Жаңалықтар

Францияда сайлаудың бірінші турында әсіре оңшылдар жеңіске жетті. Дегенмен екінші турда олар айқын басымдыққа ие болмауы мүмкін. Егер, керісінше, бола қалса, елдің мемлекеттік қарызына қатысты жағдай күрделене түсуі мүмкін. Бірнеше айдан бері алғаш рет АҚШ экономикасы жайлы жағымсыз болжамдар айтыла бастады – тағы рецессия болуы ықтимал. Осы және басқа тақырыптар жайлы 1 шілдедегі әлемдік БАҚ шолуын оқыңыз.

АҚШ терең рецессияға жақындап келеді

BCA Research-тің бас талдаушысы Питер Березин акция нарығы туралы жағымсыз болжам жасады деп жазады FOX Business. Стратег АҚШ терең рецессияға жақындап келеді, соның салдарынан акция бағасы 30%-ға құлдырауы мүмкін деп санайды.

Клиенттерге арналған жазбасында Березин қазірг...

Қытай Халық Республикасының Төрағасы Си Цзиньпин Қазақстанға мемлекеттік сапары мен ШЫҰ саммиті қарсаңында арнайы мақала жазды. Онда Қытай басшысы екіжақты сауданың дамуы, визасыз режимнің артықшылықтары туралы айтып, Қазақстанның тәуелсіздігін қолдауға уәде берді. Си Цзиньпиннің мақаласын «ҚазАқпарат» агенттігі жариялаған.

«Мен зор үміт артып отырған алдағы сапар жаңа Қазақстанның жетістіктері мен бүгінгі келбетіне сүйініп қарап, тамсануға ғана емес, Президент Қасым-Жомарт Тоқаевпен екіжақты серіктестіктің өзекті мәселелерін талқылап, ШЫҰ-ны әрі қарай дамытудың және қытай-қазақ қарым-қатынасының басым бағыттарын айқындауға мүмкіндік береді», – деп жазады Си Цзиньпин.

Экономикалық ынтымақтастық туралы

Қытай басшысы екі елдің экономикалық байланысы мен...

Елімізде 1 шілдеден бастап сұйытылған газ бағасы көтерілді. Энергетика министрінің бұйрығына сәйкес, ҚР газ толтыру станциялары үшін сұйытылған мұнай газын бөлшек саудада өткізудің шекті бағасына өзгерістер енгізілді.

Сондай-ақ сұйытылған газды көтерме саудада өткізудің ішкі нарықтағы шекті бағасы бекітілді. Енді сұйытылған мұнай газының тоннасына көтерме сауданың шекті бағасы 45 158 теңгені құрайды. Бұрын ол 40 320 теңге болатын.

Көтерме бағаның көтерілуіне байланысты автокөлік газының құны да өсті. Мәселен, Астана, Ақмола, Қостанай, Қарағанды, Абай, Жетісу,Ұлытау және Шығыс Қазақстан облыстарында литріне 84 теңге (бұрын 76 теңге болды);

Алматы, Алматы облысы, СҚО – 89 теңге (бұрын 81 теңге болды);

Шымкент, БҚО, Қызылорда облысында...

«ҚазМұнайГаз» бен қытайлық CNPC Өріктауда өндірілген шикізатты Жаңажол мұнай-газ зауытында өңдеу мүмкіндігін қарастырып жатыр. Бұл туралы екі компания басшылығының кездесуі нәтижесінде белгілі болды.

 «ҚазМұнайГаз» ҰК АҚ Басқарма төрағасы Асхат Хасенов CNPC Директорлар кеңесінің төрағасы Дай Хоулянмен келіссөз жүргізген.

«Тараптар Маңғыстау және Қызылорда облыстарындағы бірлескен өндіру активтерінің қызметін, геологиялық барлау саласында ынтымақтастық перспективаларын және газды өндірісте одан әрі қолдану мүмкіндіктерін талқылаған.

«Қазақстанда газ жобаларын іске қосудың маңызын назарға ала отырып, тараптар Орталық Өріктау кен орнында өндірілген көмірсутек шикізатын Жаңажол мұнай-газ өңдеу кешенінде өңдеу мүмкіндіктерін зерттеп жатыр», – деп жазылған ҚМГ хабарламасында.

«Бәсе» каналының авторы Айдос Садықов қайтыс болды. Оған 18 маусымда Украина астанасында қастандық жасалған. Содан бері ол реанимацияда жатқан.

Бұл туралы оның жұбайы Наталья Садықова әлеуметтік желідегі парақшасында жазды.

Айдос Садықовқа қатысты істің мән-жәйі

18 маусымда Киевтегі Шевченко ауданында белгісіз адам тұраққа қойылған автокөліктің жүргізушісіне, яғни қазақстандық белсенді Айдос Садықовқа оқ атқан. 

Айдос Садықов пен әйелі Наталья Садықова Киевте тұрады. Олар 2014 жылдан бері «Бәсе» Youtube-арнасын ашып, Қазақстандағы саяси оқиғаларға қатысты сыни видеолар жариялап жүрген.

Украинаның Бас прокуратурасы «Бәсе» оппозициялық арнасының авторы Айдос Садықовқа қастандықты екі қазақстандық жасады деген ақпарат жариялады. Прокуратура сайтында Мейрам Қаратаев пен Алтай Жақанбаевтың қылмысы жайлы толыққанды беріп...

ШЫҰ саммитіне байланысты Астананың орталық көшелеріндегі автотұрақтарға көлік қоюға тыйым салынды. Мәңгілік ел даңғылы, Достық, Түркістан, Қонаев және Қабанбай батыр даңғылдарының бойындағы автотұрақтарды пайдалануға болмайды. Бұл туралы қалалық ПД баспасөз қызметі хабарлайды.

Елордада 2-4 шілде аралығында ШЫҰ саммиті өтеді. Соған байланысты террористік қауіптің «сары» деңгейі енгізілген. «Сары» деңгей енгізілген кезде жекелеген аумақтарда көлік құралдары мен жаяу жүргіншілердің қозғалысы шектеледі.

«Қаланың әкімшілік полиция басқармасы осыған байланысты «сары» деңгейдегі іс-қимыл кезеңінде тұрғындарға Мәңгілік ел даңғылы, Достық, Түркістан, Қонаев және Қабанбай батыр даңғылдарының бойында орналасқан тұрғын үй кешендерінің жанындағы автотұрақтарды пайдалануға тыйым салынады деп хабарлайды», -деп...

Дүниежүзілік банк ұлттық табысы жоғар елдердің тізімін жаңартты. Оған биыл Болгария, Палау Республикасы және Ресей енген.

Дүниежүзілік банктің мәліметі бойынша, Ресейдегі 2023 жылы жан басына шаққандағы жалпы ұлттық табыс 14 250 долларды құраған. Ал Болгарияда тұтыну сұранысының арқасында ЖІӨ 1,8%-ға өскен. Палау елінің номиналды ЖҰТ 10,0% көтерілген.

Бұл үш елден бөлек, табысы жоғары мемлекеттер қатарына АҚШ, Канада, Гринландия, Сауд Арабиясы, Оман, Чили, Аустралия, Жаңа Зеландия, Корея, Жапония, Еуропа елдері жатады.

Сонымен қатар Украина, Алжир, Иран және Моңғолия да өз позицияларын жақсартқан: Дүниежүзілік банк оларды табысы орташадан төмен елдер санатынан ортадан жоғары табысы бар елдер қатарына кіргізд...

Bereke Bank («Бәйтерек» холдингіне тиесілі, катарлық Lesha Bank-ке сату үдерісі жүруде) 100 миллиард теңгеге облигациялар шығарады. Бұл сома меншікті капиталдың 61,2%-ын құрайды (2024 жылғы 1 сәуірдегі жағдай бойынша). Облигациялар шығарылымы туралы хабарлама Қазақстан қор биржасының (KASE) сайтында жарияланды.

Ұйымдастырылған бағалы қағаздар нарығында үш жылдық облигациялар орналастырылады. Олардың саны 1 миллион дана, номиналды құны 1 мың теңге болады. Облигациялар төртінші облигациялық бағдарлама аясында орналастырылатыны нақтыланды. Бағалы қағаздар қаржыландыру көздерін әртараптандыру және өтімділікті қолдау мақсатында шығарылады. Ақша банктің қызметін жандандыруға жұмсалады.

Жылдық купондық мөлшерлеме Ұлттық Банктің купондық кезең ішінде қолданыста болған базалық мөлшерлемесінің 0,3% купондық маржа шегерілген орташа мәні ретінде есептелетін...

Президент «Мемлекеттiк сатып алу туралы» Қазақстан Республикасының заңына қол қойды. Бұл жөнінде Ақорда баспасөз қызметі хабарлады.

Бұл заң сатып алу процесінің рәсімдерін оңтайландыруды, сатып алынатын тауарлардың, жұмыстар мен көрсетілетін қызметтердің сапасын жақсартуды, мемлекеттік сатып алуға қатысушылардың жауапкершілігін күшейтуді және бәсекелестікті дамытуды көздейді.

Сатып алу рәсімдері жеңілдейді

Шағымдарды қарау тетігі жаңартылды. Қаржы министрлігінің бақылаушы орган ретіндегі рөлі қайта қаралды.

Сатып алуды жедел жүргізу, тапсырыс берушілерге  зор өкілеттіктер беру, сондай-ақ сатып алу рәсімдерінің кешіктірілуін болдырмау мақсатында бұдан былай шағымдарды сатып алуды ұйымдастырушының өзі тікелей қарайды. Конкурс қорытындыларына веб-портал арқылы шағымдануға болады. Жеңімпазы тек конкурстық комиссия айқындаған сатып алулар бойынша...

Астанада қауіпсіздік талабы күшеюде. 3-4 шілде күндері елордада халықаралық іс-шаралар өтпек.

Шанхай ынтымақтастық ұйымының саммитіне мемлекеттердің басшылары қатысады. Қытай Халық республикасының Төрағасы ресми жұмыс сапарымен келмек.

Осыған орай ҰҚК 2 шілдеден бастап 5 шілдеге дейін террористік қауіптің бірқалыпты («сары») деңгейі белгіленетінін хабарлады.

Астана, Алматы, Қарағанды және Көкшетау қалаларының Шанхай ынтымақтастық ұйымының саммиті өткізілетін нысандарда терроризмге қарсы операцияның құқықтық режимі орнатылады.

ҚР Мемлекеттік күзет қызметі бастығының шешімі бойынша ерекше күзетілетін тұлғалар өтетін жерде тәртіп күшейеді.

Сары деңгей арнаулы органдарға мына шараларды жедел қолға алуға мүмкіндік береді:

Биылдан бастап Сауда және интеграция министрлігі кәсіпкерлерге сауда объектілерінің құрылысына әрі инфрақұрылымды жетілдіруге жәрдемдеспек. Министрлік соңғы бес жылда алғаш рет шағын және орта бизнес субъектілеріне мемлекеттік қолдау шараларын ұсынады. Бұл жөнінде Сауда комитеті хабарлады.

`«Республикалық бюджет комиссиясында сауда кәсіпорындарының құрылысы мен  жаңғыртуға арналған кредиттерді арзандатуға биыл 4 млрд теңге бөлу туралы шешім қабылданды. Қазіргі уақытта «Даму» АҚ қатысуымен екінші деңгейлі банктермен бірлесе атқарылатын жобалардың тізімі жасақталуда», – делінген хабарламада.

2023 жылы елде 1,6 млн жеке кәсіпкер тіркелген, бұл бір жыл бұрынғы көрсеткіштен 24,3% артық. Бүкіл ЖК субъектілерінің 93,1%-ы жұмыс істеп тұр, олардың қатары...

Президент Қасым-Жомарт Тоқаев Қырғызстанның Ош облысы Нооқат ауданында селдің жүруінен адамдардың қаза табуына байланысты Қырғыз Республикасының Президенті Садыр Жапаровқа көңіл айту жеделхатын жолдады.

– Қазақстан халқының және жеке өз атымнан қаза тапқан азаматтардың отбасы мен жақын туыстарына қайғырып көңіл айтамын. Сондай-ақ зардап шеккендердің тезірек сауығып кетуіне тілектестік білдіремін. Қазақстан тату көршілік және өзара қолдау рухында табиғат апаты болған елдімекенге гуманитарлық көмек жіберді. Қажет болған жағдайда, бауырлас Қырғызстанға жәрдем беруге әзірміз, – деп жазылған жеделхатта.

Ош облысында нөсер жауып, сел жүрген еді. Көрші елдің Төтенше жағдайлар министрлігі тасқын зардабымен күресуді бірден бастады. Алғашқы күні 5 адамны...

Ресей Федералдық салық қызметі UFC-дің экс-чемпионы, Хабиб Нурмагомедовтың есепшоттарын бұғаттады. Шоттарды бұғаттаудың негізгі себебі атақты дағыстандық спортшының 300 миллион рубльға жуық қарызының болуы.

Бұған дейін ресейлік БАҚ Федералдық салық қызметі ресми қағаздардағы дұрыс емес мәліметтерге байланысты спортшының бірнеше фирмаларын жауып тастағаны туралы хабарлаған болатын.

«Салық органдары Хабиб Нурмагомедовтың шоттарын 297 миллион рубль (шамамен 1,6 миллиард теңге) қарызы үшін бұғаттады», – деп хабарлады Mash Telegram арнасы.

Мамыр айының басында Mash баслымы Ресейдегі ең бай спортшының Федералдық салық қызметіне 306 миллион рубль қарыз екенін жазған.

«Мансап жолын аяқтағаннан кейін, спортшы бірнеше ондаған...

Бұрынғы Қаржы министрі Ерұлан Жамаубаев «Самұрық-Қазына» әл ауқат қоры директорлар кеңесі құрамына енді.

Қордың жалғыз акционерінің шешімімен директорлар кеңесінің құрамынан Әсет Ерғалиев шығарылған.

Қазіргі кезде қордың директорлар кеңесі 7 адамнан тұрады. Олар: Олжас Бектенов, Болат Жәмішев, Нұрлан Байбазаров, Нұрлан Жақыпов, Лука Сутера, Ерұлан Жамаубаев және Мохаммед Джамиль Аль Рамахи.

Ерұлан Жамаубаев 2020 жылдың мамырынан 2024 жылдың ақпанына дейін Қаржы министрі қызметін атқарды. Сол жылдың 20 мамырында Жамаубаев Қазақстан Республикасы Президентінің кеңесшісі болып тағайындалған.

«Самұрық-Қазынаның» жалғыз акционері – Қазақстан үкіметі. «Самұрық-Қазына» Ұлттық әл-ауқат қоры» АҚ 2008 жылы құрылды. Қор елдің ең ірі стратегиялық компанияларын басқарады, соның ішінде...

Еуропалық қор индекстері мен евро бағамы дүйсенбі күнгі сауда басында күрт көтерілді. Франциялық CAC 40 екі жыл ішіндегі ең жақсы деңгейге көтерілді. Нарыққа Франциядағы парламенттік сайлаудың бірінші турының нәтижесі әсер етті. Нәтижелерге қарағанда, Марин Ле Пеннің «Ұлттық бірігу» әсіре оңшыл партиясы парламентте абсолютті басымдыққа жете алмайтын сияқты.

Толығырақ

Франция парламентіне сайлаудың бірінші турының қорытындысы бойынша, оңшылдардың «Ұлттық бірігу» партиясының жеңісі көпшілік күткеннен әлдеқайда әлсіз боп шықты. Осыдан кейін Франция нарықтары өсіп, евро нығая түсті. Марин Ле Пен партиясының әлсіз жеңісі екінші турда оның парламентте айқын басымдыққа қол жеткізуі екіталай екенін көрсетті, сондықтан оппоненттер қазірден-ақ оңшылдарды билікке жақындатпаудың стратегиясын...

Мамыр айының қорытындысы бойынша Қазақстандағы сақтандыру ұйымдарының активтері 3,8%-ға 2,6 трлн теңгеге дейін төмендеді. Бұл туралы ҚНРДА-ның сақтандыру секторы туралы шолуында жазылды.

Активтердің азаюына  «KazakhExport экспорттық сақтандыру компаниясы» АҚ-ны экспорттық-кредиттік агенттікке ерікті түрде қайта ұйымдастыру себеп болған.

1 маусымдағы жағдай бойынша активтер құрылымында ең көп үлес бағалы қағаздарға – 71,6% (1,8 трлн теңге), екінші деңгейдегі банктердегі ақшалай қаражат пен салымдарға – 4,7% (119 млрд теңге), сақтандыру дебиторлық берешекке – 4,6%  (118 млрд теңге) тиесілі.

Мамырдың қорытындысы бойынша сақтандыру нарығының негізгі көрсеткіштері төмендегідей: міндеттемелері «РЕПО» операцияларының өсуі нәтижесінде 0,6%-ға 1,7 трлн теңгеге дейін ұлғайды. Жалпы нарық бойынша таза пайда  6,6 млрд теңге болды. 2024 жылдың басынан бері – 59,8 млрд теңге.

Жеке және заңды...

Мамыр айында Қазақстан қор нарығында акциялармен сауда-саттық бірден 47,6% кеміген. Оған ForteBank, «ҚазМұнайГаз» Ұлттық компаниясы» және «Эйр Астана» АҚ  акцияларымен сауданың азаюы себеп болған. Сәуір айында акциялар сауда-саттығы 21 млрд теңгеден асса, мамыр айында бұл көрсеткіш 11,3 млрд теңге деңгейінде қалыптасқан.

11,3 млрд теңгенің басым бөлігі (11,2 млрд теңге) қайталама нарықтан түскен. 2024 жылдың бес айында акциялардың сауда-саттық көлемі 144,3 млрд теңгені құрады. Бір жыл бұрынғы кезеңмен салыстырғанда бұл көрсеткіш 4,8%-ға өсті.

Акциялар нарығын капиталдандыру 30,9 трлн теңгені құрады. Жыл басынан бері бұл көрсеткіш 15,6 пайызға артқан. Реттеуші капиталдандырудың өсімін KASE индексінің өкілетті тізіміне енген акциялар бағасыны...

Мамыр айында Қаржы нарығын реттеу және дамыту агенттігіне банктердің, микроқаржы ұйымдарының, коллекторлық агенттіктердің, сақтандыру және бағалы қағаздар нарығы субъектілерінің қызметіне байланысты жеке және заңды тұлғалардың 8 101 өтініш түсті. Бұл туралы агенттік есебінде жарияланды.

Шағымдардың көбі банк секторына тиесілі, жалпы көлемнің  44,1%-ын құрады. Микроқаржы ұйымдары бойынша өтініштер жалпы шағымның 41,7%-ын, коллекторлық агенттіктер 6,8%-ын, сақтандыру нарығы субъектілері 2,0%-ын, өзге ұйымдар 4,0%-ын, қаржы ұйымдарының атауын көрсетпеген шағымдар 1,4%-ын құраған.

Шағымдарды қарау нәтижесінде агенттік 6 ұсынымдық қадағалап ден қою шарасын, 5 жазбаша ұйғарым, әкімшілік құқық бұзушылықтар туралы 10 хаттама бойынша 4,0 млн теңге жалпы сомаға 10 әкімшілік жаза қолданған. Оның ішінде  1,5 млн теңге көлеміндегі 2 әкімшілік жаза банктерге, 2,2 млн теңге көлеміндегі 7 әкімшілік жаза коллекторлық агенттіктерге, 369,2 мың теңге  көлеміндегі әкімшілік жаза сақтандыру ұйымдарына тағайындалған.

Айта...

Шілденің 3-4 күндері елордада өтетін Шанхай Ынтымақтастық Ұйымы саммитіне байланысты Астана әуежайы мен вокзалдары күшейтілген жұмыс режиміне көшті.

Шанхай ынтымақтастық ұйымы саммитін өткізу кезеңінде елорда әуежайында күшейтілген және тәулік бойғы жұмыс режимі қамтамасыз етілетін болады.

«Тұрақты рейстердің ұшуы кесте бойынша жоспарланған. Саммитті өткізу кезеңінде жұмысқа сала мамандары мен диспетчерлік құрам тартылды. Жүзден астам қызметкер резерв ретінде жұмылдырылып, елорда әкімдігімен бірлесіп шет тілдерін білетін еріктілер тартылып жатыр. Сондай-ақ Алматы және Қарағанды қалаларында қосымша әуежайлардың дайындығы көзделген», – делінген Көлік министрлігінің хабарламасында.

Елордалық теміржол бекеттері де штаттық режимде жұмыс істейді.  Бүгінгі таңда теміржол көлігі Астана-1 станциясынан 23 бағыт бойынша тәулігіне 11 мыңға...

Қазақстан банктерінің балансында 90 күн бойы төленбеген (NPL 90+) 1 трлн теңге мерзімі өткен берешек бар. Үш ай бойы төленбеген қарыз көлемі банктердің несие порфелінің 3,2 пайызын құрайды. Жыл басында бұл көрсеткіш 2,9 пайыз болған.

Яғни алған несиесінің төлемін 90 күн кешіктіргендер саны да, төлемеген қарыз көлемі де артқан. Жыл басында мерзімі өткен берешек мөлшері 864 млрд теңге болған. 5 айдың ішінде NPL 90+ қарыз 136 млрд теңгеге өскен.

Соның ішінде бизнеске берілген қарыздар бойынша NPL90+ деңгейі 2,2%-ды немесе 283 млрд теңгені қүрайды. Ал халыққа берілген кредиттер бойынша 4%-ға жетіп, 716 млрд теңгені құрап отыр. Жұмыс істемейтін қарыздарды...

Миллиеналдар тарихтағы «ең бай ұрпаққа» айналады. Олар алдағы жиырма жылда «бэби-бумер» ата-аналарынан жүздеген триллион долларды мұраға алады, деп жазады Daily Mail. Осылайша 1981-1996 жылдар аралығында туған буынның арасынан тарихтағы ең бай адамдар шығады.

Knight Frank консалтингтік компаниясының жыл сайынғы байлық есебіне сүйенген басылымның жазуынша, тек Америкада ғана алдағы 20 жыл ішінде миллиеналдарға 90 триллион доллар көлемінде жылжымайтын мүлік, акциялар және басқа да активтер мұраға қалады.

Есепте 1946-1964 жылдар аралығында туылған «бэби-бумер» және «үнсіз ұрпақ» деп аталатын 1928-1946 жылдар аралығында туған америкалықтар 1980-1996 жылдар аралығында туған миллиеналдарға «тізгінді тапсырады» делінген.

АҚШ-тағы тұрғын үй қорының шамамен 90 пайызы 40 жастан асқан...

АҚШ-тың Әділет министрлігі Boeing корпорациясына қылмыстық алаяқтық жасады деген айып тақпақ деп жазады Bloomberg дереккөздерге сілтеп. Компанияның таңдау жасауына бір апта беріледі: не кінәсін мойындап, қосымша айыппұл төлейді немесе соттасуға тәуекел етеді. Биыл Boeing туралы жағымсыз жаңалық естуге инвесторлардың еті үйреніп қалғандай. Сондықтан олар бұл хабардан аса шошына қоймас деп топшылайды Barron’s.

Толығырақ

Boeing кінәсін мойындау не мойындамау жөнінде апта соңына дейін шешім қабылдауға тиіс. Bloomberg-ке ақпарат бергендердің айтуынша, Әділет министрлігінің өкілдері 30 маусымда бұл жөнінде 2018-2019 жылы Boeing-тің екі 737 Max ұшағының апатынан қаза тапқан құрбандардың отбасы мен адвокаттарына хабарлаған.

Агенттікке мәлімет берушілердің сөзіне сенсек, министрлік Boeing-ке...

Боксшы және Ұлттық Олимпиада комитетінің басшысы Геннадий Головкин BoxingScene басылымына берген сұхбатында Ұлттық олимпиада комитетіне басшылыққа қалай келгені туралы айтты.

Головкин: «Мәселе менің өз қызметімді ұсынған жоқпын. Олар да маған тікелей хабарласқан жоқ. Бұл жай ғана оқиғалар тізбегі болды. Күн сайын жаттығуды тоқтатқаным және бос уақытым пайда болғаны әсер етті», – деген басылым сұрағына жауапта. 

Головкин өзінің спорт жанкүйері екенін және ҰОК басшысы лауазымы — Қазақстанда спорттың дамуына өз үлесін қосу мүмкіндігі екенін түсіндіріп өтті.

«Мен спортшы ретінде спортшыларды қолдаймын. Бюрократ емеспін, саясаткер емеспін. Ұлттық олимпиада комитетінің президентіне сайланған кезде...

Қазақстанда педофилдерге химиялық кастрация тағайындайтын сараптама енгізіледі. Бұл жайында Әділет министрлігінің ресми өкілі Талғат Уәли айтты.

Оның айтуынша, елімізде сот-сараптамасының «Сот-сексологиялық сараптама» деген жаңа түрі енгізілетін болады. Оған соңғы кездері сексуалдық сипаттағы қылмыстар санының артуы себеп болуда. Сонымен қатар халықаралық тәжірибе де ескеріліп отыр.

«Әділет министрлігі зерттеудің жаңа түрі – «Сот-сексологиялық сараптаманы» енгізу жұмыстарын бастады. Бұл күдікке ілінген азаматқа құқық қорғау органдарының өтініші бойынша жүргізіледі. Сараптама кезінде ол азаматтың психологиялық портреті қалыптастырылады. Қарапайым тілмен айтқанда, сараптама тексерілушінің жыныстық/психосексуалдық дамуда қандай да бір ауытқулардың бар немесе жоқтығы қаралады. Педофилдерді анықтау, тексерілушіге «химиялық кастрация қажет пе жо...