Жаңалықтар

Nvidia акцияларының саудасы сейсенбі, 21 мамырда рекордық межеде жабылды. Инвесторлар акцияларды тоқсандық есепті оң болады деп күтіп сатып алған болатын. Компания тоқсандық есепті бүгін негізгі сессия жабылған кезде жариялайды. Сарапшылар Nvidia нәтижелерінің нарық үшін шешуші мәні бар деп санайды. Азияда Nvidia есебінің оң болатынына қарай компанияның негізгі жеткізушілерінің акциялары да қымбаттады. 

Толығырақ

Сейсенбі, 21 мамырда NVIDIA акцияларының құны сауда қорытындысы бойынша 0,6%-ға – 953,86 долларға дейін жетті. Бұл – компанияның акциялары үшін сауданың жабылуы кезіндегі рекордтық баға. Nvidia акциялары рекордтық деңгейге соңғы рет 25 наурызда жетіп, Blackwell жасанды интеллект чипінің таныстырылымынан кейін 950,02 долларға дейін көтерілді.

Жыл басынан...

Каспий итбалығы популяциясын сақтауға арналған табиғи резерват Маңғыстау және Атырау облыстарының аумағында құрылады. Мемлекеттік резерват Каспий теңізінің акваториясында болады, оның ауданы 110 мың гектарға жуық.

Ауыл шаруашылығы министрлігі «Каспий итбалықтарының популяциясын сақтау үшін мемлекеттік табиғи резерват құру туралы» ҚР Үкіметі қаулысының жобасын ұсынды. Құжат «Ашық НҚА» жүйесінде 5 маусымға дейін талқылауда болады.

«Ауыл шаруашылығы министрлігі Балық шаруашылығы комитеті Каспий итбалықтарының популяциясын сақтау үшін Каспий теңізінің акваториясында, Қазақстанның Маңғыстау және Атырау облыстарының аумағында мемлекеттік табиғи резерват құруды жоспарлады», – делінген жобада.

Резерваттың ауданы 109 558 гектар, оның ішінде қорғау аймағы — 69 839 гектар. Ауыл...

Бішкек қаласының әкімі Айбек Жүнісәлиев сейсенбі және бейсенбі күндері муниципалдық қызметкерлер мен кәсіпорын өкілдеріне жеке көліктерін пайдалануға тыйым салуды ұйғарды.

24kg басылымының ақпаратына сүйенсек, әкімнің өзі жұмысқа дейін жаяу қатынаса, ал көшпелі кездесулерге қызметтік көлікпен барады.

«Әкімнің дәл осындай шешім шығаруына мына нәрселер негіз болған: а) бұл күндері қала көшелерінде кептеліс үдеп барады, ал бұндай қадам аз да болса кептелісті азайтады. б) қоғамдық көлікке деген сұраныс артады; в) ауаға тарайтын зиянды заттар көлемі азаяды», – делінген хабарламада.

Осы бұйрық негізінде әр шенеунік қоғамдық көліктерде түскен суреттер бойынша есеп беріп, дәлел ретінде баспасөз қызметіне...

Біріккен Ұлттар Ұйымының Дүниежүзілік туристік ұйымы (БҰҰ туризмі) деректеріне сәйкес, 2024 жылдың бірінші тоқсанында халықаралық туризм 2019 жылғы деңгейдің 97%-ына жетті. Таяу Шығыста саяхатшылар саны айтарлықтай өссе, ал Африка мен Еуропада пандемияға дейінгі деңгейден асып түскен.

«2024 жылдың алғашқы үш айында шамамен 285 млн турист халықаралық саяхат жасады. Бұл 2023 жылдың сәйкес кезеңімен салыстырғанда шамамен 20%-ға көп. Бұл нәтижелер тұрақты сұраныстың, азиялық нарықтардың ашылуының, сондай-ақ әуе қатынасының артуы мен визаны жеңілдетудің арқасында қолдау тапты», – деп жазылған хабарламада.

Ал халықаралық туризмнен түскен кіріс 2023 жылы 1,5 трлн долларға жетті. Бұл 2019 жылғы пандемияға...

Қытайлық CNPC еншілес кәсіпорны «Маңғыстаумұнайгаз» Маңғыстау облысында көбірек мұнай өндіру үшін жүздеген ұңғыманы бұрғылайды. Бұл жайлы Бірыңғай экологиялық порталда жарияланған құжатта жазылған.

Нақтырақ айтқанда, 2024 жылғы «Қаламқас кен орнын игеру жобасында» 392 ұңғыманы бұрғылау жоспарланған. Оның ішінде 343 өндіруші ұңғыма және 49 сорып алу ұңғымасы бұрғыланады. Құжатқа сәйкес ұңғыманы бұрғылау жұмыстары 2024 жылы басталып, 2035 жылы аяқталады. Сонымен бірге компания 16 айдау ұңғымасы бар 6 учаскеде мұнай беруді арттыру үшін химиялық әдістерді қолдануды жоспарлап отыр.

«Қаламқас кен орнын игеру жобасы» жүзеге асырылатын бұл шаралар өндіріс көрсеткіштерінің төмендеуі жағдайында тиімділікті талдау және ұтымды нұсқаны таңдауға мүмкіндік бермек...

Қытай билігі Тайваньға қару сатқаны үшін АҚШ-тың 12 әскери-өнеркәсіптік компаниясы мен олардың 10 басшысына санкция салу туралы шешім қабылдады. Бұл туралы Reuters агенттігі хабарлады.

«Вашингтон Тайваньға қару-жарақ сату арқылы «бір Қытай» қағидатын бұзып, сол арқылы ҚХР-ның ішкі істеріне араласып, елдің егемендігі мен аумақтық тұтастығына елеулі зиян келтірді», – деп хабарлады агенттік.

Сонымен қатар Бейжің АҚШ-тың «Ресейге қатысты факторларға негізделген» қытайлық компанияларға салған заңсыз санкцияларына назар аударды.

Шектеулердің қандай компанияларға әсер ететіні айтылмаған. Алайда бұған дейін Қытайдың Сауда министрлігі Тайваньға қару сатқаны үшін Құрама штаттардың үш қорғаныс компаниясына қарсы шектеу енгізді.

Ресей соңғы он жылда өңірдегі ақша аударымдарымның көшбасшысы статусын жоғалтқан жоқ. Дегенмен Молдова мен Грузия Ресейден ақша аударымдарын Еуроодақ елдерімен келісімшарт жасай отырып әртараптандырды. Халықаралық Еңбек Миграция Ұйымының (ХЕМҰ) мәлеметінше, Молдова соңғы 5 жылда рубль аударымы көлемін екі есеге азайтқан. Грузия Ресейге жұмыс беруші елге айналды. Ресей мен Грузия миграциясының сальдосы соғыстан кейін теріс мәнге ие болды. Ал Ресейдегі Украина мигранттары саны 2019 жылы – 300 мыңнан, 2023 жылы 2600-ға дейін төмендеді.

Бұл ретте Орталық Азияда Қырғызстан, Тәжікстан, Өзбекстан Ресей ақша аударымдарына тәуелді. Халықаралық валюта қоры (ХВҚ) Орталық Азия елдерінің және соның ішінде Тәжікстан ЖІӨ-сінің 40%-ға жуығын Ресейден келген...

Қырғызстанның Ұлттық қауіпсіздік мемлекеттік комитеті қылмыстық топ серкесі Қамшыбек Асанбектің (Көлбаев) сыбайластары деструктивті саяси мақсаттағы арандатушылық бейнеролик дайындағаны туралы мәлімдеді. Баспасөз қызметінің хабарлауынша, видеоролик билікті күшпен басып алуға шақырады.

«Бұл бейнеролик елдегі жағдайды өңіраралық негізде тұрақсыздандыру, артынан билікті күшпен басып алу әрекеті үшін жасалған»,– делінген комитет хабарламасында.

Баспасөз қызметінің хабарлауынша, бұл бейнежазбаны ұйымдастыруға және дайындауға қатысы бар барлық тұлға анықталған. Қазіргі уақытта олардың заңсыз әрекеті бойынше тергеп-тексеру шаралары жүріп жатыр.

Елдің Ұлттық қауіпсіздік мемлекеттік комитеті нәсілдік, этникалық, ұлттық, діни немесе аймақаралық араздықты қоздыруға (өшпенділікке) бағытталған әрекеттер үшін қылмыстық жауапкершілік көзделгенін хабарлайды. Сонымен бірге...

Мәжілісмен Бауыржан Смағұлов Геодезия және картография комитетінің жабылуына қарсылық білдірді.  «AMANAT» партиясы фракциясының мүшелерінің атынан Премьер-министрге сауал жолдаған депутат геодезиялық қызмет елдегі су тасқыны кезінде өзінің тиімділігін көрсеткенін айтады.

«Геодезия және картография мемлекет құраушы негізгі салалардың бірі. Карталар мен геодезиялық есептеулер мемлекеттік басқаруда, елдің инфрақұрылымын дамытуда, қорғаныс және навигациялық қызметтерді көрсетуде шешімдер қабылдауда ең маңызды ақпарат болып табылады», – деді Бауыржан Смағұлов.

Оның пікірінше, геодезиялық қызмет еліміздің бірқатар аймақтарына көп мөлшерде су құйылған қиын жағдайда өзінің тиімділігін көрсетті.  Жүргізілген геодезиялық өлшеулердің арқасында облыстық штабтарға жедел берілетін су тасқынының визуалды схемалары мен деректері өңделіп отырды...

Жаңа туған нәрестені ата-анасы тастап кеткені туралы хабарлама бермеген медициналық ұйымдар мен балалар үйінің қызметкерлері жауапкершілікке тартылатын болады. Бұл туралы ҚР Ішкі істер министрінің бірінші орынбасары Марат Қожаев мәлім етті

Министр орынбасарының айтуынша, «Неке және отбасы туралы» кодекске өзгерістер мен толықтырулар енгізілген.

«Жетім балалар мен ата-анасының қамқорлығынсыз қалған балаларға жауапты ұйымдар балалардың келіп түскендігін қамқоршылық жөніндегі мекемелерге немесе прокуратураға дер уағында хабарлауға міндеттеледі», – деді Марат Қожаев Мәжіліс кулуарында.

Ол осылайша баланың құқықтарын қорғаумен тікелей айналысатын уәкілетті органдардың құзыреті айқындалатынын айтты.

«Әкімшілік құқық бұзушылық туралы кодекске сондай-ақ, жетім балалар мен ата-анасыны...

AstraZeneca биофармацевтикалық компаниясы 2030 жылға қарай дәрі-дәрмектің жаңа 20 түрін шығарып, жылдық табысын 80 млрд долларға дейін көбейтпек. «Jefferies сарапшылары оған дейін 80 млрд долларлық пайда әбден мүмкін меже екенін мәлімдеді» деп жазады Reuters. Нью-Йорк қор биржасында компания акциялары 2,7%-ға қымбаттаған.

Толығырақ

«Сейсенбі, 21 мамырда өткен инвестор күнінде AstraZeneca басшылығы компанияның 2023 жылға қарай жылдық пайданы 75%-ға, 80 млрд долларға дейін көбейтуді жоспарлап отырғанын мәлімдеді» деп жазады Reuters. Оған алдағы алты жылда шығатын дәрі-дәрмектің жаңа 20 түрі, биофармацевтика портфелінің өсуі, онкологиялық арулар мен сирек кездесетін дерттерді емдеуге арналған препарат санының артуы себеп болады. Салыстыру үшін компания былтыр жылды...

Алпауыт технологиялық компаниялар тобы жасанды интеллекті (AI) жауапкершілікпен дамыту және қолдану туралы келісімге келген. Бұл жайлы Сеулде өткен екі күндік саммитте айтылған.

Жасанды интеллектіге қатысты Сеулдық декларация әзірленген. Бұл декларация талаптарын сақтауға 14 ірі компания келіскен. Олардың ішінде Кореяның Samsung Electronics Co., Naver Corp., Kakao Corp., KT Corp., сондай-ақ Google, Microsoft, OpenAI және IBM сияқты ірі жаһандық технологиялық компаниялар бар.

«AI қауіпсіздігі бойынша зерттеулерді ілгерілетуді, озық тәжірибелерді зерттеуді және AI көмегімен қоғамның ең маңызды мәселелерін шешуге бар күш-жігерімізді жұмсап, үш стратегиялық басымдық бойынша жұмыс істеуге дайын екенімізді жеткіземіз»,– деп мәлімдеген компаниялар.

Мұнда...

Google өзінің іздеу жүйесіндегі жасанды интеллектінің жауаптарына жарнамалық хабарламалар салады Фото: Unsplash/Firmbee.com

Google жасанды интеллект көмегімен табылған жауаптарға жарнама сала бастайды. Компания өзінің басты табыс көзі – жарнамалық сатылымдарын арттыру үшін жасанды интеллектінің жаңа мүмкіндіктерін пайдаланады. Бұған дейін Google нейрожелі арқылы дерек іздеуге ақы енгізуді қарастырған еді.

Толығырақ

Google-дің хабарлауынша, компания осы аптада АҚШ-та өзінің іздестіру жүйесіндегі жасанды интеллект жауаптарына жарнама жүктей бастайды. «Жарнама келіп түскен сұратым мен жасанды интеллект тапқан жауапқа сәйкес болған жағдайда ғана шығады. Ол «демеушілік жарнама» бөлімінде орналастырылады деп түсіндірді компания өкілдері Жарнама берушілерден ешқандай әрекет талап етілмейді. Компанияның хабарлауынша, жарнама берушілердің пікірін ескере отырып...

Отбасы банк 44,2 млрд теңге дивиденд төлейді. Коллаж: kursiv.media

2023 жылы 147,5 млрд теңге таза пайда тапқан «Отбасы банк» соның 30 пайызын жалғыз акционері – «Бәйтерек» холдингіне дивиденд ретінде төлемек. Таза пайданың 30 пайызы – 44,2 млрд теңгеге тең. Бұл туралы қаржы ұйымының Қазақстан қор биржасына жолдаған хабарламасында жазылған.

Банк қалған 103,2 млрд теңгені «Отау» бағдарламасы бойынша алдын ала тұрғын үй несиесін беруге жұмсайды.

Биыл төленетін дивиденд көлемі 2022 жыл үшін төленген қаржыдан 1,5 еседей аз. «Отбасы банк» «Бәйтерек» холдингіне былтыр 67,2 млрд теңге дивиденд төлеген. Ол кезде банк 96 млрд теңге пайда тауып, соның 70 пайызын...

Норвегия Палестинаны тәуелсіз мемлекет ретінде ресми түрде мойындайтынын мәлімдеді. Бұл жайлы осы елдің Үкіметі хабарлады.

«Ел үкіметі Норвегияның Палестинаны тәуелсіз мемлекет ретінде тануы керек деп шешті. Он мыңдаған адам қаза тауып, жараланған соғыстан кейін біз израильдіктердің де, палестиналықтардың да бейбітшілік пен қауіпсіздікте қатар өмір сүруі үшін жалғыз балама жол екі мемлекеттің құрылуын жөн деп санаймыз»,– деп мәлімдеген премьер-министр Йонас Гар Сторе.

Ол Палестина халқының тәуелсіз ел болуға құқығы бар екенін айтқан. Сторе израильдіктер де, палестиналықтар да өз мемлекеттерінде бейбіт өмір сүруге құқылы деп санайды. Екі мемлекет құрылмай Таяу Шығыста бейбітшілік орнамайтынын айтқан ол...

Microsoft жаңа Copilot+ стандартындағы ноутбукті таныстырғаннан кейін Rosenblatt Securities сарапшылары Qualcomm акцияларының мақсатты бағасын 20%-ға көтерді. «Copilot+ стандартындағы жаңа компьютерлер Qualcomm процессорында жұмыс істейді және жасанды интеллектіні қолдануға бағдарланған» деп жазады Investing.com. Чип өндіруші Qualcomm компаниясының акциялары сейсенбі, 21 мамырда 1,5%-ға, ал технологиялық патенттер иесі – ARM Holdings акциялары төрт пайызға жуық қымбаттаған.

Толығырақ

Microsoft Build әзірлемешілері ұйымдастырған конференцияның бірінші күнінде-ақ Rosenblatt Securities сарапшылары Qualcomm акцияларының мақсатты бағасын 200 доллардан 240 долларға бір-ақ көтеріп, сатып алуға (Buy) шақырды. Бұлай алдыңғы болжамды қайта қарап, бағаны көтеруі – Qualcomm компаниясының жасанды интеллект саласындағы жетістігін мойындауы. Investing.com хабарлағандай, Qualcomm...

Елімізде электрокар иелері электр желілеріне өз бетінше көлігін қуаттай алмайды. Мәжілісте қабылданған заң жобасында осындай талап қарастырылған. Төменгі палата 22 мамыр күні экологиялық таза көлікті танымал ету және электромобильдерге арналған инфрақұрылымды дамыту мәселелері бойынша заң жобасы мен оған ілеспе түзетулерді екінші оқылымда қабылдады.

Жобаға сәйкес, бұдан былай полиция қызметкерлері ортақ электр желісіне заңсыз қосылғандарға айыппұл салатын болады. Мәжілістің жалпы отырысында Экология мәселелері және табиғат пайдалану комитетінің мүшесі, депутат Арман Қалықов заң жобасын таныстырды.

«Бұл заң аясында «электромобиль» және «электрқуаттау станциясы» жаңа ұғымдары енгізіледі. Электрлік көліктер арнайы орынтұрақ және тұрақпен қамтамасыз етіледі, ал олардың иелер...

ФРЖ өкілі Кристофер Уоллер мөлшерлеменің жоғарылауына себеп жоқ деп біледі. Германияның жылжымайтын мүлік нарығында дағдарыс жалғасып жатыр. АҚШ пен Қытай арасында чип өндірісіне қатысты қайшылық өршіп келеді. Осы және басқа да тақырыптар туралы әлемдік БАҚ шолуынан оқыңыз.

ФРЖ өкілі Кристофер Уоллер мөлшерлеменің жоғарылау ықтималдығы жөніндегі сыбысты негізсіз санайды

«Федаралдық резервтік жүйе Басқарушылар кеңесінің мүшесі Кристофер Уоллер америкалық реттеушіге пайыздық мөлшерлемені төмендетпес бұрын инфляция бойынша тағы бірнеше жайлы есеп дайындау керек екенін мәлімдеді» деп жазады Market Watch. «Еңбек нарығында айтарлықтай әлсіреу болмаған жағдайда, ақша-несие саясатының жеңілдеуін қолдамас бұрын тағы бірнеше ай бойы инфляция бойынша оң деректер байқалуы керек...

Елімізде жыл басталғалы жаңа туған сәбиді сату бойынша үш қылмыстық іс тіркелді. Олар 100 мың мен 2 миллион теңге арасында бағалап, сатпақ болған. Бұл туралы ҚР Ішкі істер министрінің бірінші орынбасары Марат Қожаев мәлім етті. 

Министр орынбасарының айтуынша, өткен жылы елімізде адам сатудың 19 дерегі тіркелген.

Қылмыстық істердің басым көпшілігі тергелді. Сәбиді сату дерегі бойынша 16-17 адам  қылмыстық жауапкершілікке тартылды,- деді Марат Қожаев мәжіліс кулуарында.

Марат Қожаев сәбилерді саудалау деректерінің барлығы елімізде жасалғанын айтады.

«Биыл елімізде нәрестелер саудасы бойынша үш факті тіркелді. Балалардың құны 100 мың теңгеден 2 млн...

Атақты жеңгетай қыз Айкаға қатысты сот үкімі шықты. Осыған орай оның қоластында қызмет еткен қыздар да жауапкершілікке тартылуы мүмкін бе? Бұл сұраққа Ішкі істер министрлігінің бірінші орынбасары Марат Қожаев жауап берді.

Журналистер резонанс тудырған Айка ісі бойынша, сот аяқталып, үкім шықққанын, оның сыбайласы да жауапкершілікке тартылғанын айтты. «Ендігі сұрақ оған жұмыс істеген қыздер жауапкершілікке тартыла ма?», – деп сұрады журналистер.

«Сот үкімі шыққанын бәріңіз білесіздер. Интимдік қызмет көрсеткен қыздар туралы айтар болсақ, олар әкімшілік жауапкершілікке тартылады. Бір айта кететін жайт, әкімшілік жауапкершілікке тарту мерзімі шектеулі. Сондықтан әр жағдайға әртүрлі жауапкершілік қарастырылуы мүмкін», – дед...

Құлсары қаласында су басқан үйлерінің шаршы метріне 400 мың теңгеден өтемақы талап етіп, бейбіт наразылыққа шыққан тұрғындар 7 күннен соң тарады. Жергілікті билік олардың үкімет ұсынған өтемақы көлемімен келіскенін хабарлады. Ішкі істер министрі Марат Қожаев ешқандай ұстау, қудалау болмағанын мәлімдеді.

«Тұрғындар шатырын жинап, алаңнан тарады. Менің білуімше, тараптар бір бітімге келген. Ешкімді ұстаған жоқ», – деді министр.

Министр Орал қаласында да әділ өтемақы төлеуді талап еткен азаматтардың ұсталмағанын жеткізді.

Жылыой ауданы әкімдігінің баспасөз қызметі «Курсивке» тұрғындар шаршы метріне 240 мың теңгеден өтемақы алуға келіскенін хабарлады. Қалада зардап шеккен тұрғындар залалды бағалау нәтижелерімен танысып...

Тимур Құлыбаевқа тиесілі Joint Resources компаниясы былтыр 39 млрд теңге пайда тапқан. 2022 жылы аталмыш компания 127,6 млрд теңге шығынға батқан еді.

Компанияның 2023 жылғы аудиторлық есебіне сәйкес, 2023 жылғы таза пайдасы 39 млрд теңгені құраған.

Аудиттелген қаржы есебінде осыған байланысты компанияның бөлінбеген кірісі 2023 жылдың соңында бір жыл бұрынғы 198,8 миллиард теңгеден 238 миллиард теңгеге дейін өскені атап өтілген. Компания капиталы 396,3 млрд теңгеге дейін өсіп, бір акцияның баланстық құны 2022 жылғы 354 мың теңгеден 392,8 мың теңгеге дейін жетті.

Негізі 2012 жылы қаланған компанияның жалғыз акционері – Тимур Құлыбаев. Компанияның 100 пайыз акциясы Premier Management...

Назарбаевтың құдасы Қайрат Боранбаев мемлекетке 134,5 млрд теңгенің активтерін қайтарған. Қылмыстық іс әлі тоқалмағандықтан, бұл сома болашақта өсуі мүмкін. Бұл жайлы Мәжілістен кейін өткен брифинг барысында Қаржы мониторингі агенттігі (ҚМА) төрағасының орынбасары Жеңіс Елемесов айтты.

Қаржы мониторингі агенттігі өкілінің мәліметінше, Қайрат Боранбаев негізгі қылмыстық іс бойынша 14,5 млрд теңге қайтарған. Одан бөлек бизнесмен мемлекетке өз еркімен 120 млрд теңгенің активтерін өтеген.

«Жалпы алғанда 134,5 млрд теңге қайтарылды»,– деді Елемесов.

Журналистер бизнесменнің бұдан бөлек мемлекет алдындағы қарызының бар-жоғын сұрады.

«Қылмыстық іс әлі аяқталған жоқ. Тергеу жүріп жатыр. Мүмкін тағы да қайтарылып қалар...

Қазақстан Финляндиямен сауда-экономикалық және инвестциялық байланысын нығайтуға ниетті. Бұл туралы Мемлекет басшысы Қасым-Жомарт Тоқаев Финляндия Президенті Александр Стуббпен телефонмен сөйлесу барысында айтқан.

«Қасым-Жомарт Тоқаев пен Александр Стубб телефон арқылы сөйлесу барысында сауда-экономикалық және инвестициялық ықпалдастықты нығайтуға баса мән бере отырып, қазақ-фин байланыстарын барлық бағыт бойынша одан әрі қарқынды дамыту жайы қозғалды», – делінген Ақорда таратқан мәліметте.

Жалпы Қазақстан мен Финляндия елі арасында сауда-саттық қарым-қатынас қарқынды дамып келеді. Оған 2024 жылы 12 сәуірде өткен Қазақстан-Финляндия ХПК сауда-экономикалық ынтымақтастық жөніндегі 13-ші отырысында айтылған мәліметтер дәлел. Сол жиында өнеркәсіп және құрылыс вице-министрі Жәннат Дүбірова Фин ел...