Жаңалықтар

Мемлекеттік аудиторлар Ұлытау облысында 36,4 млрд теңгенің заңсыз жұмсалғанын анықтады. Бұған бюджет қаражатын тиімсіз пайдалану, тиімсіз шығындардың көп болуы, сондай-ақ жүйелі жіберілген кемшіліктер себеп. Бұл туралы облыстың бюджет қаражатының пайдаланылу тиімділігіне жүргізілген аудит қорытындыларынан белгілі болды.

«Жалпы аудит қорытындысы бойынша: 4,1 млрд теңгеге қаржылық бұзушылықтар; 1,7 млрд теңгеге бюджет қаражатын тиімсіз жоспарлау; 7,8 млрд теңгеге бюджет қаражаты мен активтерді тиімсіз пайдалану; 22,8 млрд теңгеге шығындар мен жіберіп алған пайда; 12 жүйелік кемшілік пен 203 рәсімдік сипаттағы бұзушылық анықталды», – деп жазылған аудит қорытындысында.

Ұлытау облысы құрылғаннан бері шешімін таппаған проблемалар жетерлік. Алты облыспен орта...

Ғылым және жоғары білім министрлігі ҰБТ-ға тіркеу мерзімін ұзартты. Бұл туралы минист Саясат Нұрбек хабарлады.

«Негізгі ҰБТ-ға қатысуға өтініш беріп үлгермеген талапкерлердің пікірін ескере отырып, барлық тестіленуші үшін ертең, 22 мамырда сағат 10.00-ден 18.00-ге дейін тестілеуге тіркеу базасы ашық болады», – деп жазды министр өзінің Telegram-арнасында.

Өтініш беріп үлгермеген тестіленушілер тек app.testcenter.kz сайтында 22 мамыр күні берілген уақыт араығында ғана тіркеле алады. Екі рет өтініш берген талапкерлер үшін мұндай мүмкіндік жоқ.

Негізгі ҰБТ-2024-ке 6 мамырдан 14 мамырға дейін өтініш қабылданған болатын. Биыл Ғылым және жоғары білім министрлігінің шешімімен барлық талапкерге негізгі ҰБТ-ны ек...

Бишімбаевтар әулеті активтерінің заңдылығы тексерілуі мүмкін. Бұл жайлы Мәжілістен кейін өткен брифингте ҚМА төрағасының орынбасары Жеңіс Елемесов айтты.

Журналистер Нүкеновтер отбасының Бишімбаевтар әулетінің активтерін тексеруді сұрап, петиция жариялағанын айтты. Осы орайда БАҚ өкілдері Бишімбаевтардың активтерінің пайда болу заңдылығы тексерілу мүмкіндігін сұрады.

«Осыған қатысты агенттік зерттеу жүргізе ме?», – деді журналист.

Қаржы мониторингі агентігінің өкілі Бишімбаев ісі Ішкі істер министрлігінің құзыретінде екенін, оның агенттікке еш қатысы жоқтығын айтты.

Десе де, журналист: «Біз мұнда Бишімбаев ісі туралы емес, оның активтері туралы айтып отырмыз», – деп нақтылады.

«Бізде қазіргі уақытта...

Қазақстанның Даму Банкі жалғыз акционері «Бәйтерек» Ұлттық басқарушы холдингіне 90 млрд теңге дивиденд төледі. Бұл сома 2022 жылғы көрсеткішпен салыстырғанда, 5 есе артық.

Қаржы ұйымының Қазақстан қор биржасына жолдаған хабарламасында 2023 жыл үшін дивиденд акционерге 20 мамырда төленгені жазылған.

Банктің 2023 жылғы 180 млрд теңге таза табысының тең жартысы акционеріне дивиденд ретінде төленсе, 90 млрд теңгесі банктің өзінде қалған. Дивиденд мөлшері 1 қарапайым акцияға шаққанда 42 565 теңгеден келеді.

Акционерге 2023 жыл үшін төлейтін дивиденд көлемі 2022 жылмен салыстырғанда 5 есе көп. Банк алдыңғы жылы 17 млрд теңге дивиденд төлеген. 2022 жылы қаржы ұйымы 34 млрд теңге табыс тапқан...

Ресей ядролық қарумен оқу-жаттығуды бастады. Оқу-жаттығу барысында Ресей Қарулы күштерінің Бас штабы стратегиялық емес ядролық қаруды сынақтан өткізеді. Бұл туралы РФ Қорғаныс министрлігі хабарлады.

Ресей Федерациясы Қарулы күштері Жоғарғы Бас Қолбасшысының тапсырмасына сәйкес, РФ Қарулы Күштері Бас штабының басшылығымен Оңтүстік әскери округінде стратегиялық емес ядролық қаруды дайындау мен қолдан тәжірибелік сынақтарын өткізетін оқу-жаттығудың бірінші кезеңі басталды», – делінген хабарламада.

Осы кезеңде Оңтүстік әскери округінің жеке құрамы «Искендер» жедел-тактикалық зымыран жүйесіне арнайы оқ-дәрі салу, олармен зымыран тасығыштарды жарақтандыру бойынша жауынгерлік дайындық тапсырмаларын орындайды.

Ресей Аэроғарыш күштерінің авиациялық бөлімшелерінің жеке құрамы авиациялық қаруды арнайы...

Ресейдің еуропалық депозитарийлерде бұғатталған активтерінен түскен пайда екі жыл сайын Украинаға әскери қолдауға жұмсалмақ. Бұл туралы Еуроодақ кеңесі хабарлады.

Қаражаттың 90%-ы Еуропалық Бейбітшілік қорына, тағы 10%-ы Украинаны қолдау және Еуропалық Одақтың қорғаныс өнеркәсібін қалпына келтіру бағдарламаларын жүзеге асыруға бағытталады.

ЕО шектеу шаралары Украинаға одан әрі әскери қолдау көрсету, сондай-ақ оның қорғаныс өнеркәсібінің қуатын арттыру мен қайта құру үшін пайдаланылады.

2022 жылдың ақпанында Ресей мен Украина арасындағы қарулы қақтығыс басталды. Осыдан кейін АҚШ, ЕО және басқа да одақтас елдер бірігіп Ресейдің Орталық банкімен және Ресей Қаржы министрлігімен транзакцияларға тыйым салды. Қазіргі кезде Ресейдің бұғатталған активтерінің көлемі 300 млрд долларға жеткен. Ресей...

BBC ақпараты бойынша Лондоннан Сингапурға ұшқан Singapore Airlines компаниясы ұшағының әуеде қатты шайқалуы салдарынан 1 адам көз жұмып, 50 адам жараланды.

10 сағат өткеннен кейін Boeing 777-300ER ұшағы Мьянма тұсында 11300 метр биіктікте күшті турбелентті аймаққа тап болды. Ұшқыш болған жағдайды диспетчерге лезде хабарлап, Бангкок аумағындағы әуежайға қонуға шешім қабылдады. Жолаушыларды әуежайда жедел жәрдем бригадасы күтіп алды. Ауруханаға жеткізілген жеті адамның жағдайы өте ауыр.

Бортта 211 жолаушы, 18 экипаж мүшесі болды. 73 жастағы британдық жүрек талмасынан жап тапсырды. Ұшақ күтпеген жерден төмен құлдилап, қатты шайқалған. Жолаушылардың басым көпшілігі Аустралия, Британия, Сингапур азаматтары болып шықты. Әуе көлігі 2008 жылы өндірістен шыққан.

Ыстанбұлда Түркі инвестициялық қорына мүше Басқарушы елдер кеңесінің (ТИҚ) алғашқы ұлықтау отырысы өтті. Премьер-Министрдің орынбасары – Ұлттық экономика министрі Нұрлан Байбазаров Қазақстан тарапынан Қордың Басқарушылар кеңесінің өкілі болды.

Түркі инвестициялық қоры – түркі әлемі экономикалық интеграциясының алғашқы бірлескен қаржы институты. Қордың бастапқы капиталы 500 млн доллар. Оны құрудың басты мақсаты – Түркі елдері арасындағы экономикалық және коммерциялық қатынастардың дамуын қамтамасыз ету.

Түркия Қаржы министрлігінің бағалауы бойынша 2024 жылдың соңына қарай түркі мемлекеттері әлемдік экономикада маңызды орын алады. Яғни экономика көлемі 1,9 трлн долларға және халық саны 178 млн адамға жетеді деп күтілуде.

«Қазақстан Республикасыны...

2023 жылдың қорытындысы бойынша инфляция екі еседен астам, яғни 9,8 %-ға дейін төмендеген. Базалық мөлшерлеме 14,75 %-ға дейін төмендеген. Депозиттерді доллар түрінде сақтау 23,2 %-ды құрап, 26 жыл бұрынғы төменгі шекті деңгейге жетті. Бұл ретте Ұлттық банктің жалпы алтын-валюта резерві 2022 жылмен салыстырғанда биыл 0,9 миллиард долларға немесе 2,5 %-ға көбейіп, 36 миллиард долларды құраған.

Ұлттық қордағы активтер 4,3 млрд долларға өсіп, 60 млрд долларға жетті. Активтердің табыстылығы 11,38 % болды. Ұлттық банктің сенімгерлік басқаруындағы Бірыңғай жинақтаушы зейнетақы қорының зейнетақы активтерінің жиынтық көлемі былтыр 3,2 триллион теңгеге ұлғайып, 17,8 триллион теңгеге жеткен. Зейнетақы активтерінің табыстылығы инфляция деңгейінен асып, 10,1 %-ды...

Президент «Қазақстан Республикасының кейбір заңнамалық актілеріне байланыс, цифрландыру, инвестициялық ахуалды жақсарту және артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының заңына қол қойды.

Заң бойынша түрлі салада жаңа ережелер қолданысқа енеді:

Еуропалық одақ жасанды интеллектті қолдану ережесін қатаңдатпақ. ЖИ-мен жұмыс істеуге арналған бірқатар қосымшаға тыйым салуды қарастыратын құжатты ЕО-ға мүше мемлекеттердің салалық министрлері мақұлдады. Бұл жөнінде DW басылымы жазды.

Кейінгі кезде Еуропа жасанды интеллект технологиясын сақтықпен қолдануға көңіл бөле бастады. Алдағы уақытта эмоцияны бақылайтын жасанды интеллектіге тыйым салмақ. Маңызды инфрақұрылым, білім беру мен денсаулық сақтау және басқа да салалар ЖИ жүйесі қатаң талаптарға сай болуы керек деп есептейді.

Енді Еуроодақ құндылығына қайшы қосымшалар бұғатталмақ. Әсіресе, әлеуметтік мінез-құлықты бағалау бойынша өте абай болу керектігі ескертілген. Жаппай бақылау құралдарының көмегімен әртүрлі критерийлер бойынша жасалынатын адамдардың рейтинглері, әсіресе, Қытайда танымал. Эмоцияларды тану...

Түркістан облысында 1 мың гектар алқапқа тамшылатып суару әдісі арқылы жоғары сұрыпты мақта тұқымы өсіріле бастады. Бірінші кезеңде мақта кластерін құру, одан кейін толығымен Қазақстанда жасалған маталардан жұқа, жоғары сапалы жейде және үй тоқыма бұйымдарын шығару жоспарлануда. Қытайдың жібек жіптерін шығаратын Lihua Spinning Technology компаниясы кеңесші ретінде жұмысқа тартылды. Бұл туралы Premierminister.kz үкімет порталы хабарлады.

Мақта-тоқыма кластерін «Түркістан» әлеуметтік-кәсіпкерлік корпорациясы (жалғыз акционері Түркістан облысының ауыл шаруашылығы басқармасы) және «Алтын дала мақта» серіктестігі құрып отыр. Бұл мақта өсіруден бастап өңдеуге және жұқа зығырдан жасалған киімдерді, сондай-ақ үй тоқыма бұйымдарын өндіруге дейінгі толық өндірістік цикл болатыны нақтыланды. Тамшылатып суару әдісін қолдану...

Гонконгтағы сауда барысында Қытайдың технологиялық алпауыты Tencent Holdings акциялары 4%-ға дейін арзандады. Компания әлемдегі ең табысты компьютерлік ойындардың бірі Dungeon & Fighter-дің мобильдік нұсқасын іске қосқан болатын. Бірақ бір сағат ішінде тоқтатылды. Себебі ойыншылар 2024 жылдың ең аңсаулы ойыны онлайн-платформасына лап қойғанда сервер істемей қалған.

Толығырақ

Бүгін Гонконг биржасында Tencent акциясының бағасы төмендеп жатыр: 4%-ға – 379,6 гонконг долларына дейін барды.

Сәуірдің аяғында Tencent акциясы 2023 жылғы желтоқсаннан бергі максимумға дейін көтерілді. Ол кезде компания Dungeon & Fighter Mobile қосымшасын жоспарлы уақытынан бұрын іске қосатынын хабарлаған болатын. Кейінгі жыл ішінде Тencent акциясы 13%-ға, ал кейінгі үш айда 34%-ға қымбаттады.

Президент Қасым-Жомарт Тоқаев Маңғыстау облысының жаңа әкімі Нұрдәулет Қилыбайға өңірді сумен қамтамасыз ету мәселелерін шешу бойынша тапсырмалар берді.

Тоқаев 17 мамырда Маңғыстау облысының әкімі болып тағайындалған Нұрдәулет Қилыбайды қабылдады. Ол жаңа әкімге өңірдегі коммуналдық инфрақұрылымды жаңартуды тапсырып, инвестициялар есебінен қосымша сумен қамтамасыз ету нысандарын іске қосуды тапсырды.

«Облыс әкіміне Ақтау қаласы мен оның төңірегіндегі елдімекендерді жылумен, ауызсумен қамтамасыз етіп отырған МАЭК және «Каспий жылу, су арнасы» кәсіпорындарының балансындағы инфрақұрылымды жөндеу, жаңғырту жұмыстарын жеделдету тапсырылды. Сондай-ақ өңірдегі су тапшылығын жою үшін «Каспий» су тұшыту зауытының қуатын арттырып, жеке инвестициялар есебінен қосымша сумен қамтамасыз ету нысандарын іске қосу...

Бас прокуратура Павлодар облысында азаматтардың өтініштеріне жауап бергенде статистиканы бұрмалаған 38 лауазымды тұлғаны жазалады.

Бас прокуратураның Құқықтық статистика және арнайы есепке алу жөніндегі комитеті Павлодар облысы әкімінің аппараты қызметін тексеру кезінде азаматтардың жолданымдарын қарау кезінде заң талаптарының бұзылу деректерін анықтаған.

«Тексеру қорытындысы бойынша аталған ведомствоның әдеп жөніндегі уәкілі «Әкімшілік құқық бұзушылық туралы» Қазақстан Республикасы кодексінің 498-бабының 1-тармағымен  өтініштерді қарау кезінде мемлекеттік құқықтық статистиканы бұрмалағаны үшін әкімшілік жауапкершілікке тартылды», – делінген хабарламада.

Комитеттің облыстық департаменті ақпаратына сүйенсек, тексеру қорытындысы бойынша 38 лауазымды тұлғаның жұмысынан қателік табылып, олар тәртіптік жазаға тартылған. Оның ішінде 15 адам әртүрлі деңгейдегі басшылар екені нақтыланған.

Айта кетейік, 2021 жылдың шілде айынан бастап азаматтардың сұраныстарын қараудың ашықтығы қамтамасыз ету...

Ulmus Besshoky компаниясы Қарағанды ​​облысындағы «Бесшоқы» мыс кен орнында ұңғымаларды бұрғылауға 1,1 млрд теңге бөледі, деп хабарлайды KASE.

Ақпан айында компания аты аталмаған банктен 8 млрд теңге несие алған. Бұл оның активтерінен екі есе көп. Бұл ретте Ulmus Besshoky компаниясы үш жыл қатарынан шығынға ұшырап келеді.

Компания «Арчей-2006» бұрғылау компаниясымен «Бесшоқы» кен орнында негізгі және қосалқы бұрғылау жұмыстарын жүргізу үшін ірі мәміле жасасады деп хабарланды.

Мәміленің жалпы сомасы ҚҚС-сыз 1,1 млрд теңгені құрайды.

Сонымен қатар Ulmus Besshoky компаниясы еншілес кәсіпорны «Бешоқы ЛТД» серіктестігінің 67% акциясын 3,5 млн теңгеге сатып алмақ. Сондай-ақ компания жалпы сомасы 6 млрд теңгеге қосымша эмиссия...

Бұрынғы Әділет министрі Марат Бекетаевты қамауда ұстау мерзімі тағы да ұзартылды. Келесі сот болатын күн 21 маусымға белгіленді. Бұл туралы Астана соты растады.

«Астана қалалық мамандандырылған ауданаралық тергеу соты күдікті М.Бекетаевты қамауда ұстау мерзімін 2024 жылғы 21 маусымға дейін ұзартты», – делінген хабарламада.

Осының алдында экс-министрді қамауда ұстау мерзімі 2024 жылдың 21 қаңтарына дейін ұзартылған болатын.

Бұрынғы Әділет министрі 2023 жылы 21 қазан күні ұсталған. Оған «үлескер компанияның мүддесін қолдап, мемлекетке үлкен көлемде шығын келтірді» деген айып тағылған. Ол «Мемлекет басшысының заңсыз шығарылған активтерді іздеу және қайтару жөніндегі тапсырмасын орындау шеңберінде лауазымдық өкілеттіктерін асыра пайдаланды» деген...

Қазақстан Даму Банкі агроөнеркәсіп жобаларын 1,2 трлн теңгеге қаржыландырады. Бұл жайлы «Қазақстан Даму Банкі» АҚ (ҚДБ) басқарма төрағасы Марат Елібаев айтты.

Премьер-министр Олжас Бектенов банк басшысымен жұмыс кеңес өткізіп, ауыл шаруашылығын дамыту бойынша басым бағыттарға талдау жасаған. Жиын барысында ет, сүт және астықты терең өңдеу, өнеркәсіптік жылыжай шаруашылығын дамыту, құс фабрикаларын, көкөніс қоймаларын және етті мал шаруашылығы кәсіпорындарын салу мәселелері талқыланған.  

«Марат Елібаев ҚДБ-ның екінші деңгейлі банктермен және басқа да қаржы институттарымен бірлесе отырып, агроөнеркәсіп кешеніндегі инвестициялық жобаларды іске асыру үшін жалпы сомасы 1 трлн 220 млрд теңгеге қаржыландыруды қамтамасыз етуге дайын екендігі туралы...

Қазақстанда наркологиялық есепте 18 мыңнан астам адам тұр. Бірақ елдегі нашақорлар саны 200 мыңнан асып түсуі мүмкін, деп хабарлады ҚР ІІМ есірткі қылмысына қарсы іс-қимыл департаменті бастығының орынбасары Бақытжан Әмірханов. Оның айтуынша, ведомствода есірткі заттарын пайдаланатындарды есепке мәжбүрлі түрде алу жоспарлануда.

«Дәл қазір 18 200 адамды сенімді есепке алу бойынша жұмыс істеп жатырмыз. Денсаулық сақтау мекемелері келтірген мәліметтерге жүгінсек, бүгінде еліміз тіркеуде тұрған нашақорлардың 1,5 мың әйел болса, 66-сы кәмелетке толмағандар. Ал іс жүзінде бұл көрсеткіш 10 есеге көп болуы мүмкін. Алдын ала болжам бойынша олардың саны шамамен 200 мың. Сондықтан біз бұдан былай бірден тіркеуге...

Хиджаб мәселесінде барлық білім беру ұйымы ескертусіз тексеріледі. Бұл жекеменшік мектептерге де қатысты. Оқу-ағарту министрі Ғани Бейсембаев осылай деп мәлімдеді.

Министр мектептерде хиджаб киюге тыйым салу мәселесі әлі өзекті екенін атап өтті.  Оның айтуынша дін мәселесі білім беру саласынан бөлек болуы тиіс. Бұған қатысты мектептердің өз ережелері мен мен заңдары барын еске салды.

«Біз осы ережелерді ұстанып, оларды орындауымыз қажет. Барлық білім беру ұйымы осы талаптарды орындайды, олар мектеп ережелеріне, жарғыға да енгізілген. Жеке білім беру ұйымдарына қатысты айтатын болсам, мәселен, Атырау облысындағы жекеменшік мектептен оқушының хиджаб киюіне қатысты шағым келіп түсті. Біз ол мектепті жаптық. Сол...

Президент Қасым-Жомарт Тоқаев «салбурын» мен «беташар» сияқты ұлттық дәстүрлерді ЮНЕСКО мәдени мұралары тізіміне қосу пысықталып жатқанын айтты.

«Елімізде тарихи-мәдени мұраны сақтау және молайту мақсатында ауқымды әрі үздіксіз жұмыс жүргізіліп келеді. Ұзақ жылдан бері алғаш рет жақында материалдық емес мәдени мұраның Ұлттық тізбесі айтарлықтай кеңейді. ЮНЕСКО-ның материалдық емес мәдени мұралар тізіміне біздің «салбурын» және «беташар» сияқты ұлттық дәстүрлерімізді енгізу мәселесі пысықталып жатыр», – деді Тоқаев.

Бүгін президент Мәдениет және өнер саласы қызметкерлерін кәсіби мерекемен құттықтап, бірқатар марапаттар тапсырды.

«Өнер – тәрбие құралы. Мен Ұлттық құрылтайдың отырысында ұлт болашағына қауіп төндіретін бес...

Үкімет су үнемдеу технологияларын енгізетін отандық өндірушілерге техника сатып алуға көмектеседі. Бұл жайлы Түркістан облысына жұмыс сапары кезінде премьер-министрдің орынбасары Серік Жұманғарин айтты.

Ол Шаға ауылдық округіндегі өнеркәсіптік парк аймағына барған. Вице-премьер қазақстандық «BNK Group» компаниясы мен америкалық «Nelson Irrigation» компаниясы бірлесіп өндіретін «BNK IRRIGATION» жаңбырлатқыш машиналар өндірісін іске қосқан. Бұл Қазақстанда су үнемдеу технологияларын кеңінен қолдану үшін су шашыратқыш машиналардың толық циклін өндіруді жолға қоюға мүмкіндік бермек.

Тамшылатып суару технологиясы элиталық сорттардың тұқымын себу негізінде мақта-тоқыма кластерін құруға, мақта өсіруге арналған аумақты қысқартуға және қазіргі заманғы стандарттардағы тоқыма өндірісі үшін жоғары сапалы шикізат жинауды бірнеше есе...

20 мамыр күнгі негізгі сауда аяқталған соң Zoom бейнебайланыс операторының акцияларының бағасы төмендеп кетті. Бұған дейін компанияның есебі шыққан болатын. Бірінші тоқсан қорытындысы бойынша, Zoom компаниясының табысы мен түсімі сарапшылар болжаған деңгейден асып түсті. Бірақ екінші тоқсандыкі болжаулы мөлшерге жетпеді.

Толығырақ

Nasdaq деректері бойынша, тоқсандық есеп шыққан соң, Zoom акциялары кеңейтілген саудада 4%-дан аса төмендеді. Постмаркет аяқталуға жақындағанда, құлдырау 1,15%-ға бәсеңдеді.

Тоқсандық есеп шыққанға дейін компания бағалары дүйсенбідегі негізгі сауданы 0,1%-ға төмендеумен жапты. Жыл басынан Zoom акциялары 10 пайызға арзандаған. Компания акциялары пандемия кезінде адамдар жаппай қашықтан жұмыс істеуге көшкенде қатты қымбаттаған. 

Zoom не жайында есеп берді?

«ҚазМұнайГаз» ҰК АҚ Германияға Қазақстан мұнайын («Қарашығанақ Петролеум Оперейтинг» ресурсынан) жеткізу туралы қолданыстағы келісімшартты жыл соңына дейін ұзартты.

Қазақстандық «қара алтын» Шведт қаласындағы мұнай өңдеу зауытына тасымалданады.

Тасымал көлемі – айына 100 мың тонна.

«2024 жылы қаңтар-сәуір айларында Германияға экспортталған Қазақстан мұнайының көлемі (Атырау-Самара мұнай құбыры бойынша және одан әрі «Дружба» құбыры арқылы) 420 мың тоннаға жетті. Германияға Қазақстанның KEBCO (Kazakhstan Export Blend Crude Oil) мұнай сорты экспортталады», – деп жазылған хабарламада.

2024 жылдың қаңтар-сәуір аралығында «ҚазТрансОйл» АҚ Германияға 420 мың тонна қазақстандық мұнай тасымалдады. Шикізат «Транснефть» ПАҚ-ның магистральдық мұнай құбыры жүйесі арқылы «Адамова застава...