Жаңалықтар

XIV Спартакиада аясында Қорғаныс министрлігінің, Бас штабтың және ҚР Қарулы күштерінің құрылымдық бөлімшелері арасында шахмат чемпионаты өтті. Бұл туралы министрліктің баспасөз қызметі хабарлады.

Жарысқа жалпы 50-ден астам қызметкер қатысты. Чемпионат швейцариялық жүйе бойынша – 9 турмен өтті.  Нәтижесі екі топ бойынша бағаланды. 

Қазақстан шахмат федерациясының президенті Тимур Тұрловтың құттықтау сөзін вице-президент Марат Есенов айтып берді. Сөз арасында мемлекеттік органдардың қызметкерлері арасында, құрылымдық бөлімшелерде және ведомстволық бағынысты ұйымдарда шахматты ілгерілетуге үлкен қызығушылық бары атап өтілді. 

«Біз үшін әуесқой шахматтың  танымалдылығы артып келе жатқаны маңызды. Сондықтан осындай турнирлерді жан-жақты қолдаймыз. Қорғаныс министрлігімен ынтымақтастық – мыңдаған адамды шахматқа тартуға...

«Қазақстан халқына» қоры әлеуметтік қайрымдылық марафоны аясында ауылда тұратын 20 мың баланың жазғы демалысына арналған сертификат табыс етті. Бұл туралы қордың баспасөз қызметі хабарлады.

Қордың «Qh Жаздық жолдама – 2024» деген қайырымдылық жобасы бар. Жоба аясында ауыл мектептерінің директорына 5-8-сынып оқушыларының жазғы демалысына арналған сертификат табысталды.

Ауыл мектептерінде оқитын 10-14 жас аралығындағы оқушыларының жазғы  демалысына арналған жолдаманы оқуда, спортта, шығармашылықта жоғары көрсеткіштерге қол жеткізген, мектеп өміріне белсенді қатысатын және аз қамтылған, көпбалалы, әлеуметтік осал топтардағы отбасылар санатындағы 20 000 бала алады, – делінген қор хабарламасында.

Көркем өнерпаздар қатысқан салтанатты жиындар...

Суретші Рустам Хальфиннің шығармашылық мұрасымен енді онлайн-мұрағат арқылы танысуға болады.

Рустам Хальфин – Қазақстан мен Орталық Азиядағы заманауи арт өнерінің қалыптасып, өркендеуіне ықпал еткен суретші. Оның шығармашылығы туралы көптеген мақала жарияланып, каталог жарық көрді. Қылқалам шеберінің жұмыстары отандық және халықаралық көрмелерге қойылды. Мысалы, 2005 жылы 51-ші Венеция биенналесіндегі Орталық Азия павильонында ел назарына ұсынылды. Суретшінің еңбектері нонконформистік өнердің Зиммерли музейі (Нью-Брансуик, АҚШ), M HKA заманауи өнер музейі (Антверпен, Бельгия), Мемлекеттік Третьяков галереясы (Мәскеу, Ресей), Шығыстың Мемлекеттік музейі топтамасы (Мәскеу, Ресей), Ә.Қастеев атындағы Мемлекеттік өнер музейі (Алматы, Қазақстан), ҚР Ұлттық музейі (Астана, Қазақстан) секілді танымал өнер ордалары мен жеке коллекцияларда сақталған.

Республикалық маңызы бар «Қызылорда-Жезқазған» автожолы қайта жаңартылып жатыр. Бұл туралы ҚазАвтоЖолдың Telegram-арнасы хабарлады.

«Қызылорда-Жезқазған» автожолының жалпы ұзындығы – 412 шақырым. Оның ішінде 204 шақырым Қызылорда облысына, 208 шақырым Ұлытау облысына қарасты. Бұл күре жолда кейінгі құрылыс жұмыстары 40 жыл бұрын жасалған.

Тас жолдың Қызылорда облысына тиесілі телімін қайта жаңарту жұмыстары алты учаскеге бөлінген. Қазір бес учаскеде жұмыс жүріп жатыр. Бүгінде жолшылар 24-127 шақырым учаскесінде құнарлы жер қабатын алу, айналма жолдарды салу, жабынды терең қопсыту және қолданыстағы жол жабынын алу жұмыстарын жүргізіп жатыр. Ал 127-216 шақырым учаскесінде айналма жолмен көлік қозғалысын қамтамасыз ету шаралары қолға...

Алматының Төтенше жағдайлар департаменті күн жылып, таулы аймақта су деңгейі көтерілуі мүмкін екенін ескертеді.

Орташа тәуліктік температура жоғарылығандықтан және қар қарқынды ерігендіктен, 16-18 наурыз аралығында таудағы өзендерде су деңгейі көтерілуі мүмкін. Алматы қаласының аумағына іргелес тау бөктері мен аудандарда су тасуы мүмкін, – делінген хабарламада.

Алматы қаласының ТЖД-сы тұрғындарға жақын орналасқан арықтар мен каналдарды қоқыстан тазарту қажет екенін ескертеді.

Сондай-ақ су қоймаларында мұз жамылғысының жұқарғанын, сондықтан мұзға шықпау қажет екенін еске салады.

Бұған дейін Алматы облысында су тасқыны қаупі бар учаскелерді тізген едік.

Алматы облысында су тасқыны қаупі бар учаскелерге...

Алдағы уақытта жекеменшік мектепте оқитын тұрмысы төмен отбасылардың балаларына мемлекет тарапынан көмек көрсетілуі мүмкін. Бұл туралы Мәжіліс депутаттарының сауалына жолдаға жауабында Премьер-министрдің орынбасары Тамара Дүйсенова мәлімдеді.

Оның дерегінше, мектептерде белгілі әлеуметтік санаттағы балаларға жергілікті бюджет есебінен көмек көрсету туралы Үкімет заң жобасын әзірленген. Ол қазіргі уақытта Парламент қарауында жатыр.

«Үкіметтің бастамасымен меншік нысанына қарамастан білім беру
ұйымдарындағы жекелеген санаттағы білім алушылар мен тәрбиеленушілерге
жергілікті бюджеттер есебінен қаржылай және материалдық көмек «Қазақстан
Республикасының кейбір заңнамалық актілеріне білім беру және бала
құқықтарын қорғау мәселелері бойынша өзгерістер мен толықтырулар енгізу
туралы» Заң жобасында қарастырылған»,– делінген Тамара Дүйсенованың жауабында.

Премьер-министр орынбасарыны...

Мамыр айында Қазақстанда Kaiyi көлігінің сатылымы ресми түрде басталады. Бұл Қазақстан нарығындағы 15-ші қытайлық автобренд. Қазақстан нарығындағы орын үшін Аспан асты елінің авоөндірушілері арасында іштей тайталас бастала ма? Әлде оларға шетелдік бәсекелестерге төтеп беру керек бола ма? «Курсив» осы жайды сарапшылардан сұрап көрді.

2023 жылдың қорытындысы бойынша Қазақстанда сатылған он ең танымал брендтің жетеуі Қытайда шығарылған. Өткен жылы қытайлық автобрендтер қазақстандық нарықтағы үлесін екі есе арттырды. Бір жылда 40 мыңнан астам көлік сатқан (жалпы ресми сатылым 200 мың, бұл отандық авторетейл тарихындағы ең үздік көрсеткіш). Қазақстанда ең көп сатылатын қытайлық автобрендтер – Chery, Haval және Jac.

Былтырғы табысқа әсер...

Қазақстан Қарулы күштерінің 139 адамнан тұратын бітімгерлер тобы Голан үстіртіне жетті. Бұл туралы Қорғаныс министрлігінің баспасөз қызметі хабарлады.

«Қарулы күштердің әскери қызметшілері Қазақстан аумағынан Сирия астанасы Дамаскіге ұшып барып, Фауар бітімгерлік базасына дейін автокөлікпен жетті. Базаның орналасқан жеріне қарсы тараптар арасында атысты тоқтату режимін сақтау жөніндегі міндеттерді орындауға арналған әскери техника мен мүлік те жеткізілді»,– делінген хабарламада.

Ақпаратқа сәйкес, ұлттық құрам базаға жайғасқан соң, рота штабы істерді қабылдау және «БҰҰ-ның бөлінген аумақты бақылау жөніндегі күштері» миссиясы қолбасшысының резервтік ротасының функционалын нақтылау жұмысына кіріседі.

«Бұл миссияның ерекшелігі – өз қызметімізді жеке атқаруда болып отыр...

Қазақстанда «Наурызнама» онкүндігі өтіп жатыр. Оның аясында Наурыз мейрамының мән-мағынасы мен мазмұнын байытатын түрлі мәдени және дәстүрлі іс-шаралар өтеді.

Мәдениет және ақпарат министрлігінің дерегінше, «Наурызнама» онкүндігі қайырымдылық пен мәдени шаралардан бастап, ұлттық салт-дәстүрлер мен экологиялық акцияларға дейін қоғамның барлық саласын қамтуға бағытталған.

14-23 наурыз аралығын қамтитын «Наурызнама» онкүндігінің әр күніне атау беріліп, соған сәйкес түрлі шаралар өтеді.

Алматылықтар, 17 наурыз – «Шаңырақ күні». Дәстүрлі музыканың мультимедиялық орталығында «Ұлыстың ұлы күні әз-Наурыз!» концертін тамашалай алады. Сондай-ақ, бұл күні Мемлекеттік қуыршақ театрында «Ер Төстік» қойылымы өтеді. Бұған қоса, «Бақытты Отбасы», «Шыңға өрлеу» орталықтарында 50 және 25 жыл бірге өмір сүрген...

Қазақстандықтар ақпан айында коммуналды қызмет ақысы айтарлықтай көтерілгенін байқаған. Ақпан айында елдегі тұтынушылық сенім индексін бағалаған United Research Technologies Group сарапшылары осындай тоқтамға келді.

«Ақпан айының қорытындысы бойынша тұрғын үй-коммуналды қызмет ақысы анағұрлым өскені байқалған. Қаңтар айында тарифтердің өскенін қазақстандықтардың 12,5%-ы байқаған. Ақпан айында әрбір төртінші қазақстандық оған назар аударған (18,3%, +5,9 п. п.)», – деп жазады сарапшылар.

Жыл басынан бері коммуналды қызмет тарифтері күрт қымбаттаған ақы ретінде қазақстандықтарды алаңдатып отырғанын Статистика бюросының мәліметтері де растайды.

Ұлттық стаститика бюросының дерегінше, ақпан айында ақылы қызметтердің құны күрт өскен (12,8%). Соның ішінде тұрғын үй-коммуналды қызмет ақысының тарифтер...

Белгілі коммуникация маманы, Ұлттық Банк жүйесінде «7-20-25» ипотекасын ашылғалы бері насихаттап келе жатқан пиаршы, ОБСЕ-нің Қазақстандағы коммуникация бойынша кеңесшісі Айбар Олжаймен тілдесудің сәті түсті. Қазақстан коммуникация бойынша Орталық Азия аймағында көш бастап келеді және осы тәжірибесін біздің кәсіпқойлар көршілес Өзбекстанға да жаюға кет әрі емес. Отандық пиаршылардың алдында қандай мәселелер тұр, білім және біліктілік деңгейі халықаралық стандарттарға сай ма, тиімділік метрикаларының унификациясын әзірлеу қаншалықты мүмкін, осындай салалық сұрақтарға жауап іздедік.

– Айбар Қайнарұлы, соңғы уақыттарда отандық форумдарда қазақтілді коммуникацияның перспективасы, аудиториясының өсуі жайлы жиі айтылып жүр. Егер бұл тренд рас болса, онда нарықтағы жағдай қалай өзгереді? Сізде осыған қатысты болжам...

Президенттің елге үш шетелдік банк келуі керек деген мәлімдемесінен кейін бұл сауал нарық ойыншылары арасында қызу талқылана бастады. Жақында Қаржы нарығын реттеу және дамыту агенттігінің төрағасы Мәдина Әбілқасымова да жыл соңына дейін елімізде бір шетелдік банк келуі мүмкін екенін мәлімдеді. Ал, сондай ақ. «Бәйтерек» Ұлттық басқарушы холдингі сатып алған ресейлік «Сбербанк» -тің еншілесі Bereke bank-Қатар инвесторы сатып алатыны белгілі болды.

Сонымен елімізге келетін шетелдік банктер туралы олар қай банктер, қай елдің қаржы институттары болуы мүмкін деген сауал туып отыр. Мәдина Әбілқасымованың өзі бұл сауалға нақты жауап берген жоқ, алайда шетелдік қаржы ұйымдары тарапынан біздің банк секторына қатысты қызығушылы...

15 наурыз күні ақпарат құралдары Qazaq Вankі-нің бұрынғы акционері бизнесмен Бақыт Ибрагим қайтыс болғанын хабарлады. Полиция департаменті бұл ақпаратты растады.

«Бұл іс бойынша өзін-өзі өлтіруге жеткізу бабы бойынша қылмыстық іс қозғалды. Экспертиза тағайындалды. Оқиғаның мән-жайы анықталуда», – делінген хабарламада.

Еске сала кетейік, 2017 жылдың маусым айына дейін Бақыт Ибрагим Qazaq Banki директорлар кеңесінің төрағасы болды. 2018 жылғы мәліметке сәйкес, оған аталған банк акцияларының 10,5%-ы тиесілі болған.

Ал 2018 жылы ол Германиядан экстрадицияланған еді. 2020 жылы ол Bank RBK-дан 144 млрд теңге жымқыру ісі бойынша Жомарт Ертаевпен бірге айыпты деп танылды. Соның негізінде...

Bereke Bankтің POS терминалдарында енді ресейлік «МИР» төлем жүйесіне тиесілі карталарға қызмет көрсетілмейді. Аталған банк өзінің ресми сайтында «МИР» карталарының ұлттық жүйесімен өзара іс-әрекет тоқтатылатынын ескертетін хабарландыру жариялады.

«2024 жылғы 17 наурыздан бастап Bereke Bank POS терминалдарында «МИР» карталары арқылы қолма-қол ақшасыз төлем қабылданбайды», – делінген хабарламада.

Банктің ақпаратына сәйкес, қаржы ұйымының POS терминалдарында VISA, MASTERCARD, UnionPay карталары арқылы жасалатын операциялар толық жүзеге асырыла береді.

Бұған дейін аталған банкті Қатар банкі сатып алуы мүмкін екенін жазған едік.

Жыл соңына дейін жаңа бір банк Қазақстан нарығына келуі мүмкін. Бұл жайлы Қаржы нарығын...

Қазақстан үкіметі риэлторлардың проблемасы бар және заңсыз жылжымайтын мүлікті жөнсіз жарнамалағаны үшін айыппұл салғысы келеді. Бұл туралы премьер-министрдің бірінші орынбасары Роман Склярдың парламент сауалына берген жауабында айтылған. Бұл норманы қазір Мәжілісте талқыланып жатқан үлестік құрылыс туралы заң жобасына енгізу жоспарланып отыр.

Құжат салынып жатқан үйлерден үй-жай сатып алу туралы алдын ала келісімдер жасасуға тыйым салатын және үлескерлердің ақшасын тарту үшін рұқсатсыз нысандарды жарнамалауды шектейтін түзетулерді қарастырады.

«Сонымен қатар заңсыз жарнамаға қатысы бар риэлторлар мен басқа да тұлғаларды жауапкершілікке тарту мүмкіндігіне қатысты «Әкімшілік құқықбұзушылық туралы» кодекске өзгерту енгізу жоспарланып отыр. Бұл түзетулерді қазір сарапшылар қауымдастығы және мемлекеттік...

Halyk Bank 2023 жылы таза кірісін 21,8%-ға, яғни 693,4 млрд теңгеге дейін арттырды. Бұл туралы банктің жылдық есебінде жазылған.

Банк активтері бір жылда 8,7%-ға, яғни 15,5 трлн теңгеге өсті. Былтыр бұл көрсеткіш 14,4 трлн теңге еді. Банк міндеттемелері 13 трлн теңгеге дейін өсті. Ал капиталы 13,6%-ға, 2,5 трлн теңгеге дейін өсті.

Таза пайыздық кіріс 810,4 млрд теңгеге дейін өсіп, басқа пайыздық емес кіріс 400,1 млрд теңге болды. Бұл 2022 жылғыдан 4 млр теңгеге аз.

Былтыр банктің таза пайдасы 693,4 млрд теңге болды. Ал 2022 жылы 569,4 млрд теңге болған.

Халық банкінің негізгі акционерлері – Тимур мен Динара Құлыбаевтар. Олар...

Ұлттық статистика бюросы жалпы ішкі өнім бойынша тоқсандық деректерді дискретті әдіспен есептей бастайды. Бұл туралы бюроның сайты хабарлады.

Тоқсандық деректердің есебіне барлық үш әдіспен есептелетін – өндіріс, түпкілікті пайдалану, кіріс жатады.

Дискретті әдіс пропорционалды дентон әдісін қолдана отырып, жеке тоқсандар бойынша деректердің қалыптасуын қамтамасыз етеді. 

Дентон әдісі қолдану қарапайым және бенчмаркингтің түрлі міндеттерін шешуде икемді әрі сенімді екенімен ерекшеленеді. Сөйтіп бұл әдіс тоқсандық ұлттық шоттарда және ресми статистиканың басқа салаларында кеңінен тарала бастады. 

Бұл жыл бойына ЖІӨ динамикасындағы өзгерістерді уақтылы бақылауға мүмкіндік береді. Солайша негізделген басқарушылық шешімдердің жедел қабылдануына ықпал етеді. 

Дискретті әдіс барлық халықаралық стандартқа сәйкес келед...

АҚШ-тағы TikTok желісінен 16 миллиард доллар табыс түсті. 2023 жылдың қаржылық есебімен Financial Times басылымы бөлісті. Бұл ретте басылым жеке дереккөздеріне сілтеме жасады.

Әлеуметтік желіге иелік ететін ByteDance-тің жалпы табысы 120 миллиард долларды құрады. Көрсеткіш бір жыл ішінде шамамен 40% өскен.

«Компания кірістің басым бөлігін Қытайдан алады. Таза табыс 28 миллиард долларға бағаланады», – деп хабарлады басылым.

Әлемдегі ең ірі әлеуметтік желі Meta (SPB: META) табысы 2023 жылы 16%-ға өсіп, 135 млрд долларға жетті.

Бұл тұста ByteDance қаржылық көрсеткіштерін жария етпейді. Компания өкілдері басылым тараптқан ақпаратқа қатысты түсініктеме беруден бас тартты.

Еске сала кетсек, АҚШ Конгресінің Өкілдер палатасы Америка...

Антикор цифрлық теңге арқылы бюджет қаражатын игеру процесінде «ақшаны бояу» пилот жобасын масштабтауға кіріспек. Бұл туралы агенттіктің Telegram-арнасы хабарлады.

Бұл тетік Ұлттық Банк пен Қаржы министрлігінің Қазынашылығымен өзара іс-қимыл жасай отырып енгізетін «цифрлық теңге» платформасы негізінде іске асырылады.

Әрине, цифрлық теңге – жымқыруға жол бермеудің маңызды, прогрессивті құралы. Оны енгізу бюджет қаражатын тиімді, мақсатты пайдалануды қамтамасыз етуге мүмкіндік береді. Бұл – біздің басты міндетіміз, – деді Антикор төрағасы Асхат Жұмағали.

«Ақшаны бояу» пилот жобасы бірінші жемқорлыққа неғұрлым бейім салаларға енеді. Олар – жол салу, ӘКК-нің бөлінген қаражатын пайдалану және ауыл шаруашылығы техникасы мен...

Ақпан айында қант, шикі және тазартылған патока өндірісінің көлемі 5,4 мың тоннаны құрады. Бұл қаңтар айымен салыстырғанда 46%-ға және бір жыл бұрынғыдан 78%-ға аз. Бірінші кредиттік бюро мәліметінше, мұның бәрі 2020 жылдың тамызынан бергі ең төменгі көрсеткіш.

«Соңғы екі айдағы көлем, яғни 15,5 мың тонна – 2020 жылдан бері ең төмен көрсеткіш. 2023 жылдың соңында өндіріс бір жылмен салыстырғанда 19%-ға төмендеп, 278,1 мың тоннаны құрады», – деп хабарлады Ұлттық статистика бюросы.

Дегенмен бұл үрдіс бағаның өсуіне әкелген жоқ. Мысалы, шекер 2023 жылдың қарашасынан бастап ай сайын арзандап келеді. Ақпан айында баға бір жылмен салыстырғанда 14,2%-ға төмендеді. Бірақ бір...

Еуропалық қайта құру және даму банкі (ЕҚДБ) қазақстандық «Аралтұз» компаниясына 5,5 млрд теңге несие берді.

«Бұл қаражат тұзды булау арқылы жоғары сапалы вакуумдық тұз алуға мүмкіндік беретін отандық өндірісті іске қосу үшін пайдаланылады», – деп жазылған хабарламада.

Жоғары сапалы вакуумдық тұз – «Экстра» тұзы ретінде белгілі.

ЕҚДБ несиесі экспорттың тиімділігін арттыруға және Еуропа, Таяу Шығыс және Қытайдағы операцияларды кеңейтуге бағытталған. Банк қолдауымен «Аралтұздың» корпоративтік басқаруын жетілдіру жоспары жүзеге асырылатын болады.

Сондай-ақ Қызылорда облысы, Аралтұз әкімдігі мен ЕҚДБ арасында ынтымақтастық туралы үшжақты меморандумға қол қойылған. Өкілдер ретінде облыс әкімінің орынбасары Ардақ Зебешев, директорлар кеңесінің төрағасы Дәурен Мұқашев және Агробизнес департаментін...

Ұлттық құрылтайда сөйлеген сөзінде «біздің нақты құндылықтарымыз болмаса, көшбасшы елдер қатарына қосылуымыз неғайбыл» деген Тоқаев ұлттың келбетін айқындайтын негізгі құндылықтарға тоқталды.

Президент сөз еткен құндылықтар қатарында ең бастысы тәуелсіздік және отаншылдық болды. Бұл қазіргі заманда өзекті екендігіне баса назар аударылды. Осыдан туындайтын бірлік және ынтымақ, әділдік және жауапкершілік, заң және тәртіп, еңбекқорлық және кәсіби біліктілік, жасампаздық және жаңашылдық бір-бірін толықтыра түседі.

«Әр азамат Отанға деген сүйіспеншілігін сөзбен ғана емес, нақты іспен көрсетуі қажет. Тәуелсіздіктің қадір-қасиетін терең сезініп, оны бағалай білуі керек. Біз әділетті мемлекет пен отаншыл, адал азаматтардың күш-жігерін үйлестіріп жұмылдыру және халқымыздың мәдени...

Тарихи максимумды жаңартқаннан кейін, биткоин құны жұма күні төмендеді. Соңғы айларда криптовалюталардың өсуіне пайыздық мөлшерлемелердің төмендеуі туралы болжамдар ықпал етті. Бірақ қазір инвесторлар жаңа болжамдарды қайта қарастыруда, деп жазады Bloomberg.

Толығырақ

Жұма күні таңертең биткоин Азиядағы сауда-саттықта 5,6% – ға төмендеді. Содан кейін криптовалюта таңертеңгі құлдыраудың орнын толтырып, бір монета- 68,6 мың долларды құрады. Бір күн бұрын биткоиннің бағасы 73,8 мың долларға жетіп, жаңа рекорд орнатқан болатын. Жұма күні басқа криптовалюталар да арзандаған болатын. Мысалы, Ethereum 3,2%, BNB 3,3% жоғалтты.

Сарапшылар не дейді

City Index компаниясының  нарық талдаушысы Мэтт Симпсон биткоин құбылмалылығымен танымал және бұрын рекордтық деңгейге жеткеннен...

Polymetal International plc 2022 жылы 288 миллион доллар шығынға ұшыраған еді. Компания 2023 жылдың есебін жариялады. Оған сәйкес кен өндіруші былтыр 528 миллион доллар таза пайда тапқан.

«Операциялық пайданың өсуіне сүйене отырып, 2023 жылы топтың таза пайдасы 528 миллион долларды құрады. 2022 жылы 288 миллион доллар таза шығын тіркелген», – деп жазылған хабарламада.

Былтыр кен өндірушінің кірісі 8%-ға өсті

2023 жылы кіріс 8%-ға өсіп, 3,025 млрд долларды (2022 жылы 2,801 млрд доллар) құрады. Оның 893 млн доллары (30%) Қазақстандағы кәсіпорындардан және 2,132 млрд доллар (70%) Ресейдегі кәсіпорындардан түскен.

Алтын мен күмістің орташа сатылған бағасы нарықтық динамикадан кейін тиісінше...