Жаңалықтар

Air Astana әуе компаниясының IPO-сы барысында нарықтан тартылған 370 млн доллар қаржының 120 млн доллары әуе компаниясының дамуына жұмсалады. Ал компанияның негізгі акционері «Самұрық-Қазына» қорына осы қаржының 23 млн доллары тиесілі болады. Тағы бір акционер BAE Systems PLC компаниясы 206 млн доллар пайда тапты.

Бұл туралы «Самұрық-Қазына» әл-ауқат қорының басшысы Нұрлан Жақыпов Jibek Joly телеарнасына берген сұхбатында айтты.

«IPO барысында жалпы 370 млн доллар тарттық, оның 120 млн доллары Air Astana компаниясының ішкі мақсаттарына жұмсалады. Ал 23 млн АҚШ доллары біздің үлесімізге, ал 206 млн АҚШ доллары BAE aкционерлеріне кетеді», – деді Нұрлан Жақыпов.

Қазірг...

CNBC хабарлауынша, OpenAI компаниясының бұрынғы қызметкерлері құрған ЖИ құралдарын әзірлеумен айналысатын Anthropic стартапы өзінің Claude 3 атты қуатты жаңа чат-бот нұсқасын іске қосты. Құрастырушылардың пікірінше, Claude 3  GPT-4 OpenAI және Google-дің Gemini Ultra-мен бәсекеге түсе алады. Nasdaq биржасындағы Аlphabet (Google Inc) акциялары дүйсенбіде сауда-саттықтың жабылуына қарай 2,8% – ға төмендеді.

Толығырақ

Claude 3 үш модельден тұрады: Opus, Sonnet және Haiku. Олардың ішіндегі ең қабілеттісі – Opus. Ол GPT-4 OpenAI және Google-дің Gemini Ultra чат-ботынан  асып түсті. Anthropic-тің хабарлауынша, Claude 3  тест өту деңгейі бойынша бакалавриат, магистратура және негізгі математика сияқты салада мықты.

Anthropic алғаш рет мультимодальды қолдауды ұсынды: пайдаланушылар талдау...

Алматы қаласы тұрғындарын төтенше жағдайлар туралы ескерту жариялауға арналған технологияға 475 млн теңге бөлінген. Бұл туралы Үкіметтің кеңейтілген отырысында қала әкімі Ерболат Досаев айтты.

Әкімнің сөзінше, қала тұрғындарын төтенше жағдай кезінде хабардар етуге 475 млн теңге бөлінген Cell Broadcast технологиясы пайдаланылады.

«Алматы қаласы әкімдігі пилоттық режимде Қазақстан Республикасы Цифрлық даму, инновациялар және аэроғарыш өнеркәсібі министрлігі және Төтенше жағдайлар министрлігімен бірлесіп, қала тұрғындарын төтенше жағдайлар туралы жедел хабардар ету мақсатында осы жылдың мамыр айының соңына дейін 475 млн теңге бөлінген Cell Broadcast технологиясын пайдалана отырып, «Mass Alert» қағидаты бойынша халықты жедел құлақтандыру жүйесін енгізуді жоспарлауда», – деді Досаев.

Осы отырыста Төтенше жағдайлар министрі Шыңғыс Арынов жер сілкінісін кез-келген төтенше жағдай...

Қазақстан Ұжымдық қауіпсіздік туралы шарт ұйымынан шығуға ниетті Армениямен авиациялық қауіпсіздік саласындағы ынтымақтастықты кеңейтуде. Бұл туралы Қазақстанның Азаматтық авиация әкімшілігі хабарлады.

Армения Республикасы Азаматтық авиация комитетінің шақыруымен Қазақстан Азаматтық авиациялық әкімшілігі бас директордың орынбасары Дархан Еспотанов бастаған сарапшылар Арменияның Азаматтық авиация комитеті және Звартноц халықаралық әуежайына барып, АҚШ Көлік қауіпсіздігі басқармасының (TSA) алдағы алдын ала аудитінен өтуге консультациялық кеңес берген.

«Сапар қорытындысы бойынша Арменияның Азаматтық авиация комитетінің мен ҚАӘ өкілдері авиациялық қауіпсіздік саласындағы ынтымақтастықты жалғастыруға және кеңейтуге келісті», – делінген хабарламада.

ҚАӘ сарапшылары Арменияның авиациялық билігінің қызметімен және «Звартноц» халықаралық әуежайындағы авиациялық қауіпсіздік жүйесімен танысты. Сондай-ақ Армения Республикасының авиациялық қауіпсіздік саласындағы...

Еуроодақ Apple компаниясына 1,84 миллиард еуро айыппұл салды. Брюссель корпорацияны iPhone және iPad пайдаланушыларына қасақана қымбат ұсыныстарды көрсетіп, өзінің үстем жағдайын теріс пайдаланады деп айыптайды.

Монополияға қарсы тергеу 2019 жылы басталды. Ол кезде Spotify швед сервисі App Store комиссиясына байланысты ай сайын жазылым құнын көтеруге мәжбүр екенін мәлімдеп шағым түсірген.

Бұл істі тексере келе Еуропалық комиссия америкалық корпорацияның пайдаланушыларға арзан балама таңдау мүмкіндігін қасақана қиындатқанын анықтаған. Әзірлеушілер жазылым бағасы қолданбадан тыс жағдайда арзанырақ екенін хабарлай алмаған. Өйткені мұнда сатып алулар тек Apple механизмдері арқылы жүзеге асырылып келген.

Бәсекелестік жөніндегі Еуропалық комиссары Маргрете Вестагер X әлеуметтік желіде осы жағдайға...

Twitter-дің бұрынғы топ-менеджерлері компанияның қазіргі басшысы әрі иесі миллиардер Илон Маскты сотқа берді. 

Reuters ақпаратына сүйенетін болсақ, төрт адам төленбеген жалақысын талап етіп отыр. Оның ішінде компанияның бұрынғы бас директоры Параг Агравал өздеріне 128 млн көлеміндегі төленбеген жалақыны талап етіп отыр. 

Арыз берген өзге азаматтар компанияның бұрынғы қаржы директоры Нед Сегал, компанияның бұрынғы бас заңгері Виджая Гаде, және бұрынғы бас кеңесші Шон Эдгетт.

Маск Twitter-ді бақылауға алғаннан кейін, бұрынғы басшыларды жұмыстан шығарғанын айтқан. Миллиардер оларды компанияға қарсы қызмет етті деп, Twitter-ден кетуге мәжбүр етті.

Миллиардер компанияны 2022 жылдың қазан айында 44 миллиард долларға сатып алды. Кейінірек компания атауы X деп өзгерген.

Естеріңізде болса, SpaceX бас атқарушы директоры Илон Маск Twitter-ді (қазіргі – X) сатып алған...

2024 жылғы ақпанда іскерлік белсенділік индексі жақсарды. Бұл туралы Ұлттық банктің АКСД директоры Рүстем Оразалин мәлімдеді.

Қызмет көрсету секторында көрсеткіш оң – 50,3. Қаңтар айында 50,7 болған. Өндіріс секторындағы көрсеткіш те жақсы – 50,1. Қайтарда 50,4 болған. Өткен аймен салыстырғанда көрсеткіш біршама төмендеген, бірақ жеткізу мерзімін қоспағанда, барлық құрауыштың жақсарғаны байқалады.

Тау-кен өндіру өнеркәсібі мен құрылыста көрсеткіш тиісінше 48,4-ке және 49,2-ге дейін (қаңтарда – тиісінше 45,9 және 47,2) жоғарылағанына қарамастан, теріс болып қалды. Тау-кен өндіру өнеркәсібінде жеткізу мерзімі қасқарды.

Ағымдағы және болашақ бизнес жағдайларды бағалау жақсарды. Ағымдағы және болашақ бизнес жағдайлардың орташа бағалауын білдіретін бизнес-ахуал индексі 10,5 (қаңтарда – 9,1) болды, ал бизнес-цикл «сағатының» индикаторы өсу аймағына ауысты.

Ал...

Қаржы нарығын реттеу және дамыту агенттігінің төрағасы Мәдина Әбілқасымова екінші деңгейдегі банк басшыларымен кездесті. Кездесуде 2023 жылдың қорытындысы шығарылып, банк секторын дамытудың 2024 жылға арналған негізгі бағыттары ұсынылды. Бұл туралы ҚНРДА сайты хабарлады.

2024 жылы Агенттік қадағалау процесінің кешенді моделін құру жұмысын жалғастырады. Осы бағытта агенттік SREP әдіснамасы бойынша қадағалау процесін одан әрі жетілдіруді және AQR басым қадағалау құралдарын, SREP-те қадағалап стресс-тестілеуін біріктіруді жүзеге асырады.

Биыл екінші деңгейдегі банктердің климаттық стресс-тестілеуі әзірлене бастайды. Оған қоса төмен көміртекті экономикаға жаһандық көшу сценарийлерін іске асыру кезінде банктердің орнықтылығы мен ықтимал қаржылық шығынын бағалауға басты назар аударылады.

Агенттік міндеттерінің жеке блогы шоғырландырылған...

2024 жылғы 2 наурыздан бастап Атырау облысы Құрманғазы ауданында  Каспий теңізінің жағалауында Құрманғазы ауылынан 40 шақырым жерде, Құрманғазы орманшылығы КММ аумағында 1000 га алаңда қамыс өртенді. Елдімекенге қауіп жоқ.

4 наурыздан бастап өртенген аумақты әуеден барлау үшін ТЖМ «Қазавиақұтқару» АҚ МИ-8 тікұшағы жұмылдырылды.

Батпақты жерлерде 20 га аумақта қамыс бықсып жанып жатыр. Жалпы жанған аумақ көлемі – 1000 гектар. Оның ішінде 200 гектар аумақты ТЖД күштері сөндірді, ал 780 гектар өздігінен сөнді.

Өртті сөндіру үшін Атырау облысында ТЖД, Құрманғазы орманшылығынан жалпы 37 адам, бір техника, төрт мотопомпа, үш моторлы қайық жұмылдырылды.

Бықсып жанған қамыс әлі сөндіріліп жатыр. Айта...

Мәжіліс отырысында Ішкі істер министрінің орынбасары Айдос Рысбаев Қазақстандағы интернет-алаяқтық тәуекелдерін азайту жолдары туралы баяндама жасады. Оның ішінде маркетплейстерде тіркелген кәсіпкерлерді биометриялық сәйкестендіру де бар.

3645 қылмыстың 1334-і онлайн-сауда саласында жасалған

Вице-министрдің айтуынша, интернет-алаяқтықтардың ең көп саны онлайн-сауда саласында жалған жарнамаларды орналастыру арқылы жасалады. Оның мәліметінше, 2024 жылдың басынан бері 3645 қылмыстың 1334-і осындай жолмен жасалған.

Механизмнің өзі мынадай: алаяқтар жарнама сайттарында авторизациялау үшін шетелдік нөмірлерді немесе рұқсат етілмеген тұлғаларға берілген қазақстандық нөмірлерді пайдаланады.

«Бұл мәселені «Колеса», «Роф», «Базар», OLH, Ozon және т.б. онлайн сауда алаңдарымен бірлесіп пысықтау қажет. Бұл ресурстардың иелері жалған жарнамаларды анықтауда. Соның ішінде шағымдар...

«NASA» спутниктерінің жерді қашықтан зондтау суреттері бойынша 2024 жылғы 1 наурыздағы жағдай бойынша, еліміздің 72%-і қар жамылған. «Қазгидромет» елімізде көктемде су тасуы мүмкін аймақтарды алдын ала бағалады:

Қатер жоғары өңірлер: Абай, Алматы, Шығыс Қазақстан, Батыс Қазақстан, Ақмола, Ақтөбе, Қарағанды, Қостанай, Солтүстік Қазақстан және Жетісу облыстары.

Қатер орташа аймақтар: Атырау, Жамбыл, Қызылорда, Павлодар, Түркістан және Ұлытау облыстары.

Қатер төмен өңір: Маңғыстау облысы.

Қазіргі уақытта елімізде әлі қар жауып жатыр.

Ақмола, Ақтөбе, Атырау, Батыс Қазақстан, Қарағанды, Қостанай, Солтүстік Қазақстан және Ұлытау облыстарының топырақ қату деңгейі былтырғы көрсеткіштерден орташа есеппен 1 сантиметрден 91 сантиметрге дейін төмен. Ақмола (Қалқұтан, Есіл) және Қарағанды (Тоқырау) облыстарының жекелеген бассейндерін...

Ішкі істер министрлігінің ресми өкілі Шыңғыс Алекешев артық салмағы бар полиция қызметкерлеріне қандай талап қойылатынын айтты.

ІІМ-де өткен брифингте ресми өкілге «Аттестация барысында артық салмағы бар полиция қызметкерлері бұрынғыдай жұмыс істей бере ме?» деген сауал жолданды. Шыңғыс Алекешевтің айтуынша, жоғары дене дайындығы туралы талап полицейлердің барлық лауазымдарына бірдей қойыла бермейді.

«Бұл талап бірінші кезекте патрульдік полиция мен арнайы жасақ қызметкерлеріне қатысты. Бұл тұрғыда мәселені бақылауда ұстаймыз. Қызметкерлер аптасына кемінде екі рет дене шынықтырумен айналысуға міндетті. Сондай-ақ жыл соңында қызметкерлердің физикалық дайындығы тексеріледі. Қызметкерлеріміз жыл сайын медициналық тексеруден өтеді. Оларға диета мен емделу бойынша ұсыныс-кеңестер беріледі. Біз артық салмағы бар қызметкерлермен...

«ҚазТрансОйл» АҚ күн энергиясын пайдаланатын 11 дербес гибридті электр генераторлық қондырғыларды іске қосты.

Бұл жұмыстар «Павлодар-Шымкент» мұнай құбырының әуе электр желілерін қайта жаңғырту жобасы аясында іске асырылды.

«Дербес гибридті электр генераторлық қондырғылар «Павлодар – Шымкент» магистральдық мұнай құбырының 11 объектісінде (6 желілік торап және 5 катодты қорғау станциясы) 1499,9 – 1572,1 км орналастырылған. Бұл учаскенің ұзындығы 72,2 шақырым. Дербес гибридті электр генераторлық қондырғылардың электр энергиясын өндіру мөлшері жылына – 254 мың кВт/сағатты құрайды», – деп хабарлады компанияның баспасөз қызметі.

Пайдаланылатын энергия ресурстарын оңтайландыру «ҚазТрансОйл» АҚ қызметінің негізгі бағыттарының бірі. Оның аясында компания өндірістік процестердің энергия тиімділігін арттыруға...

Алматыдағы жер сілкінісі кезінде бір адам зардап шекті. Бұл туралы қалалық төтенше жағдайлар департаментінің басшысы Нұран Атығаев арнайы брифингте айтты.

«Денсаулық сақтау басқармасының мәліметінше, бір зардап шегуші хабарласқан. Оның тобығы жарақаттанған», – деп хабарлады басқарма басшысы.  

Жер сілкінісінен 18 жастағы алматылық зардап шекті

Алматы қаласы Қоғамдық денсаулық сақтау басқармасы бұл деректі растады.

«18 жастағы қала тұрғынына Балалар шұғыл медициналық көмек көрсету орталығында барлық қажетті көмек көрсетілген. Диагнозы: оң табан буыны мен табанның соғылуы. Науқас тұрғылықты жері бойынша емханаға амбулаторлық емделуге жіберілді», – деп хабарлады Қоғамдық денсаулық сақтау басқармасының баспасөз қызметі.  

Үйде түнеу қауіпсіз бе?

Титан диоксиді, титан сынықтары мен сублимациялық сия, сондай-ақ трансформатор өндіруге керек бірқатар шикізатты Қазақстанға баж салығынсыз әкелу уақыты ұзарды. ЕЭК Кеңесінің кезекті отырысында осындай шешім қабылданған. Вице-премьер Серік Жұманғарин бастаған қазақстандық делегация осындай келісімге келген. Бұл туралы Үкіметтің баспасөз қызметі хабарлады.

Сондай-ақ осы жылдан бастап тарифтік жеңілдіктер периметріне елдің электр өнеркәсібіне қажетті тауарлар кірген.

Қазақстанға титан диоксидін әкелуге 5% мөлшердегі бірыңғай кедендік тарифтің орнына нөлдік уақытша баж тағы 2 жылға ұзартылған. Бұл зат титан құймалары мен қорытпаларын өндіруде қолданылады. Қазақстанда оны Өскемен титан-магний комбинаты тұтынады. Кәсіпорынның 45,03% үлесіне ие негізгі акционері – Брюссельде тіркелген SPECIALTY METALS HOLDING...

Төтенше жағдайлар министрі Шыңғыс Әрінов Президентке Алматыдағы жер сілкінісіне байланысты ведомствоның атқарып жатқан жұмыстары туралы баяндады.

«Мемлекет басшысының тапсырмаларына негізделген іс-қимылдар алгоритмі өз деңгейінде орындалды. Қазір қаладағы жағдай қалыпты, барлық тиісті мекемелер бекітілген жоспарға сәйкес жұмыс істеп жатыр», – деп жазды Президенттің баспасөз хатшысы Берік Уәли.

Президент ТЖМ министріне мегаполис тұрғындарының амандығын сақтау және Алматыдағы жағдайды бақылауды қамтамасыз ету үшін қала әкімі Ерболат Досаевпен, сондай-ақ қаладағы барлық жауапты мекемелермен тығыз қарым-қатынаста жұмыс істеуді жалғастыруды тапсырды.

Алматыда бүгін тағы жер сілкінді

4 наурыз сағат 11:22-де Алматыда қатты жер тербелісі болып, халық дүрлігіп қалды. Бұл туралы Алматының Төтенше жағдайлар департаменті хабарлады.

Жер...

Алматы қаласының әкімдігі «Наурыз мейрамы» театрландырылған қойылымына 72,5 млн теңге жұмсамақшы. Бұл мәліметтер мемлекеттік сатып алу порталында жарияланған.

«Алматы қаласы Мәдениет басқармасы» коммуналдық мемлекеттік мекемесі енгізген құжатқа сәйкес, тапсырыс алған компания «Наурыз мейрамы» іс-шарасын ұйымдастырып, өткізуі керек.

«Көрсетілетін қызметтердің мазмұны: жеткізуші Наурыз мейрамын мерекелеуге арналған театрландырылған қойылымды ұйымдастыру және өткізу бойынша өтеулі қызметтер көрсетуге тиіс», – делінген құжатта.

Іс-шараны іске асыру мерзімі 2024 жылдың наурыз айы деп көрсетілген. Өтетін орны – Алматы қаласы, Астана алаңы. Яғни қойылым ашық аспан астында өтеді.

Конкурс талаптарына сәйкес жеткізуші бұл іс-шараны өткізуде өзіндік идеяларды қолдана...

Қазіргі уақытта Қазақстан мен Ресей бизнес субъектілері құны 26,5 млрд доллар болатын 135 жобаны іске асырып жатыр. Сонымен қатар жалпы құны 14 млрд долларды құрайтын қосымша 67 бірлескен жоба пысықталуда. Бұл жобалар негізінен экономиканың негізгі салаларында, атап айтқанда, машина жасау, металлургия және химия өнеркәсібінде жүзеге асырылмақ. Бұл туралы Үкіметтің баспасөз қызметі хабарлады.

Қазақстан Республикасының Премьер-Министрі Олжас Бектенов Ресейге жұмыс сапары барысында РФ Үкіметінің төрағасы Михаил Мишустинмен сауда-экономикалық ынтымақтастық мәселелерін талқылаған.

«Тараптар сауда және инвестиция, өнеркәсіп кооперациясы, энергетика, ауыл шаруашылығы, азаматтық авиация, сондай-ақ транзиттік-көлік салаларындағы бірлескен іс-қимылдарды айқындады. Сонымен қатар мәдени-ағарту саласындағы өзара іс-қимыл...

Қазақстанда SIM- карта сатуға шектеу қою керек. Киберқылмыспен күрес тақырыбына арналған Мәжіліс қабырғасындағы талқылауда депутат Жарқынбек Амантай осындай ұсыныс білдірді.

Депутат осындай шектеу енгізілсе, интернет алаяқтықпен күресуге біршама септігі тиетінін жеткізді.

«Павлодар облыстық полиция департаментінің өкілдерімен, арнайы мамандарымен кезедскен болатынбыз. Олар SIM-карталарды беруге шектеу қойсаңыздар деген ұсыныстарын айтты. Біздің қоғамда кез келген дүкеннен сатып ала салуға болады. Бір кісіге шексіз көп SIM-карта сатыла береді. Ал, кейбір елдердің тәжірибесін алып қарасақ, тек байланыс операторының филиалынан ғана сатып алуға ғана рұқсат бар. Жекелеген дүкендер мұны нан сатқандай таратып сата бермейді. Осыған шектеу қойсаңыздар. Бір кісіге кем дегенде ек...

Қазақстанда шетелдік банк немесе бөлімшесін ашуға қойылатын заң талаптары жеңілдемек. Қаржы нарығын реттеу және дамыту агенттігі биыл Ұлттық банкпен бірлесіп заң жобасын әзірлейді. Ондағы мақсат – сенімділігі жоғары шетелдік банктерді Қазақстан нарығына тарту. Бөлімше ашуға керек құжаттардың тізімі қысқарады

Бұл туралы агенттіктің баспасөз қызметі хабарлады.

«Сенімділігі жоғары шетелдік банктерді елге тарту үшін Агенттік Ұлттық Банкпен бірлесіп шетелдік банктерді немесе олардың филиалдарын ашу тәртібіне қойылатын қолданыстағы талаптарды ырықтандыру туралы заң жобасын әзірлейді. Онда құжаттар тізбесін қысқарту және Қазақстан Республикасының бейрезидент-банктерінің филиалдарына қойылатын реттеушілік талаптарды төмендету көзделеді», – делінген хабарламада.

Қазақстанда жұмыс істейтін шетелдік банктер үшін талап жеңілдетілетіні былтыр...

Алматыда жер сілкінісі салдарынан бірнеше ғимарат зақымданды. Бұған қатысты Қалалық жоспарлау және урбанистика басқармасы түсініктеме берді.

«Жер сілкінісі салдарынан ғимараттарда зақым байқалады. Бұл негізінен төбе, сылақ, кафель және қасбетті әрлеу сияқты әрлеу материалдарының элементтеріне қатысты. Бұл зақымданулар тірек конструкцияларының бұзылуына жатпайды. Өйткені әрлеу материалдарының тұрақтылығы оның сапасы сияқты бірқатар фактіге байланысты», –деп хабарлады басқарма.

Қазіргі таңда аудан әкімдіктері жанынан кешенді тексеру жүргізу үшін уәкілетті орган өкілдерінен тұратын жұмыс топтары құрылды.

«Жер сілкінісі салдарынан зақымдану анықталса, нысандардың тізімі сараптамалық ұйымдар сейсмикалық тұрақтылыққа тексерулер жүргізу үшін Алматы қаласының урбанистика және қала құрылысы басқармасына жіберіледі», – деп хабарлады басқарма.

Бұған дейін...

Bloomberg Қазақстан мен Түркияның еуропалық кәсіпорындарға Ресеймен сауда жасауға көмектесіп жатқаны туралы зерттеу жариялады. Тіпті статистика Украинадағы соғыс басталғаннан кейін сауда көлемінің артқанын растайды.

Соңғы екі жылдағы көрсеткіштер қандай?

Басылымның хабарлауынша, соңғы екі жылда Еуропаның Ресейге экспорты тоқтамаған. Тек қазір тауарлар Ресей Федерациясына Қазақстан арқылы жеткізіліп жатыр.

«Еуропаның Ресей қатысты шектеулері коммерциялық байланыстарды түбегейлі өзгертті. Бірақ сауда байланысын толығымен үзген жоқ», – деп жазылған Bloomberg агенттігінің зерттеуінде. Олар Еуропа мен Ресей арасындағы сауда байланыстары нығайып келе жатқанын және санкциялардың Ресей экономикасына әсері ЕО қалағанынан мардымсыз екенін растайды.

«Тасымал айтарлықтай азайды, бірақ екі тарап ұсынған ақпаратқа сай емес...

Алматы қаласында алдағы уақытта қатты жер сілкінісі болуына 30% ықтималдық бар. Бұл туралы қалалық ТЖД хабарлады.

Ақпаратқа сүйенсек, «Сейсмикалық бақылау мен зерттеу Ұлттық ғылыми орталығының» сейсмикалық жағдайды бағалау жөніндегі комиссиясы алдағы күндері Алматы аумағында күшті жер сілкіністері 70% ықтималмен күтілмейді деген қорытындыға келген.

«Комиссия жер сілкінісінен соң думпулер болады деп санайды. «Сейсмикалық бақылау мен зерттеу Ұлттық ғылыми орталығы» ЖШС сейсмикалық жағдайды бағалау жөніндегі комиссия жақын арада күшті жер сілкіністері 70% күтілмейді деген қорытындыға келді», – делінген хабарламада.

4 наурызда сағат 11:22 шамасында Қазақстан мен Қырғызстан шекарасында магнитудасы Мрv=6.1 тіркелген жер сілкінісі болып, Алматыда 5 балл сезілген.

Сейсмикалық бақылаулар мен зерттеулердің ұлттық ғылыми орталығы бақылауды жалғастыратын болады. Комиссияның келесі отырысы 6 наурызда...

Бүгінгі жер сілкінісіне байланысты Алматы метросы жұмысын уақытша тоқтатты. Бұл жайлы метрополитеннің баспасөз қызметі хабарлады.

Метрополитен әкімшілігі станциялар мен тоннельдердің тексерілетінін мәлімдеген.

«Құрметті жолаушылар! Қауіпсіздікті қамтамасыз ету мақсатында мамандар метро тоннельдерін тексеру жұмыстарын жүргізетін болады. Осы орайда Алматы метрополитені ТЖД жұмыс орындарына оралуға рұқсат еткеннен кейін шамамен үш сағат көлемінде қайта іске қосылады», – делінген компания хабарламасында.

Баспасөз қызметінің хабарлауынша, қазіргі кезде метро аумағында ешқандай бұзылыс байқалмаған. Барлық метрода болған жолаушылар эвакуацияланған.

Еске сала кетсек, 2024 жылы 4 наурыз күні сағат 11.22-де Алматыда қатты жер тербелісі болып, халық дүрлігіп қалды. Бұл туралы Алматының Төтенше жағдайлар...