Жаңалықтар

Мемлекетке 1,2 млрд теңге көлемінде залал келтірген арнайы ХҚКО-ларда ұйымдасқан қылмыстық топ сотталды. Бұл туралы Сыбайлас жемқорлыққа қарсы іс-қимыл агенттігі хабарлады.

Ведомство мәлімдегендей, 25 сәуірде Астана қаласының қылмыстық істер жөніндегі мамандандырылған ауданаралық соты заңнамада көзделген алымдар мен төлемдерді төлемей, шетелден әкелінген автокөліктерді тіркеу есебіне заңсыз қоюмен айналысқан арнайы ХҚКО мен полиция қызметкерлеріне және азаматтық тұлғаларға қатысты үкім жариялады.

«Олар ұйымдасқан топ құрып, басшылық жасау, мемлекетке мүліктік залал келтіру, «Web-Модуль» ҚКО» және «ХҚКО ИАЖ» ақпараттық жүйелерінде көлік құралдары туралы мәліметтерді заңсыз енгізу және жою, мәмілелердің жазбаша нысандарын қолдан жасау бойынша айыпты деп танылды»,-делінген хабарламада.   

Антикор...

2025 жылдан бастап МӘМС жарнасы ең төменгі жалақы (ЕТЖ) мөлшерінен 50 есеге дейін артады. Бұл жайлы «Курсивке» Денсаулық сақтау министрлігі хабарлады.

«Денсаулық сақтау министрлігі 2025 жылдан бастап жоғарғы шекті ЕТЖ мөлшерінен 10-нан 50 есеге дейін арттыруды ұсынды. Зейнетақы жүйесі де осы қағида бойынша жұмыс істейді, онда жоғарғы шегі ең төменгі жалақының 50 еселенген мөлшерін құрайды»,- делінген министрлік жауабында.

Министрлік хабарлауынша, бұл өзгеріс жалақысы 850 мың теңгеден астам табысы бар жалдамалы қызметкерлердің 9%-ына әсер етуі мүмкін. Ал қалған жұмысшылардың 91%-ы үшін ештеңе өзгермейді.

Қазіргі МӘМС-тің қазақстандық моделінде қаражатты регрессивті бөлу қолданылады екен. Яғни табыс...

Apple компаниясы тауарларының сатылымы жыл басынан бері рекордты 4% кеміп, тоқсандық табыс 90,8 млрд долларға дейін азайған.

BBC басылымының хабарлауынша, компания бір жылдан астам уақыт ішінде сатылымның ең үлкен құлдырауы туралы хабарлағаннан кейін Apple басшысы Тим Кук технологиялық алпауыттың болашағы туралы күмәнді ойларды сейілтуге тырысып бағуда.

Басшылықтың түсіндіруінше, компания табысы соңғы бірнеше жылда Covid-19 кейінгі ашықтық әсерінен өскен. Алайда ол кезең өткеннен кейін құлдырау басталған. Дегенмен компания мұны құлдырау емес, жағдайдың қалыпқа келуі деп түсіндіріп отыр.

Олар алдағы уақытта сатылымның қайта өсетініне сенімді. Алда жаңа өнімдер мен жасанды интеллектке инвестициялар болатынына сенімді. Компания болашағына деген сенімін білдіре отырып, акцияларды...

Qarmet компаниясының баспасөз қызметі Қарағанды облысындағы Костенко шахтасында ақаудың себебін түсіндірді. 

Баспасөз қызметінің ақпаратына сүйенсек, 2 мамырда компанияның көмір департаментіне қарасты Костенко шахтасының К3 қабатының 4 конвейерлік штрегінде түтін тараған. Түтіннің шығуына төменгі кенептің ролигіне бөгде заттың қысылғаны себеп болған. Осының салдарынан ролик тежеліп қалып, лента үйкеліп, түтін шыққан.

«Конвейерлік трассалар учаскесінің электр слесарі Айбар Қосановтың күшімен алғашқы өрт сөндіру құралдарын пайдалана отырып, түтін ошағы жойылды. Оқиға туралы шахтер хабарлаған сәтте шахтаның диспетчерлік бөлмесіне түтін туралы хабарлау жүйесі қосымша іске қосылды», – делінген хабарламада. 

Сағат 19:45-те датчиктің сигналына байланысты түтін жойылғанымен, эвакуациялау жоспарын енгізу және...

Қарағандыда Костенко атындағы шахтада К3 қабатының 4-конвейер кен орнынада түтін шықты. Бірақ шахтада ақау дер кезінде жойылып, жұмысшылар өрттен аман қалды.

ТЖМ хабарлауынша, конвейер трассасының электр монтері Айбар Қосанов алғашқы өрт сөндіру құралдарының көмегімен ұшқынды жойды. Шахтер оқиға туралы хабарлаған кезде басқару бөлмесіне бықси бастаған түтін cебебінен қосылған дабыл да естілді. Сағат 19:45-те датчиктің белгі беруіне байланысты қауіптің уақытында беті қайтқанына қарамастан, басқа шахталардағы 194 кеншіні көшіру туралы шешім қабылданды. Сағат 21:47-дегі жағдай бойынша 187 кенші жер бетіне шығарылды. Оқиғаны бақылау, шахтаның тыныс-тіршілігін қамтамасыз ету үшін учаске басшылары мен бақылаушыларынан 7 жұмысшы орнында қалды.

Алдын ала себеп бойынша төменг...

Қырғызстан Сыртқы істер министрлігі азаматтарына Ресейге барудан уақытша бас тартуды ұсынды.

Аталған министрлік Қырғызстан Республикасының Ресей Федерациясындағы дипломатиялық өкілдіктері мен консулдық мекемелеріне ҚР азаматтарының Ресей Федерациясына кіруден жаппай бас тартқанына байланысты хабарламалар түспегенін мәлімдеді.

«Қырғызстан Республикасының Сыртқы істер министрлігі мен шетелдегі мекемелері Ресей Федерациясындағы ахуалды және оның Қырғыз Республикасы азаматтарының құқықтық жағдайына әсерін бақылауда.

Сонымен бірге министрлік Ресей Федерациясына баруға дәлелді себептері жоқ отандастарға бұрын енгізілген қосымша қауіпсіздік шаралары мен мемлекеттік шекара арқылы кіруді бақылау режимі күшейтілгенге дейін оның аумағына барудан уақытша бас тартуды тағы да ұсынады. Ал егер бару керек болса, Ресей Федерациясына  кіруге...

Түркия 2 мамырдан бастап Израильмен барлық экспорт пен импортты тоқтатты.
Бұл туралы жағдаймен таныс екі түрік шенеунігіне сілтеме жасап Bloomberg хабарлады.

Алайда бұл қадам ресми түрде жария етілген жоқ.

Түркия статистика институтының мәліметі бойынша, екі ел арасындағы сауда 2023 жылы 6,8 млрд долларды құраса, оның 76%-ы түрік экспортынан түскен.

9 сәуірде Түркияның Газадағы соғысқа байланысты Израильге экспорты шектелгені белгілі болды. Шектеулер тауарлардың 54 тобына, атап айтқанда болат пен мыс бұйымдарына, бояғыштарға, темір мен болаттан жасалған барлық құрылыс материалына, сондай-ақ жабдықтарға, электр және талшықты-оптикалық кабельдерге, химиялық қосылыстар мен тыңайтқыштарға, авиациялық бензинге, отынға және т.б. енгізілген.

Израиль Сыртқы істер министрлігі Түркияның бұл...

Бейжіңде Шанхай Ынтымақтастық Ұйымы хатшылығының ғимаратында ұйымға қатысушы елдердің дипломаттары, ШЫҰ-ның бақылаушылары мен диалогтық серіктестері арасында шахматтан турнир өтті. Турнир Қазақстанның ШЫҰ-ға төрағалық етуіне байланысты KazChess/Қазақстан шахмат федерациясының қолдауымен  өтті.

Шанхай ынтымақтастығы ұйымын 2001 жылы 15 маусымда 6 мемлекеттің басшылары құрды. Қазіргі уақытта ШЫҰ-ға Үндістан, Иран, Қазақстан, Қытай, Қырғызстан, Пәкістан, Ресей, Тәжікстан және Өзбекстан мүше. Ауғанстан, Беларусь және Моңғолия – бақылаушылар, ал диалог бойынша серіктестер ретінде тағы 14 мемлекет бар.

«ШЫҰ-ға Қазақстанның төрағалық етуі аясында 2023-2024 жылдарға арналған бірлескен іс-шаралар жоспары» бойынша Қазақстан Республикасының ҚХР-дағы елшілігі, ШЫҰ-ның хатшылығы мен Тату көршілік, достық және ынтымақтастық жөніндегі Қытай комитеті (КДК) арасында өткен...

«Отбасы Банкке» 25 038 мың өтінім сәтті берілді. Өтінім қабылдау 2024 жылғы 1 наурыздан 30 сәуірге дейін жүзеге асты. 1 мамырдан 15 мамырға дейін өтінімдер сараланады. 

«Осы кезеңде белгіленген критерийлерге сәйкес өтінімдерге ұпайлар беріледі.

Қатысушыларды іріктеу балдық жүйе бойынша жүргізіледі:

Салым бойынша сыйақы мөлшерінің көлемі – әрбір 1 000 теңге үшін 5 балл;

Депозит мерзімі – әрбір жыл үшін 5 балл (клиент бағдарламаға бірнеше депозитпен қатысқан жағдайда, жинақтау мерзімі ұзағырақ депозит ескеріледі);

Тіркелген некенің болуы – некеде тұру жылдарына қарамастан 10 балл», – делінген «Отбасы Банк» АҚ хабарламасында.

Бұған дейін  тұрғын үйге жатпайтын жылжымайтын мүлкі, ортақ жекешелендірілген үйде үлес...

Түркістан облысында полиция жер қойнауын заңсыз пайдаланған 140-тан астам адамды анықтады. Бұл жөнінде облыс баспасөз қызметі хабарлады.

Полиция департаментінің мәжіліс залында өткен жиында жер қойнауын пайдалану мәселесі талқыланды. Осы жиында құмды-қиыршық тас пен құрылысқа арналған саз топырақты заңсыз жолмен тасымалдап жатқандарға тоқсауыл қою керек екені айтылды.

«Заңсыз жер қойнауын пайдаланушыларды анықтау жұмысы жалғасады. Халыққа бұл заңбұзушылыққа қатысты қылмыстық және әкімшілік іс қозғалатыны, оның салдары мен қаупі туралы арнайы құрылған мобильді топ түсіндіруі тиіс. Карьер иелері тарапынан айтылған шағымдар ескерілді», – деген облыс әкімінің орынбасары Нұралхан Көшеров тиісті құрылымдарға жұмысты ширатуды тапсырды.

Полиция департаменті бастығыны...

Қаңтар оқиғасынан екі жыл өткен соң, бұрынғы Ішкі істер министрі Ерлан Тұрғымбаев тұтқындалды. Бұл жөнінде ақпаратты алдымен ҚазТАГ таратты. Кейін Бас прокуратура ресми түрде растады.

«29 сәуірінде ауыр зардаптарға әкеп соққан билік пен лауазымдық өкілеттіктерді асыра пайдаланғаны үшін (ҚК-нің 362-бабы 4-бөлігі) Қазақстан Республикасының Қылмыстық іс жүргізу кодексінің 128-бабы тәртібінде, ішкі істер экс-министрі Ерлан Тұрғымбаев ұсталды», – делінген хабарламада.

Астана тергеу соты Ерлан Тұрғымбаевты екі ай бойы күзетпеу ұстау туралы шешім қабылдады.

«Астана қаласының мамандандырылған тергеу соты 2024 жылдың 30 сәуірінде бұрынғы Ішкі істер министрі Е. З. Тұрғымбаевқа қатысты екі ай мерзімге күзетпен ұстау түріндегі бұлтартпау шарасын санкциялады. ҚР ҚПК...

Депутат Магеррам Магеррамов Алматыда автобус жүргізушісіне шабуыл жасалған оқиғаны террористік актіге теңеді.

Мәжілістің жалпы отырысында Премьер-Министрдің бірінші орынбасары Роман Склярға сауал жолдады.

«Алматыда ер адамның автобус жүргізушісіне шабуыл жасап, соның салдарынан үш жазықсыз адамның қаза тапқаны, төртеуінің жараланған оқиғасы бәрімізді есеңгіретіп тастады. Қаза болғандардың арасында көпбалалы ерлі-зайыптылар да бар. Олардың балалары жетім атанды. Біз қоғамдық көлік жүргізушілеріне күн сайын миллиондаған азаматтың өмірін сеніп тапсырамыз. Олардың өмірі ҚР Конституциясында көрсетілгендей – біздің ең жоғары құндылығымыз. Бұл ретте өз міндетін орындап жүрген қоғамдық көлік жүргізушісінің өмірі мен қауіпсіздігін сақтауға қатысы тиісті шаралар уәкілетті тұлғалар тарапынан көзделмеген», – дед...

АҚШ Конгресінің төменгі палатасы соңғы күндері университеттер қалашығында жиілеп кеткен, Палестинаны қолдауға бағытталған шерулерге тыйым салу мақсатында арнайы заң жобасын қабылдады. Бұл туралы The Washington Post басылымы хабарлаған.

Басылымның хабарлауынша, заң жобасына 320 конгрессмен дауыс берген. 91 конгрессмен бұл бастамаға қарсы болған. Енді заң Сенатқа өтеді.

Заң жобасы америкалық заңнамада антисемитизмнің нақты сипаттамасын айқындайды. Сонымен бірге антисемитизмді қолдауға бағытталған ереуілдер өткізген университеттерді АҚШ-тың Білім министрлігі қаржыландырудан бас тарта алады. Сондай-ақ Палестина терриотриясында азаттық қозғалыстарын жүргізуге үндейтін плакаттар заң күшіне енген жағдайда антисемитизм ретінде бағаланбақ. Сонымен бірге Білім департаменті федералды зерттеу гранттарын қайтарып алып, мұндай пікір білдірген студенттерге...

Қазақстанның байланыс операторы 3 жыл қатарынан 5G жиілігіне көше алмайды. Бұл жайлы Сенат отырысында ЦДИАӨМ вице-министрі Асхат Оразбек айтты.

Сенат төрағасы Мәулен Әшімбаев елдегі 5G жиілігінің бір ғана компания иелігіне өтіп кеткенін айтты. Мұндай жағдайда монополия мәселесін шешу қиынға соғатынын айтып, Цифрлық министрлік өкілінен бұл проблеманы қалай шешетінін сұрады. Айтуынша, министрлік бұл жиілікке аукцион өткізген. Салдарынан 5G диапазондары «Қазақтелеком» компаниялар тобына өтіп кеткен.

«Байланыс нарығын демонополизациялау күн тәртібінде тұрған маңызды мәселе. Бізде бұл нарықта бірнеше компания басымдыққа ие. Егер ұялы байланыс туралы айтар болсақ, бізде дамудың келесі кезеңі ретінде 5G жиілігіне өту тұр. Бірақ елде...

Су ресурстары және ирригация министрлігі Каспийді тасқын суымен толтырып, қазірдің өзінде теңізге 1 млрд текше метрге жуық су жіберді

Министрліктің хабарлауынша, тасқын суы 4 арна: Бақсай, Нарын, Черная речка және Соколок арқылы өткен.

4 арна тәулігіне 12 млн текше метр су өткізе алады. Олардың әрқайсысында Су ресурстары және ирригация министрлігінің «Қазсушар» мекемесінің мамандары тазарту, нығайту және басқа да жұмыстар жүргізіп жатыр. Соколок каналының бойында ұзындығы 14,5 шақырым қосымша арна қазылды. Ол арқылы тасқын суы Каспийге жіберілген.

«Сондай-ақ біз Жайық өзені арқылы суды лимандарға бағыттаймыз. Ал, Ойыл өзенінен су лимандардан бөлек, жерасты суларының орындарын толтыру үшін де жіберіледі. Осыған дейін...

Қазақстан Республикасы Бәсекелестікті қорғау және дамыту агенттігінің Жамбыл облысы бойынша департаменті «Қазфосфат» ЖШС-ға қатысты тергеуді аяқтады.

Іс тұтынушылардың өтініші бойынша қолға алынған. Құзырлы ведомство кәсіпорынның қызметін талдау барысында монополияға қарсы заңнаманы бұзу фактілерін анықтады.

Компания сұйық оттегі бағасын қымбаттатқан. Бұл факт бәсекелестік нарық негіздерін бұзу болып саналып, Қазақстан Республикасы тұтынушыларының мүдделеріне қайшы келеді.

«Тараз қаласының әкімшілік құқық бұзушылық жөніндегі мамандандырылған сотының қаулысымен «Қазфосфат» ЖШС Қазақстан Республикасының Әкімшілік құқық бұзушылық туралы Кодексінің 159-бабының 3-бөлігіне сәйкес әкімшілік жауапкершілікке тартылды. Кәсіпорынға 1 203 300 теңге көлемінде әкімшілік айыппұл салынды және 8 344 170 теңге сомасына монополиялық кіріс тәркіленді», – деп хабарлады Агенттік.

Осы кезге дейін су тасқынының алдын алмағаны немесе салғырттық танытып, жол бергені үшін ешбір жоғары лауазымды тұлға жауапкершілікке тартылмай келген. Осылай деп мәлімдеген Мәжіліс депутаты Абзал Құспан су тасқынына дайын болмаған әкімдерді жауапқа тартуды ұсынды.

Депутаттың айтуынша, биылғы табиғи апат Қазақстан тәуелсіздік алғалы оныншы ірі су тасқыны. 

«Неге жергілікті атқарушы орган? Өйткені өзен бойындағы су жайылмаларынан жер берген, саяжайларды іс жүзінде тұрғын үйге айналдырған, яғни жарық, газ тартып, азаматтарды тұрақты тіркеуге рұқсат берген, ол Үкімет емес, басқа емес, жергілікті атқарушы орган, яғни әкімдіктер. Ал келтірілген шығындарды өтеу салмағы әркез мемлекет мойнына артылады», – деді депутат...

Чансиндегі Geely зауытында В+ санатындағы Emgrand моделі жинақталады. «Курсивке» көлікті жинау процесімен жақынырақ танысу мүмкін болды.

Өндіріс 100% автоматтандырылған. Автокөлікті жинауға адам аз араласады. Чансидегі зауытта күніне 1000 автокөлік шығарылады.

Біз екі цехта болдық. Changxing (Қытайдағы Чансин қаласы) қалыптау цехының жалпы ауданы 18 740 шаршы метр. Онда жылына 300 000 мыңға дейін автокөлік шығаратын жоғары жылдамдықты екі автоматты қалыптау желісі орналасқан.

Дәнекерлеп құрастыру цехының ауданы 76 435 шаршы метр. Бірінші кезеңде KUKA неміс роботының 259 жиынтығы орнатылған. Екінші кезеңде 245 KUKA роботтары орнатылып, олардың жалпы саны 504-ке жеткен екен.

Geely-дің басқа да өнеркәсіптеріндегі сияқты Чансиндегі дәнекерлеу цехының жұмысы 100%-ға автоматтандырылған. Тіпті қалыңдығы...

Соңғы жылдары Қытайда шығарылған электромобильдерді (NEV) Қазақстанның және әлем елдері жолдарында жиі көруге болады. Электрлік көліктер – қытайлық автоөндірушілер жасаған жаңа жаһандық автомобиль тренді. Бұл электромобильдердің басты артықшылығы – бағасы. Соның арқасында бір кездері халықтың көбіне «арман» болған көліктер, қазір қолжетімді дүниеге айналып отыр. Бұған нарық конъюнктурасы, технологиялардың және нарық ойыншылары стратегиясының өзгеруі себеп. Дегенмен сарапшылардың бұл нарықтың болашағына және оның әлемдік автоөнеркәсіпке әсері туралы болжамдары әр қилы. Бұл туралы Halyk Finance  талдау орталығының сарапшысы Гүлмира Камеденова жазды.

Қытай билігінің стратегиясы сәтті іске асты

ҚХР мемлекеттік кеден басқармасының мәліметінше, 2023 жылы «аспан асты елі» шетелге 1,54 миллион электромобиль...

Мәжіліс депутаты Дмитрий Колода су басқан аймақтарда тіркелмеген азаматтарға өтемақы төленбей жатқанын айтып, премьер-министрдің орынбасары Тамара Дүйсеноваға депутаттық сауал жолдады.

«Мемлекет басшысы Қазақстан халқы Ассамблеясының ХХХІІІ сессиясының отырысында осы ауқымды су тасқыны нәтижесінде мыңдаған адам өз мүлкін жоғалтқанын айтып, зардап шеккендердің барлығы тең дәрежеде біржолғы өтемақы алатынын айтқан еді», – деп бастады сөзін депутат.

Ол Amanat партиясының өкілдері өңірлерге барған сәтте тұрғындардан осы өтемақы мәселесі туралы сұрақтар келіп түскенін айтты.

«Үкіметтің 2023 жылғы 30 маусымдағы № 523 қаулысымен әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындауды...

Бұл туралы «Қазатомөнеркәсіп» ҰАК» АҚ-ның 2024 жылғы  бірінші тоқсандағы қызметінің операциялық нәтижелерінде жазылған.

Уран өндірісі 7%-ға артты

Ұлттық ядролық компания 2024 жылдың қаңтар-наурыз айларында 2023 жылдың бірінші тоқсанымен салыстырғанда уран өндірісін 7%-ға арттырып, 5,077 мың тоннаға дейін жеткізді.

Бұл ретте өндіріс көлемі уран өндіруші кәсіпорындардағы меншік үлесіне пропорционалды түрде 10%-ға өсіп, 2,761 мың тоннаны құрады.

Сауда көлемі 2,7 есе төмендеді

«2024 жылдың бірінші тоқсанында 100% және пропорционалды негізде өндіру 2023 жылдың сәйкес кезеңімен салыстырғанда біршама жоғары болды», – деп жазылған компания есебінде.

Өз кезегінде, «Қазатомөнеркәсіп» пен оның еншілес компаниялары сатқан шикізат көлем...

2024 жылдың соңына дейін электр энергиясын өндіруге арналған шекті тариф өзгермейді. Өйткені жыл басында тариф біршама өскен болатын. Соған қарамастан, электр өндіруші ұйымдар шекті тарифті көтеруді сұрап, үнемі өтініш тастап отырады. Бұл туралы Энергетика вице-министрі Сұңғат Есімханов айтты.

«Олар (электр станцияларынан тариф көтеруге өтінім – курсив) тұрақты түрде беріледі, бірақ біз былтыр бүкіл дерлік шығыны ақтайтын тариф енгіздік. Сондықтан жыл соңына дейін тариф көтеруді жоспарлап отырған жоқпыз», – деді.

Бұл ретте вице-министр Энергетика министрлігі 2024 жылдың 1 қаңтарынан бастап энергетика кәсіпорындарының тарифін көтергенін еске салды.

«Өздеріңізге белгілі, халыққа арналған...

Енді есірткі өндіргендер өмір бойы бас бостандығынан айырылуы мүмкін. Мәжілістің жалпы отырысында депутаттар жасырын зертхана ашып, есірткі өндірген азаматтарды өмір бойына бас бостандығынан айыруды көздейтін заңды бірінші оқылымда мақұлдады.

Заң жобасы депутаттардың бастамасымен әзірленген. Құжат нашақорлық пен есірткі бизнесіне мемлекеттік және қоғамдық қарсы іс-қимыл жүйесін жетілдіруге бағытталған.

«Синтетикалық есірткі аз уақытта әлемге кең тарап кетті. Қазақстан да бұл «жаңашылдықтан» қалыс қалған жоқ. Синтетикалық есірткі дәстүрлі есірткілер – кокаин, героинге қарағанда арзан және қолжетімді. Мұндай есірткінің өндірісі де қарапайым, ерекше бір дайындық пен дағдыны талап етпейді. Синтетиканың барлық компоненті заңды және қолжетімді. Мәселен, жеке органикалық қосылыстар, ацетон, этил спирті және...

Ұялы байланыс операторлары тарифтерді көтеріп жатыр. Бірақ соған қарамастан, байланыс инфрақұрылымы айтарлықтай дамымаған. Астананың өзінде интернет сапасы сын көтермейді. Мұның себебін ЦДИАӨМ вице-министрі Асқар Жанбакин түсіндіруге тырысты.

Журналистер Астанада қаланың қақ ортасында интернет сапасы нашар екенін айтты. Мәселен, министрлік ғимараты маңында интернет көрсеткіштері Е белгісін көрсетеді. Мұндай сападағы интернет тіпті автобуста төлем жүргізуге де жарамсыз. Министрлік өкілі заң негізінде базалық қондырғыларды үкімет ғимараты мен нысандарына орнатуға тыйым салынғанын, сол себепті мұндағы байланыстың нашар екенін атап өтті. Ал сол маңдағы тұрғын үйлердің ғимаратына байланыс станцияларының орнатылмағанына радиофобтарды кінәлады.

«Бұл тұрғын үйлерге тұрғындардың өзі байланыс қондырғыларын орнатуға...