел, не газ, тіпті шамамен атом күшімен қуат өндіреміз деп отырған жоқпыз. Барлығын да пайдалануымыз керек. Көміртек саласында ондаған мың жұмыс орны  бар. 10 қыркүйек күні заманауи нысан құрылысын бастаймыз», – деді министр Көкшетаудағы еңбек ұжымдарымен кездескенде.

А. Сәтқалиев жоба бойынша нысан заманауи стандарттарға жауап беретінін айтты.

«Қазіргі уақытта қаржы бөлінді. Орталықтандырылған жылыту жүйесі арқылы шығарындылар бөлетін қазандықтар мәселесін шешеміз. Бірінші кезең бойынша қазақстандық заңнамаға және экология талабына...

Алматы облыстық соты банкир Ержан Тәтішевті өлтіргені үшін сотталған Мұқтархан Тоқмадиді мерзімімен бұрын бостандыққа шығару туралы шешімге қарсы жәбірленуші тараптың аппелляциялық шағымын қарау бойынша отырысты тағы да кейінге шегерді. Судья прокурордың пікірін 12 қыркүйек күні тыңдауды ұйғарды.

Бұл жолы сот отырысына жазасын өтеп жатқан Мұқтархан Тоқмадидің өзі қатысты. Адвокаттары да, өзі де мерзімен бұрын босатылған адамның одан кейін де жазасын өтейтініне баса назар аударды. Яғни Конституциялық құқықтары шектеледі. Тұрған жерінен, елден кете алмайды.

Тоқмади бес жыл бойы жақындарымен кездесе алмағанын түрмеде көрген қысымның бір түрі ретінде бағалады. Өзін азаптағандардың көбі Қаңтар оқиғасында адамдарды қинау, зорлық көрсету бойынша істі болып жатқанын...

Қаржы институттары ұсынған жобалардың арқасында Қазақстан экономикасындағы қолма-қол ақшасыз төлемдер 99%-ға жететін болады. Visa-ның Орталық Азиядағы бизнес дамуы департаментінің аға директоры Антон Бороздин осылай деп мәлімдеді. 

Антон Бороздин соңғы жылдары ірі қаржы ұйымдарының жетістіктеріне тоқталды. Соның бірі Freedom Bank-тің Қазақстандағы маңызды топ-8 банктің қатарына енгенін мысалға алды. Банк онлайн-ипотека, онлайн-автонесие және тіпті Freedom Holding Corp акцияларына байланысты инвестициялық валюта сияқты цифрлық өнімдерді сәтті жүзеге асырып жатқанын атап өтті.

Осы орайда «Фридом Банк Қазақстан» АҚ директорлар кеңесінің мүшесі Айдос Жұмағұлов  тұтынушылар үшін жасалып жатқан ірі жобаларды атып өтті.

«Бізде несиелеуге қатысты цифрлық өнімдердің толық желісі бар. Күні кеше...

«Бәйтерек» басқарушы холдингі 2024 жылдың І жартыжылдығында 205,5 млрд теңге пайда тапқан. Бұл 2023 жылдың 6 айымен салыстырғанда 12%-ға аз. Бұл туралы компанияның Қазақстан қор биржасында жарияланған аудиттелмеген шоғырландырылған аралық қаржы есебінде жазылған.

Былтыр холдинг қаңтар-маусым аралығында 233,5 млрд теңге пайда алған. Холдингтің пайдасының азаюына операциялық кірістің кемуі мен әкімшілік шығыстардың артуы себеп.

Компанияның активтері жарты жылда 8,1% өсіп 14,7 млрд теңгеге жеткен. 2023 жылдың аяғында холдинг 13,6 трлн теңге актив иеленген. Осы кезеңде холдингтің міндеттемедері де артқан.

Былтыр 31 желтоқсандағы дерек бойынша, компания міндеттемелері 11 трлн теңге болса, қазір 11,9 трлн теңгені құрайды. Сонымен қатар жартыжылдықта...

Tesla компаниясы жаңа көліктеріне арналған Actually Smart Summon (ASS) функциясын таныстырды. Бұл функция арқылы көлік 65 метр радиустың ішінде иесі тұрған жерге немесе картадан көрсетілген нүктеге келе алады.

ASS функциясы көшеде жаңбыр жауып тұрған кезде немесе адамның қолында ауыр сөмкелер болған жағдайда, көлік алыста тұрған кезде өте қолайлы. Бұл функцияны қосқанда, автокөлік өзі іске қосылып, қыздырылып, иесіне мүмкіндігінше жақынырақ келіп тоқтайды.

Компанияның мәліметінше бұл функцияны пайдалану үшін электромобильдің бағдарламасын 2024.27.20 нұсқасына дейін жаңарту және Tesla мобильді қосымшасын 4.36.6 немесе одан кейінгі нұсқаға дейін жаңарту қажет.

Сондай-ақ Tesla 10 қазанда роботаксилерді, жаңа гуманоид роботтарды және басқа да жаңалықтарды көрсететін...