Жаңалықтар

Ғылым және жоғары білім министрлігі 2025 жылдың қаңтар айынан бастап ЖОО оқытушылары мен ғылыми қызметкерлердің жалақысын тағы 17%-ға көтеруге уәде берді. Ведомствода бұл шаралар Президент Қасым-Жомарт Тоқаев тапсырмасын жүзеге асыру шеңберінде жүзеге асатынын мәлімдейді. Ал бүгінде ЖОО оқытушылары мен ғылыми қызметкерлер қанша жалақы алып жүр? Министрлік оған қатысты да ақпарат ұсынды.

Ғылым министрлігі Жоғары оқу орындарындағы профессор-оқытушылар құрамының жалақысы едәуір артатынын хабарлады. Мәселен, бұрын оқытушылар 160,7 мың теңге алса, 2023 жылдан бастап олардың жалақысы 350 мың теңгеге дейін өскен. Ұлттық жоғары оқу орындарында айлық 228,8 мың теңгеден 400 мың теңгеге дейін ұлғайған.

«Мемлекет басшысының тапсырмасын...

Санкция қысымына қарамастан, Ресейде жұмысын жалғастырып жатқан Raiffeisenbank 2 қыркүйектен бастап жеке клиенттер үшін шетел валютасында сыртқа аударым жасамайтынын хабарлады.

Банк бұл шектеулердің Еуропалық орталық банк нұсқаулығы бойынша енгізіліп жатқанын мәлімдеген.

«2024 жылдың 2 қыркүйегінен бастап Raiffeisenbank бұдан былай жеке клиенттердің барлық санаттары үшін шетел валютасындағы шығыс аударымдарды жүзеге асыра алмайды. Шектеу Еуропалық орталық банк бұйрығына байланысты RBI тобының шешіміне сәйкес енгізілді. Егер бұл жағдай сіздің қаржылық жоспарларыңызды бұзса, кешірім өтінеміз. Бірақ біз бұл шешімге еш әсер ете алмаймыз», – деп хабарлаған банктің қолдау қызметі.

Еуропалық орталық банк шешімімен байланысты банкт...

«Демеу Қазақстан қоры» «Костенко» шахтасында қайтыс болған кеншілердің отбасына жиналған қаржылай көмекті «Қорғау» көміршілер кәсіподағына аударған. Бұл туралы Қазақстан Президенті Іс басқармасының «Курсивке» берген ресми жауабында жазылған.

«2023 жылдың желтоқсанында «Демеу Қазақстан қоры» корпоративтік қоры «Қорғау» көміршілер кәсіподағы» қоғамдық бірлестігіне 400 млн теңге аударды», – делінген жауапта. 

Кәсіподаққа берілген қаржының әрі қарайғы «тағдыры» туралы ақпарат жоқ. Тек Qarmet тарапынан 35 мың қызметкер тіркелген Теміртау мен Қарағанды қалаларындағы Болат және Көмір департаменттері емханаларына медициналық жабдық сатып алу туралы өтініш түскені жазылған.

Бұдан бөлек, Президент Іс басқармасына бағынатын «Демеу Қазақстан қоры» мен Qarmet арасында медициналық жабдық жеткізу...

Қайрат Сатыбалды мемлекетке активтерін тағы да қайтарып жатыр. Бұл жолы олардың құны 50 миллиард теңгеден аспақ. Бұл туралы Бас прокуратураның Активтерді қайтару жөніндегі комитеті хабарлады.

Қазір бұл комитет Сатыбалдының «кінәні мойындау және заңсыз иемденілген активтерді қайтару» туралы процестік келісімінің шарттарын орындау бойынша жұмыс жүргізіп жатыр. Осы уақытқа дейін оның 18 млрд теңгеге жуық активтері қайтарылған. Олардың қатарында Алматыдағы 2 ірі бизнес орталығы, коммерциялық жылжымайтын мүлік және Астананың беделді ауданындағы элиталық үй бар.

Қайрат Сатыбалдыдан тінту барысында алынған 95 мың АҚШ доллары Арнайы мемлекеттік қорға аударылды. Сонымен қатар жүздеген миллион теңгеге эксклюзивті зергерлік бұйымдар, брендтік сағаттар, коллекциялық монеталар және басқа да...

«Транстелеком» телекоммуникациялық компаниясы атқарушы орган мүшелеріне 2023 жылға 224 млн теңге төлейді. Бұл 2022 жылмен салыстырғанда (561 млн теңге) 2,5 есеге аз. Ал компания өткен жылы 11,1 млрд теңге шығынға ұшыраған. Биыл керісінше табыс 10,8 млрд теңгені құрады. Бұл туралы Қазақстан қор биржасында жарияланған құжатта (KASE) жазылған.

«Транстелеком» жоғарыда аталған сома басқарма мүшелеріне төленетін барлық төлемнің жалпы сомасы. Оның ішінде жалақы мен барлық сыйақыны қамтиды.

Мәселен, 2021 жылы бұл көрсеткіш 536,7 млн ​​теңгені (пайдасы 4,8 млрд теңге) құрады, Бұл 2022 жылдың қорытындысымен шамалас.

Компанияның сайтында «Транстелеком» АҚ атқарушы органы мүшелерінің тізімі көрсетілмеген. Дегенмен KASE мәліметтеріне сәйкес...

БЖЗҚ сарапшылардың зейнетақы жүйесін жақсартуға қатысты президентке жолдаған ұсынысын қарастырып жатыр. Бұл жайлы қордың сайтында хабарланды.

Республикада Қаржы нарығы мен жинақтаушы зейнетақы жүйесін қалыптастырудың бастауында тұрған қазақстандық сарапшылар – Григорий Марченко, Ораз Жандосов, Болат Жәмішев, Қадыржан Дамитов, Анвар Сайденов, Елена Бахмутова, Гүлфайрус Шайқақова Мемлекет басшысына жүйенің тұрақтылығы мен қазақстандықтарды зейнетақымен қамсыздандырудың лайықтылығын арттыру жөнінде бірқатар ұсыныстар әзірлеп жолдаған.

«Сарапшылар ұсынған шараларды кешенді түрде қарастыру қажет екенін атап өткіміз келеді. Сондықтан жақын арада сарапшылар тарапынан жасалған ұсыныстардың барлық бағыты бойынша сұрақтарға жауаптар жариялауды жалғастырамыз»,– деп хабарлады БЖЗҚ.

Сарапшылар Қазақстанның әлеуметтік-бағдарланған мемлекет екенін ескере отырып, орта...

2024/2025 оқу жылына жергілікті әкімдіктер 2475 білім грантын бөлді. Бұл туралы Ғылым және жоғары білім министрлігі хабарлады.

Министрліктің мәліметінше, 858 грантты Астана әкімдігі бөліп отыр. Бұл – әкімдіктер арасындағы ең үлкен көрсеткіш. Одан кейінгі орында Шығыс Қазақстан облысы – 270 грант, Абай облысы – 200 грант, Маңғыстау облысы – 175 грант, Ақмола облысы – 160 грант және Жетісу мен Қызылорда облысы – 100 грант, қалған аймақтар 100-ден аз грант бөлген. Ал Алматы мен Шымкент қалаларында әкімдіктен грант бөлінген жоқ.

Білім беру грантын тағайындау конкурсына қатысу үшін үміткер жоғары оқу орындарының қабылдау комиссиясына өтініш беру қажет. Сондай-ақ ЖОО-ға білім...

Freedom Finance Global он үшінші ай бойы Орталық Азияның төрт елі – Қазақстан, Өзбекстан, Қырғызстан және Тәжікстан тұрғындарының тұтынушылық сенімін, инфляциялық және девальвациялық күтулерін зерттеуде. 2024 жылғы шілдеде екі елде бірден бұрын берілген трендтердің айтарлықтай өзгерістері орын алды, ал инфляциялық және девальвациялық көңіл-күй динамикасы көбінесе аралас және бейтарап болып шықты.

Шілдеде төртінші ай қатарынан Қазақстандағы тұтынушылық сенім индексінің (CCI) өсуі жалғасты, алайда бұл жолы қарқын аз болды. Қырғызстан бесінші ай қатарынан оптимизм өсімін көрсетіп, жаңа рекордтарға қол жеткізіп, сенімді түрде екінші орынды иеленді. Басқа екі елде бұрын берілген трендтер тоқтап қалды. Өзбекстанда қатарынан үш айға созылған жағымсыз динамика CCI...

Air Astana компаниясы Алматыдан Вьетнамға «Алматы – Фукуок» бағыты бойынша тікелей әуе рейсін ашпақ. Бұл туралы тасымалдаушы хабарлады.

Тікелей рейстер Airbus A321LR ұшақтарымен орындалады. Жолаушылар Вьетнам аралына 28 қазаннан бастап аптасына екі рет — әр дүйсенбі және сәрсенбі күндері ұша алады.

Әуе компаниясының хабарлауынша, желтоқсаннан бастап рейс аптасына төрт рет орындалады.

«Барып-келу билетінің құны 335 899 теңгеден басталады. Билеттерді дәл қазір әуекомпания сайтында немесе қосымшасында брондай аласыздар», – деп жазылған хабарламада.

Алматыдан рейс 22:45-ке жоспарланған, Фукуокқа 08:15-те жетеді. Қайту сейсенбі және бейсенбі күндері Фукуоктан 09:45-те ұшып, Алматыға 15:50-де келеді.

Өткен жылы Қазақстан...

Алматыдағы тағы бір емхананың екі бірдей бухгалтері қазына қаржысына қол салды. Олар заңсыз жалақы есептеу арқылы бюджеттің 341 млн теңгесін талан-таражға салған.

Антикор ақпаратынша, олар ауруханада іс жүзінде еңбек қызметін жүзеге асырмаған адамдарға жалақыны және басқа да төлемдерді заңсыз аударып отырған. Осылайша күдіктілер 341 млн теңгеден астам сомадағы бюджет қаражысын қолды еткен.

«Алматы қаласы Медеу ауданының сотымен қалалық емхананың бухгалтерлері К. Хангиреева мен А. Туғанбаева сотталды. Сот үкімімен бас бухгалтерге 7 жыл 6 ай бас бостандығынан айыру жазасы тағайындалды. Оның қарамағындағы қызметкер 7 жылға бас бостандығынан айырылды. Үкім заңды күшіне енген жоқ»,- деп хабарлады Антикор.

Есепшілерд...

Елімізде жылу есептейтін құрылғылары жоқ тұтынушыларды жылумен қамтасыз ету қызметінің құны қайта есептелініп шықты. Бұл жұмысты Ұлттық экономика министрлігінің Табиғи монополияларды реттеу комитеті және оның аймақтық бөлімшелері атқарды. Соның нәтижесінде жылуға артық төленген 768 млн теңгеге жуық қаражат тұтынушыларға қайтарылмақ.

Табиғи монополиялар туралы заңға сәйкес, табиғи монополия субъектілері сыртқы ауа температурасын ескеріп, жылу беру қызметі ақысын қайта есептеп шығуға міндетті.

Сондықтан жылумен қамтамасыз ететін табиғи монополия субъектілері 2023-2024 жылдардағы жылыту кезеңінде есептейтін құрылғылары жоқ тұтынушылардың төленген ақшасын қайта есептеп шығарды. Нақты айтқанда, 768 157 мың теңге айырма шыққан.

Мәселен, жылу үшін Астана тұрғындары 2 279,97 мың, алматылықтар 95 405,36 мың, шымкенттіктер 20 208,83 мы...

Ұлттық банк кәсіпорындарда мониторинг жүргізіп, дайын өнімнің, шикізат пен материалдар бағасының өсу қарқыны жеделдей түскенін анықтаған. Банк сонымен бірге кәсіпорындар арасында сауалнама жүргізіп, осы жылдың екінші тоқсанында елдің экономикалық жағдайының бизнеске әсерін, геосаяси ахуал мен Ресей санкциялары кәсіпорындардың жұмысына қаншалықты әсер еткенін талдаған.

«2024 жылдың ІI тоқсанындағы кәсіпорындарды мониторингтеу нәтижесі бойынша, 2024 жылдың II тоқсанында дайын өнімнің, шикізат пен материалдар бағасының өсу қарқыны жеделдеді», – дейді ҚР ҰБ АКСД директоры Рүстем Оразалин.

Сарапшы мәліметінше, кәсіпорындар өндіретін өнім бағасының өсу қарқыны жеделдеп, баға динамикасының жалпы өзгерісін көрсететін диффузиялық индекс көлемі 57,8 болған. Бұл...

Мемлекет басшысы Қасым-Жомарт Тоқаевтың Париж Олимпиадасының жүлдегерлерімен кездесуі кейінге шегерілді. Оған себеп – спортшылар мен олардың бапкерлерінен коронавирус анықталды. Бұл туралы Президенттің баспасөз хатшысы Берік Уәли хабарлады.

«Өздеріңізге белгілі, бүгін 15 тамызда президент Қасым-Жомарт Кемелұлы олимпиада жеңімпаздарымен кездеседі деп жоспарланған еді. Өкінішке қарай, спортшылар мен бапкерлердің жартысында Covid-19 диагнозы анықталды, сондықтан кездесуді кейінге қалдыруға тура келді. Барлығының тезірек сауығып кетуін тілейміз.

Мемлекет басшысы Олимпиада жүлдегерлерін міндетті түрде қабылдайды. Кездесу тамыз айының соңында Ақордада өтеді деп жоспарланып отыр», – деді Берік Уәли

Естеріңізге сала кетейік, 14 тамызда Тоқаев Париж Олимпиадасының жеңімпаздары мен...

Шілде айының қорытындысы бойынша АҚШ-тағы тұтыну бағаларының индексі 2021 жылдың наурызынан бергі ең төменгі деңгейге дейін құлдырады. Бұл мөлшерлемені төмендеуді жылдамдатып, қор нарығындағы оптимизмді күшейтеді. The Wells Fargo ставка төмендеген соң америкалық акциялар 1995 жылғыдай жылдам көтеріледі деп санайды. Дәл сол жылы Федералды резерв қоры экономиканың сәл демін басып, инфляцияның баяулауы аясында жұмсарту циклін бастаған еді. Осындай жаңалықтардан соң алтынның бағасы көтеріліп, доллар әлсіреді. Толығырақ 14 тамыздағы шолуымыздан оқыңыз.

Инфляция туралы деректер АҚШ нарықтарын жақсартты

Шілде айының қорытындысы бойынша АҚШ-тағы тұтыну бағаларының индексі (CPI) 2021 жылғы наурыздан бергі ең төменгі мәнді көрсетті. Бұл жылдық мәнде 2,9%-ға тең болды, деп...

Дүниежүзілік денсаулық сақтау ұйымы соңғы екі жылда екінші рет маймыл шешегін жаһандық төтенше жағдай деп жариялады. Осыған байланысты ұйымның бас директоры Тедрос Адханом Гебрейесус арнайы мәлімдеме жасады.

Тедрос Гебрейесустың айтуынша, шешек індеті Конго Демократиялық Республикасында он жылдан астам уақыттан бері тіркеліп келеді және оны жұқтырғандар саны да жыл санап артып жатыр. Биыл осы індетті жұқтырғандар былтырғы жылдың көрсеткішінен асып түскен. Мәселен, жыл басынан бері 14 мың адам осы ауруды жұқтырса, оның 524-і, өкінішке қарай, көз жұмған.

«Бүгін төтенше жағдайлар комитеті жиналып, маған бұл жағдай денсаулық сақтау саласындағы халықаралық алаңдаушылық тудыратын төтенше жағдайға жататынын хабарлады. Мен бұл кеңесті қабылдадым», – дед...

«Талибан» қозғалысының билікке қайта келгеніне бүгін үш жыл толды. Бұл оқиға Ауғанстанның түкпір-түкпірінде мереке ретінде атап өтілді. Тәліптер бұрын АҚШ әуебазасы болған Баграмда әскери парад өткізген.

2021 жылдың 15 тамызында батысшыл президент Ашраф Ғани тақтан тайып, 20 жылдан кейін АҚШ әскері апыл-ғұпыл елден кетуге мәжбүр болған еді. Бірақ неге екені белгісіз, бұл «айтулы күнді» тәліптер бұл жолы ертерек тойлауды ұйғарыпты.

БҰҰ және Дүниежүзілік банк жариялаған мәліметке сүйенсек, 40 миилион халқы бар Ауғанстанның экономикалық ахуалы мәз емес. Тұрғындарының үштен бір бөлігінің табысы кедейшілік шегінен әлдеқайда төмен. Экономикасы алдағы үш жылда ешқандай өсім көрсетпейді екен.

Айта кететін жайт, Қазақстан «Талибан» қозғалысын тыйым...

Бүгін, 15 тамыз күні Астана уақыты бойынша сағат 8:20-да Байқоңыр ғарыш айлағының 31-ші алаңынан «Прогресс МС-28» жүк көлігі кемесі бар «Союз-2.1а» зымыраны ұшырылды. Бұл туралы Роскосмос хабарлады.

9 минутта ғарыштық жүк көлігі орбитаға шығарылды.

Кеме Халықаралық ғарыш станциясына 2,5 тоннадан астам жүк жеткізеді. Оның ішінде жабдықтар, тәжірибелік жұмыстарға арналған отын, азот, киім, су және экипажға арналған тамақ бар. Сондай-ақ ғалымдарға аспан сферасын рентген диапазонында тексеруге мүмкіндік беретін СПИН-X1-МВН рентгендік спектрометрі бар.

Ғарыш кемесі Халықаралық ғарыш станциясына 17 тамызда қонады.

Еске сала кетейік, бұған дейін Халықаралық ғарыш станциясына маусым айында барған екі ғарышкер Boeing Starliner кемесіндегі ақауға байланысты жерге қайта...

Қытай ДСҰ-ға ЕО-ның электромобильдерге салынатын тарифтеріне қатысты шағым түсірді. Бұл жайлы Дүниежүзілік сауда ұйымының баспасөз қызметі хабарлады.

Бейжің ЕО-ның Қытайдан экспортталатын аккумуляторлық электр көліктеріне қатысты мақсатты түрдегі уақытша өтемақы баждарын енгізуіне қатысты ДСҰ-дан консультация өткізуді сұраған.

Қытай тарапы Еуропалық Одақ енгізген шаралар 1994 жылғы Тарифтер мен сауда жөніндегі бас келісімнің VI бабына және ДСҰ-ның Субсидиялар мен өтемақы шаралары туралы келісімінің бірқатар ережелеріне қайшы келетінін алға тартқан.

Ұйым ережесіне сәйкес, консультациялар негізінде дау 60 күн ішінде шешілмесе, Қытай бұл мәселені шешу үшін арнайы сот алқасына жүгіне алады.

Еуропалық комиссия 4 шілдеде Қытайда жасалған электрлі көліктердің импортына...

Қазақстан Республикасы Ішкі істер министрлігінің Қылмыстық-атқару жүйесі департаменті (ҚАЖД) бас бостандығын шектеуге сотталған Нұрасыл Болаттың не себепті Алматы көшелерінде еркін жүргенін түсіндірді.

«Қазіргі уақытта бұл жағдай мұқият талданып жатыр. Қызметтік тексеру басталып, оның нәтижелері бойынша барлық жауапты тұлғалар қатаң тәртіптік жауапкершілікке тартылады. Ішкі істер министрлігі болашақта мұндай жағдайларды болдырмау мақсатында бұл мәселені жеке бақылауда», – деп хабарлады ҚАЖД баспасөз қызметі.

ІІМ мәліметінше, 2023 жылғы 9 қазанда әскери сот Нұрасыл Болатқа айыппұл жазасын тағайындаған. Іс апелляциялық сотта және Жоғарғы Сотта қаралғаннан кейін, осы жылдың 14 мамырында үкім 2 жыл мерзімге бас бостандығын шектеуге...

Ресей Үкіметі 2024 жылдың 1 қыркүйегінен бастап, 31 желтоқсанға дейін бензинді экспорттауға тыйым салды.

«Маусымдық сұраныстың жалғасуы және мұнай өңдеу зауыттарында жүргізілетін жоспарлы жөндеу жұмыстары кезеңінде жанармай нарығындағы тұрақты жағдайды сақтау үшін шешім қабылданды», – деп түсіндірді РФ Үкіметі.

Дегенмен Ресей мына жағдайларда жанармай тасымалына шектеу қоймайды:

Ресейде 1 наурыздан 31 тамызға дейін бензин экспортына тыйым салынды. Бірақ мамыр-шілде айларында «ішкі нарықты автокөлік бензинімен қамту және жекелеген кәсіпорындардың мұнай өңдеу көлемін...

Қазақстанда «Астана» халықаралық қаржы орталығының басқару кеңесінің құрамы өзгереді. Оның құрамынан бірнеше жоғары лауазымды шенеуніктер шығарылып, шетелдік мамандарды тарту жоспарланған. Осыған қатысты Президент Жарлығының жобасы «Ашық НҚА» сайтында жарияланды. Құжатты 28 тамызға дейін талқылауға болады.

Жарлық бойынша кеңес құрамынан Сыртқы істер министрі Мұрат Нұртілеу, Қаржы нарығын реттеу және дамыту агенттігінің төрайымы Мәдина Әбілқасымова, Қаржы министрі Мәди Тақиев, доктор Джейкоб Френкель (J.P. Morgan Chase International басқармасының бұрынғы төрағасы) шығарылмақ.

Оның орнына АХҚО басқару кеңесінің құрамына мыналар кіреді:

KEGOC электр желілерінің операторы (85% «Самұрық-Қазынаға» тиесілі) «Қазақмыс» мыс өндіруші корпорациясын (миллиардерлер Владимир Ким мен Эдуард Огайға тиесілі)  «DSFK арнайы қаржы компаниясының» облигацияларының кепілдігіне қатысты сотқа беріп 412 млн теңгеге жуық соманы өндіріп алған. KEGOC бұл облигацияларды 2017 жылы Bank RBK депозиттерінің міндеттемелері ретінде сатып алған. Бұл туралы электр желілері операторының 2024 жылдың бірінші жартыжылдығына арналған қаржылық есебінде жазылған.

Ұлттық банк, Үкімет, Bank RBK және жаңа инвестор Bank RBK-ны кезең-кезеңімен қалпына келтіру мақсатында келісімге 2017 жылғы 7 қарашада қол қойылған. Осы міндеттерді орындау үшін DSFK компаниясы құрылған. KEGOC банкте сақталған депозиттерін қайтару үшін «DSFK борыштық бағалы қағаздарын» сатып алған. DSFK...

Қазақстан спортшылары Париж олимпиадасында сынға қалды. Әсіресе, ұлттық құрама бокстан ақсады. Осы олимпиадада былғары қолғап шеберлері екі-ақ медальді қанағат тұтты. 80 келі салмақ дәрежесінде боксшы Нұрбек Оралбай күміспен күптелсе, 50 келі бойынша шаршы алаңға шыққан Назым Қызайбай қола ұтты.

Осыған байланысты бокстан Қазақстан құрамасының бас бапкері Мырзағали Айтжанов пен оның командасының атына сыни пікір жиі айтылды. Қазақстан бокс федеарциясы бұдан лезде қорытынды шығарып, бапкерлік құрамды тарататындарын мәлімдеді.

«Қазақстан боксында кадрлық өзгерістер орын алды. Париж Олимпиадасының қорытындысы бойынша кеңес өткізілді. Бокстан ерлер командасының бапкерлік құрамы толығымен жұмыстан шеттетілді», – деп хабарлады федерацияның баспасөз қызметі.

XXXIII жазғы Олимпиада ойындарында Қазақстан құрамасы 1 алтын, 3 күміс, 3 қола алып, жалпы командалық есепте 43-орынға тұрақтады. Дүниежүзілік додада жоғары нәтиже көрсеткен спортшылар мен бапкерлерге Президент Жарлығымен наградалар тағайындалды.

Ұлттық құрама көшбасшысы, дзюдодан алтын иеленген Елдос Сметов І дәрежелі «Барыс» орденімен марапатталды.

Грек-рим күресі бойынша Қазақстан командасының бас бапкері Юрий Мельниченкоға ІІІ дәрежелі «Барыс» ордені берілді.

Грек-рим күресінен күміс медаль алған палуан Демеу Жадыраев пен оның жеке бапкері Боранбек Қоңыратов, Олимпиада чемпионы Елдос Сметовты жаттықтырған бапкер Ғалымжан Жылгелдиев, дзюдодан Қазақстан командасының бас бапкері Нұрбол Сүлейменов, гимнастикадан екінші орын алған Нариман Құрбанов, бокстан екінші тұғырдан көрінген Нұрбек Оралбай мен оны...