Жаңалықтар

Жыл соңына дейін жаңа Бюджет кодексінің жобасы қабылданады. Бұл туралы Үкімет отырысында вице-премьер – ұлттық экономика министрі Нұрлан Байбазаров мәлімдеді.

Министрдің айтуынша, жаңа кодекс негізінде мемлекеттік шығындарды бақылау мен шектеудің қатаң шаралары қолға алынбақ. Бюджет кірісін арттыру мақсатында салықтық әкімшілендіру, цифрландыруды жақсартылып, көлеңкелі экономиканың үлесі азайтылып, салық базасын ұлғайту және тиімсіз жеңілдіктерді оңтайландыру қарастырылған. Бұл нормалар 2025 жылдың жазында қабылданады деп жоспарланған жаңа Салық кодексінің жобасында нақтыланбақ.

Байбазаров жаңа бюджет кодексіне сәйкес, алдағы уақытта Ұлттық қордан бөлінетін нысаланы трансферттер өте маңызды жобаларға жұмсалатынын айтты.

«Ұлттық қор қаражатын стратегиялық мақсаттарға пайдалану үшін жаңа Бюджет кодексінде нысаналы...

Қазақстан үкіметі инвесторларды қалай тартады? Премьер-Министрдің орынбасары – Ұлттық экономика министрі Нұрлан Байбазаровтың айтуынша, елде инвесторларды іздеуден бастап жобаларды аяқтауға, оның ішінде бюрократиялық кедергілерді еңсеруге және квазимемлекеттік сектордан көмек көрсетуге дейінгі инвестициялық циклге толық қолдау көрсетіледі.

«Әр облыста әкімдердің жетекшілігімен өңірлік инвестициялық штабтар құрылады. Оның құрамына жергілікті атқарушы органдардың басшылары, «Kazakh Invest», «Атамекен» ҰКП, Арнайы экономикалық аймақтар, прокуратура, салық органдарының өңірлік өкілдері кіреді. Бұл инвесторларға «осында және қазір» принципі негізінде мәселелерді жергілікті әрі жылдам шешуге мүмкіндік береді. Бұл тәсіл 2029 жылға дейінгі жаңартылған инвестициялық саясат тұжырымдамасында көрініс табады», – деп түсіндірді Нұрлан Байбазаров.

Еске сала...

Елімізде 6 қазанда өтетін АЭС құрылысы бойынша референдум өткізуге қанша қаражат жұмсалатыны белгілі болды. Жалпыхалықтық референдум шығыны алдын ала болжам бойынша 15,5 млрд теңгені құрайды. Бұл жайында Орталық сайлау комиссиясының мүшесі Сәбила Мұстафина мәлім етті.

Орталық сайлау комиссиясы шығындардың болжамды сметасын әзірлеп, Үкімет қарауына ұсынған.   

«Республикалық референдум туралы Конституциялық заңға сәйкес, Орталық референдум комиссиясы шығын сметасын әзірлеп, Үкіметтің қарауына жібереміз.  Бүгін таңертең оны жасадық. Біздің болжамды сметаға сәйкес, шығындардың жалпы сомасы 15,5 млрд теңгені құрайды», — деді Мұстафина.

Комиссия мүшесінің айтуынша, бюджеттен кететін бұл шығынға 63 мемлекетте орналасқан 78 шетелдік сайлау учаскелерінде ұйымдастыру жұмыстары кіреді.

Tesla 2025 жылдан бастап Қытайда Model Y кроссоверінің алты орындық нұсқасын шығаруды жоспарлап отыр деп жазады Reuters.

Осылайша, Илон Масктың компаниясы өзінің ең көп сатылатын, бірақ ескірген электр көлігінің тартымдылығын арттыруға ниетті.

«Өндіруші жеткізушілерге Шанхайдағы зауытта Model Y өндірісі артатынын хабарлады», – деп жазды Reuters агенттігі.

Әзірге Tesla өндірісін қалай арттыратыны белгісіз. 2024 жылдың бірінші жартыжылдығында Model 3 жалпы жеткізілімдері өткен жылмен салыстырғанда 6%-ға өсті. Бұған автомобильдің жаңартылған нұсқасының шығуы ықпал етті.

Tesla Y моделін 2020 жылы сата бастады және оны Juniper деп аталатын жоба арқылы жаңартып жатыр. Бес орындық электромобильді бастапқыда...

Қырғызстан өз аумағына визасыз кіретін шетел азаматтарын тіркеу тәртібін өзгертеді. Тиісті құжат 5 қыркүйектен бастап қолданысқа енгізіледі. Жаңа тәртіпке сәйкес, Қазақстан азаматтары Қырғыз Республикасының аумағына кірген күннен бастап белгілі бір мерзімге міндетті тіркеуден 30 күнге босатылады.

Қабылданған қаулыға сәйкес визасыз болу режимі бар елдердің азаматтарын тіркеу тәртібі өзгермек. Атап айтқанда, Ресей, Қазақстан, Тәжікстан, Армения, Беларусь, Грузия, Әзірбайжан, Молдова елдерінен кіретін азаматтар жаңа тәртіппен тіркеледі.

Бұрын Ресей Федерациясы, Қазақстан, Тәжікстан, Армения, Беларусь, Грузия, Әзірбайжан, Молдованың азаматтарын тіркеу одан әрі ұзарту құқығымен 6 айға бір-ақ жүргізілетін. Ал жаңа тәртіпке сәйкес Қырғыз Республикасының аумағында болу визасыз режимі бар елдердің азаматтарын...

Әлеуметтік желілерде 7-сыныптың география оқулығындағы әлем картасына қатысты дау туды. Желіде таралып кеткен видеода Қазақстан аумағының әлем картасында дұрыс көрсетілмегені айтылған. Видео авторы Қазақстанның не себепті Ресейдің Еуразиялық аймағына кіріп тұрғанына таңғалып, бұл сұрақты көпшілікке қойған.

Аталмыш жағдай әлеуметтік желілерде үлкен резонанс туғызғаннан кейін Республикалық ғылыми-практикалық білім мазмұнын сараптау орталығы жауап берді.

«Бұл оқулық 2017 жылдан бастап білім беру бағдарламасына енгізілген. Әлемнің тарихи-мәдени аудандарын аймақтандырудың көптеген түрлі тәсілдері мен классификациялары бар. Оқулықтағы «Әлемнің тарихи-мәдени аудандары» атты карта-схемасында қате жоқ. Карта-схема В.В. Вольскийдің классификациясына негізделген, онда Орталық Азия жеке аймақ ретінде бөлінбейді. Бұл қазіргі заманғы...

Қаржы министрлігі жыл соңына дейін Қазақстан қор биржасынан 528 млрд теңге тартуды көздеп отыр. Осы мақсатта нарыққа мемлекеттік бағалы қағаздар (МБҚ) шығарылады.

Министрліктің МБҚ шығару кестесіне сай, 528 млрд теңге қарыздың негізгі бөлігі – 250 млрд теңгесі қыркүйек айында тартылады. Қазан айында – 190 млрд теңге, қарашада 55 млрд теңге, желтоқсанда 33 млрд теңгеге тең облигация шығару жоспарланған.

Тамызда Қаржы министрлігі тартылатын мемлекеттік қарыз көлемін 4,5 есе қысқартқан. Бұл айда биржаға жалпы сомасы 190,0 млрд теңгеге тең МБҚ орналастырылады.

Ал маусым мен шілдеде әр айда қор биржасына  870 млрд теңгеге тең мемлекеттік бағалы қағаздар орналастырылды.

Қаржы...

Алдағы жылдарда елімізде білім гранттарын бөлу әдісі өзгереді. Бұл туралы премьер-министрдің орынбасары Тамара Дүйсенова Үкімет отырсында мәлімдеді.

Президент жолдауын іске асыру аясында отандық ЖОО-лардың бәсекеге қабілеттілігі күшейтіледі.

«Осы мақсатта келер жылдың 1 сәуіріне дейін жоғары оқу орындарының білім сапасын тәуелсіз бағалау ұйымдастырылмақ. Бағалау критерийлері ОЭСР елдерінің тәжірибесіне негізделеді. Қазақстанда жоғары оқу орындарын білім сапасына қарай лигаларға бөліп, білім гранттарын бөлу әдісін өзгерту жоспарланып отыр», – деді Дүйсенова.

Бұған қоса білім гранттарына да қатысты өзгерістер болады. Дүйсенованың айтуынша, алдағы жылдары гранттар жоғары оқу орындарының кіретін лигасына қарай және ҰБТ-да жоғары балл алған, бірақ конкурс аясында...

Volkswagen өз тарихында бірінші рет шығындарды азайту үшін Германиядағы зауыттарды жабуды қарастыруда. Бұл туралы Bloomberg агенттігі хабарлады.

Компания жұмыс орындарын сақтау туралы кәсіподақтармен жасасқан келісімді мерзімінен бұрын бұзуға ниетті. Бұл жаңалық инвесторлардың қызығушылығын туғызды. Нарықта компания акциялары 2,5%-ға қымбаттады.

«Volkswagen шығындарды азайту үшін Германиядағы екі зауытты жабуды қарастыруда. Компания 87 жыл ішінде ешқашан зауыттарын жаппаған», – деп жазды Bloomberg.

Бірақ қазір компанияның негізгі Golf және Tiguan модельдеріне сұраныс төмендеуі мүмкін. Сондықтан компания Германиядағы бір ірі автомобиль зауыты мен бір көліктің құрамдас бөліктерін шығаратын зауытын жаппақ. Дәл осы мақсатта автоөндіруші кәсіподақтармен жұмыс орындарын сақтау...

Алматылық «Қайрат» футбол клубының бас бапкері Александр Кержаков өз еркімен қызметінен кетті. Бұл туралы футбол клубының баспасөз қызметі хабарлады.

«Ресейлік маманмен келісімшарт тараптардың өзара келісімі бойынша бұзылды. Онымен бірге оның көмекшілері Владимир Казаков пен Руслан Аджинджал да клубтан кетеді. Александр Анатольевичке атқарған жұмысына алғыс айта отырып, мансап жолында одан әрі табыс тілейміз!», – делінген хабарламада.

Айта кетейік, Кержаков «Қайратқа» мамыр айының соңында келген. Оның жетекшілігімен команда 12 матч өткізіп, 6 рет жеңіске жетіп, 3 рет тең түсіп, 3 рет қарсыластарына есе жіберді.

Сарапшылардың пікірінше, Кержаков 1 қыркүйек күні «Астанадан» жеңіліс тапқаннан кейін өз...

Жаңа Салық кодексі 2025 жылдың шілдесіне дейін қабылданып, 2026 жылдың 1 қаңтарынан өз күшіне енуі мүмкін. Бұл туралы Үкімет отырысында вице-премьер – ұлттық экономика министрі Нұрлан Байбазаров мәлім етті.

Бұған дейін мемлекет басшысы Қасым-Жомарт Тоқаев 2 қыркүйектегі жолдауында осындай маңызды құжатты қабылдауда «асығыстыққа жол беруге болмайды» деген болатын. Мемлекет басшысы жаңа заңды қабылдауды кейінге қалдыруды ұсынған.

Президенттің пікірінше, жаңа салық кодексі қазіргі жүйені қайта жаңғыртуға арналған. Бұл құжат салықтық әкімшілендіру ісінің салық төлеушілерге деген сенімге негізделген жаңа жүйесін қалыптастыруға тиіс. Осы ретте мемлекет басшысы Кодекстің ережелерін әркім әрқалай қабылдамауы үшін оны жеңілдетіп, экономикалық тұрғыдан белсенді азаматтың бәріне...

Қазақстанда 4 ірі газ өңдеу зауыты салынады. Қашағанда екі зауыт, Қарашығанақ пен Жаңаөзенде екі зауыт құрылысы жүргізіліп жатыр. Олардың қашан іске қосылатыны жайлы Үкімет сағатында премьер-министрдің орынбасары Роман Скляр айтты.

Склярдың айтуынша, Қашағандағы бір зауыттың құрылысы 2026 жылы аяқталады. Екіншісін пайдалануға беру 2030 жылға жоспарланған. Олардың бірінің жылдық қуаты 1 млрд текше метрді, екіншісінің қуаты – 2 млрд текше метрді құрайды.

Ал Жаңаөзендегі зауыттың жобалық-сметалық құжаттамасы әзірленіп жатыр. Ол 2027 жылы іске қосылады.

Қарашығанақтағы зауыттың қуаты 4 млрд текше метрді құрайды. Қазіргі уақытта оның құрылысын жүргізетін мердігер анықталып, дайындық жұмыстары басталып кеткен. Зауыт 4 жылдан кейін, яғни...

«Қазақтелеком» АҚ 2024 жылдың екінші тоқсанының қорытынды есебін жариялады. Осыдан кейін Freedom Broker сарапшылары оған қатысты болжамын өзгертті.

Брокердің хабарлауынша, есепке сатылып кеткен «Мобайл Телеком-Сервис» (Altel-Tele2) еншілес компаниясының көрсеткіштері ықпал еткен. Осылайша аталған компаниясыз «Қазақтелеком» АҚ-ның барлық қаржылық көрсеткіштері алдыңғы есептермен салыстырғанда төмендеген.

«Дегенмен егер бизнестің қалған бөлігінің есебін бағалайтын болсақ, оны «орташа теріс» деп атауға болады. Өйткені екінші тоқсанда маржаның төмендеуіне қарамастан, кіріс өскен. Мәміле нәтижесінде бағалау моделі айтарлықтай өзгерді», – деп хабарлады брокерлік компания.

Сонымен қатар «Қазақтелеком» АҚ «Мобайл Телеком-Сервисті» сатудан 1,1 млрд доллар қаржы алады. Осылайша бұл ақша компания акцияларына...

Германияның өндірістік секторындағы құлдырау жеделдей түсті. Ал Еуропа орталық банкінде тұтас еуроаймақ экономикасының баяулау салдары туралы пікір бірлігі жоқ. Сонымен қатар еуро раллиі бәсеңдей бастады. Осы және өзге де тақырыптар туралы 2 қыркүйектегі шолудан оқыңыз.

ЕОБ өкілдері экономикалық құлдыраудың салдарын сан-саққа жүгіртіп отыр

Еуропа орталық банкінде экономикалық құлдыраудың салдарын және ЕО-дағы экономикалық өсудің одан арғы әлеуетін бағалауда бірлік жоқ, деп жазды Reuters. Мұндай бөліну алдағы айларда ставканы төмендету туралы пікірталасқа әсер етуі мүмкін.

Кейбір шенеуніктер рецессиядан қорықса, ал басқалары инфляциялық қысымды талқылап әлек. Олар бұл жағдай әлі де бағамды жұмсартуға жол бермейді деп санайды. Сондықтан пікірталастың мәні келесідей...

Қазақстан өңдеу өнеркәсібінің S&P Global агенттігі ұсынған индексі тамыз айында рекордтық 53,3 тармаққа жеткен. Сонымен қатар агенттік сарапшылары Қазақстанның өңдеу өнеркәсібі кейінгі бес жылда қарқынды өсім көрсетті деп тұжырымдайды.

Өңдеу өнеркәсібі алты ай қатарынан жақсы көрсеткіш байқатқан. Ал тамыздағы өсу қарқыны – кейінгі бес жарым жылдағы ең жылдамы болды. 2019 жылдың наурыз айынан бері салада жұмыспен қамту жоғарылаған. Кәсіпорындар қызметкерлер штатын айтарлықтай кеңейтті: респонденттердің 15%-ы қосымша қызметкер жалдағанын айтқан.

Жұмыспен қамтудың өсуі өндіріс көлеміне сұраныстың артуына ықпал етті. Кейбір кәсіпорындар мұны жоспарланған өндіріс көлемі артуының нәтижесі ретінде көрсеткен.

Өңдеу өнеркәсібіндегі ахуалдың жақсаруына жұмысбастылықтың артуы, сондай-ақ өндіріс...

Қазақстанға ең көп саяхаттауға ниет білдірген ТОП-10 ел белгілі болды. Amadeus компаниясының деректеріне сәйкес, Қазақстанға ең көп қызығушылық танытқан елдер қатарында Үндістан, Германия, АҚШ, Түркия және Оңтүстік Корея бар.

Зерттеу нәтижелері Қазақстанның жалпы туристік бағыт ретінде танымалдығының артып келе жатқанын көрсетеді. Мысалы, Малайзияның туристері өткен жылмен салыстырғанда Қазақстанға қызығушылықтары артып, рейтингте 30-орыннан 9-орынға көтерілді. Сондай-ақ, Қазақстанға Канада мен Жапон елдерінен келушілер саны артты.

Қазақстанға ең көп саяхаттауға ниет білдірген елдердің ТОП-10 тізіміне Біріккен Араб Әмірліктері және Ұлыбритания да кірді. Рейтингтің соңын Таиланд елінің туристері түйіндеп тұр, олар өткен жылмен салыстырғанда өз позициясын бір сатыға жақсартқан.

Жалпы, соңғы...

Президент Қасым-Жомарт Тоқаев 2024 жылғы 6 қазанда АЭС салу бойынша республикалық референдумды өткiзу туралы жарлыққа қол қойды. Бұл жайлы Ақорданың ресми сайтында хабарланды.

«Қазақстан Республикасы Конституциясының 44-бабының 10-тармақшасына және «Республикалық референдум туралы» Қазақстан Республикасы Конституциялық заңының 18-бабына сәйкес 2024 жылғы 6 қазанда республикалық референдум өткізілсін»,- делінген құжатта.

Сонымен бірге бұл құжатта АЭС салу бойынша өтетін референдумға «Сіз Қазақстанда атом электр станциясын салуға келісесіз бе?» деген сауал шығарылатыны айтылған.

Ал референдумды ұйымдастыру мен өткiзу Референдумның орталық комиссиясының қызметін атқаратын Қазақстан Республикасының Орталық сайлау комиссиясына, сондай-ақ референдумның аумақтық және учаскелiк комиссияларының қызметiн атқаратын аумақтық және...

Түркия БРИКС+ ұйымына кіруге өтініш тастады. Бұл қадаммен мемлекет өз ықпалын күшейту және жаңа байланыс орнатуға ниетті. Bloomberg-тің өз дереккөзіне сілтеме жасап хабарлауынша, Анкараның өтініші жақын арада қаралуы мүмкін.

Басылымның жазуынша, Түркия президенті Режеп Тайып Ердоған Батыс геосаяси орталық ретіндегі позициясын жоғалтып жатыр деп есептейді.

«Түркия мұндай қадамға сол күйі ЕуроОдаққа мүше бола алмаған соң барып отыр. Оған қоса, 2022 жылы Ресей Украинаға басып кіргелі ресми Анкараның Мәскеумен тығыз байланыс орнатуына қатысты НАТО-ның басқа мүшелерімен келіспеушілігі әлі бар», – деп жазады басылым.

Қауымдастықтың 22-24 қазанда өтетін саммитінде БРИКС+ құрамын кеңейту мәселесі қаралуы мүмкін.

Қазақстанның қос бірінші ракеткалары Елена Рыбакина мен Александр Бублик Lexus Kazakhstan бренд амбассадорлары атанды. Бұл туралы Lexus Kazakhstan компаниясы мәлімдеді.

«Елена Рыбакина 2022 жылғы Уимблдон чемпионы, WTA әлемдік рейтингінде 4-ші орын иегері және Қазақстанның бірінші ракеткасы, енді ресми Lexus Kazakhstan амбассадоры атанды!

Lexus Kazakhstan мен Елена Қазақстандағы теннис таланттарының келесі ұрпағын шабыттандырып, дамыту үшін басталған бірегей жоба «Tennis For Life by Lexus» бағдарламасын қолдау үшін күш біріктірді.
Еленаның спортқа деген құштарлығы, табандылығы, мінсіздікке ұмтылысы Lexus құндылықтарымен тамаша үйлеседі. Бірге біз теннисті қолжетімді етеміз және жас спортшыларға жаңа биіктерге жетуге көмектесеміз!», – делінген хабарламада.

Lexus компаниясыны...

Қазақстан Республикасының Денсаулық сақтау министрлігі Санитариялық-эпидемиологиялық бақылау комитеті коронавирусқа байланысты 15 қыркүйектен бастап карантиндік шектеулер енгізіліп, жаппай бетперде тағу міндеттелетіні туралы әлеуметтік желілерде тарап жатқан ақпараттың жалған екенін мәлімдеді.  

«Әлеуметтік желілерде 15 қыркүйектен бастап карантиндік шектеулер енгізіліп, барлығына маска кию режимі енгізілетіні туралы таралған ақпарат шындыққа жанаспайды»,– делінген комитет хабарламасында.

Комитеттің хабарлауынша, тек медициналық мекемеде істейтін қызметкерлерге ғана бетперде кию міндеттеледі. Бұл тұмау маусымының басталуына қатысты қабылданып жатқан іс-шаралар кешені. Себебі мұндай мекемелерде түрлі инфекция жұқтыру қаупі арта түседі.

Осыған орай, Денсаулық министрлігі 15 қыркүйектен бастап, тұмауға қарсы вакцинациялау шараларының басталатынын...

«Азаматтарға арналған үкімет» мемлекеттік корпорациясы отбасы мәселелері, әйелдер мен балалардың құқықтарын қорғау жөніндегі «111» желісінің байланыс орталығы болып белгіленді. Цифрлық даму, инновациялар және аэроғарыш өнеркәсібі министрінің 2024 жылғы 28 тамыздағы бұйрығы 13 қыркүйекте өз күшіне енеді.

Министр Жаслан Мәдиевтің қолы қойылған бұйрық «Неке туралы» заңға сәйкес қабылданған.

«Азаматтарға арналған үкімет» мемлекеттік корпорациясы» коммерциялық емес акционерлік қоғамы отбасы мәселелері, әйелдер мен балалардың құқықтарын қорғау жөніндегі «111» байланыс орталығы болып белгіленсін», – делінген құжатта.

Қаулы жарияланғаннан күннен бастап 10 күн ішінде өз күшіне енеді.

«111» байланыс орталығы – отбасы, әйелдер және балалардың құқықтарын...

АҚШ билігі Венесуэла президенті Николас Мадуроның ұшағын тәркіледі деп хабарлайды CNN. АҚШ бұл лайнерді Мадуро америкалық санкцияларды бұза отырып сатып алған деп санайды.

Басылымның мәліметінше, құны 13 миллион доллар тұратын ұшақ кейінгі кезде Доминикан Республикасында тұрған. АҚШ билігінің бұйрығымен дүйсенбі, 2 қыркүйек күні лайнер Флоридаға ауыстырылған.

Ресми мәліметтер бойынша, бұл ұшақ – Венесуэланың бірінші тұлғалары пайдаланатын әуе көлігі. Онымен Мадуро бірнеше елге сапарлаған.

Ұшақты тәркілеу үшін АҚШ Доминикан Республикасымен тығыз жұмыс істеген. Телеарна дереккөзі Венесуэла үкіметінің бұл шешімге шағымдануға мүмкіндігі бар екенін атап өтті.

«Ұшақтың тәркіленуі Америка Құрама Штаттары мен Венесуэла арасындағы онсыз...

«Шұбаркөл Премиум» көмір өндіру кәсіпорнына бас директор тағайындалды. Бұл жөнінде KASE Қазақстан қор биржасы хабарлады.

Тарқатып айтсақ, 2024 жылдың наурыз айында Фарит Азизов «Шұбаркөл Премиум» бас директоры қызметінен босатылды. Одан кейін тамыз айының ортасына дейін Нұрбек Омаров бас директордың міндетін атқарушы болды. Омаровтан соң Руслан Аманбаев міндетін атқарушы ретінде тізгінді қолға алды. Екі апта өтпей жатып, Аманбаевтың қызметі тәмамдалды. Яки 29 тамызда бас директор болып Бауыржан Орынғалиев тағайындалды.

Кеңес Рақышевке тиесілі Fincraft Resources компаниясының сайтында Орынғалиевтің басқарма төрағасының орынбасары екені көрсетілген. Uchet.kz мәліметі бойынша ол «Ертіс» ферроникель зауытын басқарған.

Сонымен «Шұбаркөл Премиум» 2022 жылы 71,8 млрд пайда тапса...

Тамыз айында шекара тәртібіне мойынсұнбаған 4985 шетелдік ұсталды. Оның ішінде 36 адам шекараны бұзып өткен.

ҰҚК Шекара қызметі тауарларды заңсыз алып өтпек болғандарды әшкерелеген. Бір айда 1746 факті тіркелді. Заң бұзушылардан 11 мылтық пен тапанша, 99 суық қару, 464 оқ-дәрі және есірткі заттары тәркіленді. 107 мың литр жанар-жағар майды жылыстатпақ болғандар табылды.  

Шекарашылар жалпы сомасы 1,6 млрд теңгеден астам валютаны санап алды. Құны 3,5 млрд теңгеден астам тауардың таралуына тосқауыл қойылды.

Каспий акваториясында 9 браконьерлік факті тіркелді. Браконьерлер 50,5 келі бекіре, 716 келі ұсақ балық және 38 су тасбақасын алып өтпек болған. Заңсыз жолмен табыс таппақ болғандар мемлекетке...