Жаңалықтар

EgovMobile мобильді қосымшасы арқылы жеке деректеріне қатысты хабарлама алған азаматтар Ақпараттық қауіпсіздік комитетіне жүгінуі керек. ҚР Цифрлық даму, инновациялар және аэроғарыш өнеркәсібі министрлігі осындай хабарлама таратты.

«Егер сіз хабарлама алған болсаңыз және «МҚҰ Robokesh.kz» ЖШС-нің жеке деректерін жинауға және өңдеуге келісім бермеген болсаңыз Ақпараттық қауіпсіздік комитетіне жүгінуіңізді сұраймыз. Бұл кінәлі тұлғаларға қатысты Қазақстан Республикасының заңнамасында көзделген қажетті шараларды толық қарастыру және қабылдау үшін қажет», – деп хабарлады ведомство.

ҚР Дербес деректер және оларды қорғау туралы заңнамасының талаптарын бұзғаны үшін «Әкімшілік құқық бұзушылық туралы» ҚР Кодексінің 79-бабына және 641-бабы бірінші бөлігінің 1) тармақшасына сәйкес...

Қазақстанда ұялы байланыс қызметтері қымбаттады. Бұл соңғы 13 жылдағы ең жоғары көрсеткіш, деп хабарлады Бірінші кредиттік бюро. 

Ақпанда қаңтармен салыстырғанда көрсеткіш бірден 6,2%-ға өсті. Ұлттық статистика бюросының деректеріне сәйкес, бұл 2011 жылдың қаңтарынан бері ең жоғары айлық көрсеткіш.

Сонымен қатар, соңғы рет бағаның айлық өсімі 2023 жылдың шілде және тамыз айларында тіркелген. Екі жағдайда тариф 2,8%-ға артты.

Баға арзандады ма?

Соңғы рет ұялы байланыс кұны 2018 жылдың ақпан айында арзандады.

Жылдық динамикаға келсек ақпанда көрсеткіш 12,4% өсті. Ал өткен жазға дейін бағаның өсу қарқыны айтарлықтай жоғары болған жоқ.

Интернет тарифі аса құбылған жоқ

Алайда интернет үшін...

Жер қойнауын пайдалану шеңберінде жобалау құжаттарына сараптама жүргізу үшін тәуелсіз сарапшыларды тарту қағидаларына өзгеріс енгізілді. 

Оған сәйкес, барлау жұмыстары мен сынамалық пайдалану жобасына 1 тәуелсіз сарапшы шақыртылуы керек. Ал  даму жобасын әзірлеу мен талдауға 2 тәуелсіз сарапшы тартылады.

Орталық комиссия жобаны жер қойнауын пайдаланушыдан алған күннен бастап 3 жұмыс күні ішінде оны тәуелсіз сараптама жүргізу үшін сарапшыға жібереді. Сонымен бірге бұл жөнінде жер қойнауын пайдаланушыны бір мезгілде хабардар етуі керек. 

Бұдан әрі сарапшының қорытындысы көмірсутектер кен орындарын барлау және игеру жөніндегі орталық комиссияға ұсынылады.

Жобалардың тәуелсіз сараптама ақысы жер қойнауын пайдаланушының көмірсутектердің барлау сатысына немесе геологиялық қорларына байланысты төлейді. 

Дәл қазір автомобиль нарығында болып жатқан өзгерістерді соңғы жүз жылдықтағы ауқымды трансформация деп айта аламыз. Өйткені үкіметтер көлемді субсидиялар беріп жатыр. Олардың бар мүддесі – мейлінше тезірек электромобильдерге ауысу. Бұл бір жағынан жаһандық көміртекті бейтараптық міндетін орындайды, екінші жағынан көліктерді сапалық тұрғыдан жетілдіре түседі. Әсіресе, қытайлық өндірушілердің қарқыны әлемді таңғалдырып отыр. Bloomberg-тің хабарлауынша, тағы бір мәселе – елдердің электр көліктерін жеткізу тізбегінде қаншалықты басым екені. Автоөндірушілер өндірісті күшейтуге тырыса бастағанда, бүкіл әлемде электр көліктеріне сұраныстың өсуі баяулады. Бұл комбинация батыстық автоөндірушілер үшін үлкен шығынға әкеп соғуы және автомобиль көлігінен парниктік газ шығарындыларын азайту жөніндегі амбициялық мақсаттарға қауіп төндіруі мүмкін.

Түркістан облысының әкімдігі танымал қазақстандық ауыл шаруашылығы маманы Кирилл Павловтың «Бөген» су қоймасының жарылу қауіпі туралы ескертуіне жауап берді. Әкімдік берген ақпаратқа сәйкес, қазіргі уақытта су қоймасында төтенше жағдай қауіпі төніп тұрған жоқ.

«Бөген» су қоймасы Түркістан облысы әкімдігінің қарамағында. Жергілікті билік мәлімдегендей, 2021-2022 жылдары төтенше жағдайлардың алдын алу мақсатында ағымдағы жөндеу жұмыстары жүргізілген. Қазір күрделі жөндеу жүргізуге жобалық-сметалық құжаттама әзірленуде.

«Бөген» су қоймасында қауіп жоқ

 «Су қойманың беріктігін арттыру мақсатында 2022 жылы ағымдағы жөндеу жұмыстары жүргізілді. Қазіргі уақытта қоймадағы су авариялық жағдайлардың алдын алу бойынша тиісті құралдармен қамтамасыз етілген. Су қойманың пайдалану ережесі 1967 жылы «Союзгипрорис» институтыны...

Ұлттық экономика министрлігі екінші деңгейлі банктердің корпоративті табыс салығы мөлшерлемесін 20%-дан 25%-ға арттыру ұсынып отыр. Бұл талап 2025 жылдан бастап қолданысқа енгізілуі тиіс жаңа салық кодексінде қарастырылмақ.  Бұл Ашық үкімет порталында талқылауға ұсынылған «Салық және бюджетке төленетін басқа да міндетті төлемдер туралы» ҚР кодексінің (Салық кодексі) жобасына Реттеушілік саясаттың консультативтік құжатында көрсетілген. Қоғамдық талқылау 27 наурызға дейін болады.

«КТС мөлшерлемелерін саралау: 25% – банк секторы үшін; 20% – жалпыға бірдей белгіленген мөлшерлеме; ауыл шаруашылығы тауарын өндірушілер, қаржы лизингі, әлеуметтік сала (білім, медицина, денсаулық сақтау) үшін 10%», – деп жазылған қоғамдық талқылауға ұсынылған құжатта.

 АҚШ-тың қор индекстері өткен аптада технологиялық компаниялардың акцияларын сатқаннан кейін теріс нәтижемен аяқталды. Nasdaq Composite бір аптада 1,2% жоғалтып, S & P 500 0,3% төмендеді. Бұған өткен аптаның соңында сатылымға инвесторларды технологиялық сектордағы кірісті тіркеуге мәжбүр еткен жұмыспен қамту туралы даулы есебі себеп болды.

Yahoo Finance жазғандай, осы аптада инвесторлар Федералды резервтік жүйенің 20 наурызға белгіленген отырысына дейін үлкен сынақтан өтеді. Сейсенбі күні АҚШ-тағы инфляция туралы мәліметтер шығып, ал аптаның екінші жартысында жаңа бөлшек сауда статистикасы пайда болады.

 11 наурызда Casey ‘ s General Stores және Oracle тоқсандағы қаржылық нәтижелер туралы есеп береді.

Сейсенбі, 12 наурызда АҚШ-тың Федералды...

Polymetal International plc Ресейдегі үлесін «Мангазея плюс» АҚ компаниясына сатты. Бұл жайлы компанияның баспасөз қызметі хабарлады. 

Баспасөз қызметі Polymetal International plc компаниясы акционерлер жиналысында мақұлдаған және барлық кейінге қалдырылған шарттардың орындалғанын және  «Мангазея Плюс» АҚ компаниясына «Полиметалл»АҚ-ның топтың  ресейлік активтерінің холдингтік компаниясының 100% акциясын сату бойынша  бұрын жарияланған мәміленің сәтті жүзеге асқанын хабарлады. 

«Біз акционерлердің ресейлік бизнесті сатуға қолдау көрсеткеніне қуаныштымыз. Бұл мәміленің жабылуымен негізгі тәуекелдер жойылды. Енді менеджмент бойынша мамыр айында капиталды бөлудің жаңа стратегиясы мен саясаты енгізіледі», – деді Polymetal-дың бас атқарушы директоры Виталий Несис. 

2024 жылғы 19 ақпанындағы мәміле шарттарында көрсетілген...

Saudi Aramco компаниясы Қытайда мұнайға деген сұраныстың артқанын мәлімдеді. АҚШ қор нарығындағы сарапшылар «көпіршікке» қатысты шамадан тыс алаңдау туғанын айтып отыр. Алайда жаңа банктік дағдарыстың туу ықтималдығы нарық қатысушыларын бей-жай қалдырмасы анық.

Уолл-стрит сарапшылары: қор нарығындағы көпіршікке қатысты алаңдауды асыра сілтеу деп бағалайды

2023 жылдың қазан айынан бастап S&P 500 индексі 25%-ға артты. Бірақ бұған тек кейбір компаниялардың өсуі ықпал етті. Goldman Sachs мәліметтері бойынша, қазіргі кезде АҚШ-тағы 10 эмитент S&P 500 нарықтық капитализациясының 33%-ын және осы индекс кірісінің 25%-ын құрайды.

Мұндай тығыз концентрация нарықтағы «көпіршікке» қатысты алаңдаушылыққа әкелді. Yahoo Finance сауалнамасына қатысқан сарапшылар бұл асыра айтылған...

Америкалық физик-теоретик Роберт Оппенгеймердің өміріне арналған режиссер Кристофер Ноланның «Оппенгеймер» фильмі «Үздік фильм» номинациясы бойынша Оскар сыйлығын жеңіп алды. Кинотуынды жеті номинация бойынша үздік деп танылған.

Жалпы, «Үздік фильм» аталымына 10 туынды ұсынылған. Біріншісі Кристофер Нолан түсірген «Оппенгеймер». Сонымен бірге Корд Джефферсонның «Америкалық фантастика», Жюстин Триенің «Құлау анатомиясы», Грета Гервиг түсірген «Барби», Александр Пэйннің «Қалғандар» аттты фильмі, Мартин Скорсезе «Ай гүлін өлтіргендер», Брэдли Купер «Маэстро», Селин Сон «Өткен өмір», Йоргос Лантимос «Бақытсыз кедейлер», Джонатан Глейзер түсірген «The Zone of interest» фильмдері үздік фильм номинациясына ұсынылған.

Ең үздік актер

Соның ішінде үздік деп танылған «Оппенгеймер» тағы 13 номинация бойынша...

Биыл қаңтарда елімізде 4 миллион тоннадан астам темір кені өндірілді. Бұл 2023 жылдың қаңтарымен салыстырғанда 10,5%-ға көп.

АҚШ Геологиялық қызметінің (USGS) мәліметінше, 2022 жылы дүние жүзінде 2,8 миллиард тоннаға жуық металл өндірілген. Оның ішінде ең көбі – темір. Жалпы өндіріс көлемі 93,3% немесе 2,6 млрд тонна. Оның ішінде темірдің үлесі 1,6 миллиард тонна. Дүние жүзіндегі темір рудасын өндірудің ең үлкен көлемі 880 миллион тонна көрсеткішпен Аустралияда тіркелді. Одан кейін Бразилия (410 миллион), Қытай(380 миллион) және Үндістан (290 миллион) келеді.

Көршілес Ресейде 90 миллион тонна темір кені өндірілді. USGS мәліметінше, 2022 жылы темір кенін өндіру көлемі 66 миллион тоннаны құраған...

Қосшы қаласының прокуратурасы салық органы қызметкері жасаған алаяқтықты ашты. Ол 5 интернет-алаяқтық жасап үлгерген.

Оқиғаның мәнісі: Салық органының қызметкері қарапайым азаматтарды декларация тапсыру қажет екенін сылтауратып шақырған. Сосын олардың жеке және биометриялық деректерін өзінің ұялы телефонына түсіріп, онлайн  микро-несиелер рәсімдеген. Ақшаны өзінің шоттарына аударып отырған.

Оқиға немене аяқталды: Ісі әшкере болған салық органы қызметкері ҚР Қылмыстық Кодексінің 190-бабы «Алаяқтық» бойынша қылмыстық жауапкершілікке тартылды.

Ақмола облысы прокуратурасы азаматтарды барлық ақпаратты жан-жақты тексеріп, бейтаныс адамдардың онлайн режимде түрлі қаржылық операцияларын жүргізу туралы ұсыныстарға сыни тұрғыда қарау қажет екенін ескертеді.

Бұған дейін Ұлттық Банк алаяқтық жиілеп кеткенін ескертті. Алаяқтар өзінің «құзыретін» дәлелдеу үшін жалған құжат...

2019-2023 жылдар аралығында Ресейдің қару-жарақ экспортының көрсеткіші 2014-2018 жылдармен салыстырғанда 53%-ға төмендеген. Солайша Ресей бірінші рет үздік экспорттаушы қатарынан үшінші орынға түскен. Бұл туралы Стокгольм халықаралық бейбітшілікті зерттеу институтының (SIPRI) баяндамасында айтылған.

Зерттеулерге сенсек, Ресейдің әлемдік нарықтағы үлесі 11%-ды құраған. Ресейді Франция мемлекеті басып озған. Бұл елде өсім 47%-ды құрап, әлемдік экспорттағы үлесі – 11%ға жеткен. Ал АҚШ-тың әлемдік экспорттағы үлесі – 42%-ға артқан.

Әлемдегі ең ірі қару-жарақ экспорттаушылардың ондығына бұл елдерден бөлек Италия (+86%, әлемдік нарықтың 4,3%), Оңтүстік Корея (+12%, әлемдік нарықтың 2%), Қытай (-5,3%, әлемдік анрықтағы үлесі – 5,8%), Германия (-14%; 5,6%), Ұлыбритания (-14%; 3,7%), Испания...

Ауа райының қолайсыздығына байланысты Ақтөбе, Қызылорда, Ұлытау облыстарында көлік қозғалысына шектеу қойылды. Бұл өңірлерде күн райы бұзылып, жаңбыр жауып, көктайғақ болған.

11 наурыз сағат 07:00-дегі жағдай бойынша ауа райының қолайсыздығына байланысты 3 облыста республикалық маңызы бар 3 автожолда көлік қозғалысына шектеу енгізілді, – деп хабарлайды QazAvtoJol.

Ақтөбе облысында – жалпы ұзындығы 189 км құрайтын 1 автожолда шектеу енгізілді. Оған жел, жаяу бұрқасын, көктайғақ болуы себеп болған. Ақтөбе облысының «Самара-Шымкент» «ЭКО Ойл» жанармай құю бекеті-Қарабұтақ елдімекеніне дейінгі жерде жүк және қоғамдық көлік үшін шектеу қойылды.

Ұлытау облысында ауа райы нашарлаған. Салдарынан Қызылорда облысында...

Мемлекет басшысы Қасым-Жомарт Тоқаев Рамазан айының басталуымен құттықтады.

«Қымбатты отандастар! Сіздерді Рамазан айының басталуымен құттықтаймын! Халқымыз үшін Қасиетті оразаның мән-маңызы айрықша.  Бұл – қоғамда имандылық, адалдық, жанашырлық, мейірімділік сияқты мызғымас құндылықтарға барынша мән берілетін кезең. Бүкіл мұсылман қауымының ынтымағы артып, бір-біріне бауырмалдығы айқын көрінетін мезгіл.  Ораза айы рухани тазаруға, мұқтаж жандарға көмек қолын созып, қайырымдылық жасауға үндейді. Сол арқылы барша адамзаттың береке-бірлігі нығая түсуіне ықпал етеді», –деді Президент құттықтауында.

Сондай-ақ Мемлекет басшысы дін мен дәстүр сабақтастығын берік ұстанатын ел татулығын, тұрақтылығы мен тыныштығын сақтап, кез келген сын-қатерден сүрінбей өте алатынын атап өтті.  

Сонымен...

Қасым-Жомарт Тоқаев Әзербайжанға мемлекеттік сапары қарсаңында сұхбат берді. Бұл туралы «АПА» агенттігі хабарлады.

Екі ел арасындағы байланыс

Мемлекет басшысы сұхбатта екі ел арасындағы қарым-қатынасқа баға берген.

Қазіргі қазақ-әзербайжан қарым-қатынасы өркендеп келеді. Өзара әрекеттестіктің дәстүрлі тетіктерінен басқа іскерлік және сараптамалық кеңестер құрылып, жұмыс істейді. Бакуге сапарым барысында Жоғары мемлекетаралық кеңестің жұмысын бастап, оның бірінші отырысын өткіземіз, – деді Қасым-Жомарт Тоқаев.

Президент 2020 жылдан бері екі ел арасындағы тауар айналымы бес есеге жуық өскенін айтты (109 миллион доллардан 529 миллион долларға дейін).

Біздің «портфелімізде» екі ел үшін де, жалпы айма...

Цифрлық даму, инновациялар және аэроғарыш өнеркәсібі министрлігі микрокредиттік ұйымда жеке деректері тарап кеткені туралы хабарлама алған азаматтарға үндеу жолдады.

Үндеуді ЦДИАӨМ ресми өкілі Альбина Әтен жариялады.

Сізге eGov қосымшасы арқылы жеке деректеріңіздің таралып кеткені туралы хабарлама келсе, Zaimer микрокредиттік ұйымының клиенті болмасаңыз да, міндетті түрде Цифрлық министрліктің Ақпараттық қауіпсіздік комитетіне жүгінуіңізді сұраймыз. Бұл сіздің жеке деректеріңіздің қауіпсіз болуы үшін қажет! – делінген хабарламада.

Айта кетейік, Zaimer.kz арқылы қазақстандықтардың 2 миллионнан аса жеке деректері тарап кеткен болатын.

2024 жылғы 5 наурызда «Мемлекеттік техникалық қызмет» АҚ Zaimer.kz («МҚҰ «Робокэш.кз» ЖШС) микроқаржы ұйымының клиенттер...

Атырау облысының Құрманғазы ауданында өртенген қамыс сөндірілді. Бұл туралы ТЖМ хабарлады.

2500 га алаңдағы өрт 9 наурызда сағат 18-30-да оқшауланды, бүгін сағат 11:00-де жойылды. Өртті сөндіруге ТЖД, Орман шаруашылығы және ЖАО-ның 60-қа жуық адамы, 21 техникасы жұмылдырылды, – делінген хабарламада.

Айта кетейік, 2024 жылғы 2 наурыздан бастап Атырау облысы Құрманғазы ауданында  Каспий теңізінің жағалауында Құрманғазы ауылынан 40 шақырым жерде, Құрманғазы орманшылығы КММ аумағында 1000 га алаңда қамыс өртенді. Елдімекенге қауіп жоқ.

Батпақты жерлерде 20 га аумақта қамыс бықсып жанып жатыр. Жалпы жанған аумақ көлемі – 1000 гектар. Оның ішінде 200 гектар аумақты ТЖД...

Франция Украинаға Батыс әскерлерін жіберуге дайын елдердің альянсын құрайын деп жатыр. Бұл процесте абайлап әрекет ететін Берлинмен қақтығысы тереңдеп отыр. Бұл туралы Politico.ru хабарлады.

Францияның сыртқы істер министрі Стефан Сежурне жұма күні Литваға барды. Ол Балтық еліндегі және украиналық әріптестерімен кездесті. Украинаға миналарды тазарту сияқты салаларда шетелдік әскерлер көмектесе алады деген идеяны қолдады.

Балтық елдері министрлері Францияның «ерекше ойлайтынын» айтып, қошеметтеді.

Франция президенті Эммануэл Макрон өткен айда Украинаға батыс әскерін жіберу қажет болуы мүмкін екенін айтқан. Бұл ұсынысты Германия, Чехия, Польша сияқты елдер қолдамаған еді. Бірақ Польша позициясын өзгертіп, қолдайтындар қатарына ауысты.

Польша билігі НАТО әскерін...

Польша билігі НАТО әскерінің Украинаға барғанын қолдайды. Бұл туралы Польшаның сыртқы істер министрлігінің Twitter-дегі парақшасы жазды.

НАТО әскерінің Украинаға баратыны мүмкін нәрсе. Мен Франция президенті Эммануэл Макронның бастамасын қолдаймын. Өйткені біз Путиннен емес, Путин бізден қорқады, – деп жазды Польшаның СІМ Радослав Сикорский.

Бұған дейін Франция Коммунистік партиясының жетекшісі Фабьен Руссель партия басшыларымен кездесуінде президент Эммануэль Макрон майдан Одесса немесе Киевке қарай жылжи берсе, Украинаға әскер жібере алатынын айтқанын мәлімдеді.

Айта кетейік, бұған дейін НАТО-ға мүше елдер қорғанысқа ЖІӨ-нің қанша бөлігін жұмсайтынын жазған едік.

НАТО-ға мүше барлық мемлекет жыл сайын қорғаныс...

Президент Қасым-Жомарт Тоқаев 11-12 наурыз күндері Әзербайжан Республикасына мемлекеттік сапармен барады. Бұл туралы Ақорда хабарлады.

Сапар аясында Мемлекет басшысы Әзербайжан Президенті Ильхам Әлиевпен келіссөз жүргізеді. Оған қоса Қазақстан мен Әзербайжанның Жоғары мемлекетаралық кеңесінің алғашқы отырысына қатысады.

Бұған дейін Қазақстан Әзербайжан арқылы тасымалданатын мұнай көлемін арттыратыны белгілі болды.

Алмасадам Сәтқалиев болашақта Қазақстандағы мұнай өндірісі артатынын айтады. Соны ескере отырып Ұлттық компаниялар алдына тасымалданатын мұнай көлемін міндеті қойылған.

«Біздің Ұлттық компанияларымыздың алдына Қазақстанда өндірістің өсуін ескере отырып, мұнай жеткізу көлемін ұлғайту міндеті қойылды. Осыған байланысты, қазақстандық мұнайды жеткізу көлемін ұлғайтуды жоспарлап отырмыз», – деп атап...

Алматы облысында су тасқыны қаупі бар учаскелерге аэровизуалды тексеру жүргізілді. Бұл туралы Төтенше жағдайлар министрлігі хабарлады.

Аэровизуалды тексеру Іле және Күнгей Алатауы жоталары өзендерінің бассейндері бойынша (Талғар өзенінің бассейнінен Шелек өзенінің бассейніне дейін) жүргізілді. Нәтижесі мынадай:

Ranking.kz Қазақстан халқының өңірлер бойынша саны мен елімізде қойылған есімдер статистикасын шығарды.

Биылғы жыл басында Қазақстан Республикасындағы халық саны 20 млн адам болды, бұл бір жыл бұрынғыдан 1,3%-ға артық.

Қазақстан азаматтарының көбі дәстүрлі түрде еліміздің оңтүстік аймақтарында – Алматы қаласында (2,2 млн адам, былтыр 3,1% адам қосылды), Түркістан облысында (2,1 млн адам, 1,1% адам қосылды) және Алматы облысында (1,5 млн адам, 1,7% адам қосылды) тұрады. Елордада 1,4 миллион адам тұрады, былтыр 5,6% адам қосылды.

Ал ең аз халық Ұлытау өңірінде тұрады: 221,6 мың адам – бір жыл бұрынғыдан 0,1%-ға артық. Одан кейін Солтүстік Қазақстан (530,1 мың адам) және...

Ақтөбе облысы мен Орал қаласында Кинологтар одағы қазақ тазысын құжаттандыру жұмыстарын жүргізу барысында, асыл тұқымды иттерге тексеру жүргізеді. Бұл жайлы кинологтар одағының баспасөз қызметі хабарлады.

Кинологтар бұл шараларды Қазақстан Республикасы Президентінің тапсырмасын орындау мақсатында жүзеге асырып жатыр.

«Қазақстан кинологтар одағы қазақ ит тұқымдарын сақтау, дамыту және халықаралық аренада тану бойынша белсенді жұмысты жалғастыруда. Қазақстанның барлық аймағындағы асыл тұқымды иттерді идентификациялау және халықаралық стандартқа сай құжаттандыру маңызды мәселелердің бірі», – делінген баспасөз хабарламасында.

Кинологтардың «Қазақ тазы» тұқымды иттерге асыл тұқымды шолу өткізуіне ҚР Президенті Әкімшілігінің және Ақтөбе облысы әкімдігі қолдау көрсеткен.

Бұл шаралар 2024 жылдың 10 наурызында Ақтөбе...