Жаңалықтар

Астанада қоғамдық-саяси шарлардың өткізілуіне байланысты 7 және 10 тамыз аралығында көшелер жабылады. Бұл жайлы Қазақстан Республикасының Мемлекеттік күзет қызметі хабарлады.

«Қоғамдық-саяси шараларды өткізуге байланысты, 7 және 10 тамыз аралығында қаланың жекелеген көшелерінде көлік құралдары мен жаяу жүргіншілердің қозғалысына уақытша шектеу енгізіледі», – делінген хабарламада.

Күзет қызметінің хабарлауынша, бұл шара арнаулы мемлекеттік және құқық қорғау органдары мен Қазақстан Қарулы күштерінің қатысуымен өткізіледі.

Солайша бұл күндері қаланың Есіл, Нұра, Алматы аудандарында көлік қозғалысы мен жаяу жүргіншілер қозғалысы шектеледі.

Атап айтқанда:

Қытайлық CNPC пен «ҚазМұнайГаз» Ұлттық компаниясына тиесілі «Маңғыстаумұнайгаз» өз акционеріне жалпы 34,6 млрд теңге дивиденд төлеген. Соның ішінде 34,2 млрд теңгесі – қарапайым акциялары бойынша төленсе, артықшылығы бар акциялар үшін 357 млн теңге аударылды.

Акционерлік қоғамның 107,8 млн дана KZ0009093696 (MMGZ) қарапайым акциясы айналымда жүр. kz0009089736 (MMGZp) тикерімен сатылатын артықшылығы бар акциясының саны – 1 млн.

Мұнай кәсіпорнының қарапайым акцияларының 99 пайызы – Mangistau Investments B.V компаниясының меншігінде. Сонымен қатар компания биржаға орналастырылған артықшылығы бар акциялардың 5 395 данасына иелік етеді. Ал Mangistau Investments B.V – Қытай ұлттық мұнай компаниясы `(CNPC) мен «ҚазМұнайГаз» ҰК-ның еншілес компаниясы. Олардың әрқайсысына...

Әйгілі Meta жасанды интеллектіге жұмсайтын шығын көлемін ұлғайтпақ. Бұған компания табысының Уолл-стрит сарапшыларының болжамынан асып түсуі түрткі болып отыр. Ал Meta табысты еселеу үшін жасанды интеллектің жәрдеміне жүгінген.

Facebook, Instagram, WhatsApp, Threads сынды желілерді жетегіне алған Meta Platforms 2024 жылдың екінші тоқсанында сатылымнан түскен табыстың күтілген нәтижеден әлдеқайда асып түскенін хабарлады. Компания басшысы Марк Цукербергтің айтуынша, оның жасанды интеллектіге жұмсаған инвестициясы жарнамаларды нақты клиенттерге лайықтап сатуға жол ашқан. Бұл туралы Bloomberg жазды. Компания енді жасанды интеллектіге жұмсайтын шығынын арттырмақ. Дәл осындай есептің жарияланғаны сол еді, кеңейтілген саудадағы Meta акциялары бірден 7%-дық өсім көрсетті.

Толығырақ

Есепті мерзімде Meta-ның табысы...

Шілде айында жылдық инфляция – 8,6%, ал айлық инфляция 0,7%-ды құрады. Маусым айымен салыстырғанда, айлық инфляцияның сәл қарқын алғаны байқалады.

Маусымда Қазақстандағы жылдық инфляция 8,4%-ды құрағаны белгілі. Ал айлық инфляция 0,4 % деңгейінде қалыптасқан еді. Айлық инфляция көрсеткіші мамырда да осы деңгейде болды Алайда еліміздің 9 бірдей өңірінде инфляция республикалық деңгейден жоғары қалыптасқан.

Өткен айдағы инфляция көрсеткіші сарапшылар болжамынан асып түсті. Мамандар шілде айында инфляция 8,3 % деңгейінде қалыптасады деп болжам жасаған.

Бір айда ақылы қызмет бағасы 1,6% өссе, азық-түлікке жатпайтын тауарлар – 0,7%, азық-түлік тауарлары 0,2% қымбаттаған.

Ресми статистикаға сүйенсек, әсіресе, ұялы байланыс...

Жапония Орталық Азия елдеріне Ресей аумағына кірмей Каспий теңізі арқылы Еуропамен байланыстыратын сауда жолын құруға көмектеседі. Бұл туралы The Japan Times басылымы хабарлады.

Басылымның мәліметіне сүйенсек, жапон премьер-министрі Фумио Кисида 9-12 тамыз аралығында Қазақстанға іс-сапармен келеді. Дипломатиялық сапар кезінде Орталық Азияның бес мемлекетінің басшыларымен кездеседі. Сондай-ақ жапон премьері Өзбекстан мен Моңғолияға да баруды жоспарлап отыр.

«Бұл сапар арқылы табиғи газға және басқа да минералды ресурстарға бай аймақтағы экономикалық қауіпсіздікті арттыру үшін Жапонияның Орталық Азиямен байланысын нығайтуға үміті бар. Кисида жаңа сауда жолын құру, көмірге тәуелділікті азайту және тұлғааралық алмасуды ілгерілету туралы экономикалық қолдау пакетін ұсынба...

Жоғары аудиторлық палата Үкіметтің 2023 жылғы республикалық бюджеттің атқарылуына қатысты есебін жариялады. Есепте елдегі ең тиімсіз квазимемлекеттік компаниялар аталған. Шығыны ең көп компаниялар туралы «Курсив» тарқатып жазды.

Жоғары аудиторлық палатаның (ЖАП) есебінде квазимемлекеттік сектордың 2021 – 2022 жылдардағы шығынды субъектілері бойынша ақпарат орналастырылған. Онда ең тиімсіз 18 компания туралы жазылған.

ЖАП есебіне сенсек, ең тиімсіз компаниялар ішінде көш бастап тұрған «ҚазАвтоЖол» ҰК» акционерлік қоғамы. Есепте көрсетілген кестеде ұлттық компанияның 2022 жылғы шығыны 17,9 млрд теңге деп көрсетілген.

Одан кейінгі орында республиканың астық нарығындағы мемлекеттік оператор саналатын «Азық-түлік келісімшарт корпорациясы» тұр. Бұл мекеменің шығыны 15,9 млрд теңгегеге...

Грузия халқының жаппай наразылығына тап болған «шетелдік агенттер» туралы заң 1 тамызда бастап ресми түрде күшіне енді.

DW ақпаратына сүйенсек, «Шетелдік ықпалдың ашықтығы туралы» заң шетелден қаражаттың кемінде 20%-ын алатын ұйымдарды билік органдарында тіркеуді талап етеді. 

Бұл тізімге бірінші кезекте Бұқаралық ақпарат құралдары мен үкіметтік емес ұйымдарды кіргізу көзделген. Олар өз бюджетінің кемінде 20%-ын шетелдік компаниялардан немесе қорлардан, жеке тұлғалардан алатын болса, тізімге өздігімен тіркелуі қажет.

Заңның күші қолданылатын ұйымдар жыл сайын Әділет министрлігіне кірістер мен шығыстар туралы декларация беруге міндетті. Бұл талаптардан жалтару 25 мың лари (шамамен 4 млн теңге) айыппұл төлеуге алып келеді.

Еуропалық Одақ елдерінің басшылары...

Solidcore (бұрынғы атауы «Полиметал») алтын өндіруші компаниясы 2024 жылдың екінші тоқсанында өндірісті бір жыл бұрынғымен салыстырғанда 37%-ға арттырып, 135 мың алтын унциясына жеткізді, деп хабарлады компания.

Бұл ретте сауда көлемі 2,2 есе өсіп, 176 мың алтын унциясына жетті.

«Оның ұлғаюы «Қызыл» кенішіндегі концентрат қорын сатудағы айтарлықтай ілгерілеушілікке байланысты. Бұрын логистикалық қиындықтарға байланысты сұраныс жинақталып қалған еді», – деп түсіндіреді Solidcore.

Алтын бағасының өсуі, жинақталған қорларды өндіру мен сатудағы оң динамиканың арқасында кіріс 2,6 есе артып, 409 млн долларды құрады.

Solidcore-дің екінші тоқсандағы таза ақшалай позициясы 155 млн доллардан 357 млн долларға дейін өст...

Биыл экология заңнамасын бұзған компанияларға 40 млрд теңгеге 1022 әкімшілік айыппұл салынған. Бұл жайында Экология және табиғи ресурстар министрлігінің жартыжылдық қорытындысында жазылған.

Министрліктің мәліметінше, 1331 экология заңнамасын бұзушылық анықталып, нәтижесінде 40 млрд теңгеден астам сомаға 1022 әкімшілік айыппұл салынды. Оның ішінде 13,3 млрд теңгеге 884 айыппұл өндірілді.

Әкімдіктермен және жұртшылықпен бірлесіп өңірлердің экология проблемаларын шешу бойынша 532 іс-шараны қамтитын 18 жол картасы әзірленді. Оның ішінде 164 іс-шара биылға жоспарланып отыр. Сондай-ақ халықаралық жасыл технологиялар мен инвестициялық жобалар орталығы жыл басынан бері қолжетімді ең жақсы техниканың үш анықтамалығын жасап жатыр.

2023 жылы Қазақстан табиғатты қорғау қызметіне 610 млрд теңге жұмсады...

Оқу-ағарту министрлігі 500 мыңнан астам баланы мектепке дайындау үшін ата-аналарға 43 307 теңгеден таратып беретін болады. Бұл туралы Орталық коммуникациялар қызметі алаңында өткен брифингте балалардың құқықтарын қорғау комитетінің төрағасы Насымжан Оспанова айтты.

Оның айтуынша, 2024 жылы «Жалпыға бірдей білім беру» қоры 500 мыңнан астам балаға көмек көрсетеді. Олардың қатарында АӘК алатын отбасылардағы мектеп оқушылары мен жан басына шаққандағы орташа табысы ең төменгі күнкөріс деңгейінен төмен отбасылардың балалары, сондай-ақ жетім балалар мен төтенше жағдайға тап болған отбасылардың балалары бар.

«Оқу-ағарту министрлігі ата-аналардың есепшоттарына қаражат аудару арқылы көмек көрсету тетігін жетілдіру шараларын қабылдады. Бұл ата-аналар мен балаларға киім-кешек пен мектеп...

БҰҰ-ның Адам құқығы кеңесі Қазақстан билігіне ЛГБТ насихаттына қарсы петицияны қарамауға шақырды. БҰҰ-ның адам құқықтары жөніндегі тәуелсіз сарапшылары осындай үндеу тастады.

Тәуелсіз сарапшылардың пірікінше, Қазақстан үкіметі азаматтардың жыныстық ерекшеліктері бойынша алалауға жол ашып беретін петицияны қараусыз қалдыру керек.

«Бұл өтініш бастапқыда Үкімет тарапынан қаралмауы және қабылданбауы керек еді. Ол алалаушылыққа негізделген және одан туындайтын кез – келген заңнама адам құқығын сөзсіз және заңсыз бұзады», – деп атап өтті сарапшылар.

Қаралғалы отырған петиция Қазақстанда ЛГБТ-ны ашық және жасырын насихаттауға толық тыйым салу туралы заң қабылдауға шақырады.

БҰҰ сарапшылары «ЛГБТ насихатына» тыйым салу туралы петиция...

Шығыс Қазақстан облысының әкімдігі Отбасы банкпен бірге моноқалалар тұрғындары үшін тұрғын үй бағдарламасын іске қосуға 2 млрд теңге бөлген.

«Алтай, Риддер, Шемонаиха, Зайсан және Серебрянск қалаларының тұрғындары жеңілдетілген шарттар бойынша тұрғын үй сатып ала алады», – делінген банк хабарламасында. 

Бағдарламаға сәйкес, 10% бастапқы жарнамен тұрғын үй сатып алу мүмкіндігі болады. Кредит бойынша мөлшерлеме жылдық 6%, заемның ең жоғары сомасы – 20 млн теңге болады. Жылжымайтын мүлікті бірінші немесе екінші нарықта сатып алу мүмкіндігі қарастырылған.

Жаңа бағдарламаны бастау туралы меморандумға Шығыс Қазақстан облысы әкімінің бірінші орынбасары Нұрымбет Сақтағанов пен Отбасы банк Шығыс Қазақстан облыстық филиалының директоры Назигүл Аққұлова қол қойған.

Ұлттық банк теңге бағамына қатысты шілде айының қорытынды есебін жариялады. Оған сүйенсек, өткен айда төл валюта бағамы 1 АҚШ доллары үшін 474,15 теңгеге дейін 0,5%-ға әлсіреді. Сонымен қатар Қазақстан қор биржасындағы сауда-саттықтың орташа күндік көлемі бір айда 183 млн АҚШ долларынан 170 млн АҚШ долларына дейін төмендеді. Сауда-саттықтың жалпы көлемі 3,7 млрд АҚШ долларын құрады.

Ұлттық қордан 506 млн доллар валюта сатылды

Сондай-ақ, шілдеде Ұлттық қордан республикалық бюджетке трансферттерді қамтамасыз ету үшін шілде айында 506 млн АҚШ долларына валюта сатылды. Қордан сату үлесі жалпы сауда-саттық көлемінің 14%-ын және күніне 23 млн АҚШ долларынан аспайтын мөлшерді құрады.

Қарағанды облысында бассейн салуға бөлінген бюджет қаражатын жымқыру фактісі тіркелді. Істі Қаржылық мониторинг агенттігі тергеуде.

Балалар спортын дамытуға бағытталған әлеуметтік маңызы бар нысанның құрылысын бақылаған азамат орындалмаған жұмыстар үшін жалған актілер жасаған. Сол арқылы жеткізілмеген құрылыс материалдары үшін өзіне қарасты кәсіпорынның шотына, сондай-ақ бассейн құрылысына қатысы жоқ басқа кәсіпорындардың атына қаражат аударған.

Нәтижесінде ол мемлекетке 130 млн теңгеден астам залал келтірген. Бұған кешенді сот құрылысы-экономикалық сараптамасының, сот-экономикалық сараптаманың қорытындысы дәлел. Аталған азамат ұсталып, оған қатысты сот «үй қамақа  алу» шарасын қолданды.

Қазіргі уақытта сотқа дейінгі тергеу жүргізілуде. ҚР ҚПК-нің 201-бабы тәртібіндегі өзге де ақпарат жария етуге жатпайды.

АҚШ-тағы еңбек нарығы шілдеде де дамылдап тұрды, америкалық банктердің акциялары екі жылдық максимумға дейін өсті. Ресей криптовалютаны заңдастырып жатыр және биткоиндарды цифрлық рубльге айырбастауға рұқсат бермек. Осы және өзге де тақырыптар туралы 31 шілдеде әлемдік БАҚ-тар не жазды? Шолуымызға назар салыңыз.

Америкалық банктердің акциялары екі жылдық максимумға дейін өсті

АҚШ-тағы Банк индексі (KBW) шілдеде 10%-ға өсіп, сейсенбіде 2022 жылдың тамызынан бергі ең жоғарғы деңгейге жетті деп хабарлайды Bloomberg. Өңірлік банктер 19% өсім көрсетті. Бұл 2016 жылдың қарашасынан бергі ең жоғары өсу қарқыны болып отыр.

Сарапшылар банк секторындағы оптимизмді ФРЖ ставкаларының жылдам төмендеуімен, сондай-ақ Дональд Трамптың АҚШ президенті болып...

Ресейдегі Xiaomi және TCL бренді бойынша теледидар шығаратын зауыттар санкцияға байланысты өз өндірісін Қазақстанға көшірмекші. Бұл жайлы көрші елдің бұқаралық ақпарат құралдары хабарлады.

«Коммерсант» басылымының хабарлауынша, қытайлық TCL теледидар брендінің иесі санкциялық тәуекелдерге байланысты оның құрамдас бөліктерін ресейлік «Квант» және STI Group-қа жеткізуден бас тартқан. Мұның алдында дәл осы себептерге байланысты Хiaomi да Ресейге құрамдас бөлшектерді жеткізілмеген. Енді Ресей зауыттары Хiaomi мен TCL брендін шығару үшін Қазақстанға көшу мәселесін қарастырып жатыр.

Зауыттар Қазақстанға көшірілсе, логистикаға байланысты оның құны 10-20%-ға қымбаттауы мүмкін екені айтылады.

«Біз өндірісті Қазақстанға көшіру мүмкіндігін қарастырып жатырмыз. Бірақ бұл...

Жамбыл облысында мемлекетке тиесілі мүлікті өз құнынан 111 есе арзан 270 мың теңгеге сатып жіберген. Жамбыл облысы прокуратурасының хабарлауынша, бұл өндірістік базаның нарықтық кұны – кемі 30 млн теңге. Нысан сот шешімімен мемлекет меншігіне қайтарылған.

Прокуратура мәліметінше, «Игілік» коммуналдық мемлекеттік кәсіпорнының басшылығы сонау 2008 жылы өндірістік базаны еш конкурссыз сатқан. Кәсіпорын басшылығы бұл мүлікті бар-жоғы 270 мың теңгеге бағалаған көрінеді. Алайда нарықтық құны 30 млн теңге тұрады

2023 жылы осы іс бойынша Талас ауданының прокуратурасы кәсіпорынның бұрынғы басшысына қатысты сотқа дейінгі тергеуді бастағанымен, қылмыстық істің мерзімі өтуіне орай, тергеу тоқтап қалған.

Сонымен қатар,Жамбыл облысы экономикалық сотының шешімімен, әкімдікт...

Қасым-Жомарт Тоқаев Президент Әкімшілігінде кадрлық ауыс-түйіс жасады. Президент Әкімшілігінің Ақпараттық ресурстарды қорғау және Цифрландыруды дамыту бөлімдерінің меңгерушілерін тағайындады.

Осыған дейін «Қазақтелеком» АҚ-ның цифрландыру және үлкен деректерді басқару жөніндегі директоры болған Қуат Сандалов енді Президент Әкімшілігінде цифрландыруды дамыту бөліміне жетекшілік ететін болады.

«Мемлекет басшысының өкімімен Қуат Жалалитденұлы Сандалов Қазақстан Республикасы Президентінің Әкімшілігі Цифрландыруды дамыту бөлімінің меңгерушісі лауазымына тағайындалды», – делінген Ақорда хабарламасында.

Президент Әкімшілігіндегі Ақпараттық ресурстарды қорғау бөлімінің меңгерушісі лауазымына да жаңа кадр келді. Ол қызметті енді Ержан Сейітқұлов атқаратын болады.

Ержан Нұраханұлы 1979 жылғы 4 сәуірде дүниеге келген.

2001 жылы М.В. Ломоносов атындағы...

Венесуэладағы ереуіл кезінде 1200-ге жуық адам ұсталған. Президенттік сайлауға қатысты қарсылығын білдірген азаматтардың барлығын президент Николас Мадуро шетелде арнайы дайындалып келген қылмыскерлер деп атаған.

«Біз 1200-ден астам қылмыскерді ұстадық. Олар Техаста, Колумбияда, Перуде, Чилиде біраз уақыт жаттыққан. Қылмыскерлер шабуыл жасауға және өртеуге арнайы дайындалған. Олар жылжымалы аурухананы өртеп жібермек болды, бірақ жергілікті тұрғындар мұның алдын адып, құтқарып қалды. Сонда бұл наразылық па, әлде саяси күрес пе?» – деп мәлімдеді Мадуро.

Айта кетейік, бұл ереуілдерге Венесуэлада 28 шілдеде өткен президенттік сайлау себеп болды. Сайлау болған күннің ертеңінде елдің Ұлттық сайлау кеңесі Николас Мадуроны...

1 тамыз Париж Олимпиадасында қазақстандық атлеттер 5 спорт түрінен сайысқа шығады. Туризм және спорт министрлігі қазақстандық спортшылардың жарыс кестесін ұсынды.

Бокстан шаршы алаңға Қазақстан құрамасынан үш спортшы шығады. Дзюдода жүлде үшін Нұрлыхан Шерхан бақ сынайды.

Ескерту: жарыс кестесі Астана уақытымен көрсетілген

Садақ ату, ерлер. 1/32 финал
12.43 – Дәулеткелді Жаңбырбай-Хорхе Энрикес

Дзюдо, 100 келіге дейін ерлер арасында
13.00 – Нұрлыхан Шархан

Оқ ату, 50 метр әйелдер арасында
15.00 – Арина Алтухова, Александра Ле

Бокс, 50 келіге дейін әйелдер арасында. 1/8 финал
18.30 – Назым Қызайбай-Каролин Барбоза Де Альмейда

Бокс, 92 келіге дейін ерлер арасында. 1/4 финал
20.54 – Айбек Оралбай-Лорен Альфонсо Домингес

Садақ ату, ерлер...

Иранның рухани көсемі Аятолла Әли Хаменеи Израильге тікелей соққы жасауға бұйрық берді. Оған себеп – палестиналық ХАМАС қозғалысы Саяси бюросының басшысы Исмаил Ханияның өлімі. The New York Times басылымы өз дереккөзіне сілтеме жасай отырып, Иран жоғары көсемі бас қолбасшысының өліміне осылай жауап беруге бел буғанын жазады.

Басылымның мәліметінше, 31 шілде күні таңертең Әли Хаменеи Иранның Ұлттық қауіпсіздік жоғары кеңесінің шұғыл отырысын өткізген. Кездесуде Израильге соққы жасауға бұйрық береді. Басылым үш дереккөзге сілтеме жасайды. Олардың арасында Ислам революциясы Сақшылар корпусының екі мүшесі бар. Мұндай ақпаратты бергендердің есімдері аталмаған.

Дереккөз Тель-Авив пен Хайфа аймағындағы әскери нысандарға соққы беруі мүмкін екенін...

Федералды резерв жүйесі (ФРЖ) базалық мөлшерлемені сегізінші рет қатарынан жылдық 5,25-5,5% шегінде өзгеріссіз қалдырды. Бұл туралы реттеушінің ресми хабарламасында жазылған.

Базалық мөлшерлеме 2023 жылдың шілдесінен бері осы деңгейде тұр.

Баспасөз мәлімдемесінде ФРЖ экономикалық белсенділік жоғары қарқынмен өсіп жатқанын атап өткен. Реттеушінің келесі шешімдері экономикалық көрсеткіштерге тікелей байланысты болады.

ФРЖ басшысы Джером Пауэлл еңбек нарығындағы тұрақтылық жағдайында инфляцияны 7%-дан 2,5%-ға (мақсатты 2%) төмендетуде айтарлықтай ілгерілеу бар екенін атап өткен. Алайда Комитет инфляция 2 пайызға дейін төмендейтініне нақты сенім болмайынша, мақсатты диапазонды азайту орынсыз деп есептейді.

«Пайыздық мөлшерлемелерді төмендетудің бірнеше жолын қарастырып жатырмыз...

Жыл басынан бері прокурорлар мемлекетке 325 млрд теңге мөлшерінде заңсыз шығарылған активтерді, 400 млн теңге болатын зергерлік және мәдени құндылықтарды қайтарып берді. Сондай-ақ заңсыз сатып алынған 513 мың гектардан астам жер учаскелері тәркіленді. Бұл туралы Бас прокурор Берік Асыловтың «Егемен Қазақстан» газетіне берген ақпаратында айтылған.

«Қайтарылған активтер қоғамның әлеу­меттік және экономикалық дамуына бағытталады. Бірқатар объекті мемлекет меншігіне аударылған соң, олардың бұрынғы иелерінің экономиканың жекелеген секторларындағы монополиялық басымдылығы тоқтатылды», – деді ол.

Сондай-ақ Асылов сот алғаш рет 5,5 млрд теңге көлемінде шығу тегі белгісіз активтер үшін жаза тағайындап, мемлекетке қайтаруға талап қойғанын мәлімдеді. Нақты қай...

Солтүстік Қазақстан облысының бұрынғы әкімі Самат Ескендіровке ірі көлемде алаяқтық жасады деген айып тағылып отыр.

Сот кабинетіндегі ақпаратқа сүйенсек, Самат Ескендіровтің ісін Ақмола облысы Көкшетау қалалық соты қарап жатыр. Жәбірленуші тарап ретінде Ақмола облысы Бурабай ауданы Ақылбай ауылының ондаған тұрғыны танылған.

Сот қаулысында экс-әкімге Қылмыстық кодекстің 190-бабы 4-бөлімі 2-тармағымен айып тағылып отырғаны жазылған. Бұл бап бойынша аса ірі көлемде алаяқтық жасау істері қаралады. Айыпты деп танылған жағдайда мүлкі тәркіленіп, белгілі бір лауазымдарды атқаруға тыйым салынып, 5 жылдан 10 жылға дейін сотталуы мүмкін.

Сот ашық режимде өтіп жатыр. Ескендіров қазір бостандықта, дегенмен сот оның аймақтан шығып кетуіне тыйым салған. 

Самат Сапарбекұлы...