Жаңалықтар

Бұл туралы өңір басшысы Асайын Байхановтың «Fonet Er-Tai Mining» ЖШС компаниялар тобының басшылығымен кездесуі барысында белгілі болды. Мыс концентратын алу бойынша тау-кен кәсіпорнының байыту фабрикасы Екібастұз қаласының маңындағы Академик Марғұлан атындағы ауылдың жанында орналасқан.

Қазіргі уақытта аталған компания «Коджанчад кен көріністері тобының» кен орындарынан катодты мыс өндіретін гидрометаллургиялық зауыт салуды бастады. Бұл ірі инвестициялық жоба болып есептеледі.

Оған салынған қаржы көлемі 9,4 млрд теңгені құрайды. Зауыт жылына 5000 тонна катодты мыс шығарады. Сонымен қатар 300 жұмыс орны ашылады деп жоспарланған.

Инвестициялық жоба 2024-2026 жылдары аралығында іске асырылады. Сондай-ақ Павлодар облысында «KEGOC» АҚ электр қуатымен қамтамасыз ететін желілер мәселесі талқыланды.

ҚР Премьер-Министрі Олжас Бектенов депутаттардың сауалына берген жауабында акцизді енгізбеу туралы шешімді түсіндірді. Үкімет басшысының жауабы Парламент Сенатының ресми сайтында жарияланды.

Бұл ретте ол Ұлттық экономика министрлігі жанындағы экономикалық зерттеулер институты жүргізген талдаудың деректерін келтірген.

«Алкогольсіз сусындар мен шырын өндірушілерінің қауымдастығы ұсынған ақпаратқа сүйенсек, қант қосылған сусындарға акциз енгізген жағдайда сусын өндірісі 26,4%-ға төмендейді. Осылайша жоғарыдағы тәуекелдерді ескере отырып, жаңа Салық кодексінің жобасы аясында қант қосылған сусындарға акциз енгізу жоспарланып отырған жоқ», – деп жазылған Үкімет басшысының жауабында.

Еске сала кетсек, бұған дейін Денсаулық сақтау министрлігі құрамында қанты көп сусындарға қосымша салық салу ұсынысынан...

2024 жылғы 1 мамырдан бастап еліміздің барлық әуежайында авиациялық қауіпсіздік шаралары күшейтілді. Бұл туралы Азаматтық авиация комитеті хабарлады.

Авиациялық қауіпсіздік шараларын күшейтуге сәйкес, нысан маңындағы алаңдарда, паркингтерде және жолаушылар терминалдарында қосымша тексеріс шаралары қабылданды.

Жолаушылар терминалдарына кіре берістегі 5 тексеру желісі іске қосылды. Бұл тыйым салынған заттардың тасымалдануына жол бермеу үшін жасалған.

«Авиациялық қауіпсіздік шараларын күшейту және азаматтық авиацияның әуе көлігі инфрақұрылымының авиациялық қауіпсіздік жағдайын бағалаумен байланысты. Бұл іс-шаралар заңсыз араласу актілерін болдырмау үшін әуежайлардың пайдалану қызметтерінің мемлекеттік органдармен өзара іс-қимылын және қауіпсіздік деңгейін анықтау мақсатында жыл сайын жоспарлы түрде жүргізіледі», – деп хабарлады...

Мемлекет басшысы Қасым-Жомарт Тоқаев ел азаматтарын Қазақстан халқының бірлігі күнімен құттықтады.

«Қадірлі отандастар! Қазақстан халқының бірлігі күні құтты болсын! Бұл – татулық пен тыныштықтың, тұрақтылық пен бейбітшіліктің символы саналатын мерейлі мереке. Қазақ жерін мекен еткен сан алуан этностың мәдениеті, діні мен дәстүрі өзара үндесіп, бірегей өркениетке айналды. Бүгінде еліміздің барша азаматтары біртұтас ұлт болып Әділетті Қазақстанды құрып жатыр. Ырысты ынтымақтың арқасында халқымыздың қуаты арта түседі. Сондықтан біз бірлігімізді нығайтуға бар күш-жігерімізді жұмылдыруымыз керек. Бұл – әрбір азаматтың мәртебелі міндеті әрі перзенттік парызы», – деді Президент.

Бұл ретте ол республикада болып жатқан су тасқынын атап өтті. Оның айтуынша, ел...

Ермек Сағымбаев елімізде террористік және экстремистік әрекеттерге жол бермеу жұмыстарының күшейтілгені жөнінде айтты. Жыл басынан бері ҰҚК материалдары бойынша терроризм мен экстремизмге қатысы болғаны үшін 25 адам сотталды. Сотқа дейінгі тергеу амалдары аясында тағы 13 адам ұсталды.

ҰҚК Ішкі істер министрлігімен бірлесіп, 6 қылмыстық топтың әрекетіне тосқауыл қойды және 35 адамды тұтқындады. Заңсыз айналымнан 148 қару, қолдан жасалған 5 жарылғыш құрал, 32 граната және 4431 оқ-дәрі тәркіленді.

Есірткі бизнесіне қарсы күрес аясында 16 операция жүргізілді. Есірткі тасымалдайтын 18 халықаралық және 9 өңірлік арна, сондай-ақ 10 есірткі зертханасы жойылды. 800 келіден астам есірткі және психотроптық заттар, 14 тонна химиялық реагенттер...

Қасым-Жомарт Тоқаев Цифрлық даму, инновациялар және аэроғарыш өнеркәсібі министрі Бағдат Мусинді қызметінен босатты.

Бағдат Мусин мемлекет басшысына алғыс айтып, цифрлық даму саласында көптеген іс атқарылғанын атап өтті.

«Менің отставкаға кеткенім туралы соңғы жаңалықты естіген шығарсыздар. Бірінші кезекте еліміздегі маңызды саланың бірі – цифрландыру саласын басқаруды сеніп тапсырған және мүмкіндік берген Мемлекет басшысына алғыс айтқым келеді. 3 жыл ішінде көп нәрсе жасалды және әлі де жасала бермек. Бүгінгі таңда Қазақстан әлемдегі ең дамыған цифрлы елдердің бірі деп айтуға негіз көп. Бұл алдымен кәсіпқойлар жиналған үлкен команданың еңбегі, біз олармен бірге өсіп, қатар келген қиындықтарды да, үлкен...

Қазақстан мен Қытай шекарасында адамдар мен көліктерді, жүктерді өткізу уақытша тоқтатылады.

«Қазақстан мен Қытай Үкіметтері арасындағы Келісімге сәйкес 2024 жылғы 1, 7 және 9 мамырда «Қорғас» шекара маңы ынтымақтастығы халықаралық орталығы мен теміржол өткізу пункттерін қоспағанда, Қазақстан-Қытай шекарасындағы автомобиль өткізу пунктерінде адамдарды, көлік құралдары мен жүктерді өткізу уақытша тоқтатылатын болады»,  – делінген ҰҚК шекара қызметі баспасөз қызметінің хабарламасында.

Қазақ-өзбек шекарасында жүргізіліп жатқан реконструкцияға байланысты «Қапланбек» өткізу пункті жабылды. «Тәжен», «Атамекен» және «Қазығұрт» өткізу пункттерінде адамдар мен көлік құралдарының қозғалысы шектелді. Ресей, Қырғыз және Түркімен бағыттарындағы өткізу пунктері штаттық режимде жұмыс істейді.

Биылғы су тасқынына Қазақстан гирдрожүйесі төтеп бере алмады. Бөгеттер мен дамбалар бұзылды, автожолдарды су шайып кетті, тұрғындардың біразы баспанасыз қалды.

Қазақстанда  «Қазгидрогеология» ұлттық гидрогеологиялық қызметі құрылды. Үкіметтің тиісті қаулысына ҚР Премьер-Министрі Олжас Бектенов қол қойды.

Жаңа мекеме жер асты суларының кен орындары мен учаскелерін, су жинағыш гидрогеологиялық ұңғымаларды толық есепке алады.

Соның нәтижесінде мемлекеттік меншікке енгізілген 4300-ден астам жер асты суы кен орындары мен учаскелерін қамтитын ауқымды деректер базасы құрылуға тиіс.

«Қазгидрогеология» жер асты сулары мониторингінің автоматтандырылған жүйесін енгізе отырып, гидрогеологиялық саланы кешенді цифрландырумен айналысады.

Қазақстанның су тапшылығы бар өңірлерінде жер асты су ресурстарының көлемін ұлғайту үшін іздестіру–барлау...

Сот Талдықорған полициясының бұрынғы бастығы Марат Көштібаевты 11 жылға бас бостандығынан айырды. Ол қызметтік міндеттерін орындау кезінде адам зорлағаны үшін кінәлі деп танылды.

Жетісу облыстық сотының ақпаратына сүйенсек, Марат Көштібаевқа 2023 жылғы 12 қарашада қызметтік міндеттерін атқару кезінде жәбірленушіні полиция ғимаратындағы өз кабинетінде зорлады деп айып тағылған. 

Прокурор оған ұсынылған бап бойынша ең көп жаза мерзімін — 12 жыл тағайындауды сұрады. 

«Сот үкімімен Көштібаев кінәлі деп танылып, оған 10 жыл мерзімге мемлекеттік қызмет атқару құқығынан айыра отырып, 11 жыл мерзімге бас бостандығынан айыру жазасы тағайындалды», — делінген хабарламада. 

Сондай-ақ сот Көштібаевты «полиция полковнигі» шені мен...

Қазақстан Республикасы Бәсекелестікті қорғау және дамыту агенттігінің Атырау облысы бойынша департаменті «Сұйытылған мұнай газын сақтау паркі» ЖШС қызметіне тергеу жүргізді. Нәтижесінде компанияның нарықтағы үстем жағдайды теріс пайдалағаны анықталған.

«Монополиялық жоғары бағаларды белгілеу арқылы сұйытылған мұнай газы нарығындағы үстем жағдайды теріс пайдаланудан тұратын бәсекелестікті қорғау туралы Заңнаманы бұзу анықталды. Атырау қаласының әкімшілік құқық бұзушылық жөніндегі мамандандырылған соты 2024 жылғы 5 наурыздағы шешімімен Серіктестікті әкімшілік жауапкершілікке тартты», – деп хабарлады Бәсекелестікті қорғау және дамыту агенттігі.

Осылайша ЖШС-ге 955 млн теңгеден астам көлемде монополиялық табыс тәркіленді және 162 млн теңге сомасында әкімшілік айыппұл салынды.

Атырау облыстық сотының қылмыстық істер...

Президент Қасым-Жомарт Тоқаев Цифрлық даму, инновациялар және аэроғарыш өнеркәсібі министрі Бағдат Мусинді қызметінен босатты.

«Мемлекет басшысының Жарлығымен Бағдат Батырбекұлы Мусин Қазақстан Республикасының Цифрлық даму, инновациялар және аэроғарыш өнеркәсібі министрі лауазымынан босатылды», – делінген Ақорда хабарламасында.

Айта кетейік, Бағдат Мусин Цифрлық даму министрлігін 2020 жылдың қыркүйегінен бастап басқарған. Оған дейін осы министрдің орынбасары, президенттің цифрландыру және инновациялық технологиялар жөніндегі кеңесшісі қызметтерін атқарған.

2023 желтоқсан айында Цифрлық даму инновациялар және аэроғарыш өнеркәсібі министрі Бағдат Мусиннің министр қызметінен кетіп, «Қазақтелеком» компаниясына қызметке ауысуы мүмкін екендігін туралы ақпарат тараған. Ақпаратты министрліктің баспасөз хатшысы жоққа шығарған.

Air Astana акционерлік қоғамы 2024 жылдың бірінші тоқсанын қорытындылап, қаржылық есебін жариялады.  

Құжатқа сүйенсек компания түсімі мен өзге де кірісі өткен жылдың осы кезеңімен салыстырғанда 13,3% -ға өсіп, 264,7 млн долларды құрады. EBITDAR көрсеткіші өткен жылдың осы кезеңімен салыстырғанда 6,9% өсіп, 50,0 млн долларға жетті. Жолаушы километріне шаққандағы кіріс (RPK) өткен жылдың сәйкес кезеңімен салыстырғанда 13,5% -ға өсіп, 3,4 млрд долларды құрады.  

Тасымалданған жолаушылардың жалпы саны өткен жылдың осы кезеңімен салыстырғанда 18,5% -ға өсіп, 1,9 млн адам болды. Шекті жолаушыкилометр (ШЖКМ) көрсеткіші өткен жылдың осы кезеңімен салыстырғанда 15,2%-ға өсті. Мұнда Air Astana-үлесі 8,5%, FlyArystan үлесі 35,1%-ды құрады.

Қазақстанда мектеп бітіруші түлектер үшін 25 мамырда «Соңғы қоңырау» соғылатын болды. Бұл туралы Оқу-ағарту министрі Ғани Бейсембаев айтты.

«Еліміздегі 186 мың мектеп бітіруші үшін оқу жылының аяқталуына арналған «Соңғы қоңырау» іс-шарасын 25 мамырда өткізуді тапсырамын», – деді министр.

Министр түлектердің «Соңғы қоңырау» шарасын жоғары мәдениеттілікпен, ысырапшылдықсыз, даңғазалықсыз, рухани-адамгершілік деңгейінде өткізетіндеріне сенім білдірді. 

«Оқу жылын аяқтауды сапалы ұйымдастыру және қауіпсіздік шараларын сақтау бойынша өңірлік білім басқармаларының басшыларына дербес жауапкершілік жүктеймін», – деді министр.

Бұдан бөлек, ол 2023-2024 оқу жылы 25 мамырда аяқталатынын қатаң ескертіп, оқу бағдарламаларын жыл бойына табысты меңгерген 3,8 миллионнан астам оқушыны келесі сыныпқа...

Денсаулық сақтау министрі Ақмарал Әлназарова депутаттардың шылым шегетіндер мен ішімдік ішетіндер МӘМС-ке көбірек төлеуі керек деген ұсынысына қатысты жауап берді.

Министр әлеуметтік медициналық сақтандыру қорының жұмысы президенттің, парламент және қоғам тарапынан үнемі сынға ұшырайтынын айтты.

«Қазақстандық сақтандыру моделі міндетті әлеуметтік сипатқа ие. Барлығы белгіленген тариф бойынша төлейді. Ал денсаулығынан айырылу қаупі бар адамдар көмек алады. Осылайша, міндетті медициналық сақтандырудың қазақстандық моделі әлемдік әлеуметтік медициналық жүйелердің жалпыға бірдей қабылданған қағидатын жүзеге асырады: «Бай кедейге төлейді, сау адам ауруға төлейді», – деді министр.

Оның айтуынша, қолданыстағы МӘМС жүйесі барлық сақтандырылған адамның жарна мөлшеріне қарамастан, медицина қызметтері пакетін бірдей қолжетімді етеді. Ал көмек...

Қаржы нарығын реттеу және дамыту агенттігі  банктер мен микроқаржы ұйымдарымен бірлесіп, зардап шеккен азаматтар мен бизнес субъектілеріне кредиттерді өтеуді кейінге қалдыру жөніндегі шараларды қолға алды.

Кредиттер бойынша төлем мерзімін кейінге қалдыру мүмкіндігі жергілікті атқарушы органдардың тізімдеріне сәйкес су тасқынынан зардап шеккендерге жатқызылған азаматтарға, шағын және орта бизнес субъектілеріне беріледі. Сондай-ақ азаматтар банктер мен МҚҰ-ға кредиттерді қайта құрылымдауға өтініштерді дербес түрде қашықтан бере алады.

«Бүгінгі күні төлем мерзімін кейінге қалдыру 49,6 млрд теңге сомасына кредиттері бар зардап шеккен 66,4 мың азаматқа берілді», – деп хабарлады Агенттік.

Бизнес субъектілеріне қатысты банктер мен МҚҰ су тасқынының қарыз алушының қаржылық және шаруашылы...

«ҚазТрансГаз Аймақ» акционерлік қоғамының тұтынушыларына компания филиалдары негізсіз есептеген 1,2 млрд теңге қайтарылады.

«Ұлттық экономика министрлігі Табиғи монополияларды реттеу комитеті және оның аумақтық бөлімшелері Бас прокуратурасы талабының шеңберінде  «ҚазТрансГаз Аймақ» АҚ-ның өндірістік филиалдарына қатысты бірқатар өңірлерде жоспардан тыс тексерулер жүргізді», – делінген комитет хабарламасында.

Тексеру нәтижесінде «ҚазТрансГаз Аймақ» филиалдарының қызметіне жатпайтын қосымша талаптарды белгілеу бойынша кесу, пломбалау және газды бастапқы іске қосу қызметтері үшін тұтынушылардан ақы алған. Осы қызметтер үшін негізсіз есептеулер сомасы шамамен 1,2 млрд теңгені құраған.

Алайда комитет «ҚазТрансГаз Аймақ» филиалдарына қатысты жол берілген бұзушылықтар үшін жалпы сомасы 79 536 471 теңге көлемінде әкімшілік істер қозғаған.

Еске сала кетейік, Павлодар облысында ұйымдасқан қылмыстық топ мүшелері материалдық сыйақы...

2024 жылғы наурызда екінші деңгейлі банктер экономикаға берген несиелер 0,9%-ға 28,7 трлн теңгеге дейін артты. Оның ішінде ұлттық валютадағы кредит 0,8%-ға 26,5 трлн теңгеге дейін, шетел валютасында 2,1%-ға 2,2 трлн теңгеге дейін ұлғайды. Нәтижесінде кредиттердің теңгедегі үлесі 2024 жылғы 1 сәуірдегі жағдай бойынша 92,3%-ды құрады. Бұл туралы Қаржы нарығын реттеу және дамыту агенттігінің 2024 жылғы наурыздағы шолуында жазылған.

Бизнеске берілген несие көлемі 0,3%-ға қысқарды

Бизнес субъектілеріне берілетін кредиттер 2024 жылғы наурызда 0,3%-ға 11,1 трлн теңгеге дейін азайды. 2024 жылдың басынан бері көрсеткіш 0,9%-ға төмендеді. Олардың құрылымында заңды тұлғаларға берілетін кредиттер 0,9%-ға 9,5 трлн теңгеге дейін азайды. Жыл басынан бері көрсеткіш 2,3%-ға төмендеді.

Оның ішінде ШОБ субъектілеріне қарыздар 1,2%-ға 5,5 трлн теңгеге, ір...

Компания бәсекеге қабілетті болуы үшін технология саласындағы трендтерді біліп отыру керек. Себебі жаңаша прогрестерді дер кезінде біліп, өндіріске енгізіп отырса, стартаперлер, компания басшылары мен инвесторлар қабылдайтын шешімдеріне нендей тенденциялар әсер ететінін жақсырақ түсіне алады. 2024 жылы қандай басты технологиялық және бизнес-трендтер болатынын шолып шығайық.

Дженератив жасанды интеллект

Мұның басты тренд екені айтпаса да белгілі. 2025 жылға қарай AI барлық деректің 10 пайызын генерациялайтын болады деген болжам бар. Бұл дегеніміз биыл жасанды интеллект тіпті қарқынды жұмыс істейтінін білдіреді. Мысалы Nvidia компаниясының табысына қарап, инвесторлар дженератив жасанды интеллектіге ерекше назар аудара бастады. Ал компания акциялары демде аспандап кетті. Жалпы...

ERG компанияcының еншілес мекемесі Павлодар қаласының саябағында заңсыз 2 көппәтерлі тұрғын үй құрылысын бастамақ болған. Бұл жайлы Павлодар облысының прокуратурасы хабарлады.

«Ауданы 1,2 га «Металлургтер» саябағының жер учаскелері жер және сәулет заңнамасын бұза отырып, Eurasian Resources Group компанияларының бірі – «Қазақстан алюминийі» АҚ-ға тікелей бөлінген»,- делінген хабарламада.

Қадағалау актісі бойынша заңсыз рұқсат беру құжаттарының күші жойылған. Ал заңсыз алынған жер учаскелері мемлекетке қайтарылып, саябақ аумағы қалпына келтірілген. Ал кінәлі лауазымды тұлғалар қызметінен босатылған.

Айта кетейік ERG – феррохром және кобальт өндірісі бойынша әлемдік көшбасшы компания. Сондай-ақ Еуразия аймағындағы темір рудасы мен алюминий өнімінің ірі жеткізушілерд...

Қаратау уран кенішін жаңғырту кезінде ақша жымқырды деген күдікпен халықаралық іздеу жарияланған Бақтияр Байсейітов әлі табылмады. Қайрат Сатыбалдыұлының қайын атасы бір жарым жылдан бері іздестіріліп жатыр.

Антикор мәліметінше, «Iri building» ЖШС Бақтияр Байсейітовтің бақылауындағы компания. Байсейітов Сатыбалдымен туыстық байланысын қолдана отырып, өз компаниясының «мүдделерін алға жылжытқан». 2019 жылы мердігер «Қаратау» ЖШС кеніші бойынша жалпы құны 6,2 млрд теңгеге құрылыс жұмыстарына шарт жасасқан.

 «Байсейітов Б., «Iri building» ЖШС-нің қызметін тікелей қадағалап, нысан құрылысына түскен қаражатты үлестірген, бұл ретте техниканың бір бөлігі жеткізілмей, оған бөлінген қаражат заңсыз алынып, ұрланған. Ұрлық 2019-2021 жылдар аралығында тіркелген. Түркістан облысы Созақ ауданындағы...

Атырау облысында су тасқынына байланысты 2 мыңнан аса адам кредиттік төлемін кейінге шегеруді сұрап отыр. Олардың тізімі екінші деңгейлі банктерге жолданған. Бұл туралы Орталық коммуникациялар қызметінде өткен брифинг барысында Атырау облысы әкімінің баспасөз хатшысы Руслан Жұмағазиев айтты.

 «Облыста су тасқынынан қырылған мал шығынын өтеуге өтініштерді тіркеу жалғасуда. Соңғы төрт күнде шаруа қожалықтарынан 74 өтініш келіп түскен. 29 сәуірдегі жағдай бойынша 3878 өтініш қабылданып, зардап шеккен 3600 отбасына біржолғы материалдық көмек көрсетілді. Әкімдік несие бойынша төлемдерді кейінге шегерген тұрғындарды тіркеуде. Мұндай 2395 адам тіркелді, олардың деректері екінші деңгейлі банктерге жолданды», – деді спикер.

Спикердің сөзінше, Атырауды...

Мамыр айының басында Қазақстанның кейбір өңірлерінде қар түсуі мүмкін. Бұл жайлы Орталық коммуникациялар қызметінде өткен брифингте «Қазгидромет» РМК баспаcөз хатшысы Алина Исмагулова айтты.

«Қазгидромет» болжамына сәйкес, 1-2 мамырда елдің бірқатар өңірлерінде жауын-шашын мол түсіп, мұның арты түнге қарай қарға ұласуы мүмкін. Кей өңірлерде бұршақ жауады деген болжам бар.

Ауа райының бұлайша құбылуына Скандинавия аймақтарынан келетін салқын антициклон әсер етеді. Солтүстік, шығыс және орталық аймақтарда ауа температурасы түнде 5 градусқа дейін жылы болады. Кейін суық фронт біртіндеп еліміздің оңтүстік аймақтарына қарай жылжып, онда ауа температурасы түнде 2-7 градус жылы.

«Республиканың басым бөлігінде атмосфералық фронтальды...

«Ұлттық ақпараттық технологиялар» акционерлік қауымдастығы eGov mobile қосымшасы мен сайтының бұзылғаны туралы ақпаратты жоққа шығарды.

«Ұлттық ақпараттық технологиялар» АҚ Халыққа қызмет көрсету орталықтарының сайтын бұзу және 1414 нөмірінен жаппай жалған тарату туралы ақпаратты жоққа шығарды», – делінген хабарламада.

Бұған дейін әлеуметтік желілерде «1414-тен келген SMS-ті ашпаңыз» деген хабарламалар тарала бастаған.

Бұдан бөлек, eGoV mobile қосымшасының әлеуметтік желідегі парақшасында 1414-тен келген SMS хаттың жалған емес екендігі туралы жазылған.

«1414 нөмірінен келген хабарлама жалған емес. Бұл хабарлама eGov mobile-де тіркелмеген пайдаланушыларға жіберілді», – делінген хабарламада. 

ЕGov mobile мобильді қосымшасы әртүрлі өмірлік...

Nostrum Oil & Gas Plc мұнай компаниясы Чинарев кен орнындағы екі ұңғыманың бірінде барлау-бұрғылау жұмыстары оң нәтиже бергенін хабарлады. Бұл туралы компанияның 2024 жылғы бірінші тоқсандық есебінде жазылған.

«2024 жылдың бірінші тоқсанында N301 ұңғымасы уақытылы және бюджет шегінде бұрғыланды. Оның жалпы тереңдігі 4980 метр. Көмірсутектер (мұнай, газ конденсаты) үш қабатта да кездесті. Ұңғыманың бастапқы әлеуеті тәулігіне 400-ден 700 баррель мұнай эквиваленті деңгейінде болуы мүмкін. Жыл ортасына қарай іске қосылады деп жоспарлануда», – деп жазылған компанияның 2024 жылғы есебінде.

Компания ақпаратына сүйенсек, бұрғылау қондырғысы келесі ұңғымаға N41-ге ауыстырылуда. Жұмыстар 2024 жылдың үшінші тоқсанында басталады.

Чинарев...