Жаңалықтар

Қазақстан жасыл желекке бөленген елдер рейтингінде 78 елдің ішінде 72-орында тұр. Сенатор  Советбек Медебаев елдегі экологиялық жағдайдың мәз емес екенін мәлім етті. Қазақстан экологиялық тиімділік рейтингінде Aфрика елдерінен де төмен тұрғанын айтты.

Сенаттың жалпы отырысында депутат ауаның, судың және топырақтың шамадан тыс ластану проблемаларын айтып берді.  Оның айтуынша, Қазақстанда Астана, Алматы, Ақтөбе, Қарағанды, Жезқазған және Теміртаудағы ауа жоғары деңгейде ластанғаны байқалады. Оның бәрі адамдардың өмірі мен денсаулығына кері әсер етеді.

«Жезқазған және Сәтпаевтағы өндіріс орындарында зиянды газдарды сүзетін қондырғыларды жаңартуды дер кезінде жүргізбесе, экологиялық жағдай күрт нашарлауы мүмкін. Қазіргі уақытта Жезқазған өңірінде негізгі су көзі – Кеңгір су қоймасы...

Денсаулық сақтау министрлігі балалар мен жасөспірімдерге энергетикалық сусындарды сатуды шектеуді көздейтін арнайы құжат әзірледі. Ол құжат «Ашық НПА» порталына орналастырылды.

Бұл құжатта Денсаулық министрлігі 21 жасқа толмаған адамдарға энергетикалық сусындарды сатуға тыйым салу мәселесі қарастырылған.

«Қазақстанда балалар, жасөспірімдер мен жастар арасында олардың денсаулығы мен дамуына кері әсер ететін энергетикалық сусындарды жоғары тұтыну байқалады. Қазіргі уақытта жасөспірімдерге арналған автоматтарда ЭС сатуға толық тыйым салынған жоқ. Дегенмен, елде жасөспірімдердің денсаулығына ЭС әсерін бағалауға және оларды сатуға шектеулерді енгізуге бағытталған іс-шаралар мен зерттеулер жүргізілуде. Қазіргі уақытта 21 жасқа толмаған тұлғаларға ЭС сатуға тыйым салуды енгізу бойынша...

Қаржылық мониторинг агенттігі жеке тұлғалардың криптовалютамен заңсыз операциялар жүргізгенін хабаралды.

Криптовалюта көбінесе алаяқтық, қаржылық пирамида және қылмыстық жолмен алынған кірістерді жылыстату сияқты қылмыстарда қолданылады.

Осыған байланысты ҚМА Қазақстан аумағында бұған қатысты бірнеше операцияға тыйым салынғанын еске салды:

Шектеудің бір ғана ерекшелігі бар. Ол «Астана» халықаралық қаржы орталығының (АХҚО) лицензиясын алған биржалардың қызметіне...

Дэн Айвз бастаған Wedbush инвестициялық компаниясының сарапшылары Apple акцияларының құнының төмендеуін пайдалануға кеңес береді. Олар компанияның құнды қағаздарының инвесторлар үшін қызықты болуының бес себебін атады.

Толығырақ

2024 жылы Apple акцияларының инвесторларына оңай болған жоқ. Бірақ Айвз компанияны әлі де «жақсы күндер» күтіп тұр деп сендіреді. Дегенмен Қытайдағы сатылымның төмендеуі көңіл қуантарлық емес, деп жазды Business Insider. Wedbush мәліметтері бойынша, инвесторлардың iPhone өндірушісіне оптимистік көзқараста болуының кем дегенде бес себебі бар.

— 2024 жылға арналған iPhone сатылымының қазіргі бағалары қолайлы, ал 2025 жылға консервативті болып қала береді.

— Пайдаланушылардың құрылғыларды жаңарту циклі аясында жаңа iPhone 16 сатылымы...

Сенаттың жалпы отырысында «Қазақстан Республикасының кейбір заңнамалық актілеріне трансферттік баға белгілеу мәселелері бойынша өзгерістер мен толықтырулар енгізу туралы» заңы екі оқылымда қаралып мақұлданды.

Бұл заң Қазақстанның негізгі экспорттық позицияларының баға белгілеуіне бақылауды күшейтуге бағытталған. Атап айтқанда, заң салық салынатын кірісті ұлғайтуға мүмкіндік беретін интерквартильдік ауқымды және баға диапазонының медианалық мәнін қолдану арқылы экспорттық бағаны төмендетуге жол бермейді.

Құжат халықаралық іскерлік операциялардағы мемлекеттік кірісті жоғалтудың алдын алуға бағытталған. Сонымен қатар мемлекет басшысының трансферттік баға белгілеуге бақылауды күшейту жөніндегі тапсырмасын орындау мақсатында әзірленген. Заң нормалары салық төлеушілердің де, тексерушілердің де әкімшілік шығындарын төмендетуге арналған.

«Мемлекет басшысы...

7 наурызда Германияда пойыз машинистері мен әуежай қызметкерлері ереуілге шықты. Кәсіподақ өкілдері ереуілдің 35 сағатқа созылатынын хабарлаған. Себебі олар апталық жұмыс уақытын 35 сағатқа қысқартуды талап етіп отыр.

DW басылымының ақпаратына сүйенсек, Берлин уақытымен сәрсенбі күні кешке басталған ереуіл жұма күні таңға дейін жалғасады. Lufthansa авиакомпаниясының әуежайдағы қызметкерлері мен Deutsche Bahn теміржол компаниясының машинистері 35 сағат бойы жұмысқа шығудан бас тартқан. 

Ереуілге шыққандардың басты талабы 1 аптадағы жұмыс уақытын 48 сағаттан 35 сағатқа қысқарту болып отыр. Осыған дейін компаниялар жұмыс уақыты қысқарған жағдайда қызметкерлердің еңбекақысы да қысқаратынын айтқан. Алайда кәсіподақ өкілдері жұмыс уақыты қысқарғанымен, жалақыны қысқартпау керектігін айтып қарсылық акцияларын ұйымдастырып жатыр.

Осыған дейінгі ереуілдері туралы...

1 млн теңгені тез жинауға болатын өңірлер анықталды. Экономикалық зерттеулер институтының зерттеуінше 5 өңірде 1 млн теңгені тез жинау мүмкіндігі жоғары екен.

Институт сарапшылары 2023 жылғы өңірлер бөлінісінде орташа жалақы бойынша ресми статистика деректерін пайдалана отырып,  Ұлытау, Маңғыстау, Атырау облыстарының, сондай-ақ Астана және Алматы қалаларының тұрғындары 2-3 жыл ішінде 1 млн теңге жинақтай алады деген тұжырым жасаған.  

Ал СҚО, Жетісу, Алматы және Жамбыл облыстары тұрғындарына қор жинау қиынырақ болайын деп тұр. Бұл өңірлерде 1 млн теңге жинақтау үшін шамамен 4 жыл қажет болады екен. 

Институт есептеулерін медиандық жалақы көрсеткіштеріне сүйене отырып әзірлеген. Ал медиандық жалақы дегеніміз әдетте орташа айлы...

Еуропалық одақ елдері арасында су тапшылығына байланысты қақтығыс болуы мүмкін. Бұл туралы Politico басылымы хабарлады.

«Су тапшылығы жылдан-жылға артып келе жатыр. Ғасыр соңына қарай жиі болатын құрғақшылық Еуроодақ экономикасының өсімін 7%-ға төмендету қаупі төніп тұр», – деп жазылған мақалада.

Сонымен қатар құжатта су тапшылығы өмірдің барлық дерлік аспектілеріне қауіп төндіретіні айтылған.

«Оның ішінде тамақ пен ауызсу, инфрақұрылым, адам денсаулығы және негізгі экономикалық қызмет бар. Бұл тәуекелдер әртүрлі салаларда болуы мүмкін. Олардың кейбіреуі секторлар арасындағы су ресурстары үшін бәсекелестікті күшейтуі ықтимал. Соның ішінде трансшекаралық су ресурстарына қатысты мүше мемлекеттердің арасындағы қақтығыстардың ықтимал қаупін қамтиды», – деп жазылған құжатта.

Жуырда ғана БАҚ-та «ҚазМұнайГаз» еншілес кәсіпорын – KMG International-ды жекешелендіру бойынша келіссөздерді бастағаны туралы ақпарат тарады. Алайда ұлттық компания бұл ақпаратты жоққа шығарды.

«100% «ҚазМұнайГаз» ҰК» АҚ-ға тиесілі KMG International N.V. жекешелендіруге дайындалып жатыр. Компанияны басқаруға серіктес тарту бойынша келіссөздер басталды. Компания 2009 жылдан бері толықтай «ҚазМұнайГаз» компаниясына тиесілі», – деп жазылған бұған дейін тараған ақпаратта.

Бірақ ҚМГ мұны жоққа шығарды. Ресми ақпаратқа сүйенсек, қазіргі уақытта KMG International N.V. Жекешелендірудің 2021-2025 жылдарға арналған кешенді жоспарына енгізілген. Құжат «Жекешелендірудің 2021-2025 жылдарға арналған кейбір мәселелері туралы» Қазақстан Республикасы Үкіметінің 2020 жылғы 29 желтоқсандағы № 908 қаулысымен бекітілген.

«ҚМГ қазіргі уақытта...

Polymetal International акционерлері компанияның ресейлік активтерін сату туралы келісімді мақұлдады. Бұл туралы компания баспасөз қызметі хабарлады.

«Polymetal International plc 2024 жылғы 7 наурызда, Астана уақыты бойынша сағат 11:00-де өткен акционерлердің жалпы жиналысында директорлар 2024 жылғы 19 ақпанда ұсынған шешімнің қабылданғанын хабарлайды», – делінген ақпаратта.

Акционерлердің 96,74%-ы компанияның ресейлік активтерін сатуды қолдады. 1,44%-ы қарсы шығып, 1,82%-ы қалыс қалған. Дауыс беруден кейін компанияның 2024 жылдың 19 ақпанында жарияланған ресейлік бизнесті сату туралы бастамасы мақұлданған болып есептеледі. Компания жақын арада келісімді толық аяқтауды жоспарлаған.

Polymetal International ресейлік активтерін сатуы

Ақпаратқа сүйенсек, компанияның ресейлік активтерінің («Полиметалл» АҚ) 100%-ын...

«BEEF EXPORT GROUP» ЖШС ет өңдеу кәсіпорны директорының басшылығымен ұйымдасқан топқа қатысты қылмыстық іс бойынша сотқа дейінгі тергеу аяқталды. Бұл туралы Қаржылық мониторинг агенттігінің Қостанай облысы бойынша департаменті хабарлады.

Аталған адамдар тобы ұзақ уақыт бойы «ҚР агроөнеркәсіптік кешенін дамыту» ұлттық жобасын іске асыру шеңберінде мемлекет субсидия ретінде бөлген бюджет қаражатын ұрлаумен айналысқан.

«Мемлекетке 3 млрд теңгеден астам шығын келтірген. Сотқа дейінгі тергеу барысында күдіктілермен 107 млн теңге өтеліп, 3,1 млрд теңге мүлкіне тыйым салынды», – деп жазылған хабарламада.

Қылмыстық схемаға 49 адам тартылған. Олардың 13-і ұйымдасқан топтың мүшелері. Оларға субсидияларды жымқыру, салық төлеуден жалтару, заңсыз кәсіпкерлік қызмет...

Осы жылдың қаңтар айының соңына қарай банк секторы активтерінің, оның ішінде банктердің несиелер портфелі мен депозиттері қысқарған. Бұл жайлы Halyk finance есебінде жазылған.

Жалпы, несие берудің теріс динамикасына корпоративтік несиелеу көлемінің төмендеуі әсер еткен. Бірақ соған қарамастан, бөлшек сектор 2023 жылға қарағанда баяу қарқынмен болса да өсуді жалғастырған.

Halyk finance есебіне сенсек, банктердің несиелік портфельдерінің сапасы нашарлаған. Атап айтқанда мерзімі 30 күннен асатын және NPL90+ мерзімі өткен кредиттердің үлесі артып, көлемі де өскен. Осы тұста жұмыс істемейтін кредиттердің қамтылу деңгейінің төмендегенін атап өту керек.

2023 жылдың соңындағы маусымдық қарқынды өсімнен кейін қаңтарда жеке және заңды тұлғалардың депозиттік...

Оңтүстік астанада 4 наурызда қайталанған жер сілкінісінен кейін алматылықтар арасында жер үй мен төменгі қабатта орналасқан пәтерлерге сұраныс артқан. Krisha.kz сайтының сарапшылары Алматыдағы жер сілкінісі тұрғын үй нарығына қаншалықты әсер еткенін саралап көрді.

Алматылықтар Астанаға көше ме?

Сарапшылар мәліметінше әзірге Алматыда пәтер сату туралы жаңа хабарландырулар саны айтарлықтай өспеген. Статистикалық көрсеткіш бұрынғы деңгейде тұр. Бас қала Астанаға қоныс аударуға ниет білдіргендердің де саны өспеген.

«Үй нарығындағы бірден-бір маңызды өзгеріс – күнделікті жалға берілетін үйлерге сұраныстың артуы. Осы санаттағы хабарландырулар мен қоңырауларды қарау саны тәулігіне 3 есе өсті. Соңғы жер сілкінісінен кейін алматылықтар зілзалаға төтеп беретін...

Алматы қаласының Бостандық ауданындағы 7,5 км инженерлік желілерді жаңартуға 2024 жылы бюджеттен 7 млрд теңге бөлінген. Бұл туралы аудан тұрғындарымен кездесуде қала әкімі Ерболат Досаев айтты.

Жоспарланған 7,5 км инженерлік желілердің ішінде 500 метр кәріз желілері, 5,3 км жылу желілері, 1,7 км орташа қысымды жер асты газ құбыры бар.

«2024 жылы жергілікті бюджет есебінен Ремизовка және Ерменсай шағын ауданында 16 км электр желілерін қайта жаңарту жоспарланған. «АЖК» АҚ инвестициялық жобасы аясында 50 км электр қуатының, 13 трансформатор подстанциясы мен 3 тарату пунктін жаңғырту жоспарланып отыр. Қосымша 91 км әуе электр желісі мен 105 трансформатор подстанциясы...

Оңтүстік кореялық үй маңындағы дүкендер желісі Қазақстан нарығына енді. Сол елдің ірі операторы BGF Retail-мен осылайша Орта Азия нарығына жол салмақ. Корейлік CU брендінің елімізге келуіне Қазақстандық «Шин-Лайн» компаниясы ықпал еткен.  «Үй маңындағы» алғашқы дүкен Алматы қаласында ашылды.

Компания өкілдерінің айтуынша, жоба аясында 2030 жылға дейін экономикаға 50 млрд теңге инвестиция салынып, осы жылы 600 жаңа жұмыс орны ашылады. Алдағы уақытта 500 жуық CU «үй маңындағы дүкенін» ашу жоспарланған.

«Шин-Лайн» компаниялар тобының директоры Андрей Шин дүкенде ұсынылған тауарлардың үштен бір бөлігі Кореядан тікелей тасымалданса, үштен бір бөлігі отандық өндірістен сатылып алынатынын айтты. Ал қалған бөлігі «Шин-Лайн» компаниясының Алматы облысындағы өндіріс орындарында өндірілетінін...

Жақын арада америкалық индекстер төмендегеннен кейін, жасыл аймаққа қайта оралды. NYCB банкінің өзекті мәселесі. Осы және басқа да тақырыптар әлемдік БАҚ шолуында.

АҚШ та тағы бір аймақтық банк құлдырау алдында тұр

The Wall Street Journal ақпаратына сәйкес, New York Community Bancorp (NYCB) қаржылық тұрақтылықты нығайту үшін сыртқы инвесторлардан  1 млрд  доллар көлемінде қаржы іздестіріп жатқанын хабарлады. Осыдан кейін мекеменің акциялары 42% – ға құлдырап, сауда-саттық тоқтатылды.

CNBC жазғандай, компанияның кейінірек жарияланған пресс-релизіне сәйкес, NYCB бірнеше инвестициялық компаниялармен, соның ішінде Liberty Strategic Capital, Hudson Bay Capital және Reverence Capital Partners-пен келісім жасады. Келісім аясында  инвесторларға аймақтық банктегі үлестер...

2025 жылға қарай 5G байланыс стандартын тиімді етіп енгізу үшін Қазақстан – инфрақұрылымға инвестиция салып, нарық ережелеріне сай қызмет көрсетуге дайын отырған жаңа байланыс стандартының барлық операторына нарыққа кіруге бірдей жағдай жасауға тиіс.

Назарсыз қалған ақпарат

Ұзақ жылдар бойы Қазақстанның телекоммуникация нарығы рентабельділік деңгейі бойынша озық саланың бірі деп танылды. Соған қарамастан, жаңа технологияларды енгізу барысында бұл сала жылдам қарқынымен ерекшелене алған жоқ. 2024 жылдың ақпан айының басында белгілі болғандай, елімізде 5G мобильді байланыс стандартын кең ауқымда енгізу үрдісі кейінге қалдырылды. Ал бұл ақпарат көпшіліктің назарына аса іліге қойған жоқ.

2023 жылдың қазан айында президент Қасым-Жомарт Тоқаев ел ішін...

Ішкі істер министрлігі халықты құжаттандыру және тіркеу мәселелері бойынша мемлекеттік қызметтерді көрсету қағидаларына толықтырулар енгізді.

Министрліктің 2024 жылғы 29 ақпандағы бұйрығымен «ҚР-да тұрақты тұратын шетелдіктерді, азаматтығы жоқ адамдарды тұрғылықты жері бойынша тұрақты және уақытша тіркеу», сондай-ақ босқындар мәртебесін алғандарға мемлекеттік қызметтерді көрсету қағидалары жаңартылды.

Бекітілген мемлекеттік қызметтерді көрсету қағидалар келесідей:

«Көкжиде» құмында орналасқан мұнай компаниялары мен экологтар арасындағы дау мұнай компанияларының пайдасына шешілді. Компаниялардың үстінен Ақтөбе облысы бойынша экология департаменті мен прокуратура Көкжиде су қорын ластағаны үшін шағым түсірген.

Алайда аппеляциялық сот экологтардың «СНПС-Ақтөбемұнайгаз» АҚ, «ҚМК Мұнай» АҚ, «Ада Ойл» ЖШС және «Қазақойл Ақтөбе» ЖШС-не қатысты шағымдарын қанағаттандырмады.

2023 жылғы 1 маусымда Бас прокуратура Экология департаментіне «СНПС-Ақтөбемұнайгаз» АҚ, «ҚМК Мұнай» АҚ, «Фирма «Ада Ойл» ЖШС және «Қазақойл Ақтөбе» ЖШС жұмыстарының экологиялық заңнамаға сәйкестігін анықтау мақсатында ұңғымалардағы суды тексеруді тапсырған. Зерттеу барысында ластану анықталған.

Экологтар мұнай өнімдерімен Көкжиде кен орнының контурындағы жер асты суларының сапасын, топырақтар мен...

Tesla-ға оптимистік көзқараспен танымал болған Morgan Stanley талдаушысы Адам Джонас компанияның табыс болжамы мен құнды қағаздардың мақсатты бағасын төмендетіп отыр. Негізгі себеп– электромобильдерге деген сұраныстың төмендеуі. Сарапшының айтуынша, Tesla Қытайдағы негізгі нарықта бәсекелестікке төтеп бере алмайды. Сондай-ақ сұраныс пен сатуды ынталандыру үшін бағаны төмендетуді жалғастырады.

Толығырақ

Джонас сәрсенбі күні Tesla бағалы қағаздардың мақсатты бағасын  345 доллардан-320 доллларға дейін, ал акцияға шаққандағы пайда болжамын 0,99 доллардан- 1,54 долларға  дейін төмендетті. Осылайша, ол Оverweight рейтингін сақтап қалды.

Көрсеткіштің төмендеуін сарапшы сұраныстың азаюымен түсіндірді. «Бағаның төмендеуіне қарамастан, электромобильдерге сұраныс бәсеңдеуде», — дейді Джонас. АҚШ-та (Калифорниядан тыс) және Қытайда сұраныстың төмендеуіне байланысты...

2023 жылдың статистикасына сәйкес 0-17 жас аралығындағы балалардың үлесі халықтың жалпы санының 34,1 пайызын құраған. Бұл деректер Экономикалық зерттеулер институтының сарапшысы Шынар Төлешованың мақаласында келтірілген.

Сарапшы мәліметінше, 2005 жылдан бастап Қазақстанда туу деңгейі көтеріліп келеді. Бұл жағдай халықтың жас құрылымындағы балалар үлесінің артуына ықпал еткен.

«2023 жылдың басындағы жағдай бойынша 0-17 жас аралығындағы балалардың үлесі халықтың жалпы санынан 34,1%-ды, яғни 6 738 016 адамды құрады», – дейді сарапшы.

Ал еліміз бойынша туу деңгейі жоғары өңірлерде, сәйкесінше балалардың салыстырмалы түрде үлесі де артқан. Мәселен, Түркістанда – 43,3%, Маңғыстау облысында – 41,8%, Шымкент...

Қырғызстан министрлер кабинетінің басшысы Ақылбек Жапаров қызметтік іс-сапарға бизнес-класпен ұшуға құқылы лауазымды тұлғалардың тізімін бекітті.

AKИpress басылымының ақпаратына сәйкес, Ақылбек Жапаров 2024 жылы 22 ақпандағы №66-өкіміне қол қойды. Шешім Қырғызстан мемлекеттік бюджетінен қаржыландырылатын мемлекеттік органдарға бөлінетін бюджет қаражатын ретке келтіру және ұтымды пайдалану үшін қабылданған. 

Тізімге сәйкес, енді бизнес-класпен іс-сапарға ұшуға құқылы:

Министрлер кабинетінің ұсыныстары

Айта кетейік, осыған дейін Қырғызстан министрлер кабинетінің басшысы Ақылбек Жапаров мәдениет министрлігінің алқа отырысында той...

Ақмола облысының табиғат қорғау прокуратурасы тексеру жүргізгеннен кейін 420 гектардан астам орманды сақтап қалды.

Ведомство ақпаратына сүйенсек, прокурорлар орман шаруашылықтары мен ұлттық парктердің орманды кесу көлемін негізсіз асыра көп есептеу фактілерін анықтады.

«Анықталған заң бұзушылықтарды жою үшін Ақмола облыстық орман шаруашылығы және жануарлар дүниесі аумақтық инспекциясының атына прокурорлық қадағалау актісі енгізілді», -делінген хабарламада.

Тексеру жұмыстары нәтижесінде 16 орман шаруашылығы мен ұлттық парктер кесуге тырысқан 108,9 мың текше метр орманның 46% немесе 50 мың текше метрден астамы кесілмейтін болды. Жалпы алғанда прокурорлар 420 гектардан астам орманды сақтап қалды.

Өңірлік орман шаруашылығы инспекция бөлімінің жауапты басшысы қатаң тәртіптік жауапкершілікке тартылды.

Орман шаруашылығы комитетіне бөлінген қаржы

2023 жылды...

Қазақстан Қырғызстанға 2023 жылғы қыркүйектен бастап 2024 жылғы сәуірге дейін 1500 млн кВт/сағ дейін электр энергиясын жеткізуге тиіс. Бұл Қазақстан мен Қырғызстанның су шаруашылығы және энергетика ведомстволары басшыларының су-энергетикалық ынтымақтастық мәселелері жөніндегі уағдаластыққа сай жүзеге асырылады.

Оған сәйкес «ЖЭК бойынша РФО» ЖШС (электр энергиясын бірыңғай сатып алушы) мен «электр станциялары» ААҚ арасында Қазақстанның бірыңғай электр энергетикалық жүйесіндегі электр энергиясының артық сағаттарында ғана экспорттық электр энергиясының жоспарлы көлемін сатуға шарт жасалды, – делінген Энергетика министрлігі таратқан хабарламада.

Министрліктің мәліметінше, электр энергиясын жеткізу оңтүстік өңірдегі суармалы судың қажет көлемімен одан әрі қамтамасыз ету мақсатында Тоқтоғұл...