Жаңалықтар

Үкімет отырысының кезекті жиынында министрлер су тасқыны болып жатқан өңірлердегі ахуалды баяндап, атқарылып жатқан шаруалар туралы премьер-министрге есеп берді. Еліміздегі 5 облыс әлі де су басу аумағында тұр және 20 төтенше жағдай жарияланды. Бұл туралы Үкімет отырысында Төтенше жағдайлар вице-министрі Бауыржан Сыздықов айтты.

Су тасқынының жаңа кезеңі басталады

Үкімет басшысы Олжас Бектенов су тасқыны қайтадан күшеюі мүмкін екенін ескертті. Әсіресе, солтүстік, орталық және шығыс өңірлерінде су тасқынының жаңа кезеңі басталады деп мәлімдеді. Премьер-министр су тасқынына алып келген негізгі фактор – қалың қар мен топырақтың тоң болып қатып қалуы, күннің күрт жылынуы мен қатты жауын-шашын екенін айтты.

Су тасқынына қарамастан елдегі су қоймалары шамамен 70-80 пайыз көлемінде ғана толтырылған. Бұл жаздағы вегетациялық кезеңде қиындықтар тудыруы мүмкін бе? Су ресурстары және ирригация министрі Нұржан Нұржігітов жауап берді.

Үкімет сағатынан кейін өткен брифингте журналистер министрден елдегі су қоймаларының жай-күйі жайлы сұрады.

«Неге еліміздегі су жинау нысандары дұрыс су жинай алмай жатыр. Суды жинау жұмыстары дұрыс жүргізілмегені сеьепті де, 5 облыс су астында қалып отыр»,- деді журналист.

Өз кезегінде министр Нұржігітов бақыланатын су қоймаларында су деңгейін министрлік бақылап отырғанын, ал егістіктер мен алқаптардағы суды бақылай алмайтынын жеткізді.

«Мемлекет...

S & P 500 және Dow Jones бұл тоқсанды құлдыраумен бастады. Инвесторлар «Үндістанды сатып ал, Қытайға сат» стратегиясынан жалтарды, ал Трамптың әлеуметтік желісінің бағалы қағаздары күрт төмендеді. 

S & P 500 және Dow Jones бұл  тоқсанды құлдыраумен бастады

Бір күн бұрын S & P 500 0,2%-ға төмендеді. Dow Jones 0,6% жоғалтты, ал Nasdaq 100 тек күннің соңына қарай 0,11%-ға өсті. АҚШ-тағы өндіріс секторының өсуі туралы мәліметтер жарияланғаннан кейін, нарықта пессимизм пайда болды. Яғни ФРЖ мөлшерлемені төмендету мерзімін ауыстыруы мүмкін. CME FedWatch Tool мәліметтері бойынша, нарық енді реттеушінің маусым айындағы отырысында мөлшерлеменің төмендету ықтималдығы 58% екенін болжап отыр.

Алайда нары...

Halyk Finance 2024 жылдың соңына қарай инфляция 8,5% деңгейінде қалыптасады деген болжамын сақтап отыр. Өйткені екінші жарты жылдықта инфляцияға қысым жасайтын факторлар артуы мүмкін. Ал ел үкіметі биыл инфляцияны 6-8%-ға дейін төмендетуге ниетті.

Наурыз айында елдегі жылдық инфляция баяулап, 9,1%-ды құраған. Айлық мәндегі көрсеткіш 1,1%-дан 0,7%-ға дейін төменденген еді. Сарапшылар жылдық мәндегі инфляцияның баяулауына былтырғы жоғары базаның әсері мол болды деп тұжырымдайды. Алайда инфляцияның айтарлықтай бәсеңдеуіне ақылы қызмет бағасының өсуі біршама кедергі келтірген.

«Ақылы қызмет бағасының өсуі тоқсандық көрсеткішті айтарлықтай жоғары деңгейде ұстап тұрды. Ал екінші тоқсанда инфляцияның жылдық мәні қазіргі деңгейден шамалы өсу...

Көктемгі су тасқынына байланысты тұрғындарға төнген қауіптің ұлғаюына орай Батыс Қазақстан облысында төтенше жағдай жарияланды. Мұндай бұйрыққа аймақ әкімі Нариман Төреғалиев қол қойды. Бұл туралы БҚО әкімшілігінің баспасөз қызметі хабарлады.

Төтенше жағдайларды жою жөніндегі шараларды басқару БҚО әкімінің орынбасары Калияр Айтмұхамбетовке жүктелді.

«Өңірде сау тасқынына қатысты жағдай күрделеніп отыр. Сырым, Теректі, Қаратөбе, Бүрлі аудандарында тұрғын үйлерді су басып қалды. 4 мың адам қауіпті аймақтан эвакуцияланды, олардың жартысы балалар. Су тасқынынан зардап шеккендер үшін шұғыл-эвакуациялық пункттер ұйымдастырылды, қажетті жағдай жасалуда», – деп хабарлады әкімдік.

29 наурыз күні Батыс Қазақстан облысында 455 үйді қарғын су басып қалды. Құтқарушылар тұрғындарды...

Қостанай облысында ауыр салмақты жүк көліктерін бастапқы тіркеу төлемінсіз заңсыз есепке қою фактісі анықталды. Қаржы мониторингі агенттігі, Қостанай облысы департаментінің анықтақтауынша салдарынан мемлекетке 591 млн теңге шығын келген.

Қаржы мониторинг агенттігінің ақпаратына сүйенсек, Қостанай облысы бойынша агенттік департаменті 83 ауыр салмақты көлікті бастапқы кезеңде төлемсіз заңсыз тіркеу фактісі бойынша сотқа дейінгі іс қозғалған. 

«Республика бойынша басталған ауқымды тексеру аясында Қостанай облысының бірқатар тұрғындары 2020-2023 жылдар аралығында Еуропадан Қазақстан аумағына шет мемлекеттердің шығарылған жылы туралы жалған ақпаратты көрсететiн тіркеу куәліктерін пайдаланып, жүк көлік тіркемелерін әкелгені анықталды. Бұл бастапқы тіркеу төлемін 7 млн теңгеден 700 мыңға дейін төмендетуге мүмкіндік берді», – делінген...

Алматыда ұйымдасқан қылмыстық топ адамдарды ұрлап, оларға мәжбүрлеп несие рәсімдеумен айналысқан. Бұл жайлы ІІМ баспасөз қызметі хабарлады.

«Алматы қаласында ұйымдасқан қылмысқа қарсы күрес басқармасының жедел уәкілдері белгілі бір тұрғылықты жері жоқ адамдарды ұрлаумен және заңсыз бас бостандығынан айырумен айналысқан қылмыстық топтың қызметін тоқтатты», –делінген баспасөз хабарламасында.

Қылмыстық топ мүшелері жәбірленушілерді алдап, оларға қайтарымсыз несие рәсімдеткен. Күдіктілер 29 адамды арнайы жалға алынған коттеджде қамауда ұстап келген. Баспасөз қызметінің хабарлауынша оларға келтірілген шығын 200 млн теңгеден асады.

ІМ ресми өкілі Шыңғыс Алекешевтің айтуынша сотқа дейінгі тергеп-тексеру нәтижесі мен жинақталған дәлелдемелер жиынтығы бойынша күдіктілерге қатысты...

Қазақстанда жуырда жылдық ставкасы 7% жаңа ипотекалық тұрғын үй бағдарламасы іске қосылады. Бұл бағдарламаны жүзеге асыруға 8 жылға 1,7 трлн теңге қажет болады.

Өнеркәсіп және құрылыс министрлігінің хабарлауынша, бағдарлама негізінде купондық сыйақыны субсидиялау тетігі қарастырылған. Оған сәйкес бағдарлама операторы – «Отбасы Банкі» қаржы нарығында 8 жыл бойы жалпы сомасы 1,7 трлн теңгені құрайтын облигациялық заемдар шығарып отырады. Облигациялардың табыстылық мөлшерлемесі базалық деңгейде (14,75%) болады. Негізінен бүгінде корпоративтік облигациялар бойынша орташа кіріс көлемі – 23-26%-ды құрап отыр. Бұл базалық деңгейден әлдеқайда жоғары.

Министрліктің хабарлауынша, облигацияларды сатып алушылар нарық субъектілері мен банктер болады. Бірінші жылы 300 миллиард теңге көлемінде облигациялар шығарылады...

Google миллиондаған адамның сотқа жіберілген «инкогнито туралы талаптарынан» кейін қолданушылардың әрекеті жайлы жазбаларды жояды.

Компанияға қатысты сот ісі 2020 жылы басталған. Өтініш берушілердің айтуынша, компания Chrome браузерінде «инкогнито» режимін қолданған миллиондаған адамның жеке деректерін бақылаған.

Bloomberg ақпаратына сүйенсек, Google компаниясы жеке деректерді бақылап отырды деген мәлімдемеден кейін сот ісі шешу мақсатында қолданушылардың онлайн әрекеттері туралы «миллиардтаған» жазбаларды жоюға келіскен.

Google-дің миллиондаған қолданушыларының ұжымдық талабы 2020 жылы компанияны сотқа берді. Өтініш берушілер компания Chrome веб-іздеу жүйесіндегі «инкогнито» режимін пайдаланатын адамдардың деректерін жасырын түрде жинады деп шағымданды. Осылайша Google-ді «ақпарат қоймасына» айналдырып, компания қолданушылардың достары, сүйікті тағамдары, хоббиі, сатып алу әдеттер...

Былтыр қазақстандықтар ел ішінде саяхаттағаннан гөрі, шетелде демалғанды қолай көрген. Бұл жайлы Ұлттық статистика бюросы хабарлады.

Бюроның хабарлауынша, шетелге барған отандастар саны 10,5 млн болса, ішкі туризмге 9,7 млн адам тартылған. Қазақстандықтар негізінен Ресей, Қырғызстан, Өзбекстан, Түркия және БАӘ, Қытай, Мысыр, Гүржістан бағыттарында саяхаттаған.

Сонымен бірге өткен жылы елдегі туристерге арналған орынжайлар табысы рекордтық көрсеткішке жеткен, яғни 229,2 млрд теңгені құраған. 2022 жылдан бері көрсеткіш 12,4%-ға артқан. Бұл орайда Алматы қаласы көш бастап тұр. Шаһарға туризмнен түскен табыс көлемі 74,1 млрд теңгені құраған. Ал Астана қаласының көрсеткіші 20%-ға кем. Қаланың саяхаттан түскен табысы 45,4 млрд теңге. Дей тұрғанмен...

Қарағанды облысына Нұра, Осакаров және Ақтоғай аудандарында ерімеген қар әсерінен су тасқынының екінші толқыны келуі мүмкін.

Өңірге жағдайды бақылау үшін премьер-министрдің орынбасары әрі су тасқынына қарсы шараларды үйлестіру және қарғын су жүру кезеңінің салдарын жою жөніндегі республикалық штаб басшысының орынбасары Қанат Бозымбаев келген. Оған жергілікті басқарушылар өңірдің екінші толқынды күтіп отырғанын баяндады.

«Жағдай күрделі деп бағалануда: өңірде су тасқынының екінші толқыны болжанып отыр. Нұра, Осакаров аудандары аумақтарының 40%-ында және Ақтоғай ауданының солтүстік бөлігінде қар ерімеген», – делінген Үкімет хабарламасында.

Төтенше жағдайлардың алдын алу үшін су тасқыны қаупі бар аудандарға азаматтық қорғау қызметінің қосымша күштері мен құралдары тартылып жатыр.

Бозымбаев Шет ауданы ауылдарының зардап шеккен тұрғындарымен кездесу барысында су...

Қаржы нарығын реттеу және дамыту агенттігі (ARFRDF) «First Heartland Jusan Bank» басшысы лауазымына Гүлмира Жұмадиллаеваның кандидатурасын мақұлдады, деп хабарлады ведомствоның баспасөз қызметі.

«Қазақстан Республикасының Қаржы нарығын реттеу және дамыту агенттігімен Жұмадиллаева Гульмира Жәнібековна «First Heartland Jusan Bank» АҚ Басқарма Төрағасының лауазымына келісілді (29.03.2024ж. №25/БВУ/П хаттамасы)», – деп жазылған хабарламада.

Бұған дейін бұл қызметті  Арман Мангитов атқарған. 28 ақпанда «First Heartland Jusan Bank» АҚ Директорлар кеңесі Банктің басқарма төрағасы Арман Мангитовтың 1 наурыздан бастап өкілеттігін тоқтату туралы шешім қабылдады.

Сонымен қатар қаржы ұйымы Басқарма төрағасының міндетін уақытша Басқарма Төрағасының орынбасары – Қаржы директоры қызметін атқарып жүрген Алан Жабаевқа...

S&P агенттігі банктің бастамасымен ForteBank рейтингілерін қайтарып алды. Бұл туралы қаржы ұйымы хабарлады.

S&P Global Ratings рейтинг агенттігі, банктің бұл агенттіктің рейтинг тағайындау процесіне қатысуын тоқтату туралы шешіміне байланысты рейтингілерін қайтарып алды.

Наурыз айының соңында S&P агенттігі аталған банк рейтингін ұлттық шкала бойынша «kzA»-дан «kzA-» дейін көтерді. Болжамды «позитивті» деп жақсартты. Рейтингілерді қайтарып алу кезінде ForteBank-тің ұзақ мерзімді және қысқа мерзімді кредиттік рейтингілері «BB-/B» деңгейінде, ұлттық шкала бойынша рейтингі «kzA», рейтингілері бойынша болжам «Позитивті» болды.

«Біз S&P агенттігіне ұзақ мерзімді ынтымақтастығы үшін ризашылығымызды білдіреміз. Қазіргі жағдай көрсетіп отырғандай, банктің клиенттер, акционерлер мен инвесторлар үшін кредит қабілеттілігін және тұрақтылығын растау...

Сыртқы істер министрлігінің ресми өкілі Айбек Смадияров Мәскеудегі терактіден соң қазақстандықтарды қай елде жүрсе де сақ болуға шақырды.

«Әрине, бұл теракт («Крокус Сити Холдағы») адам шошытарлық жағдай болды. Сол түні Қазақстанның Ресейдегі елшілігімен хабарласып, бекітілген алгоритм бойынша жұмыс істедік. Жедел желінің телефон нөмірі жарияланды. Мәскеудегі студенттер мен басқа да Қазақстан азаматтарының бәрімен хабарласып, жағдайын анықтай бастадық. Қазіргі таңда қаза тапқандар мен зардап шеккендердің арасында Қазақстан азаматтары жоқ», – деді ресми өкіл.

 Ресми өкіл дүние жүзінде жағдай  күрделініп бара жатқанын атап өтті

 «Одан ешкім сақтанбаған. Сондықтан азаматтарымыз қай елде жүрсе де...

Дүйсенбі күні АҚШ-тағы инфляцияның бәсеңдеуі туралы деректері бағалы металдар нарығына оң ықпал етті. Сондай-ақ алтын бағасы инвесторлардың Федрезерв маусым айында мөлшерлемені  төмендете бастайды деген үмітін арттырғаннан кейін рекорд орнатты. Мөлшерлеменің төмендеуі дәстүрлі түрде пайыздық кіріс әкелмейтін алтын бағасының өсуіне ықпал етеді. Бұрын ең ірі америкалық инвестбанктер алтын сатып алуды ұсынған еді.

Толығырақ

Дүйсенбі күні алтынның спот бағасы тарихи рекордты жаңартты. Алтын құймалар 1,6% – ға қымбаттап, троя унциясының бағасы 2 265,73 долларға жетті, деп жазды Bloomberg.

Өткен жұмада көптеген нарықтар жабылған кезде АҚШ сауда министрлігі ақпан айындағы инфляция туралы мәліметтерді жариялады. АҚШ-тағы жеке тұтыну шығындарының индексі (PCE дефляторы...

Ресейдің арнайы операциясы басталған кезде Украинадан елге жеткізілген қазақстандықтар сол елге қайтып оралған. Осылай деп мәлімдеген СІМ ресми өкілі Айбек Смадияров Украинадағы қазақстандықтар туралы ақпарат берді.

Айбек Смадияровтың айтуынша, елге жеткізілген біраз қазақстандық қақтығыстың ушығып тұрғанын біле тұра, Украинаға қайтып оралуды жөн санаған.

«Өзеріңіз білетіндей соғыс жаңа басталған кезде азаматтарымызды бірнеше рейспен сол жақтан эвакуация жасаған болатынбыз. Бірақ соның жартысына жуығы қайтадан Украинаға қайтып кетті. Енді қазір олардың өміріне қауіп төніп тұр ма жоқ па оны білмейміз. Өйткені соғыс болып жатқанын олар бізден жақсы біледі. Әр адам өз қауіпсіздігіне өзі жауап береді. Бірақ елшіліктің міндеті – біздің елд...

Былтыр акционерлері 100 пайыз акциясын мемлекетке сыйға тартқан Phystech II компаниясы 2023 жыл үшін дивиденд төлемейді. Бұл туралы Қазақстан қор биржасы сайтында жазылған. Компания Маңғыстау облысында геологиялық барлау және мұнай-газ өндірісімен айналысады.

Мұндай шешім компания акционерлерінің жылдық жалпы отырысында шығарылған. Жиын барысында сонымен қатар компанияның жылдық есебі бекітілген. Қаржы есебіне сәйкес, компания 2023 жылы 2,4 млрд теңге шығынға батқан. Ал 2022 жылғы шығыны 4,6 млрд теңгені құрапты. Яғни компания бір жылда шығын көлемін 2,2 теңгеге қысқарта алған.

Аудиторлар компания шығынының көптігі оның қызметін жалғастыра аларына аздап күдік ұялататынын жазады. Алайда компания басшылары мен акционерлері 2024 жылы ір...

Қазақстандық банктер су тасқынынан зардап шеккен борышкерлердің несие төлеу мерзімін кейінге шегереді. Бұл туралы Қазақстан қаржыгерлер қауымдастығы хабарлады.

«Қазақстанның екінші деңгейлі банктері Үкіметтің су тасқыны кезеңінің зардаптарын жоюға және табиғи төтенше жағдайлардан зардап шеккен халық пен кәсіпкерлерге қолдау көрсетуге бағытталған шұғыл шараларын қолдайды», – деп хабарлады Қауымдастық.

Өз тарапынан банктер келесі қолдау іс-шараларын көрсетуге дайын екендіктерін растады:

–        2024 жылғы 1 сәуірден 30 маусымға дейінгі мерзімге жергілікті атқарушы органдардың тізімдері бойынша су тасқынынан зардап шеккен қарыз алушылардың несиені өтеу мерзімін ұзарту;

–        2024 жылғы 1 сәуірден бастап 30 маусымға дейінгі кезеңде су...

13 наурыз Қаржы министрлігі «Ашық НҚА» порталында жеке тұлғалардың салық декларациясын тапсыру нысаны мен ережелерінің жобасын жариялады. Онда ведомство жалпы декларация шеңберінде 270.00 нысанындағы декларацияны тапсыру мерзімін бір жылға шегерді.

Курсив осыған қатысты түсініктеме алу үшін министрлікке сауал жолдады. Бұл ретте Қаржы министрлігі жалпы декларациялау мерзімдері бұрынғысынша қалады, кейінге шегерілмейтінін хабарлады.

Бірінші жылы 250.00 нысанындағы декларацияны тапсырады

Салық кодексіне сәйкес, азаматтар бірінші жылы 250.00 нысанындағы декларацияны тапсырады. Ол кіріс декларациясы деп аталады. Оны: 

Қытаймен арада визасыз режим енгізілгелі бері Қытайға 173 мың қазақстандық барған. ал Қытайдан Қазақстанға 126 мың шетел азаматы кірген. Бұл жайлы Қазақстан Сыртқы істер министрлгің ресми өкілі Айбек Смадияров айтты.

«Өздеріңіз білесіздер, Қытаймен визасыз режим енгіземіз деген кезде халық шулап, «қытай жаулап алады», «еліміздің қауіпсіздігіне қауіп төнеді», «мемлекет қайда қарап отыр?» деген ұрандар көп айтылды. Соған орай айта кетейін, өткен жылдың 10 қарашасында күшіне енген визасыз режим туралы келісім біраз өзінің нәтижесін берді. Статистикаға сүйенсек, 10 қарашадан бері Қазақастанға 126 мың Қытай азаматтары кірген. Ал егер біздің азаматтарымыздың санына қарайтын болсақ, визасыз режим күшіне енгел...

Қазақстанның бірнеше өңірі су тасқынынан зардап шекті, мыңдаған отбасы уақытша орналастыру орталықтарында. Kaspi.kz «Biz Birgemiz Qazaqstan» қайырымдылық қорымен бірлесе отырып, зардап шеккендерге мобильді қосымша арқылы қаражат жинауды ұйымдастырды. Бірнеше күннің ішінде 55 мың қазақстандық 80 миллион теңгеге жуық ақша жинап үлгерді. Kaspi.kz өз тарапынан көмек көлемін 200 миллион теңгеге дейін ұлғайтты.

 «Biz Birgemiz Qazaqstan» ҚҚ төрағасы Перизат Қайрат:

«Дәл қазір су басқан аймақтардағы адамдарға көмек өте қажет. Адамдар үйлерінде қалған көптеген ауылдарға тек тікұшақтар немесе қайықтар арқылы жетуге болады. Құтқарушылар адамдарды эвакуациялауды жалғастыруда, қалпына келтіру жұмыстары жүргізілуде.

Біздің қор ашық жұмыс істеп, қаражаттың жұмсалуы бойынша барлық құжатты ұсынатынын көрген Kaspi.kz...

Қазақстандықтар су тасқынынан кейін, жағдайға кінәлі деп саналатын шенеуніктердің қызметінен кетуін талап етіп петиция жариялады. Екі күн бұрын, яғни 30 наурызда жарияланған петицияға 3 мыңнан астам адам қол қойған.

Alash.online веб-сайтындағы петицияда жақында президент қатысуымен өткен Үкімет отырысында Қасым-Жомарт Тоқаевтың премьер-министрдің бірінші орынбасары Роман Склярға, су ресурстары және ирригация министрі Нұржан Нұржігітовке, Атырау, Ақмола, Алматы, Павлодар облыстары мен Абай облыстарының әкімдеріне қатаң сөгіс жариялағаны және Ақтөбе, Қостанай және Батыс Қазақстан облыстарының әкімдері қызметіне ескерту жасағаны жазылған.

«Қазақстанда су тасқынына қарсы іс-шаралар бойынша әрекет етпеген шенеуніктерді отставкаға жіберуді талап етеміз. Біз мұқият тергеуді талап етеміз! Бұл...

Парламент Сенатының депутаты Амангелді Нұғманов Премьер-Министр Олжас Бектеновке кеден органының қызметкерлерін зейнетақымен қамсыздандыруға қатысты депутаттық сауал жолдаған еді. Оның айтуынша, былтырғы 20 сәуірде қабылданған «Әлеуметтік кодекс» пен Үкімет қаулысы бір-біріне қайшы. 

Депутат сауалы

«ҚР Үкіметі кодексті іске асыру мақсатында тиісті қаулылар қабылдағаны да белгілі. Осы кезеңде 2023 жылы 29 тамызда «№ 733 үкімет қаулысы» қабылданды. Аталған Үкімет қаулысының 1 ғана тармағының күші тұтас бір органның қызметкерлеріне зейнетке шығу уақытын тағайындап және өтілім мерзімін санап анықтау мүмкіншілігінен айырды. Осының салдарынан «орындаушы жауапты мемлекеттік орган» қаулы түрінде бекітілмеді», – дейді Амангелді Нұғманов.

Депутаттың айтуынша, жоғарыда көрсетілген қаулының тармақтарының іске асырылуы...

«Инкай» бірлескен кәсіпорны жылына 4 мың тонна уран өндіретін өңдеу цехының құрылысын бастайды. Бұл жайлы Бірыңғай экологиялық порталдағы компания құжаттарында жазылған.

Құжаттарға сәйкес құрылыс жұмыстары 2024 жылы басталып, 2025 жылы аяқталады. Онда бұрынғы ПВ-1 учаскесінде жұмыс істеп тұрған орталық өңдеу зауытын реконструкциялаумен зауыт түріндегі өндірістік қуаттылығы жылына 4000 тонна уран өңдеу цехын салу жоспарланғаны жазылған.

«Жоспарланған іс-шара барысында Инкай кенішінде табиғи уран оксиді (закись-окись урана) түріндегі уран көлемін 4000 тоннаға арттыру көзделеді. Жобада Инкай кен орнының бұрынғы ПВ-1 учаскесінде жұмыс істеп тұрған өңдеу орталығын қайта жаңғыртумен қатар, өңдеу цехының құрылысын салу қарастырылған...