Жаңалықтар

Қазақстан Республикасының Денсаулық сақтау министрлігі Санитариялық-эпидемиологиялық бақылау комитеті коронавирусқа байланысты 15 қыркүйектен бастап карантиндік шектеулер енгізіліп, жаппай бетперде тағу міндеттелетіні туралы әлеуметтік желілерде тарап жатқан ақпараттың жалған екенін мәлімдеді.  

«Әлеуметтік желілерде 15 қыркүйектен бастап карантиндік шектеулер енгізіліп, барлығына маска кию режимі енгізілетіні туралы таралған ақпарат шындыққа жанаспайды»,– делінген комитет хабарламасында.

Комитеттің хабарлауынша, тек медициналық мекемеде істейтін қызметкерлерге ғана бетперде кию міндеттеледі. Бұл тұмау маусымының басталуына қатысты қабылданып жатқан іс-шаралар кешені. Себебі мұндай мекемелерде түрлі инфекция жұқтыру қаупі арта түседі.

Осыған орай, Денсаулық министрлігі 15 қыркүйектен бастап, тұмауға қарсы вакцинациялау шараларының басталатынын...

«Азаматтарға арналған үкімет» мемлекеттік корпорациясы отбасы мәселелері, әйелдер мен балалардың құқықтарын қорғау жөніндегі «111» желісінің байланыс орталығы болып белгіленді. Цифрлық даму, инновациялар және аэроғарыш өнеркәсібі министрінің 2024 жылғы 28 тамыздағы бұйрығы 13 қыркүйекте өз күшіне енеді.

Министр Жаслан Мәдиевтің қолы қойылған бұйрық «Неке туралы» заңға сәйкес қабылданған.

«Азаматтарға арналған үкімет» мемлекеттік корпорациясы» коммерциялық емес акционерлік қоғамы отбасы мәселелері, әйелдер мен балалардың құқықтарын қорғау жөніндегі «111» байланыс орталығы болып белгіленсін», – делінген құжатта.

Қаулы жарияланғаннан күннен бастап 10 күн ішінде өз күшіне енеді.

«111» байланыс орталығы – отбасы, әйелдер және балалардың құқықтарын...

АҚШ билігі Венесуэла президенті Николас Мадуроның ұшағын тәркіледі деп хабарлайды CNN. АҚШ бұл лайнерді Мадуро америкалық санкцияларды бұза отырып сатып алған деп санайды.

Басылымның мәліметінше, құны 13 миллион доллар тұратын ұшақ кейінгі кезде Доминикан Республикасында тұрған. АҚШ билігінің бұйрығымен дүйсенбі, 2 қыркүйек күні лайнер Флоридаға ауыстырылған.

Ресми мәліметтер бойынша, бұл ұшақ – Венесуэланың бірінші тұлғалары пайдаланатын әуе көлігі. Онымен Мадуро бірнеше елге сапарлаған.

Ұшақты тәркілеу үшін АҚШ Доминикан Республикасымен тығыз жұмыс істеген. Телеарна дереккөзі Венесуэла үкіметінің бұл шешімге шағымдануға мүмкіндігі бар екенін атап өтті.

«Ұшақтың тәркіленуі Америка Құрама Штаттары мен Венесуэла арасындағы онсыз...

«Шұбаркөл Премиум» көмір өндіру кәсіпорнына бас директор тағайындалды. Бұл жөнінде KASE Қазақстан қор биржасы хабарлады.

Тарқатып айтсақ, 2024 жылдың наурыз айында Фарит Азизов «Шұбаркөл Премиум» бас директоры қызметінен босатылды. Одан кейін тамыз айының ортасына дейін Нұрбек Омаров бас директордың міндетін атқарушы болды. Омаровтан соң Руслан Аманбаев міндетін атқарушы ретінде тізгінді қолға алды. Екі апта өтпей жатып, Аманбаевтың қызметі тәмамдалды. Яки 29 тамызда бас директор болып Бауыржан Орынғалиев тағайындалды.

Кеңес Рақышевке тиесілі Fincraft Resources компаниясының сайтында Орынғалиевтің басқарма төрағасының орынбасары екені көрсетілген. Uchet.kz мәліметі бойынша ол «Ертіс» ферроникель зауытын басқарған.

Сонымен «Шұбаркөл Премиум» 2022 жылы 71,8 млрд пайда тапса...

Тамыз айында шекара тәртібіне мойынсұнбаған 4985 шетелдік ұсталды. Оның ішінде 36 адам шекараны бұзып өткен.

ҰҚК Шекара қызметі тауарларды заңсыз алып өтпек болғандарды әшкерелеген. Бір айда 1746 факті тіркелді. Заң бұзушылардан 11 мылтық пен тапанша, 99 суық қару, 464 оқ-дәрі және есірткі заттары тәркіленді. 107 мың литр жанар-жағар майды жылыстатпақ болғандар табылды.  

Шекарашылар жалпы сомасы 1,6 млрд теңгеден астам валютаны санап алды. Құны 3,5 млрд теңгеден астам тауардың таралуына тосқауыл қойылды.

Каспий акваториясында 9 браконьерлік факті тіркелді. Браконьерлер 50,5 келі бекіре, 716 келі ұсақ балық және 38 су тасбақасын алып өтпек болған. Заңсыз жолмен табыс таппақ болғандар мемлекетке...

Оңтүстік Корея полициясы Telegram-ды тексеруді бастады. Осы желі арқылы жасанды интеллект көмегімен жасалған бейәдеп видеолар кеңінен тарағаны анықталған. ЖИ жасөспірімдердің бейнесін жасау үшін пайдаланылған.

«Франциядағыдай Сеул қалалық полиция агенттігі ресми айып тағудан бұрын Telegram-ға қатысты тергеуді бастады», – деді журналистерге сұхбат берген Оңтүстік Корея Ұлттық қылмыстық тергеу агенттігінің басшысы У Чон Су.

У Чон Су Telegram командасын қылмысты әшкерелеу үшін құқық қорғау органдарына көмектеспейді деп айыптады. Өткен аптада полиция осы мессенджер арқылы порнографиялық дипфейк таратуға қатысты 88 фактіні тіркеген.

Францияда Павел Дуров ұсталған соң, көп ұзамай Корея Telegram жұмысын тексеретінін ескертті. Бұған елдің бұқаралық ақпарат...

Қытайлық Jianlong металлургиялық компаниясы Қазақстанда болат пен болат өнімдерін шығаратын зауыт салуды көздеп отыр. Инвесторлар қазіргі уақытта жоба-жоспарды жан-жақты зерттеуде.

Fortune Global 500 тізіміне енген Jianlong тобы – Қытайда болатты толық өнеркәсіптік өндірушілерінің бірі. Jianlong-тың Қытайда және шетелде 14 зауыты бар. Жылына кәсіпорындар шамамен 42 млн тонна болат өндіреді.

Jianlong сонымен қатар логистика, сауда, ванадий және титан өндірісімен, сондай-ақ үлестік инвестициялармен айналысады.

Қытайлық инвесторлар өнеркәсіп саласында бірнеше жобаны қолға алған. Fujian Hengwang Investment Co. компаниясы Шымкентте металлургиялық зауыт салады. Жобаны жүзеге асыру барысында аталған компания Қазақстан экономикасына 1,75 млрд доллар инвестициялап, мың жаңа жұмыс орнын ашпақ.

Үш кезеңдік металлургиялық зауыт...

Финляндия үкіметі Ресей азаматтарына жылжымайтын мүлік сатып алуға тыйым салуды ұсынды. Бұл туралы аталған елдің Қорғаныс министрі Антти Хакканен мәлімдеді деп жазады Reuters басылымы.

Құзырлы ведомство басшысы бұл шектеуді «елдің ұлттық қауіпсіздігін қорғау үшін жасалып отырған шара» деп түсіндірді.

Бүгінгі таңда фин билігі ресейліктерге тиесілі 3,5 мыңнан астам жылжымайтын мүлікті бақылауда ұстап отыр. Жыл басында Финляндия Ресей азаматтарының стратегиялық нысандар маңында жылжымайтын мүлік сатып алу транзакцияларына тосқауыл қойып, бұл процесті қолданыстағы заңнамамен реттеуге тырысты.

Заңдағы жаңа ереже ресейліктердің елде жылжымайтын мүлік сатып алуына толық тыйым салады. Алайда, министрдің айтуынша, заң қос азаматтығы бар адамдарға (Ресей мен кез...

«Бәйтерек» ұлттық басқарушы холдингі» акционерлік қоғамы 2023 жылы 408 млрд теңге таза пайда тапқан. Бұл 2022 жылғы көрсеткіштен 7,09% пайыз артық. 2022 жылы холдингтің таза пайдасы 381 млрд теңгені құраған. Бұл туралы компанияның Қазақстан қор биржасында жарияланған есебінде жазылған.

Бәйтерек холдингі – Қазақстан экономикасын орнықты дамыту жөніндегі міндеттерді іске асыруды қамтамасыз ететін ұлттық институт. Холдинг құрылымына дауыс беретін акцияларының 50%-дан астамы меншік құқығында, Холдингке тікелей тиесілі 8 еншілес ұйым кіреді.

Олар: Қазақстанның Даму банкі, ««Qazaqstan Investment Corporation» АҚ, «Отбасы банкі» үй құрылыс жинақ банкі» АҚ, «Қазақстан тұрғын үй компаниясы» АҚ, «Даму» кәсіпкерлікті дамыту қоры, «Қазақстанның экспорттық-кредиттік агенттіг...

Xiaomi Motors 2024 жылдың қарашасына дейін 100 мың бірлік SU7 электромобилін сатуды жоспарлап отыр деп жазады ITHome қытайлық өндірушіге сілтеме жасап.

Қытайлық өндіруші өзінің алғашқы электромобилі – SU7-ні 2023 жылдың желтоқсанында таныстырды. Ал оның сатылымы 2024 жылдың наурыз-сәуір айларында басталды. Шілдеден тамызға дейін автоконцерн ай сайын 10 мыңнан астам көлік сатқан.

«Осылайша өндіруші қарашаға дейін 100 мың бірлік көлік сатуды жоспарлап отыр», – деп хабарлады басылым.

Шілде айында SU7 28 мың доллардан асатын электр көліктерін экспорттау бойынша Қытайдың үздік он брендінің қатарына кірді. Рейтингте екінші және үшінші орында Tesla Model 3 және Zeekr...

Қазақстан туралы ең үздік роман байқауында Сәуле Досжан Mecenat әдеби сыйлығының жеңімпазы атанды. Қаламгер ай сайын өмір бойына 500 доллар сыйақы алатын болады.

Ұйымдастырушылардың айтуынша, биыл барлығы 40 роман жіберілді. Оның 17-сі қазақ тілінде, 23-і орыс тілінде. Бір роман алыс шетелден келді. Авторлардың арасында 10-ға жуық кәсіби жазушы, 7 әйел, 2 университет студенті бар.

Mecenat.kz жобасының негізін қалаушы Ерлан Аскарбековтің айтуынша биыл байқауға ұсынылған туындылардың сапасы біршама жақсарған. Техникалық талаптарға қатысты тәртіп бұзушылық айтарлықтай азайған. Кәсіби филолог-ридерлер әр шығарманы толықтай оқып шығып, 5 балдық жүйемен баға берді. Бұл – алғашқы іріктеу. Екінші іріктеуге танымал жазушылар Жүсіпбек Қорғасбек пен Илья Одегов...

Мемлекет басшысының Жарлығымен Ербол Қуантайұлы Мырзабосынов Қазақстан Республикасының Туризм және спорт министрі лауазымына тағайындалды деп хабарлайды Ақорда баспасөз қызметі.

Айта кетейік, Ербол Мырзабосынов бұған дейін спорт және дене шынықтыру комитетін басқарған.

Еңбек жолын 2005 жылы Семей мемлекеттік педагогикалық институты Дене шынықтыру және спорт теориясы мен әдістемесі кафедрасының ассистенті, жаттықтырушы-оқытушысы болып бастады.

2009-2014 жж. – Семей қаласының мемлекеттік педагогикалық институтының дене тәрбиесі кафедрасының оқытушысы; меңгерушісі.

2006-2018 жж. – «Шығыс Қазақстан облыстық бұқаралық спорттағы жоғары спорт шеберлігі мектебі» КММ жаттықтырушы-оқытушысы.

2018-2020 жж. «Қызылжар Арландары» спорт клубының директоры болып жұмыс істеді.

2020-2021 жж. – Qazaq kuresi қауымдастығының басқарушы директоры...

Қытайдың автокөлік нарығында сауда бәсеңдеді. Алайда BYD компаниясы тамыз айында көлік саудасын арттырып, рекордтық көрсеткішке қол жеткізді. Бұл туралы CNBC порталы хабарлады.

«Бірақ бұл инвесторлардың көңіл-күйіне әсер еткен жоқ. Компания сауданы арттырса да, BYD акциялары 3% арзандады», – деп жазылған ақпаратта.

Жалпы BYD тамызда 370 854 көлік сатқан. Бұл өткен жылмен салыстырғанда 30%-ға жоғары. Бұл ретте гибрид көліктердің сатылымы 48%-ға, ал электромобильдер сатылымы 12%-ға өсті.

«Build Your Dreams» темір тұлпарларының саудасы жыл басынан бері артып келеді. Ал оның бәсекелесі – Tesla сатылымы бәсеңдеді. Оған Илон Маск шығарған көлік саудаға шығарылатын негізгі нарықтар...

«Өскемен титан-магний комбинаты» 2023 жылғы 4,07 млрд теңге таза табысының тек 2.25%-ын дивиденд ретінде ретінде төлемек. Акционерлердің жалпы жиналысында таза пайданың 91,7 млн теңгесін дивиденд ретінде төлеу туралы шешім шығарылған. Ал 3,98 млрд теңгесі комбинаттың өзінде қалады.

28 тамызда өткен жиналыста комбинат акционерлері 2023 жылғы қаржы есебі мен таза табысын бөлу тәртібін бекіткен. Соған сәйкес компания акционерлерінің есепшотына 91,7 млн теңге аударылса, 3,98 млрд теңгесі комбинатты техникалық қайта жарақтандыру, ғылыми-зерттеу жұмыстары және негізгі құралдарды сатып алуға жұмсалмақ.

Комбинат 2023 жылы дайын өнімді сатудан 81,8 млрд теңге түсім алған. Соның 45,8 млрд теңгесі негізгі 3 клиенттен түскен. Ол...

Өзбекстанның Сұрқандария облысындағы кен орнының ұңғымасын бұрғылау кезінде техникалық талаптар тиісті деңгейде орындалмай, салдарынан күкіртсутектегі ауаға тарады.

Күкіртсутегінің тарауы Байсун ауданындағы газ кен орнының ұңғымаларының бірінде болған.

«1 қыркүйекте сағат 15.17-де Құлқамыш махалласындағы «Тәуелсіздікке 25 жыл» (М-25) газ кен орнының 604-ші ұңғымасында бұрғылау жұмыстарын жүргізу кезінде техникалық талаптар бұзылып күкіртті сутегі ауаға тарап кетті», – делінген хабарламада.

Республиканың Төтенше жағдайлар министрлігінің мәлімдеуінше, зардап шеккендер жоқ, Жағдай толықтай бақылауға алынған.

Айта кетейік, химиялық кәсіпорындарда күкіртсутектің бөлінуі қоршаған ортаға және адамдардың денсаулығына үлкен қауіп төндіреді. Мұндай оқиғалар негізінен технологиялық процестің бұзылуы, жабдықты жеткіліксіз бақылау немесе қауіпсіздік стандарттарын сақтамау...

Қытай банктері төлем құжаттарында Ресей азаматтарының есімдері көрсетілсе, оларды қабылдаудан бас тартады. Импорттаушылардың айтуынша, жағдай шілде айының ортасынан бері күрделене түскен.

«Бірінші топ» компаниясының бас директоры Алексей Порошинның айтуынша, Қытай тарапы төлемдердің Ресеймен байланысын мұқият тексереді.

Қытай тарапы осылайша талаптарды күшейткен соң, ресейлік тауар импорттаушылар Ресеймен байланысын барынша жасыруға тырысып, төлемдерді үшінші тұлғалар арқылы жүргізе бастаған.

«Импая Рус» компаниясының директоры Алексей Разумовский Қытай банктері кәсіпкердің Ресеймен байланысын сезсе, оны дереу тексеретінін айтады. Сондай-ақ банктер кейде кириллицада жазылған деректері бар төлемдерді де қабылдамайды екен. Компания басшысының айтуынша, қытайлық серіктестер қайталама санкциялардан қорқып, осылайша кез келген қауіптің алдын алуға...

S&P Global Ratings халықаралық рейтингтік агенттігі Қазақстанның несие рейтингін BBB- деңгейінде растады. Бұған ЖІӨ-нің 20%-ын, экспорттың жартысынан астамын және мемлекет кірісінің 30%-ын құрайтын елдің мұнай-газ секторы ықпал етті. Бұл туралы Halyk Finance талдау орталығы хабарлады.

S&P Global Ratings мұнай өндіру көлемінің төмендеуі елдің экономикалық өсу қарқынына теріс әсер ететініне назар аударған.

«Салдарынан биылғы жылдың соңында ЖІӨ өсімі бойынша болжам 3,7%-ға тең. Бұл елдің құжаттарында белгіленген деңгейден әлдеқайда төмен және бюджетті болжамдау мәселесіне де қатысты», – деп хабарлады халықаралық агенттік.

S&P Global Ratings болжамы …

Рейтингтік агенттік 2024 жылы ғана емес, алдағы...

Тұмау маусымының басталуына байланысты қазақстандықтарға тұмауға қарсы екпе салына бастайды. Бұл жайлы Денсаулық сақтау министрлігінің «Курсивтің» сауалына берген жауабында жазылған. Министрліктің хабарлауынша, екпе дозалары Ресейден Қазақстанның медициналық мекемелеріне қыркүйек айының ортасында жеткізіледі.

«Бірыңғай дистрибьютор «СК-Фармация» ЖШС мәліметі бойынша, тұмауға қарсы вакцина осы жылдың қыркүйек айының 1-жартысында жеткізіледі», – делінген жауапта.

Министрлік сауалға берген жауапта Қазақстанға медициналық көмектің кепілдендірілген көлемі шеңберінде халықтың ең осал топтарын иммунизациялауды қамтамасыз ету үшін 2,2 млн-нан астам екпе дозасы сатып алынғанын айтқан. Оның 200 мың дозасы Алматыға, 160 мың дозасы Астанаға, 150 мың дозасы Шымкентке жеткізіледі. Бұл вакцина «Гриппол...

Салтанат Нүкенованың өліміне қатысты іс бойынша 4 жылға сотталған Бақытжан Байжанов кассациялық шағымын қайтарып алды. Бұл жайында Жоғарғы Сот хабарлады.

«Бақытжан Байжанов 26 тамызда сот актілерін қайта қарау туралы кассациялық шағымын кері қайтарып алды. Осыған байланысты өтінішті алдын ала қарау өтпейді. Өтінішті қайтару туралы қаулы 2024 жылдың 4 қыркүйегінде шығады», – делінген Жоғарғы соттың хабарламасында.

Мамыр айында Ұлттық экономика экс-министрі Қуандық Бишімбаев пен оның туысы Бақытжан Байжановқа қатысты сот үкімі шықты. Экс-министр Бишімбаев Қылмыстық кодекстің 110-бабы 2-бөлігі 1-тармағы («қинау») бойынша кінәлі деп танылды. Бұл бап бойынша 7 жылға бас бостандығынан айырылды. Сондай-ақ Қылмыстық кодекстің 99-бабы 2-бөлігі 5-тармағы («аса қатыгездікпен адам...

Тамызда Қазақстандағы жылдық инфляция сәл баяулап, 8,4%-ды құраған. Ал айлық инфляция шілде айындағы 0,7%-бен салыстырғанда, 0,6%-ға дейін баяулаған. Бұл туралы Ұлттық статистика бюросы хабарлады.

2023 жылдың тамызымен салыстырғанда, ақылы қызметтердің бағасы – 13,6%, азық-түлік емес тауарлардың бағасы – 7,7%, азық-түлік тауарларының бағасы 5,5% өскен. Соның ішінде орталықтан жылыту бағасы – 33%, қоқыс шығару– 23,5%, су бұру – 22,9%, электр энергиясы – 22,8%, суық су – 21,9%, ыстық су бағасы 20,2% өсті. Денсаулық сақтау қызметтері – 12%, байланыс қызметтері 14,9% қымбаттаған.

Есесіне қырыққабат (27,6%), қарақұмық жармасы (23,4%), күнбағыс майы (17,2%), пияз (14,2%) арзандады.

Ал бір айда ақылы қызметтерд...

Қыркүйек – қор нарығындағы ең құбылмалы айлардың бірі. Бұл айда көптеген инвестор жеке портфелін қайта теңдестіру жайын ойлай бастайды. Портфельдерді қайта теңдестіру, IV тоқсан мен жыл соңына қарай сақтық шаралары сияқты факторлар нарықтың тербелісіне алып келеді. Осы ретте Freedom Finance Global компаниясының талдаушысы Тамерлан Абсалямов инвесторлардың назар аударуына тұрарлық акциялар қатарын ұсынады.

Apple Inc. Apple-дің iPhone 16 смартфонын ұсынуы негізгі өсу драйверіне айнала ма?

Apple Inc. қыркүйек айында iPhone 16 сматфонын таныстырмақ. Компани жаңа өнім келер жылғы өсімінің катализаторы болады деп күтіп отыр. Дамушы нарықтардағы 5G базасында одан әрі кеңейтілген, функциялары жақсартылған әрі экологиялық жүйесі мен жаңа қызметтерд...

Елімізде жүргізуші куәлігінің берілуі қатаң қадағаланатын болады. Бұл туралы ел халқына жолдауында Мемлекет басшысы Қасым-Жомарт Тоқаев айтты.

«Жүргізушілерді даярлау деңгейінің де төмендеп кеткені жасырын емес. Жүргізуші куәлігін арнайы оқымай-ақ алатын жайттар бар. Үкімет, әкімдер, Ішкі істер министрлігі батыл қадам жасауы керек. Депутаттар бұл мәселені назарда ұстауға тиіс» – деді Президент.

Сондай-ақ мемлекет басшысы автокөліктердің техникалық жағдайына бақылау жасау жайына тоқталып өтті.

Жол-көлік инфрақұрылымын жақсарту және интеллектуалдық жүйені енгізу арқылы жол қауіпсіздігін қамтамасыз етуге болады. Бұл – жергілікті ғана емес, республикалық жолдарға да қатысты мәселе. Осы салаға жауапты мекеме автокөліктердің техникалық жағдайына...

Астанада Жасанды интеллект ұлттық орталығын іске қосу керек. Бұл жайлы мемлекет басшысы Қасым-Жомарт Тоқаев Қазақстан халқына жолдауында айтты.

Оның сөзінше, «Электронды үкімет» платформасына жасанды интеллект технологиясын барынша енгізу қажет. Қазақстан жасанды интеллектіні кеңінен қолданатын және цифрлық технологияларды дамытып жатқан елге айналуға тиіс.

«Бұл – Үкіметтің басты міндетінің бірі. Парламент депутаттарын осы жұмысқа атсалысуға шақырамын. Келесі жылы Астанада Жасанды интеллект ұлттық орталығын іске қосу керек. Бұл орталық оқушылар, студенттер, ғалымдар және кәсіпкерлер үшін әрдайым ашық болады», – деді Тоқаев.

Еске сала кетсек, 2025 жылы Каспий теңізі арқылы талшықты-оптикалық байланыс желісін тарту жобасы аяқталады...

Президент Қасым-Жомарт Тоқаев Ішкі істер министрлігіне ұсақ бұзақылық пен вандализмнен бастап, шетелдіктердің заңсыз көшіп келуіне, басқа да ауыр қылмыстарға қатаң тосқауыл қою міндеттелетінін, әсіресе, экстремистердің, оның ішінде әсіре діншілдердің елге іріткі салуына жол бермеу қажет екенін айтты.

«Ішкі істер министрлігі ұсақ бұзақылық пен вандализмнен бастап, шетелдіктердің заңсыз көшіп келуіне және басқа да ауыр қылмыстарға қатаң тосқауыл қойып, дереу жолын кесуге міндетті. Құқықтық мемлекетте қылмыс әлеміне орын жоқ, қарақшылықты түп-тамырымен жою қажет. Түрлі экстремистердің, оның ішінде әсіре діншілдердің де елге іріткі салатын әрекеттеріне қатысты ұстаным дәл осындай болуға тиіс. Құқық қорғау органдары кәсібилік, батылдық және...