Жаңалықтар

Қаржы министрлігі Ұлттық қордағы қаражат көлеміне қатысты ай сайынға есебін жариялады. Ақпаратқа сәйкес, Ұлттық қорда қазір 28, 6 трлн теңгеден аса қаражат бар. Наурыз айының соңындағы көрсеткіш бойынша оның көлемі 28,8 трлн теңге болған еді. Бір ай ішінде қор қаражаты 200 млрд теңгеге қысқарған.

Жалпы 2024 жылдың 1 қаңтарында Ұлттық қордағы қаражат көлемі 29,1 трлн (29 111 476 663 8,5) теңге болған еді.

Ал наурыз айында мақсатты трансферттер үшін Ұлттық қордан 411 млрд теңге алынды. Сәуір айында да дәл осындай сомада мақсатты трансферттер бюджетке аударылды.

Жалпы 2024 жылдың басынан бері Ұлттық қордан 1,9 трлн теңге қаражат...

Ресей әскери күштері стратегиялық емес ядролық қаруды қолдану бойынша жаттығулар өткізеді. Бұл туралы Ресей Федерациясының Қорғаныс министрлігі дуйсенбі, 6 мамыр күні мәлімдеді.

Оқу-жаттығуға Оңтүстік әскери округтің зымырандық құрамалары, авиация және Әскери — теңіз күштері қатысады.

Мақсат – «стратегиялық емес ядролық күштердің жауынгерлік міндеттерді орындауға дайындығын арттыру».

Сондай-ақ «стратегиялық емес ядролық қаруды дайындау және қолдануға машықтану», – деп атап өтті Қорғаныс министрлігі.

Ведомствоның мәліметінше, оқу-жаттығу «жекелеген Батыс шенеуніктерінің арандатушылық мәлімдемелері мен қауіптеріне жауап ретінде», сондай-ақ «Ресей Федерациясының аумақтық тұтастығы мен егемендігін саққтап алу» мақсатында өткізіледі.

Ресей Федерациясының президенті Владимир Путин Украинамен болған соғыстың алғашқы күндерінде Ресейдің ядролық күштері жауынгерлік кезекшілікт...

Цифрлық даму, инновациялар және аэроғарыш өнеркәсібі министрлігіне жаңа басшы тағайындалды. Осыған дейін ведомстваны басқарған Бағдат Мусиннің лауазымдық қызметін енді Мәдиев Жаслан атқаратын болады.

 «Мемлекет басшысының Жарлығымен Жаслан Хасенұлы Мәдиев Қазақстан Республикасының Цифрлық даму, инновациялар және аэроғарыш өнеркәсібі министрі лауазымына тағайындалды», – делінген Ақорда таратқан хабарламада.

Жаңа министр туралы не белгілі?

Жаслан Мәдиев 1983 жылы Алматы қаласында дүниеге келген.

Әл-Фараби атындағы Қазақ ұлттық университетін, Колумбия университетін, Массачусетс технологиялық институтын тәмамдаған.  Еңбек жолын 2004 жылы «Альянс Банк» АҚ Халықаралық қатынастар департаментінің Халықаралық қаржы институттарымен жұмыс басқармасының маманы болып бастаған.

2007-2008 жылдары — «Қазына» тұрақты даму қоры...

Қазақстандағы әйелдер мен балалардың қауіпсіздігін қамтамасыз етуге бағытталған AMAN Online стартапы іске қосылды. Бұл қосымшаны App Store дүкенінен жүктеп алуға болады. Алдағы күндері қолданба PlayStore дүкендеріне де шығады.

Бұл стартапты 26 жастағы Аружан Меде әзірлеген. Аружан – табысты edtech стартаптары мен дәстүрлі бизнесті іске қосу тәжірибесі бар технологиялық кәсіпкер. Бұл қосымшаның мақсаты – әйелдер мен балалардың өміріне қауіп төнген жағдайда оларды қорғауға бағытталған. Яғни қолданба тұрмыстық зорлық-зомбылықтан, бейтаныс адамдардың шабуылынан, тонау сынды қауіп-қатерден қорғау үшін пайдаланылмақ.

«Қосымша жасау идеясы Қазақстандағы әйелдер мен балалардың қауіпсіздігінің өткір мәселесінен туындады. Біз күн сайын жаңалықтардан әйелдерге қатысты жасалған зорлық-зомбылықты...

Цифрлық даму министрлігі ақпараттық қауіпсіздік талаптарын бұзған компанияларда тексеріс жүргізіп, кейбіріне 1,8 млн теңге көлемінде айыппұл салған. Бұл жайлы министрліктің баспасөз қызметі хабарлады.

Министрлік әл-Фараби атындағы ҚазҰУ университетінде дербес деректердің тарап кету жағдайын тексерген. Оқу орнының мәліметінше, университетпен шартқа отырған медициналық ұйым қызметкері WhatsApp арқылы құпия құжаттарды таратып жіберген. Қызметкер Excel форматындағы құжатта флюорографиялық зерттеуден өту үшін студенттер тізімін жібергенде, құпия деректер де кетіп қалған.

Ведомство хабарлауынша, Алматы қаласының полиция департаменті Қазақстан Республикасының дербес деректер және оларды қорғау туралы заңнамасының талаптарын бұзу бойынша қылмыстық іс қозғаған. Нәтижесінде университеттің іс-әрекеттері бойынша сараптамалық қорытынды ұсынылған.

Қырғызстан мен Тәжістан билігі өз азаматтарын Ресейге бармауға шақырды. Қазақстан Үкіметі де көршілес елге бармауға кеңес беруі мүмкін бе? Мәскеудегі «Крокус Сити Холл» концерт залындағы терактіден соң, азаматтарға қауіп төніп тұрған жоқ па? Бұл сұрақтарға СІМ ресми өкілі Айбек Смадияров жауап берді.

Айта кетейік, 22 наурызда Ресей астанасы Мәскеудегі «Крокус Сити холл» концерт залында теракт оқиғасы болған еді. Осыдан кейін Тәжікстан азаматтарының Ресейге кіруі қиындады. Тәжікстан Сыртқы істер министрлігі болған жағдайға түсінік берді. Қырғызстанның Сыртқы істер министрлігі де өз азаматтарына Ресейге барудан уақытша бас тартуды ұсынды.

БАҚ өкілі «Қазақстанның Сыртқы істер министрлігі неге үнсіз?» және «Қазақстандықтарға Ресейге бару қиынды...

Ағылшын футбол Лигасының келісімін алғаннан кейін Михаил Ломтадзе «Уиком Уондерерс» (Wycombe Wanderers) ағылшын футбол клубының директорлар кеңесінің мүшесі әрі серіктесі болды. Оның негізінде 3 жылдың ішінде Қазақстан мен Англияда филиалдары бар әлемдік деңгейдегі футбол академиясы құрылады. Қазақстандағы инвестициялардың жалпы мөлшері 10 миллиард теңгеден асып жығылады.

Михаил Ломтадзе былайша түсіндіріп өтті:

«Қазақстан мен Англияда әлемдік деңгейдегі кәсіби балалар футбол академиясын құру менің жеке үлкен арманым еді, онда ең үздік әрі талантты жас футболшылар мен болашақ жұлдыздар тәрбиеленеді. Академияда оқу толығымен тегін болады, жас спортшылар еліміздегі және футболдың отаны – Англиядағы ең үздік жаттықтырушылардан оқып-үйренуге мүмкіндік алады.
Футбол...

«Қазпошта» 2023 жылғы таза пайдасының 1,5 млрд теңге дивиденд төлейді. Бұл жайлы компанияның баспасөз қызметі хабарлады.

«Қазпошта» АҚ 2023 жылға таза пайданың 62,5% мөлшерінде дивидендтер төлейді. Бұл компания акционерлері жалпы сомасы 1,5 млрд теңге дивиденд алады дегенді білдіреді»,- делінген баспасөз хабарламасында.

Баспасөз қызметінің хабарлауынша бұл компания тарихындағы айтулы оқиға. Себебі, «Қазпошта» пандемиядан кейін алғаш рет пайдаға шығып, қомақты дивидендтер төлемек.

Айта кетейік компанияның жалғыз акционері – «Самұрық-Қазына» қоры.

2023 жылдың қызмет нәтижелері бойынша компанияның кірісі 85,9 млрд теңгені құраған. Жоспар 4,2 млрд теңгеге артығымен орындалып, компания рекордтық көрсеткіштерге қол жеткізген. Компания хабарлауынша...

10 мамырда Алматыда Әзербайжан мен Арменияның сыртқы саяси ведомстволарының басшылары келіссөздер жүргізеді.

«Бұған дейін қол жеткізілген уағдаластықтарға сәйкес Әзербайжан мен Арменияның сыртқы саяси ведомстволарының басшылары арасындағы келіссөздер Алматыда 2024 жылғы 10 мамырда өтеді», – деді Астанада өткен баспасөз жиынында Қазақстан сыртқы істер министрлігінің ресми өкілі Айбек Смадияров.

Армения үкіметі Қазақстан президенті Қасым-Жомарт Тоқаевтың Әзірбайжанмен келіссөздер жүргізу туралы ұсынысын қарастырып жатқаны белгілі болған.

Осыған дейін ресми Баку Әзірбайжан мен Армения СІМ басшыларының Қазақстандағы кездесуіне өз келісімін берген. 

Еске сала кетсек, бұған дейін Армения премьер-министрі Никол Пашинян Армения мен Әзербайжан арасында бейбітшілік орнағанын қаламайтындар бар екені жасырын...

Қазақстандықтар енді Вьетнамда 90 күнге дейін визасыз жүре алады. Екі ел визасыз келісімге қол қойды.

«2023 жылғы 21 тамызда Ханой қаласында (Вьетнам) қол қойылған Қазақстан Республикасының Үкіметі мен Вьетнам Социалистік Республикасының Үкіметі арасындағы ұлттық паспорт иелерін визалық талаптардан босату туралы келісім 2024 жылғы 25 мамырдан бастап күшіне енеді», – деді СІМ ресми өкілі Айбек Смадияров брифинг барысында.

Келісім екі елдің азаматтары – ұлттық паспорттардың иелері үшін визалық талаптардың күшін жоюды көздейді.

 «Екі елдің азаматтары Қазақстан немесе Вьетнамға кірген күннен бастап күнтізбелік 30 (отыз) күн, ал 6 айдың ішінде жалпы алғанда...

Forbes журналы жыл сайынғы дәулетті қазақстандықтар тізімін жариялады. Вячеслав Ким мен Владимир Ким өзара орын ауыстырған.

Ақпаратқа сүйенсек, 2024 жылы Forbes Kazakhstan рейтиңіндегі адамдар саны өсті. Енді топ-50 орнына ең дәулетті 75 кәсіпкердің тізімі жарияланады.

Жаңартылған рейтиңгтегі үздік 10 кәсіпкері:

Рейтиңде бірнеше адам...

Әлемде алтынның бағасы өсіп, ең жоғары көрсеткіш көрсеткен. Бұған Қытай инвесторларының жаппай алтын сатып ала бастауы себеп болған. Сарапшылар пікірінше, инвесторлардың жылжымайтын мүлік пен акцияларға сенімі азайған. Бұл жайлы The New York Times басылымы жазған.

Негізінен алтын бағасының өсуіне геосаяси жағдай әсер еткен. Өйткені экономикалық күйзеліс кезінде алтын қауіпсіз инвестиция ретінде қарастырылады. Солайша бұл метелл бағасының күрт қымбаттауына Ресейдің Украинаға басып кіруі мен Газа секторындағы соғыс өз әсерін тигіізген.

Дегенмен алтын бағасының шарықтау шегіне дейін жетіп, бір унциясы 2400 доллардан жоғары деңгейге көтерілуіне Қытай инвесторлары себепші. Сарапшылардың пайымдауынша, бұл елде жылжымайтын мүлік немесе акциялар сынды дәстүрлі инвестицияларға...

Салтанат Нүкенованың өліміне қатысты істе айыпталып отырған бұрынғы ұлттық экономика министрі Қуандық Бишімбаев пен оның туысы Бақытжан Байжанов соттағы соңғы сөзін айтты.

«Менің сол түнгі әрекеттерім мен жақсы көретін адамның өліміне, оның ата-анасының, отбасының, достарының қасіретіне себеп болды. Мен тағы да олардан кешірім сұраймын», – деп бастады сөзін Бишімбаев.

Ол өз ата-анасы мен балаларынан кешірім сұрап, бұл іске тек өзінің кінәлі екенін айтты.

«Мен ешкімге өлім тілеген емеспін. Сол кеште де жұбайыма өлім тілеген жоқпын. Іс бұлай аяқталады деп ойламадым. Мен кінәлімін, бірақ қасақана адам өлімінде емес. Өзім ұсталған кезден бастап...

Президент Қасым-Жомарт Тоқаев Костенко шахтасындағы өрттің алдын алып, адамдарды эвакуациялауға көмектескен «Qarmet» кеншісін «Еңбек Даңқы» орденімен марапаттады.

«Мемлекет басшысының Жарлығымен жанкешті және жемісті еңбегі үшін «Qarmet» акционерлік қоғамының Костенко атындағы шахтасының жерасты учаскесінің электр слесарі Айбар Бекболатұы Қосанов ІІІ дәрежелі «Еңбек Даңқы» орденімен наградталды», – делінген хабарламада.

Айта кетейік, 2 мамырда Қарағандыда Костенко атындағы шахтада конвейер кен орнынада түтін шыққаны туралы хабарлады. Бірақ шахтада ақау дер кезінде жойылып, жұмысшылар өрттен аман қалған.

ТЖМ хабарлауынша, конвейер трассасының электр слесарі Айбар Қосанов алғашқы өрт сөндіру құралдарының көмегімен өрт ұшқынын жойған. Шахтер оқиға туралы хабарлаған кезде басқару...

Азаматтық авиация комитеті Астана халықаралық әуежайының ұшу-қону жолағын күрделі жөндеуге байланысты мәлімдеме жасады. Комитет әлеуметтік желілерде таралған күрделі жөндеудің болмайтындығы туралы ақпараттың шындыққа жанаспайтынын хабарлады.

«Әлеуметтік желілердегі жеке парақшаларда пайда болған күрделі жөндеудің болмайтындығы туралы ақпараттың БАҚ-та таралуына байланысты елорда әуежайы бұл ақпараттың шындыққа жанаспайтынын хабарлайды. 1 мамырдан бастап Астана қаласының әуежайында бас мердігерімен бірлесіп ұшу-қону жолағында күрделі жөндеу жұмыстарын жүргізу бойынша іс-шаралар басталды»,  – делінген баспасөз хабарламасында.

Айлақта асфальтбетон жұмыстарын жүргізу үшін бас мердігер Астана, Ақтөбе, Шымкент, Қызылорда, Тараз, Талдықорған, Орал және Петропавл қалаларының әуежайларында әуеайлақ жабындарын қайта жаңартуда тәжірибесі бар компаниянын...

Мұнай бағасы бір апталық құлдыраудан кейін қайта өсті. Себебі Сауд Арабиясы үшінші ай қатарынан сату бағасын көтерген. 

Bloomberg ақпаратына сүйенсек, бұл алда болатын ОПЕК+ отырысында мұнай тасымалдауды тағы қысқарту мәселесін талқылауға мүмкіндік береді. 

Brent маркалы мұнайдың бағасы барреліне 83 доллардан жоғары көтерілді. West Texas Intermediate бағасы шамамен 78 долларды құрады. Saudi Aramco өзінің флагмандық Arab Light сортының ресми сату бағасын барреліне бұрынғы 90 центтен, 2,90 долларға дейін көтерді. Осыған дейін мамандар бұл марка мамырға қарай 60 центке қымбаттайды деп болжаған.

Өткен аптада мұнай арзандаған. Оған Таяу Шығыстағы Иран мен Израиль  қақтығысы әсер еткен. ОПЕК пен оның одақтастары келесі айдың екінш...

Kaspi.kz компаниялар басқарма төрағасы, қазақстандық миллиардер Михаил Ломтадзе ағылшын футбол клубын сатып алды.

BBC ақпаратына сүйенсек, Wikomb Wonderers ағылшын футбол клубын Ломтадзеге тиесілі Blue Ocean Partners Ltd компаниясы сатып алған. Осы маусымда ағылшын бірінші лигасында 10-орынға ие болған клубтың 90% можаритарлы акциясы енді Ломтадзе компаниясына тиесілі.

«Біздің мақсатымыз – қаржылық тұрақты клуб құру кезінде алаңда да, одан тыс жерлерде де ұзақ мерзімді табысқа жету. Футбол әлемі өте жылдам дамып келеді және біздің басымдылығымыз клубтың тиімділігін келесі деңгейге көтеру үшін деректер аналитикасы мен технологияларын біріктіру болады», – дейді қазақстандық миллиардер.

Ломтадзенің клубты қанша қаржыға сатып...

6 мамырда елдегі ауа райы құбылмалы болмақ. Найзағай жарқылдап, күн бұлттанады.  Түнде елдің шығысында, оңтүстігінде және оңтүстік-шығысында қатты жаңбыр жауады. Тек солтүстікте және елдің орталығында жауын-шашын болмайды.

Республика бойынша жел күшейеді. Оңтүстікте, оңтүстік-шығыста дауыл соқса, оңтүстік-шығыс жақта бұршақ жауады. Солтүстік-батыста, оңтүстікте, орталықта тұман түседі.

Ақмола, Солтүстік Қазақстан, Қостанай облыстарында түнде 1-ден 6 градусқа дейін үсік жүреді. Ақтөбе облысының солтүстігінде ауа райы суық болмақ. Павлодар, Қарағанды облыстарының батысында, солтүстігінде 3 градус үсік күтіледі.

Маңғыстау облысының басым бөлігінде, Атырау облысының батысында, солтүстігінде, шығысында, Қарағанды облысының батысында, оңтүстігінде, орталығында, Ұлытау облысының шығысында, орталығында, Қызылорда облысының батысында, Ақтөбе облысының оңтүстік-батысында өрт қаупі күшті болмақ.

Жұма күні америкалық қор индекстері еңбек нарығының деректері бойынша айтарлықтай өсті. Қазақстан қаржыгерлер қауымдастығы болжамын назарға ұсынамыз.

Валюта нарығы

Елімізде ұзақ демалыс қарсаңында USDKZT бағамы аздап өсті. Бір доллар 444,10 теңгеге (+0,73 теңге) бағаланды. Бір жағынан, нарық ойыншылары Ұлттық қордан шетел валютасын сату көлемінің қысқарғаны (сәуірдегі 1,1 млрд доллардан мамырдағы 0,8 млрд долларға дейін), мұнай бағасының түзетілгені, сондай-ақ инфляцияның базалық мөлшерлеменің одан әрі төмендеуіне ықпал етуі мүмкін екені туралы деректерді ескерген болуы мүмкін. Екінші жағынан, доллар бағамының ағымдағы деңгейлері орта мерзімді сатып алулар үшін тартымды болуы мүмкін.

Ақша нарығы

Теңге өтімділігіне сұраныстың төмендеуі және оны...

Бүгінгі таңда Қазақстанның барлық өңірі мен Астана, Алматы және Шымкент қалаларында ардагерлерге төлем жасалды. Аталған мақсаттарға жергілікті бюджеттерден барлығы ҰОС ардагерлеріне 187 млн теңге бөлінді. Бұл жөнінде Ақорда баспасөз қызметі хабарлады.

Әлеуметтік көмек көрсетудің қолданыстағы қағидаларына сәйкес 9 мамырға орай берілетін біржолғы төлемдер мөлшері жергілікті бюджеттердің мүмкіндігіне және мәслихаттардың шешімдеріне байланысты әр облыста дербес белгіленеді.

ҚР Еңбек және халықты әлеуметтік қорғау министрлігінің ұсынысы бойынша кейінгі жылдары көптеген облыстарда ардагерлерге төлемдер бірыңғай мөлшерде төленеді.

Мәселен, биыл республика бойынша біржолғы әлеуметтік көмектің орташа мөлшері 1,5 млн теңгені құрады. Бұл ретте көптеген өңірлерде орташа мөлшерден жоғары сома төленді: Ақмола облысында...

Жайық өзеніндегі судың көтерілуіне байланысты Орал қаласы мен оның маңындағы аудандар тасқын кезеңін аман-есен өткерді. Облыс орталығында өзен саябырсып, су деңгейі 791 сантиметрге дейін төмендеді.

Су ресурстары министрлігінің мәліметінше, облыстағы төрт ірі қойма 91%-ға толды.  Жайық-Көшім суландыру жүйесіне 400 млн текше метр су жіберілген.

Қазіргі уақытта Жайық суы Батыс Қазақстан облысының Ақжайық ауданындағы сай-салаларды толтыруда. 5 мамырдағы көрсеткіш бойынша Тайпақ ауылындағы гидробекет өзен деңгейінің 9 метрден асып кеткенін көрсеткен. Қауіпті деңгей 850 метр деп есептелінген.

Жайық бойында Ақжайық ауданына қарасты 35 ауыл бар. Ауылдарды су басқаны туралы ресми ақпарат жарияланған жоқ.

Өзен бойындағы мол су ағынына Атырау облысы да дайындалуда. Облыста...

Еліміздегі жылу-электр орталықтарының сапасы сын көтермейді. Жыл сайын қыс кезінде бірнеше қаладағы ЖЭО-ларда апат болады. Қазақстанда жалпы жылу-электр орталықтарының 60%-ы тозған. Орал, Степногороск, Тараз, Қызылорда, Кентау қалаларындағы нысандар жабдықтарының 80%-ы ескірген.

Үкімет Көкшетаудағы №1 және №2 аудандық қазандықтарды жөндеуді қолға алмақ. Биыл Ақмола облысының бюджетіне ағымдағы нысаналы трансферттер түрінде 816 млн теңгеден астам қаражат аударылады. ҚР Премьер-Министрі Олжас Бектенов Үкімет резервінен қаражат бөлу туралы қаулыға қол қойды.

Осы қаражатқа қазандықтардың конвективті бөліктің пакеттерін және қазандық агрегаттарын жөндеу, сондай-ақ қыздыру беттерін және шикі көмір бункерлерін ауыстыру жоспарланған.

Үкімет сайтындағы мәлімет бойынша, Көкшетауда қаланың жылу және электр қуатына деген сұранысты толы...

Сәуір айында ұлттық валюта бағамы 1,1%-ға, яғни 1 доллар үшін 446,9 теңгеден 442,05 теңгеге дейін нығайды. Қазақстан қор биржасындағы орташа күндік сауда-саттық көлемі бір айда 225 млн доллардан 234 млн долларға дейін жеткен. Жалпы сауда-саттық көлемі 1 млрд долларды құрады. Биржада валютаға сұраныс артқан сайын төл валюта бірден нығайды. Сарапшылардың бір бөлігі  мұны Ұлттық қордан сатылған валютамен байланыстырса, тағы бірі сыртқы факторлардың әсеріне балады.

Мамырда бағам қалай құбылады?

4 сәуір Қазақстан қор биржасындағы (KASE) сауда-саттықта теңгенің АҚШ долларына шаққандағы орташа сараланған бағамы жұмамен салыстырғанда 0,6%-ға (2,48 теңгеге) нығайып, 441,66 теңгені құрады. Жұма, 4 мамырда, орташа сараланған бағам 1 долларға...

Президент Пасха мерекесінің ерекшелігін атап өтіп, мейірімділік пен ізгілік жаршысы екенін алға тартты.

«Құрметті еліміздің православ қауымы! Баршаңызды Пасха мерекесімен құттықтаймын! Бұл мейрам – мейірімділік пен ізгіліктің көрінісі. Мереке  кезінде діндар қауым зор қуанышқа кенеледі, болашағы жарқын боларына сенімі артады. Жалпыұлттық мәдени кодымызбен берік сабақтасып жатқан Пасха дәстүрлері жұртты жасампаздыққа жетелейді. Сондай-ақ мұқтаж адамдарға көмектесуге, жақын жандарға жанашырлық танытуға шақырады», – деді Президент.

Қасым-Жомарт Тоқаев ынтымақ пен бірліктің ең басты құндылық екенін айтты.

«Православ қауымы қоғамда өзара түсіністік пен келісімді сақтауға, бірлік және тілеулестік сияқты басты құндылықтарды орнықтыруға зор үлес қосып келеді. Біз халқымыздың қайсарлығы мен ынтымағының арқасында барлы...