Жаңалықтар

Мәдениет және ақпарат министрлігі TikTok желісіндегі 1 348 бейне жазбаға қатысты шағым түсірген. Платформа тек 206 бейнені өшіруге келіскен. Қазақстан әлеуметтік желіні қандай жағдайда бұғаттауы мүмкін? «Курсивтің» ресми сауалына министрлік жауап берді.

Ведомствоның жазуынша, Қазақстан желіні бұғаттағысы келмейді. Алайда компания органның сұраныстарын қанағаттандырып, ынтымақтастыққа келмесе, бұғаттау қажет болады.

Қазір министрлік компаниямен келіссөздер жүргізіп жатыр. Әлеуметтік желінің шағымдарға тезірек жауап беруін және заңға қайшы ақпаратты бұғаттауын қалайды. Қазір қабылданған шаралар жеткіліксіз. Сондықтан министрлік ел аумағында TikTok-қа толық тыйым салуды қарастыруды жоспарлап отыр.

Министрлік 3 мамырға дейін әртүрлі арналарда 1 348 бейнені жоюды сұрайтын 172 хабарлама жібергенін жазады. Платформа тек 206 жазбаны жоюға...

2023 жылдың маусымында «Семей орманы» резерватында болған өртке екі адам кінәлі деп танылып, әрқайсысына 7 жылға дейін бас бостандығынан айыру жазасы тағайындалды. Бұл жайлы Абай облыстық сотының баспасөз қызметі хабарлады.

«Бородулиха аудандық сотында «Семей орманы» мемлекеттік табиғи резерватының екі қызметкеріне қатысты абайсызда 14 адамның өліміне әкеп соққан өрт қауіпсіздігі талаптарын бұзу туралы қылмыстық іс қаралды»,– делінген баспасөз хабарламасында.

Баспасөз қызметінің хабарлауынша, «Семей орманы» резерватында және Новошульба филиалында басшылық лауазымдарды атқарған В. және К. есімді азаматтардың үстінен сот жүрген. Олар орман өрті кезінде өздеріне жүктелген өртті сөндіруді ұйымдастыру жөніндегі міндеттерді орындамағаны үшін айыпталған...

«Батыс Транзит» компаниясы былтыр міндеттемелерін 1,5 еседей арттырған. 2022 жылы компанияның міндеттемелері 24 млрд теңгеге тең болса, 2023 жыл қорытындысында 34,5 млрд теңгеге жеткен. Аталмыш компания Үкімет бекіткен «Жекешелендірудің 2021 – 2025 жылдарға арналған кешенді жоспарына» енген.

2005 жылы құрылған компания электр энергиясын беру және тарату, электр желілері мен қосалқы станцияларды пайдалану, құрылыс-монтаж жұмыстарын жүргізумен айналысады. Оның 20 пайыз акциясы – KEGOC ұлттық операторына тиесілі. KEGOC-тың жалғыз акционері – «Самұрық-Қазына қоры» болса, қор Қазақстан үкіметіне қарайды. Яғни ел Үкіметі Ұлттық басқарушы холдингтер, ұлттық компаниялар және олармен еншілес, тәуелді ұйымдарды жекешелендіру жоспары аясында компаниядағы 20 пайыз үлесін жекеге...

Қазақстан 2010 жылдан бері Еуразиялық тұрақтандыру және даму қорына 500 млн доллар құйған, әлі 500 млн доллар жіберуі керек. Бұл қаржы Еуразиялық тұрақтандыру және даму қорындағы елдерді, яғни Армения, Беларусь, Қазақстан, Қырғызстан, Ресей және Тәжікстанды дағдарыс жағдайында демеуге жұмсалған. Бұл туралы Қаржы министрілігінің «Курсивтің» ресми сауалына берген жауабында жазылған.

«Қордың миссиясы – қатысушы мемлекеттерге жаһандық қаржы-экономикалық дағдарыстың салдарын еңсеруге, ұзақмерзімді экономикалық және қаржылық тұрақтылықты қамтамасыз етуге және олардың арасындағы экономикалық интеграцияны дамытуға жәрдемдесу»,– делінген жауапта. 

Министрлік ақпаратына сүйенсек, ЕТДҚ жарғылық капиталы 8,5 млрд доллар. Оның ішінде елдермен қаражаттың 10%-ы ақшалай нысанда, қалған 90%-ы вексель түрінде беріледі. Қазақстанның ақшалай нысандағы...

«Наурыз» тұрғын үй бағдарламасы бойынша өтініш қабылдау маусым айының аяғына дейін жалғасады. Бұл жайлы «Отбасы банк» АҚ Басқарма төрағасы Ләззат Ибрагимова айтты.

Банк өкілінің айтуынша, 17 мыңнан астам адамнан өтініш түскен.

«10 мамырдағы жағдай бойынша қазақстандықтар барлығы 17 432 өтінім жолдады. Оның ішінде 8 945 өтінім сәтті қабылданды, олардың жартысы – 3955 өтінім тұрғын үйге кезекте тұрған халықтың әлеуметтік осал топтарының өкілдерінен түскен. Бұл көпбалалы отбасылар, жетім балалар, тұрғын үйі апатты деп танылған азаматтар. Гендерлік бөліністе қарайтын болсақ, өтінімдер арасында өтініштердің 57%-ы әйелдер ден түскен. Барлық өтініш берушінің 62%-ы 35 жасқа дейінгі жастар...

Шетелдіктердің Қазақстанда ықтиярхат алуын жеңілдететін сұранысқа ие кәсіптер тізбесі бекітіліп, бұйрық ресми күшіне енді.

Еңбек және халықты әлеуметтік қорғау министрлігінің бұйрығына сүйенсек, Қазақстанда шетелдіктердің тұрақты тұру үшін талап етілетін кәсіптер тізбесі едәуір кеңейген. Бұрын 21 мамандық болса, ендігі тізімде 51 мамандық бар.

Жаңа тізімде гинекологтар, педиатрлар, диагностика дәрігерлері, бірқатар IT-мамандықтар (мобильді қосымшалар мен компьютерлік ойындарды әзірлеуші, жасанды интеллект жөніндегі инженер, қосымшалар құрастырушы, ақпараттық қауіпсіздік жөніндегі маман), сондай-ақ креативті индустрия саласының қызметкерлері (графикалық дизайнер, суретші-иллюстратор, дыбыс операторы, бейнемонтажер) және т. б. мамандық иелері бар.

Тізбеде көрсетілген мамандықтары бар шетелдіктер ішкі істер органдарында тұруға ықтиярхатты оңайлатылған тәртіппен ресімдей алады. Тұруға ықтиярхат...

Өзбекстан «Достық» каналы арқылы Қазақстанға 922 млн текше метр су жібереді. Бұл жайлы Мемлекетарылық су шаруашылығын үйлестіру комиссиясының отырысы барысында айтылды.

Мемлекетаралық су шаруашылығын үйлестіру комиссиясының (МСШҮК) 86-шы отырысына Қазақстан, Қырғызстан, Тәжікстан, Түрікменстан және Өзбекстан қатысқан.

«Кездесу қорытындысы бойынша Су ресурстары және ирригация министрі Нұржан Нұржігітов «Достық» мемлекетаралық каналы арқылы суару маусымында Қазақстанға 922 млн текше метр су беру туралы келісімге келді»,– делінген баспасөз хабарламасында.

Министрліктің хабарлауынша, Түркістан облысының Шардара су қоймасына 4,8 млрд текше метр су жиналған. Ал Қазақстанның оңтүстігіндегі егіс алқаптарын суару үшін су алынатын Қырғызстанның Тоқтоғұл су қоймасында...

Жылдың қалған бөлігіндегі нарықтың қозғалысы сәуір айындағы АҚШ инфляциясы деректеріне орай өзгеруі мүмкін. Олар осы аптада жарияланады деп күтіп отыр, ал болжамдарға келер болсақ, олардың беті бері қараған. Яғни тұтынушылық бағалар наурызға қарай бәсеңдеген. Сонымен қатар S&P 500 қатарындағы компанияның көбі бірінші тоқсанда күткенінен жоғары пайда түскені туралы хабарлады. Ьұл да нарық үшін жақсы нышан. Осы және басқа да тақырыптарды өткен демалыс күнгі әлемдік БАҚ шолуынан оқыңыз.

АҚШ қор нарығы 2024 жылғы ең маңызды көрсеткіші – тұтынушылық бағалар индексінің жариялануын күтіп отыр

Осы аптада АҚШ-та сәуір айындағы тұтынушылық бағалар туралы деректер жарияланады және бұл статистика қор нарығының болашақ қозғалысын...

Қазақстандықтардың 78 %-ы сәуір азық-түліктің қымбаттағанын байқаған. Нақты инфляцияның баяулағанына қарамастан, халық алдағы 12 айда инфляция арта түседі деген пікірде. Ұлттық банк инфляциялық күтулер бойынша халық арасында жүргізілген пікіртерім нәтижесін жариялады.

Сауалнамаға қатысқандардың жауабына сай, инфляцияның медианалық мәні 16,1%-ға өскен. Сонымен қатар сезілетін инфляцияның кейінгі 12 айдағы медианалық мәні 16,3%- ға (14,6%) дейін жеткен.

«2024 жылғы сәуірде алдағы 12 айда күтілетін инфляцияның медианалық мәні1 16,1%-ға дейін өсті», – делінген хабарламада.

Ұлттық банк пікіртеріміне қатысқандардың 25,1%-ы биыл баға одан әрі қымбаттайтынын айтқан. Ал бағаның қазіргі өсу қарқыны сақталады деп есептейтін респонденттердің үлесі 46,8%-ға...

Ішкі нарықтағы жанармай теңгерімін сақтау, сондай-ақ мұнай өнімдерінің ағыны мен «сұр» экспортының тәуекелдерін барынша азайту мақсатында ҚР Энергетика министрінің шетелдік көліктерге арналған АИ-92, АИ-93 бензині және дизель бағасының отынының жаңартылған бағалары бойынша бұйрығына қол қойылды.

Бұйрық мыналарды көздейді:

1) АИ-92 мен АИ-93 бензині – литріне 245 теңге;

Қазақстан Республикасында берілген жүргізуші куәлігін көрсеткен кезде тәулігіне 100 литрге дейінгі мөлшерде – литріне 205 теңге;

Ел аумағында берілген мотоциклдерге, жеңіл автомобильдерге, жүк көліктеріне, арнайы, мамандандырылған жеңіл автомобильдерге және автобустарға жүргізуші куәлігін және көлік құралын тіркеу куәлігін көрсеткен кезде – тәулігіне 300 литрге дейінгі көлемде -литріне 205 теңге;

2) дизельдік отын (жазғы, маусымаралы...

Өзбекстанмен арада тағы бір жаңа бағытта әуе рейсі ашылды. Осылайша Қазақстаннан халықаралық рейстердің жалпы саны 121 әуе бағыты бойынша аптасына 567-ге жетті. Бұл туралы ҚР Көлік министрлігінің Азаматтық авиация комитеті мәлімдеді. 

Қазақстан Республикасы Көлік министрлігі рейстер географиясын одан әрі кеңейтіп, рейстер санын арттыру бойынша тұрақты жұмыс жүргізіп келеді. 

«Осылайша, «Uzbekistan Airways» әуе компаниясы осы жылдың 1 маусымынан бастап жаңа Алматы-Нүкіс бағыты бойынша тұрақты рейстерді орындай бастайды. Рейстер аптасына екі рет (сәрсенбі және сенбі күндері) 174 орындық Эйрбас – А320 ұшағында орындалады», – делінген хабарламада.

Жаңа әуе жолының ашылуы екі ел арасындағы сауда-саттық, іскерлік байланыстар...

Грузия астанасы Тбилисиде полиция «шетелдік ықпалдың ашықтығы туралы» заң жобасына қарсы наразылық білдірушілерді күшпен тарата бастады. 

DW ақпаратына сүйенсек, 13 мамырға қараған түні наразылық білдірушілер түні бойы Парламент ғимараты алдында болуды жоспарлаған. Алайда полиция оларды алаңнан ығыстырып, ондаған адамды қамауға алды. Акцияға қатысушылар полицияның көзден жас шығаратын газ қолданып жатқанын хабарлаған. 

Парламенттің заң комитеті 13 мамырда ел арасында «шетелдік агенттер» заңы аталған жобаны үшінші оқылымда дауыс беруге дайындауды жоспарлаған. Наразылық білдірушілер таңертең «Грузин арманы» партиясының депутаттарын парламент ғимаратына кіргізбейтінін айтқан.

Грузияның ішкі істер министрі Вахтанг Гомелаури 13 мамырда ерекше маңызды мемлекеттік нысандарды топтық қоршауға алған азаматтардың 4 жылға дейін...

Астана сотында бұрынғы ұлттық экономика министрі Қуандық Бишімбаев пен оның туысы Бақытжан Байжановқа қатысты сот процесі жалғасып жатыр. 13 мамырдағы сот отырысында судья Айжан Құлбаева 10 негізгі алқабимен бірге кеңесу бөлмесіне кетті.

Айта кетейік, Қуандық Бишімбаевқа Қылмыстық кодекстің 99-бабы және 110-бабы бойынша айып тағылған. Ал Бақытжан Байжанов қылмыстық кодекстің 432-бабы бойынша айыпталып отыр.

Судья алқабилер кеңесу бөлмесінде жауап беруі керек сұрақтарды оқыды. Бишімбаевқа қатысты ҚК 110-бабы бойынша қойылатын сұрақтар:

Әлемде бидай бағасы қымбаттап жатыр. Бағаның өсуіне Ресейде мамыр айында жүріп өткен аяз себеп болған. Bloomberg мәліметінше, Чикаго тауар биржасында астық фьючерстері 2023 жылдың тамызынан бергі ең жоғары деңгейге жеткен.

Срапшылар алдағы маусымда бидай өндірісі өткен жылмен салыстырғанда 6 %-ға төмендеуі мүмкін деп болжайды. Оған құрғақшылық пен ауа райының қалыпты салқындығы әсер етеді.

Ресей бүгінде әлемдегі ең ірі бидай өндіруші ел саналады. Сол себепті оның ішкі нарығындағы өзгерістер, әлемдік бағаларға өз әсерін тигізбек. Ресей астық одағы жүргізген талдауларға сүйенсек, сәуір айында баға 5,5 %-ға өсіп, бидай тоннасына 11,5 мың рубльді құраған. Оның үстіне трейдерлер алдағы маусымда бидай бітік...

Ресей президенті Владимир Путин 2012 жылдан бері елдің қорғаныс министрі қызметін атқарған Сергей Шойгуды қызметінен босатты. Енді ол Ресей Қауіпсіздік кеңесінің хатшысы болады.

«Коммерсант» ақпаратына сүйенсек, Владимир Путин бесінші рет президенттік қызметіне кіріскеннен кейін, елдің қорғаныс саласына кадрлық өзгерістер жасаған. Сергей Шойгуды Қорғаныс министрі қызметінен босатып, Қауіпсіздік кеңесінің хатшысы қызметіне тағайындады.

«Сергей Кужугетович Шойгу Ресей Федерациясының Қауіпсіздік Кеңесінің Хатшысы болып тағайындалсын», – делінген Путин жарлығында.

Путиннің баспасөз хатшысы Дмитрий Песковтың айтуынша, Шойгу кеңес хатшысынан бөлек әскери-өнеркәсіптік комиссияда президенттің орынбасары болады. 

«Сергей Кужугетович Шойгуға келетін болсақ, ол Қауіпсіздік кеңесінің хатшысы әр...

Илон Маск пен оның X Corp. (бұрынғы туиттер) әлеуметтік желісі Аустралия үкіметіне қарсы сотта жеңіске жетті. Сидней сотында төрағалық етуші судья Үкіметтің желіден бейнежазбаны өшіру туралы бұйрық берген қаулысының күшін жойып, осы іске қатысты сот отырыстарын кейінге қалдырды.

Bloomberg ақпаратына сүйенсек, 13 мамырда судья Джеффри Кеннетт Сиднейде пышақпен шабуыл жасаған адамның бейнежазбаларын өшіру туралы Үкімет бұйрығының күшін жойды. Ол осыған дейін Аустралия федералды сотының Үкімет бұйрығын құптау туралы шешімін неліктен жоққа шығарғанын түсіндірмеді. Сот шешімімен 15 мамырға дейін екі тарап істі медиация жолымен шешу үшін кездесуі керек. Егер мұндай шешім қабылданбаса, жыл соңына дейін тағы бір сот процесі болуы...

«Қазтелерадио» АҚ телерадио хабарларын таратудың үздіксіз әрі сапалы болуын қамтамасыз ету мақсатында тоқсан сайын жоспарлы-профилактикалық жұмыстар жүргізеді. Мекеме сол себепті жерсеріктік, цифрлық және аналогты эфирлік желілердің техникалық құралдарында сервистер уақытша жабылатынын хабарлады.

«Осыған байланысты биыл 15 мамыр сағат 03:00 мен 17:00 аралығында (Астана қ. уақытымен) телерадио хабарларын таратуды өшіре отырып, профилактикалық жұмыстар жүргізілетінін  хабарлаймыз. Уақытша қолайсыздықтар үшін кешірім өтінеміз. Сall Сenter: 193, +7 (727) 2 581 500, 8 8000 800 193», – делінген «Қазтелерадио» сайтында.

Қазақстандық Айару Алтынбек Перу астанасы – Лимада 13 жасқа дейінгі оқушылар арасында классикалық шахматтан өткен әлем чемпионатында алтын медаль жеңіп алды.

«Айарудың мерзімінен бұрын, мәреге бір раунд қалғанда, бірінші орын алатыны мәлім болды. Бірақ рейтинг үздігі (1868) босаңсуға жол бермей, қайтадан жеңіске жетті. Ол тоғыз ойынды 8½ ұпаймен аяқтап, қарсыласын бір жарым ұпайға жеңді», – делінген ҚШФ есебінде.

9 жасқа дейінгі жас санатында қостанайлық студент Иман Нәбиев (1636, рейтингте №8) қола жүлдені иеленді. Иман да жеткілікті деңгейде 7½ ұпай жинады, бірақ қосымша көрсеткіштер төмен болуы себепті жеңіс тұғырына көтеріле алмады.

 «Дайындық пен шеберлік деңгейі жоғары екенін тағы бір мәрте...

PwC Қазақстан және Цифрлы Қазақстан қауымдастығы бірлесіп, 2023 жылдың 12 айын қорытындылаған «Бөлшек электронды коммерция нарығына талдау» атты зерттеудің нәтижелерін жария етті. Деректер талдауын қатарына деректер аналитиктері, дата-инженерлер мен индустриалды экспертиза консультанттары кіретін Data & Analytics командасы жүргізген.  

Зерттеуге Kaspi.kz, Halyk Market, Forte Market и басқа да респонденттер қатысқан. Strategy& серіктесі және Еуразия өңіріндегі консультациялық практика көшбасшысы Наталья Лимнің айтуынша, бөлшек электронды коммерция нарығы осыдан екі жыл бұрын туындаған қиын ахуалдардың салдарын жеңе алды.

Қазіргі уақытта сектордағы табыстың жалпы көлемі 2,4 трлн теңгеге жетіп отыр. Ал электронды коммерцияның нарыққа кірігуі 12,6 пайызды құраған.

«Осылайша, Қазақстан электронды коммерцияны қолданысқа...

Қазақстандық дипломат Сәкен Мамашты әйелі Карина маған зорлық-зомбылық көрсетті деп айыптады. «Не молчи» қорының үндеуінен кейін ҚР Ішкі істер министрлігі Біріккен Араб әмірлігіндегі төтенше және өкілетті елшісінің кеңесшісіне қылмыстық  іс қозғаған.

«Біз бұл қызметкерді Қазақстанға шұғыл түрде қайтарып аламыз. Бұдан әрі оның ісімен құқық қорғау органдары айналысады», – деді Сыртқы істер министрлігінің ресми өкілі  Айбек Смадияров.

Карина шенеунік күйеуінен он жыл бойы зорлық-зомбылық көріп келгенін мәлімдеді. Мамыр айында қонақ болып келген әпкесіне де күш көрсеткені туралы құлағдар қылды.

Дипломаттың әйелі отбасындағы жанжалды ұзақ жылдар бойы жасырып келген. Күйеуі неке құрған кезінен бастап қол көтерген. Бұл жайында жақын құрбылары...

SpaceX компаниясы алдағы 3-5 апта ішінде Starship ғарыш кемесінің прототипі болып есептелінетін зымыран тасығышының төртінші сынақ кезеңіне дайындалуда. Компания басшысы Илон Маск Х желісінің (бұрынғы Twitter) парақшасында кеме суретін жариялап, оны ұшыруға қамданып жатқаны туралы жазған еді. Желі қолданушысының бірі осы жобаның мақсатын, жүзеге асатын уақытын сұраған.

«3-5 аптадан кейін ұшуы мүмкін.  Бұл жолы кеменің өте жоғары қыздыру аймағынан өтіп кетуін немесе өткен жолғыдан ұзағырақ ұшуын көздеп отырмыз», – деп жауап берді кәсіпкер.

Биыл мамыр айында SpaceX үшінші сынақта кеменің күшін сынады. Бірақ аппарат ұшқаннан кейін 77 шақырым биіктіктен құлады. Бұған дейінгі екі сынақ та...

Мемлекет су тасқынынан зардап шеккен азаматтарға залалды өтеу жұмысын жалғастыруда. 

Елдегі 20 601 отбасы 7,4 млрд теңгеден астам сомаға 100 АЕК мөлшерінде біржолғы төлем алды. Мал шығыны үшін берілген мемлекеттік көмек көлемі 1,1 млрд теңгеден асты.

«130 отбасы ескі тұрғын үйлерінің орнына жаңа баспанаға ие болды. Бұл ретте Ақтөбе, Қостанай, Солтүстік Қазақстан және Павлодар облыстарында зардап шеккен азаматтарға берілетін 239 жаңа үй салынып жатыр. Сонымен қатар 568 отбасы 710 млн теңгеден астам сомаға тұрғын үйді  жөндеуге және қалпына келтіруге өтемақы алды. Жалпы алғанда зардап шеккен өңірлерде 9995 тұрғын үй тексеріліп, 7522 нысанда бағалау жұмыстары жүргізілді»,  – деп хабарлады Үкімет...

Қысқы маусымның аяқталуына байланысты Алматы қаласындағы «Шымбұлақ» тау курорты ағымдағы жөндеу жұмысын жүргізбек. Жазғы маусымның ашылуына дайындалу үшін аспалы жолдарды уақытша жауып жатыр.

13 мамыр мен 2 маусым аралығында «Медеу-Шымбұлақ» аспалы жолы жабық болады. Ал 13 мамыр мен 31 мамыр аралығында «Комби-1» және «Комби-2» аспалы жолдары жұмысын тоқтатады. ККД-4 аспалы жолы әдеттегідей жұмыс істейді.

«19 мамыр мен 24 мамыр аралығында Медеу-Шымбұлақ жартылай жолының жүк-тартқыш арқанын қысқарту жұмысы жүргізіледі.  Осыған  байланысты қозғалысқа шектеу қоюы мүмкін. Шымбұлаққа шығу үшін студенттер жолымен жүруге болады. Алдын алу жұмыстары алдағы жазғы маусымда аспалы жолдардың қауіпсіз және үздіксіз жұмысын қамтамасыз етуге бағытталған», – делінген Алматы...

68-ші «Eurovision» халықаралық ән байқауында Немо Меттлер «The Code» әнімен жеңіске жетті. Немо финалда 591 балл жинады. Бұл – Швейцария үшін үшінші жеңіс. Осы елдің өнерпаздары Лис Ассиа 1956 жылы және Селин Дион 1988 жылы жеңімпаз статуэткасын алған.

Eurovision Song Contest YouTube арнасында ақтық сайыс тікелей эфирде көрсетілді. Қазылар алқасының дауысы саналып, кубок Швециядан Швейцарияға жолданатыны мәлім болды.

Хорватиялық Baby Lasagna командасынан Рим Тим Таги Дим 547 ұпаймен екінші орынды иеленді. Ал Teresa & Maria әнін шырқап, 453 ұпай жинаған Аlyona Аlyona мен Jerry Heil дуәті үшінші орынды иеленіп, Украина мерейін асқақтатты.

Nemo 1999 жылы Швейцарияның шағын қаласы Билде...