Жаңалықтар

Чансиндегі Geely зауытында В+ санатындағы Emgrand моделі жинақталады. «Курсивке» көлікті жинау процесімен жақынырақ танысу мүмкін болды.

Өндіріс 100% автоматтандырылған. Автокөлікті жинауға адам аз араласады. Чансидегі зауытта күніне 1000 автокөлік шығарылады.

Біз екі цехта болдық. Changxing (Қытайдағы Чансин қаласы) қалыптау цехының жалпы ауданы 18 740 шаршы метр. Онда жылына 300 000 мыңға дейін автокөлік шығаратын жоғары жылдамдықты екі автоматты қалыптау желісі орналасқан.

Дәнекерлеп құрастыру цехының ауданы 76 435 шаршы метр. Бірінші кезеңде KUKA неміс роботының 259 жиынтығы орнатылған. Екінші кезеңде 245 KUKA роботтары орнатылып, олардың жалпы саны 504-ке жеткен екен.

Geely-дің басқа да өнеркәсіптеріндегі сияқты Чансиндегі дәнекерлеу цехының жұмысы 100%-ға автоматтандырылған. Тіпті қалыңдығы...

Соңғы жылдары Қытайда шығарылған электромобильдерді (NEV) Қазақстанның және әлем елдері жолдарында жиі көруге болады. Электрлік көліктер – қытайлық автоөндірушілер жасаған жаңа жаһандық автомобиль тренді. Бұл электромобильдердің басты артықшылығы – бағасы. Соның арқасында бір кездері халықтың көбіне «арман» болған көліктер, қазір қолжетімді дүниеге айналып отыр. Бұған нарық конъюнктурасы, технологиялардың және нарық ойыншылары стратегиясының өзгеруі себеп. Дегенмен сарапшылардың бұл нарықтың болашағына және оның әлемдік автоөнеркәсіпке әсері туралы болжамдары әр қилы. Бұл туралы Halyk Finance  талдау орталығының сарапшысы Гүлмира Камеденова жазды.

Қытай билігінің стратегиясы сәтті іске асты

ҚХР мемлекеттік кеден басқармасының мәліметінше, 2023 жылы «аспан асты елі» шетелге 1,54 миллион электромобиль...

Мәжіліс депутаты Дмитрий Колода су басқан аймақтарда тіркелмеген азаматтарға өтемақы төленбей жатқанын айтып, премьер-министрдің орынбасары Тамара Дүйсеноваға депутаттық сауал жолдады.

«Мемлекет басшысы Қазақстан халқы Ассамблеясының ХХХІІІ сессиясының отырысында осы ауқымды су тасқыны нәтижесінде мыңдаған адам өз мүлкін жоғалтқанын айтып, зардап шеккендердің барлығы тең дәрежеде біржолғы өтемақы алатынын айтқан еді», – деп бастады сөзін депутат.

Ол Amanat партиясының өкілдері өңірлерге барған сәтте тұрғындардан осы өтемақы мәселесі туралы сұрақтар келіп түскенін айтты.

«Үкіметтің 2023 жылғы 30 маусымдағы № 523 қаулысымен әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындауды...

Бұл туралы «Қазатомөнеркәсіп» ҰАК» АҚ-ның 2024 жылғы  бірінші тоқсандағы қызметінің операциялық нәтижелерінде жазылған.

Уран өндірісі 7%-ға артты

Ұлттық ядролық компания 2024 жылдың қаңтар-наурыз айларында 2023 жылдың бірінші тоқсанымен салыстырғанда уран өндірісін 7%-ға арттырып, 5,077 мың тоннаға дейін жеткізді.

Бұл ретте өндіріс көлемі уран өндіруші кәсіпорындардағы меншік үлесіне пропорционалды түрде 10%-ға өсіп, 2,761 мың тоннаны құрады.

Сауда көлемі 2,7 есе төмендеді

«2024 жылдың бірінші тоқсанында 100% және пропорционалды негізде өндіру 2023 жылдың сәйкес кезеңімен салыстырғанда біршама жоғары болды», – деп жазылған компания есебінде.

Өз кезегінде, «Қазатомөнеркәсіп» пен оның еншілес компаниялары сатқан шикізат көлем...

2024 жылдың соңына дейін электр энергиясын өндіруге арналған шекті тариф өзгермейді. Өйткені жыл басында тариф біршама өскен болатын. Соған қарамастан, электр өндіруші ұйымдар шекті тарифті көтеруді сұрап, үнемі өтініш тастап отырады. Бұл туралы Энергетика вице-министрі Сұңғат Есімханов айтты.

«Олар (электр станцияларынан тариф көтеруге өтінім – курсив) тұрақты түрде беріледі, бірақ біз былтыр бүкіл дерлік шығыны ақтайтын тариф енгіздік. Сондықтан жыл соңына дейін тариф көтеруді жоспарлап отырған жоқпыз», – деді.

Бұл ретте вице-министр Энергетика министрлігі 2024 жылдың 1 қаңтарынан бастап энергетика кәсіпорындарының тарифін көтергенін еске салды.

«Өздеріңізге белгілі, халыққа арналған...

Енді есірткі өндіргендер өмір бойы бас бостандығынан айырылуы мүмкін. Мәжілістің жалпы отырысында депутаттар жасырын зертхана ашып, есірткі өндірген азаматтарды өмір бойына бас бостандығынан айыруды көздейтін заңды бірінші оқылымда мақұлдады.

Заң жобасы депутаттардың бастамасымен әзірленген. Құжат нашақорлық пен есірткі бизнесіне мемлекеттік және қоғамдық қарсы іс-қимыл жүйесін жетілдіруге бағытталған.

«Синтетикалық есірткі аз уақытта әлемге кең тарап кетті. Қазақстан да бұл «жаңашылдықтан» қалыс қалған жоқ. Синтетикалық есірткі дәстүрлі есірткілер – кокаин, героинге қарағанда арзан және қолжетімді. Мұндай есірткінің өндірісі де қарапайым, ерекше бір дайындық пен дағдыны талап етпейді. Синтетиканың барлық компоненті заңды және қолжетімді. Мәселен, жеке органикалық қосылыстар, ацетон, этил спирті және...

Ұялы байланыс операторлары тарифтерді көтеріп жатыр. Бірақ соған қарамастан, байланыс инфрақұрылымы айтарлықтай дамымаған. Астананың өзінде интернет сапасы сын көтермейді. Мұның себебін ЦДИАӨМ вице-министрі Асқар Жанбакин түсіндіруге тырысты.

Журналистер Астанада қаланың қақ ортасында интернет сапасы нашар екенін айтты. Мәселен, министрлік ғимараты маңында интернет көрсеткіштері Е белгісін көрсетеді. Мұндай сападағы интернет тіпті автобуста төлем жүргізуге де жарамсыз. Министрлік өкілі заң негізінде базалық қондырғыларды үкімет ғимараты мен нысандарына орнатуға тыйым салынғанын, сол себепті мұндағы байланыстың нашар екенін атап өтті. Ал сол маңдағы тұрғын үйлердің ғимаратына байланыс станцияларының орнатылмағанына радиофобтарды кінәлады.

«Бұл тұрғын үйлерге тұрғындардың өзі байланыс қондырғыларын орнатуға...

Қаржы министрлігі биыл 300 млрд теңгеге тең өнімсіз шығысты қысқартпақ. Үнемделген қаржы экономикалық қайтарымы барынша жоғары шараларға жұмсалады. Бұл туралы Қаржы министрі Мәди Такиев Мемлекет басшысының қабылдауында айтты.

Ақорданың хабарлауынша, Мәди Такиев мемлекеттік қаржының негізгі параметрлері, оның ішінде биылғы І тоқсанда жұмсалған республикалық бюджет қаражаты туралы есеп берген.

Министрдің айтуынша, 3 айда мемлекеттік бюджетке 4,5 триллион теңгеге жуық кіріс кірген. Сонымен қатар министрлік өнімсіз бюджет шығынын саралап, нәтижесінде биыл 300 миллиард теңгеден астам сома қысқартылмақ. Бұл қаражат экономикалық қайтарымы барынша жоғары шараларға жұмсалады.

Одан бөлек, министр салықтық-кедендік әкімшілендіру ісіндегі жаңа бастамаларды таныстырған. Мәселен, жаңа Салық кодексін...

Астананың инвестициялар және кәсіпкерлікті дамыту басқармасы бұрын бизнесмен Қайрат Боранбаевқа тиесілі болған төрт жұлдызды Comfort Hotel Astana қонақүйін сатты. 

Қонақүй электрондық сауда алаңындағы сауда-саттық нәтижесінде 3,9 млрд теңгеге сатылды. Сайтта сатып алушы туралы деректер көрсетілмеген. 

Кепілдік жарна 587,9 млн теңге, ал лоттың бастапқы құны 3,9 млрд теңге болған. Бағаны сауда-саттық алдында қонақүй активтерін бағалаған Gentium de Facto компаниясы белгіледі. Есепте қонақүйдің кірісі өткен жылы 496,5 млн теңгені құрағаны айтылған. 

Айта кетейік, қаржы мониторингі агенттігі өткен күзде қонақүйді мемлекетке қайтару кезінде оның құнын 1,4 млрд теңге, жылдық айналымын 900 млн теңге деп бағалаған. 

Тендердің шарттары бойынша тіпті жалғыз қатысушы сұраныс...

Freedom Broker Kaspi.kz-ке қатысты болжамын жаңартты. Бұған себеп – компанияның бірінші тоқсандағы қаржы нәтижелері. Сарапшылар есепке оң баға беріп, динамика себептерін атады.

«22 сәуір «Kaspi.kz» АҚ 2023 жылдың бірінші тоқсанындағы қаржы нәтижелерін жариялады. Есепті орта есеппен «оң» деп бағалауға болады. Өйткені компания 2024 жылы алға қойған даму болжамдарынан асып түсті. Бірінші тоқсандағы таза кіріс бір жылмен салыстырғанда 28% өсті, бұл болжанған 25%-дан сәл жоғары», – деп түсіндірді Freedom Broker мамандары.

Сарапшылардың айтуынша, шығын өсімі тіркелген. Дегенмен барлық жеке сегментті белсенді пайдаланушылар санының өсуі байқалады.

«Компания басшылығы өзінің бұрынғы болжамдарын сақтап қалды. Бірақ біз бірінш...

Сенат депутаттары «Қазақстан Республикасының кейбір заңнамалық актілеріне байланыс, цифрландыру, инвестициялық ахуалды жақсарту және артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» заңды бірінші оқылымда мақұлдады.

Заң жобасына сәйкес, Қазақстандағы 38 заңнамалық актіге, оның ішінде 9 кодекс пен 29 заңға өзгеріс енеді.

Бұл заң негізінде байланыс операторларының байланыс инфрақұрылымына тең қолжетімділігін қамтамасыз ету көзделіп отыр. Сонымен бірге заңға сәйкес байланыс операторларына өз жабдықтарын орнату үшін әуе желілерінің тіректерін тегін пайдалануға рұқсат етіледі, жергілікті органдар барлық операторға тең қолжетімділікті қамтамасыз ету үшін байланыс инфрақұрылымын басқарады.

Заңның ең ұтымды тұсы ретінде ауылдық және өнеркәсіптік секторларда байланыс...

2024 жылдың І тоқсанында Теңіз кен орнынан 7,5 млн тонна шикі мұнай өндірілген. Кен орнын кеңейту жобасына 3 айда 440 млн доллар жұмсалған. 2024 жылдың үш айындағы Теңіздегі өндіріс деректері жарияланды.

Жыл басынан бері ТШО-ның Қазақстанға төлеген тікелей төлемі 3 млрд долларды құрады. Осы уақытта қазақстандық камтуды және дамытуға 790 млн доллар жұмсалған. Оның 440 млн доллары Келешек кеңею жобасы – Ұңғы ернеуіндегі қысымды басқару жобасына бөлінген.

«ТШО 2024 жылдың бірінші тоқсанында Келешек кеңею жобасы – Ұңғы ернеуіндегі қысымды басқару жобасы (ККЖ-ҰЕҚБЖ ) шеңберінде жұмсалған 440 миллион АҚШ долларынан астам қаржыны қоса алғанда, қазақстанды...

Су басқан аймақтарда электр қуатымен қамту мәселесі әлі өзекті. Тек Құлсары қаласының өзінде 970 абонент электр энергиясынан ажыратылды. Бұл туралы Энергетика вице-министрі Сұңғат Есімханов айтты. Министр орынбасары тасқыннан бүлінген электр бағандарын жөндеуге бюджеттен қанша қаражат кетуі мүмкін екенін де айтты.

Вице-министрдің сөзінше, электр қуатымен қамту мәселесі елдің 6 өңірінде өзекті күйінде қалып отыр. Бүгінде мәселе Ақтөбе, Батыс Қазақстан облыстарында толық шешілген.

«Тек ешкім тұрмайтын саяжайлардың жарығы сөніп тұр. Құлсары қаласында 970 абонент бүгінгі күні электр энергиядан ажыратылған. Су кетіп, қауіп сейілгеннен кейін электр желілер компаниясы электр энергиясын қосуға толық дайын. Жалпы СҚО-да бүгінгі күні төрт мыңға жуық абонент электр...

Әлемге әйгілі Netflix стриминг платформасы 20-30 мамыр аралығында Алматы тауларында Reality travel show түсіреді. 

Платформа Қырғызстан мен Қазақстанда reality travel show түсірілімі туралы жариялады. Компания өзінің reality travel show үшін орын ретінде Алматының әдемі таулары мен шынайы қырғыз табиғатын көрсетуді қалаған. 

Almaty Tourism Bureau ақпаратына сүйенсек, Алматыда reality travel show түсірілімі — елдің танылуына және туристік әлеуетті арттыруға ықпал ететін маңызды «капитал» болмақ. Netflix әлемдегі жетекші стриминг платформа, ол кең аудитория үшін фильмдердің, сериалдардың және өзге де видео материалдардың үлкен көлемін ұсынып отырады. Netflix аудиториясы — бүкіл әлем бойынша жарты миллиардтан асады. Netflix ақылы жазылушыларының саны-шамамен 270 млн.

2023 жылды...

Астана сотында бұрынғы ұлттық экономика министрі Қуандық Бишімбаев пен оның туысы Бақытжан Байжановқа қатысты іс бойынша тараптардың жарыссөзі басталды.

Алғашқы болып мемлекеттік айыптаушы Айжан Аймағанова сөйледі.
Оның айтуынша, Бишімбаев пен Байжанов Салтанат Нүкенованың қайтыс болғанын біле тұра, айғақтарды жасыруға тырысқан. Тіпті мәйтінен құтылмақ болған. Сол үшін Нүкенованың телефонын алдымен фитнеске, содан кейін үйіне апарған.

«Бишімбаев неге сағат 3-тен кейін нашатырь әкелуді сұраған? Сараптамаға сәйкес, Нүкенова ол...

«Жолаушылар теміржолы» пойыздарда жануарларды тасымалдау ережелерін бекітті.  Бір адам алып жүретін үй жануарларының саны екеуден аспауы керек және оның иесі бір купені толық сатып алуы қажет.

Компания үй жануарлары қатарына мысықтар, иттер мен құстарды жатқызатынын жазған. Оларды пойызбен тасымалдау тиісті ветеринариялық паспорттар немесе анықтамалар болған кезде ғана рұқсат етіледі. Анықтамаларды міндетті түрде пойызға отырғызу кезінде көрсету керек.

Басқа жолаушыларға қолайлы болу үшін және аллергиялық реакцияларды болдырмауын қамтамасыз ету үшін үй жануарының иесі толығымен купенің барлық орынын сатып алу қажет. Жануарларды иесінсіз пойызға кіргізуге рұқсат етілмейді.

Бұдан бөлек, үй жануарларын тасымалдау кезінде олар үшін тек иелері жауап беретінін ескертеді. Яғни оларды тамақтандыру...

Ұлттық банк сәуір айында Ұлттық қордан 1, 06 млрд долларға тең валюта сатқан. Бұл қаржы республикалық бюджетке трансферттерді қамтамасыз етті. Ал мамыр айында бас банк Үкіметтің алдын ала өтініміне сай, Ұлттық қордан 750-850 долларға дейін валюта сатуды жоспарлап отыр.

Наурыз айымен салыстырғанда, Ұлттық қордан алынған қаражат көлемі 308 млн долларға артық. Алдыңғы айда қордан 748 млн долларға тең валюта сатылған.

Бас банктің хабарлауынша, Ұлттық қордан валюта сату үлесі сәуірдегі жалпы сауда-саттық көлемінің 21%-ын құраған. Күніне 48 млн доллардан аспаған.

Жалпы 2024 жылы бюджетке Ұлттық қордан 3,6 трлн теңге бөлінбек. Кепілдендірілген трансферт мөлшері – 2 трлн теңге. Заңмен кепілдендірілген...

Сенат Ресей мұнайын Қытайға тасымалдау туралы хаттаманы мақұлдады. Хаттамаға сәйкес 2013 жылғы жасалған келісімнің қолдану мерзімі 2034 жылға дейін ұзартылады және тасымалданатын мұнай көлемі де артпақ.

2013 жылдың желтоқсанында Қазақстан мен Ресей Үкіметтері арасында Ресей мұнайын Қазақстан аумағы арқылы Қытайға транзиттеу туралы екіжақты келісімге  қол қойылған болатын. Ал 2014 жылдан бастап осы келісім шеңберінде Қытайға жылына 7 млн тонна ресейлік мұнай жеткізіле бастады.

Ал 2023 жылдың ақпанында «Роснефть» 10 жылдық кезеңге 100 млн тонна жеткізу туралы Қытай тарапымен келісімді ұзартқан. Соған сәйкес өткен жылдың мауысымында Санкт-Петербург қаласында Қазақстан мен Ресей екіжақты келісімге өзгерістер енгізу туралы хаттамаға қол...

Чукоткада ірі алтын-мыс кен орнын игеруге дайындалып жатқан «Баимская» тау-кен компаниясы АҚШ-тың санциялық тізіміне ілікті. Бұл туралы АҚШ-тың OFAC ( Шетелдік активтерді бақылау басқармасы) ұйымы хабарлады.

«Баимская» тау-кен компаниясы Чукотка автономиялық округіндегі Песчанка мыс-порфир кен орнында металл өндіруге лицензия алған.

2018 жылы компанияны қазақстандық KAZ Minerals Роман Абрамович пен Александр Абрамовтың Aristus Holdings компаниясынан сатып алған. Мәміле сомасы қолма-қол ақша мен акциялар түрінде 900 миллион долларды құрады.

2023 жылдың шілдесінде оны KAZ Minerals-тың негізгі акционерлері – Владимир Ким мен Олег Новачукке тиесілі Trianon Limited сатып алды. «Бұл мәміле аяқталғаннан кейін KAZ Minerals Ресейдегі жұмысын тоқтатады...

Грузия парламенті сәрсенбі күні «шетел агенті» туралы заңды екінші оқылымда мақұлдады. Ресейдің «иноагенттер» туралы заңымен ұқсас келетін бұл заң жобасына көпшілік қарсы шықты.

Аталмыш заң жобасын парламенттегі 150 депутаттың 83-і қолдаған. Қолдағандардың барлығы ​​«Грузин арманы» билеуші партиясы мен солардың жақтастары, «Халық күші» партиясының депутаттары. Жобаны бірінші оқылымда да осы құрам мақұлдаған.

Заңға 23 депутат қарсы дауыс берген. Ал оппозициялық партия дауыс беруден қалыс қалған.

Қарсылық білдірушілер сәрсенбі күні Парламент ғимараты алдына жиналды. Полиция ереуілге шыққан біраз адамды тұтқындаған. Заң мақұлданған соң, Грузияның Ішкі істер министрлігі депутаттардың қауіпсіз шығуын қамтамасыз етіп, парламент маңындағы аумақты босатқанын мәлімдеген. Ереуілдеушілер...

Антикор Гүлмира Сатыбалдыға қатысты тергеуді аяқтап, істі сотқа жібергенін хабарлады. Істі Алматы қаласының мамандандырылған ауданаралық қылмыстық соты қарайды.

Алматы қаласы тергеу сотының санкциясымен айыпталушы қамауда ұсталады. Гүлмира Сатыбалдыға кәсіпкерді бас бостандығынан айырып, бопсалады деген айып тағылған.

«Агенттік Г. Сатыбалды мен басқа да адамдарға қатысты кәсіпкерді заңсыз бас бостандығынан айыру, аса ірі мөлшерде бопсалау және ауыр зардаптарға әкеп соққан өзін-өзі басқару күдігі бойынша тергеуді аяқтады», – делінген хабарламада.

Қазіргі уақытта процеске қатысушылар қылмыстық іс материалдарымен танысуды аяқтаған. Алматы қаласы тергеу сотының санкциясымен Г. Сатыбалдыға қатысты «қамауда ұстау» түріндегі бұлтартпау шарасы таңдалды.

АҚШ-тың Федералды резерв жүйесі қатарынан алтыншы рет базалық мөлшерлемені өзгеріссіз қалдырды. Bloomberg басылымының жазуынша, елдегі инфляция тұрақты болып тұр. 2024 жылдың І тоқсанында тұтынушылық шығындардың өсуі жеделдеп, АҚШ экономикасының өсу қарқыны бәсеңдеген. ФРЖ инфляцияны тежеуде ілгерілеушілік болмағанын мойындағандай. Бұл ретте ФРЖ төрағасы Джером Пауэлл келесі шешімде мөлшерлеменің көтерілуі екіталай екенін айтты.

АҚШ-тың негізгі пайыздық мөлшерлемелері 5,25-5,5% аралығында қалды. ФРЖ мәлімдемесінде реттеуші инфляцияның тұрақты түрде 2%-ға жақындап келе жатқанына сенімді болмайынша, мақсатты дәлізді тарылту орынсыз екені жазылған. Бұл жолғы мәлімдемеде қаңтар мен наурыздан кейін жарияланған тұжырымы қайталанады.

Реттеуші инфляцияны мақсатты 2%-ға дейін төмендетуде «бұдан әрі ілгерілеу жоқтығын» атап...

Қазақстан, Әзербайжан және Өзбекстан энергетика министрліктерінің басшылары Ташкент халықаралық инвестициялық форумы шеңберінде республикалардың энергетикалық жүйелерін жүйеаралық біріктіру жөніндегі ынтымақтастық туралы Меморандумға қол қойды.

Құжаттың мақсаты – Әзербайжан, Қазақстан және Өзбекстанның энергетикалық жүйелерін жүйеаралық қосу жөніндегі жобаны іске асыру шеңберінде ынтымақтастықтың негізгі шарттарын айқындау.

«Меморандум қатысушылардың Әзербайжаннан, Қазақстаннан және Өзбекстаннан техникалық және экономикалық тұрғыдан ең оңтайлы жасыл энергия саудасын жүзеге асыра отырып, Каспий теңізінің түбіне және басқа елдердің аумағына жоғары вольтты кабель төсеу арқылы энергия жүйелерін қосу мүмкіндіктерін зерделеуге ниетті екенін көрсетеді», – деп хабарлады ведомство.

Бұл ретте Қазақстанның Энергетика министрі Алмасадам Сәтқалиев бұған дейін Каспий түбіне тере...

Бұл туралы Freedom Holding Corp. CEO директоры Тимур Турлов инстаграм парақшасында жазды.

«Елімізде Президенттің бастамасымен «Таза Қазақстан» атты үлкен экологиялық науқаны өтуде. Бұл бір реттік науқан да, сенбілік те емес, бұл – қалаларды көгалдандыру және тазалау, қоршаған ортаға аялауды насихаттау және экологиялық мәдениетті қалыптастыру бойынша үлкен әрі өте маңызды бастама. Бірақ біз қажетті инфрақұрылым мен жағдай жасалмаса, экологиялық мәдениетті қалыптастыруды елестету мүмкін емес екенін түсінеміз. Сондықтан да біз Freedom Fandomat жобасын іске қостық», – деді Тимур Турлов.

Оның айтуынша, бұл қоқысты бөлек жинау құралы ғана емес, әлдеқайда ауқымы кең жоба. Оның мәні экологиялық мәдениет пен әдет...